Tuesday, October 29, 2013

ماڵپەڕێك بۆ دۆزینەوەی كار كرایەوە


وەزیری كاروباری كۆمەڵایەتی رایگەیاند، ماڵپەرێك بۆ دۆزینەوەی هەلی كار دەكرێتەوە و ئەو كەسانەی بێكارن دەتوانن لێرە بەدوای هەلی كاردا بگەڕێن.

لە كۆنگرەیەكی رۆژنامەوانیدا ئاسۆس نەجیب ، وەزیری كارو كاروباری كۆمەڵایەتی ئاشكرایكرد" ڕێژەی بێ كاری لە هەرێمی كوردستان شەش لەسەدایە و  لە ماوەی شەش مانگی ڕابردوش وەزارەتەكەی توانیویەتی زیاتر لە هەزار هەلی كار  بۆ بێكاران بدۆزێتەوە".

وتیشی، ئەم ماڵپەڕەی وەزارەتی كاریش لەسێ زمان پێكدێت كە بریتین لە كوردی و عەرەبی و ئینگلیزی.لەئێستادا زیاتر 56 هەزار كرێكار لەكوردستاندا دەستەبەر كراون و لەمساڵیشدا 114 پرۆژە دراونەتە دادگا بەهۆی كەمتەرخەمیان لە بەرامبەر كرێكاران، هەروەها لەماوەی شەش مانگی ئەمساڵدا 1600 هەلی كار بۆ بێكاران دۆزراوەتەوەو سەردانی 417 پرۆژەمان كردوەو خاوەن كارەكانیانمان ئاگادار كردوەتەوە.

وەزیری كارو كاروباری كۆمەڵایەتی وتیشی،  لەو ماڵپەڕە بێكار و خاوەنكار دەتوانن فۆرم پڕ بكەنەوە بۆ داخوازی پێشكەش كردن بۆ دەست كەوتنی كار و دەست كەوتنی فەرمانبەر و كرێكار .

ماڵپەڕى بەكارخستن بۆ هەلی كار بەناونیشانی evtc-krg.org/emp ، یەكەمین ماڵپەڕى رەسمی وەزارەتی كار و كاروباری كۆمەڵایەتی بۆ رەحساندن و راگەیاندنی هەلی كار بۆ بێ‌ كاران لە هەرێمی كوردستاندا راگەیاندرا، ئەم هەنگاوە لە چوارچێوەی بایەخدان و گرنگی دانە بۆ دۆزینەوەو رەخساندنی هەلی كاری گونجاو و شایستە بۆ بێ‌ كاران لەڕێگەی تۆڕەكانی ئەنتەرنێت و كارئاسانی زیاتر بۆ بێكاران بەمەبەستی خستنەسەر كاریان و ئاوڕدانەوەی باشتر لەژیان و گوزەرانیان.

لەبارەی زەمان كردنی كرێكارانیش ئاسۆس نەجیب رایگەیاند بەپێی ئامارەكان لەئێستادا نزیكەی (56) هەزار كرێكار لەكوردستان (زەمان) كراون و بڕگەو ماددەكانی یاسا بەسەریاندا جێبەجێ‌ دەكرێت و مافەكانیان بۆ دەستەبەر دەكرێت، لەگەڵ ئەوەشدا هێشتا كرێكار زۆرە كە لەپرۆژەكاندا كاردەكەن و زەمانیش نەكراون.
خەندان- 

Monday, October 28, 2013

بۆ یەکەم جار لە کوردستان: بە سکایپ کۆرسی زمانی ئینگلیزی


بۆ یەکەم جار لە کوردستان بە رێگای سکایپ،پەیمانگای سمارت ئینگلیشی نێودەولەتی لەماوەی ٢٤ کاتژمێردا هەڵدەستێت بە دابینکردنی کۆرسی زمانی ئینگلیزی بەشێوازی ئۆنلاین. دەتوانیت لەماڵەوە و لەگەڵ باشترین مامۆستای بیانی راستەوخۆ بەئاسانترین شێواز ئاخاوتنی زمانی ئینگلیزی فێری ببیت ،ماوەی هەر کۆرسێک: ٢ مانگ /هەفتەی ٤ رۆژ / وانەی ٥٠ خولەک/ ٢٨٠$
ماوەی کۆرس: ٢ مانگ /هەفتەی ٤ رۆژ / وانەی ٢٥ خولەک /١٥٠$
وانەکان هەمووی پراکتیکە،بۆ هەموو ئاستێک لە قۆناغی١سەرەتایی تا زانکۆ و خوێندنی باڵا.

کۆرسی ئۆنڵاینی تایبەت بە ( ..., IELTS , TOEFL) :
ماوەی کۆرس: ٢ مانگ /هەفتەی ٤ رۆژ / وانەی ٥٠ خولەک/ ٣٢٠$
ماوەی کۆرس: ١ مانگ /هەفتەی ٤ رۆژ / وانەی ٥٠ خولەک/ ١٧٥$

لە ٦ بەیانی تا ١ شەو بە ئارەزووی خۆت کاتژمێرێک هەڵبژێرە بۆ خوێندن
بۆ جۆنییەتی بەشداربون و زیاتر زانیاری هەر ئێستا پەیوەندی بکە بە
Asiacell 0770 642 99 55 
Korek 0750 876 99 55
سكايپ: smartenglish1to1

Sunday, October 27, 2013

وەزارەتی كار: لەمەودوا پەیوەندی نێوان كرێكار و خاوەنكار بەپێی بنەما ئابو‌ورییەكان رێكدەخرێت


وەزارەتی كار و كاروباری كۆمەڵایەتی هەرێمی كوردستان، رەشنووسی (یاسای كاری كوردستان) ئامادە دەكات و بەپێی ئەو رەشنووسە، لەمەودوا پەیوەندی نێوان كرێكار و خاوەنكار بەپێی بنەما ئابو‌ورییە پێشكەوتووەكان رێكدەخرێت و نابێت چیتر مافی كرێكار پێشێل بكرێت.
بەپێی راگەیەنراوێكی وەزارەتی كار و كاروباری كۆمەڵایە24139image1تی، كە وێنەیەكی بۆ (رووداو) نێردراوە، بۆ یەكەمجار لە هەرێمی كوردستان رەشنووسی یاسایەكی تایبەت بە كار دادەڕێژێت و پێشكەشی ئەنجو‌ومەنی وەزیرانی حكومەتی هەرێمی كوردستانی دەكات بۆ پەسەندكردن و لە وێشەوە بۆ پەرلەمانی كوردستان بەمەبەستی دەنگدان لەسەری لە داهاتوودا.
رەشنووسەكە  لە 148 مادە پێكهاتووە و لە رێگەی بەستنی چەند وۆركشۆپێك و بە راوێژ لەگەڵ شارەزایانی نێودەوڵەتی و رێكخراوی كاری نێودەوڵەتی (ILO)ئامادە كراوە.
وەك لە رەشنووسەكەدا هاتووە: "ئەم یاسایە ئەو رێوشوێنانە بۆ كرێكار دابین دەكات كە پێویستە بۆ پڕكردنەوەی پێداویستییە سەرەكییەكانی بەخێوكردنی خۆی و خێزانەكەی، هەروەك لایەنی كەمی كرێی كرێكاری بێتوانا دابین دەكات، كە نابێت رێككەوتن لەسەر كەمتر لەوە بكرێت و پشتیوانی یاسایشی بۆ دابین بكرێت.
هەروەك رەشنو‌وسەكە پارێزگاری بۆ مێردمنداڵان فەراهەم دەكات و سزای بۆ هەر كەسێك دیاریكرد‌ووە كە منداڵی نەوجەوان دەقۆزێتەوە  یان بۆ كاری قورس بەكاریان بهێنێت، جیا لەمەش پارێزگاریی زیاتری بۆ ئەو دایكانە دەستەبەر كردووە كە لە كەرتی تایبەت كار دەكەن و پێداویستی دایكایەتی و چاودێریی منداڵەكەی و پێدانی مۆڵەتی دایكایەتی لە كەرتی تایبەت بۆ فەراهەم كردووە.
رەشنووسی یاساكە گرنگی بە مەشقی پیشەیی داوە بۆ ئەوەی كرێكاران لێهاتوویی لەكاری هونەری و پەرەپێدانی بۆ ئاستێكی بەرز بەدەست بێنن تاوەكو بتوانن دەستەبەری پێداویستییەكانی بازاڕی كار و پێویستی كەرتە جیاكانی كار بكەن.
لە راگەیەنراوەكەی وەزارەتی كارو كاروباری كۆمەڵایەتیدا ئەوەش خراوەتەڕو‌و كە رەشنووسەكە هانی كەرتی تایبەتیش دەدات بۆ ئەوەی هاوكار بێت لە پرسی مەشقی پیشەیی لە چوارچێوەی پێدانی موڵەتی تایبەت بەخۆی و كاركردن شانبەشانی بنكەكانی مەشقی پیشەیی حكومی بۆ ئەوەی دەستی كاری ناوخۆ زیاتر بەكاربێت. 
لە 20/10/2013 وەزارەتی كار و كاروباری كۆمەڵایەتی بە نو‌وسراوی ژمارە (5179) رەشنووسی یاسای كاری تایبەت بە كوردستانی ئاراستەی ئەنجو‌ومەنی وەزیرانی هەرێمی كوردستان كردووە.
رووداو- هەولێر

ئاگادارییەک بۆ کاندیدانی تواناسازی


وه‌زاره‌تی خوێندنی باڵاو توێژینه‌وه‌ی زانستی کاندیدانی بەرنامەی تواناسازی ئاگادار دەکاته‌وه‌ کە وەرزێکی نوێی خولی زمانی ئینگلیزی لە هەر چوار سێنتەری (زانکۆی سەلاحەددین،زانکۆی دهۆک، زانکۆی کۆیە، زانکۆی سۆران) دەستپێدەکات .

