Thursday, August 29, 2013

باڵوێزخانەی ئەمریكا هەزار زەمالەی خوێندنی باڵا بۆ قوتابیانی عێراق دابین دەكات


لەچوارچێوەی ڕیكەوتنی ستراتژی نێوان عێراق و ئەمریكا ،باڵوێزخانەی ئەمریكا هەزار زەمالەی خوێندنی باڵا بۆ قوتابیانی عێراق دابین دەكات لە ئەمریكا.

لەبەیاننامەیەكدا باڵویزخانەی ئەمریكا ڕایدەگەیەنیت :بۆخوێندنی ئەمساڵ زانكۆكانی ئەمریكا هەلیان بۆ هەزار قوتابی عێراقی ڕەخساندوە تاوەكو لە خوێندنی باڵادا بخوێنن .


بەیاننامەكە ئاماژەی بەوەشداوە"بۆئەم مەبەستەش شارەزایانی زانكۆی ستانفۆردی ویلایەتە یەكگرتوەكانی ئەمریكا هەڵدەستێت بە ڕیكخستی كاروبارەكانی ئەو قوتابیانە بەهاوكاری لیژنەی بەرەپیدانی خوێندنی باڵا لەئەنجومەنی وەزیرانی عێراق "


باڵوێزخانەی ئەمریكا ڕاشیگەیاندوە :ئامانج لەم هەنگاوەش بۆ زیاترجێگیركردنی پەیوەندیەكانی ئەمریكایە لە گەڵ عێراقدا و رەخساندنی هەلی خوێندنە بۆ قوتابیانی عێراق بۆئەوەی پلەی باڵا بە دەست بهێنن.


Tuesday, August 27, 2013

هۆڵه‌ندا هه‌لی خوێندن بۆ خوێندكارانی كورد له‌بواری كشتوكاڵ ده‌سته‌به‌ر ده‌كات



هۆڵه‌ندا ئاماده‌یه‌ هاوكاریی كه‌رتی كشتوكاڵ و ئاودێریی هه‌رێمی كوردستان بكات له‌ڕێی وه‌رگرتنی خوێندكارانی كورد بۆ خوێندن له‌بواری گه‌شه‌پێدانی كشتوكاڵ له‌ هۆڵه‌ندا. 

جانێت سیبن باڵیۆزی هۆڵه‌ندا له‌ عیراق ئاماده‌یی وڵاته‌كه‌ی پیشاندا بۆ هاریكاریی كه‌رتی كشتوكاڵ و ئاودێریی هه‌رێمی كوردستان له‌رێی ده‌ستخستنی هه‌لی خوێندن بۆ خوێندكارانی كورد له‌هۆڵه‌ندا. 

جانێت سیبن، له‌میانی كۆبوونه‌وه‌یه‌كی له‌گه‌ڵ، سیروان بابان، وه‌زیری كشتوكاڵ و سه‌رچاوه‌ ئاوییه‌كانی هه‌رێم ئاشكرایكرد، حكومه‌تی هۆڵه‌ندا له‌هه‌وڵی ئه‌وه‌دایه‌ كۆمپانیاو وه‌به‌رهێنه‌ هۆڵه‌ندییه‌كانی بواری كشتوكاڵ هانبدات بۆ ئه‌وه‌ی به‌شداریی له‌پێشانگای نێوده‌وڵه‌تی هه‌ولێر بكه‌ن له‌بورای كشتوكاڵ كه‌بڕیاره‌ مانگی یانزه‌ی ئه‌مساڵ بكرێته‌وه‌. 

هه‌ر له‌كۆبوونه‌وه‌كه‌دا باڵیۆزه‌كه‌ی هۆڵه‌ندا، ئاماده‌یی وڵاته‌كه‌ی ده‌ربڕی بۆ هاریكاریی كردنی كه‌رتی كشتوكاڵی هه‌رێم له‌هه‌موو روییه‌كه‌وه‌، وه‌زیری كشتوكاڵ و سه‌رچاوه‌ ئاوییه‌كانی هه‌رێم –یش هه‌نگاوه‌كه‌ی حكومه‌تی هۆڵه‌ندای به‌رز نرخاند و ئومێدی خواست ئه‌زموون و شاره‌زایی هۆڵه‌ندا له‌هه‌رێمی كوردستان ره‌نگ بداته‌وه‌ و به‌و هۆیه‌وه‌ به‌رهه‌مه‌كانی شیر و له‌قوتونانی گۆشتی سوور به‌پێی پێودانگه‌ نێو ده‌وڵه‌تیه‌كان بخرێته‌ بواری جێبه‌جێ كردنه‌وه‌ له‌پاڵ بوژاندنه‌وه‌ی كه‌رتی كشتوكاڵ له‌هه‌رێمی كوردستان. 
خه‌ندان – 

Sunday, August 25, 2013

ئاگاداریه‌ك بۆ ده‌رچوانی 12ی ئاماده‌یی

سكۆڵی په‌روه‌رده‌ی وه‌رزشی زانكۆی كۆیه‌ ده‌رچوانی قۆناغی 12ی ئاماده‌یی به‌شی زانستی و وێژه‌یی ئاگادار ده‌كاته‌وه‌ كه‌ هه‌ڵده‌ستێت به‌ دابه‌شكردنی فۆڕمی وه‌رگرتنی خوێندكاران و هه‌ر خوێندكارێك ئاره‌زوو ده‌كات با سه‌ردانی سكوڵه‌كه‌یان بكات بۆ وه‌رگرتنی فۆڕم، به‌مه‌رجێك نمره‌كانی له‌ 60 كه‌متر نه‌بێت.

