Thursday, June 28, 2012

وڵاتانی‌ ئه‌وروپا سورن له‌سه‌ر دیپۆرتكردنه‌وه‌ی‌ په‌نابه‌ران


وه‌زیری‌ كۆچ‌و كۆچبه‌رانی‌ عێراق

وه‌زیری‌ كۆچ‌و كۆچبه‌رانی‌ عێراق ڕه‌شبینی‌ خۆی‌ پیشاندا، سه‌باره‌ت به‌چاره‌سه‌ركردنی‌ گرفتی‌ دیپۆرتكردنه‌وه‌ی‌ په‌نابه‌رانی‌ عێراق له‌لایه‌ن وڵاتانی‌ ئه‌وروپییه‌وه‌، ئه‌وه‌شی‌ خسته‌ڕوو، وڵاتانی‌ ئه‌وروپا سورن له‌سه‌ر به‌زۆرناردنه‌وه‌ی‌ په‌نابه‌رانی‌ عێراق.

ئاژانسی‌ هه‌واڵی‌ ئه‌خباریه‌ له‌زاری‌ (دیندار نه‌جمان دۆسكی‌)یه‌وه‌ بڵاویكرده‌وه‌، وه‌زاره‌تی‌ كۆچ‌و كۆچبه‌رانی‌ عێراق نیگه‌رانی‌ حكومه‌تی‌ عێراقی‌ به‌باڵیۆزانی‌ وڵاتانی‌ ئه‌وروپا ڕاگه‌یاندووه‌، سه‌باره‌ت به‌زۆر ناردنه‌وه‌ی‌ په‌نابه‌رانی‌ عێراق، وتیشی‌:"وه‌زاره‌تی‌ كۆچ‌و كۆچبه‌رانی‌ عێراق گرنگییه‌كی‌ زۆریداوه‌، به‌پرسی‌ دیپۆرتكردنه‌وه‌ی‌ په‌نابه‌رانی‌ عێراق له‌لایه‌ن وڵاتانی‌ ئه‌وروپاوه‌، به‌هۆی‌ ئه‌و نه‌هامه‌تی‌‌و كێشانه‌ی‌ كه‌ ڕووبه‌ڕووی‌ ده‌بنه‌وه‌".

وه‌زیری‌ كۆچ‌و كۆچبه‌رانی‌ عێراق ئه‌وه‌شی‌ خسته‌ڕوو، وڵاتانی‌ ئه‌وروپا پاساوی‌ یاسایی‌ بۆ دیپۆرتكردنه‌وه‌ی‌ په‌نابه‌رانی‌ عێراق ده‌هێننه‌وه‌، وتیشی‌:"لیژنه‌یه‌ك به‌سه‌رۆكایه‌تی‌ من‌و نوێنه‌رایه‌تی‌ وه‌زاره‌ته‌كانی‌ ده‌ره‌وه‌‌و مافی‌ مرۆڤ پێكهێنراوه‌، بۆ ئه‌وه‌ی‌ به‌شێوه‌یه‌كی‌ فه‌رمیی‌ داوا له‌وڵاتانی‌ ئه‌وروپا بكه‌ین، پرسی‌ دیپۆرتكردنه‌وه‌ی‌ په‌نابه‌ران دوابخه‌ن". 
Radio Nawxo

Tuesday, June 26, 2012

زیاتر لە 300 پەناخواز لەسنوورى ئوسترالیا لە دوو ساڵدا گیان لەدەست دەدەن

دیمه‌نێكی وه‌رگه‌ڕانی به‌له‌مه‌كه‌

لەسەروبەندی یادكردنەوەی رۆژی پەنابەرانی جیهاندا، مردنی پەناخوازان بەردەوامە و بەپێی دواهەمین ئامارەكانی ئەو كارەساتەی كە ئێوارەی پێنجشەممە ڕوویدا كە ئەویش نقوم بوونی بەلەمێك بووكە زیاتر لە 200 پەناخوازی هەڵگرتبوو، پێدەچێت 90 پەناخواز گیانیان لە دەستدابێت.

بە ووتەی ڕزگاربووانی كارەساتەكە، ئەو بەلەمە كە لە یەكێك لە دوورگەكانی ئەندەنوسیاوە بەرەو ئوسترالیا بەڕێكەوتبوو, بەڵام لەپێش گەشتنیان بە دوورگەی كریستماسی ئوسترالیا بە 200 كیلۆمەتر بەلەمەكەیان تیكشكاوە.

لاى خۆشیانه‌وه‌ بەرپرسانی پۆلیسی ئوسترالیا ڕایانگەیاند كە تا ئێستا توانویانە 110 پەناخواز ڕزگار بكەن.
بەرپرسێكی هێزە دەریایەكانی ئوسترالیاش ڕایگەیاند كە زۆربەی ئەو پەناخوازانە بەڕەگەز عێراقی و ئێرانی و ئەفغانستانی بوون.

ئەمە یەکەمجار نییە کە لە دوورگەکانى نزیک ئوسترالیا کەشتییەکان و بەلەمەکان نقوم ببن و چەندین سەرنشین و کۆچبەر گیان لەدەست بدەن و وون ببن. بەڵام بەداخەوە کۆچبەران هەر بەردەوامن لە هەوڵەکانییان، و لەلایەکى تریشەوە قاچاخچییەکان و ئەوانەى کۆچى کۆچبەران ڕێکدەخەن مەرجەکانى سەلامەتى هاوڵاتییان بەتەواوى لەبیردەکەن و ژیانیان دەخەنە مەترسییەوە. مانگانە چەند ڕووداوى لەم شێوەیە لەمیدیاکانى ئوسترالیاوە دەبیسترێت. 

بەپێی ئامارە فەرمییه‌كان زیاتر لە 300 پەناخواز لە ناوەڕاستی 2010ەوە تائێستا گیانیان لە دەستداوە لەناو ئەو بەلەمانەی كە وویستویانە بەشێوەیەكی قاچاخ خۆیان بگەیەننە ووڵاتی ئوسترالیا.


Monday, June 25, 2012

پێشانگاى زانکۆکانى تورکیا و قوبرس


پێشانگاى زانکۆکانى تورکیا وقبرص لە هەولێر
ریێکەوت: 26 و 27 - 6- 2012
کاتژمێر: 1  پاش نیوەرۆ تــا 6 ئێوارە
شوێن: هۆڵى رۆشنبیرى وکۆمەڵایەتى زانکۆى صلاح الدین – رێگاى کرکوک – هەولێر

بە سەرپەرشتى کۆمپانیاى رۆنى وبە هاوکارى وەزارەتى خوێندنى باڵا وتوێژینەوەى زانستى وقونسوڵخانەى تورکیا لە هەولێر بە بەژدارى زیاتر لە 24 زانکۆى نێودەوڵەتى لە تورکیا وقبرص.

