Tuesday, July 30, 2013

حکومەتى فیجى بەتوندى ڕەخنە لە یاساى نوێى کۆچى ئوسترالى دەگرێت



سەرۆک وەزیرانى فیجى ڕاتو ئینۆک کوبوابۆلا بەتوندى هێرشى کردە سەر یاسا نوێیەکەى ئوسترالیا بۆ ڕوانەکردنى پەناخوازان بۆ پاپوا نیوگینا. 

سەرۆک وەزیرانى ئەو وڵاتە ڕایگەیاند ئوسترالیا بوارى ئابوورى دەقۆزێتەوە بۆ جێبەجێکردنى پلانەکانى. هەروەها ڕەوانەکردنى خەڵکى بۆ وڵاتانى ئەو دوورگەیە کە لە بنەڕەتدا خەڵکى ئەو ناوچەیە نین.

Thursday, July 25, 2013

کە شتییەک لە دەریای ئیجەدا بە کۆمەڵێک کۆچبەرەوە نوقم دەبێت


سایتی میللیەتی تورکی بڵاویکردەوە چەند کۆچبەرێک بەهۆی قڵپبوونەوەی کەشتییەکەیانەوە دەکەونە دەریای ئیجەوە تا ئێستا پانزدە کەسیان بێسەروشوێنن.

ئەمڕۆ پێنجشەممە ٢٥-ی تەموزی ٢٠١٣ سایتی میللیەتی تورکی بڵاویکردەوە بەهۆی قڵپبوونەوەی کەشتییەکەوە کە کۆمەڵێک کۆچبەری هەڵگرتبوو لەدەریای ئیجەدا پانزدە کەس بێسەرو شوێنن هەروەها بڵاویشیکردووەتەوە لە ئێستادا هەریەکە لە هێزە دەریاییەکانی تورکیا و یۆنان بە شوێن ئەندامانی کەشتییەکەدا دەگەڕێن.

هەروەها سایتەکە ئاماژەشی بەوەداوە کە کۆچبەرەکان ژمارەیان چل کەسبووە ویستوویانە بە دوو کەشتی لە تورکیاوە بە دەریای ئیجەدا بپەڕنەوە خاکی یونان بەڵام کەشتییەکیان لەلایەن هێزی دەریایی یونانەوە دەستیبەسەردا گیراوە.

سایتی ئاژانسی هەواڵی ئەنادۆڵیش ڕایدەگەیەنێت کەشتییەکە نۆ کۆچبەری تێدابووە لە ئێستادا یەکێکیان بە مردوویی دۆزراوەتەوە و هەشت کەسی تریان دیارنین.

تا ئێستاش هیچ هەواڵێک دەربارەی ناسنامەی ئەو کەسانەی لە ناوکەشتییەکەدا بوون بڵاونەکراوەتەوە.

لە تورکییەوە: هەڵوێست ئەنوەر
سەرچاوە: میللییەت
خەندان

ئوسترالیا وێنەى ئەوئێرانیانە بڵاودەکاتەوە کۆچى نایاساییان کردووە



تایبەت بە کۆچ بۆ ئوسترالیا و کۆچى کوردان

وەزارەتى کۆچى ئوسترالى وێنەى ئەو ئێرانیانەى بڵاوکردەوە کە گروپێکن لە دوورگەى کریسمس و بڕیارە ڕەوانەى پاپوا نیو گینیا بکرێن. 
ئەمانە یەکەم گروپن کە لەدواى یاساى نوێى ئوسترالیا گەیشتوون. هەر بەلەمێکى تر بەشێوەیەکى نایاسایى بگات بە ئاوەکانى ئوسترالیا ڕەوانەى پاپوا نیو گینیا دەکرێن.
ئەم زانیارییە بە هاوڕێیەکانتان بگەیەنن بەتایبەت ئەوانەى نیازى کۆچیان هەیە.

Wednesday, July 24, 2013

بەلەمێک بە زیاتر لە 200 سەرنشینەوە ژێر ئاو کەوت کە ژمارەیەک پەنابەری عێراقیشی تێدایە


سایتی بی بی سی بڵاوی کردەوە، شەوی رابردوو بەلەمێک کە ژمارەیەکی زۆر پەنابەری ئێرانی و سریلانکی تێدابووە لە کەناراوەکانی ئیندونیزیا ژێر ئاو کەوت و بەهۆیەوە ژمارەیەکیان گیانیان لە دەستدا.
بە پێی زانیارییەکان بەلەمەکە زیاتر لە 200 پەنابەری پێبووە کە زۆربەیان ئێرانی و سریلانکی بوون سیان لە پەنابەرەکان گیانیان لە دەست داوە.
بی بی سی لە زاری چەند فریاگوزارێکی روداوەکەوە بڵاوی کردوەتەوە توانراوە ١٥٧ کەس لە روداوەکە رزگار بکرێن و تەرمی سێ کەسیشیان لە ناو ئاوەکەدا دەرهێناوەتەوە کە دوانیان منداڵن.
هەر بە پێی زانیارییەکان ژمارەیەک لەو پەنابەرانە خەڵکی عێراق و سوریان بەڵام زۆربەیان ئێرانی و سریلانکی بوون.