له‌ئاگادارییه‌كدا كه‌ وێنه‌یه‌كی بۆ (خه‌ندان) نێردراوه‌، تیایدا سكوڵی په‌روه‌رده‌ی وه‌رزشی زانكۆی كۆیه‌ به‌م جۆره‌ داوا له‌ خوێندكاران ده‌كات: "سكوڵی په‌روه‌رده‌ی وه‌رزش زانكۆی كۆیه‌، ئاگاداری ده‌رچوانی قۆناغی 12 ی ئاماده‌یی (وێژه‌یی-زانستی) ده‌كات كه‌ هه‌ڵده‌ستێت به‌ دابه‌شكردنی فۆرمی وه‌رگرتنی خوێندكاران له‌سكوڵه‌كه‌مان له‌ڕێكه‌وتی‌ 25/8/2013 تاوه‌كو 5/9/2013 به‌و مه‌رجه‌ی كه‌ تێكڕای نمره‌ی ده‌رچووی له‌ 60% كه‌متر نه‌بێت".

ئه‌وه‌ش ده‌خاته‌ڕوو:" هه‌ر خوێندكارێك خوازیاره‌ ئه‌و فۆرمه‌ به‌ده‌ست بهێنێت پێویسته‌ ئه‌م پێداویستیانه‌ له‌گه‌ڵ خۆی بهێنێت: به‌ڵگه‌نامه‌ی ده‌رچوون، ناسنامه‌ی باری شاریستانی، وێنه‌ی كه‌سێتی".
خه‌ندان ـ 

Friday, August 23, 2013

خوێندكاره‌ یه‌كه‌مه‌كانی زانكۆ نیگه‌رانن


دواكه‌وتن و ئه‌نجامنه‌دانی رێزلێنانی ساڵانه‌، بووه‌ته‌مایه‌ی به‌شێك له‌ خوێندكاران و قوتابییه‌ یه‌كه‌مه‌كانی سه‌ر ئاستی به‌ش و كۆڵیژ و زانكۆكانی هه‌رێمی كوردستان.

له‌ به‌یاننامه‌یه‌كدا كه‌ وێنه‌یه‌كی به‌ خه‌ندان گه‌یشتووه‌، ئه‌و قوتابی و خوێندكارانه‌ نایشارنه‌وه‌ كه‌ ئه‌مساڵ چاوه‌ڕوانی ئه‌وه‌ بوون حكومه‌ت و لایه‌نه‌ په‌یوه‌ندیداره‌كان رێزلێنانی شایسته‌تریان لێ بنێن، به‌ڵام به‌پێی به‌یاننامه‌كه‌ تائێستا هیچكام له‌و لایه‌نانه‌ له‌ ئاستی ئه‌و چاوه‌ڕوانییه‌دا نه‌بوون.

ده‌قی به‌یاننامه‌كه‌:

"بەناوی خوای گەورە و میهرەبان

بۆ سەرجەم لایەنە پەیوەندیدارەكان

ئێمە وەك بەشێك لە قوتابی و خوێندكارە یەكەمەكانی سەر ئاستی بەش و كۆلیژ و زانكۆكانی هەرێمی كوردستان نیگەرانی خۆمان دەردەبڕین بەرامبەر بە دواكەتن و ئەنجام نەدانی ئەو ڕێزلێنانەی كە ساڵانە بۆ قوتابی و خوێنكارە یەكەمەكانی سەر ئاستی بەش و كۆلیژ و سەر ئاستی زانكۆكان ڕێكدەخرێت.

بەڕێزان, لێتان ناشارینەوە كە ئێمە ئەمساڵ چاوەڕوانی ڕێزلێنانی شایەستە تر و گەورەتر بووین لە لایەن حكومەت و لایەنە پەیوەندیدارەكانی تر, وە هیواداربووین ئەو جیاوازییەی كە لە نێوان زانكۆكان هەستی پێ‌ دەكرا نەمێنێ, بەڵام بە داخەوە هیچ لایەنێك تا ئێستا لە ئاست چاوەڕوانیەكانمان نەبوون..

هیوادارین ئەنجام نەدانی ئەم مەراسیمی ڕێزلێنانە بە هۆی خەم ساردی و بێباكی لایەنە پەیوەندیدارەكان نەبێ‌ یەرامبەر بە كەسانێك كە خاوەن لوتكەی بەهرە و توانستن.."
خه‌ندان ـ

Wednesday, August 21, 2013

پێنج یه‌كه‌مه‌كانى سه‌ر هه‌ر به‌ڕێوه‌به‌رایه‌تییه‌كى په‌روه‌رده‌ ده‌نێردرێنه‌ ده‌ره‌وه‌ بۆ خوێندن


لیژنه‌ى په‌روه‌رده‌ى ئه‌نجومه‌نى نوێنه‌ران له‌سه‌ر پێشنیازى په‌رله‌مانتارێكى كورد، پێشنیاز ده‌كات بۆ هه‌ردوو وه‌زاره‌تى خوێندنى باڵا و په‌روه‌رده‌ بۆ ئه‌وه‌ى پێنج یه‌كه‌مه‌كانى سه‌ر هه‌ر به‌ڕێوه‌به‌رایه‌تییه‌كى گشتى په‌روه‌رده‌ له‌ عیراق، ره‌وانه‌ى ده‌ره‌وه‌ بكرێن به‌مه‌به‌ستى درێژه‌دان به‌خوێندن، راشیده‌گه‌یه‌نێت، كه‌ هه‌رسێ پارێزگاكه‌ى هه‌رێم‌و ئیداره‌ى گه‌رمیانیش ده‌گرێته‌وه‌‌و پێشبینیش ده‌كه‌ن به‌م نزیكانه‌ ره‌زامه‌ندى له‌سه‌ر داواكه‌یان ده‌رببڕدرێت.

