Thursday, May 29, 2014

كامبۆدیا ته‌نها كۆچبه‌ره‌ خۆبه‌خشه‌كان وه‌رده‌گرێت

كۆچى كوردان و كۆچ بۆئوسترالیا

له‌ماوه‌ى ڕابردوودا هه‌ریه‌كه‌ له‌ ئوسترالیا و كامبۆدیا ده‌ستیان كرد به‌ دانوستان له‌باره‌ى وه‌رگرتنى ئه‌و په‌ناخوازانه‌ى ڕووده‌كه‌نه‌ ئوسترالیا. له‌سه‌ره‌تاوه‌ كامبۆدیا ڕه‌زامه‌ندى ده‌ربڕى بۆ وه‌رگرتنى په‌ناخوازان. ڕاى گشتى له‌ هه‌ردوو وڵات ڕه‌خنه‌یان له‌و ڕێككه‌وتنه‌ گرت. 

له‌م دواییانه‌دا، كامبۆدیا ڕایده‌گه‌یه‌نێت ته‌نها ئه‌و په‌ناخوازانه‌ وه‌رده‌گرێت كه‌ به‌شێوه‌یه‌كى خۆبه‌خشانه‌ ئوسترالیا جێده‌هێڵن. نه‌ك ئه‌وانه‌ى به‌ زۆره‌ملێ ڕه‌وانه‌ى وڵاته‌كه‌ى ده‌كرێن..
وه‌زیرى ده‌ره‌وه‌و جێگرى سه‌رۆك وه‌زیران، هۆر نامهۆنگ، ڕایگه‌یاند كه‌ ئوسترالیا ژماره‌یه‌ك له‌ په‌ناخوازان بۆ وڵاته‌كه‌ى ڕه‌وانه‌ ده‌كات له‌دواى ڕێككه‌وتن له‌سه‌ر ئه‌و ژماره‌یه‌....

هه‌ر له‌میانه‌ى ئه‌م ڕێككه‌وتنه‌ هه‌رێمیانه‌دا حكومه‌تى ئوسترالى به‌رده‌وامه‌ له‌ پشتیوانى كردنى هه‌ریه‌ك له‌ پاپوا نیوگینیا و ناورو كه‌ هۆكارى سه‌ره‌كى جێبه‌جێكردنى پڕۆسه‌ى هه‌ڵسه‌نگاندنى كه‌یسى په‌ناخوازانن له‌ ده‌ره‌وه‌ى خاكى ئوسترالیا.

وه‌زیرى كۆچى ئوسترالیا ڕاده‌گه‌یه‌نێت كه‌ ئوسترالیا تێچووى یاسایى حكومه‌ته‌كانى پاپوا نیو گینیا و ناورو ده‌دات بۆئه‌وه‌ى به‌رگرى له‌خۆیان بكه‌ن به‌رامبه‌ر به‌وانه‌ى دژایه‌تى ناوه‌ندى ده‌ستبه‌سه‌ركردنى په‌ناخوازانن له‌ ده‌ره‌وه‌ى خاكه‌كانى ئوسترالیا و بۆئه‌وه‌ى ناوه‌نده‌كان به‌ كراوه‌یى بهێڵرێنه‌وه

كوردێك بەشداری لە داڕشتنی پلانی نەتەوە یەکگرتووەکان بۆ ساڵی داهاتوو دەكات

گەنجێكی كورد لەلایەن رێكخراوی نەتەوە یەكگرتووەكانەوە داوای لێدەكرێت بەشداری بكات لە داڕشتی پلانی ستراتیژیی رێكخراوەكە بۆ ساڵی 2015 بۆ باشتركردنی رەوشی گەنجان و منداڵانی جیهان.
ئەركان ئەسعەد، گەنجێكی كوردی تاراوگەنشینە، خاوەنی سێ خەڵاتە وەك باشترین نووسەر، كتێبێكیشی یەكێكە لە كتێبە پڕ فرۆشەكان و ئەمەش وای كردووە رێكخراوێكی جیهانی وەكو نەتەوە یەكگرتووەكان داوای هاوكاریی لێبكات.
ئەركان ئەسعەد لە كۆبوونەوەی ساڵانەی بۆردی نەتەوە یەكگرتووەكاندا بۆ داڕشتنی ستراتیژی 2015ی رێكخراوەكە كە بۆ باشتركردنی رەوشی گەنجان و منداڵانی جیهان بوو، بەشداریی كرد.
بەشداریی ئەركان وەك گەنجێكی خاوەن ئەزموونە لەگەڵ كەسایەتییە كاریگەرەكانی جیهان و گەورە بەرپرسانی وەك وەزیری دارایی وڵاتانی وەك لوبنان، توركیا، ئەلبانیا، رۆمانیا و نێردەكانی نەتەوە یەكگرتووەكان و راوێژكارانی سكرتێری گشتی نەتەوەیەكگرتووەكان و بانكی ناوەندیی جیهان.
بەشداریی ئەو وەك گەنجێكی كورد، یەكەمین ئەزموونە لەو ئاستەدا كە وەك بۆ (رووداو)ی باس كرد "سەرەتای هەنگاوێكی گەورەیە لە ژیانی پراكتیكیم". گوتیشی "بەدیهاتنی خەونەكانم بەردەوامە".
ئەركان ئەوەشی ئاشكرا كرد كە مانگی 9ی داهاتوو، دووەمین كتێبی بەناوی (blod rödare än rött) واتە (خوێن، سوورتر لە سوور) لە سوێد چاپ دەكرێت. 
سەركەوتنی ئەركان، لە كتێبی یەكەمییەوە بەناوی (شەوانی بێ ئەستێرە) دەستیپێكرد كە دوای دوو بەرگی بڕیارە بەرگی سێیەمی كتێبەكەش چاپ بكرێت و لە داهاتوویەكی نزیكدا دەكرێتە فیلم . ئەركان گوتی "بەهۆی پێداگیریم بەشی سەرەكی فیلمەكە لە باشووری كوردستان دەكرێت". 
كتێبی دووەمی كە هێشتا بڵاونەبووەتەوە، لەلایەن چەند گەورە كۆمپانیایەكەوە درافتی كۆنتراكتی دراوەتێ بۆ ئەوەی بكرێتە فیلم. ئەركان چیرۆكی باوكی كردووەتە باكگراوندی ئەو نەهامەتی و ناخۆشیانەی بەسەر گەلی كورددا هاتوون لەساڵانی حەفتا و هەشتا و نەوەتەكانی سەدەی رابردوو، لەسەر دەستی رژێمی پێشووی عێراق. 
 ئەركان دەڵێت "لە رێگەی ئەو كتێبەوە راستییەكی شاراوە لە ئەوروپییەكان و سوێدییەكان بە تایبەتی دەگەیەنم". چونكە وەك ئەو دەڵێت "سوێدییەكان سەرقاڵن بە كێشە هەنوكەییەكانی نەوەی نوێ و زۆر راستی نەوەی كۆنی كورد و نەتەوەكانی دیكەی سوێد نازانن". 
سەرەتای ئەمساڵ، ئەركان ئەسعەد لە كۆی 2000 كاندیدای باڵای گەنجانی ئەوروپا، لەلایەن كۆمپانیایەكی ئەوروپییەوە، بووە تاكە كاندیدای گەنجی سوێد كە لەلایەن ئەو كۆمپانیایە بۆ ماوەی زیاتر لە 5 ساڵ بە نزیكەی سەدان هەزار یۆرۆ، كار و پڕۆژەكانی و ژیانی سپۆنسەر دەكرێت. 