قوتابیانى تواناسازى دەتوانن سود لەم پێشانگایە وەربگرن. هەروەها ئەو قوتابیانەى ئارەزوى خوێندنى بەکەلۆریۆس وماستەر ودکتۆرایان هەیە لە تورکیا و قبرص، دەتوانن راستەوخۆ دۆکیومەنتەکانیان پێشکەش بە نوێنەرى زانکۆکان بکەن.
هاتن بۆ هەمووانە.



ئەو زانکۆیانەى بەژدار دەبن:

-    Bahcesehir University
-    Eastern Meditereanean University
-    Okan University
-    European University of Lefke
-    Istanbul Kultur University
-    Atilim University
-    Yasar University
-    Bilkent University
-    Istanbul Technical University NCC
-    Cyprus International University
-    Kahramanmaras Sutcu Imam University
-    Ozyegin University
-    Istanbul Aydin University
-    Girne American University
-    Gazikent University
-    Middle East Technical University NCC
-    Near East University
-    Yildirim Beyazit University
-    Gaziantep University
-    Nevsehir University
-    Harran University
-    Toros University
-    Izmir Economy University



Sunday, June 24, 2012

په‌رله‌مانی عێراق به‌زۆرناردنه‌وه‌ی په‌نابه‌ران ره‌تده‌كاته‌وه‌


داواش له‌ حكومه‌تی عێراق ده‌كات ئاسانكاریی بۆ ئه‌و كاره‌ نه‌كات

له‌ دانیشتنی په‌رله‌مانی عێراق ده‌نگدرا له‌ سه‌ر پڕۆژه‌یاسایه‌ك كه‌ تایبه‌ته‌ به‌ كێشه‌ی ئه‌و په‌نابه‌ره‌ عێراقییانه‌ی كه‌ له‌ لایه‌ن ئه‌و وڵاتانه‌ی تێیدا نیشته‌جێن به‌زۆر ده‌نێردرێنه‌وه‌ بۆ عێراق.

سه‌ردار عه‌بدوڵا، ئه‌ندامی په‌رله‌مانی عێراق به‌ ئێن ئاڕ تی راگه‌یاند: پاش هه‌وڵدانێكی زۆر و چه‌ند جارێك ده‌ستكاریكردنه‌وه‌ی ئه‌و بڕیاره‌ توانیویانه‌ وا بكه‌ن په‌رله‌مان ده‌نگ له‌سه‌ر بڕیاره‌كه‌ بدات.

به‌پێی ئه‌و بڕیاره‌، په‌رله‌مانی عێراق ناردنه‌وه‌ی په‌نابه‌ره‌ عێراقیه‌كان به‌ زۆر ره‌ت ده‌كاته‌وه‌و، داواش له‌ حكومه‌تی عێراق ده‌كات ئاسانكاریی بۆ ئه‌و كاره‌ نه‌كات. 

هه‌روه‌ها بڕیاره‌كه‌ داوا له‌ وه‌زاره‌تی گواستنه‌وه‌ی عێراق ده‌كات غه‌رامه‌ی ئه‌و كۆمپانیا فڕۆكه‌وانیانه‌ بكات، كه‌ هه‌ڵده‌ستن به‌ گواستنه‌وه‌ ئه‌و په‌نابه‌رانه‌ی به‌ زۆر ده‌نێردرێنه‌وه‌ بۆ عێراق.

 هه‌روه‌ك له‌ خاڵێكی تری بڕیاره‌كه‌دا، داوا  له‌ حكومه‌تی عێراق كراوه‌ كاربكات بۆ به‌ستنی كۆنگره‌یه‌كی نێوده‌وڵه‌تیی سه‌باره‌ت به‌و كێشه‌یه‌.

به‌پێی ئاماری كۆمه‌ڵه‌ی په‌نابه‌رانی عێراق، ته‌نیا له‌ ساڵی رابردوودا، نزیكه‌ی 900 په‌نابه‌ری كورد له‌ وڵاتانی به‌ریتانیاو هۆڵه‌ندا و سوید و نه‌رویجه‌وه‌ له‌رێی فرۆكه‌خانه‌ی به‌غداوه‌ گه‌ڕێنراونه‌ته‌وه‌ بۆ عێراق‌و، له‌ مانگی شوباتی ئه‌مساڵیشدا، نزیكه‌ی 70 په‌نابه‌ری كورد له‌ سوید و نه‌رویجه‌وه‌ گه‌رێنرانه‌وه‌ بۆ هه‌رێمی كوردستان.

ده‌قی ئه‌و بڕیاره‌ی كه‌ ئه‌مڕۆ په‌ڕله‌مانی عێراق ده‌نگی پێداوه‌، ئه‌م ده‌قه‌ له‌ لایه‌ن به‌ڕێز سه‌ردار عه‌بدوڵا ئه‌ندامی په‌ڕله‌مانی عێراقه‌وه‌ بڵاو كراوه‌ته‌وه‌، سوپاس بۆ كاك سه‌ردار و هه‌موو ئه‌و دۆستانه‌ی كه‌ ده‌ورو كاریگه‌رییان هه‌بوو له‌ سه‌ر ده‌رچونی ئه‌م بڕیاره‌.:::






