Monday, April 29, 2013

ئەمریكیەكان كار بۆ بێ كاران دەدۆزنەوە


لەنوێترین پرۆژەیاندا كە سەرجەم شارەكانی عیراق و هەرێمی كوردستان دەگرێتەوە ئاژانسی ئەمریكی بۆ گەشەپێدانی نێودەوڵەتی(USAID) لەرێگەی پرۆگرامی فرص(FORAS)  كار بۆ گەشەپێدانی هێزی كاری عیراق و دۆزینەوەی دەرفەتی كار بۆ گەنجان دەكات.
ئەمڕۆ 29ی نیسان بەهرۆز محەمەد ساڵح پارێزگاری سلێمانی پێشوازی كرد لە وەفدێكی ئاژانسی ئەمریكی بۆ گەشەپێدانی نێودەوڵەتی(USAID) .

لەدیداریَكدا پرۆگرامی پەرەپێدانی هێزی كاری عیراق (FORAS) كە ئێستا ئاژانسەكە كاری لەسەر دەكات تاوتوێ‌ كرا.
وەفدی  USAIDی لەبارەی ئەو پرۆگرامەوە رایانگەیاند پرۆگرامەكە ماوەی دوو ساڵ دەخایەنێت و دەیانەوێت هاوكاری ئەو كەس و لایەنانە بكەن كە بەدوای كاردا دەگەرێن یاخود پێویستیان بە دەستی كار هەیە.

هەروەك ئەوەشیان خستەروو كە پرۆگرامەكە بەهاوكاریكردنی سەنتەرەكانی راهێنانی پیشەی كار بۆ ئەوە دەكات پەرە بە هێزی كاری عیراقی بدات و بەشێوەیەكی زانستی دەستی كاری عیراق پێ بگەیەنێت  بۆ ئەوەی بتوانن لە بازاری نوێی كاردا كاری گونجاویان دەست بكەوێت.

وەفدی ئاژانسی ئەمریكی بۆ گەشەپێدانی نێودەوڵەتی ئەوەشیان خستەروو كە لە شارەكانی هەرێمی كوردستانیدا هەمان پرۆگرام كار پێدەكەن و لەرێگەی تۆری ئینتەرنێت و تۆرە كۆمەڵایەتیەكان و وێب سایتی تایبەت بە پرۆگرامەكە ناو و سیڤی ئەوانە تۆمار دەكەین كە خوازیاری كاركردنن هاوكات  كۆنتاكت لەگەڵ ئەو كۆمپانیاو لایەنانەدا دەبەسترێت كە خوازیاری بەدەست هێنانی كارمەندی كارامەن.

ئەوەش روون كرایەوە كە پرۆگرامەكە بە پلەی یەكەم گرنگی بە كەرتی نەوت و گاز و كشتوكاڵ و بیناسازی دەدات و هەوڵدەدات ئاستی دەستی كار لەو بوارانەدا بەرز بكاتەوە.

ئەو ئاژانسە ئەمریكیە ئەوەشی خستەروو كە لەبواری بەرزكردنەوەی ئاستی هێزی كاردا گرنگی تایبەت بە خەڵكانی خاوەن پێداویستی تایبەت و بێ وەژن و ئاوارەكان دەدەن و كار دەكەن بۆ ئەوەی سەنتەرەكانی راهێنانی پیشەی ئاستیان بەرز بكرێتەوە بەجۆرێك بتوانن لەبوارە جۆراو جۆرەكاندا بروانامەی باوەڕ پێكراو بدەن بەو كەسانەی بەشداری خولەكانیان دەكەن.

لەبەرامبەردا بەهرۆز محەمەد ساڵح پشتیوانی خۆی بۆ كاری ئەو ئاژانسە دووپاتكردەوە پرۆگرامەكەی بە پرۆگرامێكی گرنگ وەسف كرد و رایگەیاند: لە هەرێمی كوردستاندا ئەو پرۆگرامە دەتوانێت سەركەوتنی باش بەدەست بهێنێت، لەبەر ئەوەی ژمارەیەكی زۆر لە كۆمپانیای بیانی بەشوێن دەستی كاری خۆماڵیدا دەگەڕێن و رەنگە نەتوانن بە ئاسانی پەیوەندیان پێوە بكەن، هاوكات ژمارەیەكی زۆر خاوەن بروانامە هەیە كە حكومەتی هەرێم ناتوانێت بۆ هەموویان كار لە كەرتی گشتیدا پەیدا بكات و رەنگە پێویستیان بەوە هەبێت كە ئاسیان بەرز بكرێتەوە بۆ ئەوەی بتوانن لە كەرتی تایبەتدا كاریان دەست بكەوێت

خه‌ندان-

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration

Sunday, April 28, 2013

ئاگاداری بۆ سه‌رجه‌م كاندیدكراوانی تواناسازی (ئه‌وانه‌ی تاوه‌كو ئێستا سه‌فه‌ریان نه‌كردووه‌)


له‌ ئاگادارینامه‌یه‌كدا كه‌ وێنه‌یه‌كی بۆ كوردیو ڕه‌وانه‌ كراوه‌ ،تیایدا وه‌زراتی په‌روه‌رده‌ ئاماژه‌ی به‌وه‌كردوه‌ كه‌ زۆر به‌په‌له‌ ، هه‌موو ئه‌و كاندیدكراوانه‌ی تواناسازی كه‌ تا ئێستا سه‌فه‌ریان نه‌كردوه‌ ،فۆرمێكی تایبه‌ت له‌ ماڵپه‌ری وه‌زاره‌تی پلان دانان داندراوه‌ و به‌ ززووترین كات پڕی بكه‌نه‌وه‌ .
هه‌روه‌ها هاتووه‌ ،ئه‌گه‌ ربێت و هه‌ر كاندیدكراوێك تا 5/1، ئه‌م فۆرمه‌ پڕ نه‌كاته‌وه‌ ، ئه‌وا مافی سوودمه‌ندبونی نامێنێت و كورسیه‌كه‌ی لێ وه‌رده‌گیرێته‌وه‌ ، له‌خواره‌وه‌ ده‌قی ئاگادارینامه‌كه‌ بخوێنه‌وه‌.




سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration

Wednesday, April 24, 2013

خوێندنی‌ باڵا: له‌ (4351) كاندیدی تواناسازی تا ئێستا (2200) كاندید سه‌فه‌ریان كردوه‌

