Thursday, April 26, 2012

وه‌زیری خویندنی باڵا پێشوازی له‌ به‌ڕێوه‌به‌ری كامپی سیدنی زانكۆی بۆلاردی ئوستراڵی كرد


25/4/2012 كاتژمێر 10 ی به‌یانی، له‌ دیوانی وه‌زاره‌ت، دكتۆر عه‌لی سه‌عید وه‌زیری خویندنی باڵا و وتوێژینه‌وه‌ی زانستی پیشوازیكرد  له‌ دكتۆر پارتیشیا ستیوارت  به‌ڕێوه‌به‌ری كامپی سیدنی زانكۆی (بۆلارد)ی ئوستراڵی.


له‌ دانیشتنه‌كه‌دا خاتوو پارتیشیا كورته‌یه‌كی له‌باره‌ی زانكۆی نابراو باسكرد و ئاماژه‌ی به‌وه‌ كرد، كه‌ سه‌رجه‌م به‌شه‌كانی له‌ خۆده‌گرێت، وتیشی " له‌ به‌رنامه‌مان دایه‌ له‌بواری كلینیكی و ئه‌و لایه‌نه‌ی په‌یوه‌ندییان به‌ نه‌خۆش وڕاهێنانی كلینیكییه‌وه‌ هه‌یه‌ به‌شی تر تاوتوێ بكرێت  ، كه‌ ده‌روازیه‌كی باشه‌ بۆ خوێندكارانی تواناسازی هه‌رێمی كوردستان،تا له‌ بواره‌ پزشیكییه‌كان  بخوێنن".

دكتۆر عه‌لی سه‌عید له‌ لایه‌ن خۆیه‌وه‌، ئاماده‌یی ته‌واوی وه‌زاره‌تی خوێندنی باڵای ده‌ربڕی بۆ ئاسانكاری و هه‌ماهه‌نگی و ئاماژه‌ی به‌وه‌شكرد، كه‌  وه‌زاره‌تی خویندنی باڵا وه‌كو پره‌نسیپ ، گرنگی زۆر به‌ گشت پسپۆڕییه‌كان ده‌دات و ئاره‌زوومه‌نده‌ ، كه‌ كادیری گشت بواره‌كان دروستبكات به‌تایبه‌تی زانستییه‌كان،
 وتیشی " هه‌رێمی كوردستان به‌ قۆناغی سه‌خت و پر له‌ كۆسپ تێپه‌ڕیوه، كه‌ كاریگه‌رییان له‌سه‌ر ڕه‌وتی زانست و زانستخوازی هه‌بووه‌، به‌ڵام له‌ ئیستادا حكومه‌تی هه‌رێم ده‌روازه‌ی به‌ڕووی ده‌ره‌وه‌دا كردۆته‌وه‌ و وه‌زاره‌تی خوێندنی باڵاش خاوه‌نی نه‌خشه‌ ڕێگایه‌كه، كه‌ به‌و هۆیه‌وه‌ ئاستی زانستی زانكۆكانمان له‌ هه‌ڵكشاندایه‌‌‌ و گه‌شبینین به‌وه‌ی  له‌ داهاتوودا  بگاته‌ ئاستی زانكۆ باشه‌كانی جیهان".

سایتى وەزارەتى خوێندنى باڵاو توێژینەوەى زانستى


گەنجێک لە ئەڵمانیاوە دەگەڕێتەوەو لە کوردستان گیان لەدەست دەدات

گه‌نجێك كه‌ دوو هه‌فته‌یه‌ له‌ ئه‌ڵمانیا گه‌ڕاوه‌ته‌وه‌ بۆ ژنهێنان به‌هۆى نه‌زانینى شۆفێرییه‌وه‌ تووشى رووداوى هاتوچۆ ده‌بێت‌و گیانله‌ده‌ست ده‌دات.

مولازم موئه‌یه‌د، به‌رێوه‌به‌رى بنكه‌ى پۆلیسى مه‌هات به‌ ماڵپه‌ڕى (رووداو)ى راگه‌یاند "دوێنێ گه‌نجێكى ئێزدى به‌هۆى رووداوێكى هاتوچۆوه‌ گیانى له‌ده‌ستداو یه‌كێكى دیكه‌ش بریندار بوو".

مولازم موئه‌یه‌ گوتى "ئه‌و گه‌نجه‌ى گیانى له‌ده‌ستداوه‌ ناوى (دیار جه‌لال)ه‌‌و ئێزدییه‌‌، ئه‌و 15 رۆژه‌ له‌ ئه‌ڵمانیا گه‌راوه‌ته‌وه‌ بۆ قه‌زاى شێخان بۆ ناو كه‌سوكاره‌كه‌ى به‌مه‌به‌ستى ژنهێنان، به‌ڵام دواى نیوه‌ڕۆى دوێنێ كه‌ خه‌ریكى خۆئاماده‌كردن بووه‌ بۆ ژنهێنان كه‌ ئه‌مڕۆ ئاهه‌نگى ژنهێنانه‌كه‌ى بووه‌، ئۆتۆمبێلى ماڵه‌وه‌ى بردووه‌ته‌ ده‌ره‌وه‌ تووشى رووداوى هاتوچۆ بووه‌‌و گیانى له‌ده‌ستداوه‌".

هاووڵاتییه‌ك به‌ناوى ئیبراهیم دینو به‌ (رووداو)ى راگه‌یاند "دیار به‌مه‌به‌ستى ژنهێنان گه‌ڕابووه‌وه‌، ئه‌و هه‌رچه‌نده‌ شۆفێرى باش نه‌ده‌زانى ئۆتۆمبێلى لێخوڕیوه‌‌و ویستوویه‌تى خۆى بۆ ئه‌مڕۆ ئاماده‌بكات بۆ ئاهه‌نگى ژنهێنان، به‌ڵام به‌هۆى رووداوى هاتوچۆوه‌ گیانى  له‌ده‌ستداو داوه‌ته‌كه‌یان بوو به‌ شین‌و رۆڕۆ".


بارزان شێخانى
رووداو- شێخان

ژماره‌یه‌ك په‌نابه‌ری‌ كورد ده‌نێردرێنه‌وه‌

وێنه‌ی‌ چه‌ند په‌ناخوازێك له‌كاتی‌ مانگرتنیان له‌سه‌ر سه‌قفی‌ كه‌مپێكی‌ ئوسترایا- ئه‌رشیف
ده‌شتی‌ جه‌مال سكرتێری‌ فدراسیۆنی‌ په‌نابه‌رانی‌ سه‌راسه‌ری‌ عێراق به‌ئاوێنه‌نیوزی‌ راگه‌یاند "بڕیاره‌ ئه‌مڕۆ (سێشه‌ممه‌) 50 په‌نابه‌ری‌ عێراقی‌ كه‌ له‌گرتوخانه‌ی‌ ماشتای‌ نزیک ستۆکهۆڵمی‌ پایته‌ختی‌ سویدن، به‌زۆر دیپۆرتی‌ فرۆکەخانەی بەغدا بکریَنەوە".

