Tuesday, October 30, 2012

قاچاخچییه‌كانی‌ گواستنه‌وه‌ی‌ 1500 كورد بۆ ئه‌وروپا ده‌ستگیركران

12.5 ملیۆن دۆلاریان ده‌ستكه‌وتبوو 

پۆلیسی‌ ئیتاڵیا ده‌ستگیركردنی‌ باندێكی‌ مافیای‌ راگه‌یاند كه‌ 12.5 ملیۆن دۆلاریان ده‌ستكه‌وتبوو له‌به‌رانبه‌ر گواستنه‌وه‌ی‌ 1500 كوردی‌ عێراقی‌ بۆ وڵاتانی‌ یه‌كێتی‌ ئه‌وروپا.

ئاژانسی‌ پۆلیسی‌ ئه‌وروپا "یوروبول" رایگه‌یاند سێ كه‌س له‌ ئیتاڵیاو پێنج كه‌س له‌ یۆنان ده‌ستگیركراون و 50 كه‌سیش بانگهێشتی‌ لێپرسینه‌وه‌ی‌ پۆلیس كراون له‌ پڕۆسه‌یه‌كدا كه‌ پۆلیسی‌ ئه‌ڵمانیاو یۆنان به‌شدایان تێدا كردووه‌.

ئاژانسی‌ هه‌واڵی‌ ئه‌ڵمانی‌ بڵاویكرده‌وه‌ پۆلیسی‌ ئه‌وروپا رایگه‌یاندووه‌ كه‌ سه‌رجه‌م ده‌ستگیركراوه‌كان به‌ره‌گه‌ز عێراقین.

ده‌ستگیركردنی‌ ئه‌و كه‌سانه‌ دوای‌ ئه‌و لێكۆڵینه‌وانه‌ هاتووه‌ كه‌ له‌لایه‌ن پۆلیسی‌ به‌ره‌نگاربونه‌وه‌ی‌ مافیاوه‌ له‌ شاری‌ "ترینتۆ" له‌ باكوری‌ ئیتاڵیا له‌ ساڵی‌ 2008 ه‌وه‌ ده‌ستیپێكردووه‌ دوای‌ ده‌ستگیركردنی‌ ژماره‌یه‌ك كۆچبه‌ری‌ نایاسایی كه‌ له‌ رێگه‌ی‌ "برینر باس" له‌نێوان ئیتاڵیاو نه‌مسا گه‌یشتبوونه‌ ئه‌و وڵاتانه‌.

 پۆلیسی‌ ئه‌وروپا رونیكردووه‌ته‌وه‌ ئه‌و بانده‌ مافیایه‌ كۆچبه‌ره‌كانیان له‌ رێگه‌ی‌ سوریاو ئێران و توركیاوه‌ گه‌یاندووه‌ته‌ ئه‌وروپا به‌ به‌كارهێنانی‌ رێگه‌ی‌ "به‌ڵقان" كه‌ كورده‌كانی‌ عێراق به‌و رێگه‌یه‌ ده‌به‌نه‌ ئیتاڵیاو ئه‌ڵمانیاو فه‌ڕه‌نساو به‌ریتانیاو ئه‌سكه‌نده‌نافیاو سویسرا.

به‌پێی لێكۆڵینه‌وه‌كانی‌ پۆلیسی‌ ئیتاڵیا، هه‌ر كۆچبه‌رێك بڕی‌ 16 هه‌زار دۆلاری‌ داوه‌ به‌و مافیایانه‌ و له‌گه‌ڵ گه‌یشتنیشیان بۆ ئه‌وروپا به‌شێكی‌ كه‌میان مافی‌ په‌نابه‌ری‌ وه‌رده‌گرن و ئه‌وانه‌ی‌ دیكه‌ ده‌گه‌ڕێنرێنه‌وه‌ وڵاته‌كانیان.
NRT

منداڵانی تاراوگەنشین بە دوای ئاڵا و نەخشەی كوردستاندا دەگەڕێن


بە زمانێكی سوێدی زۆرباش قسە دەكەن، رووخسارێكی ئەوروپی، ستایلێكی گەنجانە و فۆنەتیكێكی پێرفێكتی سویدی و خراپی زمانی دایك كە زمانی كوردییە، سیفەتی زۆربەی ئەو گەنجە كوردانەیە كە لە سوێد لەدایكبوونە، بەڵام ئەوان خەون بە دەوڵەتێكی سەربەخۆوە دەبینن، كە نەخشە و ئاڵایەكی هەبێ و نیشانی هاوڕێ سویدییەكانیانی بدەن.

ئەوان مومارەسەیەكی تەواوی سیستمی ژیانی ئەوروپی و بەتایبەت سویدی دەكەن، سیستمی پەیوەندی كۆمەڵایەتی و مامەڵە و ژیانی رۆژانەیان تەواو جیایە لە باوانیان، كێشەیەكیان لەگەڵ كوردبوون و سویدی بوون نییە، بەڵام هەموویان لە شتێكدا یەكدەگرنەوە، ئەویش ئەوەیە كە كوردن و بەدوای شوناسێكدا دەگەڕێن.

 ئارای تەمەن 17 ساڵ، كە لە شاری یۆتۆبۆری سوێد لەدایكبووە، دەڵێ “گەورەترین خەونمان ئەوەیە، ئاڵای دانراوی كوردستان لە نەتەوە یەكگرتووەكان پێشانی سویدییەكان بدەین”.

ناسیۆنالیزمی بەرهەمی تاراوگە

زۆر لە دایك و باوكانی كوردی تاراوگەنشین كەوتوونەتە تێڕامان لەوەی كە نەوەكانیان زیاتر لە جاران و وەك شتێكی چاوەڕواننەكراو شەڕی شوناسی نەتەوەیی دەكەن. ئاسۆ عەلی، 48 ساڵ، كە دوو كچ و كوڕێكی هەیە و لە ستۆكهۆڵم دەژی بە (رووداو)ی گوت “ئەم دیاردەیە دەگەڕێنمەوە بۆ ئەو شەڕە رەگەزپەرستانەیەی كە زۆر لە عەرەب و توركەكان لەگەڵیان دەكەن لە قوتابخانەكاندا”. ئەو كاتێك گەیشتووەتە ئەم بۆچوونە كە ساڵێك بەر لە ئێستا، چەند قوتابییەكی تورك لە یەكێك لە منداڵەكانی داوە لە قوتابخانە. 

زمناكۆی تەمەن 15 ساڵ، كە لە سوید لەدایكبووە، بێزاری خۆی لە عەرەب و توركەكان دەربڕی لە شەڕی ئاڵا و نەبوونی نەخشەی كوردستان. زمناكۆ دەڵێ “زۆر حەزدەكەم نەخشەی كوردستان لە ئەتڵەسی سویدی ببینم”. ئەو بێزاری خۆشی دەربڕی لەوەی كە پێیدەڵێن : تۆ خەڵكی كوردستانی كام وڵاتی.

سەردار، كە توێژەری كۆمەڵایەتییە و لە شارەوانی ستۆكهۆڵم كاردەكات، پێیوایە بەهۆی زیاتر تێكەڵبوونی ئەم نەوەیە لەگەڵ سیستمی سویدی، زیاتر شەڕی شوناس دەبینن و هەستی پێدەكەن “سەركەوتنی ئەوان لە سیستم و ژیانی سویدی ئینتیمای نەتەوەیی ئەوانی بەهێز كردووە”. هەروەها دەڵێ “ئەم هاوكێشەیە سیمای ئینتیمایەكی راستەقینەیە، كە لەسەركەوتنی ئەوان لە سویدەوە دەستیپێكردووە”.

 سەردار دوو منداڵی لە ژنە كوردەكەی و منداڵێكیشی هەیە لە هاوسەرەكەی پێشووی كە پۆڵەندی بوو، لە روانگەی ژیانی خێزانیی خۆیەوە دەڵێ “لێرە ژیانێكی رێكخراو هەیە، نەوەی كۆن كە ئێمەین نەمانتوانیوە وەك پێویست سوودی لێوەربگرین”. 

گەڕانەوە بۆ رابردوو

گەنجانی تاراوگەنشین رابردوویان لەبیر نەكردووە و بە پڕۆژەی جۆراو جۆر رابردوو دەگێڕنەوە. ئەركان ئەسەد، كە تائێستا سێ جار بەهۆی نووسینەكانی خەڵاتكراوە، لە دوایین پەرتووكی خۆیدا باسی ژیانی دایك و باوك و ئازارەكانی رابردووی گەلەكەی دەكات .

لە چاوپێكەوتنێكی پێشتریدا لەگەڵ رادیۆیەكی سویدی، گۆرانیبێژی ناسراوی سویدی بەرەچەڵەك كورد، دارین زانیار كە وەرگری خەڵاتی یۆرۆڤیژنی سەرتاسەری وڵاتانی ئەوروپایە، دەڵێ “حەزدەكەم گۆرانی بۆ هەڵەبجە بڵێم”.

 (رووداو) لە گەڕانێكی مەیدانیشدا بەنێو ماڵە كوردەكانی ستۆكهۆڵم، ئاشنای پشتیوانی تەمەن 17 ساڵ بوو، كە ئێستا خەریكی نووسینی كتێبێكە لەسەر رابردووی پڕ لە خەبات و قوربانیدانی خێزانەكەی. 

دڵشاد بۆتانی، نووسەر و رۆژنامەڤان، ئەوە بە دیاردەیەكی نوێ لە ژیانی كوردانی تاراوگەنشین دەزانێت و لەوبارەوە دەڵێ “ئێستا لە تاراوگە و بەتایبەت لە سوید نەوەیەك دروستبووە كە لە چاوەڕوانی دەوڵەتی كوردیدان”. یەكێك لە سیماكانی ئەم دیاردەیە بەبڕوای دڵشاد “گەڕانی نەوەیەكە بەدوای ئاڵا و نەخشەی وڵاتەكەیدا”. چونكە وەك ئەو دەڵێ “ئەوان ئاڵایەكیان دەوێ لە نەتەوە یەكگرتووەكان بشەكێتەوە”.

بەهۆی ئەو پاشخانە كۆمەڵایەتی و زانستییە بەهێزەی ئەم نەوەیە لە ژیانی ئەوروپایان وەرگرتووە، ئەوان باوەڕیان تەنیا بە شتی زانستی و باوەڕپێكراوی نێونەتەوەیی هەیە. دڵشاد و زۆر لە باوكەكان دەڵێن “زۆرجار تووشی ئیحراجی دەبین لەبەردەم پرسیاری ئەوان، كە وەڵاممان پێ نییە”. 