له‌ ئاگاداریه‌كدا وه‌زاره‌تی خوێندنی باڵاو توێژینه‌وه‌ی زانست ئاماژه‌به‌وه‌ده‌كات: ئەو کاندیدانەی بەر نامەی تواناسازی کە تائێستا سەفەریان نەکردووە و خولی زمانی ئینگلیزیان لە ناوەوەی وڵات وەرنەگرتووە دەتوانن لە ڕێگای ئەم لینکەی خوارەوە ناوی خۆیان تۆمار بکەن لە یەکێک لەو سێنتەرانەی کە ئاماژەمان پێکردووە .
ئەم پرۆژەیە هەلێكه‌ بۆ کاندیدانی بەرنامەی تواناسازی کە بەر لە سەفەرکردنیان بۆ ماوەی (٦ مانگ) کۆرسی زمان وەربگرن و لەڕووی توانستی زمان و کەلتوورییەوە ئامادەبکرێن بۆ دەستپێکردنی خوێندن لە دەرەوەی وڵات، هەروەها کاندیدەکان لە ناو کۆرسەکەدا هەلیان بۆ دەڕەخسێت کە بەشداری دوو تاقیکردنەوەی ستانداردی توانستیی زمانی ئینگلیزی بکەن .
كوردیو - هه‌ولێر

Thursday, October 24, 2013

رێگە لە بە قاچاخ رۆیشتن بۆ وڵاتانی ئەوروپا دەگیرێت

دوای كارەساتی نقومبوونی كەشتییەكی پەنابەرانی نایاسایی لە نزیك دوورگەی لامبیدۆزای وڵاتی ئیتاڵیا لە سەرەتای ئەم مانگەو خنكانی زیاتر لە سەد پەنابەری سەرنشینی كەشتییەكە، هەریەك لە وڵاتانی یۆنان و ئیتاڵیا و ماڵتا رێككەوتن لەسەر هەماهەنگیكردنی یەكتر بۆ رێگەگرتن لە دزەكردنی نایاسایی پەنابەران بۆ نێو خاكی ئەو وڵاتانە.


پەیوەست بەم پرسەوە ئیندۆنیس ساماراس، سەرۆك وەزیرانی یۆنان و ئینریكۆ لیتا، سەرۆك وەزیرانی ئیتاڵیا لە دوایین كۆبوونەوەیاندا لە رۆمای پایتەختی ئیتاڵیا رێككەوتن لەسەر پێكهێنانی گرووپی كاری هاوبەش بۆ هەماهەنگی لەنێوان حكومەتی هەردوو وڵات لەژێر رۆشنایی سەرۆكایەتی یۆنان بۆ یەكێتی ئەوروپا لە نیوەی یەكەمی ساڵی داهاتوو و سەرۆكایەتی ئیتاڵیا بۆ ئەو یەكێتییە لە نیوەی دووەمی ساڵی داهاتوو.


هاوكات سەرۆك وەزیرانی یۆنان و ئیتاڵیا رێككەوتن لەسەر تا‌ووتوێكردنی پرسی پەنابەرانی نایاسایی كە لەچەند وڵاتێكەوە روو لە وڵاتانی ئەوروپا دەكەن، لە كۆنگرەی لوتكەی وڵاتانی ئەوروپا كە بڕیارە ئەمڕۆ پێنجشەممە ببەسترێ. 


سەرۆك وەزیرانی یۆنان و ئیتاڵیا هەروەها لە كۆنگرەیەكی رۆژنامەوانی هاوبەش رایانگەیاند:"بڕیارە پرسی دزەكردنی پەنابەرانی نایاسایی بەشێوەیەكی تێروتەسەل لە لوتكەی وڵاتانی ئەوروپا تاووتوێ بكرێ، چونكە ئەو پرسە بەگوێرەی پێویست چارەسەرنەكراوە".


لای خۆیەوە ئینریكۆ لیتا، سەرۆك وەزیرانی ئیتالیا رایگەیاند:"بڕیار دراوە ژمارەی هێزەكانی (فرۆنتكس) كە ئەركی پاراستنی سنووری دەریایی ئەوروپا لە ئەستۆ دەگرن زیاتر بكرێ و پرسی دزەكردنی نایاسایی پەنابەران چارە بكرێ".
رووداو- شەرق ئەوسەت

Wednesday, October 23, 2013

به‌بێ مه‌رج فیزا ده‌داته‌ هاوڵاتیانی عیراق


ئیمارات له‌مه‌ودوا به‌بێ مه‌رج ڤیزا ده‌داته‌ هاوڵاتیانی عیراق و ده‌توانن گه‌شته‌ ئاسمانیه‌كانیان به‌ره‌و ئه‌و وڵاته‌ رێكبخه‌ن له‌به‌رامبه‌ر پێدانی ته‌نها( 605) دۆلار بۆ نرخی ڤیزاكه‌.

له‌به‌یاننامه‌یه‌كیدا وه‌زاره‌تی گواستنه‌وه‌ی عیراق ئاشكرایكرد، كۆمپانیای هێڵه‌كانی ئاسمانی عیراق له‌مه‌ودوا ڤیزای ئیمارات ده‌داته‌ گه‌شتیارانی عیراق، به‌نرخی 605 دۆلار به‌پێی پسووڵه‌ی گه‌شت و هه‌موو مه‌رجێكی پێش وه‌خته‌ش بۆ داخڵبوونی ئیمارات لابراون.

هه‌ر له‌به‌یاننامه‌كه‌دا وه‌زاره‌تی گواستنه‌وه‌ی عیراق ئه‌وه‌ی خسته‌ڕوو كه‌ مه‌رجه‌ پێشوه‌خته‌كان كه‌ پێشتر له‌سه‌ر گه‌شتیارانی عیراق دانرابوون، له‌كاتی گه‌شت كردنیان بۆ ئیمارات له‌دوێنێوه‌ لابراون و له‌ئێستادا هاوڵاتیان به‌بێ هیچ مه‌رجێك ده‌توانن گه‌شتی خۆیان رێكبه‌خه‌ن .

پێشتر هه‌ردوو كۆمپانیای گه‌شتوگوزاری ئیمارات و فلای دوبه‌ی ڤیزای ئیمارات یان ده‌دایه‌ هاوڵاتیانی عیراق به‌پێی چه‌ند مه‌رجێكی دیاری كراو، له‌وانه‌ مانه‌وه‌ له‌ ئۆتێله‌كانی ئیمارات بۆ كاتێكی دیاریی كراو له‌گه‌ڵ به‌رنامه‌ی گه‌شت كردن ته‌نها بۆ ناوچه‌ گه‌شتوگوزارییه‌كانی ئه‌و وڵاته‌. 
خه‌ندان – 

Monday, October 21, 2013

ئوسترالیەکان ڕایان چۆنە لەسەر پەناخوازان؟


کۆچ بۆ ئوسترالیا و کۆچى کوردان
ئوسترالیەکان دەڵێن کە ئەوان پشتگیرى لە فرە کەلتورى دەکەن بەڵام ڕاپرسیەکى نوێ ئەوە ئاشکرا دەکات کە یەک لە سێى ئوسترالیەکان لەو بڕوایەدان کە نابێت ئەو پەناخوازانەى بە بەلەم دەگەنە وڵاتەکەیان لەوێ نیشتەجێ بکرێن. 
ڕێکخراوى زەماپینگ سۆشیەڵ کۆهیژن، ئەوە ڕادەگەیەنێت کە ژمارەى ئەو خەڵکانەى کە دەڵێن ئەو پەناخوازانەى کە بە بەلەم دەگەنە وڵاتەکەیان دەبێت بگەڕێنرێنەوە لە 23%ـەوە لە 2010دا زیادى کردوە بۆ 33% لە ئەمساڵدا. 
تەنها 18%یان دەڵێن ئەو پەناخوازانەى کە دەگەنە ئوسترالیا دەبێت ڕێگەیان پێبدرێت بۆ هەمیشە بمێننەوە، هەرچەندە ئەو ژمارەیە دەگاتە 70% لەلایەن ئەوانەى دەنگیان بۆ سەوزەکان داوە. 
ڕاپۆرتەکە هەڵوێستی بەشداربووان لەبارەى فرەکەلتورى و کۆچ و متمانە بە سیاسییەکان و جیاکارى دەخاتەڕوو و هەروەها ئاماژە بەوەدەدات کە جیاکارییەکان لەسەر بنەماى ڕەگەز و نەژاد و ئاین زیادى کردووە بۆ بەرزترین ئاست لەوکاتەوەى لە 2007ـەوە ڕاپرسیەکان دەستیان پێکردووە. 
بەڵام نووسەرى ڕاپۆرتەکە، کە پڕۆفیسۆرزى زانکۆى مۆناش ئاندریو مارکیوس دەڵێت 84%ى وەڵامدەرەوەکانى ڕاپرسیەکە دەڵێن کە فرەکەلتورى بۆ ئوسترالیا باش بووە. 
پشتیوانى فرەکەلتورى لە ئاستێکى ئاوا بەرزدا مایەى سەرسوڕمانە لەکاتێکدا پشتیوانى لە کۆچکردن ناکەن، بەتایبەت لە هەندێ ناوچەى هەرێمیدا، بەگوتەى پڕۆفیسۆرەکە. 
ئەو ڕاپرسیە هەروەها ئەوەى ئاشکرا کردووە کە متمانەى ئوسترالییەکان بە حکومەت کەم دەکات، کە چارەگێکى هاوڵاتیان ڕەزامەندن لەسەر ئەوەى کە سیاسییەکانى کانبێرا دەکرێت متمانەیان پێ بکرێت. 
ئەو ڕاپرسیە ئەوەى ئاشکرا کردووە کە خەڵکى دکتۆرەکان و نەخۆشخانەکان و پۆلیس و هەواڵى تەلەفزیۆن زیاتر بەجێى متمانە دەزانن وەکولە پارتە سیاسیەکان.