ڕاوێژكاری وه‌زیری خوێندنی باڵاو توێژینه‌وه‌ی زانستی بۆ كاروباری زانستی وه‌ڵامی‌ خۆپیشاندانی‌ خوێندكارانی‌ به‌رنامه‌ی‌ تواناسازی‌ دایه‌وه‌و ڕاگه‌یاند له‌ كۆی ئه‌و (4351) كاندیده‌ی به‌رنامه‌ی تواناسازی تا ئێستا (2200) كاندید سه‌فه‌ریان كردوه‌و ئێستا له‌ زانكۆ به‌ناو بانگه‌كانی جیهان ده‌ستیان به‌كۆرسی زمان و خوێندنی ئه‌كادیمی كردوه‌.
ماڵپه‌ڕی‌ فه‌رمی‌ وه‌زاره‌تی‌ خوێندنی‌ باڵا بڵاویكرده‌وه‌، د. ئامانج سه‌عید ڕاوێژكاری وه‌زیری خوێندنی باڵاو توێژینه‌وه‌ی زانستی بۆ كاروباری زانستی له‌ كۆنفرانسێكی‌ رۆژنامه‌نوسیدا رایگه‌یاندووه‌ " به‌رنامه‌ی تواناسازی كه‌ یه‌كێكه‌ له‌ به‌رنامه‌ نوێیه‌كانی حكومه‌تی هه‌رێمی كوردستان هه‌موو كات پێویستی به‌ پێداچوونه‌وه‌ هه‌یه‌، بۆ ئه‌وه‌ی به‌سوود وه‌رگرتن له‌ هه‌ڵه‌كان به‌رنامه‌كه‌ به‌هێزتر بكه‌ین و كادیری باشتر بۆ داهاتوو پێبگه‌ێنین".
رونیشیكردووه‌ته‌وه‌ "ئه‌زمون بۆمانی ده‌رخست كه‌ یه‌كێك له‌و كێشانه‌ی كه‌ ڕوبه‌ڕووی كاندیده‌كان ده‌بێته‌وه‌ ئاستی زمانه‌ كاتێك كه‌ ڕوو ده‌كه‌نه‌ زانكۆ پێشكه‌تووه‌كان بۆ ته‌واوكردنی خوێندنه‌كانیان، بۆیه‌ وه‌زاره‌ت به‌سوود وه‌رگرتن له‌ ئه‌زمونی شاره‌زیان و پسپۆڕانی نێوده‌وڵه‌تی و ڕاوێژكردنێكی زۆر و به‌ڕچاوكردنی بنه‌مایه‌كی زانستی بڕیاریدا ئه‌وانه‌ی كه‌ ئاستی زمانیان نه‌گاته‌ پێنجی (ILTES) و هاوتاكانی ڕێگه‌ به‌كاندیده‌كان نه‌درێت سه‌فه‌ری خوێندن بكه‌ن، ئه‌وه‌ش له‌ پێناو پاراستنی كاندیده‌كانه‌ بۆ ئه‌وه‌ی له‌ كاتی سه‌فه‌كردنیان دووچاری كێشه‌و گرفتی جۆراو جۆری زمان نه‌بنه‌وه‌".
ئه‌وه‌شی‌ خسته‌ڕوو "بۆ هاریكاریكردنی كاندیده‌كانیش وه‌زاره‌تی بڕیاری كردنه‌وه‌ی شه‌ش سه‌نته‌ری زمانی له‌ زانكۆ حكومی و تایبه‌تیه‌كاندا بۆ ئه‌وه‌ی كاندیده‌كان له‌ماوه‌ی (6) مانگدا كۆرسی زمان ببین و ئاستی زمانه‌كانیان بگه‌ێننه‌ ئاستی پێویست كه‌ پێنجی (ILTES)ه‌، كه‌ ئه‌وه‌ش ئاستێكی زۆر به‌رز نیه‌، بۆیه‌ خوێندكاراو قوتابیان دوای ئه‌وه‌ی ئه‌و ئاسته‌ی زمان به‌ده‌ست ده‌هێنن كۆرسێكی دیكه‌ی (6) مانگیان له‌و وڵاته‌ بۆ ده‌كرێته‌وه‌ كه‌ سه‌فه‌ری بۆ ده‌كه‌ن تا ئاستی زمانه‌كانیان ده‌گاته‌ ئه‌و ئاسته‌ی كه‌ زانكۆكه‌یان داویان لێ‌ ده‌كات كه‌ له‌ شه‌ش و نیوی (ILTES) و به‌ره‌و سه‌ره‌وه‌یه‌".
سه‌باره‌ت به‌و داواكاریه‌ی خۆپیشانده‌ران كه‌ وه‌زاره‌ت هه‌ماهه‌نگی بكات له‌گه‌ڵ زانكۆ پێشكه‌تووه‌كان بۆ وه‌رگرتنی ئۆفه‌ر، د. ئامانج سه‌عید ڕاگه‌یاند "وه‌زاره‌ت (100%) پشتگیری ئه‌و داوایه‌یان ده‌كات و، هه‌ر بۆ ئه‌و مه‌به‌سته‌ش له‌ ڕابردوودا وه‌زاره‌تی خوێندنی باڵا و توێژینه‌وه‌ی زانستی چه‌ندین وه‌فدی ڕه‌وانه‌ی ده‌ره‌وه‌ كردوه‌، له‌هه‌مان كاتدا پێشوازی له‌ چه‌ندین وه‌فدی دیكه‌ كردوه‌ بۆ چۆنێتی وه‌رگرتنی ئۆفه‌ر بۆ كاندیداكان، ئه‌وه‌ جگه‌ له‌وه‌ی چه‌ندین پێشانگه‌ له‌ شاره‌كانی كوردستان كراوه‌ته‌وه‌ كه‌ زانكۆ به‌ناوبانگه‌كان به‌شداریان تێدا كردوه‌ بۆ ئه‌وه‌ی خوێنداران له‌ نزیكه‌وه‌ ئۆفه‌ر به‌ده‌ست بهێنن".
سه‌باره‌ت به‌و داوایه‌ش كه‌ هه‌ندێك له‌ زانكۆكان داوای ئاستی زمانیان لێ‌ ناكه‌ن، ڕاوێژكاری وه‌زیری خوێندنی باڵاو توێژینه‌وه‌ی زانستی بۆ كاروباری زانستی وتی‌ "هه‌موو زانكۆ پێشكه‌تووه‌كان داوای ئاستی زمان ده‌كه‌ن، ته‌نانه‌ت هه‌ندێك له‌ زانكۆ عه‌ره‌بیه‌كانیش هه‌مان داواكاریان هه‌یه‌، بۆیه‌ ئێمه‌ له‌ ڕه‌وانه‌كردنی كاندیداكان جه‌خت له‌سه‌ر كوالیتی زانكۆكان و پڕۆسه‌ی خوێندن ده‌كه‌ین، به‌هۆی ئه‌وه‌ی ئه‌م به‌رنامه‌یه‌ كار ده‌كات بۆ پێگه‌یاندنی سه‌ركرده‌كانی داهاتوو".
بۆ چاره‌سه‌ركردنی كێشه‌ی ڕه‌وانه‌كردنی موسته‌حه‌قاتی دارایی كاندیداكان، د. ئامانج سه‌عید رونیكرده‌وه‌ "له‌و بواره‌دا هه‌وڵی زۆر دراوه‌و ماوه‌ی ساڵ و نیوێكه‌ سه‌رقاڵی ڕێكخستنی ئه‌و بابه‌ته‌ین و ده‌مانه‌وێت چارسه‌ری ئه‌و كێشه‌یه‌ بكه‌ین، به‌ڵام به‌هۆی ئه‌وه‌ی سیسته‌می بانكی نیه‌، بۆیه‌ پاره‌كان به‌(كاش) ده‌درێت به‌كاندیداكان، به‌ڵام كاندیداكانی دڵیناكرده‌وه‌ كه‌ له‌ قۆناغی دروستكردنی سیسته‌می بانكین".
ڕاوێژكاری وه‌زیری خوێندنی باڵاو توێژینه‌وه‌ی زانستی جه‌ختی له‌سه‌ر ئه‌وه‌ كرده‌وه‌ كه‌ وه‌زاره‌تی خوێندنی باڵا له‌ ڕێگه‌ی ڕاوێژكاری سه‌رۆكایه‌تی ئه‌نجومه‌نی وه‌زیران بۆ كاروباری خوێندنی باڵا نوسراومان بۆ سه‌رۆكایه‌تی ئه‌نجومه‌نی وه‌زیران كرده‌وه‌ تا ئه‌و كاندیدانه‌ی كه‌ له‌ ناوه‌وه‌ی وڵات له‌ كۆرسی زماندا ده‌خوێنن ئه‌و ماوه‌یه‌یان به‌ مۆڵه‌تی خوێندن بۆ ئه‌ژمار نه‌كرێت، به‌ڵكو بكرێته‌ مۆڵه‌تی ڕاهێنان تا موچه‌كانیان وه‌ك خۆیان بۆیان خه‌رج بكرێت، وتیشی چاوه‌ڕێی وه‌ڵامی ئه‌و نوسراوه‌ ده‌كه‌ین.

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration


Tuesday, April 23, 2013

نوسینگەی سلێمانی ئەنجومەنی نوێنەرانی عێراق داواکاری پەنابەران ڕەوانەی پەرلەمانی کوردستان دەکات

نوسینگەی سلێمانی ئەنجومەنی نوێنەرانی عێراق، لەنوسراوێکی فەرمیدا داواکاری کوردانی بەزۆر نێردراوەی وڵاتانی ئەوروپا دەگەیەنێتە لیژنەی مافی مرۆڤی پەرلەمانی کوردستان و داوایان لێ دەکات کە ئاوڕیان لێ بدەنەوە. 
    نووسراوەکە لەسەر داوای ئەندامی ئەنجومەنی نوێنەرانی عێراق دکتۆرە"ئەشواق جاف"لەڕێگەی نوسینگەی سلێمانی ئەنجومەنی نوێنەرانی عێراقەوە ئاراستەی لیژنەی مافی مرۆڤی پەرلەمانی کوردستان کراوە و تیایدا داواکاری پەنابەرە دیپۆرتکراوەکانیووڵاتانی ئەوروپای لەگەڵدا هاوپێچ کراوە. 
  لەنووسراوەکەی نوسینگەی سلێمانی ئەنجومەنی نوێنەرانی عێراقدا ئاماژە بە ناهەمەمواری بارودۆخی ئەو کەسانە کراوە کە لە ئەوروپاوە بەزۆر ڕەوانەی هەرێمی کوردستان کراوەنەتەوە و داوا لە لیژنەی مافی مرۆڤی پەرلەمانی کوردستان کراوە ئاوڕیان لێ بداتەوە و ئەو کەسانەی پێش ئەوەی بچنە دەرەوەی وڵات کاری حکومیان هەبووە، بیانگێڕنەوە سەر کارەکانیان". 
  لەبەشێکی نوسراوەکەشدا باس لە هەژاری و خراپی باری ئابووری ئەو خێزانانە کراوە و هاتووە:"ئەو خێزانانە هیچ دەرامەتێکیان نییە تاکو بتوانن منداڵەکانیان وەکو هەموو هاووڵاتیەک لە قوتابخانەکانی هەرێمی کوردستاندا خوێندن تەواو بکەن ". 
  لەکۆتایی نوسراوەکەشدا وێرای ئەوەی ئاماژە بۆ ئەوە کراوە کە هەندێکیان کرێی خانووەکانیان زۆر بەسەختی بۆ دابین دەکرێت و داوا لە لیژنەی مافی مرۆڤی پەرلەمانی کوردستان کراوە بەدەنگ داواکاری ئەو کەسانەوە بچن و کاریان بۆ بکەن". 
  زیرەک عەبدولڕەحمان/م. 
(PNA)

Sunday, April 21, 2013

پێشانگاى زانکۆکانى تورکیا و بەڕیتانیا و ئەمریکا


کۆچى کوردان و کۆچ بۆ ئوسترالیا

نوێنەرى ژمارەیەک لە زانکۆکاتى بەڕیتانیا و ئەمریکا و تورکیا سەردانى شارى هەولێر دەکەن و قوتابیان و خوێندکاران دەتوانن ئۆفەر و کۆرسى زمان وەربگرن.. لە ڕۆژانى 21 و 22ى نیسان لە هۆتێل ڕۆتانا. کاتژمێر 2 بۆ 7ى ئيَواره..
Erbil
21-22 April 2013 
Rotana Hotel، Erbil
14:00 – 19:00

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration

Thursday, April 18, 2013

ئەڵمانیا چەند خێزانێكی كورد قەرەبوو دەكاتەوە


حكومەتی ئەڵمانیا چەند خێزانێكی كورد قەرەبوو دەكاتەوە ، كە رۆڵەكانیان لەلایەن رێكخراوێكی رەگەزپەرستی ئەڵمانی كوژرابوون. هەفتەی داهاتووش دانیشتنێكی دادگە بۆ بكوژانی ئەو هاووڵاتییە كوردانە بەڕێوەدەچێت.