بەیانپرێس: ئاژانسەکان

Saturday, July 20, 2013

ئەگەر کۆچى نایاسایى بۆئوسترالیا بکەيت بەکوێ دەگەیت؟

Papua_New_Guinea
تایبەت بە کۆچ بۆ ئوسترالیا و کۆچى کوردان

هەر پەناخوازێک بە قاچاخ و بەبەلەم بگاتە ئاوەکانى ئوسترالیا ڕەوانەى پاپوا نیو گینیا دەکرێت.
پاپوا نیو گینیا وڵاتێکە کە کەلتورى فرەچەشنى تێدایە. بەپێى دواهەمین داتاکان، 841 زمانى جیاواز لەو وڵاتەدا هەن. 
ژمارەى دانیشتوانى ئەو وڵاتە شەش ملیۆن و سێسەد هەزار کەس دەبێت. هەروەها شێوەى ژیانى زۆربەى خەڵکەکە دەشتەکین، و تەنها 18%ى هاوڵاتیانى لەناوەندى شارەکاندا دەژین. 
هاوڵاتیانى ئەو وڵاتە بەشێکى زۆریان لە هەژارییەکى سەختتدا دەژین، کە یەک لە سێى هاوڵاتیانى ئەو وڵاتە کەمتر لە 1.25$ یان هەیە لە ڕۆژێکدایە. 
مەلاریا نەخۆشییەکى سەرەکییە لە پاپوا نیو گینیا. بەپێى دواهەمین ڕاپۆرت کە لە ساڵى 2003دا بوو، 70هەزارو 226 هاوڵاتى تووشى ئەو نەخۆشییە بوون و 537 کەس گیانیان لەدەستدا. هەروەها گریمانەى 1 ملیۆن و 729 هەزارو 697 کەیسى ترى گوماناوى هەبوون بۆ ئەو نەخۆشییە. 
هەروەها پاپوا نیوگینیا ژمارەیەکى زۆرى نەخۆشى ئایدزى هەیە لە هەرێمى دوورگەى هادى و بەشێوەیەکە کە مەترسى بڵاوبوونەوەى پەتایەکى زۆرى لێدەکرێت.
سەدا 96ى هاوڵاتیانى کریستیانن و نزیکەى 4هەزار موسڵمان لە وڵاتەکەدا هەن. 
پاپوا نیو گینیا کەشوهەوایەکى زۆر جیاوازى هەیە. لە مانگى دیسەمبەرەوە تاوەکو مارس وەرزێکى زۆر سەختەو لە مانگى مەیەوە تاوەکو ئۆکتۆبەر زۆر وشکە. مانگەکانى جون تاوەکو سێپتەمبەر ساردترو وشکترن بەڵام بەشێوەیەکى گشتى زۆربەى ساڵ کەشوهەوایەکى گەرم و ناجێگیرى هەیە.
tours-papua-new-guinea-tribesmen_33573_600x450Image-from-the-stunning-Papua-New-Guinea-yacht-charter-destination-welder-dancersOLYMPUS DIGITAL CAMERALARGE_Port_Moresby_CBD_from_Touaguba_Hill

بەوێنە... لەویلایەتێکی ئەمریکا منداڵان بە ئاڵای کوردستان ئاشنا دەکرێن


kurdiuلە ویلایەتی ئیلینۆیسی ئەمریکا لەیەکێک لە کتێبخانە دێرینەکانی ئەو ویلایەتەدا ئاڵای کوردستان بە منداڵەکانیان داناسێنن و فێری چۆنییەتی دروستکردنی ئاڵاکانیان دەکەن .
 
کتێبخانەی (Marion Carnegie) لە ولایەتی ئیلینۆیسی ئەمریکا لە ساڵی ١٩١٦-ەوە دروستکراوە و ئێستا بە یەکێک لە کتێبخانە دێرینەکانی ولایەتەیەکگرتووەکانی  ئەمریکا دادەنرێت و لە چەند بەشێک پێکهاتووە ، لە یەکێک لە بەشەکانیدا کە تایبەتە بە منداڵانی ئەو ولایەتە تێیدا منداڵەکان چەند چالاکییەکی جۆراو جۆری تێدا ئەنجام دەدەن کتێبخانەکە  پرۆگرامێکی مانگانەی تایبەت بە خێزانی منداڵەکان ڕێکدەخات و هاوینانیش کۆرسی کتێب خوێندنەوە بۆ منداڵەکان دەکەنەوە .
 