Sunday, October 20, 2013

ژماره‌ی گه‌شتیاران له‌ سلێمانی روو له‌زیادبوونه‌


به‌بۆنه‌ی جه‌ژنی قوربانی پیرۆز ژماره‌ی ئه‌و گه‌شتیارانه‌ی روویان له‌پارێزگای سلێمانی كرد، به‌شێوه‌یه‌كی به‌رچاو زیادی كرد به‌به‌راورد به‌جه‌ژنی ره‌مه‌زان و له‌ماوه‌ی شه‌ش رۆژدا ژماره‌ی گه‌شتیاران گه‌یشته‌ زیاتر له‌ 30 هه‌زار كه‌س. 

سه‌رچاوه‌یه‌ك له‌ راگه‌یاندنی گه‌شتوگوزاری سلێمانی به‌خه‌ندانی راگه‌یاند، له‌گه‌ڵ ئه‌وه‌ی پێشبینی ده‌كرا ژماره‌ی گه‌شتیاران بۆ پارێزگای سلێمانی به‌هۆی هاتنی وه‌رزی سه‌رما، روو له‌كه‌مبوون بكات به‌ڵام به‌پێچه‌وانه‌وه‌ ئه‌و ژماره‌یه‌ به‌شێوه‌یه‌كی به‌رچاو بەراورد بە جەژنی ڕەمەزانی ئەمساڵ رووی له‌زیادبوون كرد. 

به‌وته‌ی سه‌رچاوه‌كه‌، " له‌ جەژنی ڕەمەزانی ئەمساڵدا ته‌نها ٢٢ هەزار گەشتیار ڕوویان لە شاری سلێمانی کردبوو، بەڵام هاتنی وەرزی سەرما نەبووه‌ هۆکار بۆ کەمبوونەوەی هاتنی گەشتیاران و بگرە هاتنی گەشتیاران زیادیکرد تەنها لە ماوەی ٦ ڕۆژدا له‌رۆژانی (11/10 تا 16/10) ژماره‌ی گەشتیاران لە سنووری شاری سلیمانی گه‌یشته‌ ٣١١٧٥ كه‌س". 

سه‌رچاوه‌كه‌ رایگه‌یاند، " له‌ڕێی فڕۆکەخانەی نێودەوڵەتی سلێمانی 2 هه‌زار و 600 گه‌شتیار و له‌ بازگەی (عەربەت- تاسڵوجە) 21 هه‌زار و 208 گه‌شتیار و له‌ مەرزی نێودەوڵەتی باشماخ  7 هه‌زارو 367 گه‌شتیار له‌ماوه‌ی ئه‌و شه‌ش رۆژه‌دا هاتوونه‌ته‌ ناو شاری سلێمانی. 

سه‌رچاوه‌كه‌ ئه‌وه‌شی ئاشكرا كرد كه‌ ئه‌و ژماره‌یه‌ له‌رۆژانی دوایی جه‌ژن و دواتریش روو له‌زیادبوون ده‌كات و خه‌ندان له‌دوا ئاماری ژماره‌ی گه‌شتیاران بۆ پارێزگای سلێمانی ئاگادا ده‌كاته‌وه‌. 
خه‌ندان – 

Monday, October 14, 2013

دواهەمین گۆڕانکارى و هەواڵى کۆچ بۆ ئوسترالیا



تایبەت بە بلۆگەکانى کۆچ بۆ ئوسترالیا و کۆچى کوردان
وەزیرى کۆچى ئوسترالى سکۆت مۆریسۆن هەفتەى ڕابردوو سەردانى ناوروى کرد بۆئەوەى دیدار سازبدات لەگەڵ بەرپرسانى حکومى لەو وڵاتەدا، و بەدواداچوون بکات بۆ دووبارە ڕێکخستنەوەى ناوەندى دەستبەسەرکردنى پەناخوازان و پەیامى ڕاستەوخۆى خۆى بەو پەناخوازانە بگەیەنێت کە لەوێ دەژى. پێى گوتن کە ئەوانە لەلایەن قاچاخچیەکانەوە فێڵیان لێکراوەو هەرگیز ڕێگەیان پێنادرێت لە ئوسترالیا بژین. کاتێک سکۆت گەڕایەوە سیدنى بە پەیامنێرانى گوت: من دڵخۆش بووم کە زانیم کاتێک لەوێ بووم نزیکەى 30 کەس لەوێ بەنیازى گەڕانەوە بوون بۆ ئەو وڵاتەى لێوەى هاتبوون. هەروەها گوتى پڕۆسەى گەڕاندنەوەى پەناخوازانى نایاسایى کاردەکات ئەگەر خەڵکى بیانەوێت بگەڕێنەوە وڵاتەکەى خۆیان. 
لەلایەکى ترەوە لە 4ى ئۆکتۆبەرەوە تەنها یەک بەلەمى پەناخوازان گەیستۆتە ئوسترالیا و ئەمەش ئاماژەیەکى ئاشکراى دابەزینى ژمارەى پەناخوازانە لەسەردەمى حکومەتى نوێدا. ساڵى ڕابردوو کۆى 44 بەلەم و 2255 کەس گەیشتنە ئەو وڵاتە. هەروەها حکومەت زانیارییەکانى بەتەواوى نابەخشێت بە میدیاکان و تەنها هەفتانە ڕاپۆۆت بڵاودەکاتەوە. ئەو وێنەیەى کە لەگەڵ ئەم هەواڵەدا بڵاوکراوەتەوە بە ئاشکرایى ئەوە دەردەخات کە شێوازى بەرەنگاربوونەوەى حکومەت بۆ پڕۆسەى سەروەرى خاکەکەیان لەژێر فەرماندەى ئاسمانى مارشالڵ مارک بینسکین چۆنە. ئەو فەرماندەیە ئاماژەى بەوەدا کە ئێمە باس لە تەکنیکەکانمان و شێوازى ڕوبەڕووبوونەوەکانمان ناکەین و چونکە ئەەوە زانیارى دەبەخشێت بە قاچاخچیەکان. 
لەماوەى بڵاوکردنەوەى ڕاپۆرتەکانى 4-11ى مانگدا 111 کەس گوازراونەتەوە بۆ ناورو. لەوکاتەوەى ئەو ئۆپەراسیۆنە دەستى پێکردووە، کە سێ هەفتە دەبێت، 215 کەس کە بە بەلەم گەیشتوون ڕەوانەى دەرەوەى خاکەکانى ئوسترالیا کراون لە ناورو ودوورگەى ماونوس. هەروەها ڕۆژى هەینى 1059 کەس کە بەبەلەم هاتبوون گەیەنرانە دوورگەى ماونوس و 800 بۆ ناورو. 
لە 8ى سێپتەمبەرى ئەمساڵەوە 17 بەلەم کە 550 سەرنشینیان لەخۆیان هەڵگرتبوو ڕێگریان لێکراوە لە ئیندۆنیزیاوە بەرەو ئوسترالیا بچن. ئەمەش بەهۆى هاریکارییەکانى نێوان حکومەتى ئوسترالى و ئیندۆنیزى. هەروەها پۆلیسى ئیندۆنیزى توانویەتى هەشت کەس دەستگیر بکات کە پێنجیان تیمى بەلەمەکە بوون، ئەمانەش ئامانجى گرنگن. کە ئەوانە هاریکارى و ڕێکخستن دەکەن بۆ کۆچى پەناخوازان بەشێوەیەکى نایاسایى بەرەو ئوسترالیا. 
لە ناورو حکومەتى ئوسترالى باڵەخانەى تەندروستى بنیات دەنێت. لەناو ئەو باڵەخانانەدا نەخۆشخانەى تێدایە کە زیاتر بەشێوەیەکى بەرفراوان بۆ ئافرەتانى دووگیانە و چاودێرى کردنى منداڵان. جێگەى باسە کە وەزیرى کۆچى ئوسترالى ڕایگەیاندووە هیچ جیاوازییەک بە ئافرەتان و منداڵان ناکرێت و هەموویان ڕەوانەى دەرەوەى خاکەکانى ئوسترالیا دەکرێن بۆئەوەى کەیسەکانیان هەڵسەنگێنرێن.


Sunday, October 13, 2013

لەئیتاڵیا بەلەمێكی تر ژێرئاو دەكەوێت و بەدەیان كەس دەبنە قوربانی


حكومەتی ئیتاڵیا رایگەیاندووە، دوێنێ‌ بەلەمێكی دەریایی لەكەنارەكانی ووڵاتەكەی ژێرئاو كەوتووەو لەئەنجامیشدا بەدەیان كەس گیانیان لەدەستداوە.

ئاژانسی بی بی سی بڵاویكردۆتەوە، دوێنێ‌ بەلەمێك بەنزیكەی 200 سەرنشینەوە لەنێوان توونس و دوورگەی سقلیە ژێرئاو كەوتووەو بەپێی ئامارە سەرەتاییەكان لایەنی كەم بەدەیان كەس گیانیان لەدەستداوە.


لەلایەن خۆشیەوە ووتەبێژی هێزی دەریایی ئیتاڵی رایگەیاندووە، ئەوان لەحاڵی ئێستا سەرقاڵی گەڕان و پشكنینن بۆ ئەوەی تەرمەكان لەناو ئاودا دەربهێنن و تاكو ئێستاش 120 تەرمیان دەرهێناوە.


ئەمەو هەفتەی رابردووش لەكەنارەكانی ئیتاڵیاو نزیك دوورگەی لامبیدۆسا لایەنی كەم 274 كەس ژێرئاوا كەوتن كەزۆرینەیان هاوڵاتیانی ئەریتریاو سۆماڵ بوون.


كۆچ به‌ره‌و ئوسترالیا سه‌ر هه‌ڵده‌داته‌وه‌



ئه‌و ده‌مه‌ی‌ عه‌باس ته‌میمی‌ گه‌یشته‌ ئوستورالیا، ئاهێكی‌ به‌به‌ردا هاته‌وه‌و گه‌یشته‌ ئه‌و بڕوایه‌ی‌ خه‌ونه‌كه‌ی‌ هاتووه‌ته‌ دی‌، عه‌باس له‌گه‌ڵ‌ ژماره‌یه‌ك كۆچبه‌ری‌ نایاسایی‌ ساڵی‌ 2011 خۆی‌ گه‌یانده‌ ئه‌ندۆنیسیاو له‌وێشه‌وه‌ بۆ ئوستورالیا، به‌ڵام ئه‌مڕۆ وه‌كو سه‌ردانكه‌ر گه‌ڕاوه‌ته‌وه‌ بۆ شاره‌كه‌ی‌ خۆی‌ كه‌ربه‌لا.