بورهان محه‌ممه‌د فه‌ره‌ج، ئه‌ندامى لیژنه‌ى په‌روه‌رده‌ له‌ ئه‌نجومه‌نى نوێنه‌ران بۆ خه‌ندان رایگه‌یاند :"له‌ سه‌ر پێشنیازێكم، لیژنه‌كه‌مان نووسراوى كرد بۆ هه‌ردوو وه‌زاره‌تى خوێندنى باڵا و په‌روه‌رده‌ بۆ ئه‌وه‌ى پێنج یه‌كه‌مه‌كانى سه‌ر هه‌ر به‌ڕێوه‌به‌رایه‌تییه‌كى گشتى په‌روه‌رده‌ بنێردرێنه‌وه‌ ده‌ره‌وه‌ به‌ مه‌به‌ستى درێژه‌دان به‌ خوێندن".

ئه‌و په‌رله‌مانتاره‌ كورده‌ى لیژنه‌ى په‌روه‌رده‌، روونشیكرده‌وه‌، كه‌ پێشنیازه‌كه‌یان به‌شێوه‌یه‌كه‌ كه‌ پێنج یه‌كه‌مه‌كه‌ى پۆلی شه‌شه‌می ئاماده‌یی كه‌ ده‌كاته‌ به‌رامبه‌ر پۆلی (12) له‌ هه‌رێمى كوردستان، له‌سه‌ر ئاستى هه‌ر به‌ڕێوه‌به‌رایه‌تییه‌كى گشتى بنێردرێنه‌وه‌ ده‌ره‌وه‌، وتیشی :"داواكارییه‌كه‌ هه‌رسێ پارێزگاكه‌ى هه‌رێم‌و به‌ڕێوه‌به‌رایه‌تى گشتى گه‌رمیانیش ده‌گرێته‌وه‌، پێشبینیش ده‌كه‌ین به‌م نزیكانه‌ هه‌ردوو وه‌زاره‌ته‌كه‌ داواكه‌ قبوڵ بكه‌ن‌و ئه‌و خوێندكارانه‌ ره‌وانه‌ى ده‌ره‌وه‌ بكرێن به‌مه‌به‌ستى درێژه‌دان به‌ خوێندن".

بورهان محه‌ممه‌د فه‌ره‌ج، ئه‌وه‌شی خسته‌ڕوو، كه‌ هه‌فته‌ى داهاتووش سه‌رجه‌م یه‌كه‌مه‌كانى سه‌ر هه‌رێمى كوردستان خه‌ڵات ده‌كرێن، وتیشی :" ژماره‌ى ئه‌و خوێندكارانه‌ى دیاریكراون بۆ ئه‌وه‌ى خه‌ڵات بكرێن، بریتین له‌ (27) خوێندكار له‌ هه‌رسێ پارێزگاكه‌ى هه‌رێم‌و ئیداره‌ى گه‌رمیان‌و خوێندنى كوردى كه‌ركوك".

ئاماژه‌ى به‌وه‌شدا، كه‌ خه‌ڵاته‌كه‌ مادییه‌‌و بڕى دوو ملیۆن دینار ده‌درێت به‌هه‌ر خوێندكارێك.
خه‌ندان- سۆران كه‌ریم

لە هەولێر ڤیزای ئەڵمانیا دەدرێت


كونسوڵی ئەڵمانیا لە هەولێر رایدەگەیەنێت، لەماوەیەكی نزیكدا لە هەولێر ڤیزای ئەڵمانیا بە هاونیشتیمانیانی هەرێمی كوردستان دەدرێت.
ئەمڕۆ چوارشەممە 21-8-2013، ئەلفرێد سیمس، كونسوڵی گشتی ئەڵمانیا لە هەولێر لەگەڵ بەهرۆز محەمەد ساڵح، پارێزگاری سلێمانی كۆبووەوە، لە كۆبوونەوەكەدا پارێزگاری سلێمانی داوای لە باڵیۆزخانەی ئەڵمانیا كرد هانی كۆمپانیا ئەڵمانییەكان بدات بۆ بنیاتنانی پڕۆژەی پیشەسازی لە شارە پیشەسازییەكان و دووپاتیكردەوە هەلومەرجێكی گونجاو هەیە بۆ سەرمایە گوزاری لەهەرێمی كوردستاندا.
لە تەوەرێكی دیكەی كۆبوونەوەكەدا گفتوگۆكرا لەبارەی ئاستەنگەكانی پێدانی ڤیزای ئەڵمانیاو پارێزگاری سلێمانی رایگەیاند ژمارەیەكی زۆری هاووڵاتی هەرێمی كوردستان گەشت بۆ ئەڵمانیا دەكەن بە تایبەت بۆ چارەسەركردنی هەندێك نەخۆشی و داوایكرد لەرووی پێدانی ڤیزاوە كارئاسانی بۆ هاووڵاتیان بكرێت.
لەبەرامبەردا كونسوڵی ئەڵمانیا لە هەولێر رایگەیاند، ئێستا سەرقاڵی زیادكردنی ستافەكەیانن و لە ماوەیەكی نزیكدا لە كونسوڵخانەی ئەڵمانیا لە هەولێر مامەڵەی ڤیزای هاووڵاتیان رایی دەكەن.
رووداو- سلێمانی

Tuesday, August 20, 2013

بەلەمێکى پەناخوازان بەرەو ئوسترالیا نوقم بوو


تایبەت بە کۆچى کوردان و کۆچ بۆ ئوسترالیا

ئەمڕۆ سێ شەممە بەلەمێکى پەناخوازان بەرەو ئوسترالیا لە نزیک دوورگەى کریسمس نوقم بوو. 106 پەناخواز ڕزگاریان بوو لە نقومبونى بەلەمەکە. پێنج سەرنشینى بەلەمەکە هێشتا چارەنووسیان دیار نیە و گومان دەکریت گیانیان لەدەستدابێت.
زۆرترین ئێرانى بەشێوەى قاچاخ بەرەو ئوسترالیا کۆچ دەکەن. ڕۆژنامەى ئەوسترالیان ڕایگەیاندووە کە ئێران سەرچاوەى زۆرترین کۆچى نایاساییە بەرەو ئوسترالیا. باڵیۆزى ئوسترالیا لەتاران ڕایگەیاند لەسەرەتاى ئەمساڵەوە تاوەکو ئێستا 6500 پەناخوازى ئێرانى بەبێ ڤیزا و بەبەلەم گەیشتوونەتە ئوسترالیا. 
ساڵى ڕابردوو 17202 پەناخواز گەیشتوونە ئوسرالیا. ئەمساڵ تاوەکو ئێستا 15000 پەناخواز گەیشتوونەتە ئوسترالیا لەڕێگەى دەریاوە.

