Thursday, August 30, 2012

سوید هه‌فتانه‌ هه‌زار په‌نابه‌رى عێراقى ده‌نێرێته‌وه‌

ئه‌و ڕێکه‌وتنه‌ له‌ شوباتی 2008 دا له‌گه‌ڵ سوید مۆرکراوه‌

حكومه‌تی‌ عێراق له‌گه‌ڵ حكومه‌تی‌ سویدا ڕێککه‌وتوون تا ئه‌و په‌نابه‌رانه‌ی مۆڵه‌تی‌ مانه‌وه‌یان وه‌رنه‌گرتوه‌ ڕه‌وانه‌ی عێراقیان بکه‌نه‌وه.‌

ماڵپه‌ڕی ئیلاف بڵاویكردوه‌ته‌وه‌ كه‌ حکومه‌تی عێراقی و سویدی پیلانی به‌زۆر ناردنه‌وه‌ی په‌ناخوازانیان داڕشتوه‌، ئه‌مه‌ش مانای ڕه‌تکردنه‌وه‌ی بڕیاری په‌رله‌مانی عێراقیه‌ که‌ نابێت په‌نابه‌ران به‌زۆر دیپۆرتبکرێته‌وه‌.

له‌ هه‌واڵه‌كه‌ی‌ سایتی‌ ئیلافدا هاتووه‌ ” ئه‌م ڕه‌فتاره‌ی حکومه‌تی عێراقی ئاکامی ئه‌و ڕێکه‌وتنه‌یه‌ که‌ له‌ مانگی شوباتی ساڵی 2008 دا له‌گه‌ڵ حکومه‌تی سویدیدا مۆری کردووه‌، به‌و پێیه‌ سوید ده‌توانێ ئه‌و په‌نابه‌رانه‌‌ی که‌یسه‌کانیان ڕه‌تکراوه‌ته‌وه‌ ڕه‌وانه‌ی به‌غدا بکرێنه‌وه‌، وه‌ک ئه‌و چه‌ند هه‌زار په‌نابه‌ره‌ی له‌ماوه‌ی دووساڵی ڕابردوودا دیپۆرتکرانه‌وه‌”.

به‌پێی ئه‌و زانیارانه‌ی ده‌ست ده‌زگا هه‌واڵیه‌کان گه‌یشتووه‌ وه‌ک ئیلاف باسی ده‌کات له‌ شه‌وی 29  ئه‌م مانگه‌وه‌، ده‌یان په‌نابه‌ری عێراقی که‌یس ڕه‌تکراوه‌ خۆیان ده‌بیننه‌وه‌ که‌ به‌زۆر به‌ره‌و فڕۆکه‌خانه‌ی ستۆکهۆڵم ده‌بردرێن و ده‌خرێنه‌ فڕۆکه‌وه‌ به‌ره‌و فڕۆکه‌خانه‌ی به‌غدا دیپۆرتده‌کرێنه‌وه‌، به‌پێی وه‌زاره‌تی کۆچوکۆچبه‌رانی عێراقی‌ هه‌فته‌ی 1000 په‌نابه‌ر وه‌رده‌گرنه‌وه‌.

ئه‌م دیپۆرتکردنه‌وه‌یه‌ پاش ڕه‌تکردنه‌وه‌ی که‌یسه‌کانی ئه‌و په‌نابه‌رانه‌ دێت، به‌پێی یاسایه‌ک که‌ گوایه‌ ووڵاته‌کانیان ئارام و بێ گرفت و بێ کوشت وبڕ و ئه‌شکه‌نجه‌ و یاسایی له‌ سێداره‌دان بێت.

ده‌شتی‌ جەمال سکرتێری فیدراسیۆنی سەراسەری پەنابەرانی عیراق ده‌رباره‌ی‌ ئه‌م هه‌ڵمه‌ته‌ نوێیه‌ی‌ ناردنه‌وه‌ی‌ په‌نابه‌ران به‌ سایتی‌ هاوڵاتی‌ وت “ئەمه‌ نیشانی ئەدات هەموو ئەو ئیدعایانەی حکومەتەکەی مالکی سەبارەت بە پەنابەران دەیکات، نەک هەر پوچو چەواشەکارانەیە، بەڵکو ملدانی حکومەتی عیراقیە بە هەموو ئەو ئیمتیازانەی کە حکومەتی مودراتی سوید خستۆتی ئیختیاریانەوە بە مەبەستی رازیبون بە وەرگرتنەوەی پەنابەران.”

وتیشی‌ “هاوکات ئەمە سات و سەوداو بازرگانیکردنە بە ژیان و داهاتوی پەنابەرانەوە وەک ئەوەی  پەنابەران کاڵای هەرزان بەهای دەستی مالکی بن، کە ئەمە ئیتر هیچ شکو گومانێک ناهێڵێتەوە بەوەی حکومەتەکەی مالکی دژ بە هەموو ماف و ئازادیەکانی خەڵکی عیراقە و مایەی نەفرەت و ئیدانەکردنە”.

دەشتی جەمال داوا له‌  هەموو ئەو پەرلەمانتارانە دەکات کە لەپەرلەمانی عێراق دەنگیاندا دژ بە ناردنەوەی بەزۆری پەنابەران، هەوڵەکانی خۆیان بەرامبەر حکومەتەکەی مالکی توند بکەنەوە، تا ئەو رێکەوتنەی مالکی لەسەر حسابی پەنابەران کردویه‌تی هەڵپەسێرێت و پابەندبێت بەو بریارەی پەرلەمان  کە لە ٢٣-٦ سەبارەت بە دۆسیەی پەنابەران بڕیاری له‌سه‌ر درا.

هاوڵاتی‌

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration


حكومەتی هەرێم هیچ پلانێكی بۆ گەنجانی دیپۆرتكراو نییە

لەماوەی 7 ساڵدا نزیكەی 7 هەزار پەنابەری عێراقی دیپۆرتكراونەتەوە

بەپێی ئامارێكی فیدراسیۆنی سەرانسەری پەنابەرانی عێراق تەنیا لەماوەی 7 ساڵدا نزیكەی 7 هەزار پەنابەری عێراقی كە زۆرینەیان كوردن نێردراونەتەوە (یاخود دیپۆرتكراونەتەوە) بۆ عێراق‌و هەرێمی كوردستان، هەرچەندە وڵاتی عێراق هێشتا لە پێشی پێشەوەی ئەو وڵاتانەوەیە كە زۆرترین پەنابەر هەناردەی دەرەوە دەكات، بەڵام ژمارەیەكی زۆریش لە هاوڵاتییانی ئەم وڵاتە رووبەڕووی دیپۆرتكردنەوە دەبنەوەو بەپێی وتەی ئەندامێكی فیدراسیۆنی سەرانسەری پەنابەرانی عێراق-یش بێت؛ هەنووكە نزیكەی 35 هەزار پەنابەری عێراقی كە زۆرینەیان كوردن لەژێر هەڕەشەی دیپۆرتكردنەوەدان، گەنجانی دیپۆرتكراوەش باس لەوە دەكەن كە بەزۆرناردنەوەیان دوای ئەوەی پارەیەكی زۆریان خەرجكردووەو بەبێ‌ هیچ قەرەبووكردنەوەیەكیش ئەوانی رووبەڕووی چەندین كێشە كردووەتەوە.
بەپێی دوایین ئاماری فیدراسیۆنی سەرانسەری پەنابەرانی عێراق لە ساڵی 2005ەوە هەتا رێكەوتی 12-5-2012 ئەو پەنابەرانەی لە وڵاتانی ئەوروپا بەشێوەیەكی زۆرەملـێ‌ دیپۆرتی وڵاتی عێراق كراونەتەوە ژمارەیان 6250 هاوڵاتییە، لەو ژمارەیەش لە سەدا نەوەتیان كوردن، هەر بەپێی ئەو ئامارە؛ هەنووكە زیاتر لە 35 هەزار پەنابەری دیكەی كورد‌و عێراقی لەژێر هەڕەشەی ناردنەوەدان، ئەو گەنجانەشی كە دیپۆرتدەكرێنەوە رووبەڕووی چەندین كێشە دەبنەوە، كە دیارترینیان سەرلەنوێ‌ گونجانەوەیە لەگەڵ كەشی تازەی كۆمەڵگەو كێشەی ئابووریی‌و چەندین كێشەی دیكە.

رۆژنامەوانی چاوی خەڵك ژمارەیەك گەنجی دیپۆرتكراوی بینیی‌و لەبارەی دیپۆرتكردن‌و كێشەكانیانەوە قسەی لەگەڵ كردن، دەر بازخدر، 25ساڵ، یەكێكە لەوگەنجانە، ئەو پەناهێندە بووە لە وڵاتی بەریتانیا لەشاری بێرمینگام‌و بۆماوەی نزیكەی پێنج ساڵ لەوێ‌ ژیاوە. ئەم گەنجە لەو ژیانەی ئەوێی زۆر بێئومێدبووەو دوای ئەوەی كە بە تەواویش بێئومێدكراوە لەوەی مافی پەنابەری پێبدەن؛ بەناچاری گەڕاوەتەوە بۆ كوردستان، دەرباز بە ئاخ هەڵكێشانەوە دەیوت: "ئەوێش ئەو فیردەوسە نەبوو كە من چاوەڕێم ئەكرد".

ناوبراو هێمای بەوە دەكرد كە راستە لە ئەوروپا بەهای مرۆڤ بەرزەو زۆر ئاسانكاریی هەیە بۆ ژیان، بەڵام لێرە (وەك ئەو هێمای پێدەكرد) هیچ بەهایەك بۆ مرۆڤ دانانرێت‌و ئەوەتا پاش گەڕانەوەیان مامەڵەیەكی زۆر ناشرینیان لەگەڵدا دەكرێت‌و بەدەست دەیان كێشەوە دەناڵێنن لەوانەش كێشەی نیشتەجێبوون‌و قەرزداریی‌و بێكاریی، كە بەوتەی ئەو هەموو ئەم كێشانە بەهۆی دیپۆرتكردنەوەیانەوە تووشبووە.

سۆران حەسەن، 23ساڵ، یەكێكی ترە لەو گەنجە دیپۆرتكراوانە، ئەو بۆ ماوەی شەش ساڵ لە وڵاتی نەرویج ژیاوە بەتایبەتی لە شاری كریستان سەن، سۆران بە رووخسارێكی زۆر خەمبارەوە باسی تراژیدیای ژیانی خۆی دەكرد‌و هێمای بەوە كرد كە ئەو: "دەیان رێگەی ناخۆشم بڕیوە زۆرجار رووبەروی مەرگی راستەقینە بوومەوە بۆ ئەوەی لەو ناعەدالەتیی‌و نایەكسانییەی بەرۆكی یەكەبەیەكەی كوڕە هەژارەكانی ئەم وڵاتەی گرتبوو رزگارم بێت".

ئەو گەنجە هێما بەوە دەكات كە لەگەڵ گەڕانەوەیان بۆ هەرێمی كوردستان رووبەڕووی دەیان كێشە بوونەتەوە بەتایبەتی كە هەندێك لەو گەنجانە پارەیەكی زۆریان خەرجكردووە هەتا گەیشتوونەتە دەرەوەی هەرێم، هێماشی بەوە كرد كە حكومەتی هەرێم هیچ ئاسانكارییەكی بۆ نەكردوون‌و بگرە گرفتیشیان بۆ زیاتر كردوون.

ئەو گەنجە دیپۆرتكراوە دەیوت: "حكومەتی هەرێم تەنانەت لە نەرویجیش هەمیشە بووبوونە گرفت بۆمان‌و لەژێر فشاری ئەواندا ئێمە نێردراوینەتەوە بۆ هەرێمی كوردستان، ئەو رۆژەی منی تیا دەسگیركرام هەرگیز لە بیرم ناچێتەوە، چونكە لەگەڵ هاوسەرەكەم لەناو بازاڕ بووین كە كەلەپچەیان كردە دەستمان، سەرەڕای ئەوەش حكومەتی عێراق سووكایەتی نەما پێماننەكەن لە فڕۆكەخانەی بەغداد، بەڕاستی ئێستا من لەڕووی كەسێتییەوە زۆر رووخاوم".


بەپێی ئامارێكی فەرمی؛ عێراق بە 23 هەزار پەناهێندە لە ریزبەندی سێیەمی وڵاتانی جیهاندایە بە هەبوونی زۆرترین پەناهێندە كە تەنیا لە ساڵی 2011دا وڵاتیان جێهێشتووە، ئەو ژمارەیەش بەشێكە لە كۆی زیاتر لە نیو ملیۆن پەناهێندە لەسەر ئاستی هەموو جیهان كە زیاتر لە 50%ی ئەو رێژەیە داوای مافی پەنابەرییان لە یەكێتیی ئەوروپا كردووە. هەر بەپێی ئەو ئامارە عێراق لە چوار ساڵی رابردوودا دووجار لە ریزبەندی یەكەمی سەرجەم وڵاتانی جیهاندابووە كە زۆرترین پەنابەری رەوانەی دەرەوە كردووە، كە ئەویش ساڵانی 2007 ‌و 2008 بووە، ساڵی 2009 هاتۆتە ریزبەندی دووەم‌و 2010یش لە ریزبەندی چوارەمدا بووە لە ساڵی 2011ش لە ریزبەندی سێیەمدا بووە.