ژیانی كاری رۆژانەشی، لەلایەن دامەزراوەیەكی سەر بە كۆمۆنی گەڕەكەكەی دابینكراوە كە لەبەرامبەر بڕی زیاتر لە 10 هەزار كرۆنی سوێدی  (2000) دۆلاری ئەمریكییە، بۆ هەر مانگێك. ئەمەش لە بەرامبەر سوود وەرگرتن لە ئەزموون و كارەكانی ئەو دێت، بۆ گەنجانی ئەو ناوچەیە.  
رووداو- ستۆكهۆڵم

Wednesday, May 28, 2014

سێ کەمپی کۆچبەران لە کالاس دادەخرێن

پۆلیسی فەرەنسی دەستیکردووە بە داخستنی کەمپەکانی پەناخوازان لە ناوچەی کالاس-ی سەرسنوور لەگەڵ بەریتانیا. لەو ناوچەیەدا سێ کەمپی پەناخوازان هەن و نزیکەی 650 پەنابەری تێدان. چالاکڤانانی پاراستنی مافەکانی مرۆڤیش لەو کردەوەیە نیگەرانن.
لە هەڵبژاردنەکانی هەفتەی رابردوو بۆ پەرلەمانی ئەوروپا، پارتی راستئاژۆی (بەرەی نیشتمانی)، کە بەوە ناسراوە دژایەتیی تووندی هاتنی پەناخوازان دەکات بۆ فەرەنسا، زۆرینەی دەنگەکانی ناوچەی کالاسی بەدەستهێناوە.
ئۆپەراسیۆنەکەی پۆلیسی فەرەنسا ئەمڕۆ دەستیپێکردووە و لە چەند رۆژی داهاتوودا بەردەوام دەبێت. لەو کەمپانەدا ژمارەیەکی زۆری کۆچبەری کوردیش نیشتەجێن. یەکێک لەو کوردانە، کە نەیەویست ناوی ئاشکرابکرێت، باسی ئۆپەراسیۆنەکە بۆ تۆڕی میدیایی رووداو دەکات: “ئەو کەمپانەی لە کالاسن فەرمی نین و ئێمەی کۆچبەر دروستمانکردوون. بۆیە ئەمڕۆ سەرلەبەیانی پۆلیس بەسەریانداداین و هەوڵی تێکدانی کەمپەکەیان داین”.
بەگوتەی ئەو کۆچبەرە کوردە باشوورییە “پۆلیس تووندوتیژی بەکارناهێنێت، بەڵام شوێنی حەوانەوەمان تێکدەدات”.
ئۆپەراسیۆنەکانی تێکدانی کەمپەکانی کالاس هەموو ساڵێک بەر لە هاتنی هاوین دووبارە دەبنەوە. لە ساڵانی رابردوودا، جگە لە کۆچبەرانی کورد، ژمارەیەکی زۆر کۆچبەری ئەفغانی، ئەفریقایی و ئێرانی و سووریش لەڕێگەی کاڵاسەوە بەقاچاخ و لەڕێگەی ئۆتۆمبێلی بارهەڵگرەوە خۆیان دەگەیەننە بەریتانیا.
رووداو-فەرەنسا