Monday, August 19, 2013

ئەمریکیە کوردەکە !!!


هێمن مام ڕەش/ پێنسیلڤانیا، ئەمریکا


کریسچیەن دیگرێگۆریۆ بەرێوەبەری وەرگرتن لە زانکۆی (Marywood) لە ویلایەتی پەنسیلڤانیا دوای دوو سەردانی بۆ کوردستان و بینینی ئەو هەموو ڕێز و خۆشەویستیەی کە هاوڵاتیانی کورد نیشانیان داوە دەبێتە دۆستێکی باش و لە ئێستادا سەرۆکایەتی زانکۆکەی هێناوەتە ئەو باوەرەی کە چەندین ئاسانکاری بۆ خوێندکارانی کورد بکەن.
‌ئەو دەڵێت: "پێشتر تەنها چەند زانیاریەکی کەمم لەسەر هەرێمی کوردستان و خەلکەکەی هه بوو، بەڵام لە ئۆکتۆبەری ٢٠١١ لەواشنتۆن لەگەڵ پرۆفیسۆرێکی تر بەناوی (Alex) لەنووسینگەی حکومەتی هەرێم لەگەڵ كاك قوباد تاڵەبانی یەکترمان ناسی و زانیاری زۆرترمان لەسەر کوردستان وەرگرت، هاوکات چەندین کەسیتری پێناساندین، هەر ئەو کات دەرفەتی سەردانێکی کوردستانی بۆ ڕێکخستین تا لە نزیکەوە بتوانین ئاشنای کەلتووری کورد بین و ببێتە هەلێکی باشیش بۆ خستنە ڕووی کۆلیژ و بەرنامە و خزمەتگوزاریەکانی زانکۆی Maraywood بەڕووی خوێندکارانی کورد".

ئەو دۆستەی کورد لە ماوەی ساڵێکدا بۆ بەشداریکردن لە پێشانگا پەروەردەییەکانی وەزارەتی خوێندنی باڵا دوو جار سەردانی کوردستانی کردووە، کرێسچیەن دەڵێت:
"لەیەکەم سەردانماندا دوای ئەوەی لە فرۆکەخانە بەرەو شوێنی حەوانەوەمان بەرێکەوتین لەپەنجەرەی ئۆتۆمبێلەوە دیمەنی ئەو هەموو پڕۆژە بیناسازی و ئاوەدانیەی کە لە جێبەجێکردندابوون سەرنجیان ڕاکێشام ، تێگەیشتم کە کورد لەهەوڵی پێشکەوتنێکی خێرایە و نایەوێت لەگەڵ میللەتاندا بە دوا بکەوێت" لەوەسفی هوڵاتیانی کوردیش کرێسچیەن ووتی: " لەزۆر شوێنی ئەمریکا گەراوم، زۆر ووڵات و گەلانم لە جیهان بینیووە، بەڵام ئەو گیانی هاورێیەتی و هاوکاری و دۆستایەتیەی کە من لە ماوەی مانەوەم لە کوردستان لە هاوڵاتی کوردم بینی هاوتای زۆرکەمە "
کرێسچیەن بە شێوەیەک سەرسامە بە کوردستان و کەلتوور و خەڵکەکەی کە هەمیشە باسی دەکات، بۆیە لە پرۆگرامی دایە دوای ئەوەى مناڵە ساواکانیان تۆزێک گەورەتربن ئەو کات بەگەشتێکی خێزانی بێتە کوردستان و شار و ناوچە جیاوازەکان زۆرتر ببینن.
‌‌دوای گەرانەوەی بۆ ئەمریکا کرێسچیەن هەوڵدەدات توانا و پێگەکەی خۆی بۆ یارمەتیدان و هاوکاریکردنی کورد بەگشتی و خوێندکارانی کورد بەتایبەتی بخاتە گەڕ، بە حوکمی ئەوەی کە بەڕێوەبەری وەرگرتنە لە زانکۆی مێری وود، سەرۆکایەتی زانکۆی هێناوەتە ئەو قەناعەتەی کە چەندین ئاسانکاری بۆخوێندکارانی کورد دەستەبەر بکات وەک: لێبوردن لە پارەی فۆڕمی پێشکەشکردن و داشکاندنی ڕێژەی ١٠٪ی پارەی کۆرسەکانی زمان و ٢٠٪ ی پارەی کۆرسەکانی ئەکادێمی و قبوڵکردنی خوێندکاران کە دەتوانن سەرەتالە دوورەوە بڕوانامە و بەڵگەنامەکانیان بنێرن پشان کە وەرگیران ئینجا نوسخەی ئەسڵی لەگەڵ خۆیان بێنن، هەروەها لابردنی مەرجی تاقیکردنەوەکانی GRE و GMAT لە ١١ پرۆگرامی خوێندن.
لە ئێستادا ٦ خوێندکاری کورد بۆ بەدەستهێنانی بڕوانامەی ماستەر لە بوارەکانی (پزیشکی، کارگێڕی، ڕاگەیاندن، ئەندازیاری، هونەر) لەو زانکۆیە دەخوێنن، بەدەیان خوێندکاری تریش داوایان پێشکەش کردووە لە ئایندەیەکی نزیکدا دەست بە خوێندن دەکەن.
‌بێوار معروف یەکەم خوێندکاری کوردە کە لەم زانکۆیە وەرگیرابێت خەریکی خوێندنی ماستەرە لە سەر کارگێری تەندروستی، بەدەر لە پڕۆگرامی تواناسازی لەسەر ئەرک و خەرجی خۆی دەخوێنێت، ئەو دەڵێت: "لەرێگەی (کرێسچیەن)ەوە وەرگیرام، ئاسانکاریەکی زۆری بۆ کردم، وا پێدەچێت خەڵکی تریشی ڕاسپاردبێت کە پێویستە هاوکاری خوێندکارەکوردەکان بکەن، چونکە زۆر جار لە زانکۆ لەهەر یەکێک لە ئۆفیسەکان کارم هەبوبێت کە دەیانزانی کوردم ڕێزی زیاتریان دەگرتم و ئاسانکاری زیاتریان بۆ دەکردم، من دڵنیام بەشێکی زۆری کاریگەری قسەکانی (کرێسچیەن)ە لە لای هاورێ و هاوکارەکانی بە باشی لەسەر کورد کردویەتی"
لەباسی ئایندەی گەلی کورددا کرێسچیەن بە بەراوردکردن لەگەل ووڵاتی چیک کە لە کۆتایی هەشتاکاندا لێی ژیاوە دەڵێت: "خیرایی ئاوەدانی و پێشکەوتن لە کوردستان زۆر زیاتر هەستی پێدەکرێت وەک لەوەی دوای ڕووخانی یەکێتی سۆڤیەت چیک هەوڵی بۆ دەدا، بۆیە لام ڕوونە هەرێمی کوردستان ئایندەیەکی گەشتری دەبێت، هواداریشم کە ئەو پرۆسەیە بەردەوام بێت و کوردستانیش بگاتە ئامانجی خۆی"
کارۆخ کەریم کە خوێندکاری پرۆگرامی تواناسازیە و ماوەی چەند مانگێکە لەزانکۆی Marywood کۆرسی زمان دەخوێنێت بەنیازی بەدەستهێنانی بروانامەی ماستەرە لە کارگێڕی گشتی، لە باسی ئەو دۆستەی کورددا دەڵێت: " کرێسچیەن یەکێکە لە دۆستە هەرە بەوەفاکانی کورد، بەدەر لە کاروباری خوێندنیش بۆ هەرکارێکیتر و هەر شتێکیتر کە پێویستمان بە هاوکاری ئەو بووبێت بێگوێدانە کات و هەستکردن بە ماندووبوون بەتەنگمانەوەیە، هەندێکجار هەست دەکەم خۆی لە ئێمە بە کوردتر دەزانێت! "
‌کرێسچیەن هیواخوازە پەرە بە پەیوەندیەکانی بدات لەگەڵ کورد و لەئێستادا بەهاوکاری بەشی ئەکادیمی لە نوێنەرایەتی حکومەتی هەرێمی کوردستان خەریکی داڕشتنی نەخشەیەکە بۆ دروستکردنی پەیوەندی نێوان زانکۆیەکەیان و زانکۆکانی کوردستان، کە رەنگە سەرەتا بەکردنەوەی نووسینگەیەکی زانکۆکەیان لە هەرێمی کوردستان دەستپێبکەن بۆ ئاسانکاری زیاتری وەرگرتنی خوێندکاران.
‌ئەگەرچی بەشێک لە کارەکانی کرێسچیەن پەیوەندی بە ئەرکەکانی خۆیەوە هەیە بەڵام وەفاداری و دڵسۆزی ئەو دۆستەی گەلەکەمان بۆ کوردستان و خوێندکارانی کورد لە دەرەوەی ئەرکەکانی خۆی مایەی ڕێز لێگرتنە.