وەزارەتی دادی ئەڵمانیا لە لێدوانێكدا ئاشكرایكردووە نزیكەی یەك ملیۆن یورۆ دەداتە خێزانی ئەو قوربانیانەی لە هێرشە رەگەزپەرەستییەكانی رێكخراوی سۆسیالیستی رەگەزپەرست NSUدا كوژران. 

بەپێی هەواڵێكی رۆژنامەی Neue Osnabrücker Zeitung ئەڵمانی كە سەرچاوەكەی لێدوانێكی وەزارەتی دادی ئەڵمانییە، حكومەت تائێستا 600هەزار یورۆی داوەتە 9 كەسوكاری قوربانیانیانی دەستی ئەو رێكخراوە.

بەپێی هەواڵەكە حكومەتی ئەڵمانیا 104 هەزار یۆرۆی داوەتە خێزانی ئەو ژنە پۆلیسەی پاسەوانی بانكێكی ئەڵمانیا بوو، كە لەلایەن ئەندامانی گرووپی NSU كوژرا.

جگە لە قوربانیانی كارەكانی NSU، وەزارەتی دادی ئەڵمانیا هەروەها بۆ هەندێك رووداوی دیكەش پارەی داوەتە زیانلێكەوتووان. لەوانەش لە 9ی حوزەیرانی 2004 لە شاری كۆێلن لە گەڕەكی Keupstrass هێرشێكی چەكداری ئەنجامدرابوو و 22 كەس برینداربوون. حكومەت 600 یورۆی داوەتە ئەو بریندارانەش.

بڕیارە دانیشتنێكی دیكەی دادگاییكردنی ئەندامانی رێكخراوی سۆسیالیستی رەگەزپەرست NSU كە 10 كەسی كورد، تورك و یۆنانیان كوشتووە، رۆژی17ی ئەو مانگە لە شاری میونشنی ئەڵمانیا بەڕێوەبچێ.

رووداو - بەرلین

Monday, April 15, 2013

زانكۆی ئه‌مریكی له‌ عیراق- سلێمانی پێشانگایه‌ك بۆ حه‌وت زانكۆی ئه‌مریكی ده‌كاته‌وه‌


به‌مه‌به‌ستی‌ له‌ نزیكه‌وه‌ ئاشنابوونی‌  فێرخوازانی كورد له‌گه‌ڵ جۆری خوێندن و چۆنیه‌تی پێشكه‌ش كردنی داواكاریی بۆ خوێندن له‌ زانكۆكانی ئه‌مریكا، زانكۆی ئه‌مریكی له‌ عیراق - سلێمانی پێشانگایه‌ك بۆ حه‌وت زانكۆی ئه‌مریكی ده‌كاته‌وه‌.

دالیا ئه‌مین رێكخه‌ری خزمه‌تگوزاری پیشه‌یی له‌ زانكۆی ئه‌مریكی له‌ عیراق، سلێمانی به‌ خه‌ندانی راگه‌یاند: "ئه‌م جۆره‌ پێشانگایانه‌ كه‌ زانكۆی ئه‌مریكی له‌ عیراق، سلێمانی رێكیخستووه‌ ده‌ستپێكه‌ بۆ دروستكردنی پردی په‌یوه‌ندیی له‌ نێوان فێرخوازانی كورد و زانكۆكانی ویلایه‌ته‌ یه‌كگرتووه‌كانی ئه‌مریكا".

لای‌ خۆیه‌وه‌ بژار بۆسكانی به‌رپرسی راگه‌یاندنی زانكۆی ئه‌مریكی وتی‌: "زانكۆكه‌مان به‌رده‌وام ئه‌م جۆره‌ چالاكییانه‌ رێكده‌خات بۆ خزمه‌تكردنی بواری خوێندنی باڵا و ئاسانكاری و ره‌خساندنی هه‌لی خوێندن بۆ فێرخوازانی هه‌رێمی كوردستان".
خه‌ندان – هۆگر كه‌مال

Sunday, April 14, 2013

ئاگادارییەک لە وەزارەتی خوێندنی باڵا و توێژینەوەی زانستییەوە


وه‌زاره‌تی خوێندنی باڵاوتوێژینه‌وه‌ی زانستی حكومه‌تی هه‌رێمی كوردستان 150 كاندیدی به‌رنامه‌ی تواناسازی ئاگادار ده‌كاته‌وه‌ كه‌ رۆژی یه‌كشه‌ممه‌ی داهاتوو (14ی نیسانی 2013) خۆیان یان بریكاره‌كانیان سه‌ردانی وه‌زاره‌تی خوێندنی باڵاوتوێژینه‌وه‌ی زانستی بكه‌ن بۆ وه‌رگرتنی مافه‌ داراییه‌كانیان.

ده‌قی ئاگادارییه‌كه‌:

سەرجەم ئەو کاندیدە بەرێزانەی بەرنامەی تواناسازی ئاگادار دەکەینەوە کە ناویان هاتووە لە لیستی ژمارە (٤) ساڵی ٢٠١٣دا کە هاوپێچ کراوە و بریتین لە ١٥٠کاندید، رۆژی یەکشەممە ٢٠١٣/٤/١٤  کاتژمێر١٠ ی سەرلەبەیانی خۆیان، یان بریکارەکانیان (وەکیل) سەردانی خاتوو (ئامیره‌ گاهر عبدالله) لە دیوانی وەزارەتی خویندنی باڵا ژمێریاری بکەن بۆ وەرگرتنی چەکی سەرفکردنی مافە داراییەکانیان، دواکات بو وەرگرتنی چەکەکان ڕوژی ٢٤-٤-٢٠١٣ دەبیَت.
تێبینی :
•     بریکار (وەکیل) ی کاندید پَیویستە وێنەی رەسەن (اصلی) و فۆتۆکۆپی رەنگاو ڕەنگی بریکارنامە (وەکالەت) و ناسنامەی باری شارستانی یان ڕەگەزنامەی عیراقی لەگەڵ خویدا بهیَنیَت.
•     پێویستە بریکار (وەکیل) ی کاندید، زنجیرەی ناوی کاندید وەک لە لیستی خوارەوە نوسراوە بزانیت.

•     چەکی سەرفکردنی مافە داراییەکان تەنها لە بانکی منارە لە شاری هەولیَر کاش دەکرێت .

•      تکایە بە هیچ شێوەیەک سەردانی سەرۆکایەتی ئەنجومەنی وەزیران مەکەن بۆ وەرگرتنی چەکی تواناسازی لە بەر ئەوەی چەکی پارە لە وەزارەتی خوێندنی باڵا وە دابەش دەکرێت. 

Wednesday, April 10, 2013

پێشانگاى نێودەوڵەتى خوێندنى باڵا لە هەولێر


بلۆگى کۆچى کوردان و کۆچ بۆ ئوسترالیا

هاوڕێیان ڕۆژانى 11 بۆ 13ى نیسان لە شارى هەولێر کۆنفڕانس و پێشانگاى خوێندنى باڵا لە عێراق لە هەولێر بەڕێوە دەچێت.. ئێوەش دەتوانن زانیارى تەواو سەبارەت بە بەشدارى کردن لەم دەرفەتەدا وەربگرن لەڕێگەى سایتى فەرمى کۆنفرانس و پێشانگاکەوە:
http://www.iheec-iraq.com/
ناوى خۆتان تۆماربکەن و بەشدارى بکەن.. 


سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration


Monday, April 8, 2013

په‌ناخوازێكی كورد به‌ڕیتانیا: وا هه‌سته‌كه‌م مرۆڤ نیم

دوو په‌ناخوازی‌ كورد له‌ یه‌كێك له‌ پاركه‌ گشتیه‌كانی‌ به‌ریتانیا، فۆتۆ: BBC

"له‌م وڵاته‌دا واهه‌ست ده‌كه‌م كه‌ مرۆڤ نه‌بم، چونكه‌ له‌ هه‌موو شتێك مه‌حروم كراوین" ئه‌مه‌ وته‌ی‌ په‌ناخوازێكی‌ كورده‌ كه‌ كه‌یسه‌كه‌ی‌ له‌لایه‌ن حكومه‌تی‌ به‌ریتانیاوه‌ ره‌تكراوه‌ته‌وه‌‌و ئێستا له‌بارودۆخێكی‌ مرۆیی‌ له‌ڕاده‌به‌ر خراپدا له‌شاری‌ گلاسكۆی‌ باكوری‌ به‌ریتانیا ژیان ده‌گوزه‌رێنێـت.
له‌راپۆرتێكی‌ كه‌ناڵی‌ (BBC) دا كه‌ له‌كۆتایه‌كانی‌ مانگی‌ رابردوودا بڵاوكراوه‌ته‌وه‌، ژیان‌و گوزه‌رانی‌ چه‌ندین په‌ناخواز كه‌ كه‌یسه‌كانیان ره‌تكراوه‌ته‌وه‌ خراوه‌ته‌ڕوو. 