Tuesday, May 27, 2014

سەد و نەوەد هەزار دەرفەتى کار لە ئوسترالیا

کۆچى کوردان و کۆچ بۆ ئوسترالیا
سەرەڕاى ئەوەى کە حکومەتى ئوسترالى بەتوندى ڕووبەڕووى ئەو پەناخوازانە دەبێتەوە کە بەشێوەیەکى نایاسایى کۆچ بۆ ئەو وڵاتە دەکەن. بەڵام لەبەرامبەردا، دەرفەتى کارو کۆچى یاسایى لەبەردەم خاوەن توانا و لێهاتووییەکاندا ئاوەڵایە. بەرپرسانى حکومەتى ئوسترالی ئەوە دەخەنەڕوو کە بەهۆى پڕۆگرامى پشتیوانى کردن لە دەرفەتى کار بەشێوەیەکى یاسایى نزیکەى 300 ملیۆن دۆلار بۆ خەزێنەى دەوڵەت دەگەڕێتەوە. 
پڕۆگرامى پشتیوانى کردن لە دەرفەتى کار بۆ ئەوانەى بەشێوەیەکى یاسایى کۆچ دەکەن 68%ى بۆ خاوەن تواناکانە، کە کۆچبەرى خاوەن پسپۆڕى و توانا و لێهاتووین. 
بەوشێوەیە کۆى 190هەزار پۆست بۆ پڕۆگرامى کۆچبەران هەیە لە نێوان ساڵى 2014 بۆ 2015، کە 128550یان بۆ کۆچبەرى خاوەن توانا و پسپۆڕیە و 60885یان بۆ کۆچى خێزانى و 565یان بۆ ئەو کۆچبەرانەیە کە مافى تایبەتیان هەیە. 
لەڕێگەى ئەم وێبسایتەوە زانیارى زیاتر وەربگرە لەبارەى چۆنیەتى کۆچ کردن بەشێوەیەکى یاسایى: http://www.migrationexpert.com/

Monday, May 19, 2014

ئوسترالیا به‌رده‌وامه‌ له‌ ڕووبه‌ڕووبوونه‌وه‌ى كۆچى نایاسایى

كۆچى كوردان و كۆچ بۆ ئوسترالیا

حكومه‌تى ئوسترالى به‌رده‌وامه‌ له‌ ڕووبه‌ڕوو بوونه‌وه‌ى قاچاخچیه‌كان و ئه‌و كۆچبه‌رانه‌ى به‌شێوه‌ى نایاسایى به‌ره‌و ئه‌و وڵاته‌ كۆچ ده‌كه‌ن.. له‌م میانه‌یه‌شدا ئه‌نجومه‌نى پیرانى ئوسترالیا یاسایه‌كى ده‌ركرد كه‌ ڕێگرى ده‌كات له‌ وه‌رگرتنى ڤیزاى پاراستن بۆئه‌و په‌ناخوازانه‌ى گرفتى ئاسایشیان نیه‌ ئه‌مه‌ واده‌كات ده‌رفه‌تى كه‌متر بۆ په‌ناخوازان هه‌بێت كه‌ بمێننه‌وه‌
له‌لایه‌كى تره‌وه‌، ئه‌فسه‌رى باڵاى پاراستنى سنووره‌كانى ئوسترالیا ڕایده‌گه‌یه‌نێت كه‌ پاراستنى سنووره‌كان پێویستى به‌ چه‌ند ساڵ هه‌وڵدان و پلانى هه‌رێمى هه‌یه
دوورگه‌ى كریسمس له‌مه‌ودوا ته‌نها 48 كاتژمێر په‌ناخوازانى تێدا ده‌هێڵرێته‌وه‌. دواتر ڕاسته‌وخۆ به‌ره‌و دوورگه‌ى مانوس له‌ پاپوا نیو گینیا یان ناورو ڕه‌وانه‌ ده‌كرێن و له‌و دوو دوورگه‌یه‌ كه‌یسه‌كانیان هه‌ڵده‌سه‌نگێنرێت و له‌وێ مافى نیشته‌جێ بوون یاخود ڕه‌وانه‌كردنه‌وه‌ بۆ وڵاتى خۆیان ده‌درێت.. شایه‌نى باسه‌ بۆیه‌كه‌مجار هاوڵاتیه‌كى به‌ته‌مه‌نى ئێرانى مافى نیشته‌جێ بوونى به‌ده‌ستهێنا له‌ پاپوا نیوگینیا.. ئه‌و هاوڵاتیانه‌ى مافى نیشته‌جێ بوون له‌و دوو دوورگه‌یه‌ به‌ده‌ست ده‌هێنن به‌پێى یاساى ئه‌و وڵاتانه‌ مامه‌ڵه‌یان له‌گه‌ڵ ده‌كرێت و ڕه‌وانه‌ى ئوسترالیا ناكرێنه‌وه‌!.
  • ئه‌مه‌ له‌كاتێكدایه‌ كه‌، پسپۆڕێكى یاساى نێوده‌وڵه‌تى ئه‌وه‌ ئاشكرا ده‌كات كه‌ ناتوانرێت له‌ڕێگه‌ى یاساییه‌وه‌ ڕێگرى له‌ هه‌وڵه‌كانى ئوسترالیا بكرێت.
له‌ ساڵى 1960دا نزیكه‌ى 77 ملیۆن كه‌س سنووره‌ نێوده‌وڵه‌تیه‌كانیان بڕیوه‌و له‌ 2013دا ژماره‌كه‌ به‌رزبۆته‌وه‌ بۆ 232 ملیۆن كه‌ زیاتره‌ له‌ ٪3ى دانیشتوانى جیهان.

Thursday, May 15, 2014

بچۆ بۆ ئەمەریکا و ئەم دەرفەتە لە کیس مەدە کە تایبەتە بە

download (9)مامۆستایانى زمانى ئینگلیزى بۆ خوێندن لەئەمریکا
باڵیوزخانەى ویلایەتە یەکگرتووەکانى ئەمریکا لە بەغداد خۆشحاڵە رایبگەیەنێت کەوا ئێستا داواکاری بو بەشدارى کردن لە بەرنامەى فوڵبرایتى یاریدەدەرانى فێرکردنى زمانى ئینگلیزى کەوا لەلایەن حکومەتى ئەمریکاوە پارەدار کراوە وەردەگرێت.  ئەم پرۆگرامە راستەوخۆ پشتیوانى ئامانجەکانى رێکەوتننامەى چوارچێوەى ستراتیژی نێوان ویلایەتە یەکگرتووەکانى ئەمریکاو عێرا ق  دەکات بۆ پەرەپێدانى تێگەیشتنى هاوبەش و بەهێزکردنى پەیوەندى لە نێوان خەڵکى ویلایەتە یەکگرتووەکانى ئەمریکاو عێراق لەڕێى ئاڵوگۆڕى ئەکادیمیەوە.
 