لە یەکێک لە چالاکییەکانی ئەم کتێبخانەیەدا ئاشناکردنی منداڵەکان بووە بە مێژووی وڵاتێک لە وڵاتەکانی ڕۆژهەڵات و ئەم جارەشیان ئاڵای کوردستان و مێژووی کوردستانیان بە منداڵەکان ناساندووە و دواتر منداڵەکانیان فێری چۆنییەتی وێنەکێشان و دروستکردنی ئاڵای کوردستان کرد.
خەندان-
kurd1872013-2kurd1872013-3kurd1872013-7kurd1872013-9kurd1872013-10kurd1872013-4

Friday, July 19, 2013

گۆڕانکارى گەورە لە یاساکانى کۆچى ئوسترالیا ڕوویدا


Kevin Ruddتایبەت بە بلۆگەکانى کۆچ بۆ ئوسترالیا و کۆچى کوردان

کێڤین ڕود سەرۆک وەزیرانى نوێى ئوسترالیا ڕایگەیاند کە چیتر ئەو پەناخوازانە وەرناگرێت کە بەبەلەم دەگەنە ئوسترالیا. حکومەتى ئوسترالیا و پاپوا نیو گینیا ڕێککەوتننامەیەکیان ئەنجامداوە. هەموو ئەوانەى بە بەلەم دەگەنە ئوسترالیا ڕەوانەى دوورگەى مانوس دەکرێن یاخود ناوەندەکانى ترى دەستبەسەرکردن کە لە پاپوا نیو گینیا کراونەتەوە و ئەگەر دەرکەوت کە پەنابەرن و مافى پەنابەرێتییان هەیە ئەوا دەتوانن ڤیزا بەدەست بهێنن و لە پاپوا نیو گینیا بژین. هەروەها بەرەو ئوسترالیا ڕەوانە ناکرێن چونکە ئوسترالیا قبووڵى ناکات.
ڕود ڕایدەگەیەنێت کە ئوسترالیا ناتوانێت شایەدى بینینى نوقم بوونى ئەو پەناخوازانە بێت کە بەشێوەیەکى ناسەلامەت لەڕێگەى بەلەمەوە دێنە ئەو وڵاتەوەو دەبێت خەڵکى تەنها لەڕێگەى یاساییەوەو لەڕێگەى کۆمسیۆنى پەنابەرانى نەتەوە یەکگرتووەکانەوە داواى مافى پەنابەرى بکەن. ڕود دەڵێت کە یاسا نوێیەکانى ئوسترالیا ڕێگا دەدات بەو وڵاتە کە زیاتر یارمەتیدەرى ئەو پەناخوازانە بێت کە بەشێوەى یاسایى لەڕێگەى کۆمسیۆنى پەنابەرانى نەتەوە یەکگرتووەکانەوە دەگەنە ئەو وڵاتە.
هیچ سنووردارییەک نییە بۆ ژمارەى ئەو پەناخوازانەى کە ڕەوانەى ناوەندى دەستبەسەرکردنى دوورگەى مانوس دەکرێن. پێداویستییەکانى ناوەندەکە زیاد دەکرێت تاوەکو بتوانێت 3000 پەناخواز لەخۆى بگرێت کە ئەمەش هاوشێوەى ناوەندێکى دەستبەسەرکردنى دوورگەى کریسمس دەبێت.
ڕوود ئەوەش ڕادەگەیەنێت کە ئەگەر خەڵکى هەزاران دۆلار بدەن بە قاچاخچییەکان ئەوا پارەى خۆیان بەهەدەر دەدەن چونکە لەدواجاردا هەر دەگەنە پاپوا نیو گینیا نەک ئوسترالیا. 
Image-from-the-stunning-Papua-New-Guinea-yacht-charter-destination-welder-dancers
OLYMPUS DIGITAL CAMERAPapua_New_Guineatours-papua-new-guinea-tribesmen_33573_600x450

Sunday, July 14, 2013

ئاگادارییەك لەوەزارەتی خوێندنی باڵاوە بۆ خوێندكارانی تواناسازی


وەزارەتی خوێندنی باڵا و توێژینەوەی زانستی ئاگاداری خوێندكارانی تواناسازی دەكاتەوە لە ژمارە (7 – A) ساڵی 2013 سەردانی وەزارەت بكەن بەمەبەستی وەرگرتنی چەكی مافە داراییەكانیان.

سەرجەم ئەو كاندیدە بەرێزانەی بەرنامەی تواناسازی ئاگادار دەكەینەوە كە ناویان لە لیستی ژمارە (7-A) سالی (2013)ی هاوپێچ دا هاتووە روژی دووشەمە ڕێكەوتی 15/7/2013 كاتژمێر (١٠)ی سەرلەبەیانی خۆیان یان بریكارەكانیان (وەكیل) سەردانی بەرێز خاتوو( امیرە تاهر عبدالله) لە دیوانی وەزارەتی خویندنی بالا بكەن بۆ وەرگرتنی چەكی سەرفكردنی مافە داراییەكانیان وە دواكات بۆ وەرگرتنی چەكەكان رۆژی 25/7/2013 دەبێت.
1.        تیبینی :

لەماوەی (10) رۆژی داهاتوودا لیستی (7-B) رادەگەیەنین كە تەواوكەری ئەم لیستە دەبێت ئەمەش تەنها بۆ مەبەستی كەمكردنەوەی لۆدە لەكاتی سەرفكردنی چەكی مافە داراییەكان.