ئاراس عه‌لی‌ ، ئه‌و په‌ناخوازه‌ كورده‌یه‌ كه‌ خۆی‌ وه‌ك خه‌ڵكی‌ شاری‌ كه‌ركوك به‌كه‌ناڵه‌كه‌ ناساندوه‌‌و باس له‌ خراپی‌ دۆخی‌ ژیانی‌ خۆی‌‌و 20 په‌ناخوازی‌ تر ده‌كات كه‌ وه‌ك ئه‌و كه‌یسه‌كانیان ره‌تكراوه‌ته‌وه‌‌و ژیانیان تابڵێت خراپه‌‌و ده‌ڵێت، "ده‌بێت ژیانمان چۆن بێـت كه‌ رۆژانه‌ ژیان له‌ناو كتێبخانه‌و سه‌رشه‌قامه‌كان به‌سه‌رده‌به‌ین". 

به‌وته‌ی‌ ئاراس، ماوه‌ی‌ پێنج ساڵه‌ له‌ به‌ریتانیایه‌‌و له‌و ماوه‌یه‌شدا سێ‌ جار كه‌یسه‌كه‌ی‌ ره‌تكراوه‌ته‌وه‌‌و ده‌ڵێت كه‌ به‌هۆی‌ خراپی‌ بارودۆخی‌ عێراقه‌وه‌ ناتوانێت بگه‌ڕێـته‌وه‌.

به‌پێی‌ ڕاپۆرته‌كه‌ی‌ BBC، ژماره‌ی‌ ئه‌و په‌ناخوازانه‌ی‌ كه‌ ئێستا له‌و وڵاته‌ن‌و كه‌یسه‌كانیان ره‌تكراوه‌ته‌وه‌ به‌شێوه‌یه‌كی‌ وورد دیارنیه‌، به‌ڵام كه‌ناڵه‌كه‌ به‌ 100 هه‌زار بۆ 500 هه‌زار مه‌زه‌نده‌یان ده‌كات كه‌ ماوه‌ی‌ چه‌ندین ساڵه‌ له‌و وڵاته‌ن‌و زۆربه‌یان خه‌ڵكی‌ وڵاته‌ هه‌ژاره‌كانن‌و مافی‌ په‌نابه‌رێتیان وه‌رنه‌گرتووه‌‌و جارێكی‌ تریش له‌پاش كۆچكردنیان توشی‌ هه‌ژاری‌ بوونه‌ته‌وه‌.  

به‌پێی‌ ئاماره‌ فه‌رمیه‌كانی‌ حكومه‌تی‌ به‌ریتانیا، 106 په‌ناخوازی‌ عێراقی‌ له‌ ساڵی‌ رابردوودا له‌ به‌ریتانیاوه‌ دیپۆرتی‌ عێراق كراونه‌ته‌وه‌‌و 305 په‌ناخوازی‌ تریش خۆبه‌خشانه‌ گه‌ڕاونه‌ته‌وه‌ بۆ عێراق. 

زانیاریه‌كان ئاماژه‌ بۆئه‌وه‌ده‌كه‌ن كه‌ كه‌یسی‌ په‌نابه‌رانی‌ عێراق زیاتر له‌ جاران ره‌تده‌كرێنه‌وه‌. له‌ ساڵی‌ 2012 دا ، ته‌نها 268 په‌ناخوازی‌ عێراقی‌ داوای‌ مافی‌ په‌نابه‌رێتیان له‌ به‌ریتانیا كردووه‌، به‌ڵام كه‌یسی‌ 162 كه‌سیان له‌یه‌كه‌م چاوپێكه‌وتندا ره‌تكراوه‌ته‌وه‌. 

سه‌باره‌ت به‌خراپی‌ بارودۆخی‌ ئه‌و په‌ناخوازانه‌ش، ئه‌نجومه‌نی‌ شاری‌ گلاسكۆی‌ به‌ریتانیا به‌توندی‌ ره‌خنه‌ له‌ سیاسه‌تی‌ كۆچی‌ به‌ریتانیا‌و وه‌زاره‌تی‌ ناوخۆی‌ ئه‌و وڵاته‌ ده‌گرێت‌و رایده‌گه‌یه‌نێت كه‌ وه‌زاره‌تی‌ ناوبراو به‌ئه‌نقه‌ست ئه‌و په‌ناخوازانه‌ تووشی‌ هه‌ژاری‌‌و بێ ڕێگه‌وجێگه‌یی‌ ده‌كات تا ناچاریان بكات ئه‌و وڵاته‌ به‌جێبهێڵن. 

له‌ وه‌ڵامیشدا ئاژانسی‌ پاراستنی‌ سنوره‌كانی‌ به‌ریتانیا رایده‌گه‌یه‌نێت كه‌ به‌پێی‌ یاسا ئه‌و په‌ناخوازانه‌ ده‌بێت ئه‌و وڵاته‌ به‌جێ‌ بهێڵن‌و به‌وه‌ش پێویست ناكات چیتر ژیان به‌و جۆره‌ له‌و وڵاته‌ به‌سه‌ربه‌رن.

هه‌ژار ته‌ها
Awene


سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration

بەپێی لێكۆڵینەوەیەك رێژەی هەژاری لە ئەڵمانیا لە هەڵكشاندایە


لە ژێر ناوی "چواره‌مین راپۆرتی هه‌ژاری و ده‌وڵه‌مه‌ندی سه‌باره‌ت به‌ قۆناغه‌ جیاوه‌زه‌کانی ژیانی مرۆڤی ئه‌ڵمان" لێكۆڵینەوەیەكی زانستی و کۆمه‌ڵایه‌تی بڵاو کراوه‌ته‌وه‌.
ژنە چالاكوانی كورد ئاراس نووری ئەحمەد تەها کورته‌یه‌کی ئەو راپۆرتەی لە ئەڵمانیەوە كردۆتە كوردی و تێدا هاتووە:
ئه‌م راپۆرته‌ هه‌ر 4 ساڵ جارێک ئاماده‌ ئه‌کرێت له‌سه‌ر ژیانی کۆمه‌ڵگای ئه‌ڵمان.
له‌م راپۆرته‌دا ئه‌م پۆینتانه‌م به‌رچاو که‌وت:
1. له‌گه‌ڵ ئه‌وا، که‌ ئابوری ئه‌ڵمانیا به‌ره‌و سه‌ره‌وه‌ ئه‌چێت له‌ گرافیکی ده‌وڵه‌مه‌ندیا، راده‌ی هه‌ژاری زیادی کردوه‌. له‌ 14% ساڵی 2007، بوه‌ته‌ 15،1 هه‌تا 16% له‌ ساڵانی 2011 و 2012
2. هه‌ژاری مناڵ و گه‌نجان په‌ره‌ی سه‌ندوه‌. 2،5 ملیۆن مناڵ له‌ژێر سنوری هه‌ژاریدا ئه‌ژین.
3. 1،6 ملیۆن مناڵ له‌ ژێر ته‌مه‌نی 15 ساڵان له‌ "لێواری هه‌ژاری" دا ئه‌ژین.
4. هه‌ژاری مناڵ و گه‌نجان له‌ ژێر ته‌مه‌نی 18 ساڵیه‌وه‌ ئه‌گاته‌ 19،4%
5. خوێندن په‌یوه‌ندی به‌ توانای ئابوری خێزانه‌وه هه‌‌یه. به‌راورد به‌ مناڵی پاره‌دار، مناڵی هه‌ژار، هه‌لی خوێندنیان که‌مه‌ و به‌ هۆی ئه‌مه‌وه‌، هه‌لی فێربونی پیشه‌سازی و دوابه‌دوای ئه‌وه‌، کارکردنیان که‌م ئه‌بێته‌وه.‌
6. ‌ 0،4% بوجه‌ی ئه‌ڵمانیا سه‌رف ئه‌کرێت بۆ خوێندن. واتا زۆر که‌م.
7. کارکردن و وه‌رگرتنی پۆستی تایبه‌ت به‌ یه‌کسانی دابه‌ش ناکرێت. نه‌ له‌سه‌ر بنه‌مای ره‌گه‌زی ژن و پیاو، نه‌ هه‌ژار و پاره‌دار.
8. ژن له‌و کارانه‌دا کار ئه‌کات، که‌ داهاتوه‌‌که‌ی زۆر که‌مه‌ و زۆریان کاری "کورته‌کات" ئه‌که‌ن و به‌ هۆی به‌خێوکردنی مناڵ و ئاگاداری که‌سو کاری پیر و ناساغ، ناگه‌نه‌ پله‌ و پایه‌ی به‌رز.
9. هه‌مو لایه‌نه‌کانی په‌یوه‌ندی به‌ به‌رگری و چاره‌سه‌رکردنی نه‌خۆشی و ئاگاداری ته‌ندروستی، بۆ پاره‌دار کراوه‌ته‌وه‌ و کۆمه‌لگای هه‌ژار و که‌م ده‌رامه‌ت لێی دوره.‌
10. هه‌تا بێت هه‌ژاری له‌ پیریدا و له‌ته‌مه‌نی خانه‌نشێنیدا زیاد ئه‌بێت.
ئه‌وانه‌ی که‌ 40 ساڵ کاریان کردوه‌ و پاره‌ی خانه‌نشینیان داوه‌ و جگه‌ له‌ خانه‌نشینی ده‌وڵه‌تی خه‌می تایبه‌تیان نه‌خواردوه‌ بۆ پیری، هه‌ژاری نه‌خۆشیان ئه‌خات و جاری وا هه‌یه‌ ناتوانن کرێی ماڵه‌که‌یان بده‌ن!
رووبەرنێت – ئیبراهیم عەباس