ته‌میمی‌ ده‌ڵێت "بۆ سه‌ردانی‌ كه‌سوكاره‌كه‌م گه‌ڕاومه‌ته‌وه‌و نیازم وایه‌ دوو مانگ بمێنمه‌وه‌، پاش ئه‌وه‌ بارگه‌و بنه‌ ئه‌پێچمه‌وه‌و ده‌چمه‌وه‌ بۆ ئوستورالیا، چونكه‌ پێم وایه‌ ئه‌وێ‌ وڵاتی‌ خه‌ونه‌كانمه‌و هه‌ر له‌وێ‌ ئازادی‌‌و كه‌سایه‌تی‌‌و كیانی‌ خۆمم دۆزیوه‌ته‌وه‌".

 حازر جه‌میل كه‌ دانیشتوویه‌كی‌ تری‌ ئه‌و پارێزگایه‌یه‌و پاش گه‌شتێكی‌ پڕ له‌ده‌رده‌سه‌ری‌ گه‌ڕاوه‌ته‌وه‌، ئه‌و به‌"نیقاش"ی‌ وت "گه‌شته‌كه‌مان هیچ ئاسان نه‌بوو، سه‌ره‌ڕای‌ ئه‌وه‌ی‌ دوانزه‌ هه‌زار دۆلارم خه‌رجكرد، له‌كه‌ناره‌كانی‌ ئه‌ندۆنیسیاوه‌ به‌گه‌شتێكی‌ پڕ له‌سه‌ركێشی‌ ده‌ریایی‌ گه‌یشتمه‌ ئوستورالیا".

هه‌روه‌ها ده‌ڵێت "حه‌ڤده‌ رۆژ له‌ناو زه‌ریای‌ ئارامدا بوین، پاش گه‌یشتنم چوار مانگ له‌كامپی‌ په‌نابه‌ران مامه‌وه‌و پاش ئه‌وه‌ی‌ پشكنیكی‌ ته‌ندروستیم بۆ كراو لێكۆڵینه‌وه‌م له‌گه‌ڵ‌ كرا، ئینجا ئازادیان كردم، ئه‌مڕۆش له‌هه‌وڵی‌ ئه‌وه‌دام خێزانه‌ پێنج كه‌سییه‌كه‌م ببه‌مه‌ ئه‌وێ‌".
نبراس تالیب له‌لای‌ خۆیه‌وه‌ له‌بیری‌ ئه‌وه‌دایه‌ كه‌ربه‌لا به‌ره‌و ئوستورالیا جێبهێڵێت، له‌مڕووه‌وه‌ ده‌ڵێت "زۆرشت هه‌یه‌ پاڵم پێوه‌ ده‌نێت بۆ كۆچكردن، له‌نێویاندا بێكاری‌، چونكه‌ ئه‌مڕۆ كه‌س به‌بێ‌ واسیته‌ دانامه‌زرێت".

 هه‌روه‌ها ده‌ڵێت "كاتێك كه‌وتمه‌ پرسیاركردن، تێگه‌یشتم گه‌یشتن به‌ئوستورالیا سیانزه‌ هه‌زار دۆلاری‌ ده‌وێت، ئه‌مه‌ جگه‌ له‌وه‌ی‌ گه‌شتێكی‌ پڕ له‌سه‌ركێشییه‌‌و ده‌یان كه‌س به‌وهۆیه‌وه‌ بوونه‌ته‌ قوربانی‌، منیش له‌گه‌ڵ‌ ئه‌وه‌ی‌ پاره‌كه‌م بۆ كۆناكرێته‌وه‌، ئه‌وه‌ش ده‌زانم كه‌ قاچاخچییه‌كان قۆڵبڕن، بۆیه‌ له‌و هه‌نگاوه‌ په‌شیمان بوومه‌ته‌وه‌".

 چه‌ندین كه‌سی‌ تر له‌هاوڵاتیانی‌ كه‌ربه‌لا له‌وانه‌ی‌ چه‌ند ساڵێكیشه‌ له‌ده‌ره‌وه‌ی‌ وڵاتن، خه‌ون به‌وه‌وه‌ ده‌بینن رۆژێك بێت‌و بتوانن بگه‌نه‌ ئوستورالیا.

 حسێن قوسه‌ی‌ كه‌ چه‌ند ساڵێكه‌ كه‌ربه‌لای‌ جێهێشتووه‌و له‌یۆنان نیشته‌جێیه‌، له‌بیری‌ ئه‌وه‌دایه‌ ئه‌ویش به‌ره‌و ئوستورالیا به‌ڕێبكه‌وێت تا له‌وێ‌ وه‌ك خۆی‌ ده‌ڵێت خه‌ونی‌ مانه‌وه‌و كاركردن بێنێته‌ دی‌، حسێن هۆكاری‌ جێهێشتنی‌ یۆنان ده‌خاته‌ ئه‌ستۆی‌ بێكاری‌‌و داڕمانی‌ ئابوری‌.
 له‌مڕووه‌وه‌ ده‌ڵێت "پاش ئه‌وه‌ی‌ ساڵێك به‌ر له‌ئێستا گه‌ڕامه‌وه‌ بۆ عێراق، نه‌متوانی‌ دابمه‌زرێم، بۆیه‌ ئه‌گه‌ر بزانم سه‌ریشم داده‌نێم ئه‌وا هه‌ر به‌ره‌و ئوستورالیا ده‌كه‌ومه‌ ڕێ‌".

 موهه‌نه‌د فازل دۆخێكی‌ تری‌ به‌سه‌ردا هاتووه‌ كاتێك هاوشێوه‌ی‌ كه‌ربه‌لاییه‌كانی‌ تر رووی‌ كردووه‌ته‌ ئه‌ندۆنیسیا تا له‌وێوه‌ به‌ره‌و ئوستورالیا بكه‌وێته‌ ڕێ‌، به‌ڵام له‌وێ‌ قاچاخچییه‌كان قۆڵیان بڕیوه‌و كاتێكی‌ زانیوه‌ نۆ هه‌زار دۆلاریان لێبردووه‌.

موهه‌نه‌د ئاماژه‌ به‌وه‌ ده‌كات كه‌ له‌گه‌ڵ‌ قاچاخچییه‌كدا رێكه‌وتووه‌ بیگه‌ێنێته‌ دورگه‌ی‌ كریسمسی‌ سه‌ر به‌ئوستورالیا كه‌ 300 كیلۆمه‌تر له‌ئه‌ندۆنیسیاوه‌ دووره‌، به‌ڵام هه‌ر له‌وێ‌ قاچاخچییه‌كان پۆلیسیان ئاگادار كردووه‌ته‌وه‌و سه‌رجه‌م كۆچبه‌ره‌كان گیراون‌و پاره‌كان خواردوون.

موهه‌نه‌د ده‌ڵێت "به‌رهه‌ر حاڵێك بوو له‌ئه‌ندۆنیسیا نه‌جاتم بوو، ئێستا له‌هه‌وڵی‌ ئه‌وه‌دام جارێكی‌ تر پاره‌ كۆبكه‌مه‌وه‌ بۆ ئه‌وه‌ی‌ بكه‌ومه‌وه‌ رێ‌".

 ئه‌یمه‌ن عامری‌ كه‌ ئه‌ویش خاوه‌نی‌ كارگه‌یه‌كی‌ ئه‌له‌منیۆمه‌ به‌هه‌مان شێوه‌ دووچاری‌ فێڵ لێكردن بووه‌ته‌وه‌، به‌ڵام ئه‌میان له‌لایه‌ن كه‌سێكی‌ عێراقییه‌وه‌، كاتێك پێی‌ وتووه‌ ئه‌گه‌ر دوانزه‌ هه‌زار دۆلاری‌ بداتێ‌ بۆ ئوستورالیا رایده‌كێشێت، به‌ڵام پاره‌كه‌شی‌ خوراوه‌و نه‌یشگه‌یشتووه‌ته‌ جێ‌.

 ئه‌یمه‌ن ئه‌مڕۆ هه‌موو بیری‌ له‌سه‌ر ئه‌وه‌یه‌ چۆن ئه‌و بڕه‌ پاره‌یه‌ به‌ده‌ست بهێنێته‌وه‌ كه‌ حه‌واڵه‌ی‌ كردووه‌، به‌ڵام پێناچێت ئه‌نجامی‌ هه‌بێت.

ئه‌زموونێكی‌ تری‌ گه‌یشتن به‌ئوستورالیا فازیل جبوری‌ ده‌یگێڕێته‌وه‌، كاتێك به‌شانزه‌ رۆژ له‌ناو ئاودا ئینجا گه‌یشتووه‌ته‌ ئه‌و وڵاته‌و له‌وێ‌ مافی‌ مانه‌وه‌ی‌ كاتی‌ بۆ سێ‌ مانگ وه‌رگرتووه‌.

جبوری‌ وه‌ك خۆی‌ ده‌ڵێت نه‌یتوانیوه‌ به‌رگه‌ی‌ غه‌ریبی‌ بگرێت، به‌تایبه‌تی‌ كه‌ خێزانه‌كه‌ی‌ له‌كه‌ربه‌لا ماونه‌ته‌وه‌، بۆیه‌ بڕیاری‌ گه‌ڕانه‌وه‌ی‌ داوه‌و ئێستا له‌عێراق نیشته‌جێیه‌.

گه‌یشتن به‌ئوستورالیا ئه‌مڕۆ بووه‌ته‌ خه‌ونی‌ زۆرێك له‌دانیشتوانی‌ كه‌ربه‌لا، به‌شێكی‌ زۆر له‌وانه‌ هه‌وڵیان داوه‌و به‌ده‌ستی‌ به‌تاڵ‌ گه‌ڕاونه‌ته‌وه‌، ئه‌وانه‌شی‌ گه‌یشتوون ده‌رده‌سه‌ری‌ زۆریان بینیوه‌، به‌ڵام تیاشیاندایه‌ وه‌ك عه‌باس ته‌میمی‌ كه‌ جێگیربوون له‌و وڵاته‌ هه‌موو ئێش‌و ده‌رده‌سه‌رییه‌كانی‌ بیر بردووه‌ته‌وه‌.