2. تێبینی:

1. بریكار (وەكیل) ی كاندید پێویستە وێنەی رەسەن (اصلی) و فۆتۆكۆپی رەنگاو ڕەنگی بریكارنامە (وەكالەت) و ناسنامەی باری شارستانی یان رەگەزنامەی عیراقی لەگەل خۆیدا بهێنیت.

2. پێویستە بریكار (وەكیل) ی كاندید ،زنجیرەی ناوی كاندید وەك لە لیستی هاوپێچدا نوسراوە بزانیت.

3. چەكی سەرفكردنی مافە داراییەكان تەنها لە بانكی منارە لە شاری هەولێر كاش دەكرێت .

4. تكایە بە هیچ شێوەیەك سەردانی سەرۆكایەتی ئەنجومەنی وەزیران مەكەن بۆ وەرگرتنی چەكی تواناسازی لە بەر ئەوەی چەكی پارە لە وەزارەتی خوێندنی بالاوە دابەش دەكرێت.
خەندان-

كه‌نه‌دا: مافیایه‌كی‌ كورد به‌ تۆمه‌تی‌ كوشتنی‌ چه‌ندین كه‌س زیندانی‌ ده‌كرێ



mafya1142013-b
كوردێكی‌ باشوری‌ كوردستان، پاش ئه‌وه‌ی‌ به‌ تۆمه‌تی‌ كوشتنی‌ چه‌ندین كه‌س و سه‌ركرده‌ی‌ مافیا، سزای‌ زیندانی‌ به‌سه‌ر دا ده‌سه‌پێنرێت و دادگایه‌كی‌ كه‌نه‌داش پاش به‌سه‌ربردنی‌ ماوه‌ی‌ زیندانییه‌كه‌ی‌، كورده‌كه‌ ره‌وانه‌"دیپۆرت"ی‌ كوردستان ده‌كرێته‌وه‌.

 به‌ پێی‌ هه‌واڵێكی‌ پێگه‌ی‌ "cbc.ca" بارزان چۆڵی‌، هاوڵاتیه‌كی‌ كوردی‌ باشوری‌ كوردستانه‌ و سه‌رۆكی‌ باندێكی‌ مافیا به‌ ناوی‌"چه‌ته‌كانی‌ نه‌ته‌وه‌یه‌كگرتووه‌كان"، بارزان و چوار ئه‌ندامی‌ دیكه‌ ده‌ستیان له‌ كوشتنی‌ سێ برا هه‌بووه‌ ئه‌وانه‌ش به‌ ناوه‌كانی‌ "جارنی‌ و جۆناسان و جارۆد" و، له‌ نێوان ساڵانی‌ 2008_2009 چه‌ندین تاوانی‌ كوشتنی‌ دیكه‌ی‌ ئه‌نجامداوه‌.

بارزان و ئه‌و چوار كه‌سه‌ی‌ دیكه‌ی‌ سزای‌ زیندانی‌ دراون سزاكانیان به‌مجۆره‌ بووه‌:

بارزان چۆلی‌ 14 ساڵ زیندانی‌
جۆن ولیام 13 ساڵ زیندانی‌
كاروان ئه‌حمه‌د 12 ساڵ زیندانی‌
دیلۆن هینگ 12 ساڵ زیندانی‌
یانگ سونگ جۆن لی‌ 11 ساڵ زیندانی‌.

داواكاری‌ گشتی‌  ئه‌و كه‌یسه‌ داواكاری‌ ئه‌وه‌ی‌ هه‌بووه‌، 14 ساڵ زیندانی‌ به‌سه‌ر بارزاندا بسه‌پێنت، چونكه‌ بارزان و ئه‌و چوار كه‌سه‌ی‌ دیكه‌، چوار ساڵ پێش ئێستا ده‌ستگیركراون، بۆیه‌ ئه‌و چوار ساڵانه‌شیان بۆ ئه‌ژمار ده‌كرێت.