ده‌ستپێكردنی تاقیكردنه‌وه‌ی TOEFL iBT له سه‌نته‌ری IDEL


سه‌نته‌ری IDEL خۆشحاڵه‌ به‌ راگه‌یاندنی ده‌ستپێكردنی تاقیكردنه‌وه‌ی TOEFL iBT بۆ هه‌موو ئه‌و به‌ڕێزانه‌ی كه‌ ده‌یانه‌وێت ئه‌و تاقیكردنه‌وه‌یه‌ ئه‌نجامبده‌ن، به‌پێی ئه‌م خشته‌یه‌ی خواره‌وه‌.

بۆ زانیاری زیاتر ده‌رباره‌ی ETS و تاقیكردنه‌وه‌ی TOEFL iBT ده‌توانن سه‌ردانی ئه‌م لینكانه‌ بكه‌نhttp://www.ets.org/toefl یان http://www.idelin.com/

ته‌له‌فون : 07703570303

ئیمه‌ل: info@idelin.com

Saturday, August 24, 2013
Sunday, August 25, 2013
Sunday, September 01, 2013
Sunday, September 08, 2013
Saturday, September 14, 2013
Saturday, September 28, 2013
Sunday, September 29, 2013
Saturday, October 12, 2013
Sunday, October 20, 2013
Sunday, October 27, 2013
Saturday, November 02, 2013
Saturday, November 09, 2013
Sunday, November 17, 2013
Saturday, November 23, 2013
Sunday, November 24, 2013
Sunday, December 01, 2013
Saturday, December 07, 2013
Sunday, December 15, 2013
Saturday, December 21, 2013
Saturday, December 28, 2013

Thursday, August 15, 2013

لە 10 ساڵدا 1000 پەناخواز لە ئاوەکانى ئوسترالیادا گیانیان لەدەستداوە


ئەمە یەکێکە لەو بەلەمانەى کە تەنها ڕووداوێکى کۆچى نایاسایى لەگەڵ قاچاخچیەکان پیشان دەدات
ساڵانە چەندان ڕووداوى لەوشێوەیە ڕوودەدات و خەڵکانێکى زۆر ژیانى خۆیان دەخەنە مەترسیەوە. بەشێوەیەکى نایاسایى ژیانى خۆیان و هاوسەرەکانیان دەخەنە مەترسیەوە لە کۆچێکى گرەنتى نەکراودا.. بەبۆچوونى ئێوە گۆڕانکارى لە یاساى کۆچى ئوسترالیادا گۆڕانکارى لەو بارودۆخە دەکات؟ پێتان وایە ڕاى خەڵکى لەسەر کۆچ بۆ ئوسترالیا لەڕێگەى نایاساییەوە بگۆڕێت؟ ئێوە و هاوڕێیانتان چەندە بەجیددى لەم بابەتە دەڕوانن؟ 