“حكومەتی كوردستان بەرنامەی رۆشنبیری نییە”

شەماڵ حوسێن، سیاسییەكی كوردی تاراوگەنشینە لە سوید و دەڵێ “نەوەی نوێی كوردی لە سوید، چەكێكی گەورەیە كە تائێستا ئیدارە و سەركردایەتی كورد نەیتوانیوە سوودی لێوەربگرێ”.

چالاك محەممەد، زۆر سەرسامە بەوەی منداڵەكانی لە رێگەی كەناڵە ئاسمانییەكانی كوردستانەوە فێری زمانی كوردی بوون، بەڵام رەخنەی لە زمانی ئەو كەناڵانە هەیە و دەڵێ “زۆرجار زمانێكی سەقەت بەكاردێنن كە ئەوەش رۆڵی نەرێنی هەیە”. بۆیە دەڵێ”پێویستە تەلەڤزیۆنە كوردییەكان باشتر و وردتر و زانستیانەتر مامەڵە لەگەڵ زمان بكەن”.

هەرچەندە هەموو قوتابییەكی كورد مافی خوێندنی بە زمانی كوردی هەیە و هەموویان هەفتانە وانەی كوردی دەخوێنن، بەڵام چالاك دەڵێ “ئەمە بەس نییە و دەبێ حكومەتی هەرێمی كوردستانیش رۆڵی هەبێت”. 

تەواوی باڵیۆزخانەكان بەشی رۆشنبیری بەهێزیان هەیە و چالاكی فەرهەنگی دەكەن، لەوانەش كردنەوەی قوتابخانەی تایبەت و كۆرسی فێربوونی زمان. چالاك دەڵێ بەڵام حكومەتی هەرێمی كوردستان تائێستا بەرنامەی رۆشنبیری نییە. هەروەها دەڵێ “ئەو نەوەیەی كورد توانایەكی بەهێزن، پێویستە حكومەت و سەركردایەتی سیاسی كورد بەرنامەیەكی هەبێ بۆ ئەوە”. سەرەڕای بوونی بەشی كوردی لە زانكۆی ئۆپسالا كە تائێستا دەیان قوتابی كورد و بیانی فێری زمانی كوردی كردووە، بەڵام چالاك و زۆر كەسی دیكە ئەوە بە كۆتایی بەرنامەكان نازانن.

ئاڵای كوردستان گران دەكەن

كوردانی سوید زۆر خۆشحاڵن كە لە ئاهەنگەكانی خوێندن و دەرچوون و كۆتایی ساڵی خوێندن، گەنجەكانیان زۆر بە بایەخەوە ئاڵای كوردستان بەرزدەكەنەوە. بە بڕوای سەرداری كۆمەڵناس “ئەمە دیاردەیەكە هەر لەخۆیەوە نەهاتووە و دەرەنجامیشی دەبێت”.

 بەڵام كێشەی منداڵ و گەنجانی كوردی تاراوگەنیشن، لەكاتی ئەم جۆرە مەراسیمانە و بەهۆی لۆد لەسەر دووكانە كوردییەكان كە ژمارەیانە كەمە، ئاڵای كوردستان زۆر گران دەبێت و ئەوان ناتوانن بیكڕن.


رووداو -ستۆكهۆڵم



Monday, October 29, 2012

ئوسترلیا 3800 پەناخوازى عێراقى وەردەگرێت

لەڕێگەى یاساییەوە وەردەگیرێن لە ڕێگەى نەتەوەیەکگرتووەکانەوە

کۆچ بۆ ئوسترالیا

یەکێک لەو ڕێگایانەى کە ئێمە وەکو گروپەکانى کۆچى کوردان و کۆچ بۆ ئوسترالیا هەمیشە جەختمان لێکردۆتەوە گرتنەبەرى  ڕێگا یاساییەکانە، ئەویش بەهۆى نەتەوە یەکگرتووەکانەوە بێت یاخود بەهۆى کارکردن بێت لە وڵاتانى بیانى یاخود بەمەبەستى خوێندن و هۆکارى تر بێت.
وەکو بەشێک لە زیاد کردنى هاریکارى مرۆیى حکومەتى ئوسترالى بڕیارە لەمساڵدا 20هەزار پەناخواز وەربگرێت. وەزیرى کۆچ و کۆچبەرانى ئوسترالى کریس بۆوێن شێوازى دابەش کردن و وەرگرتنى ئەو پەناخوازانەى ئاشکرا کرد لە ناوەند و شوێنە جیاوازەکانى کۆمسیۆنى پەنابەرانى سەر بە نەتەوەیەکگرتووەکان (UNHCR).
بەپێى پلانى 2012-2013 بڕیار وایە بەم شێوەیە پەناخوازەکان وەربگیرێن لەڕێگەى نەتەوە یەکگرتووەکانەوە:
2هەزار پەناخوازى ئەفریقى لەناویشیاندا کۆمارى دیموکراتى کۆنگۆ، ئەسیوپیا، باشوورى سودان و ئەریتریا.
3800پەناخوازى عێراقى لە سوریا و تورکیا و ئوردن و لوبنان.
2هەزار پەناخوازى ئەفغانى لە وڵاتانى ترى ناوچەکەدا.
1350 پەناخوازى بۆمایى، ئەفغانى، ئێرانى و پەناخوازانى تر کە لە مالیزیا دەژین.
1200 پەناخوازى بهوتانی لە دەرەوەى نیپاڵ.
800 پەناخوازى بۆرمایى لە تایلەند.
نزیکەى 600 پەناخوازى ئەفغانى و عێراقى و ئێرانى کە لە ئیندۆنیزیا دەژین.
نزیکەى 200 پەناخوازى بۆرمایى کە لە هیندستانن.
نزیکەى 200 پەناخوازى تر کە لەلایەن نەتەوەیەکگرتووەکانەوە ئاڕاستەیان دەکرێت.
لەڕاستیدا هەموو ئەو پەناخوازانە لەڕێگەى یاساییەوە وەردەگیرێن لە ڕێگەى نەتەوەیەکگرتووەکانەوە. دەبێت هەموو ئەوانە بەڵگەنامەى فەرمییان هەبێت کە ڕووبەڕووى مەترسى پێکدادان و کێشەى تائیفى و مەزهەبى، ئاینى و کۆمەڵایەتى، یاخود سیاسى و مرۆیى بوونەتەوە. 
بۆزانیارى زیاتر دەتوانن ئەم لینکە بخوێننەوە:
http://www.abc.net.au/news/2012-10-26/nauru-hikes-up-asylum-seeker-visa-costs/4334448

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration

ڕێژه‌ی‌ گه‌شتیاران زیادیكردووه‌


وته‌بێژی‌ ده‌سته‌ی‌ گه‌شتوگوزاری‌ حكومه‌تی‌ هه‌رێمی‌ كوردستان ئاشكرایكرد، هاتنی‌ گه‌شتیاران بۆ هه‌رێمی‌ كوردستان، به‌به‌راورد به‌جه‌ژنی‌ ڕه‌مه‌زان تائێستا كه‌متره‌، به‌ڵام به‌به‌راورد له‌گه‌ڵ جه‌ژنی‌ قوربانی‌ ساڵی‌ ڕابردوو زیادیكردووه‌.

(نادر رۆستی‌) بۆ NNA ڕوونكرده‌وه‌، به‌گوێره‌ی‌ ئاماره‌ سه‌ره‌تاییه‌كان، هاتنی‌ گه‌شتیاران بۆ هه‌رێم، به‌راورد به‌جه‌ژنی‌ ڕه‌مه‌زانی‌ ئه‌مساڵ كه‌مده‌كات، به‌ڵام به‌راورد به‌جه‌ژنی‌ قوربانی‌ پارساڵ ڕێژه‌كه‌ ڕوو له‌زیادبوون ده‌كات.
بةهۆی‌ جه‌ژنی‌ قوربانه‌وه‌ و له‌ماوه‌ی‌ چوار رۆژدا، 95 هه‌زار گه‌شتیار روویان له‌ شاره‌كانی‌ هه‌رێمی‌ كوردستان كردووه‌، وته‌‌بێژی‌ ده‌‌سته‌‌ی‌ گشتی‌ گه‌‌شتوگوزاری‌ هه‌رێمیش ئاماژه‌ به‌وه‌ ده‌كات، چاوه‌ڕوان ده‌كرێت ئه‌م ژماره‌یه‌ روو له‌زیادبوون بكات.
نادر رۆستی‌ وته‌‌بێژی‌ ده‌‌سته‌‌ی‌ گشتی‌ گه‌‌شتوگوزاری‌ هه‌رێمی‌ كوردستان، به‌ خه‌ندانی‌ راگه‌یاند: له‌‌ ماوه‌‌ی‌ رۆژانی‌ ٢٤ تا ٢٧ی‌ تشرینی‌ یه‌كه‌می‌ ٢٠١٢، ئه‌‌و گه‌‌شتیارانه‌‌ی‌ سه‌‌ردانی‌ هه‌‌رێمی‌ كوردستانیان كردووه‌‌ ٩٥ هه‌‌زار گه‌‌شتیار بووه‌.
‌وتیشی‌: "زۆربه‌‌ی‌ گه‌‌شتیاران له‌‌ خوار و ناوه‌‌راستی‌ عیراقه‌‌وه‌‌ هاتوون ، به‌‌شێكیشیان له‌‌ هه‌ردوو وڵاتی‌ ئێران و توركیاوه‌‌ هاتوون".
وته‌‌بێژی‌ ده‌‌سته‌‌ی‌ گشتی‌ گه‌‌شتوگوزاری‌ هه‌رێمی‌ كوردستان ئاماژه‌ی‌ ئاشكراشیكرد: جه‌‌ژنی‌ قوربانی‌ ساڵی‌ رابردوو ١١٠ هه‌‌زار گه‌‌شتیار سه‌ردانی‌ هه‌رێمیان كردبوو، به‌ڵام چاوه‌‌ڕوان ده‌‌كرێت جه‌‌ژنی‌ قوربانی‌ ئه‌م ساڵ، ژماره‌‌ی‌ گه‌شتیاران  زیاتر بێت.
سه‌‌باره‌‌ت به‌‌ سنووری‌ به‌‌رێوه‌‌به‌‌رایه‌‌تییه‌‌ گشتییه‌‌كانی‌ گه‌‌شتوگوزار، نادر رۆستی‌، وتی‌" ژماره‌‌كه‌‌ به‌‌م جۆره‌‌ دابه‌‌ش بووه‌‌ (هه‌‌ولێر ٤٤ هه‌‌زار گه‌‌شتیار،سلێمانی‌ ١٧ هه‌‌زار گه‌‌شتیار، دهۆك ٢٢ هه‌‌زار گه‌‌شتیار، گه‌‌رمیان ١٢ هه‌‌زار گه‌‌شتیار).
وتیشی‌:"دوو هۆكاری‌ سه‌ره‌كیی‌ هه‌یه‌ بۆ كه‌مبوونه‌وه‌ی‌ ڕێژه‌ی‌ گه‌شتیاران، یه‌كه‌میان گۆڕانی‌ كه‌ش‌و هه‌وا له‌هه‌رێمی‌ كوردستان‌و دووه‌میشیان ده‌نگۆی‌ په‌تای‌ كۆلێرا، هه‌رچه‌نده‌ له‌سه‌ر زاری‌ وه‌زیری‌ ته‌ندروستی حكومه‌تی‌ هه‌رێمی‌ كوردستان كۆنترۆلكردنی‌ په‌تاكه‌ ڕاگه‌یه‌ندرا، به‌ڵام كاتێكی‌ زۆری‌ ده‌وێت تا ئه‌و ترس‌و دڵه‌ڕاوكێیه‌ لای‌ هاوڵاتیان نامێنێت".
وته‌بێژی‌ ده‌سته‌ی‌ گه‌شتوگوزاری‌ حكومه‌تی‌ هه‌رێمی‌ كوردستان باسی‌ له‌وه‌شكرد، له‌جه‌ژنی‌ ڕه‌مه‌زان (161) هه‌زار گه‌شتیار سه‌ردانی‌ هه‌رێمی‌ كوردستانیان كردووه‌و به‌گوێره‌ی‌ ئاماره‌ نافه‌رمیه‌كانیش، ئه‌م جه‌ژنه‌ هاتنی‌ گه‌شتیاران ئه‌و ڕێژه‌یه‌ تۆمار ناكات.
-----------------------------------------------------------------
ئارام قه‌ره‌داغی‌- هه‌ولێر NNA
Xendan