به‌پێی یاسایی كه‌نه‌دی، هه‌ر كاتێك بارزان چۆڵی‌ حوكم بدرێت و حوكمه‌كه‌ی ته‌واو كرد، راسته‌وخۆ  ره‌وانه‌ی‌ "دیپۆرت"ی كوردستان ده‌كرێته‌وه‌، بۆیه‌ پارێزه‌ره‌كه‌ی داوای كردووه‌ حوكمی زیندانییه‌كه‌ی بارزان كه‌مبكرێته‌وه‌، بۆ ئه‌وه‌ی له‌ دوای ته‌واوبوونی حوكمه‌كه‌ی راسته‌وخۆ بنێردرێته‌وه‌ بۆ كوردستان.
خه‌ندان-

Wednesday, July 10, 2013

خوێندكارێكی كورد لە ئۆكراینا هەڕەشەی كوشتن و دیپۆرتكردنی لێدەكرێت


e10-6خوێندكارێكی خەڵكی شاری جوانڕۆی رۆژهەڵاتی كوردستان لە رێوڕەسمی دەرچووانی ئاستی دكتۆرا لە زانكۆیەكی ئۆكراینا ئاڵای كوردستان بەرز دەكاتەوە و چەندینجار دروشمی "بژی كوردستان" دەڵێتەوە. بەو هۆیەش لە لایەن باڵیۆزخانەی ئێرانەوە هەڕەشەی لێدەكرێت.
 
خوێندكاری كورد جەمال حوسێنی، ساڵی 2006 بە ئامانجی درێژەدان بە خوێندن، لەسەر ئەركی خۆی چووەتە ئۆكراینا و لە زانكۆی نێودەوڵەتی Bogomoletsی ئەو وڵاتە وەرگیراوە.
 
ئەو خوێندكارە كوردە لە پەیوەندییەكی تەلەفۆنیدا بە (رووداو)ی راگەیاند، هەر لەوكاتەی چووەتە ئەو وڵاتە لەگەڵ خوێندكارانی عەرەب، تورك و فارس تووشی كێشە بووە، بەهۆی ئەوەی خۆی بە كورد و وڵاتەكەشی بە كوردستان بە مامۆستاكانی ناساندووە.
 
حوسێنی بە پاسپۆرتی ئێرانی چووەتە ئۆكراینا، بەڵام خۆی پێ ئێرانی نییە و دەڵێت "هەموو كەس شانازی بە وڵاتی خۆیەوە دەكات، منیش شانازی بەوە دەكەم كە خەڵكی كوردستانم و هیوادارم حكومەتێكی سەربەخۆمان هەبێت".
 
ئەو خوێندكارە لە رێوڕەسمی دەرچوونی لە 21/06/2013 لە كاتی قسەكردنی شۆڕش خالید، باڵیۆزی عێراق لە ئۆكراینا ئاڵای كوردستان بەرز دەكاتەوە و دروشمی "بژی كوردستان" دەڵێتەوە. دوای ئەم كارە، خوێندكارانی ئێرانی لەدژی دەوەستنەوە و بە "جیاخواز و نیشتمانفرۆش" تۆمەتباری دەكەن.
 
دواتریش وەك بۆ خۆی دەڵێت، كەسێكی نزیك لە باڵیۆزی ئێران داوای لێدەكات ئاڵاكەی بشارێتەوە و خۆی بە ئێرانی بناسێنێت. هەروەها بەڵێنی دابینكردنی پێداویستی و پێدانی ئیمكاناتی لە ئێران پێدەدات.
 
ئەو كەسە پێیگوتووە كە بەرپرسانی باڵیۆزخانەی ئێران ئەو كارەی ئەو بە "دژایەتیكردنی حكومەتی ئێران لە ئاستی نێودەوڵەتی" دەزانن، كە بەپێی یاساكانی ئێران تاوانێكی گەورەیە.
 
جەمال حوسێنی دەڵێت گوێی نەداوەتە هەڕەشەكانی ئەو كەسە و لەكاتی وەرگرتنی بەڵگەنامەی دكتۆراكەی لە دەستی بەرپرسانی زانكۆ، ئاڵای كوردستانی بەرزكردووەتەوە.
 
وەكو ئەو خوێندكارە كوردە دەڵێت، دوای رێوڕەسمەكە چەندین جار كەسانی نەناسراو بە تەلەفۆن هەڕەشەی كوشتنیان لێكردووە و دوایین جاریش رۆژی 03/07/2013 لەلایەن باڵیۆزخانەی ئێرانەوە لە ئۆكراینا پەیوەندی پێوەدەكرێت و هەڕەشەی دیپۆرتكردنەوە و دادگایی لێدەكەن. دوای ئەو هەڕەشانە ماڵەكەی خۆی جێدێڵێت و ژمارەی تەلەفۆنەكەشی دەگۆڕێت.
 
ئەو دەڵێت ئەو مۆڵەتەی لە ئۆكراینا بۆ خوێندن پێیدرابوو زۆری نەماوە و چەند رۆژێكی دیكە تەواو دەبێت و ئەگەر داوای مافی پەنابەری نەكات، دەبێ ئەو وڵاتە جێبهێڵێت.
 