Tuesday, August 13, 2013

سه‌ردانیكردنی‌ هاوڵاتیانی‌ هه‌رێم بۆ ئێران زیادیكردوه‌


جیاواز له‌بۆنه‌و یاده‌كانی‌ پێشوو له‌م جه‌ژنه‌دا تاكو ئه‌مڕۆ ڕێژه‌یه‌كی‌ به‌رچاو له‌گه‌شتیار ڕوویان له‌كۆماری‌ ئیسلامی‌ ئێران كردووه‌.

نه‌قیب ( زرار عه‌زیز) به‌رپرسی‌ بنكه‌ی‌ پاسپۆرتی‌ مه‌رزی‌ حاجی‌ ئۆمه‌ران ڕایگه‌یاند، له‌سه‌رجه‌م بۆنه‌‌و یاده‌كانی‌ پێشوو ژماره‌ی‌ سه‌ردانیكه‌رانی‌ ئێران بۆ هه‌رێم كوردستان زۆرتربوو له‌ژماره‌ی‌ گه‌شتیارانی‌ هه‌رێمی‌ كوردستان بۆ ئێران 
نه‌قیب زرار ڕوونیشی‌ كرده‌وه‌، له‌ماوه‌ی‌ پشووی‌ جه‌ژنی‌ ڕه‌مه‌زان تاكو ئه‌مڕۆ زیاتر له‌پێنج هه‌زار هاوڵاتی‌ هه‌رێمی‌ كوردستان له‌ڕێگه‌ی‌ مه‌رزی‌ حاجی‌ ئۆمه‌رانه‌وه‌ ڕوویان له‌كۆماری‌ ئیسلامی‌ ئێران كردووه‌ له‌به‌رامبه‌ردا ته‌نیا دوو هه‌زار هاوڵاتی‌ ئێرانی‌ ڕوویان له‌هه‌رێمی‌ كوردستان كردوه‌، كه‌ ئه‌مه‌ش به‌ڕوونی‌ ده‌ری‌ ده‌خات كه‌ هاتنی‌ گه‌شتیاری‌ ئێرانی‌ له‌ڕێگه‌ی‌ مه‌رزی‌ حاجی‌ ئۆمه‌رانه‌وه‌ ئه‌م جه‌ژنه‌ كه‌می‌ كردوه‌. 

لای‌ خۆشیه‌وه‌ (هاوكار عه‌زیز) پسپۆری‌ بواری‌ ئابوری‌ به‌ NNA ڕاگه‌یاند، به‌هۆی‌ دابه‌زینی‌ به‌های‌ پاره‌ی‌ ئێرانی‌ له‌به‌رامبه‌ر پاره‌ی‌ عێراقی‌‌و ئه‌و دۆخه‌ ئابوریه‌ی‌ ڕوویكردووه‌ته‌ ئێران، كاریگه‌ری‌ ڕاسته‌وخۆی‌ ده‌بێت له‌سه‌ر كه‌مبونه‌وه‌ی‌ ژماره‌ی‌ گه‌شتیاران بۆهه‌رێمی‌ كوردستان. 

له‌ بۆنه‌و یاده‌كانی‌ پێشوتردا گه‌شتیارێكی‌ زۆر ڕوویان له‌هه‌رێمی‌ كوردستان ده‌كرد به‌لاَم ئه‌مساڵ ئه‌م ڕێژه‌یه‌ كه‌می‌ كردوه‌.
-----------------------------------------------------------------
زانا ڕواندزی‌ _ ڕانیه‌/

ئوسترالیا: 30% گەیشتنى بەلەمەکان دابەزینى بەخۆیەوە بینیووە


تایبەت بە کۆچى کوردان و کۆچ بۆ ئوسترالیا 

گەیشتنى بەلەمە ڕانەگەیەنراوەکان تاوەکو دێت زیاد دەکات. ساڵى ڕابردوو 17202 پەناخواز گەیشتوونە ئوسرالیا. ئەمساڵ تاوەکو ئێستا 15000 پەناخواز گەیشتوونەتە ئوسترالیا لەڕێگەى دەریاوە.  ئەمریکا 17 لە سەداى وەرگرتووە پەناخوازانى تۆمارکراوى جیهانى، لە ساڵى ڕابردوودا. ئوسترالیا 3 لە سەداى پەناخوازانى تۆمارکراوى جیهانى وەرگرتووە لە ساڵى ڕابردوودا. 

زۆربەى پەناخوازە ئوسترالیەکان لە عێراق و ئێران و سریلانکا و ئەفغانستانەوە دێن. ئەو پەناخوازە ئێرانیانەى گەیشتوونە ئوسترالیا و ڕەوانەى پاپوا نیوگینیا کراون، حەزدەکەن بگەڕێنەوە بۆ ئێران نەک ئەوەى لەو دوورگەیە بمێننەوە. 

بەڵام لەلایەکى ترەوە سەرۆک وەزیرانى ئوسترالى ڕایدەگەیەنێت: دواى پلانى پاپوا نیو گینیا 30% گەیشتنى بەلەمەکان دابەزینى بەخۆیەوە بینیووە. 