Friday, October 26, 2012

ژمارەکان چى دەربارەى پەناخوازان لە وڵاتە بیانییەکان ئاشکرا دەکەن؟


بەشى دووەم
کۆچى کوردان و کۆچ بۆ ئوسترالیا
هاوڕێیانم وەکو بەڵێنماندا بە چەند بەشێک هەندێ بابەتى گرنگ بە داتا و ژمارە لەسەر پەناخوازە کورد و عێراقییەکان دەخەینەڕوو.. لەم بەشەدا باس لە بارودۆخى پەناخوازانى کوردو عێراقى دەکەین لە وڵاتى ئوسترالیا.
پەنابەرە عێراقییەکان 12% یان دامەزراون لە کەرتێکى تایبەت یان کارێک دەکەن لە وڵاتە بیانییەکان و 93%یان لەو ماڵانەدا دەمێننەوە کە حکومەت بۆى بەکرێ گرتوون و هیچ کارێکى جێگیرو باشیان نییە. بۆزانیارى زیاتر سەیرى ئەم لینکە بکە: http://www.theaustralian.com.au/opinion/columnists/end-the-boatpeople-centrelink-cycle/story-fnbkvnk7-1226476061727
چاوەڕوان دەکرێت کە تێچووى دوورگەى ناورو 1 ملیار و 400هەزار دۆلار بێت لە ماوەى چوار ساڵى داهاتوودا. بۆزانیارى زیاتر سەیرى ئەم لینکە بکە: http://www.smh.com.au/national/asylum-seekers-get-first-taste-of-life-in-tents-on-nauru-20120914-25xz9.html#ixzz29H4zOkWa
هەر پەناخوازێک بیەوێت بە فڕۆکە بگاتە ناورو، ئەوا بڕى (150)هەزار دۆلارى ئوسترالى پێویستە. بۆزانیارى زیاتر سەیرى ئەم لینکە بکە: http://www.abc.net.au/news/2012-09-22/asylum-seekers-sent-home-after-refusing-nauru/4275488
هاوڕێیانم.. ئەو ژمارانە ئەوە دەخەنەڕوو کە زۆرێک لە هەوڵەکانى کۆچ کردن بۆ دەرەوەى وڵات و بەتایبەت بۆ ئوسترالیا ئەنجامێکى ئەوتۆى بەدەستەوە نەداوەو کۆمەڵێک قەیران ڕووبەڕووى پەناخوازەکان بووەتەوە. ڕێژەى ئەو پەناخوازانەى کە کارێکى جێگیریان دەستکەوتووە تاڕاددەیەکى زۆر کەمە. کە تەنها کەمێک 10%یە. با تێڕوانینێکمان هەبێت ئەو ژمارەیە. ئایا چەندێک لەوانەى کۆچ دەکەن کارێکى جێگیریان هەیە؟ بەدڵنیاییەوە زۆر زیاترە لەو ڕێژەیەى کە ئەوانەى کۆچیان کردووەو کاریان دەستکەوتووە! بۆیە لێرەوە یەکەم قەیرانى سەرەکى ڕووبەڕووى پەناخوازەکان دەبێتەوە.
لەگەڵ ئەوەشدا ئەگەر بەدواداچوون بکەین بۆ ئەو بڕە پارەیەى کە پەناخوازەکان لە ڕێگەیاندا خەرجى دەکەن، هاوڕێیان، هەر پەناخوازێک بەو بڕە پارەیەى خەرجى دەکات ئایا ناتوانێت لەناوخۆدا لە وڵاتەکەى خۆیدا وەبەرهێنانێکى گرنگ بکات؟ لەشوێنى ئەوەى ژیانى خۆى بخاتە مەترسییەوەو لەدوایشدا ئەنجامێکى ئەوتۆ بەدەست نەهێنێت!
خوێنەران گرنگە بەوشێوەیە لە بابەتەکە بڕوانن. 
لەلایەکى ترەوە، ئەو خەرجییە زۆرەى جکومەتى ئوسترالى و وڵاتانى ترى بیانى لە پەناخوازان و لەشوێنى مانەوەیاندا خەرجى دەکەن، بڕێکى زۆرە. ئەو بڕە زۆرە فشارێک دەخاتە سەر بوجەکەیان، ئەمەش وادەکات کە وڵاتەکان ئامادە نەبن بەشێوەیەکى بەردەوام ئەو بوجە زەبەلاحە خەرج بکەن. بۆیە ئەوەى لەئێستادا هەیە بۆ پەناخوازان بێگومان لە چەند ساڵى داهاتوودا ئەوەش نامێنێت. بۆیە گرنگە کوردان کۆچ کردن وەکو دواهەمین چارەسەرى قەیرانەکانیان و ئیش و کار پەیداکردن تەماشا نەکەن. 

Wednesday, October 24, 2012

ژمارەکان چى دەربارەى پەناخوازانى عێراقى و کورد لەوڵاتە بیانییەکان ئاشکرا دەکەن؟


بەشى یەکەم
کۆچى کوردان و کۆچ بۆ ئوسترالیا
هاوڕێیانم لە چەند بەشێکدا هەوڵ دەدەین ژمارەیەک داتا و زانیارى جۆراوجۆر بخەینەڕوو لەبارەى بارودۆخى پەناخوازانى کورد و عێراقى. ئەو ژمارانە زۆر گرنگن کە هاوڵاتیانى ئەم هەرێمە بیزانن کە زۆرجار قاچاخچییەکان ئەوان هەڵدەخەڵەتێنن بە زانیارى نا دروست، وەکو ئەوەى بەرپرسانى ئوسترالى ئەوە ئاشکرا دەکەن.
بەپێى ئەو زانیارییانەى لەبەردەستدان، پەنابەرە عێراقییەکانى دەرەوەى وڵات 12% یان دامەزراون لە کەرتێکى تایبەت یان کارێک دەکەن لە وڵاتە بیانییەکان و 93%یان لەو ماڵانەدا دەمێننەوە کە حکومەت بۆى بەکرێ گرتوون و هیچ کارێکى جێگیرو باشیان نییە. لەم لینکەدا تەواوى زانیارییەکان دەبینن: http://www.theaustralian.com.au/opinion/columnists/end-the-boatpeople-centrelink-cycle/story-fnbkvnk7-1226476061727
لەماوەى ساڵانى 2007 بۆ 2009دا زیاتر لە 38 هەزار عێراقى 17%ى داخوازى پەنابەرییان لە وڵاتە ئەوروپییەکان پێکهێناوە، کە ئەمەش زۆرترین ڕێژەیە لە هەر وڵاتێکدا. 
لە وڵاتێکى وەکو بەڕیتانیادا ڕێژەى داخوازى پەنابەرى بۆ هەرساڵێک 2000هەزار عێراقى بوون لەنێوان 2003 بۆ 2009، کە تەنها 10%یان توانیان مافى پەناخوازى بەدەست بهێنن.
لە هۆڵەندا بەلایەنى کەمەوە 1300 پەناخوازى عێراقى هەن لە هۆڵەندا کە هەڕەشەى ڕەوانەکردنەوەیان لەسەرە بۆ وڵاتەکانى خۆیان. بەهەمان شێوە سوید ڕایگەیاندووە کە لە 2003ـەوە 20هەزار داخوازى پەنابەرى وەرگرتووە. لەم لینکەدا تەواوى زانیارییەکانى ئەم ژمارانە دەبینن:  http://www.dailymail.co.uk/news/article-2167985/Iraq-refuses-thousands-asylum-seekers-lost-right-stay-Britain.html#ixzz29LchnLr0
هاوڕێیان ئەم زانیارییانەى سەرەوە ئەو ڕاستییە تەواو ڕوون دەکەنەوە کە زۆرێک لە هەوڵەکانى کۆچ کردن بۆ دەرەوەى وڵات تەنها هەوڵێکن ئەگینا زۆرێک لەوان سەرکەوتوو نەبوون. گرفتەکە لەوەدایە کە کوردانى ئێمە وابزانن بەتەنها کۆچ کردنیان بۆ وڵاتێکى بیانى ئیتر هەموو ڕێگاکانیان بەڕوودا دەکرێتەوە.
زۆرجار دەڵێن سوید یەکێکە لەو وڵاتانەى کە زۆر پەناخوازى کورد و عێراقى وەردەگرێت، ئەمە دەکرێت تا ڕاددەیەک لە ڕابردوودا دروست بووبێت. بەڵام لەئێستادا بەو ژمارە زۆرەى داخوازى پەنابەرییەوە، زۆر ئەستەمە ئەو وڵاتە هەموو پەناخوازەکان وەربگرێت. چونکە وڵاتانى ئەوروپاش لەئێستادا لە قەیرانى دارایى خۆیاندان، لەشوێنى ئەوەى پەناخوازانى کورد بخەنەسەر کار ئەوا هەوڵدەدەن کارو ئیش بۆ هاوڵاتیانى خۆیان بدۆزنەوە.
ئەوەى زۆر زیاتر جێگەى مەترسییە وەکو ئەوەى لە ژمارەکاندا دەرکەوتووە ئەوەیە کە لەئێستادا مەترسى ڕەوانەکردنەوەو ڕەوانە کردنەوەى بەزۆرى پەناخوازانى کورد و عێراقیش هەیە. چونکە تاوەکو دێت عێراق و کوردستان بەرەو سەقامگیرى دەچێت، و یەکێک لە مەرجەکانى وەرگرتنى پەناخوازانیش لە وڵاتانى بیانیدا ئەوەیە کە هاوڵاتیەکە لەژێر مەترسى ئاسایش، نەژادى، ئاینى، نەتەوەیى یان هەرجۆرێکى تردا بێت. 
هیوادارم گەنجانى ئێمە بەجیددییەوە ئەو داتایانە بخوێننەوەو ئێمەش هەوڵدەدەین لە چەند بەشێکدا بیان خەینەڕوو...