جگە لە تەواوبوونی مۆڵەتی مانەوە بۆ خوێندن، جەمال حوسێنی دەڵێت باڵیۆزخانەی ئێران هێزەكانی پۆلیسی ئۆكراینای هانداوە دەستبەسەری بكەن.
ئەو هۆكاری ئەوەی بۆ روون نەبووەتەوە كە بۆچی پۆلیس بەدوایدا دەگەڕێت، بەڵام لەوە دەترسێ كە باڵیۆزخانەی ئێران بەڵگەی "دۆسیەیەكی ساختەی یاسایی" لەسەر دروستكردبێ.
 
 بەپێی یاساكانی كۆچكردن، ئەگەر حكومەتێك داوای یاسایی لەسەر كەسێك هەبێ كە داوای مافی پەنابەری لە وڵاتێكی دیكە كردووە، ئەو كەسە لەلایەن پۆلیسەوە دەستبەسەر و دیپۆرت دەكرێتەوە. بۆیە خۆی رادەستی پۆلیس نەكردووە. جەمال حوسێنی گوتی "لە ترسی دەستگیركردنم لەلایەن پۆلیس لە گوندێكی ئۆكراینا خۆم شاردووەتەوە".
رووداو - هەولێر

Tuesday, July 9, 2013

وه‌زیری كۆچ و كۆچبه‌رانی عیراق: توانیومانه‌ 3 هه‌زار شاره‌زای عیراقی بگه‌ڕێنینه‌وه‌ وڵات


pspory872013-bوه‌زاره‌تی كۆچ و كۆچبه‌رانی عیراق ئاشكرایكرد به‌هۆی هه‌وڵی لایه‌نه‌ په‌یوه‌ندیداره‌كان توانراوه‌ 3 هه‌زار مامۆستاو پسپۆڕ و شاره‌زا له‌وانه‌ی پله‌ی به‌رزیان له‌ده‌ره‌وه‌ی وڵات به‌ده‌ست هێناوه‌ بگه‌ڕێنێته‌وه‌ عیراق و له‌ناوه‌نده‌ جۆراوجۆره‌كانی بواری خوێندن و كاری وه‌زیفی دیكه‌ به‌گه‌ڕیان بخات، ئه‌وه‌شی خسته‌ڕوو كه‌ ئاڵۆزی ره‌وشی ئه‌منی و ئاسته‌نگه‌كانی به‌رده‌م پله‌ی وه‌زیفی رێگرن له‌به‌رده‌م گه‌ڕانه‌وه‌ی كه‌سانی به‌توانای دیكه‌ بۆ عیراق. 
 
له‌كۆنگره‌ی یه‌كه‌می تواناسازیی عیراق وه‌زیری كۆچ و كۆچبه‌رانی عیراق رایگه‌یاند، چه‌ند وه‌زاره‌تێك هاوكار بوون له‌ وه‌رگرتنی ئه‌و ئه‌و خاوه‌ن پسپۆڕییه‌ گه‌ڕانه‌وه‌ و پیاده‌كردنی چه‌ند یاسایه‌كیش بۆ ده‌ستنیشان كردنی ئیمتیازات و ده‌سته‌به‌ر كردنی ژیانی باش هانده‌ر بوون له‌پشت گه‌ڕانه‌وه‌ی ئه‌و كه‌سه‌ به‌توانایانه‌ بۆ عیراق. 
 
وه‌زیری كۆچ و كۆچبه‌ران ئه‌وه‌شی راگه‌یاند كه‌ نه‌بوونی ئۆقره‌یی ئه‌منی وسیاسی و ئاسته‌نگه‌كانی به‌رده‌م دیاریی كردنی پله‌ی وه‌زیفی بۆ ئه‌ خاوه‌ن  بڕوانامانه‌ی ده‌گه‌ڕێنه‌وه‌ وڵات  رێگرن له‌به‌رده‌م گه‌ڕانه‌وه‌ی عیراقیه‌ خاوه‌ن پسپۆڕ و شاره‌زاكانی دیكه‌، هه‌روه‌ك ئه‌و رێوشوێنه‌ بیرۆكراتیانه‌ش كه‌له‌ فه‌رمانگه‌كانی ده‌وڵه‌ت به‌رامبه‌ر ئه‌و خاوه‌ن بڕوانامانه‌ پیاده‌ ده‌كرێن هۆكارن بۆ نه‌گه‌ڕانه‌وه‌یان.    
 
هه‌ر له‌ كۆنگره‌كه‌دا وه‌زیری خوێندنی باڵا ئه‌وه‌ی ئاشكراكرد كه‌له‌هه‌وڵدان بۆ كردنه‌وه‌ی 15 به‌ش له‌زانكۆكان بۆ خستنه‌گه‌ڕی پسپۆڕو شاره‌زایانی گه‌ڕاوه‌كانی عیراق، وتیشی:" له‌حاڵێكدا كه‌سانی پسۆڕو شاره‌زای دیكه‌مان پێویست بوو ئه‌وا په‌نا ده‌به‌ینه‌ به‌ر كه‌سانی بیانی"   .  