Tuesday, August 6, 2013

پەناخوازانى نایاسایى ناتوانن بە ئاسانى ڕەگەزنامەى ئوسترالى بەدەست بهێنن


تایبەت بە کۆچى کوردان و کۆچ بۆ ئوسترالیا

ئەو پەناخوازانەى کە لە پاپوا نیو گینیا و ناورو جێگیر دەکرێن ڕووبەڕووى مەرجى سەختى هاوڵاتى بوون و مافى ڕەگەزنامەى ئوسترالى دەبنەوە. لەهەندێ حاڵەتدا داوایان لێدەکرێت کە هاوسەرگیرى لەگەڵ خەڵکى ئوسترالیدا بکەن.
ئەو پەناخوازانەى کە وەکو پەنابەر دەستنیشان دەکرێت لە پاپوا نیو گینیا پێویست دەکات تایبەتمەندى تەواویان تێدا بێت کە مافى ڕەگەزنامەى ئوسترالیان پێبدرێت. ئەگینا ئوسترالیا ئامادە نابێت ئەو مافەیان پێ بدات.
سەرۆک وەزیرانى ئوسترالى: پەناخوازە قبووڵکراوەکان بە پەنابەر لە پاپوا نیو گینیا دەمێننەوە
بۆ بەڕێوەچوونى ئەو پڕۆسەیە، حکومەتى ئوسترالى بڕى 30 ملیۆن دۆلارى خەرج کردووە لە ڕیکلامى ڕۆژنامە و تەلەفزیۆن و ڕادیۆ لەبارەى پەناخوازانەوە. 
هەروەها حکومەتى ئوسترالى بەبڕى 787 ملیۆن دۆلار ڕێککەوتنى کرد لەگەڵ پاپوا نیو گینیا. 
لە دوورگەى کریسمسى ئوسترالیا چەندین پەناخواز لە بارودۆخێکى سەختدان. دەتوانرێت بگوترێت کە 2000 پەناخواز لەو دوورگەیە لە چەقبەستوویدان.
ئەمەو لەناوخۆى پاپوا نیو گینیا، خوێندکاران خۆپیشاندانیان کرد دژ بە ڕێککەوتنى وڵاتەکەیان لەگەڵ ئوسترالیا لەبارەى پەناخوازانەوە.

Monday, August 5, 2013

مالیزیا ڤیزا لەسەر چەند وڵاتێک توند دەکات، عيراقيشى تيَدايه


تایبەت بە بلۆگى کۆچى کوردان و کۆچ بۆ ئوسترالیا
لەگەڵ گۆڕانکارییەکان لە یاساى کۆچى ئوسترالیادا، مالیزیاش ڕایگەیاندووە کە دەرفەتى پێدانى ڤیزا بۆ هاوڵاتیانى چەند وڵاتێکى جیاواز سنووردار دەکات. هۆکار ئەوەش ئەوەیە کە زۆرجار پەناخوازەکان مالیزیا وەکو وڵاتێک بەکاردەهێنین بۆ کۆچیان بەرەو ئوسترالیا. 


لە 1ى ئابدا وەزیرى ناوخۆى مالیزیا ئەحمەد زاهید هامیدى ڕایگەیاند کە وڵاتەکەى لەسەر داواى ئوسترالیا ئەو بڕیارەى داوە. ئاماژەى بەو وڵاتانە نەدا کە کاریگەر دەبن بەو گۆڕانکارییە لە یاساى پێدانى ڤیزادا. بەڵام زۆرێک لەو پەناخوازانەى کە لە ئەفغانستان و پاکستان و عێراقەوە گەشت دەکەن بۆمالیزیا کۆچ بەرەو ئوسترالیا دەکەن. پەناخوازە ئێرانییەکان زۆربەى کات بە فڕۆکە گەشت بەرەو ئیندۆنیزیا دەکەن و لەوشێوە بەبەلەم بەرەو ئوسترالیا کۆچ دەکەن.
لەبەرئەوە دەرفەتەکانى کۆچ بەشێوەیەى نایاسایى تاوەکو دێت توندتردەبێت بۆ کۆچ بەرەو ئوسترالیا.