ناوبراو ئه‌وه‌شی‌ ئاشكراكرد "زۆربه‌ی‌ ئه‌و په‌نابه‌رانه‌ كوردن"، به‌بێ‌ ئه‌وه‌ی‌ ژماره‌كه‌یان ئاشكرابكات.

ناوبراو وتیشی‌ "ناردنەوە ئەو پەنابەرانە لە کاتیَکدایە کە دەیان ئەندام پەرلەمان‌و لایەنی سیاسی‌و رێکخراوی مرۆیی‌ لە کەمپینی فیدراسیۆنی سەراسەری پەنابەرانی عیراقی دژ بە ناردنەوەی پەنابەران بەشداریان کروە".

له‌هه‌مانكاتدا ده‌شتی‌ داوای‌ لەحکومەتەکەی مالکی دەکەن هاوکاری‌و ئاسانکاری بۆ بەزۆر ناردنەوەی پەنابەران راگرێت، بەڵام "تا ئێستا پچوکترین بەرپرسیاریَتیان نیشاننه‌داوه‌‌و به‌رده‌وامن له‌وه‌رگرتنه‌وه‌ی‌ دیپۆرتكراوان".
 
سكرتێری‌ فیدراسیۆنه‌كه‌ ئه‌وه‌شی‌ خسته‌ روو "پێویسته‌ حكومه‌تی‌ هه‌رێم‌و په‌رله‌مانی‌ كوردستان ده‌ستبه‌جێ‌ هه‌وڵه‌كانیان بخه‌نه‌ گه‌ڕ له‌پێناو راگرتنی‌ دیپۆرتكردنی‌ په‌نابه‌رانی‌ ئه‌وروپا".
شایەنی باسە لە ماوەی چەند هەفتەی رابردوودا، فیدراسیۆنی سەراسەری پەنابەرانی عێراقی لەئاستی دەرەوەو ناوەوەی عێراق‌و کوردستان کەمپینێکی نارەزایەتی راگەیاندوە دژ بە دیپۆرتی پەنابەران.



زریان محمد 
ئاوێنه‌ نیوز

Monday, April 23, 2012

ئەتەوێ لە ئوسترالیا بخوێنیت؟

If you want to apply for Masters or PhD at the University of South Australia or another university in Australia, you can contact the International Group for Educational Consultancy (IGEC) in Ankawa. Below is their address. They will help you to apply for the University for free, they dont charge you anything at all. 

Address: Near Ankawa Palace (240/10/382)
Hawler
Phone:
964 (771) 4747-669

Manager: Mr Adel Mizher
Email: a.mizher@igec.com.au

ئەگەر دەتانەوێت لە ئوستڕالیا بخوێنن، دەتوانن سەردانی IGEC بکەن لە عەنکاوە بۆ هەلبژاردنی زانکۆیەکی گونجاو و پرکردنەوەی فٶرمی داواکاری. ئەو سەنتەرە بێ بەرامبەر یارمەتی ئەو پێشکەشکارانە دەدات کە دەیانەوێت لە زانکۆی باشوری ئوستڕالیا بخوێنن. تکایە پەیوەندی بەو ناونیشانەی سەرەوە بکەن بۆ زانیاری زیاتر.

Address: Near Ankawa Palace (240/10/382)
Hawler
Phone:
964 (771) 4747-669

Manager: Mr Adel Mizher
Email: a.mizher@igec.com.au





سەرچاوە: پەیجى تواناسازى لە فەیسبووک

زۆربه‌ی خێزانه‌ كورده‌كان له‌ ئه‌وروپا هه‌ڵوه‌شاونه‌ته‌وه‌


وێنه‌یه‌كی خوازراو

رووبه‌رنێت ـ شاخه‌وان ئه‌كره‌م- هۆڵندا

خێزانه‌ كورده‌كانی ئه‌وروپا رووبه‌ڕووی چه‌ندین گرفتی گه‌وره‌ بوونه‌ته‌وه‌ و یه‌كێك له‌
گه‌وره‌ترین كێشه‌كانیش خیانه‌ت و جیابوونه‌وه‌ی هاوسه‌رییه‌ كه‌ تادێت ئه‌م دیارده‌ له‌ ناو كورده‌كانی مه‌نفادا په‌ره‌ ده‌سه‌نێت.

كوردستان عه‌لی سیانزه‌ ساڵه‌ دانیشتوی وڵاتی سوێده‌ ‌و دوای ئه‌وه‌ی چه‌ند قۆناغێكی خوێندن ده‌بڕێت و ئێستاش وه‌رگێڕی باوه‌ڕپێكراوه‌ له‌ فه‌رمانگه‌ی شاره‌وانی شاری (sundsvall)ی سوێد، هاوكات ئه‌ندامی ژووری دادگاییه‌ له‌ دادگای رووداو و به‌شی تاوان، له‌گه‌ڵ ئه‌مانه‌شدا كارێكی تری هه‌یه‌ له‌ زنجیره‌ كۆمپانیاكانی (میدیا ماركێت) بۆ به‌رهه‌مهێنانی كه‌لوپه‌له‌ كاره‌باییه‌كا‌ن.

كوردستان له‌‌گه‌ڵ باوك و برایه‌كی بچووكیدا ساڵی 1999‌ كوردستانی جێهێشتووه‌ و ئێستا له‌ سوێد نیشته‌جێیه‌، دوای ئه‌وه‌ی زمانی سوێدیی خوێندووه‌ پاشان چووه‌ته‌‌ ناوه‌ندێكی‌ خوێندنه‌وه‌ له‌وێوه‌ هاوپۆلێكی ناسیوه‌ و ‌هه‌ستی كردووه‌ ژیانی پڕ ده‌كات له‌ ‌هه‌ست و نه‌ستی خۆشه‌ویستی، بۆیه‌ "كوردستان " عاشقبوونی ده‌رده‌‌خات و ئه‌وه‌ بوو له‌ كۆتایی ساڵی 2004 دا له‌گه‌ڵ (محه‌مه‌د) باسی هاوسه‌رگیریی هاتۆته‌ ‌پێشه‌وه‌ و به‌ یه‌كتری رازی بوون به‌ گرێدانی ژیانی هاوسه‌رێتی.

پرسیمان بۆ له‌ عاشقبوونه‌وه‌ بۆ دابڕان و جیابوونه‌وه‌؟ كوردستان دوای هه‌ڵكێشانی هه‌ناسه‌كی قوڵی پڕ له‌ ‌ئاخ وتی"محه‌مه‌د به‌ رواڵه‌ت زۆر جوان بوو، زۆرم به‌ دڵ بوو، ئیتر به‌ نیازی ژیانی هاوسه‌رێتی بووم، به‌ باشم زانی هه‌ڵیبژێرم بۆ هاوبه‌شی ژیانم و له‌ ناخی خۆمدا وتم له‌و باشترم ده‌ستناكه‌وێت كه‌ ئیقامه‌ی هه‌یه‌ و پێویستی به‌ئیقامه‌ی من نییه‌. ئیتر وای لێهات هه‌ردوولامان رازی بووین و پێكه‌وه‌ ژیان، به‌ڵام ژیانێكی پڕ له‌ ‌چه‌رمه‌سه‌ریی و تێكچوونی ها‌وسه‌نگی له‌ هه‌موو رووه‌كانه‌وه‌، ئیتر زۆربه‌ی كات هه‌ر بڕیارێكی بدایه‌ ده‌بوایه‌ قسه‌ی ئه‌و بوایه"‌.