Thursday, June 21, 2012

ساڵیادى ڕۆژى جیهانى پەنابەران کرایەوە


بلۆگى کۆچى کوردان و ڕ. میدیاى سەربەخۆ

لە ڕۆژی 4 شەممە بەرواری 20 حوزەیرانی 2012، کە ڕۆژی پەنابەرانى جیهانه، ڕێکخراوی میدیای سەربەخۆ لە کوردستان بە هاوکاری ستات هەستا بەڕێکخستنی پێشانگایەکی وێنە لەسەر (کۆچی نایاسایی)، لە ئەمنە سوورەکە. ئەم پێشانگایە دەرئەنجامی ئەو بەربەرەکانیەیە کە کە لەنێوان فۆتۆگرافەرە لاوەکان کە لەلایەن ڕێکخراوی میدیای سەربەخۆ لە کوردستان خولیان بۆ کرایەوە.
لەو پێشانگایەدا 3 چیرۆکە وێنە لەسەر ئەو بابەتە پێشکەش کرا کە لە لایەن فۆتۆگرافەرە لاوەکانەوە ئامادەکراوە، ڕێکخراوی میدیای سەربەخۆ لە کوردستان و ستات ئەیانەوێت سەکۆیەک پێشکەش بەم فۆتۆگرافەرانە بکات هەروەها هۆشداری بدات سەبارەت بە ئاکامەکانی ئەم دیاریدە گرنگە کە کۆچی نایاساییە.
یەحیا بەرزنجى باسى لە گرنگى فۆتۆ ستۆرى کرد بۆ میدیاى کوردى. کە ئەمەش فۆرمێکە زۆر بەکارنەهێنراوە لە میدیاى کوردیدا، بەڵام زۆربەى کات وادەبێت کە بابەتێکى زۆر ئاڵۆز لەرێگەى وێنەوە دەتوانرێت بەشێوەیەکى سادە نیشان بدرێت.
هەروەها نوێنەرى ستات، هەژار تەها، لە وەڵامى میدیاکاران و بەشداربوواندا لەبارەى کۆچى نایاساییەوە دوا.
هەر لەمیانى ئەو پێشانگایەدا خەڵاتێکى (500)دۆلارى بەخشرا بە براوەى پێشبڕکێیەکە، زانکۆ ئیسماعیل، کە فۆتۆ ستۆرییەکى دروست کردبوو لەبارەى کوردێکەوە کە بەشێوەیەکى نایاسایى کۆچى کردبوو بۆ ئێران و تەقەى لێکرابوو، بەم هۆیەشەوە قاچێکى لەدەستدابوو.
لیژنەى دیاریکردنى خەڵاتەکە پێکهاتبوون لە جەمال پێنجوێنى، سۆران نەقشبەندى، هەروەها هەریەکە لە گۆران سەباح لە ستات و مارتین تێرنەر لە ڕێکخراوى میدیاى سەربەخۆ لە کوردستان.
زۆربەی گەنجانی کوردوستان ئەیانەوێت ووڵات جێبهێڵن. بەڵام بەدەستهێنانی ڤیزا ئاسان نیە، بۆیە زۆر کەس قاچاخچی بەکاردەهێنن و پاسپۆرت و ڤیزا دەکڕن . ئەم کۆچە نایاساییە دەرئەنجامی زۆر خراپی لێدەبێتەوە- لە هەردوو لایەنی میوانداری ووڵاتان و لەوانەیە زیاتریش سەبارەت بە کۆچی نایاسایی. لەگەڵ ئەوەشدا ترسی ئەوەی هەیە کە دووربخرێنەوە و بنێرێنەوە ، پیاوان یاخود ئافرەتان لەوانەیە ئیستغیلال بکرێن.











 
سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:

Wednesday, June 20, 2012

له‌یادی‌ ڕۆژی‌ په‌نابه‌راندا


هه‌ژار ته‌ها

له‌ساڵی‌ 2001ه‌وه‌ تاكو ئێستا، (20) حوزه‌یرانی‌ هه‌موو ساڵێك كراوه‌ته‌ ڕۆژی‌ جیهانی‌ په‌نابه‌ران، ئه‌مه‌ش به‌بڕیارێكی‌ كۆمه‌ڵه‌ی‌ گشتی‌ نه‌ته‌وه‌ یه‌كگرتووه‌كان له‌كۆتاییه‌كانی‌ ساڵی‌ (2000)دا ناسێنرا.

مه‌به‌ست له‌م یاده‌ بیرهێنانه‌وه‌ی‌ وڵاتانی‌ جیهانه‌ سه‌باره‌ت به‌قه‌یرانی‌ كۆچ‌و خستنه‌گه‌ڕی‌ هه‌وڵه‌كانیان بۆ جێگیركردنی‌ ڕه‌وشی‌ جیهان به‌گشتی‌ به‌ئاڕاسته‌یه‌ك كه‌ جگه‌ له‌كۆچی‌ یاسایی‌ كۆچه‌كانی‌ تر، به‌شێكیان به‌مه‌به‌ستی‌ وه‌رگرتنی‌ مافی‌ په‌نابه‌رێتی‌ ئه‌نجام ده‌درێن‌و به‌شێكی تریان به‌هۆی‌ گرفتی‌ كاتی‌ ناوخۆی‌ وڵاتانه‌وه‌ ڕووده‌ده‌ن‌و دانیشتوانی‌ ئه‌و وڵاته‌ ده‌بنه‌ ئاواره‌ له‌وڵاتانی‌ تر ڕابگیرێت. 

هه‌موو ساڵێك له‌م ڕۆژه‌دا كۆمیسیۆنی‌ باڵای‌ په‌نابه‌رانی‌ سه‌ر به‌ته‌نه‌وه‌ یه‌كگرتووه‌كان، تازه‌ترین ئامارو ڕێژه‌ی‌ په‌نابه‌ران له‌جیهاندا بڵاوده‌كاته‌وه‌‌و له‌ 2011دا به‌پێی‌ زانیارییه‌كانی‌ كۆمیسیۆن، زیاتر له‌ (800) هه‌زار مرۆڤ ناچاربوون سنوری‌ وڵاته‌كه‌ی‌ خۆیان به‌ره‌و وڵاتێكی‌ تر به‌جێ‌ بهێڵن، به‌ڵام ئه‌گه‌ر سه‌رجه‌م جۆره‌كانی‌ كۆچ وه‌ك ئاواره‌بوون له‌ناوخۆی‌ وڵات‌و ئاواره‌بوون بۆ وڵاتێكی‌ تر، له‌شێوه‌ی‌ كۆڕه‌و‌و كۆچ به‌مه‌به‌ستی‌ وه‌رگرتنی‌ مافی‌ په‌نابه‌رێتی‌ وه‌ربگیرێت، ئه‌وا زیاتر له‌ (42) ملیۆن مرۆڤ له‌قه‌یرانی‌ كۆچدان.

به‌بڕوای‌ پسپۆڕان، كۆچ به‌مه‌به‌ستی‌ وه‌رگرتنی‌ مافی‌ په‌نابه‌رێتی‌‌و به‌ڕێگه‌ی‌ قاچاخ زۆرترین قه‌یرانی‌ بۆ وڵاتانی‌ جیهان دروستكردووه‌، چونكه‌ كاره‌كه‌ به‌شێوه‌یه‌كی‌ نایاسایی‌ ده‌كرێت، به‌مه‌ش خراپترین‌و ترسناكترین ڕێگه‌ ده‌گیرێته‌به‌ر له‌یه‌ن په‌ناخوازانه‌وه‌ به‌مه‌به‌ستی‌ گه‌شتن به‌وڵاتانی‌ وه‌رگر.