بەپێی وتەی یەكێك لە ئەندامانی فیدراسیۆنی سەرانسەری پەنابەرانی عێراق، حكومەتی ناوەندو هەرێم نەك هەر هاوكاری پەنابەرانیان نەكردووە بەڵكو یارمەتیدەر بوون بۆ ناردنەوەیان بۆ عێراق. بەپێی وتەی دەشتی جەمال، ئەندامی فیدراسیۆنی سەرانسەری پەنابەرانی عێراق، كۆچی لاوان تاڕادەیەكی بەرچاو كەمیكردووە، ئەمەش بەوتەی ئەو بۆ ژمارەیەك هۆكار دەگەڕێتەوە، دەشتی دەیوت: "لەدوای 17شوبات كۆمەڵگای كوردستان رەوتی رووداوەكانی ناوچەكەو كاریگەرییەكانی لەسەر كوردستان توانی ئیرادەیەك ببەخشێتەوە بە خەڵكی كوردستان، هاوكات كەمبوونەوەی لێشاوی پەنابەری لەئێستادا دەگەڕێتەوە بۆ سیاسەتێك كە دەوڵەتانی ئەوروپا بەرامبەر پەنابەران بەگشتیی‌و پەنابەرانی كوردستان بەتایبەتی گرتویانەتەبەر".

ناوبراو ئاماژە بەوەش دەكات كە پێشتر لە فڕۆكەخانەی سلێمانیی‌و هەولێر پەنابەران وەردەگیرانەوە، بەڵام ئێستا بەهۆی ئەو فشارو كارو چالاكییانەوە كە فیدراسیۆنەكەیان بە پشتیوانی دەیان خەڵكی دیكە ئەنجامیداوە تا حكومەت ناچاربكات پەنابەرانی بەزۆر نێردراوە لە فڕۆكەخانەكانی كوردستان وەرنەگرێتەوە؛ فڕۆكەخانەكانی هەرێمی دیپۆرتكراوەكان وەناگرنەوە.

ئەو ئەندامەی فیدراسیۆنی سەرانسەری پەنابەرانی عێراق، هێماشی بەوە كرد كە حكومەتی عێراق‌و هەرێم هاوكاری پەنابەران ناكەن‌و یارمەتیدەر بوون بۆ ناردنەوەی پەنابەران. سەرەڕای ئەوەش رەخنەی لە حكومەتی عێراق گرت‌و دەیوت: "حكومەتی عێراق پڕۆتۆكۆلێكی ژێربەژێرو ئاشكراشیان لەگەڵ حكومەتەكانی ئەوروپا ئیمزا كردووە بۆ وەرگرتنەوەی پەناهێندەكان".

دەشتی جەمال باسی لەوەش كرد كە لەماوەی چەندمانگی رابردوودا بەهۆی هەوڵی چەندین لایەن‌و فیدراسیۆنەكەیانەوە‌و لەڕێگەی چەند ئەندام پەرلەمانێكی پەرلەمانی عێراقەوە دژ بە بڕیاری بەزۆر ناردنەوەی پەنابەران‌و وەرگرتنەوەیان لەلایەن فڕۆكەخانەكانی حكومەتی عێراقەوە هەڵمەتێكیان بەگەڕخستووە‌و چاوەڕوانن كە بەكردەیی حكومەتەكەی مالیكی پابەند بێت بە جێبەجێكردنی بڕیاری وەرنەگرتنەوەی پەنابەرانەوە.

بەپێی بەدواداچوونەكانی ئێمە، یەكێك لە گەورەترین ئەو كێشانەی رووبەڕووی پەنابەرە دیپۆرتكراوەكان بەگشتیی‌و خێزانەكان بەتایبەتی دەبێتەوە؛ بریتییە لە نەبوونی شوێنی نیشتەجێبوون لە كوردستان، هەرچەندە بەپێی بڕیاری 262 ساڵی 2008ەوە؛ حكومەتی عێراقی بۆ ئەو كەسانەی دیپۆرتكراونەتەوە بڕیاریدا بڕی 3 ملیۆن دینارو پارچەیەك زەویان بۆ دابینبكات، هەرچەندە ئەمە بەشێك لە كێشەكانی ئەو دیپۆرتكراوانە چارەسەردەكات، بەڵام كێشەی ئەوانە زۆر لەوە زیاترە، سەرەڕای ئەم هەنگاوەی حكومەتی عێراق، تائێستا حكومەتی هەرێمی كوردستان هیچ هەنگاوێكی هاوشێوەی نەناوە.

راپۆرتی زەكەریا حەوێز ــ چاوی خەڵك

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration

Wednesday, August 29, 2012

سریلانکا 147 کۆچبەرى نایاسایى لە ڕێگەیاندا بۆ ئوسترالیا دەستگیر دەکات

بەلەمى پەناخوازان تەنها جێگەى شەش ڕاوچى دەبێتەوە 81کەسى لێ بارکرابوو
بلۆگەکانى کۆچ بۆ ئوسترالیا و کۆچى کوردان

دوێنێ هێزە دەریاییەکانى سریلانکا توانیان 147 کۆچبەرى نایاسایى دەستگیر بکەن لەڕێگەیاندا بەرەو ئوسترالیا.
هێزە دەریاییەکان ئەوەیان ئاشکرا کرد کە لەیەکێک لە بەلەمەکانى کۆچى نایاسایى پەناخوازاندا کە تەنها جێگەى شەش ڕاوچى دەبێتەوە 81 کەسى لێ بار کرابوو. ئەمەش ماناى ئەوەیە لەکاتى کۆچى پەناخوازانى نایاسایدا بە بارودۆخێکى سەخت و نائاسایشدا تێدەپەڕن.
جێگەى باسە هەر لەم هەفتەیەدا، هێزە دەریاییەکانى سریلانکا توانیان 98 کەس دەستگیر بکەن کە بەرەو ئوسترالیا گەشتیان دەکرد بە بەلەم، بەمەبەستى داواکردنى مافى پەنابەرێتى، و ئەمەش ژمارەیەکى زۆرە دوابەدواى گۆڕانکارى لە یاساکانى کۆچى ئوسترالیادا. 
وتەبێژى هێزە دەریاییەکانى ئەو وڵاتە ڕایگەیاند ئەو کۆچبەرانە لە کەناراوەکانى دوورگەکانى باکوورى ڕۆژئاواو ڕۆژهەڵات بوون، کە لە دوو بەلەمدا بوون یەکێکیان 77 کەس و ئەویتر 21 کەسى هەڵگرتبوو. 
ئەو بەرپرسە ئەوەى ئاشکرا کرد ئەو کۆچبەرانە ڕادەستى پۆلیسى ئەو وڵاتە کراون. لەنێوان ئەو کۆچبەرانەدا ئافرەت هەبوون.
لەڕاستیدا پڕۆسەى ڕێکخستنى هەڵسەنگاندنى کەیسى پەناخوازان بەشێوازێکى نوێ دواى بڕیارێکى پەرلەمانى ئوسترالى دێت. کە هەموو پەناخوازە نوێیەکان ڕەوانەى دوورگەکانى مانوس و ناورو و پاپوا نیو گینیا دەکرێن بۆئەوەى کەیسەکانیان هەڵسەنگێندرێت. 
حکومەتە یەک لەدواى یەکەکانى ئوسترالیا و سەرۆک وەزیرانى ئێستا جولیا گیڵارد ڕووبەڕووى گرفت دەبنەوە لە ژمارەى زۆرى کۆچبەران. کە زۆربەى ئەو کۆچبەرانەش لە ئەفغانستان، و سریلانکا و ئێران و عێراقەوە دەگەنە ئەو وڵاتە لەڕێگەى ئاسیاوە.
دەسەڵاتدارانى سریلانکا ئەوە ئاشکرا دەکەن لە سەرەتاى ئەمساڵەوە 1437 کەسیان دەستگیرکردووە کە بەشێوەیەکى نایاسایى هەوڵى کۆچیانداوە بۆ ئوسترالیا.
ئوسترالیا ئومێدەوارە کە ئەم یاسا و ڕێوشوێنە هۆکارێک بێت بۆئەوەى ژمارەى کۆچبەرانە کەم بکاتەوە کە ژیانیان دەخەنە مەترسییەوە. 
هەر کۆچبەرێک نزیکەى 3000 دۆلار دەدەن بۆئەوەى شوێنێکیان لەسەر بەلەمەکان دەستبکەوێت و کۆچ بکەن بۆ ئوسترالیا. و ئەم کۆچەش نزیکەى دوو هەفتە دەخایەنێت. 

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration

Tuesday, August 28, 2012

وێنە-ڕاپۆرت: کامپى دەستبەسەرکردن لە دوورگەى مانووس وەکو وێرانەیە


بلۆگى کۆچى کوردان و کۆچ بۆ ئوسترالیا

حکومەتى ئوسترالیا لە 17ى ئابدا رتیمێکى گەیشتە دوورگەى پاپوا نیو گینیا بۆئەوەى کاربکات لەسەر دووبارە ڕێکخستنەوەى ناوەندەکانى دەستبەسەرکردن لەو ناوچانەدا و پڕۆسێس کردنى کەیسى ئەو پەناخوازانەى بە بەلەم کۆچ دەکەن.
تیمەکە کە لە بەرپرسانى وەزارەتى بەرگرى و دەرەوەو  کۆچ کردن پێکهاتبوو سەردانى کامپەکانى دوورگەى مانووسیشان کرد کە وەکو جەنگەڵ و وێرانەى لێهاتووە. 
وێنەکان بارودۆخى سەختى ئەو ناوچەیە و تێکچوونیان بەتەواوى نیشان دەدەن. 
تاوەکو ئێستا بوارو پێداویستییە ئەندازیارى، و لۆجیستى، و تەندروستییەکانمان هەڵسەنگاندووە بۆئەوەى ئەم ناوەندە بکرێتەوەو دەستبەکاربێت. 
لەکاتێکدا ناوەندى دوورگەى مانووس لە 2007دا داخرا، پاراستنى ناوەندەکە خرایە ئەستۆى خەڵکى ناوچەکەوە بەڵام شتێکى لەوشێوەیە نامەوەتەوە. 
بەڵام حکومەت پێشبینى ئەوە دەکات کە ئامادەکارییەکانى دوورگەى پاپوا نیو گینیا و ناورو لەماوەى چەند هەفتەیەکدا بکرێنەوە. 








سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration

دواهەمین گۆڕانکاری و هەواڵ لەبارەى یاساو ڕێوشوێنەکانى کۆچ بۆ ئوسترالیا



خوێنەرانى بەڕێزى پەیج و گروپ و بلۆگ و ڕاگەیاندنەکانمان ئاگاداردەکەینەوە کە بەردەوام دەبین لە ڕووماڵ کردنى گۆڕانکارییەکان لە یاسا و ڕێوشوێنەکانى کۆچ لە ئوسترالیا... بۆ ئەمڕۆش کۆمەڵێک زانیارى لەبارەى گۆڕانکارییەکان و نوێترین هەواڵتان لەوبارەیەوە بۆدەخەینە ڕوو. 


میدیا قەدەغەدەکريت بچێتە ناوەندەکانى دەستبەسەرکردن لە دوورگەى مانوس.
وەزیرى کۆچى ئوسترالى ڕاگەیاند ماوەیەکى پێدەچێت تاوەکو زانیارى لەبارەى سیاسەتى نوێى وەرگرتنى پەناخوازان بڵاودەکرێتەوە، بۆئەوەى خەڵکى بووەستێنن لە کۆچ بە بەلەم بۆ ئوسترالیا
وەزیرى کۆچى ئوسترالى ڕاگەیاند ئەم سیاسەتە زیاتر کاریگەر دەبێت دواى ئەوەى حکومەت فڕۆکە دابین دەکات و پەناخوازان دەگوازێتەوە بۆ دوورگەکانى مانووس و ناورو 
سەرلەبەیانى چوارشەممە ناورو بەفەرمى ڕێککەوتننامەیەک واژۆ دەکات بۆ دووبارە کردنەوەى ناوەندى پڕۆسێسکردنى کەیسى پەناخوازان بۆ ئوسترالیا 
هەرچەندە دوورگەى ناورو ڕاستەوخۆ ناتوانێت ئەو خەڵکەى تازە گەیشتوون لەدواى ڕاگەیاندنى سیاسەتە نوێیەکەوە لەخۆیان بگرێت، بەڵام لەگەڵ دەستبەکاربوونیاندا ناوەندەکانى ناورو و پاپوا نیو گینیا 2100 پەناخواز لەخۆدەگرن. 
سەرۆک وەزیرانى پاپوا نیو گینیا: کردنەوەى ناوەندى پڕۆسێسکردنى کەیسى پەناخوازان بۆ ئوسترالیا، هیچ یاسایەک ناشکێنێت. 
هەرچەندە بەپێى یاساى نوێى ئوسترالیا هەر پەناخوازێک لەڕێگەى بەلەمەوە بگاتە ئەو وڵاتە ڕاستەوخۆ بۆ دوورگەکانى ناورو و مانوس دەکرێت. بەڵام هێشتا هەندێ پەناخواز هەن کە لەپێشوودا بەبەلەم گەیشتوون و لەناوخۆى ئوسترالیادا کەیسەکانییان هەڵدەسەنگێنرێت. ئەوانیش کۆمەڵێک چیرۆکى سەخت و سەیریان هەیە. 
زۆرێک لە دەستبەسەرکراوانى ناوەندى پەناخوازان لە ناوەندى دەستبەسەرکردنى سچێرگێر تووشى تێکچوونى بیرو خواستى خۆکوشتنیان هەیە. 
ناوەندەکانى دەستبەسەرکردنى پەناخوازان لە ئوسترالیا پڕن لە بێ سەروبەرى، توندوتیژى، و پێکدادانى زۆر. لە ڕاپۆرتەکانى ئاسایشى ئوسترالیدا ئاماژەى زۆر دراوە بە لاقە کردن، دەستدرێژى سێکسى، کحولى دروستکراو، چەک، مانگرتن لە خواردن و ژمارەیەکى زۆر لە هەوڵى خۆکوشتن و چەندین تاوانى تر. 
ناوەندى دەستبەسەرکردنى نۆرزام زۆر قەرەباڵغ بووە. بەهۆى قەرەباڵغیەوە پەناخوازان لەناوەندەکەدا لەژێر فشاردان و تەنگژەو پشێوى بەردەوامیان هەیە. 
هەندێک لە پەناخوازان وەکو پەنابەر ناسێنراون بەڵام ناتوانن ناوەندەکانى دەستبەسەرکردن جێبهێڵن، چونکە ئاسایشى ئوسترالیا ناتوانێت گرەنتى ئەوە بدات ئەوان لەکۆمەڵگادا بێ پشێوى گێڕان دەتوانن بژین. 