كوردستان ئه‌وه‌ش ده‌خاته‌ڕوو  كه‌ دواتر‌ زانیویه‌تی هاوسه‌ره‌كه‌ی ماوه‌ی دوانزه‌ ساڵ له‌گه‌ڵ ژنێكی تر ژیانی به‌سه‌ر بردووه‌ ‌و كچ و كوڕێكی لێی بووه‌ و هه‌رچی پاره‌ی هه‌بووه‌ ئه‌و ژنه‌ بردوویه‌تی و جیابۆته‌وه‌، كه‌چی"دواتر بووه‌ قوڕ به‌سه‌ر‌یی بۆ من، سیقه‌ی به‌ من نه‌ده‌كرد له‌سه‌ر ئه‌وه‌وه‌، بۆیه‌ ئه‌و ئیشی نه‌ده‌كرد، من ئیشـم ده‌كرد و ئه‌ویش هه‌ر داده‌نیشت. له‌ سه‌ری مانگه‌وه‌ راكه‌ راكه‌م بوو بۆ په‌یداكردنی پاره‌ تا كۆتایی مانگ هیچ نه‌ده‌مایه‌وه‌، نه‌ سه‌فه‌رێكمان ده‌كرد، نه‌ سه‌یرانێكمان ده‌كرد، نه‌ ده‌یهێشت میوانێكمان بێت، له‌به‌رئه‌وه‌ی حه‌زی به‌ میوان و شت نه‌ده‌كرد".

كوردستان هێما بۆ ئه‌وه‌شده‌كات جارێك گوێی له‌ ‌ته‌له‌فۆنكردنی هاوسه‌ره‌كه‌ی بووه كه‌‌ قسه‌ی له‌گه‌ڵ برایه‌كی ده‌كرد له‌ كوردستان و ده‌یوت: برا، یه‌ك ده‌فته‌ر و نیو دۆلارم بۆ بنێره‌!!،"منیش له‌ ‌دڵی خۆمدا وتم خه‌ریكه‌ دێته‌وه‌ سه‌ر خۆی بۆ ئێمه‌ی سه‌رف ده‌كات و ماڵێكی جوانی لێده‌كه‌م، كاتێكم زانی پاره‌كه‌ی به‌ ده‌ست گه‌یشت و ناردبووی بۆ كچه‌كه‌ی كه‌ له‌ ‌ژنه‌ ‌كۆنه‌كه‌ی بوو بۆ ده‌ركردنی مۆڵه‌تی شۆفێریی!. ئه‌گه‌ر قسه‌م بكردایه‌ ده‌یووت بۆت نییه‌ قسه‌ بكه‌یت! منیش ئه‌م هه‌موو هه‌وڵه‌م داوه‌ كه‌ حه‌و‌ت ساڵ بوو له‌گه‌ڵی بووم، ئیتر كێشه‌كان به‌ره‌و گه‌وره‌بوو‌ن ده‌ڕۆشتن و هه‌موو مانگێكیش بڕی ده‌ گه‌ڵای بۆ ده‌هات حه‌قی به‌ كرێدانی دوكان و خانوویه‌كی له‌ كوردستان، ئه‌ویشی بۆ سه‌رف نه‌ده‌كردین، هه‌رچی سه‌رفیات بۆ بژێویی ژیان، من په‌یدام ده‌كرد. گه‌شته‌ ئه‌وه‌ی زانیم زه‌حمه‌ته‌ به‌رده‌وامبوونی ژیان له‌گه‌ڵی و داوای جیابوونه‌وه‌م كرد و مه‌به‌ستم بوو له‌ ‌ژیانم ده‌ریبكه‌م".

كوردستان ئاماژه‌ی به‌وه‌شدا دوای حه‌وت ساڵ ژیانی هاوسه‌رێتی، دواجار له‌ ‌رێگه‌ی یاساوه‌ هه‌ر له‌ ‌سوێد له‌ مانگی 12ی2011 له‌گه‌ڵ هاوسه‌ره‌كه‌ی جیابووته‌وه، ده‌شڵێت"ئێستا وا خه‌ریكه هاوسه‌ره‌كه‌ی پێشووی‌ ژن بهێنێته‌وه‌ و له‌به‌رئه‌وه‌ی من داوای جیابوونه‌وه‌م كردووه‌ ته‌هدیدی كردووم ئه‌گه‌ر ‌بچمه‌وه‌ كوردستان به‌ سه‌فه‌ر كچه‌كه‌م ده‌فڕێنێت له‌ رێگه‌ی براكانییه‌وه‌ كه‌ نیشته‌جێی كوردستانن، ئێستا به‌خێوكردنی كچه‌كه‌م له‌سه‌ر منه‌ ‌و له‌گه‌ڵ خۆم ده‌ژیت. باوه‌ڕ بكه‌ن ئه‌خیر جار كه‌ ‌منداڵه‌كه‌می بینیبوو بردبووی بۆ ماگدۆناڵس كه‌ بۆی هێنامه‌وه‌ وتی په‌نجا كرۆنم بۆ سه‌رف كردووه‌ بمده‌ره‌وه‌! منیش دامه‌وه‌. تو خوا ئه‌وه‌ باوكه‌؟. ئیتر له‌و كاته‌وه‌ منداڵه‌كه‌می نه‌بینیوه‌. ئێستاش خۆم و كچه‌ ته‌مه‌ن شه‌ش ساڵه‌كه‌م ‌پێكه‌وه‌ له‌ خانوویه‌كدا ده‌ژین به‌ حه‌سره‌ت و خه‌مه‌وه‌".

(كانیاو .ع) ته‌مه‌نی 35 ساڵه‌ و ماوه‌ی 15 ساڵه‌ له‌ هۆڵندا ده‌ژی و حه‌ز ناكات ناوی مێرده‌كه‌ی به‌رێت له‌‌به‌ر دروست نه‌بوونی كێشه‌ كه‌ نۆ ساڵ له‌گه‌ڵی ژیاوه‌، ئێستاش ‌به‌هۆی جیابوونه‌وه‌یان به‌ ته‌نیا ده‌ژی. كانیاو له‌ ‌ماركێتی فرۆشتنی كه‌لوپه‌لی ژنان كار ده‌كات، ده‌یوت"هۆكاری جیابونه‌وه‌ی من و مێرده‌كه‌م ده‌گه‌ڕێته‌وه‌ بۆ ئه‌م هه‌موو به‌رده‌ستانه‌ی له‌ ئه‌وروپا هه‌یه‌ و به‌ ‌ئاسانی ده‌ست پیاوان ده‌كه‌وێت. پیاوه‌كه‌ی من به‌ رۆژ ئیشی ده‌كرد ئێوارانیش ده‌چوو بۆ خۆشی خۆی و شه‌وانی شه‌ممه‌ ده‌چوو بۆ دیسكۆ، جار جاریش ده‌چوو (هۆڵند گازینۆ‌) شوێنی قوماركردنه‌. ئه‌م كارانه‌ وای كرد بیری چووبوو ‌من هاوسه‌ری ئه‌وم، زۆر تكام لێكرد باش بێت و بیر له‌ بوونی خێزانه‌كه‌ی بكاته‌وه‌، به‌ڵام كاره‌ ناشرینه‌كانی به‌رده‌وام بوو".