جگه‌له‌وه‌ش بازارێكی‌ گه‌رمی‌ دروستكردووه‌ بۆ ئه‌وكه‌سانه‌ی‌ كه‌ بازرگانی‌ به‌مه‌ینه‌تییه‌كانی‌ مرۆڤه‌وه‌ ده‌كه‌ن‌و پێیان ده‌ڵێن (قاچاخچی‌).

ڕووباری‌ ئه‌ڤیروسی‌ نێوان توركیا‌و یۆنان‌و ئاوه‌كانی‌ نێوان ئوستڕالیاو ئه‌نده‌نوسیا هێشتا بوونه‌ته‌ ڕووباری‌ مه‌رگ‌و ڕۆژانه‌ په‌ناخوازان ده‌كه‌نه‌ قووتی‌ ده‌ریا.

وه‌ك نمونه‌یه‌ك له‌پاش دووساڵ له‌دیارنه‌مانی‌ نزیكه‌ی‌ (99) په‌ناخواز كه‌ به‌شێكیان عێراقی‌ بوون له‌ئاوه‌كانی‌ نێوان ئوسترالیا‌و ئه‌نده‌نوسیا، له‌م چه‌ند ڕۆژه‌ی‌ ڕابردوودا هه‌واڵی‌ چۆنێتی‌ دیارنه‌مانی‌ ئه‌و په‌ناخوازانه‌ ئاشكرابوو.

سه‌باره‌ت به‌و وڵاتانه‌ش كه‌ زۆرترین كۆچیان به‌مه‌به‌ستی‌ وه‌رگرتنی‌ مافی‌ په‌نابه‌رێتی‌ لێوه‌ ڕووده‌دات، هێشتا عێراق له‌ڕیزی‌ پێشه‌وه‌ی‌ ئه‌و وڵاتانه‌یه‌‌و ته‌نها له‌ساڵی‌ (2011)دا (23) هه‌زار‌و پێنجسه‌د هاوڵاتی‌ عێراقی‌ داوای‌ مافی‌ په‌نابه‌رێتیان له‌جیهان كردووه‌ كه‌ به‌شێكی‌ زۆریان كه‌یسه‌كانیان به‌بیانووی‌ جۆراوجۆر ڕه‌تكراوه‌ته‌وه‌. 


هه‌ژار ته‌ها
NNA

ژمارەى پەنابەران گەیشتۆتە (800) هەزار لە (2011) دا


بلۆگى کۆچى کوردان


UNHCR 2011 Global Trends


بەپێى ڕاپۆرتێک کە لەلایەن کۆمسیۆنى باڵاى پەنابەرانى نەتەوە یەکگرتووەکان (UNHCR) بڵاوکراوەتەوە ئەوە نیشان دەدات کە لە ساڵى رابردوودا (2011) ڕیکۆردێکى نوێ شکێنراوە لە زیادبوونى ژمارەى ئەوانەى داواى مافى پەنابەرى دەکەن.
لە ڕاپۆرتەکەدا کۆمسیۆنەکە بۆیەکەمجار بەشێوەیەکى تەواو ئاماژە دەکات بە مەترسى قەیرانە مرۆییەکان لەدواى ئەوەى کە لە کۆتاییەکانى (2010)ـەوە هاوڵاتییەکى زۆر بەزۆر وڵات و نیشتمانى خۆیان پێجێهێلراوە، و لەدواى ئەوەش ڕاستەوخۆ هەریەکە لە وڵاتەکانى لیبیا، سۆماڵیا، سودان، و چەند وڵاتى تر ئەم حاڵەتەیان بەخۆیەوە بینییوە. لەو (4) ملیۆن و (300)هەزار هاوڵاتییەى کە ماڵ و حاڵییان جێهێشتووە (800)هەزارییان وڵاتییان جێهێشتووەو بوونەتە پەنابەر.
سەرۆکى کۆمسیۆنى باڵاى پەنابەران لە نەتەوە یەکگرتووەکان (ئەنتۆنیۆ گوتێرێز) ڕایگەیاند کە ساڵى (2011) وەکو ساڵى قەیران و گرفت بوو بۆ ژیانى زۆرێک لە هاوڵاتییان و ئەوانەش کە پێى کاریگەربوون باجى زۆر دەدەن. هەروەها ئاماژەى بەوەدا کە ئەوەى ئێمە پێویستە لەسەرى سوپاسگوزار بین تەنها ئەوەیە کە سیستمێکى نێودەوڵەتى هەیە بۆ بەرگرى کردن لەو کەسانە و سنوورەکان لە زۆرێک لە وڵاتانى جیهاندا کراوەن. ئەمانەش کاتى تاقیرکردنەوەو هەڵسەنگاندنن.
لە سەرتاسەرى جیهاندا (42) ملیۆن و (500)هەزار کەس لە (2011) بوون بە پەنابەر (15.2ملیۆن)، لەناوخۆى وڵاتدا کۆچییان کردووە (26.4ملیۆن)، یاهخود لەپڕۆسەى داواکردنى مافى پەنابەریدان (895000). سەرەڕاى زیادبوونى ژمارەیەکى نوێ لە پەنابەران، بەڵام بەشێوەیەکى گشتى کۆچ کەمتربوو لە (2010) کە (43.7ملیۆن) بوو. لەلایەکى ترەوە (2011) سێیەم کەمترین ڕێژەى ژمارەى گەڕاوەکانى بەخۆیەوە بینى کە (532000)، بەبەراورد لەگەڵ ساڵەکانى ترى ئەم دەیەیەدا.
ئەو ڕاپۆرتە ئاماژە بەوە دەدات کە لە کۆى (10.4ملیۆن) پەنابەر کە تائێستا لەژێر کۆنترۆڵى (UNHCR)ن، بەگشتى سێ چارەگى (7.1) لە مەنفا بوون بەلایەنى کەمەوە بۆماوەى (5 ساڵ)، لەچاوەڕوانى چارەسەرێک بۆ کەیسەکەیان.
بەشێوەیەکى گشتى ئەفغانستان زۆرترین ڕێژەى پەنابەرى هەیە (2.7ملیۆن) و دواى ئەو عێراق دێت (1.4ملیۆن)، سۆماڵیا (1.1ملیۆن)، سودان (500000)، و ئینجا کۆمارى دیموکراتى کۆنگۆ (491000).
نزیکەى چوار لەسەر پێنجى پەنابەرانى جیهان وڵاتەکەى خۆیان جێدەهێڵن بۆ وڵاتانى هاوسێیان، ئەمەش وایکردووە ژمارەیەکى زۆر لە پەنابەر دروست ببێت، بۆنمونە لە پاکستان (1.7 ملیۆن) کەس، ئێران (886500)کەس، کینیا (566500) کەس و چاد (366500) کەس.
لەناو وڵاتانى جیهاندا بەشێوەیەکى فەرمى، ئەڵمانیا لە پلەى یەکەم دێت بەوەرگرتنى (571700)پەنار، لەناو ئەو وڵاتانەى زۆرترین رێژەى پەنابەرییان وەرگرتووە.
جێگەى باسە لە سەرەتادا کۆمسیۆنى باڵاى پەنابەران لە نەتەوە یەکگرتووەکان تەنها بۆ یارمەتیدانى پەنابەران بوو، لەدواى دامەزراندنییەوە لە (1950) بەڵام لەدواتردا کارو چالاکییەکانى بەرفراوان بوون بۆ یارمەتیدان و هاریکاریکردنى ئەو هاوڵاتیییانەش کە لەناو وڵاتەکەى خۆیاندا ماڵ و جحاڵییان لێتێکدەچێت. ئەو کۆمسیۆنە هاریکارى پارێزگارى لە نزیکەى (15.5) هاوڵاتى دەکات کە لەناو وڵاتەکەى خۆیاندا ماڵ و حاڵییان لێتێکچووە.
بۆ خوێندنەوەى وردەکارى ڕاپۆرتەکە:
http://www.unhcr.org/globaltrends/2011-GlobalTrends-annex-tables.zip


سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:


ڤیزه‌ی‌ سه‌فه‌ركردن بۆ فه‌ره‌نسا له‌كوردستانه‌وه‌ ده‌كرێت



باڵیۆزی‌ فه‌ڕه‌نسا له‌ عیراق، به‌‌ رۆژنامه‌ی‌ شه‌رقولئه‌وسه‌تی راگه‌یاند: له‌ ئێستادا سه‌رقاڵی‌ گرتنه‌ به‌ری‌ رێوشوێنی‌ نوێن بۆ دابینكردنی‌ ڤیزه‌ی‌ سه‌فه‌ركردن بۆ فه‌ره‌نسا له‌ شاری‌ هه‌ولێره‌وه‌، به‌بێ‌ گه‌ڕانه‌وه‌ بۆ باڵیۆزخانه‌، وتیشی‌: ره‌نگه‌ پرۆسه‌كه‌ له‌ ده‌وروبه‌ری‌ مانگی‌ ئه‌یلولی‌ داهاتوودا كاری‌ پێبكرێت، ئه‌وه‌ش بۆ پێشكه‌شكردنی‌ كارئاسانییه‌ بۆ بازرگانانی‌ هه‌رێمی‌ كوردستان، بۆئه‌وه‌ی‌ به‌هۆیه‌وه‌ سه‌ردانی‌ فه‌ره‌نساو وڵاتانی‌ دیكه‌ی‌ ئه‌وروپا بكه‌ن.

Tuesday, June 19, 2012

پەنابەر کێیە؟


کۆچى کوردان

پەنابەر ئەو کەسەیە کە لە دەرەوەى وڵاتى سەرەکى خۆیەتى و جێى هێشتووە لەبەرئەوەى ڕووبەڕووى توندوتیژى بووەتەوە لەسەر بنەماى ڕەگەز، ئاین، نەتەوە، بیروڕاى سیاسى، یاخود لەبەرئەوەى ئەندام بووە لە گروپێکى کۆمەڵایەتى قەدەغەکراو. ئەو کەسە وەکو پەناخواز هەژمار دەکرێت تاوەکو ئەوەى لەلایەن دەوڵەتێکى ترەوە یاخود خۆى دەتوانێت بیسەلمێنێت کە ژیانى لەمەترسیدایە.
لە کۆتاییەکانى (2005)ـەوە ئەو وڵاتانەى کە زۆرترین پەناخوازییان لێوە دەرچووە ئەفغانستان، عێراق، سیرالیۆن، میانمار، سۆمالیا، باشوورى سوودان و خاکەکانى فەڵەستینن. لە هەمانکاتدا ئەو وڵاتەى کە خاوەنى زۆرترین هاوڵاتییە کە تووشى جێهێشتنى خاکى خۆى بووە لەناو وڵاتەکەیدا، سودانە، کە زیاتر لە 5 ملیۆن هاوڵاتى لەوشێوەیەى هەیە. 

پێشانگا لەسەر کۆچی نایاسایی


کۆچى کوردان

ڕۆژی 4 شەممە بەرواری 20 حوزەیرانی 2012 ، کە ڕۆژی پەنابەرانى جیهانه
لەم ڕۆژە تایبەتەدا ڕێکخراوی میدیای سەربەخۆ لە کوردوستان بە هاوکاری ستات هەستاوە بە ڕیکخستنی پێشانگایەکی وێنە لەسەر کۆچی نایاسایی، کاتژمێر 2:00 ی پاشنیوەڕۆ دەستپێدەکات لە ئەمنە سوورەکە. ئەم پێشانگایە دەرئەنجامی ئەو بەربەرەکانیەیە کە کە لەنێوان فۆتۆگرافەرە لاوەکان کە لەلایەن ڕێکخراوی میدیای سەربەخۆ لە کوردوستان خولیان بۆ کرایەوە .
ڕێکخراوی میدیای سەربەخۆ لە کوردستان 3 چیرۆکە وێنە لەسەر ئەو بابەتە پێش کەش دەکات کە لە لایەن فۆتۆگرافەرە لاوەکانەوە ئامادەکراوە. ڕێکخراوی میدیای سەربەخۆ لە کوردستان ئەیەوێت سەکۆیەک پێشکەش بەم فۆتۆگرافەرانە بکات هەروەها هۆشداری بدات سەبارەت بە ئاکامەکانی ئەم دیاریدە گرنگە کە کۆچی نایاساییە. براوەی ئەم بەربەرەکانیە 500 دۆلاری پێدەبەخشرێت.
کردنەوەی پێشانگاکە لەلایەن هاوڕێی میدیایی فۆتۆگرافەر (یەحیا بەرزنجی) دەبێت ، نوێنەری ستات لەوێ ئامادە بێت بۆ ئەوەی وەڵامی ئەو پرسیارانە بدەنەوە کە دەکرێت سەبارەت بە کۆچی نایاسایی.
زۆربەی گەنجانی کوردوستان ئەیانەوێت ووڵات جێبهێڵن. بەڵام بەدەستهێنانی ڤیزا ئاسان نیە، بۆیە زۆر کەس قاچاخچی بەکاردەهێنن و پاسپۆرت و ڤیزا دەکڕن . ئەم کۆچە نایاساییە دەرئەنجامی زۆر خراپی لێدەبێتەوە- لە هەردوو لایەنی میوانداری ووڵاتان و لەوانەیە زیاتریش سەبارەت بە کۆچی نایاسایی. لەگەڵ ئەوەشدا ترسی ئەوەی هەیە کە دووربخرێنەوە و بنێرێنەوە ، پیاوان یاخود ئافرەتان لەوانەیە ئیستغیلال بکرێن .
هەموو میدیاکان بانگهێشتکراون بۆ ئەوەی بەشداری بکەن لە کردنەوەی ئەم پێشانگایە لەبەرواری 20 ی حوزەیرانی 2012 کاتژمێر 2:00 ی پاشنیوەڕۆ ل ئەمنە سوورەکە لە سلێمانی.
بۆ زانیاری زیاتر تکایە پەیوەندی بکەن بە مارتن بۆ زمانی ئینگلیزی (07507146005) 
یاخود فریشتە محمد (07708642653)