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration


Monday, August 27, 2012

ئوسترالیا و تایلەند 400 پەنابەرى عێراقى ڕادەگوێزن


بلۆگى کۆچى کوردان و کۆچ بۆ ئوسترالیا

نوسینگەى فیدراسیۆنى پەنابەرانى عێراقى ڕایگەیاند، کە بەهۆى بڕیارەکانى حکومەتى ئوسترالیا و تایلەندەوە نزیکەى دوو هەزار پەنابەر ڕادەگوێزرێن و لەناویشیاندا نزیکەى 400 پەنابەرى عێراقین بۆ دوورگەکانى دەرەوەى ئوسترالیا. هەروەها ئاماژەیان بەوەدا کە هۆکارى پشت بڕیارى ئەو دوو وڵاتە ڕوون نییە. 
هەروەها ئامانج عەبدوڵا بۆ ئاژانسى ئاکا نیوز ڕایگەیاند کە سیاسەتى ڕاگواستنى بەزۆرى پەنابەران تاوەکو ئێستا جێبەجێ دەکرێت، سەرەڕاى ئەوەى هەندێ وڵات جیاوازن لە بۆچوونیاندا. ئامانج ئاماژەى بەوەدا کە هەریەکە لە ئوسترالیا و تایلەند بڕیارى ڕاگواستنى دوو هەزار پەنابەریانداوە کە لەو دوو وڵاتە نیشتەجێن و لەنێوانیشیاندا 400 عێراقى تێدایە. 
هەروەها وتى ئەم بڕیارە هۆکارەکەى ڕوون نییە. هەرچەندە بە بۆچوونى ئەو ئەم بڕیارە لەوانەیە لەدواى ئەو ڕەخنانەوە بێت کە لەو دوو وڵاتە دەگیرێن لەبەرامبەر سیاسەتى بەزۆر ڕاگواستنى پەناخوازان، ئەمەش لەلایەن ڕێکخراوە چالاکەکانى بوارى بەرگرى کردن لە پەناخوازان. 
جێگەى باسە بەپێى داتاکانى ئەو فیدراسیۆنە نزیکەى 100 هەزار پەنابەرى عێراقى لە دەوڵەتەکانى ئەوروپان، و نزیکەى 95%یان کوردن و هەڕەشەى بەزۆر ناردنەوەیان لێدەکرێت.
سەرچاوە: ئاژانسەکان

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration

وەفدێكی وه‌به‌رهێنه‌ران و پسپۆڕانى هۆڵه‌ندا سه‌ردانی هه‌رێمی کوردستان ده‌که‌ن


به‌مه‌به‌ستی به‌رنامه‌ڕێژی بۆ سه‌ردانیکردنی وەفدێكی فراوانی کۆمپانیا و وه‌به‌رهێنه‌رانی هۆڵه‌ندی بۆ هه‌رێمی کوردستان، ئەمڕۆ 22-8 به‌ختیار به‌کر ‌نوێنه‌ری یه‌کێتيی له‌هۆڵه‌نداو به‌ڕێز له‌شکری سه‌رۆکی کۆمه‌ڵه‌ی (KDBC) لە ‌ئه‌مسته‌ر‌دامی پایته‌ختی هۆڵه‌ندا کۆبوونه‌وه‌.
لە كۆبوونەوەكەدا نوێنه‌ری یه‌کێتيی له‌هۆڵه‌ندا ده‌ستخۆشی کاروچالاکییه‌کانی له‌ رێکخراوی ناوبراو کردو رایگه‌یاند که‌ به‌خۆشحاڵییه‌وه‌ ئه‌م کۆبوونه‌وه‌مان قبوڵکردووه‌، ئه‌گه‌رچی که‌رتی وه‌به‌رهێنان‌ ئه‌رکی سه‌ره‌کی نوێنه‌رایه‌تییه‌که‌مان نییه،‌ به‌ڵام هیواخوازین بتوانین هاوکاریتان بکه‌ین و کارئاسانیتان بۆ بکه‌ین له‌کاتی سه‌ردانیکردنتان بۆ هه‌رێمی کوردستان.
دواتر سه‌رۆکی کۆمە‌ڵەکە به‌رنامه‌و مه‌به‌ستی سه‌ردانه‌که‌یانی بۆ کوردستان خسته‌ڕوو.
ده‌رئه‌نجام هه‌ردوولا رێکكه‌وتن له‌سه‌ر به‌رنامه‌یه‌کی هاوبه‌ش و بڕیاره‌ له‌ ناوه‌ڕاستی مانگی سێپتێمبه‌ردا وەفدێكی فراوانی هۆڵه‌ندی که‌ پێکهاتوون له‌چه‌ندین بازرگان و کۆمپانیای شاره‌زا له ‌بواری (کشتوکاڵی، ئاو، خۆراك، بیناسازی) سه‌ردانی شاره‌کانی هه‌رێمی کوردستان بکه‌ن و نوێنه‌رایه‌تی یه‌کێتيی- ش کارئاسانیيان بۆ ده‌کات.

Sunday, August 26, 2012

ئوسترالیا 750 پەناخواز دەگوازێتەوە دوو دوورگە

رێكخراوەكان لەو بڕیارەی ئوسترالیا ناڕازین

حكومەتی ئوسترالیا و ئۆپۆزیسیۆنی ئەو وڵاتە رێككەوتن لەسەر چۆنیەتی مامەڵەكردن لەگەڵ ئەو پەناخوازانەی بە نایاسایی روو لە ئوسترالیا دەكەن. لە چەند رۆژی رابردووشدا دیپۆرتكردنەوەی پەناخوازان بۆ وڵاتی سێیەم لەلایەن پەرلەمان و ئەنجوومەنی پیرانی ئەو وڵاتەوە پەسەندكرا.

هەر دوای پەسەندكردنی یاسایەك لەبارەی دیپۆرتكردنەوەی پەنابەران، شاندێكی باڵای حكومەتی ئوسترالیا گەیشتنە وڵاتی ناورۆی دراوسێی ئوسترالیا بۆ گفتوگۆكردن لەبارەی چۆنیەتی راگواستنی پەناخوازان بۆ ئەو وڵاتە.

قەیرانی كۆچی نایاسایی لە رێگەی كەنار دەریاكان بۆ ئوسترالیا، یەكێكە لەو كێشانەی گفتوگۆكانی نێوان حكومەت و ئۆپۆزیسیۆن لە ماوەی رابردوودا بە بنبەست گەیاندبوو. حكومەت و پارتە ئۆپۆزیسیۆنەكان نەدەگەیشتنە رێككەوتنێك لەسەر چۆنیەتی كۆتاییهێنان بەو قەیرانە. بەڵام پاش پێكهێنانی لیژنەیەكی سەربەخۆ و ئامادەكردنی راپۆرتێك سەبارەت بە كێشەی كۆچی نایاسایی، كە راسپاردەكانی هەردوولای لە لەخۆگرتبوو، هەردوولا رایانگەیاند ئەو راسپاردانە جێبەجێدەكەن.  

بەپێی ئامارە فەرمییەكانی وەزارەتی كۆچی ئوسترالیا، ئەمساڵ 7983 پەناخواز لە رێگەی كەنارە ئاوییەكانی ئوسترالیاوە بە بەلەمی بچووكی نەشیاو، لەلایەن قاچاخچیەكانەوە بە پارەیەكی زۆر گەیێندرانە ئوسترالیا، كە زیاتر لە 500 لەو پەناخوازانە بە رەگەز عێراقیبوون. بەڵام بەدرێژایی ساڵی رابردوو 4565 پەناخواز بەوشێوازە گەیشتبوونە ئوسترالیا.

 ئەفغانستان، ئێران و عێراق لە ریزی پێشەوەی ئەو وڵاتانەن كە هاووڵاتیانیان بەشێوەیەكی نایاسایی دەچنە ئوسترالیا. جگە لە هەبوونی سەدان پەناخوازی دیكەی بێدەوڵەت، كە پێشتر لە لایەن حكومەتە ستەمەكارەكانیانەوە ماوەی دەیان ساڵە ئاوارەی وڵاتانی دراوسێیان كراون، لەوانەش كوردانی فەیلی، كە لەلایەن حكومەتی بەعسی عێراقەوە لە ساڵانی حەفتا و هەشتاكانی سەدەی رابردوودا ئاوارەی ئێران كران و وڵاتینامەی عێراقیان لێوەرگیرایەوە. هەروەها موسڵمانانی وڵاتی بۆرماش، كە تائێستا بەدەست بوزییەكانی ئەو وڵاتە دەچەوسێندرێنەوە.

 بەپێی ئامارەكانی حكومەتی ئوسترالیا، لە ماوەی 10 ساڵی رابردوودا 964 پەناخواز بەهۆی خراپی بەلەمەكانیان و پێش گەشتنیان بۆ ئوسترالیا، گیانیان لەدەستداوە، كە دەیان كەس لەوانە عێراقی و كورد بوون .

راگواستنی پەناخوازان بۆ وڵاتی سێیەم و یەكلاییكردنەوەی كەیسەكانیان لەو وڵاتە بە دووبارە ناساندنەوەی ئەو میكانیزمە دادەنرێت، كە لەسەردەمی حكومەتەكەی جۆن هاوەرد لە ساڵی 2000 بۆ 2001دا دانرا، بە مەبەستی رێگەگرتن لە شاڵاوی كۆچی نایاسایی و كۆتایی هێنان بە مردنی پەناخوازان، بەڵام لەژێر گوشاری پارتە ئۆپۆزیسیۆنەكانی ئوسترالیا و رێكخراوە نێودەوڵەتییەكانی تایبەت بە داكۆكیكردن لە مافەكانی مرۆڤ لەساڵی 2007دا لە كابینەی حكومەتەكەی كیڤن روود، ئەو میكانیزمە هەڵوەشێنرایەوە. 

سەبارەت بە چۆنیەتی جێبەجێكردنی راگواستنەكە، لە قۆناغی یەكەمدا لەكۆی 1500 پەناخواز، 150 پەناخواز، دەگوازرێنەوە بۆ دوورگەی ناورۆ، هەروەها 600 پەناخوازی دیكەش بەهەمانشێوە دەگوازرێنەوە بۆ دوورگەی پاپا نیوگینیا، كە هەردووكیان دوو وڵاتی بچووكی دوورگەیی سەربەخۆن و دەكەونە باكووری خۆرهەلاتی ئوسترالیا لەنێو زەریای هێمندا.

رێككەوتنەكەی ساڵی رابردووی نێوان حكومەتی ئوسترالیا و مالیزیا، كە بۆ راگواستنی پەناخوازان بوو بۆ مالیزیا، هاوشێوەی رێككەوتننامەكەی نێوان ئوسترالیا و وڵاتانی ناورۆ و پاپانیوگینیا دووبارە دەخرێتە بواری جێبەجێكردنەوە. 

خاتوو جولیا جیلارد، سەرۆك وەزیرانی ئوسترالیا رایگەیاند حكومەتەكەی دەیەوێ ئەو رێككەوتننامانە بەزوویی جێبەجێبكرێن، كە پێدەچێت پەناخوازان لەژێر خێوەت دابنرێن لە دوورگەی ناورۆ، تاوەكو ئەوكاتەی كەمپەكانیان بۆ ئامادە دەكرێت.