(كانیاو .ع) پێیوایه‌ هاوڕێ خراپه‌كانی هاوسه‌ره‌كه‌یان زیاتر وا لێده‌كرد به‌ره‌و هه‌ڵدێری به‌رن، ده‌شڵێت"تا وای لێهات به‌رده‌وام به‌ سه‌رخۆشی ده‌گه‌ڕایه‌وه‌ ماڵه‌وه‌، سه‌ره‌ڕای ئه‌وه‌ش خیانه‌تی لێكردم، له‌گه‌ڵ ئافره‌تی بیانیدا بوو، كار گه‌یشته‌ ئه‌وه‌ی توانام نه‌ما له‌گه‌ڵی بژیم، بۆیه‌ داوای جیابوونه‌وه‌م كرد و ته‌لاقم وه‌رگرت. ئێستاش به‌ ته‌نیا ده‌ژیم و ده‌توانم بڵێم هاوبه‌شی ژیانم له‌ ده‌ستدا، هۆكاره‌كه‌شی هاوڕێی خراپ بوو، له‌به‌رئه‌وه‌ی به‌ خۆشه‌ویستی ژیانی هاوسه‌رێتیمان پێكهێنا، ئێستاش ته‌نیایی خه‌ریكه‌ ژیانم له‌ ناو ده‌بات و زۆر بیركردنه‌وه‌ ته‌نگی به‌ ژیانم هه‌ڵچنیوه".

‌(كانیاو .ع) راشگه‌یاند ره‌نگه‌ به‌ ‌یه‌كجاریی بگه‌ڕێته‌وه بۆ‌ كوردستان له‌‌به‌رئه‌وه‌ی مانه‌وه‌ی له‌و وڵاته‌دا وای لێده‌كات له‌ خۆی بێزار بێ و شتێك له‌ ‌خۆی بكات.

هاوكات لانه‌ سه‌لاح مه‌جید دانیشتوی نه‌رویجه‌ له‌ ‌چانسێكی تردا بۆ ژیانی هاوسه‌رێتی، ده‌یوت"هاتوچۆ و په‌یوه‌ندیی خێزانه‌كان خاڵێكه‌ بۆ دروستبوونی كێشه‌كان، به‌ڵام ئێمه‌ی مرۆڤ پێویستمان به‌ تێكه‌ڵاویی و هاتوچۆكردنی یه‌كتر هه‌یه‌ وه‌ك ئه‌وه‌ی چۆن پێویستمان به‌ ئا‌و و هه‌وا و خواردن‌ هه‌یه‌، ته‌نیا یه‌ك شت گرنگه‌ چۆن بتوانین هه‌ڵسوكه‌وتی خۆمان له‌گه‌ڵ كه‌سانی تر جیاواز بكه‌ین به‌و مانایه‌ی بناغه‌ی هه‌ڵسوكه‌و‌ته‌كانمان له‌ سه‌ره‌تاوه‌ به‌ دروستی دابنێین و به‌ دووری بكه‌ین له‌ هه‌ندێك دیارده‌ كه‌ جوانی مرۆڤه‌كانی پێ ناشرین ده‌بێت وه‌ك درۆكردن و وتی وتی كردن بۆ یه‌كتری، په‌نجه‌راكێشان به‌ ناشرین یان ته‌داخولكردنه‌ ناو ژیانی تایبه‌تی كه‌سانه‌وه‌، ئه‌مانه‌ دورستكه‌ری كێشه‌ی كۆمه‌ڵایه‌تین".

لانه‌ سه‌لاح دوای ئه‌وه‌ی تۆزێك راما و بێده‌نگ بوو، پاشان وتی"ئه‌و دیارده‌یه‌ زۆر باوه‌ ئه‌م قسه‌ هێنان و بردن و وتی وتیكردن، له‌گه‌ڵ ئه‌وه‌ی كه‌ كرده‌وه‌یه‌كی ناشرینه‌، هه‌ندێك جار ده‌بێته‌ هۆی لێك هه‌ڵوه‌شاندنه‌وه‌ی خێزان یان دوژمنایه‌تی یان هه‌ندیك جار كوشتن، ئه‌مه‌ هه‌مووی له‌ ئه‌نجامی نه‌مانی متمانه‌یه‌ بۆ یه‌كتری، زۆر جاریش خێزانه‌كان له‌نێوان یه‌كتریدا خۆش باوه‌ڕن".

Saturday, April 21, 2012

وەفدى زانکۆکانى ئوسترالیا دێنە کوردستان


بۆ ئاره‌زوومه‌ندانی خوێندن له‌ وڵاتی ئوسترالیا کۆمه‌لێک له‌ زانکۆکانی ئوسترالیا... به‌م زوانه‌ ده‌گه‌نه‌ هه‌رێمی کوردستان بۆ به‌خشینی ئۆفه‌ر به‌ خۆڕایی له‌م شوێن و کاتانه‌ . هه‌ولێر هۆتیلی شیراتۆن 21/4 ..... دهۆک زانکۆی دهۆک 22/4 ........ ..........سلێمان زانکۆی سلێمانی 23/4 ..... سه‌فیر هۆتێل ( به‌رامبه‌ر هۆتێل چوار چرا)24-4/25 کاتژمێر 10:00 به‌یانی تاکو 7:00 ئێواره‌ به‌رده‌وام ده‌بێت .
بۆ زانیاری زیاتر په‌یوه‌ندی بکه‌ن به‌ .0750836939

Thursday, April 19, 2012

كۆچ بۆ ئوسترالیا به‌رێژه‌ى 20% زیادى كردووه‌

1510 په‌نابه‌ر له‌ ئوسترالیا دیپۆرت كراوه‌ته‌وه‌، له‌ناویاندا به‌ ده‌یان كورد‌ هه‌یه‌
له‌ مانگى ته‌موزى ساڵى رابردووه‌وه‌ كۆچ بۆ ئوسترالیا له‌ زیادبووندایه‌‌و به‌پێى دوایین راپۆرتى وه‌زاره‌تى كۆچ‌و په‌نابه‌رانى ئوستڕالیا كه‌ ئه‌مڕۆ بڵاوى كردووه‌ته‌وه‌ رێژه‌ى په‌نابه‌ران به‌ رێژه‌ى 20% زیادى كردووه‌.

له‌ مانگى ته‌موزى 2011ه‌وه‌ تاوه‌كو ئێستا سه‌دان هه‌زار په‌نابه‌ر روویان له‌ ئوسترالیا كردووه‌، به‌ڵام ته‌نیا 116 هه‌زار مافى په‌نابه‌رێتیان وه‌رگرتووه‌، به‌مه‌ش 20% په‌نابه‌ران له‌و وڵاته‌ له‌چاو ساڵى پێشوو زیادى كردووه‌.