ئەم بەرنامەیە پرۆگرامێکى نۆ مانگى بێ بەخشینى بڕوانامەیە دەرفەت بۆ مامۆستایانى گەنجى زمانى ئینگلیزى دەرەخسێنێت بۆ بەرەوپێشبردنى تواناى فێرکردنیان و، بەرزکردنەوەى لێهاتوویى زمانى ئینگلیزیان وفراوانکردنى تێگەیشتنیان لەسەر کۆمەڵگاو کەلتوورى ویلایەتە یەکگرتووەکانى ئەمریکا. بەشداربووان زمانى عەرەبى فێرى خوێندکارانى ئەمریکى دەکەن و یارمەتى پتەوکردنى رٍێنماییەکانى فێرکردنى زمانى بیانى لەزانکۆو کۆلێژەکانى ئەمریکا دەدەن. داواکار دەبَى ئێستا مامۆستاى زمانى ئینگلیزى بێت و تەمەنى لە نێوان 21 بۆ 29 ساڵ بێت و هەڵگرى بڕوانامەى بەکالۆریۆس بێت لەکاتى پێشکەشکردندا.
بو زانیارى زیاترلەسەر مەرجەکانى پێشکەشکردن و پرۆسەى پێشکەشکردن ، تکایە سەردانى ماڵپەڕى بالێوزخانەى ئەمریکا بکەن لە:
http://iraq.usembassy.gov/flta-program.html
هیچ تێچونێک بۆ پێشکەشکردن بۆ ئەم پرۆگرامە نیە. وەزارەتى دەرەوەى ئەمریکا هەموو تێچونەکانى خوێندنى ئەکادیمى و، گەشت و، بیمەى تەندروستى و، نیشتەجێبوون و هەروەها دەرماڵەیەکى مامناوەند بۆ ژیانى هەڵبژیردراوەکان دابین دەکات لەو کاتەى کە لە ئەمریکان.
دوامۆڵەت بو پێشکەش کردنى داواکارى رۆژى 30 ى حوزەیرانى 2014 ەیە. 

Wednesday, May 14, 2014

ئیتاڵیا 200 كۆچبه‌ری‌ نایاسایی له‌مردن ڕزگارده‌كات

هێزه‌ ده‌ریاییه‌كانی‌ ئیتاڵیا ڕایانگه‌یاند، یه‌كه‌كانی‌ چاودێری كه‌ناراوه‌كانی‌ باشوری‌ ئه‌و وڵاته‌ توانیویانه‌ 200 كۆچبه‌ری‌ نایاسایی له‌ڕوداوێكی نقومبوون ڕزگاربكه‌ن، كه‌ تێیدا ده‌یان هاوڵاتی تر خنكان.

سه‌رچاوه‌ فه‌رمیه‌كانی‌ ئیتاڵیا بڵاویانكرده‌وه‌، كۆچبه‌ره‌كان له‌ناو پاپۆڕێكدا بوون له‌باشوری‌ دورگه‌ی‌ (لامبیدوزا)ی‌ ئیتاڵیا، كه‌ سه‌دان كۆچبه‌ری‌ نایاسایی تێیدا بووه‌‌و،دوای‌ ڕزگاركردنی‌ 200 هاوڵاتی، ده‌یانی‌ تریان خنكان.

سه‌رچاوه‌یه‌ك له‌هێزه‌ ده‌ریاییه‌كانی‌ ئیتاڵیا ئاماژه‌ی‌ به‌وه‌كردوه‌، هه‌ندێك له‌ته‌رمه‌كانیش دۆزراونه‌ته‌وه‌‌و گه‌ڕان به‌دوای‌ بێسه‌روشوێنبووه‌كانیشدا به‌رده‌وامه‌.

هێشتا نازانرێت ژماره‌ی‌ ئه‌و هاوڵاتیانه‌ی‌ كه‌ له‌ناو پاپۆڕه‌كه‌دا بوون، چه‌ند هاوڵاتی‌ بوون، به‌ڵام كۆچبه‌ره‌كان ڕایانگه‌یاندوه‌، سه‌دان هاوڵاتی بوون.

ئه‌وه‌ش له‌كاتێكدایه‌، كه‌ هاوكات وه‌زاره‌تی‌ ناوخۆی‌ لیبیا ڕایگه‌یاند، هێزه‌ ده‌ریاییه‌كانی‌ لیبیا توانیویانه‌ 51 كۆچبه‌ری‌ نایاسایی ڕزگاربكه‌ن‌و 32 ته‌رمیشیان دۆزیوه‌ته‌وه‌.
-----------------------------------------------------------------
و: گۆران

خوێندنى ماستەر لە کامپوسى زانکۆى کۆڤەنترى بەریتانى لە شارى ئیستەنبۆل – تورکیا


نوێنەرى زانکۆ چاوى بە خوازیارانى خوێندن لەم زانکۆیە دەکەوێ. خوازیاران ئەتوانن ڕاستەوخۆ ئۆفەر وەرگرن و زەمالەى خوێندن بەدەست بهێنن و هەروەها ئەتوانن تاقیکردنەوەى زمانی ئینگلیزیش لەهەمان ڕۆژ ئەنجامبدەن. خوێندکاران ئەبن بە خاوەنى دوو بڕوانامەى ماستەر بەماوەى یەک ساڵ لە زانکۆى کۆڤەنترى بەریتانى و کەدیر هاسى تورکى.