Monday, June 18, 2012

چوونه‌ ده‌ره‌وه‌ ... زه‌ماله‌ یان قاچاخچی‌؟


وێڕاى کەموکوڕى بەڵام زۆرێک لە تواناسازى ڕازین

هه‌ولێر- "بێ‌ منه‌تم. كه‌س ناتوانێ‌ به‌چاوی‌ كه‌م ته‌ماشام بكه‌ چونكه‌ هه‌موو شتێكم یاساییه‌،" ئه‌مه‌ قسه‌ی‌ رابه‌ر یونسه‌ كه‌ به‌هۆی‌ به‌رنامه‌ی‌ تواناسازی‌ ئێسته‌ له‌ ئه‌مه‌ریكا ماسته‌ر له‌ بواری‌ زمانی‌ ئینگلیزی‌ ده‌خوێنێ‌.

دوای‌ 2003، چه‌ندان زه‌ماله‌ كرانه‌وه‌ بۆ قوتابیانی‌ عێراق و كوردستان. بۆ نموونه‌: زه‌ماله‌ی‌ فوڵبڕایتی‌ ئه‌مریكی‌ (2004)، زه‌ماله‌ی‌ (بیعسه‌ی‌ مالیكی‌، 2009) و دواتریش تواناسازی‌ (2010).

كاروان عه‌لی‌، فوڵبڕایته‌ری‌ 2009ه‌ تازه‌ هاتووه‌ته‌وه‌ كوردستان، ده‌ڵێ‌ رۆیشتن له‌ رێی‌ زه‌ماله‌ بیروبۆچوونی‌ گه‌نج ده‌گۆڕێ‌ له‌سه‌ر وڵاتانی‌ تر. "ئێسته‌ له‌ ژیانی‌ ئه‌مه‌ریكا گه‌یشتووم كه‌ چه‌نده‌ زه‌حمه‌ته‌ بۆ ژیان، به‌ڵام بۆ خوێندن نمره‌ یه‌كه‌."

به‌پێی‌ رێكخراوی‌ نێوده‌وڵه‌تیی‌ كۆچ، نزیكه‌ی‌ 214 ملیۆن كۆچه‌ر له‌ جیهاندا ده‌سووڕێنه‌وه‌. واته‌ %3.1ی دانیشتوانی‌ جیهان. نزیكه‌ی‌ %49ی ئه‌و كۆچه‌رانه‌ ئافره‌تن.

رابه‌ر ئامۆژگاری‌ خه‌ڵك ده‌كا به‌وه‌ی‌ هه‌وڵ بده‌ن له‌ رێی‌ زه‌ماله‌ و رێنوێنی‌ یاسایی تره‌وه‌ سه‌فه‌ر و كۆچ بكه‌ن بۆ وڵاتانی‌ تر .

فوڵبڕایت، به‌ هاوكاریی‌ حكوومه‌تی‌ عێراقی‌ و ئه‌مه‌ریكی‌ ساڵانه‌ 70 كه‌س ده‌باته‌ ئه‌مه‌ریكا بۆ خوێندنی‌ ماسته‌ر له‌ بواره‌ جیاجیاكاندا. بیعسه‌ی‌ مالیكی‌ و تواناسازی‌ تا ئێسته‌ زیاتر له‌ 700 قوتابیان ناردووه‌ته‌ ده‌ره‌وه‌ بۆ خوێندن له‌ بواره‌ جیاجیاكاندا.

تواناسازی‌ تا ئێسته‌ 213 قوتابی‌ بۆ ماسته‌ر و 165 قوتابی‌ بۆ دكتۆرا ره‌وانه‌ی‌ زانكۆ جیاجیاكانی‌ جیهان كردووه‌: ئه‌وڕوپا، ئوستڕالیا، كه‌نه‌دا، ئه‌مه‌ریكا، ئه‌فریقیای‌ باكور و وڵاتانی‌ ده‌وروبه‌ر.

" نه‌ك هه‌ر له‌به‌ر ئه‌وه‌ی رێی یاسایی بێ كێشه‌یه‌ و بێ منه‌ته‌ به‌ڵكو له‌به‌ر ئه‌وه‌ش تۆ به‌ زه‌ماله‌ و یاسایی هاتی بێبه‌ش نابی له‌ هه‌موو ئه‌و شتانه‌ی لێره‌ هه‌یه‌ و بۆ كه‌سانی قاچاخ نییه‌."

زه‌ماله‌كان سوودیان زۆره‌، به‌ڵام به‌ده‌ریش نین له‌ كه‌موكوڕی‌.

 راستی‌ كه‌ریم، ده‌یه‌وێ‌ ته‌قدیمی‌ به‌رنامه‌ی‌ تواناسازی‌ بكا، ده‌ڵێ‌ كاره‌كان زۆر هێواشن، ئه‌گه‌ر پاره‌ت هه‌بێ‌ زۆر پیاوانه‌تره‌ بچی‌ له‌ ده‌ره‌وه‌ به‌ پاره‌ی‌ خۆت بخوێنی‌ نه‌ك "چاوت له‌ ده‌ستی‌ ئه‌و حكوومه‌ته‌ بێ‌ سه‌روبه‌ره‌ بێ‌."

كاربه‌ده‌ستانی‌ حكوومه‌ت، به‌تایبه‌تی‌ بواری‌ خوێندنی‌ باڵا، ده‌ڵێن وێڕای‌ كه‌موكوڕی‌ به‌رنامه‌كه‌ زۆر باش ده‌ڕوا.