 سەبارەت بە چارەنووسی پەناخوازان لەپاش راگواستنیان بۆ ئەو وڵاتە، پێشتر وەزارەتی ناوخۆی ئوسترالیا رایگەیاندبوو، دوای ئەوەی ئەو پەناخوازانەی دەیسەلمێنن پەنابەری راستەقینەن، هێشتا مەرج نییە، ئوسترالیا پێشوازیان لێبكات و رەنگە بنێردرێن بۆ ئەو وڵاتانەی كە دەیانەوێ داڵدەیان بدەن. 

لە یەكەم كاردانەوەی نێودەوڵەتیدا، رێكخراوی لێبووردنی نێودەوڵەتی، بەتووندی ئیدانەی راگواستنی پەناخوازانی كرد لەلایەن ئوسترالیاوە و، بەپێشێلكردنی مافەكانی پەناخوازانی وەسفكرد. چونكە ئوسترالیا رێگر دەبێ لە پەناخوازان بۆ گەڕان بەدوای مافی پەنابەرێتیدا، ئەوانەش كە دەیسەلمێنن پەنابەرن مەرج نییە ئوسترالیا مافی پەنابەرێتیان پێبدات و دەیانداتە دەست نەتەوەیەكگرتووەكان بۆ ئەوەی وڵاتێكیان بۆ بدۆزێتەوە.

 جگە لەوەش، رێكخراوی ناوبراو بە تووندی ئیدانەی ئەو سیاسەتە نوێیە دەكات، چونكە نە لە داهاتوودا و نە لە ئێستاشدا حكومەتی ئوسترالیا پابەند نییە بەوەی لە ماوەی پێوانەیی بەندكردنی پەناخوازاندا كە 30 رۆژە، وەڵامی پەناخوازان بداتەوەو زۆرجار بەندكردنیان ماوەی 2 ساڵ زیاتر دەخایێنێ. 

ئێستا سەتان پەناخوازی عێراقی لە ئەندەنوسیا و مالیزیا و ئوسترالیا دەیەوێت پێیان بڵێیت، نەپەڕنەوە ئەوبەر، چونكە چارەنووستان لە دوورگەكانە و دەتوانن لە ئەندەنوسیاوە لە رێگەی UNەوە داوای مافی پەنابەری بكەن، دەبێ چاوەڕێبن بۆ كاتێكی نادیار.

هەژار تەها
رووداو-ئوسترالیا

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration


ته‌رمی ژنێکی په‌نابه‌ر له‌ که‌ناری ده‌ریایی فه‌ره‌نسه‌دا دۆزرایه‌وه‌


به‌پێی هه‌واڵێکی ڕۆژنامه‌ی ده‌یلی مه‌یڵی به‌ریتانی، ته‌رمی ژنێکی په‌نابه‌ر له‌ که‌ناری ده‌ریایی فه‌ره‌نسه‌دا دۆزرایه‌وه‌. ڕۆژنامه‌که‌ ده‌ڵێت: ( له‌ یه‌کێک له‌که‌ناره‌ ئاویه‌کانی فه‌ره‌نسه‌دا لاشه‌ی ژنێک به‌ مردوویی دۆزرایه‌وه‌.) هه‌روه‌ها ده‌ڵێت: ( ئه‌و ژنه‌ خه‌ڵکی ئاسیایه‌و هه‌وڵیداوه‌ 21 میل به‌مه‌له‌ به‌ره‌و که‌ناڵی ئینگلیزی بپه‌ڕێته‌وه‌.) له‌لایه‌کی تره‌وه‌ ڕۆژنامه‌که‌ باس له‌وه‌ ده‌کات:( که‌ 1000 په‌نابه‌ری نایاسایی له‌که‌ناری فرنسه‌دا کۆبونه‌ته‌وه‌ و به‌ته‌مای په‌ڕینه‌وه‌ن بۆ به‌ریتانیا.) پاشان له‌زمانی وه‌زیری ده‌ره‌وه‌ی ئه‌وکاتی فره‌نسا فرانسوا هۆلاند که‌ئێستا سه‌رۆک کۆماره‌،‌ ووتی :(ده‌ساڵ له‌مه‌به‌وبه‌ر که‌مپی سه‌نگاتمان داخست، که‌ خاچی سوور سه‌رپه‌رشتی ده‌کرد، به‌ڵام ئێستا په‌نابه‌ره‌ نایاساییه‌کان له‌ژێر داروپه‌ردو ته‌خته‌دا کوخیان بۆ خۆیان دروستکردووه‌ و ناویان لێناوه‌"سه‌نگاتی بچوک"، ئه‌مه‌ش شه‌پۆلێکی تری مه‌ترسیداری په‌نابه‌رانی سه‌ر که‌ناره‌کانه‌ و چاوه‌ڕێی لۆری و که‌شتیه‌کان ده‌که‌ن بۆ ئه‌وه‌ی بگه‌نه‌ به‌ریتانیا.) ڕۆژنامه‌که‌ نوسیویه‌تی داواکاری گشتی ژان فیلیب ژوبیر ده‌ڵێ: ( له‌گه‌ڵ ته‌رمی ژنه‌ خنکاوه‌که‌، که‌ له‌شی به‌ فازلین چه‌ورکردبوو‌ تا شه‌پۆلی ئاوه‌که‌ بێزاری نه‌کات، له‌لایه‌ن که‌سێک که‌ به‌وێدا ڕۆشتووه‌ بینراوه‌. کیسێکی نایلۆن له‌قه‌راغی ئاوی شارۆچکه‌ی ومیرۆکس‌ دۆزراوه‌ته‌وه، که‌خواردن و جلو به‌رگی تێدابووه‌، واته‌ ئه‌و ژنه‌ خۆی بۆ ماوه‌یه‌کی زۆر ئاماده‌ کردووه‌ تا به‌مه‌له‌کردن بیبڕێت.) له‌ڕاسیدا جێگای داخه‌ که‌ ناهه‌مواری باری ژیان وا له‌ مرۆڤێک بکات بۆ گه‌یشتن به‌ تروسکه‌یه‌ک ئارامی و ئۆقره‌یی گیانی خۆی به‌خت بکات.
http://www.dailymail.co.uk/news/article-2188130/Migrant-woman-dies-trying-swim-English-Channel-Britain.html


وەرگیراوە لە پەیجى: فیدراسیۆنی سەراسەریی پەنابەرانی عێراقی

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration


فیدراسیۆنی په‌نابه‌ری عێراقی ئیدانه‌ی سیاسه‌تی حکومه‌تی ئوسترالیا ده‌کات


له‌ به‌یاننامه‌یه‌کدا‌ که‌ فیدراسیۆنی سه‌راسه‌ری په‌نابه‌ری عێراقی ده‌ریکردووه‌، ئیدانه‌ی سیاسه‌تی حکومه‌تی ئوسترالیا ده‌کات له‌‌ به‌زۆر نیشته‌جێکردنی په‌نابه‌رانی نایاسایی له‌ دوورگه‌کانی پاپوای غینیای نوێ و ناورۆ. له‌ به‌یاننامه‌کدا هاتووه‌) ئه‌ندامانی په‌رله‌مانی ئوسترالیا پرۆسه‌ یاسای جێگیکردنی په‌ناخوازیان تێپه‌ڕاند، که‌ بڕیاری دانانی که‌مپی په‌نابه‌ریه‌ له‌ پاپوای غینیا و ناورۆ. په‌رله‌مانی ئوسترالی ڕایده‌گه‌ێنێ، ئه‌وه‌ ته‌نیا ڕێگه‌یه‌ که‌ ده‌توانێت ڕێ له‌ هه‌وڵدانی په‌نابه‌ران به‌ره‌و ئوسترالیا بگرێت، کاتێک په‌نابه‌ران له‌و گه‌شته‌دا خۆیان ده‌خه‌نه‌‌ ناو مه‌ترسی ده‌ریاوه‌. ) هه‌روه‌ها به‌یاننامه‌که‌ ده‌ڵێ:) له‌ساڵی 2001 وه‌ نزیکه‌ی 1000 که‌س به‌هۆی هه‌وڵی په‌ڕینه‌وه‌یان‌ به‌ره‌و ووڵاتی ئوسرالیا له‌ ده‌ریادا گیانیان له‌ده‌ستداوه‌.) له‌لایه‌کی تره‌وه‌ به‌یاننامه‌که‌ له‌ زاری سه‌رۆک وه‌زیران جولیا جیرادی هه‌ڵبژێراوی حیزبی کاری ئوسترالیا‌ باس له‌ مانه‌وه‌ی په‌نابه‌ران ده‌کات له‌ که‌مپه‌کانی که‌نار ده‌ریا که له‌ساڵی 2007 دا ‌ له‌ داخستنیاندا شکستی هێنابوو، که‌ ده‌یووت:( په‌نابه‌ران بۆ ماوه‌یه‌کی زۆر لێره‌دا ده‌مێننه‌وه‌.) له‌لایه‌کی تر به‌یاننامه‌که‌ی فیدراسیۆن ده‌ڵێ:( حیزبی کاری ئوسترالی به‌هیوایه‌ مانه‌وه‌ی په‌نابه‌ران بۆ ماوه‌یه‌کی درێژ له‌ دوورگه‌کانی ئۆقیانووسی ئارامدا، ڕێگربێت له‌وه‌ی په‌نابه‌ران له‌ گه‌شتی ترسناکی ناو به‌له‌مه‌کانی ده‌ریا بپارێزێت، به‌ڵام به‌داخه‌وه‌ ئه‌م جۆره‌ سیاسه‌ته‌ شکستخواردووه‌ و چاره‌سه‌ری مرۆڤانه‌ی گرفتی په‌نابه‌ران ناکات، هه‌ر بۆیه‌ ڕێکخراوی ئه‌منستی داوای له‌ حکومه‌تی ئوسترالی کردووه‌ ئه‌لته‌رناتیڤێکی مرۆیانه‌تر بدۆزێته‌وه‌.) له‌م رووه‌وه‌‌ به‌یاننامه‌که‌ نووسیویه‌:(فیدرسیۆنی په‌نابه‌ران، داوا له‌ هه‌موو ڕێکخراوه‌ مرۆیی و په‌نابه‌ری و که‌سایه‌تی و حیزبه‌ سیاسی و په‌رله‌مانتاره‌کان ده‌کات فشار بخه‌نه‌ سه‌ر حکومه‌تی ئوسترالیا بۆ وه‌ستاندنی سیاسه‌تی نیشته‌جێکردنی په‌ناخوازان له‌ که‌مپه‌کانی که‌نار‌ ده‌ریا.) له‌کۆتاییدا به‌یاننامه‌که‌ داوا ده‌کات و ده‌ڵێ:) ئه‌گه‌ر تۆ هاوڵاتیه‌کی ئوسترالیت، تکایه‌ نامه‌ی ناه‌ڕازایه‌تی بۆ په‌رله‌مان بنوسه‌ سه‌باره‌ت به‌ڕه‌تکردنه‌وه‌ی ئه‌و بریاره‌ ترسناکه‌ی په‌رله‌مان، یان بۆ جولیا جیراد له‌ په‌رله‌مانت هاوس، که‌پیته‌ڵ هیل، کانبیرا.)
سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/

https://twitter.com/Kurd_Migration

کۆمەڵێک مینحەى نوێ بۆ ماستەرو دکتۆرا لە ئەوروپا و ئوسترالیا



هاوڕێیان و خوێندکارانى بەڕێز، لێرەدا دەتوانن کۆمەڵێک دەرفەتى خوێندنتان دەستبکەوێت.. هەوڵدەدەین بەردەوام دەرفەتى جیاوازتان پێشکە بکەین..