Thursday, October 18, 2012

له‌ساڵی 2011 له‌جیهان 72 ملیۆن كه‌س وه‌ك په‌نابه‌ر ژیاون


به‌پێی راپۆرتی ساڵانه‌ی ڕێكخراوی خاچی سوری نێوده‌وڵه‌تی ساڵی 2011 ژماره‌ی ئه‌و هاوڵاتیانه‌ی له‌جیهان وه‌ك په‌ناهه‌نده‌و په‌نابه‌ر ژیانیان به‌سه‌ر بردووه‌ بریتی بووه‌ له‌ 72 ملیۆن كه‌س.


له‌راپۆرتی ساڵانه‌ی ڕێكخراوی خاچی سوری نێوده‌وڵه‌تیدا هاتووه‌، له‌ساڵی 2011 ژماره‌ی ئه‌و هاوڵاتیانی به‌هۆی كاره‌سات و جه‌نگه‌كانه‌وه‌ وه‌ك په‌ناهه‌نده‌ ژیاون ژماره‌یان گه‌یشتۆته‌ 72 ملیۆن كه‌س.


هه‌روه‌ها له‌ڕاپۆرته‌كه‌دا هاتووه‌ ساڵی 2011 له‌سه‌رتاسه‌ری جیهان 336 رووداوی سروشتی ڕوویداوه‌و بڕی 365 ملیار دۆلاریش زیانی هه‌بووه‌..

كورديو


لەنێوان ئاوارەبوون و خۆ ئاوارەکردندا


کۆچى کوردان و کۆچ بۆ ئوسترالیا

لەدواهەمین ڕاپۆرتى خاچى سورى نێودەوڵەتیدا ئەوە خراوەتە ڕوو کە لە ساڵى ڕابردوودا زیاتر لە 72 ملیۆن کەس وەکو پەنابەر ژیاون و بەشێکى زۆرى ئەوانەش بەهۆى کارەسات و جەنگەکانەوە تووشى ئەو بارودۆخە بوون.
لەڕاستیدا ئەم داتایە بۆ ئێمەى کورد ژمارەیەکە هەرچەندە زۆر بێت ئاشنایە لەلاى ئێمە. بەداخەوە گەلى کورد لە ڕابردوودا چەندین جار ڕووبەڕووى ئاوارەیى و پەناهەندەیى بووەتەوە. بەهەمان شێوە لەئێستادا کوردان لە سوریا ڕووبەڕووى هەمان بارودۆخ و کوردانى کەرکوک و موسڵ بەهەمان شێوە لە عێراقدا ڕووبەڕووى هەمان دۆخى مەترسیدارى ئاوارەبوون و شوێن لەق بوون دەبنەوە.
ئەوەى مەبەستمە لێرەدا بۆ ئێوە لەسەرى قسە بکەم دۆخى هەرێمى کوردستانى عێراقە.. هەرێمى کوردستان لەئێستادا بەرەو بەرقەرارى دەچێت. تەنانەت لەئێستادا چەندین کۆمپانیا و کارگوزارو، ئەندازیارو چەندان دەستى کار هاتوونەتە هەرێمى کوردستانەوە. گرنگە گەنجانى ئێمە لەم بارودۆخە تێبگەن و بەجیددى وەریبگرن.
کوردانى ئێمە هەندێ جار بیر لە کۆچکردن دەکەنەوە. لەم بارودۆخەدا من بەلامەوە وایە کە کوردان خۆیان خۆیان تووشى ئاوارەبوون دەکەن. لەکاتێکدا کوردستان بەرەو بەرقەرارى دەچێت و ئێمە پێویست دەکات خۆمان سوود لەو دەرفەتە وەربگرین و لەشوێنى ئەوەى دەستبەردارى کوردستان ببین و کۆچ بکەین دەبێت بەردەوام لە کوردستاندا بمێنینەوە.. کوردستان بکەینە شوێنى بەدەستهێنانى سەرکەوتنەکانمان و خزمەتى خۆمان و دەوبەرمانى پێبکەین..
هەندێجار ئێمە دەڵێین ئاخر لەکوردستاندا دەرفەتى کار زۆر کەمە. بەڵام لەڕاستیدا ئەگەر تاوەکو ڕاددەیەکى زۆر ئەمە دروست بێت لایەنى تریشى هەیە. گەنجانى ئێمە زۆرجار تەرکیز لەسەر کۆچ کردن دەکەنەوە بۆدەرەوە ئەوەندەى خەمى ئەوەیان بێت بیر لە دەرفەتەکانى ناوخۆ بکەنەوە. لەناوخۆشدا ئەوەندەى بیر لە دەزگا حکومییەکان و کەرتى گشتى دەکەنەوە ئەوەندە بیر لە دەزگا تایبەتى یەکان و کەرتى تایبەت ناکەنەوە کە سوودى زیاتریشى هەیە.
لەڕاستیدا ئەوەندەى ئێمە بەدوایدا چوون ئەو گەنجانەى کە لەدەرەوە کار دەکەن لە دەزگا بیانییەکان و لە دەرەوەى وڵات ئەوەندە لەناوخۆى وڵاتدا کار بکەن ئەوا دەرفەتى زۆر گەورەو سەرکەوتنى زۆر گەورە بەدەست دەهێنن.. بۆیە جێگەى بایەخ و گرنگییە کە کوردانى ئێمە بەشێوەیەکى دى بارودۆخەکە بخوێننەوە.
ئینجا لەشوێنى بەرامبەر تاوانبارکردن ئێمە بیر لەوە بکەینەوە کە توانا تایبەتییەکانى خۆمان گەشە پێبدەین. زۆر جێگەى مەترسییە گەنجێک کۆچ بکات بەڵام زمانى بیانى نەزانێت، یاخود ئەوەى لە ناوخۆدا بێت و زمانى بیانى بەلاوە گرنگ نەبێت. گەلى ئێمە، گەنجانى ئێمە پێویست دەکات تاوەکو ئەو سنوورەى دەرفەت هەیە توانا تایبەتییەکانى خۆیان گەشە پێبدەن و بەمەش دەرفەتەکانى کارکردنیان لەناوخۆ و دەرەوەدا زیاتر دەبێت.
تەنانەت لەدەرەوەى وڵاتدا لەشوێنى کۆچ کردن بەشێوەى نایاسایى دەرفەتى کۆچى یاسایى و لەهەمانکاتدا دەرفەتى خوێندن لەدەرەوەى وڵات هەیە بۆ ئەو گەنجانەى تواناکانى خۆیان تاڕاددیەکى باش بەرەو پێشەوە بردووە.
بۆیە جێگەى بایەخە گەنجانمان برەو بە تواناکانیان بدەن، بیر لە بژاردەى جیاوازو بەرفراوان بکەنەوەو ڕێگا یاسایى و ئاساییەکان هەڵبژێرن.. 

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration

Wednesday, October 17, 2012

ئۆفەر بە خۆڕایى لە زانکۆى کاردیف لە کوردستان بەدەست بهێنە


بلۆگى کۆچى کوردان و کۆچ بۆ ئوسترالیا

هاوڕێیان والەخوارەوەدا ئاگادارییەکى گرنتان بۆ بڵاو دەکەینەوە تایبەت بە وەرگرتنى ئۆفەر بۆ خوێندنى بەکالۆریۆس و باڵا لە یەکێک لە زانکۆ پێشکەوتووەکانى بەریتانیادا..


Announcement 

Cardiff Metropolitan University UK Director visiting Erbil – offering Bsc, Msc, PhD in Teaching, IT, Business & Management/Computing/Tourism / Hospitality/ Education/Art & Design/Sport/Biomedical Science/Psychology/Food Science/Public Health/Occupational Health/Dental Technology). 
Obtain Msc admission at interview on Friday 19 – 9.00 am to 5.00 PM other applications Saturday at 
Cardiff Metropolitan Center behind Chrakhan Restaurant Kirkuk Road, Erbil next to British Council 

07508194355 - email - cardiff.met.uni.center.iraq@gmail.com

مژده‌ بۆ قوتابیانی خۆشه‌ویست .. زانکۆی کاردیف میترۆپۆلیتانی به‌ریتانی سه‌ردانی هه‌رێمی کوردستان ده‌کات بۆ به‌خشینی ئۆفه‌ره به‌خۆڕای بۆ قوتابیانی به‌کالۆریۆس ، ماسته‌ر ، دکتۆرا
Tourism ،Business & Management ،IT ، Teaching له‌ بواره‌کانی (
، Computing ، ، Hospitality، Education، Art & Design ، Sport ، Biomedical Science ، Psychology ، Food Science ، Public Health
) Occupational Health، Dental Technology
. بۆ قوتابیانی ماسته‌ر لا ڕۆژی 19/10/2013 کاتژمێر 9 به‌یانی تا 5 ئێواره‌ ،
بۆ قوتانیانی به‌کالۆریۆس و دکتۆرا له‌ ڕۆژی 20/10/2012 سه‌ردانمان بکه‌ن ، ناونیشان
هه‌ولێر . ڕێگای که‌رکوک - پشت خواردنگه‌ی چراخان – ته‌نیشت بریتش کۆنسول
07508194355 بۆ زانیاری زیاتر:
ئیمه‌یل : cardiff.met.uni.center.iraq@gmail.com