76 هه‌زار‌و 187 په‌نابه‌ر گه‌یشتوونه‌ته‌ ناو ئوسترالیا‌و 40 هه‌زار‌و 413ش له‌ده‌ره‌وه‌ى ئوسترالیا له‌رێگه‌ى فیزاوه‌ هاتوون، ساڵانه‌ سه‌دان هه‌زار په‌نابه‌ر روو له‌ ئوسترالیا ده‌كه‌ن له‌ پێناو گه‌ڕان به‌دواى ژیانێكى باشتر، كه‌ له‌و ژماره‌ زۆره‌ش حكومه‌تى ئوسترالیا 100 بۆ 120 هه‌زار په‌نابه‌ر وه‌رده‌گرێ، ئه‌وانى دیكه‌ش دیپۆرت ده‌كاته‌وه‌ كه‌ ته‌نها هه‌فته‌ى رابردوو ئوسترالیا 1510 كه‌سى دیپۆرت كرده‌وه‌، كه‌ تێیاندا ده‌یان كورد‌و عێراقى هه‌بوون.  

وه‌رگرتنى په‌نابه‌ر له‌ ئوسترالیا له‌سه‌ر بنه‌ماى كوالێتى‌و لێهاتوویى په‌نابه‌ره‌، له‌وانه‌ش ده‌بێت كه‌سه‌كه‌ زمان بزانێت‌و، بڕوانامه‌ و ئه‌زموونى كاركردنى هه‌بێت. زۆربه‌ى په‌نابه‌ره‌كانیش له‌ نیوزله‌ندا به‌ رێژه‌ى (11.5%)، هندستان به‌ رێژه‌ى (11.3%)، به‌ریتانیا (11%)، چین (11%) دێن‌و به‌ده‌یان كه‌سیش له‌ یۆنان، عێراق، توركیا، سووریا، ئێران به‌ ناوچه‌ كوردییه‌كانیشه‌وه‌ ساڵانه‌ روو له‌و وڵاته‌ ده‌كه‌ن.
 
ئوسترالیا پلانى هه‌یه‌ زیاتر ئه‌و په‌نابه‌رانه‌ وه‌ربگرێت كه‌ كارێك ده‌زانن له‌و كارانه‌ش (شوفێرى تراكتۆر و بارهه‌ڵگر، بۆڕیچى، كاره‌باچى، وه‌ستاى دیوار و بینادروستكردن) سه‌ره‌راى ئه‌وه‌ش ده‌بێت زمانزان بێت‌و ئه‌زموونیشى هه‌بێت له‌هه‌موو بواره‌كانى دیكه‌ى ژیاندا.
رووداو- ئوسترالیا

Monday, April 16, 2012

به‌ریتانیا 100 په‌ناخواز ده‌رده‌كاته‌ سه‌ر جادده‌


رێكخراوى (واى پیپڵ)ى به‌ریتانی نامه‌ى بۆ سه‌د خێزانى په‌ناخواز كه‌ مافى په‌نابه‌رێتیان ره‌تكراوه‌ته‌وه‌ ناردووه‌، به‌پێى ئه‌و بڕیاره‌ ئه‌و خێزانانه‌ چیدیكه‌ ناتوانن سود له‌و خێزانانه‌ ببینن كه‌ حكومه‌تى ئه‌و وڵاته‌ له‌ماوه‌ى رابردوودا بۆى دابینكردبوون‌و به‌ریتانیا به‌نیازه‌ ئه‌و 100 خێزانه‌ وه‌ده‌ربنێت.

به‌رپرسی رێكخراوى (واى پیپڵ) هه‌واڵه‌كه‌ى پشتراست كردووه‌ته‌وه‌‌و رایده‌گه‌یه‌نێت "دواى ئه‌وه‌ى ئه‌و خێزانانه‌ گرێبه‌ستى دابینكردنى خزمه‌تگوزاریان بۆ نوێ نه‌كراوه‌ته‌وه‌‌و ئه‌و گرێبه‌سته‌ دراوه‌ته‌ كۆمپانیایه‌كى دیكه‌، رێكخراوه‌كه‌مان ناچاربووه‌ كه‌ نامه‌ى ئاگاداركردنه‌وه‌ بۆ 100 خێزانى په‌ناخواز بنێرێت بۆئه‌وه‌ى به‌ زووترین كات ئه‌و خانووانه‌ چۆڵ بكه‌ن".

به‌رپرسه‌كه‌ گوتى "ده‌بوایه‌ ئێمه‌ له‌ كۆتایى ساڵى 2011 ئه‌و كاره‌مان بكردبا، به‌ڵام نه‌مانویستووه‌ له‌ وه‌زرى زستاندا ئه‌و په‌ناخوازانه‌ بخه‌ینه‌ سه‌ر جاده‌‌و نائومێدیان بكه‌ین".

رێكخراوه‌كه‌ هۆكارى ناردنى ئه‌و ئاگادارییه‌ى بۆ په‌ناخوازانى ناردووه‌، گه‌ڕانده‌وه‌ بۆ ئه‌وه‌ى كه‌ واده‌ى به‌كرێ گرتنى زۆربه‌ى ئه‌و خانووانه‌ له‌ سه‌ره‌تاى مانگى 5ى ئه‌مساڵ كۆتایى دێت، یان ده‌بێت گرێبه‌ستى خانووه‌كان نوێ بكرێته‌وه‌ یان بدرێنه‌وه‌ خاوه‌نه‌كانیان.
رووداو- ئاژانسه‌كان