1-زانکۆى هەڵ لە بەریتانیا.. 
بوارەکانى نوێندن: بەشە زانستییەکان، کۆمپیوتەر، ئەندازیارى، کیمیا، بایۆمێدیکەڵ، بایۆلۆجى، جیۆگرافى، سایکۆلۆجى، زانستە وەرزششیەکان.
خوێندنى: بەکالۆریۆس و خوێندنى باڵا
دواهەمین کاتى پێشکەش کردن: 1ى ئەیلول
بۆزانیارى زیاتر:
http://www2.hull.ac.uk/student/pdf/Science%20Scholarships%201213.pdf
2-زانکۆى باشوورى ئوسترالیا.. 
بوارەکانى نوێندن: هەموو بەشەکانى زانکۆ، بەشێوەى لێکۆڵینەوە
خوێندنى: خوێندنى باڵا
دواهەمین کاتى پێشکەش کردن: 31ى ئۆگەست، 28ى فێبروەرى هەموو ساڵێک
بۆزانیارى زیاتر:
http://w3.unisa.edu.au/resdegrees/scholarships/unisaint.asp#iprs
3-زانکۆى یو ئاى ئێم لە ئەڵمانیا 
بوارەکانى نوێندن: هەموو بەشەکانى زانکۆ
خوێندنى: خوێندنى باڵا
دواهەمین کاتى پێشکەش کردن: 31ى ئۆگەست، 28ى فێبروەرى هەموو ساڵێک
بۆزانیارى زیاتر: 
http://www.uni-ulm.de/en/international/degree/scholarships-for-international-students-at-ulm-university.html

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/

Thursday, August 23, 2012

کۆمەڵێک دەرفەتى خوێندن و لە ئەوروپا و ئوسترالیا لەگەڵ پشتگیرى دارایى



هاوڕێیانى خۆشەویست لێرەدا کۆمەڵێک دەرفەتى خوێندن دەتوانن ببینن کە هەموویان پشتگیرى دارایی یاخود بەشێوازى تر هاریکارى خوێندکارانى ماستەرو دکتۆراى تێدا دەکرێت.. 
1-زانکۆى نیوکاسڵ، خوێندنى ماستەرو دکتۆرا بەشێوەى لێکۆڵینەوە: 
سەرجەم بوارەکان، بەشێوەى لێکۆڵینەوە
دواهەمین دەرفەتى پێشکەش کردن (31ى ئۆگەست)
بۆزانیارى زیاتر:
http://www.newcastle.edu.au//students/research-higher-degree/scholarships/index.html

2-خوێندنى ماستەرو دکتۆرا لە زانکۆى ڕۆژئاواى ئوسترالیا
ماستەر بەشێوەى لێکۆڵینەوە.. لەسەرجەم بوارەکاندا.. خوێندنى دکتۆرا...
دواهەمین دەرفەتى پێشکەش کردن (31ى ئۆگەست)
بۆ زانیارى زیاتر: 
http://www.scholarships.uwa.edu.au/search?sc_view=1&id=2021&page=1&q=sirf&s=1&old_key=IPRS&page1=1&page2=1

3-خوێندنى ماستەرو دکتۆرا لە زانکۆى ڕۆژئاواى سیدنى لە ئوسترالیا
ماستەر بەشێوەى لێکۆڵینەوە.. لەسەرجەم بوارەکاندا.. خوێندنى دکتۆرا...
دواهەمین دەرفەتى پێشکەش کردن (31ى ئۆگەست)
بۆ زانیارى زیاتر:
http://www.uws.edu.au/research/scholarships/endeavour_international_postgraduate_research_scholarships_eiprs

4-خوێندنى ماستەرو دکتۆرا لە زانکۆى ڕۆژئاواى ئوسترالیا
ماستەر بەشێوەى لێکۆڵینەوە.. لە بوارى فەلسەفە.. خوێندنى دکتۆرا لەبوارى فەلسەفە...
دواهەمین دەرفەتى پێشکەش کردن (31ى ئۆگەست)
بۆ زانیارى زیاتر:
http://www.scholarships.uwa.edu.au/search?sc_view=1&id=2021&page=1&q=sirf&s=1&old_key=IPRS&page1=1&page2=1

5-خوێندنى باڵا لەزانکۆى لیستەر، بەریتانیا 
خوێندنى باڵا لەبوارەکانى: یاساى گشتى، یاساى بازرگانى نێودەوڵەتى، یاساى مافەکانى مرۆڤى نێودەوڵەتى، بەڕێوەبردنى گشتى نێودەوڵەتى، لێکۆڵینەوەى یاسایى 
دواهەمین دەرفەتى پێشکەش کردن (31ى ئۆگەست)
بۆ زانیارى زیاتر:
http://www2.le.ac.uk/study/research/funding/llm-scholarships

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/

پشکی شێر بۆ مافی پەنابەرێتی لەئوسترالیا بۆ کەمە نەتەوەکانی عێراقە

مافی پەنابەرێتی ساڵانە زیاد بکات بۆ ٢٠ ھەزار پەنابەر


پاش ئەوەی حکومەتی ئوسترالیا بڕیاری دیپۆرتکردنەوە و ڕاگواستنی ئەو پەناخوازانەی جا کە بەشێوەیەکی نایاسایی و لەڕێگەی کەنارە ئاویەکانەوە دەگەنە ئەو ووڵاتە ، ئەمڕۆ - پێنج شەممە - وەزیری کۆچی ئوسترالیا ڕایگەیاند وەک ھەوڵێکی تر بۆ ڕیگەگرتن لە شاڵاوی کۆچی نایاسایی بۆ ئوسترالیا ، حکومەتی ووڵاتەکەی ژمارەی وەرگرتنی ئەو پەنابەرانەی کەلە ڕێگەی UNەوە و لە دەرەوەی ئوسترالیا داوای مافی پەنابەرێتیان کردووە لە ١٣ ھەزار پەنابەرەوە ساڵانە زیاد بکات بۆ ٢٠ ھەزار پەنابەر. 
بەمەش ئوسترالیا دەبێتە دووەم ووڵات لەپاش ووڵاتە یەکگرتووەکانی ئەمەریکا کە زۆرترین ڕێژەی مافی پەنابەرێتی دەدات بەوانەی کە لەدەرەوەی ئەو ووڵاتە داوای مافی پەنابەرێتی دەکەن. 
وەزیری کۆچی ئوسترالیا ئەوەشیخستەڕوو کە کەمایەتیە عێراقیەکان و ئەفغیەکان و موسوڵمانانی بورما پشکی شێریان دەبێت لەناو ئەو ٢٠ ھەزار پەنابەرەی کە ساڵانە وەردەگیرێن بەمەرجێک خۆیان تۆماربکەن لەڕێگەی یوئێن و پەنانەبەنە بە ڕێگە نایاسایەکان کە ساڵانە سەدان پەناخواز لە پێش گەشتنیان بەو ووڵاتە دەکەنە قوربانی بە تایبەت لە ڕێگەی کەنارە ئاویەکانەوە. 
بەپێی سەرچاوەکانی ھەواڵیش ، کوردە فەیلەیەکان یەکێکن لەو کەمە نەتەوەیانەی عێراق کە زۆرجار ویستویانە بە ڕیگەی نایاسایی خۆیان بگەیەنە ئوسترالیا و حکومەتی ئەو ووڵاتەش ھۆشداریان دەداتێ کە چیتر بەو جۆرە داوای مافی پەنابەرێتی نەکەن و سود لە پڕۆگرامە ساڵانەیەی ئوسترالیا ببینن کەلەڕێگی یۆئێنەوە جێ بەجێ دەکرێت ، ئەگەر نا ، چارەنوسیان لە ئوسترالیا نابێت و بەرەو ھەردوو دوورگەی ناورۆ و پاپانیوگینیا ڕەوانە دەکرێن.

سەرچاوە : ڕۆژنامەی " The Australian"

Wednesday, August 22, 2012

ئاماری كۆچكه‌ران بۆ ئوستڕاڵیا بخوێنه‌ره‌وه‌


ساڵی 2012  ڕێژه‌ی كۆچكردن بۆ وڵاتی ئوستڕاڵیا زیادیكردووه‌.
به‌پێی ئامارێك، ده‌رده‌كه‌وێت ژماره‌یه‌كی زۆر له‌دانیشتوانی وڵاتانی كیشوه‌ری ئاسیا و ئه‌فریقا، به‌شێوه‌یه‌كی به‌رچاو ڕوویان كردۆته‌ وڵاتی ئوستڕاڵیا و داوای مافی مانه‌وه‌ و پێدانی په‌نابه‌ری به‌ده‌سه‌ڵاتدارانی ئه‌و وڵاته‌ ده‌كه‌ن.
 به‌پێی ئاماره‌كه‌، ساڵی  1990 تا 1999 نزیكه‌ی (6820) كه‌س به‌ڕێگای نایاسایی ڕوویان كردۆته‌ ئوستڕاڵیا.
له‌لایه‌كی تره‌وه‌، به‌گوێره‌ی هه‌مان ئامار ده‌رده‌كه‌وێت كه‌ ته‌نیا له‌ساڵی 2000  ژماره‌ی ئه‌و كه‌سانه‌ی چوونه‌ته‌ ئوستڕاڵیا (2939) كه‌س ده‌بن و ساڵی 2001 ڕیژه‌كه‌ دوو هێنده‌ زیادیكردووه‌ و بۆته‌ ( 5516) و ساڵی 2002 تا 2008 ته‌نیا ( 449) كه‌س كۆچیان كردووه‌ به‌ره‌و ئوستراڵیا.
به‌پێی هه‌مان ئامار له‌ساڵی 2009 به‌دواوه‌ ئاستی كۆچكردن به‌ره‌و ئه‌و وڵاته‌ به‌رزبوونه‌وه‌ی به‌خۆوه‌یه‌وه‌ بینیوه‌، به‌جۆرێك له‌ساڵی 2009 نزیكه‌ی ( 2849) كه‌س و 2010 ( 6879) كه‌س و له‌ساڵی 2011 ژماره‌ی كۆچكه‌رانی نایاسایی بۆ ئوستڕاڵیا گه‌یشتۆته‌ (4565) و له‌ 1/1 تا 15/8/2012 ژماره‌ی ئه‌و كه‌سانه‌ی داوای مافی مانه‌وه‌ و په‌نابه‌ریان له‌ حكومه‌تی ئوستڕاڵیا كردووه‌ بۆته‌ (7943)  كه‌س.
SNN : ڕێبین حه‌سه‌ن

ئوسترالیا هاوكارى په‌نابه‌رانى نایاسایى ده‌بڕێت

سه‌رۆك وه‌زیرانى ئوسترالیا: به‌مجۆره‌ رێ له‌ مردن ده‌گرین

ئه‌مڕۆ رۆژنامه‌ى كانبێراتایمزى ئوسترالى له‌ راپۆرتێكدا رایگه‌یاند، حكومه‌تى ئوسترالیا هه‌وڵده‌دات وێنه‌یه‌كى روونتر پێشكه‌ش بكات له‌سه‌ر مامه‌ڵه‌كردنى له‌گه‌ڵ په‌نابه‌رانى نایاسایى له‌كه‌نار ده‌ریاكانى وڵاته‌كه‌ى‌و گشت هاوكارییه‌كانیان ببڕێت.

چوارشه‌ممه‌ى رابردوو په‌رله‌مانى ئه‌و وڵاته‌ یاسایه‌كى ده‌ركرد بۆ بڕین‌و وه‌ستاندنى هه‌موو جۆره‌ هاوكارییه‌كى مرۆیى‌و ته‌كنیكى بۆ په‌نابه‌رانى نایاسایى، به‌تایبه‌تى ئه‌وانه‌ى به‌ به‌له‌م له‌ رێگه‌ى (ئه‌نده‌نوسیا، مالیزیا، سریلانكا)وه‌ ده‌گه‌نه‌ وڵاته‌كه‌ى.

ستیفن سمیس، وه‌زیرى به‌رگرى ئوسترالیا به‌ رۆژنامه‌كه‌ى راگه‌یاندووه‌ "ئه‌م یاسایه‌ یه‌كێكه‌ له‌ هه‌ره‌ تووندترین ئه‌و یاسایانه‌ى دۆخى په‌نابه‌رێتى كه‌ تاوه‌كو ئێستا ئوسترالیا ده‌ریكردووه‌، ئه‌مه‌ش گه‌وره‌ترین هه‌وڵه‌ بۆ كۆتایى هێنان به‌ كۆچى نایاسایى بۆ وڵاته‌كه‌مان"، گوتیشى "له‌ ماوه‌ى ئه‌م هه‌فته‌دا ده‌توانین به‌شێوه‌یه‌كى كاتى چه‌ند كه‌مپێك بكه‌ینه‌وه‌ بۆ ئه‌و په‌نابه‌ره‌ نایاساییانه‌‌و پاشان كه‌مپه‌كان ده‌بن به‌ كه‌مپى به‌رده‌وامى، به‌ڵام هه‌ر له‌سه‌ر كه‌نار ده‌ریاكان ده‌بن".

جولیا گیلارد، خانمه‌ سه‌رۆك وه‌زیرانى ئوسترالیا گوتى "كه‌مپه‌كان بۆ راگرتنى لێشاوى په‌نابه‌رانى نایاساییه‌‌و دواى گوێگرتن له‌ كه‌یسه‌كانیان زۆربه‌ى په‌نابه‌ران ده‌نێردێنه‌وه‌ وڵاتى خۆیان یان وڵاتانى دیكه‌".

مشتومڕێكى زۆر گه‌وره‌ له‌نێوان كاربه‌ده‌ستانى ئوسترالیا و ئۆپۆزیسیۆندا هه‌بوو له‌سه‌ر ئه‌وه‌ى یارمه‌تى په‌نابه‌رانى نایاسایى بدرێ یان نا، ئێسته‌ هه‌ردوو لا رێككه‌وتوون له‌سه‌ر ئه‌وه‌ى یارمه‌تیان نه‌درێ.

گیلارد گوتیشى "به‌ڵێ ئه‌مه‌ بڕیارێكى توونده‌، به‌ڵام مه‌به‌ستى ئێمه‌ ئه‌وه‌یه‌ چیدیكه‌ خه‌ڵك له‌ناو ئاودا نه‌خنكێت، ئێمه‌ ده‌مانه‌وێ مردن راگرین".

به‌ڵام سارا هانسن، ئه‌ندام په‌رله‌مانى ئوسترالیا له‌سه‌ر لیستى ئۆپۆزیسیۆن گوتى "ده‌بێت رێگه‌ى باشتر بگرینه‌به‌ر بۆ رزگاركردنى خه‌ڵك له‌ ده‌ریا نه‌ك بڕینى یارمه‌تیان".