وه‌زیری‌ په‌روه‌رده‌، سه‌فین دزه‌یی‌، گوتی‌ له‌ كۆتا خولی‌ تواناسازیدا هه‌زار كورسی‌ بۆ خوێندنی‌ باڵا بۆ خه‌ڵك و هه‌زار كورسیش بۆ وه‌زاره‌ته‌كان دابین كرا بوو، له‌م پشكه‌ وه‌زاره‌تی‌ په‌روه‌رده‌ 220 كورسی‌ به‌ر كه‌وتووه‌. دووپاتیشی‌ كرده‌وه‌ كه‌وا وێڕای‌ كه‌موكوڕییه‌كان به‌رنامه‌كه‌ زۆر چاڵاكه‌.

كۆمه‌ڵ نیوز، گۆران سه‌باح

Sunday, June 17, 2012

ئه‌و گۆڕانكارییانه‌ی له‌به‌رنامه‌ی تواناسازیدا ئه‌نجامدراون

خوێندکاران و قوتابیان لەچاوەڕوانى خولێکى نوێدان
به‌پێی دواین بڕیاری وه‌زاره‌تی خوێندنی باڵا و توێژینه‌وه‌ی زانستی و حكومه‌تی هه‌رێمی كوردستان، كۆمه‌ڵێك گۆڕانكاری‌ له‌ پرۆژه‌ی‌ تواناسازیدا ئه‌نجامدراون، یه‌كێكیش له‌ گۆڕانكارییه‌ گرنگه‌كان پێویسته‌ خوێندكار ئه‌و بواره‌ بخوێنێت كه‌ هه‌رێم پێویستی‌ پێیه‌تی‌، له‌ ئێستاشدا له‌سه‌دا 80ی‌ پاڵێوراوانی‌ تواناسازی‌ له‌ وڵاتی‌ به‌ریتانیان.

د.گۆڤه‌ند شێروانی‌ به‌رێوه‌به‌ری‌ پرۆگرامی‌ تواناسازی‌ لاوان له‌وه‌زاره‌تی‌ خوێندنی‌ باڵاو توێژینه‌وه‌ی‌ زانستی‌ به‌ "خه‌ندان"ی‌ راگه‌یاند: له‌ كابینه‌ی‌ حه‌وته‌مدا، ئه‌نجومه‌نی‌ وه‌زیران رێنمایدا پێداچوونه‌وه‌ بكه‌ین به‌ ره‌وشی‌ ئه‌و خوێندكارانه‌ی‌ له‌ ده‌ره‌وه‌ ده‌خوێنن و به‌رزكردنه‌وه‌ی‌ پێشنیازه‌كان بۆ كه‌مكردنه‌وه‌ی‌ گرفته‌كانی‌ به‌رده‌م خوێندكاران و به‌ره‌و پێشبردن و زیاتر ده‌وڵه‌مه‌ندكردنی‌ پرۆژه‌كه‌.

د.گۆڤه‌ند وتیشی‌: "له‌ لایه‌ن وه‌زاره‌تی‌ خوێندنی‌ باڵا و وه‌زاره‌تی‌ په‌روه‌رده‌ و وه‌زاره‌تی‌ پلاندانان كه‌ سێ لایه‌نی‌ سه‌ره‌كی‌ پرۆژه‌كه‌ن، كۆمه‌ڵه‌ پێشنیازێكمان به‌رزكرده‌وه‌، له‌و پێشنیازانه‌ زیاتر جه‌خت بكرێـته‌وه‌ له‌سه‌ر توانستی‌ زمان، نه‌رمی‌ نواندن له‌ ته‌مه‌نی‌ خوێندكاران بۆ ئه‌وه‌ی‌ رێژه‌یه‌كی‌ زیاتری‌ خوێندكاران لێی‌ سودمه‌ندبن، جه‌ختكردنه‌وه‌ له‌سه‌ر خوێندنی‌ ئه‌و به‌شانه‌ی‌ هه‌رێم پێویستی‌ پێیه‌تی‌.

به‌ڕێوه‌به‌ری‌ پرۆگرامی‌ تواناسازی‌ باسی‌ له‌وه‌شكرد: ئه‌و پێشنیازانه‌ له‌ لایه‌ن نوسینگه‌ی‌ وه‌زیره‌وه‌ به‌رزكراونه‌ته‌وه‌ بۆ ئه‌نجومه‌نی‌ وه‌زیران و چاوه‌رێی‌ په‌سندكردنی‌ ده‌كه‌ین، وتیشی‌" به‌ڵام ئێمه‌ نه‌وه‌ستاوین و به‌رده‌وامین له‌سه‌ر جێبه‌جێكردنی‌ ئه‌و به‌رنامه‌یه‌ له‌ خولی‌ سێیه‌م كه‌ هه‌زار خوێندكار له‌ لایه‌ن وه‌زاره‌تی‌ پلاندانان و 600 خویندكار له‌ لایه‌ن وه‌زاره‌تی‌ خوێندنی‌ باڵاوه‌ كاندیدكرابوون".

به‌پێی‌ زانیارییه‌كانی‌ "خه‌ندان"یش له‌كۆبوونه‌وه‌ی‌ ئه‌نجومه‌نی‌ وه‌زیرانی‌ رۆژی‌ 6ی حوزه‌یران باس له‌وه‌كراوه‌ ده‌بێت له‌مه‌ودوا هه‌ر خوێندكارێك ئه‌و بواره‌ بخوێنێت كه‌ هه‌رێم پێویستی‌ پێیه‌تی‌، نه‌ك خوێندكار به‌ ویستی‌ خۆی‌ قبوڵێك له‌ زانكۆیه‌كی‌ ده‌ره‌وه‌ بهێنێت و حكومه‌تیش بیخاته‌ سه‌ر به‌رنامه‌ی‌ توانا سازی‌، هه‌روه‌ها ده‌بێت بودجه‌ی‌ پرۆژه‌كه‌ له‌سه‌ر سه‌رۆكایه‌تی‌ ئه‌نجومه‌نی‌ وه‌زیران بگواسترێته‌وه‌ سه‌ر وه‌زاره‌تی‌ خوێندنی‌ باڵا.