Sunday, April 15, 2012

خێزانێكی كورد لە پاركێكی سكۆتلەندا دەژیت


كارزان عومەر: دەڵێی ئاژەڵین لێرە دەژین

كارزان عومەر و ژنەكەی بەناوی شێوە محەممەد، بەهۆی ئەوەی داوای پەنابەرییان لەلایەن حكومەتی سكۆتلەنداوە رەتكراوەتەوە، ئێستا لەسەر شەقامەكان و نێو پاركەكانی شاری گلاسكۆی پایتەختی ئەو وڵاتە دەژین.
بەپێی راپۆرتێكی رۆژنامەی (Herald Scotland) ، كارزان و شێوەی ژنی بەهۆی رەتكردنەوەی داواكەیان، چیدیكە هاوكاری حكومەتی سكۆتلەندی نایانگرێتەوەو ئێستا ناچاربوون شەوان لەنێو پاركێكی ئەو شارەدا بخەون و رێكخراوی خاچی سووریش جێگەی سەفەری پێداون.
بەڵام كارزان ئاشكرایكرد كە بێزاربووە لەو ژیانە و داوایكرد كە حكومەتی سكۆتلەندی رێگەچارەیەكیان بۆ بدۆزێتەوە و گوتیشی" ئێمە دەڵێی ئاژەڵین لێرە دەژین". 
بەپێی راپۆرتەكە، ئەو خێزانە پەناخوازانەی لەسەر شەقامەكانی شاری گلاسكۆی پایتەختی سكۆتلەندا دەژین، زۆربەیان كوردن. ئەو خێزانانە لەلایەن رێكخراوی خاچی سوورەوە جلوبەرگ و جێگەی نوستنیان پێدراوە، ئاشكراشیان كردووە زیاتر لە سەتان خێزانی پەناخواز كە حكومەتی سكۆتلەندی داوای مافی پەنابەری رەتكردوونەتەوە، لەم رەوشەدا دەژین.
 ماوەیەكە حكومەتی سكۆتلەندی بڕیاریداوە راستەوخۆ ئەو پەناخوازانە دیپۆرت نەكاتەوە كە دادگا داواكەیان رەتدەكاتەوە، ئەمەش وایكردووە كە ژمارەی ئەو پەناخوازانەی لەسەر شەقام و پاركەكان دەژین، زیاد بكات.
سەبارەت بە هاوكارییەكانی رێكخراوی خاچی سوور، كارزان دەڵێ" هاوكارییەكان هیچ نین، یەك پێخەفی سەفەریان داوە بە من و خێزانەكەم و پێیانگوتین بڕۆن لەنێو باخچەكان بخەون".
كارزان ئاشكراشی كردووە كە بێجگە لە جێگەی سەفەری، دەستەسڕ و شامپۆشیان داونەتێ.
بەڵام وتەبێژی خاچی سووری بەریتانیی رەتیكردووەتەوە كەوا ئەوان داوایان لەو پەناخوازانە كردبێ لەنێو پاركەكان بخەون و گوتیشی" ئێمە هەرگیز داوامان لە خەڵك نەكردووە لە پاركەكان بژین".
بەڵام ئەو وتەبێژە ئەوەشی ئاشكراكرد كە ئەركی سەرەكی ئەوان، ئەوەیە هاوكاری بۆ ئەو پەناخوازانە دابین بكەن كە هیچ شوێنێكیان نییە و هەندێ پێداویستیان بۆ دابین بكەن، تاوەكو بە پاكوخاوێنی بمێننەوە.
لە وەڵامی ئەو پرسیارەشدا كە زۆربەی ئەو پەناخوازانە لە چ وڵاتێكەوە هاتوون، وتەبێژی ئەو رێكخراوە گوتی" زۆربەیان خەڵكی زیمبابۆی، عێراق و ئەفغانستانن".
رووداو - Herald Scotland


Sunday, April 8, 2012

1510 په‌نابه‌رى نایاسایى له‌ ئوسترالیا ده‌ستگیر كراون


له‌ناویاندا كورد‌و عێراقى هه‌یه‌

ئه‌مڕۆ به‌له‌مێكى دیكه‌ى په‌نابه‌رانى نایاسایى له‌رێگه‌ى چوونیان بۆ ئوسترالیا ده‌ستگیركران كه‌ به‌وه‌ش ژماره‌ى په‌نابه‌ره‌ ده‌ستگیركراوه‌كان له‌ رێگه‌دا گه‌یشته‌ زیاتر له‌ 1500 كه‌س.

به‌پێى راپۆرتێكى رۆژنامه‌ى (ده‌یلى ته‌له‌گراف)ى به‌ریتانى كه‌ ئه‌مڕۆ بڵاو كراوه‌ته‌وه‌ "له‌ سه‌ره‌تاى ئه‌مساڵه‌وه‌ واته‌ له‌ 1/1/2012 تاوه‌كو ئه‌مڕۆ 1510 په‌نابه‌ر له‌ رێگه‌یان بۆ ئوسترالیا ده‌ستگیر كراون، كه‌ كورد‌و عێراقیش له‌ناو ده‌ستگیركراوه‌كاندان".

ئه‌مڕۆ یه‌كشه‌ممه‌ 8/4/2012 دواى گرتنى سێیه‌م به‌له‌مى پڕله‌ په‌نابه‌رى نایاسایى 71 په‌نابه‌ر له‌ باكوورى رۆژهه‌ڵاتى (سكۆت ریف)ى ئوسترالیا ده‌ستگیركران، كه‌ به‌مه‌ش ژماره‌ى په‌نابه‌ره‌ نایاساییه‌ ده‌ستگیركراوه‌كان له‌لایه‌ن ئوسترالیا له‌ ئه‌مساڵدا گه‌یشته‌ 1510 په‌نابه‌ر.

جه‌یسن كلێر، وه‌زیرى كاروبارى ناوخۆى ئوسترالى رایگه‌یاند "ده‌زگاى چاودێرى ئاسمانى ئوسترالى به‌له‌مه‌كه‌ى له‌ ناوه‌ڕاستى زه‌ریادا ده‌ستنیشان كرد، دواتریش تیمى ده‌ریایى په‌نابه‌ره‌ نایاساییه‌كانیان ده‌ستگیر كرد".

هه‌ر له‌م هه‌فته‌یه‌دا، به‌له‌مێكى 84 كه‌سى و یه‌كێكى دیكه‌ى 45 كه‌سى، كه‌ هه‌موویان په‌نابه‌رى نایاساییان هه‌ڵگرت بوو، له‌ كه‌ناره‌كانى دوورگه‌ گلى ئاشمۆرى ئوستورالیادا ده‌ستگیر كراون.

سكۆت ماریسۆن، گوته‌بێژى كۆچ و په‌نابه‌ران له‌ ئوسترالیا به‌ ده‌یلى ته‌له‌گرافى راگه‌یاندووه‌ "له‌سه‌ره‌تاى ئه‌مساڵه‌وه‌ تاوه‌كو ئێستا، ده‌سه‌ڵاتدارانى ده‌ریایى ئوسترالیا زیاتر له‌ 20 به‌له‌م كه‌سى نایاساییان ده‌ستگیر كردووه‌ كه‌ به‌هه‌موویان 1510 په‌نابه‌رى نایاساییان هه‌ڵگرتبوو. به‌شێوه‌یه‌كى سه‌ره‌كى هه‌فتانه‌ 100 په‌نابه‌رى نایاسایى ده‌گاته‌ كه‌ناره‌كانى ئوستورالیا به‌هۆى به‌له‌مه‌وه‌".

كریس بۆوین، وه‌زیرى كۆچى فیدڕاڵى رایگه‌یاند "تادێت په‌نابه‌رانى نایاسایى ژیانى خۆیان زیاتر ده‌خه‌نه‌ مه‌ترسى له‌ناو ده‌ریادا، له‌گه‌ڵ ئه‌وه‌شدا به‌له‌مه‌كان ناوه‌ستن‌و به‌لێشاو په‌نابه‌رى نایاسایى دێنن".

سزا و گرتنى په‌نابه‌رانى نایاسایى مشتومڕێكى تووندى دروست كردووه‌ له‌نێوان ده‌سه‌ڵاتداران‌و ئۆپۆزیسیۆنى ئوسترالیا. ئۆپۆزیسیۆنیش حكومه‌ت تۆمه‌تبار ده‌كات به‌وه‌ى كه‌ په‌نابه‌ران زۆر له‌ زیندان ده‌هێڵێته‌وه‌ و حكومه‌تیش پێى وایه‌ ئه‌و ماوه‌ى زیندان زۆر كه‌مه‌ بۆ په‌نابه‌ران.