رووداو- ئوسترالیا
گۆران سه‌باح


Thursday, August 16, 2012

بەفەرمی بڕیاری دیپۆرتكردنەوەی پەناخوازان درا

بريارى دیپۆرتكردنەوەی پەناخوازان بۆ ووڵاتی سێیەم پەسەندكرا

دوای ئەوەی لە چەند ڕۆژی ڕابردوودا دیپۆرتكردنەوەی پەناخوازان بۆ ووڵاتی سێیەم لەلایەن پەرلەمانی ئوسترالیا و ئەنجومەنی پیرانی ئەو ووڵاتەوە پەسەندكرا، ئەمڕۆش یەكەم وەفدی باڵای ئەو ووڵاتە گەشتنە ووڵاتی ناورۆ بۆ گفتۆگۆكردن لەبارەی چۆنێتی جێبەجێ كردنی ڕاگواستنی پەناخوازان بۆ ئەوو ووڵاتە.
قەیرانی كۆچی نایاسایی لەڕێگەی كەنارە دەریایەكانەوە بۆ ئوسترالیا یەكێكە لەو كێشانەی كە گفتوگۆكانی نێوان حكومەت و ئۆپۆزیسیۆن لە ماوەی ڕابردوودا بە بنبەست گەیاند. هەرچەندە هەردوولا كۆكن بوون لەسەر كۆتایی هێنان بەو قەیرانە كە ساڵانە سەدان پەناخواز دەكاتە قوربانی لە پاش تێكشكاندنی بەلەمەكانیان لە سنوری ئاوە دەریایەكانی ئەو ووڵاتەدا، حكومەت و پارتە ئۆپۆزیسیۆنەكان نەدەگەشتنە ڕێكەوتنێك لەسەر چۆنێتی كۆتایهێنان بەو قەیرانە . بەڵام لەپاش پێكهێنانی لیژنەیەكی سەربەخۆ و ئامادەكردنی ڕاپۆرتێك سەبارەت بە كێشەی كۆچی نایاسایی كە ڕاسپاردەكانی حكومەت و پارتە ئۆپۆزیسیۆنەكانیشی لەخۆگرتبوو، هەردوولا بە فەرمی ڕایانگەیاند ئەو ڕاسپاردانە دەخەنە بواری جیبەجێكردنەوە.  
بەپێی ئامارە فەرمیەكانی وەزارەتی كۆچی ئوسترالیاش كە دوێنێ نوێ كراوەتەوە، 7983 پەناخواز لەسەرەتای ئەمساڵەوە لەڕێگەی كەنارە ئاویەكانی ئوسترایا و بەبەلەمی بچوكی نەشیاو كەلەلایەن قاچاخچیەكانەوە لە بری پارەیكی زۆر ڕیكخراون خۆیان گەیاندۆتە ئوسترالیا لەكاتێكدا نزیكەی 4565 پەناخواز لە تەواوی ساڵی ڕابردوودا بەو شێوازە گەشتونەتە ئوسترالیا.
سەبارەت بە ڕیزبەندی ئەو ووڵاتانەش كە هاوڵاتیانی بەشێوەیەكی نایاسایی و بەبەلەم خۆیان دەگەیەننە ئوسترالیا، ئەڤغانستان و ئێران و عێراق لە ڕیزی پێشەوەی ئەو ووڵاتانەن. ئەمە جگە لە هەبوونی سەدان پەناخوازی تری بێدەوڵەت كە پێشتر لە لایەن حكومەتە ستەمەكارەكانیانەوە ماوەی دەیان ساڵە ئاوارەی ووڵاتانی دراوسێیان كراون ئەوانیش كوردە فەیلەیەكانن كەلەلایەن حكومەتی بەعسی عێراقەوە لەساڵانی حەفتاوهەشتاكانی سەدەی ڕابردوودا ئاوارەی ئێران كران و هەروەها موسوڵمانانی ووڵاتی بۆرماش كە تائێستاش بەدەست ئەو ستەمكارانەوە دەنالێنن.
سەبارەت بە ئاماری مردنی پەناخوازانیش، لە ماوەی 10 ساڵی ڕابردوودا 964 پەناخواز بەهۆی خراپی بەلەمەكانیانەوە و پێش گەشتنیان بە ئوسترالیا گیانیان لە دەست داوە كە لە ناویاندا دەیان پەنابەری بەڕەگەز عێراقی و كورد هەبوون.
ڕاگواستنی پەناخوازان بۆ ووڵاتی سێیەم و یەكلایكردنەوەی كەیسەكانیان لەو ووڵاتە بە دووبارە ناساندنەوەی ئەو میكانیزمە دادەنرێت كەلەسەردەمی حكومەتەكەی (جۆن هاوەرد)ا لەساڵی 2000 بۆ 2001 دا دانرا بە مەبەستی ڕێگەگرتن لە شاڵاوی كۆچی نایاسایی و كۆتایهێنان بە مردنی پەناخوازان كە كاریگەریەكی زۆری هەبوو لەسەر كەمگردمەوەی ئەو قەیرانە، بەڵام لەژێر فشاری پارتە ئۆپۆزیسیۆنەكانی ئەو كاتەو ڕێكخراوە نێودەوڵەتیەكانی تایبەت بە داكۆكیكردن لە مافەكانی مرۆڤ لە ساڵی 2007 دا لە كابینەی حكومەتەمەی كیڤن روودا هەڵوەشێنرایەوە.
سەبارەت بە چۆنێنی جێبەجێكردنی ڕاگواستنەكە، لە قۆناغی یەكەمدا 150 پەناخواز دەگوێزرێنەوە بۆ دوورگەی ناورۆ لەكۆی ئەو 1500 پەناخواز كە بۆ ئەو دوورگەیە قۆناخ بە قۆناخ دەگوێزرێنەوە و 600 پەناخوازیتریش بەهەمان شێوە دەگوێزرنێنەوە بۆ دوورگەی ( پاپا نیوگینیا) كە هەردووكیان دوو ووڵاتی بچوكی دوورگەیی سەربەخۆن و دەكەونە باكوری خۆرهەڵاتی ئوسترالیاوە لەناو زەریای هێمندا.
ڕێكەوتنەكەی ساڵی پاری نێوان حكومەتی ئوسترالیا و مالیزیاش كە بۆ ڕاگواستنی پەناخوازان بوو بۆ مالیزیا هاوشێوەی ڕێكەوتنامەكەی نێوان ئوسترالیا و ووڵاتانی ناورۆ و پاپانیوگینیا دووبارە دەخرێتە بواری جێبەجێكردنەوە.
لای خۆشیەوە سەرۆك وەزیرانی ئوسترالیا ڕایگەیاند كە حكومەتەكەی بەشێوەیەك دەخوازێت ئەو ڕێكەوتنامانە بەزوویی بخاتە بواری جێبەجێكردنەوە كە پێدەچێت پەناخوازان لەژێر خێمەدا دابنرێن لە دوورگەی ناورۆ تا ئەوكاتەی كەمپەكانییان بۆ ئامادە دەكرێت.
سەبارەت بە چارەنوسی پەناخوازان لەپاش ڕاگواستنیان بۆ ئەو ووڵاـانە، پێشتر وەزارەتی ناوخۆی ئوسترالیا ڕایگەیاندبوو كەدوای ئەوەی ئەو پەناخوازانەی كە دەیسەلمێنن پەنابەری ڕاستەقینەن هێشتا مەرج نیە ئوسترالیا پێشوازیان لێبكات و ڕەنگە بنێردرێن بۆ ئەوو ووڵاتانەی كە دەیانەوێت داڵدەیان بدەن.
لەیەكەم كاردانەوەی نێودەوڵەتیشدا، ڕێكخراوی لێبووردنی نێودەوڵەتی بەتوندی ئیدانەی ڕاگواستنی پەناخوازانی كرد لەلایەن ئوسترالیاوە و بەپێشێلكردنی مافەكانی پەناخوازانی وەسف كرد.

سەرچاوە : ماڵپەری فەرمی وەزارەتی كۆچی ئوسترالیا و ئاژانسەكانی هەواڵ

رووبەرنێت

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/


زانیارى لەسەر نوێترین یاساکانى کۆچ بۆ ئوسترالیا وەربگرە

تەنها لە ئۆکتۆبەرى 2009ـەوە 604 پەناخواز نقوم بوون لە ئاوەکانى سنوورى ئوسترالیا
بلۆگى کۆچ بۆ ئوسترالیا و کۆچى كوردان

ئەم هەفتەیە یەکێکە لەهەفتە گەرمەکانى سیاسەت کردن لە ئوسترالیادا. دوێنێ حکومەتى ئوسترالى یاسایەکى نوێى ڕاگەیاند کە پەناخوازان ڕەوانەى دوورگەکانى ناورو، و مانوس، و پاپوا نیو گینیا بکرێن بۆئەوەى پێداچوونەوە بە کەیسى پەنابەریاندا بکرێت. ئەم هەفتەیە ئەو پڕۆژە یاسایەى حکومەت لە پەرلەمان گفتوگۆى لەسەر دەکرێت و چاوەڕوان دەکرێت کۆتایى ئەم هەفتەیە دەنگى لەسەر بکرێت. ئەگەر یاساکە جێبەجێ بکرێت و لایەنەکانى ئۆپۆزسیۆنیش پشتیوانى لێ بکەن ئەوا گۆرانکارییەکى گەورەى دەبێت لەسەر پەناخوازان و کێشەى کۆچ کردن بۆ ئەو وڵاتە کە یەکێکە لە بابەتە زۆر هەستیارەکان. هەروەها ئەمە چاوەڕوان دەکرێت کاریگەرى دەبێت لەسەر ئەوەى کۆچى پەناخوازان بە بەلەم بووەستێنێت بۆ ئەو وڵاتە لەبەرئەوەى لەمەودوا پەناخوازەکان ڕەوانەى ناورو، و دوورگەى مانوس و پاپوا نیو گینیا دەکرێن ئینجا کەیسەکانیان هەڵدەسەنگێنرێت وەکو پەنابەر لە ئوسترالیا قبووڵ دەکرێن یاخود ڕەت دەکرێنەوە. 
کۆمەڵێک زانیارى تر هەیە کە بەپێویسى دەزانین خوێنەرانمان لەبارەیەوە بزانن: 
لە ڕۆژنامەو میدیاکانى ئوسترالیدا چەند وتەیەکى گرنگى جولیا گیڵارد سەرۆک وەزیرانى ئوسترالى خستۆتەڕوو لەبارەى هۆکارە مرۆییەکانى گۆڕانکارى لە ڕێوشوێنەکان و یاساکانى کۆچکردندا. پارتى کرێکارانى ئەو وڵاتە ئەو یاسایە دەردەکات بۆئەوەى پڕۆسەى پێداچوونەوە بە کەیسى پەناخوازان لە دەرەوەى خاکى ئوسترالیا بکرێت لە ناورو و پاپوا نیو گینیا، ئەمەش دواى ئەوە دێت کە تێڕوانین و پێشنیازى گروپێکى شارەزایانى سەربەخۆى وەرگرتووە بۆئەوەى سنوورەکانى ئەو وڵاتە بپارێزن و بەجۆرێک گەڕانەوەیە بۆ سەردەمى هاوەرد بۆ چارەسەرى پاسفیک.
جولیا گیڵارد ڕایگەیاند کە خواستى ئەو تەنها پاراستنى پەناخوازانە کە تەنها لە ئۆکتۆبەرى 2009ـەوە 604 پەناخواز مردوون بەهۆى نقوم بوونیان لە دەریاکانى سنوورى ئوسترالیا.
گیڵارد وتى من لەوبڕوایەدام ئوسترالیا لە دڵەوە بە ئومێدەوەیە ئەو یاسا و جێبەجێکردنى ببینێت. هەموویان چاوەڕێن. من چاوەڕێم. هەموومان چاوەڕێن. من چاوەڕێى ڕێککەوتنى زیاترم لەگەڵ ئۆپۆزسیۆندا بۆئەوەى ئەو یاسایە جێبەجێ بکرێت. من نیازى ئەوەم نییە یارى بە سیاسەتەوە بکەم یاخود چاوم لە کۆکردنەوەى دەستکەوتى سیاسى بێت ئەمە لەکاتێکدا کە خەڵکێکى زۆر لەناودەچن و دەمرن.
هەروەها دوێنێ هەواڵى ئەوە بڵاوبوویەوە کە دەسەڵاتدارانى ئوسترالى جەستەى 67 پەناخوازیان دۆزییەوە کە بۆماوەى زیاتر لە یەک مانگ دەبێت لە ئاوەکانى سنوورى ئوسترالیا وون بووبوون و ئەمەش جەخت کەرەوەیە لەسەر بارودۆخى مەترسیدارى کۆچ بۆ ئەو وڵاتە بەوشێوەیەى ئێستا هەیە.
هەندێک لەوبڕوایەدان کە ئەم یاسا نوێیانە گەڕانەوەیە بۆهەمان (چارەسەرى پاسفیک)ى پێشوو. لەسەردەمى حوکمڕانى سەرۆک وەزیرانى پێشووى ئوسترالیا جۆن هاوەرد، پەناخوازان ڕەوانەى ناورو و دوورگەى مانوس و پاپا نیو گینیا دەکران بۆئەوەى کەیسەکانیان پێداچوونەوەى بۆبکرێت. ئەم ڕێوشوێنە بە چارەسەرى پاسفیک ناودەنرا. گیڵارد پلانى ئەوەى هەیە کە دەستبکات بە ڕەوانەکردنى پەناخوازان بۆ هەمان شوێن، هەروەها لەماوەى چەند ساڵى داهاتوودا ڕەوانەى مالیزیایان بکات. بۆیە هەندێک لەو بڕوایەدان کە یاسا نوێیەکە چارەسەرى پاسفیکە بەشێوەیەکى نوێ.