‌نیقاش-ئیبراهیم ئەلجبوری - كه‌ربه‌لا 

Tuesday, October 8, 2013

یه‌که‌مین خوێندنگه‌ی بازرگانی به‌ریتانی له‌ عێراقدا بۆ خوێندنی یه‌ک ساڵی و دوو ساڵی


1381262_594948587235162_1915845764_n
یه‌که‌مین خوێندنگه‌ی بازرگانی به‌ریتانی له‌ عێراقدا بۆ خوێندنی یه‌ک ساڵی و دوو ساڵی و به‌ده‌ستهێنانی بڕوانامه‌ی نێوده‌وڵه‌تی له‌ بزنز و به‌ڕێوه‌بردندا
(LSBM) ئاگاداری گشت ئاره‌زومه‌ندانی کۆرسه‌کانی بواری بزنز و به‌ڕێوه‌بردن ده‌کاته‌وه‌ که‌ له‌ به‌رواری (08-10-2013)ه‌وه‌ ده‌ست ده‌کرێت به‌ ناونوسین بۆ هه‌رکه‌سک که‌ خوازیاری ده‌ستپێکردن ئه‌م کۆرسانه‌ی هه‌بێت له‌ مانگی (۱۲ ی ۲۰۱۳) ه‌وه‌.
زانیاری له‌سه‌ر دامه‌زراوه‌ی بڕوانامه‌ به‌خش و مه‌رجه‌کانی وه‌رگرتنی خوێندکاران له‌م خێندنگه‌یه‌دا:

دامه‌زراوه‌ی بڕوانامه‌ به‌خشی به‌ریتانی: Pearson Edexcel

ژماره‌ی مۆڵه‌تی به‌ریتانیا: 91098 

ناوی خوێندنگه‌: London School For Business & Management 

ناوی بڕوانامه‌: BTEC Business

ئاسته‌کانی بڕوانامه‌ BTEC Level 3, Level 4 & Level 5
ناو و ئاستی کۆرسه‌کان بۆ ساڵی یه‌که‌می خوێندن (2014 - 2013)
BTEC Level 3 Diploma in (Business, Administration, Human Resource, Management, Marketing)
ماوه‌ی ته‌واوکردنی هه‌ر کۆرسێک/ئاستێک: (۱) ساڵ

کاته‌کانی کۆرس: دوانیوه‌ڕوان - ئێواران. ( ۲ تا ۳ کاتژمێر له‌ ڕۆژێکدا)

ڕۆژانی وانه‌ خوێندن: (6) ڕۆژ له‌ هه‌فته‌یه‌کدا.

(۳) ڕۆژ له‌ هه‌فته‌یه‌کدا بۆ خوێندنی پرۆگرامی بزنز. وه‌ (۳) ڕۆژیتر له‌ هه‌فته‌یه‌کدا بۆ خوێندنی (زمانی ئینگلیزی و پرۆگرامی ICDL) بۆ ئه‌و به‌شداربووانه‌ی پێویستیان به‌ به‌هێزکردنی زمانی ئینگلیزی و زانستی کۆمپیوته‌ره‌. (ئیختیاری - Optional). 

مامۆستایانی وانه‌ بێژ: مامۆستایانی زانکۆن و خاوه‌نی بڕوانامه‌ی دکتۆرا و ماسته‌رن له‌ بزنز و کارگێڕیدا له‌ زانکۆکانی به‌ریتانیا و ئه‌مریکادا.
تێبینی/ -1 له‌م ساڵی خوێندندا (2013 – 2014) ته‌نها (BTEC Level 3 - Diploma) ده‌خوێندرت و له‌ساڵانی داهاتوودا (BTEC Level 4 - Diploma و BTEC Level 5 - Diploma) ده‌کرێته‌وه‌.

2- (BTEC Level 5 - Diploma) به‌رامبه‌ر به‌ ساڵی دووه‌می خوێندنه‌ له‌ زانکۆکانی به‌ریتانیادا و بۆ ئه‌م مه‌به‌سته‌ش هه‌رکه‌سێک (BTEC Level 5 - Diploma) ته‌واو بکات ئه‌وا ده‌توانێت به‌ خوێندنی ته‌نها (1) یه‌ک ساڵ له‌ یه‌کێک له‌ زانکۆکانی به‌ریتانیادا بڕوانامه‌ی دبلۆماکه‌ت بگۆریت به‌ بڕوانامه‌ی به‌کالۆریۆس و ببێته‌ هه‌ڵگری بڕوانامه‌ی به‌کالۆریۆس له‌ (Business) دا.
• مه‌رجه‌کانی وه‌رگرتنی خوێندکاران:

1- به‌شداربوو پێویسته‌ ته‌مه‌نی له‌ ۱۸ ساڵ که‌متر نه‌بێت.
2- ده‌رچووانی ئاماده‌یی (بازرگانی، زانستی و ووێژه‌یی) به‌شێوه‌یه‌کی یه‌کسان ده‌تووانن له‌م خوێندنگه‌یه‌دا بخوێنن.
3- ئاستی زمانی ئینگلیزیکه‌ی له‌ ئاستی دووه‌می زمانی ئینگلیزی (Elementary) که‌متر نه‌بێت. 
(که‌ بۆ ئه‌م مه‌به‌سته‌ش تاقیکردنه‌وه‌ی پێشوه‌خت ئه‌نجام ده‌درێت بۆ وه‌رگرتنی خوێندکاره‌کان).
4- پێویسته‌ خوێندکاره‌کان خولیا و حه‌زیان بۆ کاری بزنز و به‌ڕێوه‌بردن هه‌بێت.
5- ئه‌و خوێندکارانه‌ی که‌ ئاستی زمانی ئینگلیزیه‌که‌یان له‌ ئاستی دووه‌م و سێیه‌م دابێت (Elementary & Pre intermediate) ئه‌وا ده‌بێت به‌ درێژایی یه‌ک ساڵ زمانی ئینگلیزی له‌ بواری بزنزدا بخوێنن تاکو ئاستی زمانه‌که‌یان باشترببێت. وه‌ گشت تێچوونی ئه‌م کۆرسه‌ش ده‌چێته‌ ئه‌ستۆی خوێندنگه‌که‌.
6- مه‌رجه‌ ئه‌و خوێندکارانای که‌ توانای به‌کارهێنانی کۆمپیوته‌ریان لاوازه‌ و شاره‌زانین تیایدا، پێویسته‌ به‌ درێژایی یه‌ک ساڵ گشت پرۆگرامه‌کانی (ICDL) بخوێنن که‌ بریتین له‌:

Module 1: Information Technology
Module 2: Using the Computer and Managing Files
Module 3: Word processing
Module 4: Spreadsheets
Module 5: Databases
Module 6: Presentation
Module 7: Internet and Communication 
تێبینی/ خوێندنی زمانی ئینگلیزی و زانستی کۆمپیوته‌ر له‌ پێناو به‌رزکردنه‌وه‌ی ئاستی ده‌رچووانی کۆرسه‌کانمانه‌ و بۆ ئه‌وه‌ی ئاماده‌بن بۆ هه‌ر چانسێکی کارکردن له‌دوای ته‌واوکردنی (BTEC Level 3 - Diploma). وه‌ به‌ته‌واوکردنی کۆرسه‌کانی زمانی و زانستی کۆمپیوته‌ر و ده‌رچوون له‌ تاقیکردنه‌وه‌کانیاندا به‌شداربووان بڕوانامه‌ی نێوده‌وڵه‌تی وه‌رده‌گرن له‌ هه‌ردوو به‌شه‌که‌دا. ئه‌مه‌ جگه‌ له‌ بڕوانامه‌ی دبلۆمه‌که‌ له‌ بزنزدا. 
ناساندنی BTEC:

له‌ ماوه‌ی بیست و پێنج ساڵی ڕابردوودا، بڕوانامه‌کانی (BTEC) یارمه‌تی ملیۆنه‌ها که‌سیان داوه‌ له‌ په‌ره ‌پێدانی ئه‌و شاره‌زاییانه‌ی که‌ پێویستن بۆ پێشکه‌وتن له‌ ژیانیاندا. ئه‌م بڕوانامانه جۆشده‌ر و‌ هانده‌ری زۆر به‌ هێزن بۆ فێرخوازان، هه‌روه‌ها گونجاون بۆ ته‌مه‌نی جیاواز و شاره‌زایی هه‌مجۆر. له‌ به‌خشینی ئه‌م بڕوانامانه‌دا ڕێگایه‌کی کرداری، گۆنجاو له‌ گه‌ڵ ژیانی ڕاسته‌قینه‌دا ده‌گرینه‌ به‌ر بۆ فێربوون، به‌ بێ له‌ ده‌ست دانی بابه‌ته‌ تیۆریه‌ بنچینه‌ییه‌کان.
(BTEC) هه‌موو ئه‌و شاره‌زاییانه‌ پێشکه‌ش ده‌کات به‌ فێرخوازان که‌ پێویستن بۆ پێشکه‌وتن به‌ره‌وه‌ خوێندنی باڵا یان ڕاسته‌وخۆ بۆ جیهانی کار. بۆ نمونه‌ (BTEC Level 3 - Diploma) له‌ کار و باری بازرگانی نیشتمانی (National Business) هه‌موو لایه‌نه‌کانی بزنس ڕووماڵ ده‌کات و هەروەها‌ بازاڕکاری (Marketing)، سه‌رچاوه‌ی مرۆیی (Human Resources)، و ژمێریاری (Accounting) لە خۆ دەگرێت. لە پاڵ ئەمانەش، کۆمەڵێ چالاکی ژیانی ڕاستەقینە ڕووماڵ دەکەن وەک نوسین و چۆنیه‌تی پێشکەش کردنی نەخشەی کار (Business Plan).
بڕوانامەکانی (BTEC) دەکرێت وەک یان لە جێی بڕوانامەکانی خوێندنگەو و کۆلێژەکان وەربگیڕێن. ئەم بڕوانامانە باوه‌ڕپێکراون و به‌ گرنگیه‌وه‌ ته‌ماشا ده‌کرێن لە لایەن کۆلێژ و زانکۆ و خاوەن کار و کەرتە پیشه‌ییه‌ جیاوازەکان لە هەشتاو پێنج ووڵات لە سەرانسەری جیهاندا.
سوودەکانی بڕوانامەکانی BTEC:
پێویستە بزانیت کە چۆن بڕوانامەکانی BTEC جیاوازن لە بڕوانامەکانی تر. با سەیرێکی ئەم جیاوازیانە بکەین لە گەڵ ئەو سوود و قازانجانه‌ی کە بڕوانامەکانی BTEC پێشکەشت دەکەن.