Thursday, April 4, 2013

بەبێ ڤیزا گەشتى جۆرجیا بکەن


کۆچى کوردان و کۆچ بۆ ئوسترالیا

هاوڕێیان لەمەودوا وەکو هەمیشە دەرفەتى کۆچ کردنى یاسایى، دەرفەتى کارکردن و خوێندنتان بۆ بڵاودەکەینەوە.. بە زنجیرەیەک بەبەردەوامى کۆچى یاساییتان بۆ وڵاتە جیاوازەکان پێدەناسێنین کە پێویست بە ڤیزا ناکات و ڕاستەوخۆ دەتوانن لە عێراقەوە گەشت بکەن بۆ ئەو وڵاتانە.
(جۆرجیا) یەکێکە لەو ولاتە ئەوروپیانەى دراوسێى تورکیا و ڕووسیایە و لەسەر دەریاى ڕەشە، و هاوڵاتیانى عێراقى بەبێ هیچ ڤیزایەک ڕاستەوخۆ دەتوانن گەشتى بۆ بکەن.. 
ئەم وڵاتە ڕووبەرێکى فراوانى هەیە و سروشتێکى خۆشى هەیە، لەهەمانکاتدا گەشت کردن بۆ ئەو وڵاتە و مانەوە تێیدا زۆر هەرزانە.. هاوڵاتیان و گەنجان دەتوانن بەشێوەیەکى یاسایى گەشت بکەن بۆ ئەوڵاتە و ڕاستەوخۆ لە هەولێرەوە..
کەسێک کە بیەوێت ببێتە پەنابەر لە وڵاتێکى بیانى دەتوانێت سەردانى جۆرجیا یاخود ئەو وڵاتانەى تر بکات کە لەداهاتوودا بۆتان باس دەکەین و لەو وڵاتە بچێتە کۆمسیۆنى باڵاى پەنابەرانى سەر بەنەتەوە یەکگرتووەکان و داواى مافى پەنابەرى بکات...


سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration

نزیكەی لەسەدا چواری هەموو پەناخوازانی جیهان بەڕەگەز عێراقین


بەپێی دواهەمین ڕاپۆرتی ساڵانەی كۆمیسیۆنی باڵای پەنابەرانی سەر بە نەتەوە یەكگرتووەكان، لە ساڵی 2012 دا  نزیكەی 19600 هاوڵاتی بەڕەگەز عێراقی داوای مافی پەنابەرێتیان لە ووڵاتە پیشەسازیەكانی جیهان كردووە، بەمەش ڕێژەی ژمارەی پەناخوازانی عێراق بە بەراود بە ساڵی 2011 ، كە 23700 پەناخواز بوون كەمیكردووە.
بەهۆی ئەو دابەزینەوەشە، عێراق لە ڕیزبەندی پێشەوەی ئەو پێنج ووڵاتەدا نەماوە كە هاوڵاتیەكانیان زۆرترین داوای مافی پەنابەرێتیان پێشكەش كردووە ودابەزیووە بۆ پلەی حەوتەم لە كاتێكدا لەساڵی 2011 دا لە پلەی سێیەمدا بووە. 

لەگەڵ ئەوەشدا هێشتا نزیكەی لەسەدا چواری هەموو پەناخوازانی جیهان بەڕەگەز عێراقی بوون لە ساڵی 2012 دا.

 بەپێی زانیاریەكانی ڕێكخراوی كۆچی نێودەوڵەتیش، لەساڵی 2012 دا، ئەو ڕێكخراوە ئاسانكاری كردووە بۆ گەڕانەوەی خۆبەخشی 2226 پەناخوازی عێراقی بۆ عێراق و بەوەش ژمارەی ئەو پەناخوازانەی كەلە ساڵی 2003 ەوە خۆبەخشانە گەڕاونەتەوە بۆ عێراق و ئاسانكاریان بۆكراوە و هاوكارییان پێشكەش كراوە لە لایەن ڕێكخراوی كۆچی نێودەوڵەتی گەشتۆتە 23793 كەس.
هەر بەپێی ڕاپۆرتەكەی كۆمیسیۆنی باڵای پەنابەرانی سەر بە نەتەوە یەكگرتووەكان، بەهۆی بەردەوامی توندوتیژیەكانی سوریاوە، ژمارەی ئەو هاوڵاتیە سوریانەی كە داوای مافی پەنابەرێتیان لە ووڵاتانی پێشكەوتوو كردووە بۆ ساڵی 2012 نزیكەی سێ‌ ئەوەندە زیادیكردووە، كە 24800 كەسن، بەبەراود بە ساڵی 2011 كە تەنها 8500 پەناخواز بوون. 

بەوەش سوریا لە ڕیزبەندی دووەمی ئەو ووڵاتانەیە كە هاوڵاتیانی زۆرترین داواكاریان بۆ مافی پەنابەرێتی پێشكەش كردووە بۆ ساڵی 2012.

ریزبەندی ئەو پێج ووڵاتەش كە زۆرترین داواكاریان پێشكەشكردووە بە ووڵاتانی پێشكەتوو بۆ ساڵی 2012، ئەفغانستان، سوریا، سربیا(وكۆسۆڤۆ)، چین، پاكستانن. 

بەگشتی 479300 كەس لە سەرتاسەری جیهان داوای مافی پەنابەرێتیان لەووڵاتانی پیشەسازی كردووە و بەوەش ڕێژەی داواكاری مافی پەنابەرێتی لەسەرتاسەری جیهاندا بە لەسەدا هەشت زیادیكردووە بەبەراود بەساڵی 2011.

سەرچاوە: ماڵپەری فەرمی كۆمیسیۆنی باڵای پەنابەرانی سەر بە نەتەوە یەكگرتووەكان 

  نامیلكەی چالاكیەكانی ڕێكخراوی كۆچی نێودەوڵەتی لە عێراق بۆ ساڵی 2012

هەژار تەها
هاوڵاتى


سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration

پێشانگای نێودەوڵەتی زانكۆكانی بەریتانیا لە زانكۆی ڕِاپەڕین


مژدە بۆ ئەو قوتابیانەی كە دەیانەوێت لە وڵاتی بەریتانیا (بەكالۆریۆس ، ماستەر ، دكتۆرا ، كۆرسی زمانی ئینگلیزی ) بخوێنن ، ئەوا كۆلیژی كامبریج هەڵدەستێت بە كردنەوەی پێشانگایەكی نێودەوڵەتی بۆ چەندین زانكۆی بەناوبانگی بەریتانیا لەم بوارەدا :
زانكۆكان :

Durham University , University of East Anglia , Newcastle University , Queen Mary University , Northumbria University , Huddersfiled University , INTO, Writtle College , Kings college , ISIS Education Group
شوێن : زانكۆی ڕاپەڕین / سكوڵی زانستەمرۆڤایەتیەكان
بەروار : 11/4/2013  كاتژمێر 10 ی بەیانی تاكو 5 ی ئێوارە بەردەوام دەبێت 

تێبینی / بۆ بەشداربووانی پێشانگاكە وەرگرتنی  قبوڵی  ئەكادیمی و زمان بە خۆرایی دەبێت   



سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration


لە ئەمریکا بخوێنە لەڕێگەى فوڵبرایتەوە


به‌رنامه ی‌ بایه‌خداری فوڵبرایت  بۆ به‌خششی خوێندن ، که‌ له‌ لایه‌ن کۆنگرێسی ئه‌مریکا و دوا سیناتۆری  ئه‌مریکی ویلیه‌م
ج.فوڵبرایت له‌ ساڵی 1946 ده‌ستی پێکرد، رێگه‌ ئه‌دات به‌ خوێندکارانی بیانی له‌ سه‌رانسه‌ری جیهان که‌ درێژه‌ به‌ خویندن بده‌ن  له‌ زانکۆکانی  ویلایه‌ته‌ یه‌کگرتوه‌کانی ئه‌مریکا، سه‌ره‌رای ئه‌وه‌ش په‌ره‌ بده‌ن به‌ خویندنی ئه‌کادیمی و پیشه‌ی باوه‌ر پێکراو  وه‌ زیاتر ئاشنا ببن به‌ کلتوره‌ جۆراو جۆره‌کانی گه‌لان. به‌شداریکردن له‌ به‌رنامه‌ی فوڵبرایت بۆ خوێندکارانی  بیانی رێگه‌ به‌ خوێندکاره‌ هه‌ڵاوێرکراوه‌کانی عێراق ئه‌دات بۆ ئه‌وه‌ی به‌شێوه‌یه‌کی راسته‌وخۆ ئه‌زمونی ژیان له‌ ئه‌مریکا تاقی بکه‌نه‌وه‌ ، خوێندکارانی فوڵبرایت ده‌رفه‌تی ئاڵ و گۆرکردنی رۆشنبیریی ده‌وڵه‌مه‌ندی وولاتی عێراقیان هه‌یه‌ له‌ گه‌ڵ ئه‌مریکیه‌کاندا و ده‌وری " خوێندکاری بالیۆز " ببینن، له‌ هه‌ردو بواری خوێندن و ئاماده‌ بوون له‌ پۆله‌کان و‌ ژیانی رۆژانه‌ دا.
خه‌رجی به‌خششی خویندن بۆ به‌رنامه‌ی فوڵبرایت درێژه‌ ئه‌کێشێت بۆ ماوه‌ی دوو ساڵ بۆ خوێندنی ماسته‌ر له‌ زانکۆ کانی ئه‌مریکا دا  که‌ له‌ وه‌رزی پایزی 2014 ده‌ست پێده‌کات . هه‌موو په‌یره‌و بواره‌کانی خوێندن فه‌راهه‌م کراون له‌ چوارچێوه‌ی ئه‌م به‌رنامه‌یه‌دا ، بیجگه‌ له‌ پزیشکی و دامه‌زراوه‌ ته‌ندروستیه‌کانی تردا . به‌رنامه‌که‌ کرێی خوێندن و گه‌شتی نێو ده‌وڵه‌تی  بۆ هاتن و چوون و مووچه‌ی ژیان و دڵنیایی ته‌ندروستی به‌ خوێندکاران  ئه‌ به‌خشێت . ئه‌مه‌ش هانده‌رێکه‌ بۆ عێراقیه‌کان له‌ هه‌ردو  ره‌گه‌زی نێر و مێ  له‌ هه‌موو به‌شه‌ کانی عێراق به‌ تۆماری خوێندنی جییاکراوه‌ و به‌رچاو که‌ داواکاری پێشکه‌ش بکه‌ن.
ئه‌و که‌سانه‌ی ئه‌توانن داوا کاری پێشکه‌ش بکه‌ن
داواکار ئه‌بێت:
·         هاولاتی عێراقی بن که‌ دانیشتووی عێراقن وه‌ به‌شێوه‌یه‌کی دیار بیسه‌لمێنن که‌ دوای ته‌واو کردنی خویندنه‌که‌یان ئه‌گه‌رێنه‌وه‌ بۆ عێراق.
·         خاوه‌نی براونامه‌ی به‌کالۆریوس بێت له‌ وێژه‌ ، یان به‌کالۆریۆس له‌ زانست له‌و کاته‌ی داواکاری پێش که‌ش ده‌کات.
·         زمانی ئینگلیزی  به‌ باشی بزانێت  بتوانێت نمره‌ی 550 یان زیاتر به‌دهست بێنێت له‌ تاقیکردنه‌وه‌ی توانستی  TOEFL    
·         ئامانجی توێژینه‌وه‌ کانیان و رونکردنه‌وه‌ی که‌سایه‌تی تایبه‌ت به‌ خۆیان بنوسن به‌ بی ئه‌وه‌ی له‌ ئینته‌رنێت کۆپی بکه‌ن یان له‌ هه‌ر سه‌رچاوه‌یه‌کی تر وه‌ری بگرن، ئه‌م شێوازی کۆپی کردنه‌ به‌ دزی ئه‌ده‌بی له‌قه‌ڵه‌م ئه‌درێت  و راسته‌و خۆ پێشکه‌ش کار داواکاریه‌که‌ی ره‌ت ئه‌کرێته‌وه‌.
 بۆ داواکردن تکایه‌ سه‌ردانی ئه‌م لینکه‌ بکه‌:
دوا مۆڵه‌ت بۆ  پێشکه‌ش کردن  30/4/2013

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration


Wednesday, April 3, 2013

هه‌وڵه‌كان به‌رده‌وامه‌ بۆ جێبه‌جێكرنی ڕێنمایی ژماره‌ (١٦٥)


له‌ ڕێكه‌وتی ١/٤/٢٠١٣ له‌ هه‌ندێك له‌ ماڵپه‌ڕه‌كانی كوردستان یاداشتێك بڵاوكراوه‌ته‌وه‌ كه‌ تیایدا نووسه‌ری یاداشته‌كه‌ باس له‌ ڕێنمایی ژماره‌ (١٦٥) ی حكومه‌تی عێراقی فیدراڵ ده‌كات، وه‌زاره‌تی خویندنی باڵا و توێژینه‌وه‌ی زانستی به‌پیویستی زانی ئه‌م ڕوونكردنه‌وه‌یه‌ بخاته‌ به‌رچاوی ڕای گشتیی و ئه‌و كاندیده‌ به‌ڕێزانه‌ی كه‌ له‌ ڕێگه‌ی مۆڵه‌تی خوێندنه‌وه‌ ده‌ستییان به‌ خوێندنی باڵا (ماسته‌ر/دكتۆرا) له‌ ده‌ره‌وه‌ی عێراق كردووه‌ .

ڕێنمایی ژماره‌ (١٦٥)ی وه‌زاره‌تی خوێندنی باڵای حكومه‌تی عێراقی فیدراڵ تایبه‌ته‌ به‌ ڕێكخستنی كاروباری ئه‌و به‌ڕێزانه‌ی كه‌ له‌ ڕێگه‌ی مۆڵه‌تی خوێندنه‌وه‌ په‌یوه‌ندییان كردووه‌ به‌ خوێندنی باڵا (ماسته‌ر/دكتۆرا) له‌ ده‌ره‌وه‌ی عیراق، ئه‌م ڕێنماییه‌ له‌ ڕێكه‌وتی (٢٥/٦/٢٠١١) ه‌وه‌ له‌ وه‌قایعی عێراقی بڵاوكراوه‌ته‌وه‌.

له‌گه‌ڵ ئه‌وه‌ی ڕێنمایی ژماره‌ (١٦٥) له‌ سه‌رده‌می كابینه‌ی پێشووی حكومه‌تی هه‌رێم نه‌چوبووه‌ بواری جێبه‌جێكردنه‌وه‌، به‌ڵام وه‌زاره‌تمان كاری جدی له‌سه‌ر كردووه‌ و له‌ كۆبوونه‌وه‌ی ئاسایی ژماره‌ (٥)ی ئه‌نجومه‌نی وه‌زاره‌تی خوێندنی باڵا و توێژینه‌وه‌ی زانستی له‌ ڕێكه‌وتی (١٣/١/٢٠١٣) دوای ئه‌وه‌ی به‌ وردی له‌لایه‌ن ئه‌ندامانی ئه‌نجومه‌نه‌وه‌ تاوتوێ كراوه‌، هه‌ر له‌ هه‌مان كۆبوونه‌وه‌دا بڕیاری لێدراوه‌ و دواتر فه‌رمانی وه‌زاری ژماره‌ (نووسینگه‌ /١٦٧) ی له‌ ڕێكه‌وتی (٢٢/١/٢٠١٣) پێ ده‌رچووه‌ به‌ واژۆی خودی جه‌نابی وه‌زیر بۆ جێبه‌جێكردنی.

به‌ڵام جێگه‌ی داخه‌ له‌ ئاكامی به‌ هه‌ڵه‌ لێكدانه‌وه‌ی لێدوانه‌كه‌ی به‌ڕێز وه‌زیر و نه‌بوونی زانیاری وورد له‌باره‌ی ئه‌و هه‌نگاوانه‌ی كه‌ نراون بۆ جیبه‌جێكردنی ئه‌م ڕێنماییه‌، نووسه‌ری ئه‌و یاداشته‌ گله‌یی ئامێزه‌ به‌شێوه‌یه‌كی ناڕه‌وا وه‌زیری خوێندنی باڵا و توێژینه‌وه‌ی زانستیی به‌ خه‌مسارد و بێمنه‌ت ناوزه‌د ده‌كات، لێره‌دا بۆ ده‌ستخستنه‌ سه‌ر ڕاستییه‌كان به‌پێویستی ده‌زانین ئه‌م زانیارییانه‌ی لای خواره‌وه‌ بخه‌ینه‌ڕوو:

یه‌كه‌م: وه‌زیری خوێندنی باڵا و توێژینه‌وه‌ی زانستی ڕۆڵی كاریگه‌ری هه‌بووه‌ له‌ دیراسه‌كردن و گفتوگۆكردن و بڕیاردان له‌سه‌ر جێبه‌جێكردنی ڕێنمایی ژماره‌ (١٦٥) له‌ كۆبوونه‌وه‌كه‌ی ئه‌نجومه‌نی وه‌زاره‌تدا و، هه‌ر به‌ڕێزیشیان به‌ واژۆی خۆی فه‌رمانی وه‌زاری ژمار (نووسینگه‌/١٦٧)ی له‌ ڕێكه‌وتی (٢٢/١/٢٠١٣) ده‌ركرد بۆ جێبه‌جێكردنی ئه‌م ڕێنماییه‌ له‌لایه‌ن زانكۆكانی كوردستانه‌وه‌، هه‌روه‌ها جه‌نابی وه‌زیر كاتێكی زۆری ته‌رخانكردبوو بۆ گفتوگۆكردن له‌گه‌ڵ ته‌واوی لایه‌نه‌ په‌یوه‌ندیداره‌كان بۆ شێوازی جێبه‌جێكردنی ئه‌م ڕێنماییه‌ و دانانی نه‌خشه‌ ڕێگه‌ی گونجاو بۆ چۆنێتی جێبه‌جێكردنی.