د.گۆڤه‌ند شێروانی‌، جه‌ختی له‌سه‌ر ئه‌وه‌ كرده‌وه‌ ئه‌و خویندكاره‌ی‌ كاندید ده‌كرێت ده‌بێت خاوه‌ن ره‌گه‌زنامه‌ی‌ عێراقی‌ بێت، بۆیه‌ ئه‌و خوێندكارانه‌ی‌ له‌ پارچه‌كانی‌ تری‌ كوردستانی‌ رۆژهه‌ڵات و باكور و باشوره‌وه‌ هاتوون ئه‌م پرۆژه‌یه‌ نایانگرێته‌وه‌.

به‌ڕێوه‌به‌ری‌ پرۆگرامی‌ تواناسازی‌ ئه‌وه‌شی‌ خسته‌ڕوو: سه‌دا 80ی‌ پاڵێوراوه‌كان روویان له‌ زانكۆكانی‌ وڵاتی‌ به‌ریتانیا كردووه‌، ئه‌مه‌ش بۆ كارئاسانی‌ ئه‌و وڵاته‌ بۆ پاڵێوراوان و هه‌بوونی‌ بنه‌ڕه‌تێكی‌ زمانی‌ ئینگلیزی‌ له‌ لایه‌ن خویندكارانی‌ كوردستانه‌وه‌ و زۆری‌ ژماره‌ی‌ كه‌س و كاری‌ پاڵێوراوان له‌ به‌ریتانیا، بایه‌خدانی‌ به‌ریتانیا به‌ كه‌رتی‌ خوێندنی‌ باڵا و چه‌ند هۆكارێكی‌ تر ده‌گه‌ڕێته‌وه‌.

به‌پێی‌ داتاكانی‌ وه‌زاره‌تی‌ خوێندنی‌ باڵا له‌ سێ خولدا زیاتر له‌ چوار هه‌زار و 600 خوێندكار كاندید كراون و ئێستاش زیاتر له‌ دوو هه‌زار خوێندكار له‌ زانكۆكانی‌ ده‌ره‌وه‌ ده‌خوێنن.


خه‌ندان - ده‌رباز ساڵح

Wednesday, June 13, 2012

دەتەوێت لە بەریتانیا بخوێنیت؟


كۆمپانیای (بریتش ئیجیوكه‌یشن) بۆ خوێندن له‌ به‌ریتانیا سیمینارێك سازده‌كات
زۆر خۆشحالین به‌ بانگێشت كردنتان بۆ سیمیناری كۆمپانیای (بریتش ئیجیوكه‌یشن) بۆ خوێندن له‌ وولاتی به‌ریتانیا. پێمان باش بوو له‌ نزیكه‌وه‌ قوتابی و خوێندكاره‌ ئازیزه‌كان چاویان بكه‌وێت به‌ به‌رێوه‌به‌ری كاره‌كانی كۆمپانیاكه‌... 
بۆ ئه‌م مه‌به‌سته‌ش خاتوو سێڤدا به‌ سه‌ردانێكی ده‌گاته‌ هه‌رێمی كوردستان بۆ سازدانی ئه‌م سیمیناره‌ له‌ شاری هه‌ولێر
كات: 20ی حوزه‌یران 2012  چوارشه‌ممه‌
 كاتژمێر(6) هه‌تا (9)ی ئێواره‌ 
شوێن: هۆتێلی نێوده‌وڵه‌تی هه‌ولێر (شیراتۆن)

تكایه‌ ئه‌گه‌ر ده‌توانن به‌شداری بكه‌ن له‌م سیمیناره‌ به‌ (به‌ڵێ) وه‌لامه‌كانتان بنێرن بۆ :
iraq@britisheducation.com.tr
ئێمه‌ به‌ خۆشخاڵییه‌وه‌ چاوه‌رێتانین
له‌گه‌ڵ رێزدا




Wednesday, June 6, 2012

له‌ ئوستراڵیا كوردێك ده‌بێته‌ باڵیۆزى ئاشتى


بڕوانامه‌ى باڵیۆزى ئاشتى به‌خشرایه‌ شاعیرى لاوى كورد فه‌رید مه‌خموورى


فیدراسیۆنى ئاشتى جیهانى، شاعیرێكى كورد ده‌كاته‌ باڵیۆزى خۆى له‌ وڵاتى ئوستراڵیا

ئێواره‌ى رۆژى 4/6/2012 له‌ شارى سیدى له‌ باره‌گای فیدراسیۆنی ئاشتیی جیهانی. (Universal Peace Federation) بڕوانامه‌ى باڵیۆزى ئاشتى له‌لایه‌ن گریگ ستۆن. سه‌رۆکی لقی ئوسترالیای ئه‌م ڕێکخراوه‌ به‌خشرایه‌ شارى لاوى كورد فه‌رید مه‌خموورى.

ئه‌م ڕێکخراوه‌ یه‌کێکه‌ له‌ ڕێکخراوه‌ گه‌وره‌کانی دونیا و کار له‌سه‌ر بواری ئاشتیی ده‌کات. ساڵانه‌ چه‌ند که‌سێک ده‌ستنیشان ده‌کات بۆ ئه‌م پۆسته‌. بۆ ئه‌مساڵیش فه‌رید مه‌خموورى شاعیر و نووسه‌رى ئوسترالیی به‌ ره‌گه‌ز کوردى ده‌سنیشانكردووه‌.


رووداو-سیدنى


Saturday, June 2, 2012

لە یەک ڕۆژدا فێرببە (فیچەر) بنووسیت



ڕێکخراوی میدیای سەربەخۆ لە کوردستان ۆرکشۆپێکی یەک ڕۆژی سازدەکات لەبارەی " نوسینی فیچەر لەبارەی ئاکام و دەرەنجامەکانی کۆچی نایاسایی" .
زانیاری گرنگ و ڕاستی ئامێز لەبارەی کۆچی نایاسایی لە کوردستان دەخرێتە بەردەست. ڕۆژەکە زیاتر لەبارەی چۆنێتی نوسینی فیچەرة، فیچەر چییە؟ ئەو بنەمایانە چین کە بۆ فیچەر پێویستە؟ پێویستە چەند درێژ بێت؟ جیاوازی فیچەر و چیرۆکی باکگراوەند چییە؟ پێویستی بە چەند سەرچاوەیە؟ دەکرێت خۆت یان بیروڕای خۆت بکەیتە ناو فیچەرەوە؟

ڕاهێنەران خالید سولەیمان و گۆران صالح دەبن.

ۆرکشۆپەکە ڕۆژی 6 حوزەیران لە سلێمانی و 7 حوزەیران لە هەولێر دەبێت.
بۆ ناونوسین و زانیاری زیاتر پەیوەندی بکە بە سامان پێنجوینی 07710178468