ڕێگایەکی کرداری بۆ فێربوون:

BTEC ڕێگایەکی کرداری و زیندو دابین دەکات بۆ فێرخوازان کە زۆرکات دەگمەنن لە ناوەندەکانی تری فێربوون. خوێندکارەکانمان پێویسته‌ چەند یەکەیه‌ک ته‌واو بکه‌ن کە بۆ هەریەکەیان دەبێت بەڵگە پێشکەش بکەن بە پێی کار و ئەزموونی ژیانی ڕاستەقینە. ئەمەش دەرفەتی ده‌رخستنی شارەزایی و زانیاریەکانیان پێ دەبەخشێت.

بە دەر لە ترس و فشاری تاقیکردنەوە:

هەندێک خوێندکار لە ژێر فشاری تاقیکردنەوە گەشە دەکەن و پێش دەکەون؛ بەڵام زۆرێکی خوێندکاران ناتوانن بە توانا و لێهاتووییه‌ چاوەروانکراوەکانیان بگەن بە هۆی ترس و نیگەرانی تاقیکردنەوە.

کاتێک فێرخوازان بە پێی ڕێگای BTEC دەخوێنن، پێشکەوتنیان بەدرێژایی کۆرسەکان پێوانە دەکرێت. ئەمەش ڕێگه‌یان پێدەدات کە بە بەردەوامی هەڵسانگاندن بۆ ڕێژەی فێربوونیان بکەن، به‌ هه‌مان شێوه‌ی نواندنێکی کاری ڕۆژانە. ئەمە خوێنکارەکان به‌ جۆش ده‌کات و زیاتر هانیان دەدات چونکە بەردەوام پێشکەوتنی خۆیان دەبینن و پێویست ناکات چاوڕێ بکەن تا کۆتایی کۆرسەکە بۆ هه‌ڵسه‌نگاندنی تاقیکردنەوە. بۆ زۆر لە فێرخوازان شێوازی BTEC کە تیایدا کاری خوێندکاران بە بەردەوامی هه‌ڵسه‌نگاندنی بۆ ده‌کرێت هەڵبژاردەیەکی باشتره‌.

هەڵبژاردەکانت کراوه‌ ده‌بێت:

بڕوانامەکانی BTEC گونجاون و دەرفەت دەده‌ن بە خوێندکاران کە هەڵبژاردەکانیان بە کراوەیی بهێڵنەوە. ئایا ئه‌گه‌ر خوێندکار بیەوێت دوای قۆناغی ئامادەیی بەردەوام بێت لە خوێندن یا خود ڕاستەوخۆ بچێتە ناو هێزی کار، هەریەک لە بڕوانامەکانی BTEC ڕێگەیان پێدەدات هەردوو ‌‌هەڵبژاردەکە تاقی بکەنەوە.
پته‌وکردنی باوەڕبەخۆبوون:

فێربوون پێویستە بە چێژ بێت، نەک وورە ڕووخێن. بە پێی ئەزموونی ئێمە، خوێندکاران چێژ لە پڕۆگرامەکانی BTEC وەرد دەگرن چونکە ده‌توانن خۆیان تایبه‌تمه‌ند که‌ن له‌و بوارانه‌ی فێربوون که‌ په‌یوه‌ندی ڕاسته‌وخۆیان هه‌یه‌ به‌و پیشانه‌ی تامه‌زرۆی ئه‌نجامدانیان هه‌یه‌، وه‌ک بازرگانی. کۆرسه‌کان ئه‌و بابه‌تانه‌ له‌خۆده‌گرن که‌ خوێندکار چێژیان لێ وه‌رده‌گرێت و پێیان شاره‌زایه‌. خوێندکاره‌کانمان به‌رده‌وام باوه‌ڕیان به‌ خۆیان پته‌وتر ده‌که‌ن چونکه‌ ئه‌وه‌ شاره‌زاییانه‌ به‌هێز ده‌که‌ن که‌ له‌ داهاتوودا یارمه‌تیان ده‌ده‌ن پیشه‌ خوازراوه‌کانیان یان چانسی خوێندی باڵا مسۆگه‌ر بکه‌ن. ئه‌رکی و به‌رپرسیارێتیه‌کانی خوێندکاران ڕه‌نگه‌ به‌ نوسین ئه‌نجام بدرێت، به‌ڵام هه‌مان ئه‌گه‌ر هه‌یه‌ که‌ ئه‌رکه‌کان به‌ شێوازی تر بن، بۆ نمونه‌ پاره‌چه‌ فیلم، پڕۆژه‌ پێشنیار، نه‌خشه‌ کار، وە خشته‌ی زانیاری ڕێکخراو (database). خوێندکاران بەردەوام ڕێنمایی ئاشکراو پێویستیان پێ دەدرێت بۆ ئەوەی بزانن کە دەبێت چی بەدەست بهێنن وە بە چ شێوەیەک ئەمە جێ بە جێ ی بکەن.
هەوڵەکانت پڕ سوود و قازانج دەبن:
خوێندکاران پابه‌ند دەبن بە کاتبەستەکانەوە کە لەلایەن مامۆستاکنانیانەوه‌ دادەنرێن، بەڵام دەتوانن ئەمە ئەنجام بدەن بە پێی خێرایی خۆیان نەک کارکردن لە ژێر کاتی دیاریکراوی تاقیکردنەوەکان. پێشکەوتنی خوێنکارەکان چاودێری دەکرێت لە سەر ئاستی کەسی لە لایەن مامۆستاکانەوە کە بەردەوام پشتیوانی و هاوکاری تایبەت پێشکەش دەکەن. ئەمەش دەبێتە هۆی گەشەسەندنی شارەزاییەکانی فێرخواز و گەیشتن بە ئاماج و توانا ویستراوەکانیان، چونکە بە شێوەیەکی گه‌شه‌یی فێر دەبن، واتە لە بابەتە سادە و بچوکەکانەوە دەست پێدەکەن و پاشان بەرەو بابەتە ئاڵۆزترەکان پێشدەکەون.
پێکەوە کارکردن:

پێکەوە کارکردن (Teamwork) لایەنێکی سەرەکیە لە جیهانی پیشه‌ییدا وە لەبەر ئەوەش بەشێکی گرنگی ىڕوانامەکانی BTEC –ه‌. خوێندکاران هه‌ندێ جار بە تەنها کارەکانیان جێبەجێ دەکەن، وە هەروەها لە ناو گرووپدا، بۆ نمونە لە گرووپی بەرهەمهێنانی شانۆگەری، یا خود ڕۆڵ بینین لە پەیوەندی بەڕێوەبەر و کارمەند.
گونجاندنی خوێندن لەگەڵ ئه‌رکی ڕۆژانه‌ی تردا:
بڕوانامەکانی BTEC گونجاون. دەکرێت بە Full-time یان Part-time بخوێنرێن. هه‌روها بڕوناماکه‌نی BTEC ده‌کرێت له‌گه‌ل بڕوانامه‌ی تر وه‌ له‌گه‌ڵ لێپرسراوێتی ئیشی رۆژانه‌ وه‌ربگیرێن.
خوێندنی سه‌رده‌م:

ئێمه‌ به‌رده‌وام کۆرسه‌کانی BTEC په‌ره‌ پێ ده‌ده‌ین وه‌ نوێیان ده‌که‌ینه‌وه‌ به‌ پێی پێداویستی و شاره‌زاییه‌ خوازراوه‌که‌نی خاوه‌ن کاران. ئه‌مه‌ ده‌رفه‌ت ده‌دات به‌ فێرخواز که‌ زۆرترین سود له‌ پیشه‌که‌ی ببینێ له‌ کاتی وه‌رگرتنی بڕوانامه‌که‌ی، وه‌ له‌ هه‌مان کاتدا بڕوانامه‌که‌ په‌یوه‌ندی دار و نوێ ده‌مێنێته‌وه‌. پێش بڕیار دان له‌وه‌رگرتنی هه‌ر یه‌ک له‌ کۆرسه‌کان، ده‌کرێت دڵنیا بیته‌وه‌ له‌ هاوچه‌رخی بابه‌ته‌کانی کۆرسه‌که‌. هه‌موو بڕوانامه‌کانی BTEC ئێستا گه‌شه‌پێده‌درێن به‌ هاوبه‌شی له‌ گه‌ڵ ئه‌نجومه‌نی شاره‌زاییه‌کانی که‌رته‌کانی شانشینی یه‌کگرتوو (UK SSC) بۆ دڵنیا بوون له‌ گونجانیان له‌ گه‌ڵ پێداویستیه‌کانی خاوه‌ن کاران.
1.1 ملیۆن خوێندکاری BTEC هه‌موو ساڵێک:

له‌م ساڵانه‌ی دواییدا خواست له‌سه‌ر بڕوانامه‌کانی BTEC زۆر زیادی کردووه‌. له‌ ساڵانی 2009 و 2010 زیاتر له‌ 1.1 ملیۆن که‌س ناویان تۆمار کردووه‌ بۆ خوێندنی بڕوانامه‌کانی BTEC.