زانیارى لەبارەى (ناورو)
وڵاتێکە کە لە دوورگەیەکى بچووک پێکهاتووە لەسەردەمى سەرۆک وەزیران هاوەرد بەشداربوون لە چارەسەرى پاسفیکدا. لەوکاتەدا پەناخوازان ڕەوانەى ناوەندەکانى دەستبەسەرکردن لە چەند دوورگەیەکى بچووک لە ئۆقیانوسى هادى بۆئەوەى کەیسەکانیان لەوێ پێداچوونەوەى بۆبکرێت و هەڵسەنگێنرێت لەجیاتى ئەوەى لە ئوسترالیا بکرێت.
پلانەى ئەوەى دووبارە ئەو ناوەندانە لە ناورو بکرێنەوە ڕووبەڕووى ڕەخنە کرایەوە، لەبەرئەوەى ناورو لە دەرەوەى یاساکانى ئوسترالیادایە، پەناخوازان زۆربەى کات بۆماوەى زیاتر لە 3 ساڵ لەوێدا دەستبەسەر دەکران تاوەکو بڕیار لە کەیسەکانیان دەدرا، و زۆرێکیشیان ڕەوانەى وڵاتانى خۆیان دەکرانەوە.

زانیارى لەبارەى دوورگەى (مانوس)
نزیکەى 400 کیلۆمەتر لە باکوورى پاپوا نیو گینیاوە دوورە. ناوەندێکى دەستبەسەرکردن لەو دوورگەیە لەلایەن سەرۆک وەزیرانى پێشوو جۆن هاوەرد تاوەکو 2004 بەکارهێنرا، و بەهۆى ترسناکى بارودۆخ لەوشوێنە ناوبانگێکى خراپى هەبوو. ژمارەیەک لەو پەناخوازانەى لەو دوورگەیە دەستبەسەرکرابوون هەوڵى خۆکوشتنیانداوە وەکو دواهەمین هۆکار بۆئەوەى بارودۆخى سەخت و مەرگەساتیان بە لایەنە پەیوەندیدارەکان بگەیەنن.


سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/


Wednesday, August 15, 2012

خوێندن له‌ زانكۆكانی ئه‌ڵمانیا


له چوارچێوه‌ی رِێككه‌وتنامه‌ی نێوان (MHE- DAAD) و زیاتر هاوكاری كردنی كاندیده‌كانی به‌رنامه‌ی تواناسازی به‌ گشتی و ئه‌وانه‌ی تا ئێستا (Offer) یان به‌ ده‌ست نه‌هێناوه‌ به‌ تایبه‌تی , وه‌زاره‌تی خوێندنی بالاَ توێژینه‌وه‌ی زانستی , رِای ده‌گه‌ینێت كه‌ پرۆژه‌ی (MHE- DAAD) به‌رده‌وامه‌ له‌ پێشكه‌ش كردنی خزمه‌ت گوزاریه‌كانی بۆ كاندیده‌كانی به‌رنامه‌ی تواناسازی.

له‌م رِووانگه‌وه‌ به‌ خۆشحالیه‌وه‌ به‌ كاندیده‌كانی به‌رنامه‌ی ناوبراو (ئه‌وانه‌ی ئاره‌زووی ته‌واوكردنی خوێندنیان له‌ وولاَتی ئه‌ڵمانیا هه‌یه‌) رِایده‌گه‌ێنین كه‌ تۆماركردن بۆ پرۆژه‌ی ناوبراو تا 15/9/2012 به‌رده‌وامه‌.
شایانی باسه‌ / رِێكخراوی ناوبراو هه‌ڵده‌ستێ به‌ :

دابین كردنی كۆرسی زمانی (ئینگلیزی و ئه‌ڵمانی).
دابین كردنی شوێنی حه‌وانه‌وه‌.
دابین كردنی ڤیزه‌.
دابین كردنی بیمه‌ی ته‌ندروستی.
به‌لاَم سه‌ره‌رِای پێشكه‌ش كردنی ئاسانكاری له‌ لایه‌ن رێكخراوی ناوبراو، خودی خوێندكار یه‌كه‌م و دوا به‌رپرسه‌ بۆ دابینكردنی ئۆفه‌ری ئه‌كادیمی نه‌ك رێكخراوی(DAAD) ی ئه‌لمانی.
ئه‌مه‌و سه‌ره‌رِای سه‌رپه‌رشتی كردنی به‌رده‌وامی خوێندكار له‌ وولاَتی ئه‌لمانیا به‌ مه‌به‌ستی ئاسان كردن و باشتركردنی ژیانی ئاسایی و ئه‌كادیمی خوێندكار له‌ وولاَتی ناوبراو.

بۆیه‌ ئاگاداری كاندیده‌ سه‌ركه‌وتووه‌كانی به‌رنامه‌ی تواناسازی ده‌كه‌ین , ئه‌وانه‌ی خوازیارن كه‌ له‌ زانكۆكانی ئه‌ڵمانیا خوێندنی ماسته‌ر یان دكتۆرا ته‌واوبكه‌ن , ئه‌وا به‌ زووترین كات فۆرمی پێشكه‌شكرنی داواكاری تایبه‌ت به‌ پرِۆژه‌ی (MHE- DAAD Application form ) له‌ ماڵپه‌رری وه‌زاره‌تی خوێندنی بالاَ و توێژینه‌وه‌ی زانستی دابگرن و دوای پركردنه‌وه‌ی فۆرمه‌كه‌ له‌گه‌ڵ ئه‌م دۆكیومێنتانه‌ی خواره‌وه‌ بینێرن بۆ (daad.hcdp@mhe-krg.org <mailto:daad.hcdp@mhe-krg.org>) به‌رێوه‌به‌رایه‌تی په‌یوه‌ندیه‌ رِۆشنبیریه‌كان له‌ دیوانی وه‌زاره‌تی خوێندنی بالاَ و توێژینه‌وه‌ی زانستی.

دۆكیومێنته‌كان بریتین له‌ :

نوسراوی پشتگیری دارایی (Support Letter).
كۆپییه‌ك له‌ برِوانامه‌ی توانستی زمانی ئینگلیزی.
كۆپییه‌ك له‌ برِوانامه‌ی ئه‌كادیمی (بكالۆریوس یان ماسته‌ر).
بۆ PhD, كۆپییه‌ك له‌ (Research Proposal).
بۆ PhD , نوسراوی قبول (Letter of acceptance) له‌ لایه‌ن سه‌رپه‌رشتیاری به‌رنامه‌ی PhD.
كۆپییه‌ك له‌ پاسه‌پۆرتی عیراقی له‌ جۆری (A یان G).
كۆپییه‌ك له‌ ناسنامه‌ی باری شارستانی و رِه‌گه‌زنامه‌ی عێراقی.

تێبینی:
بۆ زیاتر زانیاری سه‌باره‌ت به‌ به‌رنامه‌ی ناوبراو تكایه‌ كلیكی ئه‌م لینكه‌ی خواره‌وه‌ بكه‌ن.
تكایه‌ لە خوارەوە زانیاریەکە دابەزینە Study_in_Germany_information_sheet.docx
هه‌روه‌ها بۆ دابه‌زاندنی فۆرمی تایبه‌ت به‌ به‌رنامه‌ی (Kurd-DAAD)، تكایه‌ لە خوارەوە فۆرمەکە دابەزینە Study_in_Germany_App.Form_German.docx.
سه‌باره‌ت به‌ كاندیدانی به‌رنامه‌ی ماسته‌ر، تكایه‌ به‌لایه‌نی كه‌م دوو به‌رنامه‌ له‌ زانكۆكانی ئه‌ڵمانیا له‌ كاتی پركردنه‌وه‌ى فۆرمه‌كه‌ دیاری بكه‌ن.

Attachment

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/

Tuesday, August 14, 2012

به‌راورد به‌ ساڵی‌ رابردوو رێژه‌ی‌ گه‌شتیارانی‌ هه‌رێم سه‌دا 66 زیادیكردووه‌


ژماره‌ی‌ گه‌شتیارانی‌ هه‌رێمی‌ كوردستان  به‌رزده‌بێته‌وه‌
تادێت ژماره‌ی‌ گه‌شتیارانی‌ هه‌رێمی‌ كوردستان  به‌رزده‌بێته‌وه‌ و به‌گوێره‌ی‌ ئاماره‌كانی‌ ده‌سته‌ی‌ گه‌شتوگوزاریش له‌شه‌ش مانگی‌ ئه‌مساڵدا، گه‌شتیارانی‌ هه‌رێم ژماره‌یه‌كی‌ پێوانه‌ییان تۆماركردووه‌ و زیاتر له‌ 941 هه‌زار گه‌شتیار  هاتونه‌ته‌ هه‌رێم،  رێژه‌كه‌ش به‌ به‌راورد به‌ ساڵی‌ رابردوو 66% زیادی‌كردووه‌.

له‌ كۆنگره‌یه‌كی‌ رۆژنامه‌وانیدا كه‌ ئه‌مرۆ 14ی‌ ئاب له‌ ده‌سته‌ی‌ گشتی‌ گه‌شتوگوزاری‌ هه‌رێم سازكرا و په‌یامنێری‌ خه‌ندان تێیدا ئاماده‌بوو، نادر روستی‌، وته‌بێژی‌ ده‌سته‌ی‌ گشتی‌ گه‌شتوگوزاری‌ هه‌رێم، ئاماری‌ شه‌ش مانگی‌ رابردووی‌ گه‌شتیارانی‌ هه‌رێم و ژماره‌ی‌ میوانخانه‌ و چێشتخانه‌ و كافتریاو شوێنه‌ گه‌شتیارییه‌كانی‌ ئاشكرا كرد.

 به‌پێی‌ ئه‌و ئاماره‌ له‌ شه‌ش مانگی‌ رابردوودا  هه‌رێمی‌ كوردستان دوو ملیۆن و 520 هه‌زار سه‌ردانكه‌ری‌ هه‌بووه‌ و له‌و رێژه‌یه‌ش 941 هه‌زار و 258 كه‌س به‌مانای‌ وشه‌ گه‌شتیار بوونه‌و شه‌وانه‌ ماونه‌ته‌وه‌‌و سه‌رمایه‌یان بۆ هه‌رێم هێناوه‌.

به‌وته‌ی‌ روستی‌: "ژماره‌ی‌ گه‌شتیاران ئه‌مساڵ له‌ ئاستێكی‌ پێوانه‌یدایه‌، چونكه‌ له‌ شه‌ش مانگی‌ سه‌ره‌تای‌  ساڵی‌ رابردوو 568 هه‌زار و 466 گه‌شتیار رویان له‌ هه‌رێم كردبوو،  به‌وپێیه‌ش به‌رزبوونه‌وه‌ی‌ رێژه‌ی‌ گه‌شتیاران  سه‌دا(66)ه‌".

ئاماده‌كاریه‌كان بۆ رۆژانی‌ جه‌ژن به‌شێوه‌یه‌ك رێكخراوه‌ كه‌ 233 هۆتێلی‌ گه‌شتیاری‌ و 177 هۆتێلی‌ میللی‌ و 1400 رێستۆرانت و كافتریای‌ میللی‌ و گه‌شتیاری‌ و 50 گوندی‌ گه‌شتیاری‌ ده‌كرێنه‌وه‌ و 29 هه‌زار و 816 قه‌ره‌وێڵه‌ی‌ گه‌شتیاری‌ و نۆ هه‌زار و 514 قه‌ره‌وێڵه‌ی‌ میللی‌ بۆ گه‌شتیاران ئاماده‌كراون، كه‌ ته‌واوی‌ ئه‌وشوێنانه‌ به‌ به‌راوردی‌ ساڵی‌ رابردوو له‌ سه‌دا 11 تا 20 زیادیانكردووه‌.

ناوبراو ئاماژه‌ی‌ بۆ ئه‌وه‌كرد له‌ رۆژانی‌ جه‌ژن كۆمه‌ڵێك چالاكی‌ مه‌یدانی‌  به‌ سپۆنسه‌ر بۆ پێشوازیی‌ گه‌شتیاران ئه‌نجامده‌درێن، ئاماژه‌ی‌ بۆ ئه‌وه‌شكرد"به‌ هه‌موو توانایه‌كیانه‌وه‌ هه‌وڵده‌ده‌ن سیمایه‌كی‌ جوان نیشانی‌ گه‌شتیارانی‌ هه‌رێم  بده‌ن، چه‌ندین لیژنه‌شیان پێكهێناوه‌ بۆ ئه‌وه‌ی‌ له‌ رۆژانی‌ جه‌ژن نرخی‌ شتومه‌ك و پێویستیه‌كان زۆر به‌رزنه‌كرێته‌وه‌ و له‌ شوێنه‌ گه‌شتیاریه‌كان بایه‌خێكی‌ زۆر به‌ پاكوخاوێنی‌ بدرێت، له‌ حاڵه‌تی‌ كتوپریش خێوه‌ت به‌سه‌ر گه‌شتیاران دابه‌شده‌كرێت".