کۆرسەکانى خوێندن بریتین لە:
• MA International Relations
• MBA Global Business
• MBA Oil and Gas Management
• MBA International Marketing
• MBA International Human Resource Management
ڕۆژ: 15/5/2014
کات: 11ى بەیانى تاوەکو 7ى ئێوارە
شوێن: کۆمپانیاى ڕۆنى – بەرامبەر شیرنەمەنى بەیزادە – ئیسکان – هەولێر
ژمارەى تەلەفۆن: 009647504811534
ئیمەیل: mustafa@ronycompany.com
..............................................................................

Tuesday, May 13, 2014

رێنمایی نوێی وه‌زاره‌تی‌ خوێندنی‌ باڵا بۆ مۆڵه‌تی‌ خوێندن ده‌رده‌كات

وه‌زاره‌تی‌ خوێندنی‌ باڵا و توێژینه‌وه‌ی‌ زانستی‌ هه‌رێمی‌ كوردستان به‌ فه‌رمانێكی‌ وه‌زاری، رێنمایی نوێ بۆ مۆڵه‌تی‌ خوێندن ده‌رده‌كات، كه‌ له‌ چه‌ند خاڵێك پێكهاتووه‌.
 ئەو فەرمانە وەزارییە  له‌ 29ی‌ كانوونی‌ دووه‌می‌ 2014 به‌ ژماره‌ 131 به‌ ئیمزای‌ دكتۆر عه‌لی‌ سه‌عید محه‌مه‌د وه‌زیری‌ خوێندنی‌ باڵا، ده‌رچووه‌.
له‌سه‌ره‌تای‌ نووسراوه‌كه‌دا هاتووه‌: "ئاماژه‌ به‌ بڕگه‌ی‌ (1/ ته‌وه‌ری‌ پێنجه‌م/ كاروباری‌ كارگێڕی‌ و دارایی) له‌ كۆنووسی‌ كۆبوونه‌وه‌ی‌ ژماره‌ (10)ی‌ ئه‌نجومه‌نی‌ وه‌زاره‌ت كه‌ له‌ (22/1/2014) ئه‌نجامدرابوو، بڕیاردرا كه‌ میكانیزمی‌ جێبه‌جێكردنی‌ رێنمایی مۆڵه‌تی‌ خوێندن ژماره‌ (165/61) له‌ رێكه‌وتی‌ (1/1/2014)ه‌وه‌ به‌م شێوه‌ی‌ لای‌ خواره‌وه‌ بێت.
 
وه‌ك روونكراوه‌ته‌وه‌، رێنمایی یه‌كه‌م، بریتییه‌ له‌ مه‌رجه‌كانی‌ رێنمایی (165/11) :" رێنمایی ژماره‌ (165/11)ی‌ تایبه‌ت به‌ پێدانی‌ مۆڵه‌تی‌ خوێندن له‌لایه‌ن ئه‌نجومه‌نی‌ وه‌زاره‌تی‌ خوێندنی‌ باڵا و توێژینه‌وه‌ی‌زانستییه‌وه‌ په‌سه‌ندكراوه‌ و پاڵپشته‌ به‌ یاسای راژه‌ی‌ شارستانی‌ هه‌مواركراوی‌ ژماره‌ (14)ی‌ ساڵی‌ 2009 له‌ چوارچێوه‌ی‌ ئه‌م رێنماییه‌دا مه‌رجه‌كانی‌ پێشكه‌شكردنی‌ داواكاری‌ بۆ مۆڵه‌تی‌ خوێندن بریتین له‌:
 
یه‌كه‌م، پێشكه‌شكار ده‌بێت دوو ساڵ خزمه‌تی‌ هه‌بێت له‌ پاش دوایین بڕوانامه‌.
 
دووه‌م، بۆ خوێندنی‌ ماسته‌ر ده‌بێت پێشكه‌شكار كۆنمره‌ی‌ به‌كالۆریۆسی له‌ (65%) كه‌متر نه‌بێت و بۆ خوێندنی‌ دكتۆرا، كۆنمره‌ی‌ ماسته‌ری‌ له‌ (70%) كه‌متر نه‌بێت.
 
سێیه‌م، ده‌بێت پێشكه‌شكار بۆ خوێندنی‌ ماسته‌ر ته‌مه‌نی‌ له‌ (45 ساڵ) زیاتر نه‌بێت و بۆ دكتۆراش ته‌مه‌نی‌ له‌ (50ساڵ) زیاتر نه‌بێت.
 
چواره‌م، ده‌بێت بواری‌ پسپۆری‌ پێشكه‌شكار له‌ پلانی‌ په‌سه‌ندكراوی‌ ئه‌و ساڵه‌ی‌ زانكۆ/ فه‌رمانگه‌دا ئاماژه‌ی‌ پێكرابێت.
 
پێنجه‌م، ده‌بێت پلانی‌ په‌سه‌ندكراو رابگه‌یه‌نرێت و پاڵاوتن له‌سه‌ر بنه‌مای‌ پێشبڕكێی زانستی‌ بێت دوای‌ بانگه‌واز بۆكردن.
 
رێنمایی دووه‌می‌ فه‌رمانه‌ وه‌زارییه‌كه‌ بریتییه‌ له‌وه‌ی‌، ئه‌و پێشكه‌شكارانه‌ی‌ كه‌ مۆڵه‌تی‌ خوێندنیان پێده‌درێت.
 