له‌م ساڵانه‌ی دواییدا خواست له‌سه‌ر بڕوانامه‌کانی BTEC زۆر زیادی کردووه‌. پێمان وایه‌ که‌ ئه‌م زیادبوونه‌ ده‌گه‌ڕێته‌وه‌ بۆ ئه‌وه‌ی‌ که‌ مامۆستایان، دایک و باوکان، وه‌ خوێندکاران تێگه‌یشتوون له‌م دوو فاکته‌ره‌ی خواره‌وه‌:

یه‌که‌م: خوێندنی ئه‌کادیمی شیاو نیه‌ بۆ هه‌مووان. کۆرسه‌کانی BTEC ئه‌زمونێکی به‌سودی فێربوون دابین ده‌که‌ن بۆ فێرخوازان که‌ ده‌یانگه‌یه‌نێت به‌ بڕوانامه‌یه‌ک که‌ باوه‌ڕپێکراوه‌ و هه‌م ڕێزی لێ ده‌گیرێت له‌ سه‌رتاپای جیهان.

دووه‌م: خوێندکاران BTEC هەڵدەبژێرن چونکە پێشوەخت بڕیاریان لەسەر پیشەیەکی دیاریکراو داوەو خوازیاری دەستپێکی خێران. کۆرسەکانی BTEC ئەزموونی پەیوەندیدار و گرنگ دابین دەکەن هەر لەسەرەتاوە.
زانیاری زیاتر دەربارەی BTEC-ەکان:
بڕوانامەکانی BTEC یارمەتیت دەده‌ن ئامانجەکانت بێنیتە دی لە ناوەوەو دەرەوەی ووڵات.
دەتەوێت لە شانشینی یەکگرتوو (UK)، ووڵاتە یەکگرتوەکانی ئەمەریکا (US)، یان ئوستوڕالیا بخوێنیت؟
دەتەوێت کۆمپانیایەک لە ووڵاتی خۆت دامەزرێنیت ؟
دەتەوێت پیشەیەکی نایابت هەبێت لە ڕێکخراوێکی فرەلایەن؟
خەونەکانت هەرچیەک بن، لەگەڵ بڕونامەکانی BTEC دێنه‌ دی!
کاتێک بڕوانامەکانی BTECl ئەخوێنیت، دەتوانی:

• ده‌ستکه‌وتنی پیشەیەکی نایاب: بڕوانامه‌کانی BTEC ڕیکخراون بە ڕاوێژکردنی نزیک له‌گه‌ڵ بازار و ناوه‌ندی پیشه‌سازی، که‌ خاون کاران دڵنیا ده‌کاته‌وه‌ که‌ زانیاریه‌کانی تۆ هاوچه‌رخن و شاره‌زاییه‌کانت (به‌و شاره‌زاییه‌ گرنگانه‌شه‌وه‌ که‌ ده‌بنه‌ هۆی دامه‌زراندنت) په‌یوندیدارن و گرنگن.

• به‌نرخی خۆت بسه‌لمێنه‌: بڕوانامه‌کانی BTEC ئه‌وه‌ ده‌خه‌نه‌ پێش چاو که‌ تۆ شاره‌زایی و زانیاری و کۆمه‌ڵێ ڕه‌فتارت به‌ ده‌ست ‌هێناوه‌ به‌ پێی ستانداردی جیهانی.

• له‌ سه‌رانسه‌ری جیهان بخوێنه‌ و کار بکه‌، له‌ هه‌ر ئاستێکدا بیت: کۆلێژ و زانکۆکان و خاوه‌ن کاران له‌ سه‌رتاپای جیهان پێشوازی له‌ پێشکه‌شکردنه‌کانی ئه‌و کاندیدانه‌ ده‌کات که‌ خاوه‌نی بڕوانامه‌کانی BTEC –ن.
ملیۆنه‌ها خوێندکاری نێوده‌وڵه‌تی (له‌ ده‌ره‌وه‌ی ووڵات ده‌خوێنن) سوودیان له‌و ده‌رفه‌تانه‌ بینیوه‌ که‌ بڕوانامه‌کانی BTEC پێشکه‌شی ده‌که‌ن به‌ وه‌رگرانی.

بۆ زانیاری زیاتر بفەرموون بە سەردانی:


ناونیشان: سلێمانی، شه‌قامی تووی مه‌لیک، به‌رامبه‌ر ئاماده‌یی شه‌هید جه‌مال تاهیری کچان.
0533237363 - 07480101555 - 07701203884 
 

كورد لەناو دیارترین كارەساتەكانی نقومبوونی بەلەمی پەناخوازاندا

Refugee_boat_sinks__160315aماڵپەری ڕۆژنامەی تەلەگرافی بەریتانی دیارترین كارەساتەكانی نقومبوونی بەلەمی پەناخوازانی لەماوەی زیاتر لە 10 ساڵی ڕابردوودا دەستنیشانكردووە و هەموویان لە ئاوەكانی دەریای ناوەڕاست و ئاوەكانی نێوان ئوسترالیا و ئەندەنوسیا ڕوویانداوە .
ئەوەی جێگەی سەرەنجە ، پەناخوازانی كورد بەشێكن لە قوربانیانی ئەو كارەساتانە و بوونەتە جێگەی باسی میدیاكان كە بەشێكیان كوردەكانن كارەساتەكە دەگێڕنەوە.
- لە 19 ی ئۆكتۆبەری ساڵی 2001 ، بەلەمێك كە زیاتر لە 400 پەنابەری لەخۆگرتبوو لە باشووری دوورگەی جاوای ئەندەنوسیا نقوم بوو كە زیاتر لە 350 لەو پەناخوازانەی لە پێش گەشتنیان بە ئوسترالیا كردە قوربانی كە بە ووتەی بەشێك لە ڕزگاربووەكان ژمارەیەكی بەرچاو لەو پەناخوازانە كورد بوون .
" لایلایەكانی زەهرا" ناویشانی ئەو ڕاپۆرتە ڕۆژنامەییە بوو كە لەلایەن ڕۆژنامەنوسێكی ئوستراایەوە نوسرا و لە چەندین ناوەندی میدیایی ئەو ووڵاتەو جیهانەوە بڵاوكرایەوە .
زەهرا ئەو پەناخوازە منداڵە بەڕەگەز كوردە بوو كە یەكێك بوو لە قوربانیانی ئەو كارەساتە و باوكی لە ڕاپۆتەكەدا ئەوە دەگێڕتەوە كە چۆن زەهرا و خێزانەكەی لەكاتی نقومبوونی بەلەمەكەدا گیانیان لە دەستدا.
- لە 15 ی دیسەمبەری 2010 ، بەلەمێكی تر كە زیاتر لە 90 پەناخوازی هەڵگرتبوو لەپێش گەشتنیان بە دوورگەی كریستماسی ئوسترالیا تێكشكا و نزیكەی 50 لەو پەناخوازانەی كردە قوبانی كە لەناویاندا چەندین پەناخوازی كورد و عێراقی تێدا بوو.
گرتە ڤیدیۆیەكانی كارەساتەكە كەلەلایەن دانیشتوانی دوورگەكەوە گیراون ئەوە نیشان دەدەن كە چۆن پەناخوازەكان لە سەرەمەرگدا یەك لەدوای یەك گیان لەدەست دەدەن و خراپی گەشوهەواكەش ناهێلێت ئەوان ڕزگار بكرێن.
- لە نیسانی 2011 دا و لە دوو ڕووداوی نقومبوونی بەلەمی پەناخوازاندا نزیكەی 400 پەناخواز بوونە قوربانی لە نزیك دوورگەی لامپیدوسای ئیتاڵیا كە زۆربەیان بە ڕەگەز لیبی بوون.
- لە ئۆكتۆبەری 2009 دا ، 109 پەناخوازی تر لە پێش گەشتنیان بە ئوسترالیا خنكان و تەنانەت تەرمەكانیشیان نەدۆزرانەوە كە باوەڕوابوو هەموویان بەڕەگەز ئەفخانی بن.
- لە سێپتەمبەری 2012 دا و لە ڕۆژئاوای دەرپاچەی ئیجە ، لە ڕووداوێكی نقوومبوونی بەلەمی پەناخوازاندا ، زیاتر لە 60 پەناخواز بوونە قوربانی كە پەناخوازی كورد و عێراقیش لەناویاندا بوون.
- دواهەمین ڕووداو كەلە بەرواری 3 ی ئۆكتۆبەری 2013 دا ڕوویدا نقومبونی بەلەمێكی تری پەناخوازان بوو لە نزیك دوورگەی لامپیدوسای ئیتاڵیا كە نزیكەی  300 پەناخوازی كردە قوربانی كە هەموویان خەڵكی ووڵاتانی ئەفریقا بوون.
كوردیو - هه‌ژار ته‌ها

پرۆژەی دابینكردنی زەمالەی خوێندن بۆ ژنان لە بواری میدیادا


ئاژانسی مێترۆگرافی لە ئێستادا بەهاوكاری ڕێكخراوی (N.P.A ) زەمالەی خوێندنێكی شەش مانگی پێشكەش بە (٩) رۆژنامەنووس لە رەگەزی (مێ) دەكات لە هەرێمی كوردستان و عێراق كە لەو ماوەیەدا بەشداربووان فێر دەكرێن بۆ بەرهەمهێنانی بابەتی رۆژنامەوانی Multimedia.
لەماوەیەی ئەو شەش مانگەدا چوار كۆرسی سێ رۆژی بەرێوەدەچێت لە ئۆفیسی سەرەكی ئاژانسی مێترۆگرافی لە سلێمانی،كۆرسەكان تایبەت دەبن بە هاندانی بەشداربووان لەسەر بەرهەم هێنانی چیرۆكی رۆژنامەوانی لەسەر رەوشی ژنان و ئەو كێشانەی رووبەروویان دەبێتەوە،
ئاژانسی میترۆرگرافی كەیەكەمین ئاژانسی فۆتۆگرافی عێراقییەو ماوەی ٤ ساڵە كار دەكات بەنوێنەرایەتیكردنی فۆتۆگرافەرانی عێراقی و كوردی بۆ هەریەكە لەمیدیاكانی ناوخۆی ووڵات و رۆژنامەو میدیا جیهانییەكان، لەهەمانكاتیشدا دەورێكی سەرەكی بینییەوە لە پێگەیاندن و دابینكردنی وۆركشۆپ و كردنەوەی خولی فێربوون بەشێوەیەكی ئەكادیمی بۆ فۆتۆگرافەرانی عیراقی و كوردی.
تێبینی : بۆ زانیاری زیاتر پەیوەندی بكەین بە 
كامەران نەجم  بەرێوەبەری ئاژانسی میترۆگرافی – سلێمانی 

 كوردیو - سەفین ئیسماعیل

Sunday, October 6, 2013

ئۆباما پرۆژه‌ یاسای مافی په‌نابه‌رێتی عیراقیه‌كانی له‌ئه‌مریكا په‌سه‌ند كرد



باراك ئۆباما سه‌رۆكی ویلایه‌ته‌ یه‌كگرتووه‌كانی ئه‌مریكا واژۆی ئه‌و پرۆژه‌ بڕیاره‌ی كرد كه‌ به‌هۆیه‌وه‌ رێده‌دات، عیراقیه‌كان له‌ئه‌مریكا بمێننه‌وه‌، ئه‌وانه‌ی پێشتر له‌كاتی جه‌نگی رزگاریی عیراق هاریكاریی ئه‌مریكایان كردبوو. 