سەختى ژیانى عێراقییە پەنابەرەکان لە دوورگەکانى ئوسترالیا


بلۆگى کۆچى کوردان و کۆچ بۆ ئوسترالیا
یەکێک لەو دیاردانەى کە میدیاى کوردى هەندێ جار زۆر بە بایەخ و جیددیەوە گوێى پێنەداوە مەسەلەى کۆچى نایاسایى و کۆچى بەلێشاوى پەناخوازانى عێراقییە. تەنانەت هەندێجار لایەنە پەیوەندیدارو دەزگا فەرمییەکانى حکومەتیش لەئاست ئەم کێشەیەدا بێدەنگن یاخود کارێکى ئەوتۆ ناکەن کە ئەم کۆچە لێشاوەى بەتایبەت چینى گەنجان کەم بکەنەوە.
وەکو ئاشکرایە لەلاتان نزیکەى دوو مانگ دەبێت حکومەتى ئوسترالى بە سەرۆکایەتى جولیا گیڵارد بڕیارێکى نوێى دەرکرد بۆ چۆنییەتى مامەڵەکردن لەگەڵ پەناخوازە تازە هاتووەکانى دەرەوەى وڵات.. کە ئەمەش خۆى دەبینێتەوە لە دەرکردنى پەناخوازەکان بۆ وڵاتانى نزیک لە ئوسترالیا بۆ دوورگەکانى ناورۆ، مانوس بۆئەوەى لەو وڵاتانەدا کەیسەکانیان هەڵسەنگێنرێن و ئینجا قبووڵ بکرێن بچنە ناو خاکى وڵاتى ئوسترالیا یاخود بگەڕێنرێنەوە.
لەکاتێکدا یەکەم گروپى پەناخوازانى عێراقى ڕەوانەى ئوسترالیا کران ئەوەبوو دەبینین کە لەلایەن ئەوانەوە تەنگژە دروست کراوەو پەناخوازان نیگەرانن لە بارودۆخى کامپەکان کە لەئاستێکى زۆر خراپى تەندروستى و بارودۆخى ژیاندان. ئەمە وادەکات کە عێراقییەکان هەر لەگەڵ گەیشتنیان بە نزیک ئاوەکانى ئوسترالیا بە بەلەم تووشى گەورەترین کارەسات و زەحمەتى زۆر ببنەوە..
گەنجانى ئێمە گرنگە ئەوە بزانن کە کۆچ کردن بۆ دەرەوەى وڵات دواهەمین چارەسەرى قەیرانەکان نییە چونکە: کۆچ بۆ دەرەوەى وڵات زیانى ماددى و مەعنەوى و ڕۆحى و کەلتورى گەورەى بەدوادادێت. تەنانەت وەکو دەبینین کۆچ بەشێوەیەکى نایاسایى بۆ ئوسترالیا هەر لەسەرەتاوە قەیرانى ژیانێکى سەخت و بەربەرەکانى لەگەڵ خۆیدا دەهێنێت..
ئێمە گەنجەکانمان جێگەى شانازى و ئومێدى داهاتووى ئەو نەتەوەیەن، پێویست دەکات ئەوانیش لەئاست ئەو ئومێدەدا بن.. چەند سەختە گەنجێکمان لەڕێگەى کۆچى نایاسایى یەکجارى کۆچ بکات و کوردێک ببێتە قوربانى سەختییەکانى ژیان.. ئەم دیمەن و ڕووداوانە نە لە کۆمەڵگاو نە لەلایەن خاوخێزانەکانەوە هەرگیز لەبیرناکرێن..
داتاکانمان ئەوە دەردەخەن کە عێراقییەکان لەڕیزى پێشەوەى ئەو وڵاتانەدان کە کۆچ بە بەلەم بەشێوەى نایاسایى بۆ ئوسترالیا دەکەن و ئەمەش چەندین قوربانى و کارەساتى گەورەى لێکەوتۆتەوە..
ئومێد دەکەین گەنجانمان ڕێگای یاسایى و ئاسایى بگرنەبەرو ئێمەش هەوڵدەدەین زۆر ترین دەرفەتى کارو خوێندن و سەرکەوتن و شێوازى یاسایى بخەینەڕوو..
سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration

Tuesday, October 16, 2012

100 پەناخوازى عێراقى لەتورکیاوە ڕەوانەى ئەڵمانیا دەکرێن


کۆچى کوردان

بەشێوەیەکى یاسایى و لەڕێگەى ڕێکخراوى ڕێکخراوى نێودەوڵەتى کۆچبەرانەوە 100 پەناخوازى عێراقى لە تورکیاوە بەرەو ئەڵمانیا ڕەوانەدەکرێن و جێگیر دەکرێن..
بەپێى لێدواى بەرپرسەکانى ئەو رێکخراوە ئەو کەسانە لە عێراقدا ڕووبەڕووى مەترسى بوونەتەوە بەهۆى مەسەلەى ئاسایش و نەژادى و ئاینى یەوەو چەند ساڵێک دەبێت لە تورکیان و ئێستا بەشێوەیەکى یاسایى ڕەوانەى ئەڵمانیا دەکرێن.
جێگەى باسە ڕێکخراوى نێودەوڵەتى کۆچکردن (IOM) لە ساڵى 1991ـەوە یارمەتى 86000 پەناخوازى عێراقى داوە.

پاسه‌وانه‌كانى ئوسترالیا له‌ په‌ناخوازێكى كورد ده‌ده‌ن


پۆلیسى فیدڕالى ئوسترالیا و وه‌زاره‌تى كۆچ له‌ كه‌یسێك ده‌كۆڵنه‌وه‌ كه‌ تێیدا پاسه‌وانانى كامپى ڤیلاود له‌ سیدنى خراپیان له‌ په‌ناخوازێكى كورد داوه‌ كه‌ بارى ده‌روونى و ئه‌قڵى باش نییه‌.

میدیاكانى ئوسترالیا ئه‌مڕۆ بڵاویان كرده‌وه‌ كه‌ 2 پاسه‌وان له‌ سه‌ره‌تاى ئه‌م مانگه‌ له‌ په‌ناخوازێكى كوردى 29 ساڵیانداوه‌، كه‌ ماوه‌یه‌كه‌ بارى ده‌روونى و ئه‌قڵى له‌ كامپه‌كه‌ تێكچووه‌، له‌ راپۆرته‌كاندا هاتووه‌ "بارى ده‌روونى و ئه‌قڵى كورده‌كه‌ خراپتر بووه‌ دواى لێدانه‌كه‌‌و تاوه‌كو ئێستاش پسپۆڕى ده‌روونى بۆ كه‌سه‌كه‌ دابین نه‌كراوه‌".

په‌ناخوازه‌ كورده‌كه‌ نزیكه‌ى 2 ساڵه‌ له‌و كامپه‌دا ژیان به‌سه‌رده‌با و چاوه‌ڕێى وه‌ڵامه‌.
كه‌ناڵى ئه‌ى بى سى ئوسترالى رایگه‌یاند "به‌پێى ڤیدیۆكانى ئاژانسى هه‌واڵى فرانسپرێس پۆلیسى ئوستورالى بۆى ده‌ركه‌وتووه‌ كه‌ هه‌ردوو پاسه‌وانه‌كه‌ سه‌ربه‌ كۆمپانیاى (سیركۆ)ى ئه‌منى تایبه‌تن، ئێستا هه‌ردووكیان له‌سه‌ر كار دوور خراونه‌ته‌وه‌".

وه‌زاره‌تى كۆچ رایگه‌یاند "تاوه‌كو ئێستاش په‌ناخوازه‌ كورده‌كه‌ له‌ كامپى ڤیلاوده‌ و كه‌مێك باشتر بووه‌، زۆر به‌ رژدى له‌م كه‌یسه‌ش ده‌كۆڵدرێته‌وه‌".

ژماره‌ى عێراقییه‌كان له‌ 30ى حوزه‌یرانى 2012 له‌ كامپه‌كانى ئوسترالیا 154 كه‌سن، 3 منداڵ و 131یش گه‌وره‌ له‌و 154 كه‌سه‌ 16یان مێینه‌ن.


گۆران سه‌باح
رووداو- ئوسترالیا

Monday, October 15, 2012

پێشانگاى زانکۆکانى بەریتانیا لە کوردستان


کۆچى کوردان و کۆچ بۆ ئوسترالیا

هاوڕێیان یەکێک لە ئامانجەکانى گروپەکانى فەیسبووک و بلۆگەکانمان ئەوەیە کە دەرفەتەکانى خوێندن، کارکردن و کۆچ کردن بەشێوەیەکى یاسایى بۆ کوردان بڵاو دەکەینەوەو بەهیواى ئەوەى گەنجانى ئێمە سوودى لێوەرگرن و دەرفەتى سەرکەوتنەکانیان زیاتر بێت..
هەندێجار زانکۆ بیانییەکان خۆیان سەردانى هەرێمى کوردستان دەکەن و ئۆفەر (دەرفەت)ى خوێندن دەبەخشن بە کاندیدانى تواناسازى و ئەوانەى کە دەیانەوێت لە دەرەوەى هەرێمى کوردستان بخوێنن..
یەکێک لەو پێشانگا تایبەتانە پێشانگاى زانکۆکانى بەڕیتانیایە کە بڕیارە 
ڕۆژى 16ى ئەم مانگە کاتژمێر 3ى دوانیوەڕۆ بۆ 6 لە زانکۆى سلیمانى
و ڕۆژانى 17 لە 3ى دوانیوەڕۆ بۆ 6ى ئێوارە لە هەولێرو 18ى مانگ لە 10 بۆ 6ى ئێوارە سازبدرێت..
خوێندکارانى خوازیار دەبێت خۆیان ناونوس بکەن لەسەر ئەم لینکە بۆ ئەوەى بتوانن بەشدارى بکەن:

http://iraq.studybritish.com/events.html


سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration

Sunday, October 14, 2012

كونسوڵی ئەمریكا : بەم زوانە هاوڵاتیان دەتوانن لە شاری هەولێر ڤیزە وەربگرن


كونسوڵخانەی ویلایەتە یەكگرتوەكانی ئەمریكا لە شاری هەولێر پێشانگایەكی زانكۆكانی وڵاتەكەیان دەكەنەوە بۆ ئەو قوتابیانەی كە ئارەزووی خوێندن دەكەن لە ئەمریكا .

لە پێشانگاكەدا زیاتر لەبیست زانكۆی نمونەیی خوێندن لە زانكۆكانیان بۆ قوتابیان شیدەكەنەوە و (ستیڤن جی) كونسولی ویلایەتە یەكگرتوەكانی ئەمریكاش ده‌ڵێت : بەم زوانە هاوڵاتیانی كوردستان دەتوانن لە شاری هەولێر ڤیزە وەربگرن و كه‌ پێشوتر بۆ وه‌رگرتنی ڤیزە هاوڵاتی دەبوایە بچێتە بەغدا .