له‌ فه‌رمانه‌كه‌دا، ئه‌وه‌ خراوه‌ته‌ڕوو كه‌:" ئه‌و پێشكه‌شكاره‌ی‌ كه‌ ته‌واوی‌ مه‌رجه‌كانی‌ رێنمایی (165/11)یان تێدایه‌ و پسپۆڕییه‌كانیان له‌ پلانی‌ په‌سه‌ندكراوی‌ زانكۆ/ فه‌رمانگه‌ ئاماژه‌ی‌ پێكراوه‌ و له‌سه‌ر بنه‌مای‌ پێشبڕكێ ده‌پاڵیۆرێن مۆڵه‌تی‌ خوێندنیان پێده‌به‌خشرێت به‌ مووچه‌ی‌ بنه‌ڕه‌تی‌ و ده‌رماڵه‌ جێگیره‌كان له‌گه‌ڵ ته‌واوی‌ مافه‌ داراییه‌كانی‌ رێنمایی (165/11).
 
له‌ رێنمایی سێیه‌مدا، هاتووه‌: ئه‌و مافه‌ داراییانه‌ی‌ كه‌ به‌پێی رێنمایی (165/11)ده‌به‌خشرێته‌ ئه‌و كاندیدانه‌ی‌ كه‌ مۆڵه‌تی‌ خوێندن وه‌رده‌گرن بریتین له‌:
یه‌كه‌م، جیاوازی‌ نێوان مووچه‌ی‌ شایسته‌ی‌ كاندید له‌ ناوه‌وه‌ی‌ وڵات له‌گه‌ڵ ده‌رماڵه‌ی‌ دیاریكراو بۆ قوتابیان/ خوێندكارانی‌ نێردراو له‌و وڵاته‌ی‌ تێیدا ده‌خوێنن.
 
أ/ ده‌رماڵه‌ی‌ دیاریكراو بۆ قوتابیان، خوێندكارانی‌ نێردراو به‌ پێی به‌رنامه‌ی‌ تواناسازی‌ به‌راورد ده‌كرێت، واته‌ به‌پێی رێنمایی دارایی به‌رنامه‌ی‌ تواناسازی‌ بۆ وڵاتانی‌ گرووپی (A) بریتییه‌ له‌ هه‌زار و 800 دۆلار مانگانه‌ و گرووپی (B) بریتییه‌ له‌ یه‌ك هه‌زار دۆلار مانگانه‌.
 
ب/ كرێی بلیتی سه‌فه‌ر (فڕۆكه‌) ساڵی‌ یه‌ك جار.
 
ج/ خه‌رجییه‌كانی‌ تێچووی‌ چاپی تێزی‌ ماسته‌ر یان دكتۆرا.
 
د/ كرێی خوێندن تا بڕی‌ چوار ملیۆن و پێنجسه‌د هه‌زار دینار.
 
رێنمایی چواره‌می‌ فه‌رمانه‌كه‌، بریتییه‌ له‌وه‌ی‌ ئه‌و پێشكه‌شكارانه‌ی‌ كه‌ یه‌كیك یان زیاتر له‌ مه‌رجه‌كانی‌ رێنمایی ژماره‌ (165/11)یان نه‌بێت (ته‌مه‌ن، كۆنمره‌ی‌ ساڵانی‌، خزمه‌ت و نه‌بوونی‌ پسپۆری‌ له‌ پلانی‌ زانكۆ یان فه‌رمانگه‌، به‌شدارینه‌كردن له‌ پێشبڕكێ) ته‌نها مۆڵه‌تی‌ بێ مووچه‌یان پێده‌به‌خشرێت.
 
له‌ رێنمایی پێنجه‌مدا، باس له‌ رێكخستنی‌ میكانیزمی‌ جێبه‌جێكردنی‌ رێنمایی (165/11) كراوه‌ به‌م شێوه‌یه‌:
 
یه‌كه‌م، سه‌رجه‌م زانكۆكان تا رێكه‌وتی‌ (15ی‌ شوباتی‌ 2014) پلانی‌ مۆڵه‌تی‌ خوێندن بۆ ساڵی‌ خوێندنی‌ 2013_2014 نوێ بكه‌نه‌وه‌ و پێشكه‌شی‌ وه‌زاره‌تی‌ بكه‌ن.
 
دووه‌م، له‌ (15ی‌ كانوونی‌ دووه‌می‌ 2014)ه‌وه‌ تا (1ی‌ شوباتی‌ 2014) پلانه‌كه‌ له‌لایه‌ن ئه‌نجومه‌نی‌ وه‌زاره‌ته‌وه‌ په‌سه‌ند بكرێت.
 
سێیه‌م، پلانی‌ په‌سه‌ندكراوی‌ مۆڵه‌تی‌ خوێندنی‌ بۆ ساڵی‌ خوێندنی‌ 2013_2014 له‌لایه‌ن زانكۆ و وه‌زاره‌ته‌وه‌ رابگه‌یه‌نرێت و ده‌رگای‌ پێشكه‌شكردنی‌ داواكاری‌ بكرێته‌وه‌ له‌ (1ی‌ ئازاری‌ 2014)ه‌وه‌ تا (31ی‌ ئازاری‌ 2014) به‌رده‌وام ده‌بێت.
 
چواره‌م، له‌ ماوه‌ی‌ نێوان (31ی‌ ئازاری‌ 2014 تـــا 10ی‌ نیسانی‌ 2014) پرۆسه‌ی‌ پێشبڕكێ و بڕیار له‌سه‌ر كاندیده‌كان ئه‌نجام ده‌درێت.
 
پێنجه‌م،به‌ گشتی‌ تا رێكه‌وتی‌ (15ی‌ نیسانی‌ 2014) كاندیده‌ براوه‌كان بڕیاری‌ كۆتاییان له‌سه‌ر درابێت و وردبینی له‌ سكاڵاكان كرابێت.
 