Friday, August 2, 2013

دووەم گروپى پەناخوازانى ئوسترالى بەپێى یاساى نوێ ڕەوانەى گیونیا کران


تایبەت بە بلۆگى کۆچى کوردان و کۆچ بۆ ئوسترالیا

وەزارەتى کۆچ و هاونیشتمانى ئەمڕۆ ڕایگەیاند کە دووەم گروپى پەناخوازان کە 39 کەس بوون ڕەوانەى دوورگەى پاپوا نیو گینیا کراون و یاساى نوێیان بەسەردا جێبەجێ دەکرێت. 
وتەبێژى وەزارەتەکە ڕایگەیاند کە ئەم دواهەمین گواستنەوەیە ما دوورگەى مانوس پەیامێکى ڕوون ڕەوانەى ئەوانە دەکات کە بە بەلەم دەگەنە ئەو وڵاتە کە چیتر ناتوانین نیشتەجێ بوون لە ئوسترالیا بەدەست بهێنن. 
بەپێى ڕێککەوتننامەى ئوسترالیا لەگەڵ پاپوا نیو گینیا، هەر پەناخوازاێکى گەیشتوو لەڕێگەى بەلەمەوە ڕەوانەى پاپوا نیو گینیا دەکرێن بۆ هەڵسەنگاندنى کەیسەکانیان و ئەگەر دەرکەوت پەناخوازن ئەوا لەوێ نیشتەجێ دەکرێن. 
ئەوانەى کە دەرکەوت پەناخواز نین ئەوا ڕەوانەى وڵاتەکەیان دەکرێنەوە یاخود وڵاتێک کە مافى نیشتەجێ بوونیان پێبدات، یان لە حاڵەتى گواستنەوەدا دەمێننەوە.
ئەو پەناخوازانە 39 کوڕى ئێرانى بوون، لەلایەن پۆلیسى فیدڕاڵى ئوسترالیاوە دەستگیرکران، لەگەڵ ستافێکى چاودێرى و وەرگێڕ و ستافى پزیشکى دوێنێ دوورگەى کریسمسیان جێهێت. 
ئەو گروپە ئەمڕۆ گەیشتنە پارێزگاى مانووس و نیشتەجێ دەکرێن لەکاتێکدا کە داخوازى پەنابەریان لەلایەن حکومەتى پاپوا نیو گینیاوە هەڵسەنگاندنى بۆ دەکرێت. 
وەزارەتى کۆچى ئوسترالى ڕایدەگەیەنێت ئەو گواستنەوانە بۆ پاپوا نیو گینیا بەردەوام دەبێت، ئافرەتان و منداڵان و کەسانى تریش دەگوازرێنەوە. 
حکومەتى ئوسترالى لەگەڵ پاپوا نیو گینیا کاردەکات بۆ فراوان کردنى سەنتەرى پڕۆسێسکردنى هەرێمى دوورگەى مانووس و هەروەها سەنتەرى نوێ دەکاتەوە لە هەمان وڵاتدا. 
وتەبێژى وەزارەتەکە ڕایگەیاند: ئەگەر خەڵکى چەندین هەزار دۆلار بدەن بە قاچاخچییەکان ئەوا وەکو ئەوەیە تکتى وڵاتێکى تر بکڕن نەک ئوسترالیا. 
لەکاتێکدا کە پەناخوازەکان لە فڕۆکە دادەبەزین ماوەیەکى کەم بەپێ دەڕۆیشتن و هێزى پاسەوانى ئاسایش چاودێرى دەکردن، تاوەکو دەگەیشتن بە پاسەکان کە دەیانگەیاندن بە شوێنى مەبەست. هەریەک لەو پەناخوازانە بڕێکى کەم خواردنى پێدراوە. 
یەکێک لە پەناخوازەکان هاوارى کرد و بەڕۆژنامەنووسان و خێزانەکەى دەوت: 
ئێمە نامانەوێت بێینە ئێرە. 
دەمانەوێت بچینە ئوسترالیا. 
ئۆپۆزسیۆنى پاپوا نیو گینیا لەڕێگەى دەستوورەوە داواى یاسایى ڕووبەڕووى ئەو ڕێککەوتنە دەکاتەوە. شایەنى باسە چەند مانگێک لەمەوبەر داوایەکى ترى یاسایى شکستى خوارد. 

Thursday, August 1, 2013

بەپێى یاساى نوێى کۆچى ئوسترالى چەندین پەناخواز ڕەوانەى مانوس کران


تایبەت بە بلۆگى کۆچ بۆ ئوسترالیا و کۆچى کوردان

وەزارەتى کۆچى ئوسترالى ڕایگەیاند کە 40 پەناخواز شەوى چوارشەممە لە دورگەى کریسمەوە گواسترانەوە بۆ مانوس. زۆربەى ئەو پەناخوازانە ئێرانى و ئەفغانى بوون و پیاوى ڕەبەن بوون، پۆلیس و ستافى پزیشکى لەگەڵ ئەو پەناخوازانەدا گەشتیان کردووە. 
شایەنى باسە، دکتۆر ئۆتۆ نومان، بەڕێوەبەرى جێبەجێکارى تەنها نەخۆشخانەى دوورگەى مانووس ڕایگەیاند جەختى لەناوى پەناخوازەکان کردۆتەوە. هەروەها ڕایگەیاند پێشبینى گەیشتنى پەناخوازى زیاتر دەکەین لە سبەینێدا. گەنجترین پەناخوازیان 18 ساڵ بووە. 
گروپى پەناخوازەکان داخوازى بەرگرى پڕۆسێس کردنى کەیسەکانیان لە پاپوا نیو گینیا دەبێت.
لەدواى ئەوەى حکومەتى ئوسترالى پڕۆسێس کردنى کەیسى ئەو پەناخوازانەى بە بەلەم دەگەن ڕەوانەى دەرەوەى ئوسترالیا کرد. ئەگەر وەک پەناخواز ناسران ئەوا دەتوانن لە پاپوا نیو گینیا نیشتەجێ ببن،بەپێى ئەو پلانەى ڕۆژى هەینى کێڤن ڕوودى سەرۆک وەزیرانەوە ڕایگەیاند.
چادرى زیاتر هەڵدراوە بۆ جێکردنەوەى پەناخوازان لە ناوەندە فراوانکراوەکەدا، و چێشتخانەى دەرەکى و پێکهاتەکانى تر ئامادەکراون.
وەزیرى کۆچ ڕایگەیاند قاچاخچییەکان چیتر بەرهەمێکیان نیە بیفرۆشن. هیچ سوودێک لە گەیشتن بە بەلەم نییە. بێرک ڕایگەیاندووە کە ڕێژەى وەرگرتن لە دوو ناوەنددى مانوسدا کراوەتە 3000 کەس و شوێنى تریش دەکرێتەوە بەپێى پێویست.  بەگوتەى وەزیرى کۆچ لە چەند ڕۆژى داهاتوودا چەندینى تر دەگوازرێنەوە بۆ دورگەى مانوس و هەر کەسێک بگات بەوشوێنە دڵنیا دەبێتەوە لەوەى حکومەت لەسەر وەعدى خۆیەتى و هیچ پەناخوازێکى نایاسایى گەیشتوو بە بەلەم لە ئوسترالیا جێگیر ناکرێت.
لەلایەکى ترەوە، وتەبێژى هاوپەیمانێتى کۆچبەران سکۆت ماریسۆن ڕایگەیاند کە حکومەت پەلە دەکات لە جێبەجێکردنى یاسا نوێیەکەدا. هەروەها وتى حکوموت ڕاگەیاندنى گەورە دەکەن و مەبەستی سیاسییان هەیە و لەدواى چەند هەفتەیەک تووشى کێشە دەبن. لەئێستادا هیچ پەیوەست بوونێکى یاسایى نییە بۆ جێگیرکردنى پەناخوازان لە پاپوا نیو گینیا. جێگیر کردنى خەڵکى لە پاپوا نیو گینیا هیچ شتێک پێشناخات هەرگیز هیچ شتێک پێش ناخات.