وه‌رگێران: گۆران سه‌باح
رووداو- ئوسترالیا

Thursday, April 5, 2012

پشتیوانى دارایى خوێندن وەربگرە لە زانکۆ بەناوبانگەکانى (ئوسترالیا) و ئەوروپا

هەوڵدەدەین هەمیشە دەرفەتى کۆچى یاسایى بخەینەڕوو
(بلۆگى کۆچ بۆ ئوسترالیا)

هاوڕێیان وەکو پەیمانمان پێدان لەهەر ئان و ساتێکدا دەرفەت و هەلى گەشت و کۆچى یاسایى هەبوو بۆ ئەوروپا و بەتایبەتتر ئوسترالیا ئێوەى لێ ئاگادار دەکەینەوە... والەخوارەوەشدا ژمارەکەیەک دەرفەتى کۆچ بۆ ئەوروپاتان دەخەینەڕوو. بەشێکى زۆر لەم دەرفەتانە پشتیوانى خوێندنە لەلایەن زانکۆکانى ئوسترالیا و ئەوروپاوە بۆئەوەى قوتابیان و خوێندکاران لەسەرتاسەرى دونیاوەو هەرێمى کوردستانیشەوە داواکارى پێکەش بکەن و پشتیوانى دارایى وەربگرن.



ئوسترالیا

2012 John Allwright Fellowship in Agriculture from Developing Countries, Australia
http://aciar.gov.au/training/jaf

2012 The International Postgraduate Research Scholarship at University of Adelaide, Australia
http://www.adelaide.edu.au/graduatecentre/scholarships/postgrad/international/iprs.html

2013 International Postgraduate Research Scholarship (IPRS) at RMIT University, Australia
http://rmit.com.au/browse;ID=d7epp9e09vaw



بەریتانیا

2012 University of Glasgow Country Scholarships, UK


2012 Bangor Business School Undergraduate International Scholarship, UK
http://www.bangor.ac.uk/business/academic/crs_undergrad/scholarships.php.en?catid=&subid=7950

Undergraduate Scholarship for International Students at Bangor University, UK
http://www.bangor.ac.uk/international/future/scholarship_ug.php

European Master’s Programme in Human Rights and Democratisation, 2012
http://www.emahumanrights.org/apply-to-ema-20112012/-call-for-applications.html#Who_can_apply

Cate Haste Scholarship in the School of Media, Film and Music for Masters, 2012/13 UK

http://www.sussex.ac.uk/study/funding/opportunities/view/65

2012 Postgraduate Scholarship for International Students, UK


Master’s Studentships in Translation and Interpreting at Swansea University, UK 2012
http://www.swansea.ac.uk/postgraduate/scholarships/research/ahrcstudentshipsmatranslationandinterpreting.php

2012 Victoria Fernandes Scholarship at University of Warwick, UK
http://www2.warwick.ac.uk/fac/sci/eng/pg/funding/

2012-2013 MA & PhD Bursaries for International Students in Social Sciences at Bangor University, UK



هۆڵەندا
PhD Studentship in the field of Viral Metabolomics at Leiden University, Netherlands
http://vacatures.leidenuniv.nl/wetenschappelijk/12-077-phd-student-in-the-field-of-viral-metabolomics.html




Wednesday, April 4, 2012

داوا له‌كاندیدانى سه‌رۆكایه‌تى فه‌ڕه‌نسا ده‌كرێت كه‌یسى كورد له‌به‌رچاو بگرن

هەڵبژاردنى سەرۆکایەتى لە (فەڕەنسا)
هەڵبژاردنى سەرۆکایەتى لە (فەڕەنسا)ژماره‌یه‌ك حیزب‌و رێكخراوى فه‌ڕه‌نسی، داوایان له‌ كاندیده‌كانی سه‌رۆكایه‌تی فه‌ره‌نسا كردووه‌، دۆسیه‌ى كورد ئاوێته‌ى پرۆگرامی هه‌ڵبژاردنه‌كه‌یان بكه‌ن.

ژماره‌یه‌ك حیزب‌و رێكخراوى فه‌ڕه‌نسی له‌ په‌یامێكدا كه‌ ئاراسته‌ى كاندیده‌كانی سه‌رۆكایه‌تی فه‌ره‌نسایان كردووه‌، داوا ده‌كه‌ن دۆسیه‌ى كورد ئاوێته‌ى پرۆگرامی هه‌ڵبژاردنه‌كه‌یان بكه‌ن، به‌پێی هه‌واڵێكی رۆژنامه‌ى (میدیا پارت)ی فه‌ڕه‌نسی، په‌یامه‌كه‌ به‌نامه‌یه‌ك كه‌له‌لایه‌ن ده‌یان رێكخراوه‌وه‌ ئیمزا كراوه‌، ئاراسته‌ى كاندیده‌كانی سه‌رۆكایه‌تی فه‌ڕه‌نسا كراوه‌.

له‌ په‌یامه‌كه‌دا داواكراوه‌ وه‌ڵامی سێ پرسیار له‌ كاندیده‌كان كراوه‌، بۆ راكێشانی سه‌رنجیان له‌باره‌ى ئه‌و سیاسه‌تی داپڵۆسێنه‌ره‌ى دژبه‌ كورده‌كان له‌ توركیا به‌ڕێوه‌ده‌چێت‌و كاریگه‌ریه‌كانی له‌ ئه‌وروپا. هه‌ر له‌ په‌یامه‌كه‌دا هاتووه‌ "ده‌مانه‌وێت سه‌رنجتان رابكێشین بۆ مه‌ینه‌تیه‌كانی گه‌لی كورد له‌ توركیا كه‌ چه‌ندان ساڵه‌ بووه‌ته‌ قوربانی بۆ كرده‌وه‌كانی داپڵۆسین‌و به‌زاندنی مافه‌كانی مرۆڤ".

به‌پێی په‌یامه‌كه‌، حكومه‌تی توركیا 6 هه‌زار كوردی ده‌ستگیركردووه‌، له‌و ژماره‌ش 6 په‌رله‌مانتار‌و 18 سه‌رۆك شاره‌وانی‌و 50 پارێزه‌ری تێدایه‌، جگه‌ له‌سه‌دان به‌رپرسی حزبی ئاشتی و دیموكراتی.

له‌په‌یامه‌كه‌دا داخستنی كه‌ناڵی رۆژتیڤیان به‌دوور نه‌گرتووه‌ له‌وه‌ى ئه‌وه‌ پاڵپشتییه‌كی فه‌ڕه‌نسا بێت بۆ حكومه‌تی ئه‌نقه‌ره‌. هه‌روه‌ها ئاماژه‌ به‌وه‌كراوه‌ كه‌ "مافه‌كانی مرۆڤ‌و ئازادی راده‌ربڕین‌و مافی گه‌لان له‌ دیاریكردنی چاره‌نووسدا، ده‌بێت له‌چوارچێوه‌ى گرنگی پێدانه‌كانی سه‌رۆك كۆماری داهاتوودا بێت".
رووداو- ئاژانسه‌كان