دووه‌م: وه‌زیری خویندنی باڵا و توێژینه‌وه‌ی زانستی نووسراوی ژماره‌ (نووسینگه‌ / ٤٠٨) ی له‌ ڕۆژی (٢٠/٢/٢٠١٣) ئاڕاسته‌ی سه‌رجه‌م زانكۆكانی هه‌رێمی كوردستان كردووه‌ بۆ ئه‌وه‌ی زانكۆكان زانیاری وورد ده‌رباره‌ی یه‌كه‌ به‌ یه‌كه‌ی ئه‌و به‌ڕێزانه‌ ئاماده‌ بكه‌ن كه‌ په‌یوه‌ندییان به‌ خوێندنی باڵا (ماسته‌ر/دكتۆرا) كردووه‌ له‌ده‌ره‌وه‌ی وڵات به‌ شێوازی (مۆڵه‌تی خویندن)، به‌ تایبه‌ت ئه‌و زانیارییانه‌ی كه‌ په‌یوه‌ندییان به‌و مه‌رجانه‌وه‌ هه‌یه‌، كه‌ له‌ ڕێنمایی ژماره‌ (١٦٥) دا ئاماژه‌یان پێكراوه‌، بۆ نمونه‌ (ساڵانی خزمه‌ت، ته‌مه‌ن، كۆ نمره‌ی به‌كالۆریۆس بۆ ئه‌وكاندیدانه‌ی په‌یوه‌ندییان به‌خوێندنی ماسته‌ره‌وه‌ كردووه‌ و كۆنمره‌ی ماسته‌ر بۆ ئه‌و كاندیدانه‌ی كه‌ په‌یوه‌ندییان به‌ خوێندنی دكتۆراوه‌ كردووه‌...هتد)، هاوكات له‌گه‌ڵ هه‌مان نووسراودا خشته‌یه‌كی تایبه‌تی بۆ ئاماده‌كردنی زانیارییه‌كان ئاڕاسته‌ی سه‌رجه‌م زانكۆكانی هه‌رێمی كوردستان كردووه‌ (وێنه‌یه‌ك له‌ نوسراوه‌كه‌ و خشته‌ی زانیارییه‌كان له‌گه‌ڵ ئه‌م ڕونكردنه‌وه‌یه‌دا هاوپێچ كراوه‌).

سێیه‌م: وه‌زاره‌تمان له‌ ئێستادا سه‌رقاڵی ئاماده‌كردن و یه‌كخستنی ته‌واوی زانیارییه‌كانه‌ به‌مه‌به‌ستی پۆلێنكردنی ئه‌و به‌رێزانه‌ی كه‌ ڕێنمایی ژماره‌ (١٦٥) ده‌یانگرێته‌وه‌. هه‌روه‌ها وه‌زیری خوێندنی باڵا هه‌موو هه‌وڵه‌كانی خستۆته‌گه‌ڕ بۆ ده‌سته‌به‌ركردنی بودجه‌و پیداویستییه‌كانی جێبه‌جێكردنی ئه‌م بڕیاره‌ به‌ هه‌ماهه‌نگیكردن له‌گه‌ڵ هه‌ردوو وه‌زاره‌تی دارایی و ئابووری و پلاندانان.

چواره‌م: وه‌زیری خویندنی باڵا و توێژینه‌وه‌ی زانستی به‌ ئاماده‌بوونی ڕاوێژكارانی وه‌زاره‌ت كۆبوونه‌وه‌ی تێروته‌سه‌لی له‌گه‌ڵ زیاتر له‌ (٢٠) نوێنه‌ری ئه‌و به‌ڕێزانه‌ ئه‌نجام داوه‌، كه‌ له‌ ڕێگه‌ی مۆڵه‌تی خوێندنه‌وه‌ په‌یوه‌ندییان به‌ خوێندنی باڵا (ماسته‌ر/دكتۆرا) له‌ده‌ره‌وه‌ی وڵات كردووه‌. له‌و كۆبوونه‌وه‌یه‌دا له‌ دیوانی وه‌زاره‌ت به‌ گیانی هاریكاری و لیكتێگه‌یشتن هه‌نگاوه‌كانی وه‌زاره‌ت بۆ جێبه‌جیكردنی ئه‌م بڕیاره‌ شیكراونه‌ته‌وه‌ و، ئاماده‌بووانی كۆبوونه‌وه‌كه‌ش به‌ چاوی ڕێز و پێزانینه‌وه‌ هه‌نگاوه‌كانی وه‌زاره‌تیان به‌رز نرخاندووه‌.

پێنجه‌م: ئه‌و جۆره‌ نووسینه‌ ڕه‌خنه‌ ئامێزه‌ بۆ وه‌زاره‌تمان جێگه‌ی سه‌رنج و تێڕامانه‌، سه‌رباری ئه‌و هه‌نگاوانه‌ی كه‌ وه‌زاره‌ت گرتویه‌تییه‌ به‌ر بۆ جێبه‌جێكردنی ڕێنمایی ژماره‌ (١٦٥)، چاوه‌ڕوان نه‌ده‌كرا كه‌ كاندیدێكی خوێندنی باڵا (ماسته‌ر/دكتۆرا) ئه‌و شێوازی زمانی نوسینه‌ زبره‌ به‌كار بهێنێت بۆ لێدوان له‌گه‌ڵ وه‌زاره‌تی خویندنی باڵا. له‌گه‌ڵ ئه‌وه‌شدا وه‌زیری خوێندنی باڵا و توێژینه‌وه‌ی زانستی جه‌خت ده‌كاته‌وه‌ له‌سه‌ر به‌رده‌وامبوونی له‌ به‌دواداچوون و چڕكردنه‌وه‌ی هه‌وڵه‌كان بۆ جێبه‌جێكردنی ئه‌و ڕێنماییه‌ بۆ ئه‌و به‌ڕێزانه‌ی كه‌ ده‌یانگرێته‌وه‌ به‌ بێ گوێدان به‌و هه‌ڵسه‌نگاندنه‌ی كه‌ له‌ یاداشت و بڵاوكراوه‌كه‌دا هاتووه‌. 

شه‌شه‌م: وه‌زیری خوێندنی باڵا و توێژینه‌وه‌ی زانستی به‌ درێژایی ژیانی كاركردنی له‌ بواری خوێندنی باڵا هه‌میشه‌ پشتیوانی ته‌واوی داخوازییه‌ ڕه‌واكانی قوتابیان/ خویندكاران و گه‌نجان و لاوانی كوردستان بووه‌، له‌ ماوه‌ی ده‌ستبه‌كاربوونیشی وه‌ك وه‌زیری خوێندنی باڵا چه‌ندین ده‌ستپیشخه‌ری و ده‌ستكه‌وتی گرنگی بۆ قوتابیان و خویندكاران ده‌سته‌به‌ر كردووه‌، جێگه‌ی شانازییه‌ بۆ وه‌زاره‌تمان كه‌ خودی وه‌زیر (به‌ شه‌خسی) به‌ داواداچوونی وورد بۆ ده‌سته‌به‌ركردنی ماف و داخوازییه‌كانی قوتابیان و خوێندكاران ده‌كات به‌تایبه‌ت له‌گه‌ڵ ئه‌نجومه‌نی وه‌زیران و ده‌سته‌ی باڵای به‌رنامه‌ی تواناسازی و وه‌زاره‌تی دارایی و ئابووری، لێره‌دا ده‌مانه‌وێت هه‌ندیك نمونه‌ی زیندوو له‌ كارو ده‌ستپیشخه‌رییه‌كانی وه‌زیری خوێندنی باڵا بخه‌ینه‌ڕوو:

1. هه‌ر له‌ دوای ده‌ستبه‌كاربوونی بڕیاریدا به‌ به‌رزكردنه‌وه‌ی میچی ته‌مه‌ن بۆ وه‌رگرتن له‌ زانكۆ و په‌یمانگاكان، بۆ خوێندنی به‌یانیان له‌ (٢٥) بۆ (٣٠) ساڵ، بۆ خوێندنی ئێواران له‌ (٣٠) بۆ (٣٥) ساڵ، بۆ خوێندنی پارالێڵ له‌ (٣٥) بۆ (٤٠) ساڵ و بۆ خوێندنی ماسته‌ر له‌ (٤٠) بۆ (٤٥) ساڵ.
2. ڕێگه‌دان به‌ده‌رچووانی ئاماده‌ییه‌كانی ساڵانی پیشووتر بۆ ئه‌وه‌ی بتوانن له‌ ڕێگه‌ی (قبوڵ مه‌ركه‌زی) داوا پیشكه‌ش بكه‌ن و له‌ زانكۆ و په‌یمانگه‌كانی هه‌ریم وه‌ربگیرێن، ئه‌م بڕیاره‌ یه‌كه‌مین جاره‌ له‌ مێژووی خویندنی باڵادا په‌یڕه‌و بكرێت، بۆ ئه‌مساڵی خوێندن (٢٤٤١) قوتابی و خوێندكار له‌ ده‌رچوانی ساڵانی پێشتر له‌ زانكۆ و په‌یمانگه‌كانی هه‌رێم وه‌رگیراون و سوودمه‌ند بوون له‌و بڕیاره‌.