كوردیو - هه‌ولێر


Friday, October 12, 2012

خوێندن وەکو یەکێک لە ڕێگاکانى کۆچى یاسایى


بلۆگى کۆچى کوردان و کۆچ بۆ ئوسترالیا

یەکێک لەو ڕێگایانەى کە دەکرێت گەنجانى ئێمە لەڕێیەوە کۆچ بکەن سەفەرو کۆچ کردنە بەمەبەستى خوێندن. زانکۆکانى دەرەوەى وڵات، لە ئەوروپا و وئوسترالیاوە تاوەکو دەگاتە هەندێ لە زانکۆکانى ئەمریکاش دەرفەتى خوێندنى جیاواز دەبەخشن بە خوێندکارانى ڕۆژهەڵاتى ناوەڕاست. یاخود هەندێ ڕێکخراوى تایبەتى هەن کە دەرفەتى خوێندن دەبەخشن بۆ خوێندکاران و قوتابیان لە ڕۆژهەڵاتى ناوەڕاست لە بوارەکانى بەکالۆریۆس و ماستەرو دکتۆرا.
ئەم دەرفەتانە لەکاتێکدا دەرفەتن بۆ زیادکردنى ئەزموونى خوێندن و تواناى زانستى و پلەى مەعریفى خوێندکاران و قوتابیان لەهەمانکاتدا دەرفەتێکى زێڕینیشن بەمەبەستى پتەوکردنى بەهرە زانستییەکانى خوێندکاران. لەگەڵ هەموو ئەوانەشدا دەرفەتەکانى خوێندن و سکۆڵەرشیپ و پشتیوانییە داراییەکان یەکێکن لەو ڕێگایانەى کە دەکرێت خوێندکاران سوودى لێوەرگرن بەمەبەستى ئەوەى کۆچ بکەن بۆ دەرەوەى وڵات و بۆماوەیەکى دیاریکراو بمێننەوە. لەوکاتەدا خوێندکاران بە تێڕوانینى خۆیان و بەواقعى بارودۆخەکان دەبینن و ئەوکاتە بڕیارى مانەوە یاخود دووبارە گەڕانەوە بۆ کوردستان دەدەن.
جێگەى باسە بەم شێوەیە کۆچ کردن هەندێ جار دەرفەتى ئەوەى لێوە پەیدا دەبێت کە خوێندکارەکە لەو وڵاتە بمێنێتەوەو دەست بەکارێکى جێگیر بکات و تواناکانى خۆى ئەوەندەى دى پەرە پێبدات. 
لەهەمانکاتدا هەندێجار خوێندکارەکە بیروبۆچوونى دەگۆڕێت و لەوانەیە بیر لەوە نەکاتەوە چیتر کۆچ بۆ وڵاتانى ئەوروپى بکاتەوەو لە وڵاتى خۆیدا خزمەتى بەردەوام بکات.
هەرچۆنێک بێت گرنگە گەنجانى ئێمە بە گرنگییەوەو بە تامەزرۆییەوە تەماشاى ئەم جۆرە لە کۆچ و سەفەرکردن بکەن چونکە لەدواجاردا خزمەتى مەعریفى و کۆمەڵایەتى و ژینگەیى و ئابوورى گەنجان دەکات و تواناکانیان پێش دەخات.
هیوادارم گەنجانى ئێمە هەمیشە لەشوێن ڕێگا یاسایى  ئاساییەکانەوە بن بەمەبەستى کۆچ کردن و خۆیان بەدوور بگرن لە مەترسییەکان و کۆچێکى چاوەڕواننەکراو و نادیار. کە چەندان گەنجى ئێمە بەداخەوە لەڕێگەى کۆچى نایاساییدا گیانى لەدەستداوە و ژیانى خۆیى و خانەوادەکەى بەرەو هەڵدێرو بێزارى چووە.

Wednesday, October 10, 2012

دەتەویت لە زانکۆکانی ئەمەریکا بخوێینت


هەندێجار زانکۆ بیانییەکان خۆیان سەردانى هەرێمى کوردستان دەکەن و ئۆفەر (دەرفەت)ى خوێندن دەبەخشن بە کاندیدانى تواناسازى و ئەوانەى کە دەیانەوێت لە دەرەوەى هەرێمى کوردستان بخوێنن..
ئەگەر دەتەویت لە زانکۆکانی ئەمەریکا بخوێینت بۆ بەکالۆریۆس و ماستەرو دکتۆرا.. لە رۆژانی داهاتوودا پێشەنگای زانکۆ ئەمریکییەکان دەکریتەوە، بۆ گفتوگۆی راستەوخۆ لەگەڵ نوێنەری زانکۆکان و وەرگرتنی ئۆفەر.

کوردان لەبەردەم دیپۆرت کردنەوەدا


بلۆگى کۆچى کوردان و کۆچ بۆ ئوسترالیا

یەکێک لە نەهامەتییەکانى کۆچى کوردان بۆ دەرەوەى وڵات ئەوەیە کە وەڵامى کەیسەکانیان بەشێوەیەکى نێگەتیڤ ببێت و لەدواتردا ڕووبەڕووى ڕەت کردنەوەى داواکانیان ببنەوە. لە چەند ڕۆژى ڕابردوودا لەسەر زارى وەزیرى کۆچ و کۆچبەرانى عێراقى ئەوەمان خستەڕوو کە وتویەتى 200هەزار پەنابەرى عێراقى لە سوید لەژێر هەڕەشەى ناردنەوەدان.
ئەم هەواڵە ڕاستە ژمارەیەکى زۆر مەترسیدارە بەڵام ئەوەى زیاتر جێگەى قسە لەسەر کردنە هەواڵى لەم شێوەیە بەشێوەیەکى بەردەوام دەبیسترێن لە دەزگا و میدیا جیاوازەکانەوە.. لەڕاسیدا ئەمە جێگەى نیگەرانییە بەڵام لەهەمانکاتدا دەبێت ئەو هاوڵاتى و گەنجانەى لەئێستادا لەناوخۆى کوردستانن و کۆچیان نەکردووە بە هەند ئەم بابەتە وەربگرن.
ئەم هەوڵانە کۆمەڵێک ماناو مەدلول لەخۆیان دەگرن. بەر لەهەموویان ئەوەیە کە وڵاتانى ئەوروپا کە (سوید) یەکێکە لەو وڵاتانەى کە زۆرترین ڕێژەى کوردانى لەخۆگرتووە و وڵاتێکە زۆر ئاسان کوردان و عێراقییەکان وەردەگرێت، بەڵام لەهەمان کاتدا کە ئەو وڵاتەو وڵاتە ئەوروپییەکانى تر مافى پەنابەرى بە کوردان نادەن ماناى ئەوەیە کە بارودۆخى وەرگرتنى پەناخوازانى عێراقى و کوردى گۆڕاوە. ئەمەش لەوەوە سەرچاوە دەگرێت چونکە بارودۆخى عێراق و کوردستان بەتایبەت گۆڕانکارى بەسەردا هاتووە. ئەم هەرێمە بەرەو سەقامگیرى دەچێت و لەحاڵەتێکى ئاسایشى ئابوورى و کۆمەڵایەتى باشدایە، بۆیە وڵاتانى بیانى چیتر خوازیارى وەرگرتنى کوردان نین وەکو پەنابەر.
گەنجانى ئێمە گرنگە بیر لەوە بکەنەوە کە لەناخۆدا ئەوەندەى دەتوانن پڕۆسەى وەبەرهێنان و ئابوورى و کارکردنى خۆیان پەرە پێبدەن. لەهەمانکاتدا ڕێگا یاسایى و ئاساییەکانى کۆچ کردن بگرنە بەر کە ئەمە یەکێکە لە چارەسەرە باشەکان. بەتایبەت مەسەلەى خوێندن و لێکۆڵینەوە. تەنانەت زۆرێک لە وڵاتانى بیانى دەرفەتى کارکردن و ڤیزاى کارکردن دەبەخشن و هەوڵدەدەین لەداهاتوودا بابەتى لەوشێوەیەتان زیاتر بۆ بڵاو بکەینەوە.

Sunday, October 7, 2012

له‌سوید زیاتر له‌ 200 هه‌زار عێراقی هه‌ڕه‌شه‌ی دیپۆركردنه‌وه‌یان له‌سه‌ره‌


وه‌زاره‌تی كۆچ و كۆچبه‌رانی  عێراقی ئاماژه‌ی به‌وه‌كردووه‌، زیاتر له‌ دووسه‌د هه‌زار هاوڵاتی له‌ووڵاتی سوید هه‌ڕه‌شه‌ی دیپۆرتكردنه‌وه‌یان له‌سه‌ره‌.



(ئه‌سغه‌ر موسه‌وی) بریكاری وه‌زاره‌تی كۆچ و كۆچبه‌رانی عێراقی بۆ تۆڕی راگه‌یاندنی هه‌واڵ ئاماژه‌ی به‌وه‌كردووه‌، له‌ماوه‌كانی رابردوودا (دیندار نه‌جمان دۆسكی) وه‌زیری كۆچ و كۆچبه‌ران سه‌ردانی ژماره‌یه‌ك ووڵاتی ئه‌وروپی كرد بۆ به‌سه‌ركردنه‌وه‌ی ژیانی هاوڵاتیانی عێراقی له‌و ووڵاتانه‌، به‌ڵام هه‌ندێك له‌و ووڵاتانه‌ سووربوون له‌سه‌ر دیپۆركردنه‌وه‌ی هاوڵاتیانی عێراقی بۆ ووڵاته‌كه‌یان به‌تایبه‌تی ووڵاتی سوید.



ئه‌سغه‌ری ووتیشی، ئێستا له‌ووڵاتی سوید زیاتر له‌ 200 هه‌زار هاوڵاتی عێراقی ژیان به‌سه‌ر ده‌به‌ن و بۆ ئه‌و مه‌به‌سته‌ش حكومه‌تی ئه‌و ووڵاته‌ نیازی وایه‌ دیپۆرتیان بكاته‌وه‌، به‌مه‌ش ژیان و گوزه‌رانیان ده‌كه‌وێته‌ مه‌ترسییه‌وه‌، ئه‌مه‌ له‌گه‌ڵ ئه‌وه‌ی وه‌زیری كۆچیش داوای له‌و ووڵاته‌ كردووه‌ پابه‌ندبێت به‌ڕێككه‌وتننامه‌ی پێشوو، هاوڵاتیان به‌زۆر دیپۆرت نه‌كاته‌وه‌.