خه‌ندان – 

Sunday, July 7, 2013

عێراق‌ و ئوسترالیا رێكه‌وتن كه‌ ئوسترالیا به‌زۆر په‌نابه‌رانی‌ عێراقی‌ نه‌نێرێته‌وه‌


panabarr (2)وه‌زاره‌تی كۆچ‌و كۆچبه‌رانی عێراق ره‌تیكرده‌وه‌ كه‌ به‌زۆر په‌نابه‌رانی عێراقی له‌لایه‌ن حكومه‌تی ئوسترالیاوه‌ بنێردرێنه‌وه‌‌و، باڵیۆزخانه‌ی ئوسترالیا له‌ عێراق له‌گه‌ڵ حكومه‌تی به‌غدا رێكه‌وتووه‌ كه‌به‌زۆر په‌نابه‌رانی عێراقی نه‌نێرنه‌وه‌.
له‌به‌یاننامه‌یه‌كدا وه‌زاره‌تی كۆچ‌و كۆچبه‌رانی عێراق رایگه‌یاند، له‌میانه‌ی دیدارێكی نێوان سه‌لام خه‌فاجی بریكاری وه‌زاره‌تی كۆچ‌و كۆچبه‌ران‌و لیندل ساكس باڵیۆزی ئوسترالیا له‌ عێراق، لایه‌نی عێراقی باڵیۆزی ئوسترالیای ئاگاداركردۆته‌وه‌ له‌ڕه‌تكردنه‌وه‌ی بیرۆكه‌ی به‌زۆری ناردنه‌وه‌ی په‌نابه‌رانی عێراق له‌ وڵاته‌.
به‌گوێره‌ی به‌یاننامه‌كه‌ خه‌فاجی رایگه‌یاندوه‌ كه‌ ده‌وڵه‌تی عێراق به‌گوێره‌ی ستراتیژیه‌تێك كارده‌كات كه‌ جه‌ختكردنه‌وه‌یه‌ له‌ رێزگرتنی مافی مرۆڤ و چاره‌سه‌ركردنی كێشه‌ی په‌نابه‌ران به‌شێوه‌یه‌كی مرۆیی‌و له‌ رێگه‌ی رێزگرتن له‌ بڕیاری خودی په‌نابه‌ر كه‌ پێوه‌ره‌ نێوده‌وڵه‌تیه‌كانیش پشتیوانی ده‌كات.
وه‌زاره‌تی كۆچ‌و كۆچبه‌ران جه‌ختیكرده‌وه‌ كارده‌كه‌ن بۆ چاره‌سه‌ری باشتر بۆ رازیكردنی ئه‌و عێراقیانه‌ی كه‌ داخوازی په‌نابه‌رێتیان ره‌تكراوه‌ته‌وه‌ بۆ وه‌رگرتنی مافی په‌نابه‌رێتی تا به‌شێوه‌یه‌كی ئاره‌زوومه‌ندانه‌ بگه‌ڕێنه‌وه‌ بۆ عێراق.
بریكاری وه‌زاره‌تی كۆچ‌و كۆچبه‌رانی عێراق ئاماژه‌ی به‌وه‌كرد ده‌وڵه‌تی عێراق ئاماده‌ی هه‌موو هاریكاریه‌كه‌ بۆ یارمه‌تیدانی سه‌رجه‌م ده‌وڵه‌تانی دۆست به‌ ئوسترالیاشه‌وه‌ كه‌به‌هاوكاری رێكخراوه‌ نێوده‌وڵه‌تیه‌كان كار بكه‌ن بۆ گێڕانه‌وه‌ی ئاره‌زومه‌ندانی په‌نابه‌ره‌ عێراقیه‌كان كه‌ ویستی گه‌ڕانه‌وه‌یان هه‌یه‌.
باڵیۆزی ئوسترالیا له‌ عێراق رایگه‌یاند، پشتیوانی له‌ سه‌رنج‌و بڕیاره‌كانی حكومه‌تی عێراق ده‌كه‌ن‌و دژی گێڕانه‌وه‌ی به‌زۆری په‌نابه‌ره‌ عێراقیه‌كانن.
NRT

Thursday, July 4, 2013

كچه‌ راگه‌یاندنكارێكی‌ كورد خه‌ڵاتی‌ نه‌ته‌وه‌یه‌كگرتووه‌كان به‌ده‌ست ده‌هێنێت


un372013-bله‌میانه‌ی‌ پێشبڕكێیه‌كدا له‌شاری‌ هه‌ولێر كچه‌ راگه‌یاندنكارێكی‌ كورد خه‌ڵاتی‌ نه‌ته‌وه‌یه‌كگرتوه‌كان له‌سه‌ر دۆخی‌ په‌نابه‌ران به‌ده‌ست ده‌هێنێت. 
 