Tuesday, April 3, 2012

ئەمەریكا 3000 پەنابەری نایاسایی بە زۆر دەنێرێتەوە


کۆچى نایاسایى هەمیشە چارەنووسێکى سةخت

واشنتۆن، 3ی ئەبریل: هێزەكانی ئاسایشی ئەمەریكا 3168 پەنابەر نایاساییان گرت و بە زۆر رەوانەی وڵاتی خۆیانیان كردنەوە، كاربەدەستانی دەتەی كۆچ ئەمڕۆ بە ئازانسی ناشنال پۆستی ئەمەریكایی راگەیاند.
وردەكاریی ئەم ئۆپەراسیۆنەی دژی بە پەنابەرانی نایاسایی دوای ئەوە بڵاو كراوەیە كە سەرۆك وەزیران ستیفن هارپەر لەگەڵ سەرۆكی ئەمەریكا باراك ئۆباما و سەرۆكی مەكسیك فیلیپ كالدیرۆن لە كۆشكی سپی كۆبوونەوە.
ئەمە سێیەم ئۆپەراسیۆنی "راماڵینی سنووربڕ"ە كە لەلایەن هێزە ئەمەریكییەكان ئەنجام دراوە لەوەتەی ئایاری 2011.
دوای گرتنی 3168 پەنابەری نایاسایی لە سەرانسەری ئەمەریكا، ژمارەی ئەو پەنابەرە گیراوانە تا ئێستە گەیشتووەتە 10 هەزار پەنابەر، بەڕێوەبەری سەپاندنی گومرگ و كۆچ جۆن مۆرتن وای گوت.
"ئەوانەی گیراون ئەو كەسانەن ئێمە نامانەوێ‌ لە شەقامەكانی ئێمەدا بسوڕێنەوە و قەرەباڵغیان بكەن،" مۆرتن لە پرێس كۆنفڕانسێكدا دوێنێ‌ لە واشنتن وای گوت.
ئۆپەراسیۆنی "راماڵینی سنووربڕ" بە بەمەستی پاك كردنەوەی ئەمەریكایە لەو پەنابەرە نایاساییانەی كە وڵاتەكەیان بێزار كردووە، بەرپرسەكە وای گوت.
مەكسیك 11 ملیۆن و نیو پەنابەری لە وڵاتە یەكگرتووەكانی ئەمەریكادا هەیە، وەزارەتی ئاسایشی نیشتمانی هەفتەی رابردوو ئەم ئامارەی بڵاو كردەوە.

(كورديو)

Monday, April 2, 2012

لە بەریتانیاوە گەڕایەوە، لە کوردستان خنکا

بۆ پرسەى براکەى گەڕایەوە بەڵام خۆیشى گیانى لەدەستدا
به‌مه‌به‌ستی‌ گه‌ڕانه‌وه‌ی‌ بۆ هه‌رێمی‌ كوردستان برایه‌كی‌ ئه‌ندازیار له‌به‌ریتانیاوه‌ ده‌كه‌وێته‌ رێ‌، به‌ڵام له‌ڕێگه‌ی‌ گه‌ڕانه‌وه‌دا له‌ناوچه‌ی‌ هیران و نازه‌نین ده‌كه‌وێته‌ ناو ئاوێكه‌وه‌ و دوای‌ مانه‌وه‌ی‌ له‌نه‌خۆشخانه‌ بۆ چه‌ند ڕۆژێك ، شه‌وی‌ ڕابردوو گیانی‌ له‌ده‌ستدا.
دوای‌ ئه‌وه‌ی‌ تاریق ئه‌حمه‌د ئه‌و ئه‌ندازیاره‌ی‌ كه‌ 21ی‌ ئه‌م مانگه‌ كه‌وته‌ ناو یه‌كێك له‌ عه‌مباره‌كانی‌ پاڵاوگه‌ی‌ نه‌وتی‌ سلێمانی‌ و پاش 26 كاتژمێر ته‌رمه‌كه‌ی‌ ده‌رهێنرا، یه‌كێك له‌براكانی‌ له‌ وڵاتی‌ به‌ریتانیاوه‌ گه‌ڕایه‌وه‌ هه‌رێمی‌ كوردستان به‌مه‌به‌ستی‌ به‌شداریكردن له‌پرسه‌ی‌ براكه‌ی‌، به‌ڵام له‌كاتی‌ گه‌ڕانه‌وه‌یدا له‌ناوچه‌ی‌ هیران و نازه‌نین به‌مه‌به‌ستی‌ پشودان ڕاده‌وه‌ستێت، له‌وكاته‌دا ده‌كه‌وێته‌ ئاوێكه‌وه‌ و به‌په‌له‌ ده‌گه‌یه‌نرێته‌ نه‌خۆشخانه‌و پاش سێ‌ ڕۆژ له‌نه‌خۆشخانه‌ شه‌وی‌ رابردوو گیانی‌ له‌ده‌ستدا.
 21ی‌ ئه‌م مانگه‌ ئه‌ندازیارێك به‌ناوی‌ تاریق ئه‌حمه‌د له‌كاتی‌ كاركردنیدا، كه‌وته‌ ناو یه‌كێك له‌عه‌مباره‌كانی‌ پاڵاوگه‌ی‌ نه‌وتی‌ سلێمانیه‌وه‌ و پاش 26 كاتژمێر توانرا ته‌رمه‌كه‌ی‌ له‌عه‌مباره‌كه‌دا ده‌ربهێنرێته‌وه‌، پاش ڕوداوه‌كه‌ش چه‌ند په‌رله‌مانتارێك داوای‌ لێكۆڵینه‌وه‌یانكرد له‌ڕووداوه‌كه‌ و هاوكات  به‌هۆی‌ ئه‌و ڕوداوه‌شه‌وه‌ دوێنێ‌ ناسك تۆفیق ده‌ستی‌ له‌پۆستی‌ بڕیارده‌ری‌ لیژنه‌ی‌ پیشه‌سازی‌ وزه‌ له‌په‌رله‌مانی‌ كوردستان كێشایه‌وه‌.


NRT


Sunday, April 1, 2012

تەرمى گەنجە کوردە خنکاوەکەی ئایرلەندا دۆزرایەوە


وێنەى گەنجەکە

دوای ئەوەی رۆژی 28/03/2012 لە شاری کاریک ئۆن شانۆن لە وڵاتی ئایرلەندا چەند  گەنجێکی کوردی ئەو شارە  ڕودەکەنە  ئاویکی ئەو شارە بۆ مەلەکردن، لە کاتژمێر 4 ی دوای نیوەرۆ  یەکێک لەگەنجەکان  بەناوی “جەلال عەزیز”ی  دەخنکێت.
دواتر پۆلیسی  ئەو وڵاتە  ئاگادار کرانەوە و  تیمەکانی فریاکەوتن کەوتنە گەران بەدوای  دۆزینەوەی  تەرمەکە، دوای 20 کاتژمیر گەران  بەدوایدا توانرا  لە رۆژی 29/03/2012  کاتژمیر یەکی  دوای نیوەرۆ تەرمەکەی دۆزرایەوە، دواتر رۆژی 30/03/2012  تەرمی ناوبراو لە یەکێک لەشارەکانی وڵاتی ئایرلەندا بەخاکسپێردرا.
جەلال  عەزیز خەڵکی  سەلاسی باوەجانی رۆژهەڵاتی کوردستانە و لەدایکبووی  27/10/1990 ە،  ساڵی 2006 وەک پەنابەر لەگەڵ خانەوادەکەىرڕویان کردۆتە  وڵاتی  ئایرلەندا.

بیلال سەنگەسەری
هاولاتى