رێنمایی شه‌شه‌م، له‌ رێكخستنی‌ پێشبڕكێی نێوان پێشكه‌شكاراندا، سیستمی‌ خاڵبه‌ندی‌ په‌یڕه‌و ده‌كرێت ئه‌و سیستمه‌ش به‌ هاوئاهه‌نگیی نێوان لیژنه‌ی‌ مۆڵه‌تی‌ خوێندن له‌ دیوانی‌ وه‌زاره‌تی‌ و لیژنه‌ی‌ باڵای‌ خوێندنی‌ باڵاوه‌ رێكبخرێت و پێوه‌ره‌كانیش بریتین له‌: كۆنمره‌ی‌ به‌كالۆریۆس بۆ خوێندنی‌ ماسته‌ر، كۆنمره‌ی‌ به‌كالۆریۆس و ماسته‌ر بۆ خوێندنی‌ دكتۆرا، ئاستی‌ توانستی‌ زمانی‌ ئینگلیزی، به‌ده‌ستهێنانی‌ ئۆڤه‌ری‌ ئه‌كادیمی (لیستی‌ وڵاتانی‌ تواناسازی‌ په‌یڕه‌و بكرێت) ، ته‌مه‌ن له‌ گه‌ڵ ساڵانی‌ خزمه‌ت.
 
رێنمایی حه‌وته‌می‌ فه‌رمانه‌ وه‌زارییه‌كه‌ بریتییه‌ له‌ تێبینی گشتی‌، وه‌ك:
 
یه‌كه‌م، له‌ رێكه‌وتی‌ ده‌رچوونی‌ ئه‌م فه‌رمانه‌وه‌ چیتر زانكۆكان نابێت داواكاری‌ مۆڵه‌تی‌ خوێندن بۆ وه‌زاره‌ت به‌رز بكه‌نه‌وه‌.
 
دووه‌م، ئه‌و حاڵه‌تانه‌ی‌ كه‌ داوای‌ مۆڵه‌تی‌ خوێندن ده‌كه‌ن له‌سه‌ر بنه‌مای‌ (ماده‌ی‌ 4 بڕگه‌ی‌ هه‌شته‌م) له‌ رێنمایی ژماره‌ 165ی‌ ساڵی‌ 2011 "ده‌سه‌ڵاتی‌ وه‌زیره‌ مۆڵه‌ت به‌ بێ به‌ستنه‌وه‌ به‌ مه‌رجی‌ كۆنمره‌ بۆ ماوه‌ی‌ پێنج ساڵ بدات، ئه‌گه‌ر خزمه‌تی‌ په‌سندكراوی هه‌بوو" ئه‌و كاندیدانه‌ی‌ ئه‌و مه‌رجه‌یان تێدایه‌ رێگه‌یان پێده‌درێت كه‌ بێنه‌ پێشبڕكێ، ئه‌گه‌ر له‌ پێشبڕكێ سه‌ركه‌وتووبن، ئه‌وا له‌لایه‌ن زانكۆوه‌ به‌رز ده‌كرێته‌وه‌ بۆ جه‌نابی‌ وه‌زیر به‌مه‌به‌ستی‌ به‌خشینیان له‌ مه‌رجی‌ كۆنمره‌.
 
سێیه‌م، مۆڵه‌تی‌ بێمووچه‌ له‌ ده‌سه‌ڵاتی‌ زانكۆیه‌، بۆیه‌ ئه‌و كه‌یسانه‌ی‌ شایسته‌ی‌ مۆڵه‌تی‌ بێمووچه‌ن پێویست ناكات به‌رز بكرێنه‌وه‌ بۆ وه‌زاره‌ت.
 
چواره‌م، پێویسته‌ له‌ كاتی‌ داڕشتنی‌ فه‌رمانی‌ مۆڵه‌تی‌ بێمووچه‌دا ئاماژه‌ به‌ (مه‌به‌ستی‌ خوێندن) نه‌درێت.
 
پێنجه‌م، خه‌رجییه‌كانی‌ مۆڵه‌تی‌ خوێندن له‌ ئه‌ستۆی‌ زانكۆ ده‌بێت.
 
شه‌شه‌م، ئه‌و به‌ڕێزانه‌ی‌ كه‌ مۆڵه‌تی‌ بێمووچه‌ وه‌رده‌گرن له‌ دوای‌ ته‌واوكردنی‌ خوێندنه‌كه‌یان له‌لایه‌ن وه‌زاره‌تی‌ خوێندنی‌ باڵا یه‌كسانكردنی‌ بڕوانامه‌كانیان بۆ ئه‌نجام ده‌ددرێت، به‌ڵام زانكۆكان سه‌رپشكن كه‌ كاریان پێ بسپێرن یان گواستنه‌وه‌ی‌ راژه‌یان بۆ ئه‌نجام بده‌ن به‌ پێی پێویستی‌ دام‌و ده‌زگاكانی‌ خوێندنی‌ باڵا.