Thursday, October 4, 2012

سەختى ژیانى عێراقییە پەنابەرەکان لە دوورگەکانى ئوسترالیا

کۆچ کردن دواهەمین چارەسەرى قەیرانەکان نییە

بلۆگى کۆچى کوردان و کۆچ بۆ ئوسترالیا

یەکێک لەو دیاردانەى کە میدیاى کوردى زۆر بە بایەخ و جیددیەوە گوێى پێنەداوە مەسەلەى کۆچى نایاسایى و کۆچى بەلێشاوى پەناخوازانى عێراقییە. تەنانەت هەندێجار لایەنە پەیوەندیدارو دەزگا فەرمییەکانى حکومەتیش لەئاست ئەم کێشەیەدا بێدەنگن یاخود کارێکى ئەوتۆ ناکەن کە ئەم کۆچە لێشاوەى بەتایبەت چینى گەنجان کەم بکەنەوە.
وەکو ئاشکرایە لەلاتان نزیکەى دوو مانگ دەبێت حکومەتى ئوسترالى بە سەرۆکایەتى جولیا گیڵارد بڕیارێکى نوێى دەرکرد بۆ چۆنییەتى مامەڵەکردن  لەگەڵ پەناخوازە تازە هاتووەکانى دەرەوەى وڵات.. کە ئەمەش خۆى دەبینێتەوە لە دەرکردنى پەناخوازەکان بۆ وڵاتانى نزیک لە ئوسترالیا بۆ دوورگەکانى ناورۆ، مانوس بۆئەوەى لەو وڵاتانەدا کەیسەکانیان هەڵسەنگێنرێن و ئینجا قبووڵ بکرێن بچنە ناو خاکى وڵاتى ئوسترالیا یاخود بگەڕێنرێنەوە.
لەکاتێکدا یەکەم گروپى پەناخوازانى عێراقى ڕەوانەى ئوسترالیا کران ئەوەبوو دەبینین کە لەلایەن ئەوانەوە تەنگژە دروست کراوەو پەناخوازان نیگەرانن لە بارودۆخى کامپەکان کە لەئاستێکى زۆر خراپى تەندروستى و بارودۆخى ژیاندان. ئەمە وادەکات کە عێراقییەکان هەر لەگەڵ گەیشتنیان بە نزیک ئاوەکانى ئوسترالیا بە بەلەم تووشى گەورەترین کارەسات و زەحمەتى زۆر ببنەوە..
گەنجانى ئێمە گرنگە ئەوە بزانن کە کۆچ کردن بۆ دەرەوەى وڵات دواهەمین چارەسەرى قەیرانەکان نییە چونکە: کۆچ بۆ دەرەوەى وڵات زیانى ماددى و مەعنەوى و ڕۆحى و کەلتورى گەورەى بەدوادادێت. تەنانەت وەکو دەبینین کۆچ بەشێوەیەکى نایاسایى بۆ ئوسترالیا هەر لەسەرەتاوە قەیرانى ژیانێکى سەخت و بەربەرەکانى لەگەڵ خۆیدا دەهێنێت..
ئێمە گەنجەکانمان جێگەى شانازى و ئومێدى داهاتووى ئەو نەتەوەیەن، پێویست دەکات ئەوانیش لەئاست ئەو ئومێدەدا بن.. چەند سەختە گەنجێکمان لەڕێگەى کۆچى نایاسایى یەکجارى کۆچ بکات و کوردێک ببێتە قوربانى سەختییەکانى ژیان.. ئەم دیمەن و ڕووداوانە نە لە کۆمەڵگاو نە لەلایەن خاوخێزانەکانەوە هەرگیز لەبیرناکرێن..
داتاکانمان ئەوە دەردەخەن کە عێراقییەکان لەڕیزى پێشەوەى ئەو وڵاتانەدان کە کۆچ بە بەلەم بەشێوەى نایاسایى بۆ ئوسترالیا دەکەن و ئەمەش چەندین قوربانى و کارەساتى گەورەى لێکەوتۆتەوە..
ئومێد دەکەین گەنجانمان ڕێگای یاسایى و ئاسایى بگرنەبەرو ئێمەش هەوڵدەدەین زۆر ترین دەرفەتى کارو خوێندن و سەرکەوتن و شێوازى یاسایى بخەینەڕوو.. 

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration

Tuesday, October 2, 2012

عێراقييه‌كان له‌ ئوسترالیا ئاژاوه‌ ده‌نێنه‌وه‌

ژماره‌یه‌ك په‌ناخواز بریندار بوون

گرووپێك له‌ په‌ناخوازانى عێراق‌و ئێران له‌ كامپى نارۆ هه‌ڵده‌ستن به‌ شكاندنى كه‌لوپه‌ل‌و په‌نجه‌ره‌ى كامپه‌كه‌ كه‌ ماوه‌یه‌كه‌ له‌ ئوسترالیا كراوه‌ته‌وه‌ بۆ ئه‌و په‌ناخوازانه‌ى كه‌ به‌قاچاخ ده‌گه‌نه‌ ئه‌و وڵاته‌.

وه‌زاره‌تى كۆچى ئوسترالى له‌ ماڵپه‌ڕه‌كه‌ى بڵاوى كردووه‌ته‌وه‌ "نزیكه‌ى 10 پیاو ده‌بوون ئه‌و كاره‌ نابه‌جێیانه‌یان ئه‌نجامداوه‌، كۆمه‌ڵێكیشیان بریندار كردووه‌".

هه‌فته‌ى رابردوو 6 عێراقى دیكه‌ ره‌وانه‌ى ئه‌و كامپه‌ كران، قاچاخچیێكى عێراقیش به‌ناوى عه‌لى حه‌یده‌رى ماوه‌ى 11 ساڵ حوكم درا.

مانگى رابردوو په‌رله‌مانى ئوسترالیا یاسایه‌كى ده‌ركرد بۆ بڕین‌و وه‌ستاندنى هه‌موو جۆره‌ هاوكارییه‌كى مرۆیى‌و ته‌كنیكى بۆ په‌نابه‌رانى نایاسایى، به‌تایبه‌تى ئه‌وانه‌ى به‌ به‌له‌م ده‌گه‌ن له‌ رێگه‌ى ئه‌نده‌نوسیا و مالیزیا و سریلانكاوه‌، ئه‌م یاسایه‌ یه‌كێكه‌ له‌ هه‌ره‌ تووندترین ئه‌و یاسایانه‌ى دۆخى په‌نابه‌رێتى تاوه‌كو ئێستا ئوسترالیا ده‌ریكردبێت، ستیفن سمیس، وه‌زیرى به‌رگرى ئوسترالى رایگه‌یاندبوو "ئه‌و یاسایه‌ گه‌وره‌ترین هه‌وڵه‌ بۆ كۆتایهێنان به‌ كۆچى نایاسایى بۆ وڵاته‌كه‌مان".

جولیا گیلارد، خانمه‌ سه‌رۆك وه‌زیرانى ئوسترالیا گوتى "دواى گوێگرتن له‌ كه‌یسه‌كانیان زۆربه‌ی په‌ناخوازه‌كان ده‌نێردێنه‌وه‌ وڵاتانى خۆیان یان بۆ وڵاتانى دیكه‌".

به‌پێى ئامارێكى ساڵى 2001 عێراقییه‌كان ژماره‌یان 24 هه‌زار‌و 760 كه‌س بووه‌ له‌ ئوسترالیا، به‌پێى دوایین ئاماریش كه‌ له‌ ساڵى 2006دا ئه‌نجامدراوه‌ ژماره‌ى عێراقییه‌كان له‌و وڵاته‌ 32 هه‌زار‌و 520 كه‌س بوون، نیوساوسوێست زۆرترین ژماره‌ى به‌ر كه‌وتووه‌ كه‌ 20 هه‌زار‌و 530 كه‌سى لێیه‌، هه‌روه‌ها ڤیكتۆریا 8 هه‌زار‌و 610 كه‌س‌و وێسته‌رن ئوسترالیا 1 هه‌زار‌و 680 كه‌س‌و ساوس ئوسترالیا 770 كه‌سى لێیه‌، په‌نابه‌رى كودیش له‌و وڵاته‌ به‌ رێژه‌ی 3.8%ى كوردن.

دیپۆرتكردنه‌وه‌ى په‌ناخوازان له‌ ئوسترالیا بۆ یه‌كه‌مجار له‌سه‌ر ده‌ستى حكومه‌تى (جۆن هاوارد) بوو له‌ ساڵى 2001، پاشان ئه‌م یاسایه‌ ره‌خنه‌یه‌كى زۆرى هه‌ڵگرت له‌لایه‌ن رێكخراوه‌ نێوده‌وڵه‌تییه‌كانى مافگه‌لى مرۆڤ، بۆیه‌ له‌ 2007 حكومه‌ته‌كه‌ى كیڤن یاساكه‌ى هه‌ڵوه‌شانده‌وه‌، ئێستاش له‌ 2012 حكومه‌ته‌كه‌ى گیلارد تووندترین یاساى په‌سه‌ند كراد كه‌ به‌هیچ شێوه‌یه‌ك له‌ به‌رژه‌وه‌ندى په‌ناخوازاندا نییه‌.