 ڕۆشنا عه‌لی‌، ماوه‌ی‌ چه‌ند ساڵێكه‌ كاری‌ راگه‌یاندن ده‌كات، له‌یه‌كێك له‌و پێشبڕكێیانه‌ی‌ كه‌له‌سه‌ر دۆخی‌ په‌نابه‌ران ئه‌نجام دراوه‌،  له‌لایه‌ن كۆمسیۆنی‌ باڵای‌ په‌نابه‌رانی‌ سه‌ر به‌ نه‌ته‌وه‌یه‌كگرتووه‌كان خه‌ڵات به‌ده‌ست ده‌هێنێت.
 
له‌و باره‌یه‌وه‌ ڕۆژنامه‌نوس ڕۆشنا عه‌لی‌ به‌ (خه‌ندان)ی‌ راگه‌یاند: "له‌لایه‌ن كۆمسیۆنی‌ باڵای‌ په‌نابه‌رانی‌ سه‌ر به‌ نه‌ته‌وه‌یه‌كگرتووه‌كان پێشبڕكێیه‌كی‌ تایبه‌ت  له‌سه‌ر دۆخی‌ په‌نابه‌ران له‌ هه‌رێم ڕێكخرا"
 
وتیشی‌، تایبه‌ت به‌و پێشبڕكێیه‌ ڕاپۆرتێكم له‌سه‌ر كه‌مپی‌ دۆمیز له‌ دهۆك به‌ناونیشانی‌ ( منداڵان ده‌بنه‌ قوربانی‌ جه‌نگه‌كان) پێشكه‌ش كرد، دواتر له‌لایه‌ن لیژنه‌یه‌كه‌وه‌ به‌شێوه‌یه‌كی‌ باش هه‌ڵسه‌نگاندنی‌ بۆ كرا.
 
ڕۆشنا عه‌لی‌ باسی‌ له‌وه‌شكرد: "له‌سه‌ر ئاماده‌كردنی‌ ڕاپۆرته‌كه‌ خه‌ڵاتی‌ نه‌ته‌وه‌یه‌كگرتووه‌كانم به‌ده‌ست هێنا كه‌ له‌ لایه‌ن نوێنه‌ری‌ نه‌ته‌وه‌یه‌كگرتووه‌كان بۆ كاروباری‌ په‌نابه‌ران له‌ ڕۆژهه‌ڵاتی‌ ناوه‌راست پێم به‌خشرا".
 
ڕۆژنامه‌نوس ڕۆشنا عه‌لی‌ ساڵی‌ 1976 له‌ شاری‌ سلێمانی‌ له‌دایك بووه‌ و ماوه‌ی‌ چه‌ند ساڵێكه‌ وه‌ك ڕۆژنامه‌نوس كارده‌كات. 

خه‌ندان – سامان قوبادی‌ 

Monday, July 1, 2013

پێشانگای زانکۆکانی تورکیا وقوبڕس لە هەولێر


بە سەرپەرشتی کۆمپانیای ڕۆنی وبە هاوکاری وەزارەتی خوێندنی باڵا وتوێژینەوەی زانستی وقونسوڵخانەی تورکیا لە هەولێر بە بەژداریزیاتر لە 30زانکۆی نێودەوڵەتی لە تورکیا وقوبڕس.
قوتابیانی تواناسازی دەتوانن سوود لەم پێشانگایە وەربگرن. هەروەها ئەو قوتابیانەی ئارەزووی تەواوکردنی خوێندنی بەکەلۆریۆس وماستەر ودکتۆرایان هەیە لە تورکیا و قوبڕس، جا داوا لە قوتابیان دەکەین سەردانی پێشانگا بکەن و بەشداری بکەن تا بتوانن ئۆفەر (القبول) وەرگرن لە دوو ڕۆژی پێشانگا.

ڕێکەوت: 3 و 4-7- 2013
کاتژمێر:1 پاش نیوەرۆ تــا 7 ئێوارە
شوێن: هۆڵی ڕۆشنبیری وکولتوریزانکۆی سلاح الدین / هەولێر / ڕێگای کەرکوک

هاتن بۆ هەمووانە.

ئەو زانکۆیانەی بەژدار دەبن:
Atılım University
Girne American University
Cyprus international University
Amasaya University
Yaşar University
Bahçeşehir University
İstanbul Aydın University
İstanbul Bilgi University
İstanbul Ticaret University
Near East University
Lefke European University
Eastern Mediterranean University
Okan University
Akdeniz Karpaz Universitesi
Gaziantep University
İzmir University
OndokuzMayıs University
Karabük University
Kastamonu University
KahramanmaraşSütçü İmam University
Aksaray University
International Sarajevo University
Celal Bayar University
Siirt University
Gazikent University
Dicle University
Dumlupınar University
Bezmialem University
İstanbul Kültür University
Üsküdar University