Sunday, May 11, 2014

زیاتر لە200 پەناخواز لەئاوەكانی دەریای ئیجەدا خنكان

Imageلەدواهەمین ڕاپۆرتی خۆیدا كەلەكۆتایەكانی مانگی ڕابردوودا بڵاوكراوەتەوە سەبارەت بە دۆخی خراپی پەناخوازان لەیۆنان، ڕێكخراوی لێبوردنی نێودەوڵەتی ئاشكرایدەكات كەلەماوەی كەمتر لەدووساڵی ڕابردوودا، لایەنی كەم 188 پەناخواز لەئاوەكانی دەریای ئیجەی نێوان توركیا‌و یۆناندا خنكاون یان بێسەروشوێن بوون. 
ڕاپۆرتەكە بە ووردی باس لەو پێشێلكاریانەش دەكات كە حكومەتی یۆنان بەبەردەوامی ئەنجامی دەدات بەرامبەر بە پەناخوازان لەناویشیاندا گێڕانەوەی بەزۆری ئەو بەلەمانەیە كە لەكاتی گەشتنیان بە ئاوەكانی ئەو ووڵاتە دەستگیردەكرێن‌و دووبارە ڕەوانەی سنورە ئاویەكانی دوور لەیۆنانیان دەكاتەوە . 
ئەمەش یەكێكە لەو ڕێوشوێنانەی كە هەندێك لەووڵاتان پیادەی دەكەن بەمەبەستی ڕێگەگرتن لەكۆچی نایاسایی كەلەئێستادا هەندێك ووڵاتانی وەك یۆنان‌و ئوسترالیا جێبەجێی دەكەن، كە بەووتەی ڕێكخراوەكە پێشێلكردنێكی ئاشكرای مافی پەناخوازانە. 
لەدواهەمین ڕووداوی گیانلەدەستدانی پەناخوازانیشدا لەئاوەكانی دەریای ئیجە، نقومبوونی بەلەمێك بوو لەڕۆژی دووشەممەی ڕابردوو لەنزیك دوورگەی سامۆسی یۆنان كە نزیكەی 65 پەناخوازی هەڵگرتبوو. 
لەدواهەمین ئاماریشدا كە دوێنێ‌ - چوارشەممە  - 7 ی ئایار- ئاژانسی فرانس پرێس بڵاویكردەوە، 22 پەناخواز خنكاون كەلەناویاندا چوار منداڵ هەبوون، بەمەش ژمارەی ئەو پەناخوازانەی لەئاوەكانی دەریای ئیجەدا خنكاون لەماوەی كەمتر لەدووساڵدا زیاتر لە200 كەسی تێپەڕاند.  
خەڵك- هەژار 

Wednesday, May 7, 2014

ڤیزاى چیك له‌ هه‌ولێره‌وه‌ وه‌رده‌گرن

بەرپرسێكی باڵیۆزخانەی چیك لە هەولێر باس لەوەدەكات كۆمپانیاكانی چیك پەیوەندییەكی بەهێزی ئابوورییان لەگەڵ هەرێمی كوردستان هەیە، لەكۆتایی ئەمساڵیش كۆڕبەندی ئابووریی چیك- هەولێر بەڕێوەدەچێت.


یاروس لاڤ ریف، بەرپرسی نووسینگەی هەولێر لەباڵیوزخانەی چیك بە (تۆڕی میدیایی رووداو)ی راگەیاند: "وەك نووسینگەی باڵیوزخانەی چیك لە كوردستان ئاستی نوێنەرایەتیمان بەرزركردووەتەوە، تاوەكو مانگی 8 بەشێكی زۆر لەكارەكانمان تەواو  دەكەین بۆ ئەوەی بتوانین ڤیزە بە هاوڵاتیانی هەرێمی كوردستان بدەین".



سەبارەت بە پەیوەندی ئابووری و بازرگانی چیك لەگەڵ هەرێمی كوردستان، یاروس گوتی: پەیوەندیە ئابورییەكانی چیك و كوردستان لەبەرەو پێشچووندان، كۆمپانیاكانی چیك لەكەرتی پێشەسازی نەوت رۆڵێكی گرنگ دەبینین، لەقۆناغی دووەمی دروستكردنی وێستگەی كارەبای خۆرمەڵە چیك بەشدارییەكی كارای هەیە.



بەرپرسی نووسینگەی هەولێر لە باڵیۆزخانەی چیك گوتیشی، چیك بەنیازە لەكۆتایی ئەمساڵ كۆڕبەندی ئابووریی چیك- هەولێر ببەستێت.

رووداو-هەولێر

بیلال سەعید

Tuesday, May 6, 2014

ئێرانیه‌ك له‌ پاپوا نیوگینیا وه‌ك په‌نابه‌ر قبووڵكرا


كۆچ بۆ ئوسترالیا و كۆچى كوردان

له‌دواى جێبه‌جێكردنى ڕێوشوێنى نوێى ئوسترالیا به‌رامبه‌ر كۆچبه‌رانى نایاسایى، بۆیه‌كه‌مجار پاپوانیوگینیا ئێرانیه‌كى 40ساڵى وه‌كو په‌نابه‌ر وه‌رگرت له‌ وڵاته‌كه‌یدا نیشته‌جێى ده‌كات
پاپوا نیو گینیا به‌شێوه‌یه‌كى عه‌مه‌لى هه‌نگاوى هه‌ڵهێنا بۆ پێدانى مافى نیشته‌جێ بوون به‌و په‌ناخوازانه‌ى له‌ ئوسترالیاوه‌ هاتوون
له‌پێشوودا ئه‌و وڵاته‌ و ئوسترالیا ڕایانگه‌یاند ئه‌و په‌ناخوازانه‌ى ڕه‌وانه‌ى ئه‌و وڵاته‌ ده‌كرێن هه‌ر له‌وێ نیشته‌جێ ده‌كرێن. 
هه‌روه‌ها سكۆت مۆریسۆن وه‌زیرى كۆچى ئوسترالیا ڕایگه‌یاند"ئه‌م مانگه‌ هیچ به‌له‌مێك نه‌گه‌یشتۆته‌ خاكه‌كانى ئوسترالیا هه‌روه‌ها وتى: یاساى توندى حكومه‌ت به‌رده‌وام ده‌بێت به‌رامبه‌ر په‌ناخوازانى نایاسایى.