گۆران سه‌باح
رووداو- ئوسترالیا

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration


Monday, October 1, 2012

ڕێ لە دیپۆرتکردنەوەی پەنابەران گیرا

فیدراسیۆنی سەراسەری پەنابەرانی عیراقی

دوابەدوای بانگەوازی فیدراسیۆنی سەراسەری پەنابەرانی عیراقی ل فنلاند بۆ نارەزایەتی دەربرین دژ بەدیپۆرت کردنەوەی پەنابەرانی ئیرانی وئەفعانی ژمارەیەکی بەرچاو لەحزب وڕێکخراوە سیاسی وپیشەیەکان دەنگی ناڕەزایەتیان هەڵبڕی و ڕۆژی هەینی21 مانگ بە ڕێپوان لە ناوەراستی شاری هێلسنکیەوە بۆ پەرلەمان بەرێکەتن.
رۆژی هەینی کاتژمیر 2ی پاش نیوەرۆ خۆپیشاندەران لەبەردەم ستۆکمان لە ناوەراستی شاری هیلسنکیدا کۆبوونەوەو پاش قسەوباسیکی کورت سەبارەت بەڕێپوانەکە دواتر گروپی موسیقای لە پیشەوەی خۆپیشاندانەکەدا لەگەل بەرێکەوتنی بەشدرابووان مارشێکی کاریگەرو سەرنج رَاکیشیان لێداو بەشداربووانی خۆپیشاندانەکە کەژمارەیان نزیک  150 دەبوو بە شیعاری نا بۆ دپۆرتکردنەوەی پەنابەران ، ئەفغان ولاتیکی نا ئەمنە ، عیراق ولاتیکی نا ئەمنە ، ئیران ولاتیکی نائەمنە، خۆقیشاندانەکەیان بەرەو پەرلەمان بەرێکرد. 
دواتر پاشان لەبەردەم پەرلەمانی فنلاند کۆبوونەوەو لەلایەن مارکوس بەخیراهاتنی بەشدرابووانکراو ئامانجی  ریپوانەکەی راگەیاندن ..پاشان ئەندام پەرلەمانی سەر بەلیستی حزبی سەوز  Silvia Modigقسەوباسیکی سەبارەت بەسیاسەتی حکومەتی فنلاند کردو ووتی: بۆ من جیگەی شەرمە لەم ولاتەدا ئینسان ناچار دەکریت بەوەی کە بۆماوەی دوو هەفتە مان لە خواردن بگریت بۆ داکوکیکردن لەمافیک کە دەبیت پێی رەوا ببینریت، هاوکات جیگەی دلخوشیمە کە لەم ولاتەدا خارجیانیک لەسەر ماف و حورمەتی ئینسان بەجۆریک بەدەنگ دین کە ئیمەش وادار دەکەن بینەدەنک و داکۆکی لە مافەکانیان بکریت. هەروەها بەلینیدا کە بەوپەری تواناوە داکوکی لەمافەکانی پەنابەران بکەن ....خالیکی هەر سەرنج راکیشی ئەم خۆپیشاندانە ئەوە بوو کە ئەندام پەرلەمانیکی حزبی راسیستی فنلاندی  بەشداریکرد و داکۆکی لە مانەوەی پەنابەرانی مانگرتووکردو هاوکات ووتی هیوادارین ئەوەش قبول بکەین کە فنلاند نەبیتە بازاری ساخ بوونەوەی کەیسی هەموو پەنابەران.. دواتر پەنابەرانی مانگرتووە قسەوباسیکی کورتیان کرد سەبارەت بە بارودۆخی خۆیان کردو باسیان لە هۆکاری ئاوارەی و نائەمن بوونی ولاتەکانی خۆیان کردو یەکیک لە پەنابەران ئاماژەی بەوەدا کەماوەی دە سالە چەندین ولاتی ئەوروپا گەراوە بۆ دابینکردنی مافی پەنابەری وسەرئەنجام حکومەتی فنلاند بریاری دیپۆرتکردنەوەی ئەوانی داوە .... 
دواتر ریبوار عارف وەک ڕێکخەری خۆپیشاندانەکە پاش بەخیرهاتن و ریزلینان لە بەتەنگەوە هاتنی ئازادیخوازانی ئەم کۆمەلگایە هاوکات قسەوباسێکی سەبارەت بە سیاسەتی دیپۆرتکردنەوەی پەنابەران لە فنلاندو ولاتانی ئەوروپاکردو بەتوووندی رەخنەی لەو ئاراستیە گرت کە لەم ولاتانەدا لەپال ویرانکاری وشەرو کوشتاری ولاتانی ئەفغان وعیراقدا ئەم ولاتانە بە ئەمن وئاسایش رادەگەیەنین وهاوکات داوا لە هاەولاتیانی خۆیان دەکەن کە بەهۆی نائەمن بوونی ئەو ولاتانەوە خۆیان لە سەفەرو سەردانی ولاتانی ئەفغان وعیراق بپاریزن و هاوکات بەخەلکی ئەو ولاتانە دەلین ئیوە ولاتەکەتان ئامنەو دەبیت بگەرینەوە.... 
پاشان کاتیا نوینەری ریکخراوی ئازادی جموجۆل پاش بەخیرهاتنی خۆپیشاندەران باسی بارودۆخی ەپنابەرانی کرد لە فنلانداو ئاماژەی بە سیاسەتی دژی ئینسانی حکومەت و بریارە ناشایستەکانیدا سەبارەت بە ژیان و چارەنووسی پەنابەران و بڕیاری دیپۆرتکردنەوە بۆ ولاتانیک کەهیچ جۆرە ئەمنیەت وئاسایشیکیان نیە..هەروەها بەشداربوونی دلنیاکردەوە لەوەی کەداکۆکی لەمافەکانی پەرنابەران وفیدراسیۆن دەکەن و تا هەڵوەشاندنەوەی بریاری دیپۆرتکردنەوەو مسۆگەر کردنی مافی پەنابەری بۆیان...دواتر نووینەری ریکخراویکی ئینساندۆست سەربە کلیسا پشتگیری خۆیانی بۆ داواکارەکانی خۆپیشاندانەکە راگەیاندو بە تووندی سیاسەتی حکومەتی فنلاندی دایە بەر رەخنەو خوازیاری هەلوەشانەوەی بریاری دیپۆرتکردنەوەی پەنابەران بوو...  
پاشان نوینەری حزبی کۆمۆنیست و هاوکات نوینەیکی ئەنجومەنی پەنابەرانی ئەفعانی و چەندکەسایەتیەک پشگیری خۆیان بۆ خۆپیشاندانەکە دەربری. شایەنی باسە لەم خۆپیشاندانەدا ژمارەیەک لەڕدایو رۆژنامەو کەنالەکانی تەلەفزیون چاوپیکەوتنیان لەگەل ریبیوار عارف سازدا وپیشتریش زیاتر لە 10 رۆژنامەو مالپەر هەوال و چالاکیەکانی ئەم خۆپیشاندانەیان بلاوکردەوە.. . 
جیگەی ئاماژە پیکردنە بەهۆی رەنگدانەوەی ئەم کەمپەینەوە نوینەری وزیری داخلی فنلاند رۆژیک بەر لە خۆپیشاندانەکە سەردانی مانگرتووانیکردو پاش قسەوباسیک لەگەل پەنابەران و ریبوار عارفدا رایگەیاند کە وەزیری ناوخۆ نیگەرانی بارودخی ئەم پەنابەرایەو لەگەل سلاوڕێزی ئەودا بەگرنگیزانی کە نووینەری خۆی بنیریت بۆ قسەوباس کردن لەگەل پەنابەران و بەلینیدا کە داخوازیەکانی پەنابەران بگەیەنیت بە وەزیرو هەولی خۆیان بدەن بۆ ریگەچارەیەک. 
فیدراسیۆنی سەراسەری پەنابەرانی عیراقی لە فنلاند
1.10.2012


چه‌ند زانیارییه‌ک له‌سه‌ر ژنه‌ده‌ستگیرکراوه‌ کورده‌که‌ی به‌ریتانیا

جیمەن تۆفیق عەبدولرەحمانە ئه‌و ژنه‌ تەمەن ٢٤ ساله‌یه‌ که‌ خەلکی گوندی کانی کرمانجەو خانەوادەکەی لەشارۆجکەی کەلار نیشتەجین وا سال ونیوکە لەبەریتانیا ئەژین و میردەکەی بەناوی ئیبراهیم حەمیدە ،

ئەو ژنەی کەلەوینەکەدایە ،کەتەنیا ( ٦ ) رۆژە منالی بووە ،

بە تۆمەتیکی تەمومژاوی و نارون گوایە منالە ٦ رۆژەکەی فڕێ داوەتە تەنەکەی خۆلەوە لەلایەن پۆلیسی شاری وەلفیر هامتۆنەوە لەو
لاتی بەریتانیا دەست گیرکرا ، بەپێی زانیاری یە سەرەتایی یەکان گوایە ژنەکەبەپۆلیسی وتووە کە دووکەسی رەش پێست چونەتە سەری بۆ مالەکەی و و دەستیان خستۆتە سەردەمی تا بێهۆشیان کردووەو و دواتر منالەکەیان رفاندووە ، بەلام پۆلیس بۆ لیکۆلینەوە لەرووداوەکە خۆی یان دەست گیر کردووە 

منالەکە لەئیستادا هەردووجاوی لەدەست داوە و بەپی ی زانیارییە سەرەتایی یەکانی پزیشکیش میشکی تیک جووەو باری تەندروستی منالەکە زۆر خراپە بەقسەی دکتۆرەکانی بێت هەروادەمێنێتەوەو گەورەش نابێت و ووتویانە هێندە گەشە ناکات قژیشی ناروێت

له‌ئێستا دا ئه‌م ئافره‌ته‌ له‌ زیندان دایه‌ به‌ڵام چه‌ند شتێک له‌دۆسیه‌که‌یدا هه‌یه‌ جێگای گوومانه‌ :_
تائێستا ئه‌م خانه‌واده‌یه‌ هیچ جوابێکیان وه‌رنه‌گرتووه‌ له‌و وڵاته‌دا
وه‌ لەو بینایەی ئەمانی تیا دەژین کامیرەی جاودیری تیدانیە،! تا به‌وردی به‌دوا داچوونی بۆ بکرێت
خانه‌واده‌که‌ش ده‌ڵێن ڕه‌ش پێست وایان له‌ مناڵه‌که‌یان کردووه‌ !
ئەوەی تا ئێستا تاوانباری سەرەکیە بەداخەوە هەر ئافرەتەکەیه‌ ،، ئەوەی کەمن بیستومە رەنەگ دایکەکە شڵەژابیت کاتیک ووستویەتی عەلاگە خۆڵەکە بخاتە ناو ئەوە بۆریەوە کە خۆڵ وخاشاکی تێدەکەن دەرواتە خوارە بۆ ناو حاووێیەکی گەورە،، رەنگە منداڵەکەی خستبێتە خوارەوە ئەم سیناریۆیەش دوای رووداوەکە دانرابێت!هیوادارم واش نه‌بێت،،،، بۆیە ئەم ئەگەرەش زۆرە گوایە دکتۆر ووتویەتی هەندێ ژن لە جەند حەفتەی یەکەمی دوای من داڵبوون تووشی شڵەژان وباری نائاسای دەبیت.. ئەم ئافرەتەش ئەمە یەکەم منداڵیتیو خۆشی تەمەنی زۆر نییه‌،

له‌کۆتایی دا هیوادارم هه‌موو لایه‌کمان و ئه‌وانه‌ی شتێکیان بۆ ده‌کرێت هه‌وڵێکی بۆ بده‌ن چونکه‌ ئه‌م کێشه‌یه‌ کاریگه‌ری زۆری له‌سه‌ر ڕه‌وشی کورد ده‌بێت له‌م ووڵاته‌