ئاژانسی هه‌واڵی روسیا یه‌وم بڵاویكرده‌وه‌، زیاد له‌ 12 هه‌زار به‌ڵێنده‌ر و وه‌رگێڕی عیراق له‌نێو ئه‌وانه‌ن كه‌ له‌ساڵی 2007، رێپێدانیان بۆ كراوه‌ له‌گه‌ڵ خێزانه‌كانیان له‌ئه‌مریكا بمێننه‌وه‌.

سه‌رچاوه‌كه‌ی هه‌واڵ ئه‌وه‌شی خسته‌ڕوو كه‌ به‌هۆی كۆتایی هاتنی واده‌ی یاسایی مانه‌وه‌ی عیراقیه‌كان له‌ ئه‌مریكا و نوێكردنه‌وه‌ی پرۆژه‌ یاساكه‌ بۆ جارێكی دیكه‌ له‌لایه‌ن حكومه‌تی واشنتۆن، نزیكه‌ی دوو هه‌زار دۆسیه‌ی داوای رۆیشتن بۆ ئه‌مریكا به‌هه‌ڵپه‌سێردراوی مایه‌وه‌. 

هه‌فته‌ی پێشوو، كۆنگرێسی ئه‌مریكا ره‌زامه‌ندی پیشاندا له‌سه‌ر پرۆژه‌ یاسای پێدانی مافی په‌نابه‌رێتی به‌ هاوڵاتیانی عیراق له‌ئه‌مریكا، ئه‌وانه‌ی پێشتر هاریكاریی ئه‌مریكایان كردووه‌.   

خه‌ندان – 

لەماوەی 25 ساڵدا زیاتر لە 19 هەزار كۆچبەر لەپێش گەشتنیان بە ئیتالیا گیانیان لەدەستداوە


پاش دوو ڕۆژ لە گەڕان بەدوای دۆزینەوەی ئەو كۆچبەرانەی كەلە بەلەمێكدا لە نزیك دوورگەی لامپێدوسای ئیتالیا نقوم بوون ، بەرپرسانی هێزە دەریایەكانی ئیتالیا بێئومێدی خۆیان نیشاندا لە دۆزینەوەی ژمارەیەكی زیاتری كۆچبەرو ڕایانگەیاند كە پێدەچێت ئەوەی لەماوەی دوو ڕۆژی ڕابردوودا لە دەریاكەدا مانەتەوە ئێستا مردبن.

بەپیًی زانیاریە فەرمیەكان ، تا ئێستا 155 كۆچبەر بە زیندووی ڕزگار كراون و لاشەی 111 تریش دۆزراونەتەوە و پێدەچێت بەلەمەكە نزیكەی 500 كۆچبەری تێدابووبێت . بەمەش ژمارەی ئەو كۆچبەرانەی بوونەتە قوربانی بە زیاتر لە 300 كۆچبەر مەزەندە دەكرێت.
هۆكاری نقومبوونی بەلەمەكەش دەگێردرێتەوە بۆ لەكاركەوتنی مەكینەی بەلەمەكە و بە ووتەی بەرپرسێكی ڕێكخراوی كۆچی جیهانیش لە ڕۆما كۆچبەرەكان پاش نائومێدبوونیان لە دووبارە كاركردنەوەی مەكینەی بەلەمەكەیان دەستیان كردووە بە ئاگركردنەوە بۆئەوەی سەرەنجی بەلەمەكانی نزیك خۆیان ڕابكێشن و بێن بەلایانەوە بەڵام دواتر ئاگرەكە لە كۆنتڕۆڵ دەرچووە و بۆتە هۆی سووتانی بەشێكی بەلەمەكە و نقوم بووە.
سەرجەم كۆچبەرەكان بەڕەگەز خەڵكی ووڵاـتانی ئەفریقان و بەلەمەكەش لە شاری مەسراتەی لیبیاوە دەستی بە گەشتەكەی كردووە .
بەپێی زانیاریەكانی ئاژانسی هەواڵی ڕۆیتەرز ، لەماوەی 25 ساڵی ڕابردوودا زیاتر لە 19 هەزار كۆچبەر لەپێش گەشتنیان بە ئیتالیا گیانیان لەدەست داوە وخنكان لەناو ئەو بەلەمانەدا كەلەلایەن قاچاخچیەكانەوە ڕێكدەخرێن بۆتە قەیرانێك بۆ تەواوی یەكێتی ئەوروپا.
كوردیو - تایبه‌ت
سەرچاوە : BBC، ڕۆیتەرز


Thursday, October 3, 2013

(120) هاوڵاتی لە دورگەی كریسمیس نقوم بوون و زۆربەیان منداڵن


ئاژانسە هەواڵییەكانی ئوستورالیا بڵاویانكردەوە، شەوی رابردوو لە دوورگەی كریسمسی ئەو وڵاتە، بەلەمێك بە(120) سەرنشینەوە نقوم بووە و تا ئێستاش چارەنووسی زۆربەیان نادیارە.
رۆژنامەی( ئوستورالیا نیوز) لە زاری بەرپرسێكی هێزی دەریایی ئەو وڵاتەوە گواستویەتییەوە، شەوی رابردوو لە دوورگەی كریسمسی ئوستورالیا، بەلەمێك بە (120) سەرنشینەوە نقوم بووە، تا ئێستاش تەرمی ئەوانەی دۆرزراونەتەوە، زۆربەیان منداڵن.
رۆژنامەكە ئاماژەی بەوەشداوە، لەو كەسانەی كە نقووم بوون تەنها(22) كەسیان دۆزراونەتەوە.رۆژنامەكە نوسیویەتی، بە پشت بەست بە زانیارییەكانی هێزی دەریایی ئوستورالیا، ئەوانەی لەناو دوورگەكەدا نقووم بوون، پێدەچێت هاوڵاتیانی وڵاتەكانی خۆرهەڵاتی ناوەڕاست بن.جێی ئاماژەیە،كۆچ كردن بۆ وڵاتانی ئەوروپا بۆتە دیاردە و تا ئێستاش بە هەزاران هاوڵاتی لەنێو دەریای نێوان توركیا و یۆنان، یۆنان ئیتالیا خنكاون و تەرمەكانیاشان بۆتە خۆراكی ماسییەكانی دەریا.
وەرگێرانی لە عەرەبیەوەبنار هیدایت

ئیتالیا: ده‌یان كۆچبه‌ری نایاسایی نووقمی ئاو بوون


له‌ كه‌ناراوه‌كانی ئیتالیا و له‌ نزیك دوورگه‌یه‌كی ئه‌و وڵاته‌، كه‌شتییه‌كه‌ی گواستنه‌وه‌ی كۆچبه‌ری نایاسایی نووقمی ئاو بوو و به‌هۆیه‌وه‌ 94 كه‌س گیانیان له‌ده‌ستدا.

به‌گوێره‌ی هه‌واڵێكی ئاژانسی سكای نیوز، كه‌شتییه‌كه‌ 500 كۆچبه‌ری نایاسایی له‌سه‌ر بووه‌و باس له‌وه‌ ده‌كرێت كه‌ سه‌رجه‌میان سۆماڵی بن، به‌ڵام به‌رپرسانی نه‌ته‌وه‌یه‌كگرتووه‌كان ئاماژه‌یان به‌وه‌دا كه‌ ئه‌و په‌نابه‌رانه‌ زۆربه‌یان خه‌ڵكی ئه‌ریتریان و له‌ لیبیاوه‌ به‌ره‌و وڵاتانی ئه‌وروپا به‌ڕێكه‌وتوون.

هاوكات جۆزی نیكۆڵیتی، سه‌رۆكی شاره‌وانیی شاری لامپیدۆزا-ی ئیتاڵیای نزیك له‌ رووداوه‌كه‌ ئاشكرایكرد كه‌ ره‌وشه‌كه‌ زۆر مه‌ترسیداره‌و تائێستا ته‌رمی 94 له‌و په‌نابه‌رانه‌ ده‌رهێناوه‌ته‌وه‌ كه‌ ژن و منداڵیشیان تێدایه‌ و گومان ده‌كرێت زیاتر له‌ 150 په‌نابه‌ریش گیانیان له‌ده‌ست دابێت كه‌ تائێستا ته‌رمه‌كانیان ده‌رنه‌هێنراونه‌ته‌وه‌.

سه‌باره‌ت به‌ چاره‌نووسی ته‌واوی سه‌رنشینه‌كانی ئه‌و كه‌یشتییه‌، سه‌رچاوه‌كانی نزیك له‌ رووداوه‌كه‌ ئاماژه‌یان به‌وه‌كرد كه‌ تائێستا 151 كه‌س له‌و په‌نابه‌ره‌ نایاساییانه‌ رزگار كراون.
خه‌ندان ـ