 نادر روستی‌ راشیگه‌یاند: به‌رزبوونه‌وه‌ی‌ رێژه‌ی‌ گه‌شتیاران له‌ كاتێكدایه‌  كه‌ ده‌سته‌ی‌ گه‌شتوگوزار پلانێكی‌ ستراتیژی‌ هه‌یه‌ بۆ ئه‌وه‌ی‌ تا كۆتایی‌ ئه‌مساڵ  رێژه‌ی‌ گه‌شتیاران بگه‌یه‌نێته‌ دوو ملیۆن و 500 هه‌زار كه‌س.

ئه‌وه‌شی‌ خسته‌روو چه‌ندین میوانخانه‌ ژماره‌ی‌ ئه‌ستێره‌كانیان كه‌مكراوه‌ته‌وه‌ به‌هۆی‌ ئه‌وه‌ی‌ شایه‌نی‌ ئه‌و ئه‌و ئه‌ستێرانه‌ نه‌وبوونو به‌گوێره‌ی‌ ئه‌ستێره‌كان خزمه‌تگوزارییان تێدا نه‌بووه‌.
خه‌ندان- ده‌رباز ساڵح


Monday, August 13, 2012

سەنتەرى فێربونى زمان بۆ قوتابیانى تواناسازى لە کوردستان دەکرێتەوە



سەرچاوەیک لە وەزارەتى خوێندنى باڵاو توێژینەوەى زانستى ئاماژە بەوە دەکات، لە سەردانیان بۆ زانکۆ بەناو بانگەکانى وڵاتى تر، داوایان لێکردون سەنتەرى فێربونى زمانى ئینگلیزى بۆ قوتابیانى تواناسازى لە هەرێمی کوردستان بکەنەوە.

بەڕێوەبەرى ناردن و پەیوەندیە رۆشنبیریەکان، گۆڤەند شێروانى، بە رايگەیاند: "تا ئێستا ئەو قوتابیانەى کە لە چوارچێوەى پڕۆژەى تواناسازى دەنێردرێنە زانکۆکانى وڵاتانى دەرەوە، بە زۆرى لە وڵاتى برریتانیان، لەوێ ماوەى چەند مانگێک زمانى ئینگلیزیان پێ دەخوێندرێت ئینجا دەست دەکرێت بە خوێندنى ماجستێرو دکتۆرا. هەروەها گوتى، پێمانوایە ئەو ماوەیەى بۆ فێربونى زمان دادەنرێت دەکرێت لە هەرێمی کوردیتانیش جێبەجێ بکرێت بەوەى کە بەش و سەنتەرى سەر بەو زانکۆیانە مامۆستا بنێرنە هەرێم و لێرە کارى فێربونى زمان بە قوتابیانى تواناسازى جێبەجێ بکەن و دواى تەواوبونى ئینجا بۆ دکتۆراو ماجستێر بنێردێنە زانکۆکانى بەریتانیا".
گۆڤەند شێروانى ئاماژەى بۆ ئەوەشکرد، بۆ ئەو مەبەستەش سەردانى وڵاتى بریتانیامان کردوە و قسەمان لەگەڵ دەزگاى بڕیتج کانسڵ کردوەو رێککەوتوین لەگەڵیان کە بێنە هەولێرو ئەو کارەمان بۆ جێبەجێ بکەن.
هاوکات زانکۆى سۆرانیش بۆخۆى لەگەڵ دەزگایەک بۆ هەمان مەبەست رێککەوتوە و بۆ زانکۆکانى سلێمانى و گەرمیان و زانکۆکانى تریش لە هەوڵدادەبین کە بەهەمان شێوە رێککەوتن لەگەڵ ئەو دەزگایانە واژۆ بکەین کە مامۆستاى پسپسۆڕى ئینگلیزى برریتانى بێننە هەرێم و کۆرسى فێربونى زمانى ئینکگلیزى لە هەرێم بە قوتابیانى تواناسازى بڵێنەوەو دواى ئەوەش خەرجیان دەکێشین و بۆ تەواوکردنى خوێندن دەیاننێرینە دەرەوە.
:سەرچاوە

Time: تايبةت
سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/


حکومەتى ئوسترالى گۆڕانکارى لە یاسا و ڕێوشوێنى پەناخوازاندا دەکات

جولیا گیڵارد سەرۆک وەزیرانى ئوستراليا
بلۆگى کۆچ بۆ ئوسترالیا

حکومەتى ئوسترالى ڕاپۆرتى گروپێک لە شارەزایانى پێگەیشت بەمەبەستى داڕشتنى ستراتیژێک بۆ چارەسەرکردنى کێشەى پەناخوازان و پێشخستن و گۆڕانکارى ئەنجامدان لە یاساکانى ئەو بوارە.
جولیا گیڵارد سەرۆک وەزیرانى ئوسترالى پشتیوانى خۆى دەربڕى بۆ ئەو ڕاپۆرتە و ڕایگەیاند پێویستە بەزووترین کات پێشنیارەکانیان جێبەجێ بکرێن.
ئەوەى جێگەى باسە سەرۆک وەزیران ڕایگەیاند پێویستە کاربکات بۆ هەموو پێشنیارەکانى ڕاپۆرتەکە لەناویشیاندا ئەوەى کە پەناخوازە تازە گەیشتووەکان بۆ ئوسترالیا کەیسەکانیان بەخێرایى لە پاپوا نیو گینیا و ناورو هەڵسەنگاندنیان بۆ بکرێت. هەروەها ئەو پێشنیارەش جێگەى بایەخە کە ڕێککەوتننامەى مالیزیا پێویستى بە کارکردن و گۆڕانکارى زیاتر هەیە بەرلەوەى جێبەجێ بکرێت. کە بەهۆى ئەمانەوە ئومێدى ئەوە دەکرێت پەناخوازان بوەستن لە کۆچ کردنیان بە بەلەم بۆ بۆ ئوسترالیا.
هەروەها خاڵێکى ترى گرنگ ئەوەیە کە ئوسترالیا بەخێرایى ئامادەکارى بکات ژمارەى وەرگرتنى پەناخوازان لە کامپەکاندا زیاد بکات لە 13750 کەسەوە بۆ 20000 کەسو تەنانەت بۆ زۆر زیاتریش و بۆ 27000 لە پێنج ساڵى داهاتوودا. ئەمەش ماناى ئەوەیە کە خەڵکێکى زیاتر بە ئارامى و خۆڕاگرییەوە داواى مافى پەنابەرێتى دەکەن لەڕێگەیەکى فەرمى و لەڕێگەى UNHCRـەوە و بۆئەوەى لە ئوسترالیا وەکو پەنابەر وەربگیرێن. ئەمەش بەهەمانشێوە کاریگەرى دەبێت لەسەر ئەوەى پەناخوازان خۆیان بخەنە مەترسییەوەو بەشێوەیەکى نایاسایى کۆچ بکەن و بازرگانى قاچاخچییەکانیش دەوەستێنێت.
ئەو گروپەى شارەزایان لەلایەن فەرماندەى پێشووى وەزارەتى بەرگرییەوە ئانگوس هۆوستۆن سەرپەرشتى دەکرا.
هۆوستۆن بە ڕۆژنامەنووسانى ڕاگەیاند پێداچوونەوە بە یاساکاندا کارێکى زۆر سەخت و تەحەددییەکى قوورس بووە و ئەمەش بەهۆى ئەوەى تەنها بژاردەیەکیان لەبەردەستدا نەبووە. و ڕایگەیاند پێشنیارەکان پێکهاتوون لە یەکانگیرکردنى چەند پێشنیارو ڕێگاى جیاواز.
ئەو فەرماندەیەى پێشووى وەزارەتى بەرگرى ئەوەیشى خستەڕوو کە گروپەکەیان زۆر نیگەرانە لەبارەى کارەساتەکانى دەریا و کۆچى پەناخوازانەوە. لە کۆتاییەکانى 2001 تاوەکو ناوەڕاستى 2012 964 پەناخواز بەلەمەکانیان نقوم بوون و لەدەریادا وون بوون لەڕێگادا بەرەو ئوسترالیا. هەروەها وتى 604ى پەناخوازیش بەهۆکارى تر لە کۆتاییەکانى 2006ـەوە مردوون. بۆیە بەگوتەى ئەو جێگەى قبووڵ کردن نییە هیچ نەکەین لەوبارەیەوە.
ئەوەى ئێستا پێویستە سەرۆک وەزیران ئەنجامى بدات تەنها ئەوەیە ئۆپۆزسیۆنیش ڕازى بکات بەرلەوەى ئەم هەفتەیە پەرلەمانى ئوسترالى کۆببێتەوە و واچاوەڕوان دەکرێت یاسا نوێیەکان زۆر بەزوویى ڕابگەیەنرێت.

تەواوى ڕاپۆرتە ئامادەکراوەکەى شارەزایان دەکرێت لەم لینکەى خوارەوەدا ببینرێت:
http://expertpanelonasylumseekers.dpmc.gov.au/report

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/

Thursday, August 9, 2012

زانیارى لەبارەى خوێندن لە ئەمریکا



بلۆگى کۆچى کوردان و کۆچ بۆ ئوسترالیا

ژمارەک لە خوێندکارانى هەرێمى کوردستان هەوڵدەدەن بۆئەوەى لە زانکۆکانى ئەمریکا بەکالۆریۆس، ماستەر و دکتۆرا بخوێنن. لەم کاتەشدا بێگومان پێویستییان بە زانیارى سەرەکى و گرنگ هەیە لەوبارەیەوە. ئێمە لەخوارەوەدا لینکێک دادەنێن کە زانیارییە سەرەکییەکانى تێدایە لەسەر چۆنیەتى بەدەستهێنانى قبووڵى خوێندن و یارمەتى دارایى و مەرج و پێویستییەکانى خوێندن لە ئەمریکا.



سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/

Monday, August 6, 2012

خوێندكارانی‌ ده‌ره‌وه‌ی‌ وڵات: حكومه‌ت یارمه‌تیمان نادات


له‌ یاداشتێكیاندا كه‌ ئاڕاسته‌ی‌ لایه‌نه‌ په‌یوه‌ندیدار و به‌رپرسه‌كانی‌ حكومه‌تی‌ هه‌رێمی‌ كوردستانیان كردوه‌ و وێنەیەکی بۆ (سبەی) نێردراوە، كۆمه‌ڵێك خوێندكاری‌ خوێندنی‌ باڵای‌ ده‌ره‌وه‌ی‌ هه‌رێمی‌ كوردستان، گله‌یی‌ له‌وه‌ ده‌كه‌ن كه‌ بڕیاربو به‌ پێی‌ نوسراوی‌ ژماره‌ (9_4_5381) له‌ ئاداری‌ ئه‌مساڵ و به‌ واژۆی‌ وه‌زیری‌ دارایی‌ حكومه‌تی‌ هه‌رێمی‌ كوردستان، هاوكات به‌پێی‌ رێنمایی‌ ژماره‌ 165ی‌ ساڵی‌ 2011ی‌ حكومه‌تی‌ عێراقی‌ فیدراڵ، ئه‌و كه‌سانه‌ی‌ له‌سه‌ر خه‌رجی‌ خۆیان ده‌چنه‌ ده‌ره‌وه‌ بۆ خوێندن، ده‌بو بڕێك له‌ پاره‌كه‌یان بۆ خه‌رجبكرایه‌، به‌ڵام تا ئێستا نه‌كراوه‌.
ئاماژه‌ به‌وه‌ش ده‌ده‌ن، هه‌ندێك له‌ وه‌زاره‌ته‌كان و به‌تایبه‌تیش وه‌زاره‌تی‌ خوێندنی‌ باڵای‌ هه‌رێمی‌ كوردستان بێئاگایی‌ خۆیان له‌و بڕیاره‌ ده‌رده‌بڕن و كاری‌ له‌سه‌ر ناكه‌ن، یان داوای‌ رونكردنه‌وه‌ ده‌كه‌ن، ئه‌وه‌ش له‌كاتێكدایه‌ وه‌زاره‌تی‌ دارایی‌ حكومه‌تی‌ هه‌رێم بڕیاره‌كه‌ی‌ گشتاندوه‌.
له‌ كۆتاییشدا داواكارن، وه‌زاره‌ته‌ په‌یوه‌ندیداره‌كانی‌ حكومه‌تی‌ هه‌رێم به‌ زوترین كات ئه‌و بڕیاره‌ جێبه‌جێبكه‌ن و چیتر رێگری‌ له‌ فێرخوازان نه‌كه‌ن.   


(سبه‌ی‌)