3. بڕیاردان له‌سه‌ر به‌خشینی خوێندكاران و قوتابیانی خوێندنی ئێواران كه‌ له‌ ڕێگه‌ی ناوه‌ندی وه‌رگرتن (قبول مركزی)ه‌وه‌ وه‌رگیراون له‌ كرێی خویندن، كه‌ ساڵانه‌ ده‌بوایه‌ كرێی خویندن بده‌ن، هه‌روه‌ها بڕیاردرا له‌سه‌ر پێدانی ده‌رماڵه‌ و به‌شی ناوخۆیی به‌خوێندكاران و قوتابیانی خوێندنی ئێواران كه‌ له‌ ساڵانی نه‌وه‌ده‌كانه‌وه‌ لێی بێبه‌ش بوون، كه‌ به‌ هه‌زاران قوتابی و خوێندكار له‌م سێ بڕیاره‌ی وه‌زیری خوێندنی باڵا سوودمه‌ند بوون.

4. چاره‌سه‌ركردنی سه‌رجه‌م كێشه‌ و گرفته‌كانی كاندیده‌كانی به‌رنامه‌ی تواناسازی كه‌ گرنگترینیان كێشه‌ی موسته‌حه‌قاتی دارایی ئه‌و كاندیدانه‌ بوو، كه‌ خزمه‌تی وه‌زیفییان له‌ دوو ساڵ كه‌متر بوو كه‌ به‌ پێی یاسا ده‌بوایه‌ موچه‌و ده‌رماڵه‌كانیان ڕابگیرێت، هه‌روه‌ها چاره‌سه‌ركردنی كیشه‌ی موسته‌حه‌قاتی دارایی مۆڵه‌تی هاوڕێیه‌تی هاوسه‌ر و كیشه‌ی ماوه‌ی كۆرسی زمان و كێشه‌ی دواكه‌وتنی خه‌رجكردنی موسته‌حه‌قاتی دارایی كاندیده‌كان و ...هتد.

5. كردنه‌وه‌ی خوێندنی ئێواران له‌ زۆربه‌ی زانكۆكانی كوردستان بۆ ئه‌و مامۆستا به‌ڕێزانه‌ی كه‌ له‌ چوارچێوه‌ی وه‌زارتی په‌روه‌رده‌ كار ده‌كه‌ن و بڕوانامه‌ی به‌كالۆریۆسیان نییه‌ به‌ مه‌به‌ستی ته‌واوكردنی خوێندنی به‌كالۆریۆس و په‌ره‌پێدانی توانای زانستی و به‌رزكردنه‌وه‌ی بڕوانامه‌ و پله‌ی وه‌زیفییان.

6. لێبوردنی خوێندكاران و قوتابیانی خوێندنی سیستمی پارالێڵ له‌ (٥٠%) ی كرێی خوێندنیان.

له‌ كۆتاییدا وه‌زیری خوێندنی باڵا و توێژینه‌وه‌ی زانستیی ئه‌و كاندیده‌ به‌ڕێزانه‌ دڵنیا ده‌كاته‌وه‌ كه‌ له‌ چوارچێوه‌ی مۆڵه‌تی خویندن دا په‌یوه‌ندییان به‌ خویندنی باڵا (ماسته‌ر/دكتۆرا) كردووه‌ له‌ ده‌ره‌وه‌ی وڵات كه‌ له‌ هه‌وڵه‌كانی خۆی له‌گه‌ڵ لایه‌نه‌ په‌یوه‌ندیداره‌كان به‌رده‌وام ده‌بێت بۆ ئه‌وه‌ی به‌ شێوازێكی یاسایی ڕێنمایی ژماره‌ (١٦٥) جێبه‌جی بكرێت، له‌ ئیستادا هه‌نگاوی گرنگ نراوه‌ و به‌شی هه‌ره‌ زۆری ئاماده‌كارییه‌كانیش ته‌واو بووه‌

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration


Tuesday, April 2, 2013

ژماره‌یه‌ك قوتابی تواناسازی ، له‌لایه‌ن زانكۆكانیانه‌وه‌ هەره‌شەی راگرتنی خوێندن و ناردنەوەیان لێدەكرێت


ژمارەیەك قوتابی ماستەرو و دكتورا بە هۆی خه‌رجنه‌كردن و دواخستنی ده‌رماڵەی ژیان و رسومی خوێندن لە لایەن زانكۆكانیانەوە هەره‌شەی راگرتنی خوێندنەگەو ناردنەوەیان لێدەكرێت ، چونكه‌ لە كاتی یاسایی و دیاریكراوی خۆیدا رسومی خوێندنیان پێشكەش بە زانكۆكانیان نەكردوە .
ئه‌و قوتابیانه‌ رایده‌گه‌یه‌نن كه‌ زیاد لە چەند مانگێكه‌ پەیوەندیان بە وەزارەتی خوێندنی باڵاوه‌ كردووه‌ و لە سەر داوای وەزارەت چوار جار دۆكیۆمێنتەكانیان رەوانەی وەزارەت كردوەتەوە .
دوێنێش 31/3 له‌ سه‌ر تۆری كۆمەڵایەتی فەیسبوك داوا لە ژمارەیەك لەو خوێندكارانە كراوە بگەرێنەوە وەزارەت یان وەكیلەكانیان بنێرن بو ئەوەی (قرار ضم)یان بۆ بكرێت ، ئه‌وه‌ش له‌ كاتێكدایه‌ ژمارەیەكیان زیاتر لە دوو ساڵە (قرار ضم)یان بو دەرچوەو نزیكی تەواو كردنی خوێندنەكەیانن .
بڵاوكردنەوە ئەم ئاگاداریەش نیگەرانی لای قوتابیان دروست كردوە بەو پێیەی (قرار ضم)بۆ قوتابیه‌ك دەردەچێت كه‌ هێشتا  سەفەری نەكردبێت یان دەستی بە خوێندن نەكردبێت .


سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration

ئەندامانى پەرلەمانى کوردستان لەمالیزیا چاویان بەقوتابیانى کورد دەکەوێت


ڕۆژى شەممە بەرواری ٣١/٣/٢٠١٣ ، چەند ئەندامێکى پەڕلەمانی کوردستان کەپێکهاتبوون لە بەڕێزان ( عەدنان عوسمان، عومەر هەورامی، سەمیر سەلیم ) چاویان کەوت بەژمارەیەکى بەرچاو لەقوتابیانى کورد لەمالیزیا لەشارى جهور باهرو، بەمەبەستی گوێگرتن لەکێشەو گرفتەکانیان و ئاشنابوون پێیان لەنزیکەوە.. لەدیدارەکەدا کەنزیکەى 2 کاتژمێرى خایاند بەوردى گوێبیستى هەموو گرفت و پێشنیارەکان بوون، پاشتریش ڕونکردنەوەیان لەو بارەیەوە پێشکەش کرد.

هەروەها ئاماژەیان بەوەکرد کەئەوان بۆ ئەرکێکى تایبەتى خۆیان هاتوون، بەڵام بەپێویستیان زانیوە دیدارى دۆستانە لەگەڵ کوردانى دانیشتووى مالیزیا ساز بکەن. سەبارەت بەکێشەو پێشنیارەکانیشیان پەیمانیان پێدان کەزۆر بەگرنگیەوە لێى بڕوانن و بەجدى بەدواداچوونى بۆ بکەن و ئاراستەى کەس و لایەنى پەیوەندیدارى بکەن، بەو هیوایەى ڕۆڵیان هەبێت لەچارەسەرى کێشەکاندا.
شایەنى باسە دیدارەکە بوویە مایەى خۆشحاڵى هەموولایەک و قوتابیانيش خوازیاربوون کەهەرکات هەر بەرپرس و کار بەدەستێک سەردانى مالیزیاى کرد دەرفەت هەبێت بۆ دیدارو ئاشنابوون بەکێشەو گرفتەکان و ئاگابوون لەپێشکەوتن و ئاستى قوتابیان. 

پێشانگاى خوێندنى باڵا لە هەولێرو سلێمانى بەڕێوەدەچێت

به‌ به‌شداری‌ زیاتر له‌ 10 زانكۆی‌ به‌ناوبانگی‌ به‌ریتانی‌ ، تیمی‌ گه‌شتی‌ په‌روه‌رده‌ی‌ به‌ریتانی‌ دوو پێشانگای‌ په‌روه‌رده‌یی‌ له‌ شاری‌ سلێمانی‌ و هه‌ولێر ده‌كه‌نه‌وه‌. ڕاگری‌ فاكه‌ڵتی‌ په‌روه‌رده‌ی‌ بنه‌ڕه‌تی‌ و وه‌رزش له‌ زانكۆی‌ سلێمانی‌ پڕۆفیسۆری‌ یاریده‌ده‌ر دكتۆر عه‌باس مسته‌فا له‌ لێدوانێكی‌ تایبه‌تدا ئه‌و هه‌واڵه‌ پشتڕاستكرده‌وه‌و ڕایگه‌یاند: سبه‌ینێ، سێشه‌ممه‌ 2/4/2013، ئه‌و پێشانگایه‌ له‌ هۆڵی‌ فاكه‌ڵتی‌ په‌روه‌رده‌ی‌ بنه‌ڕه‌تی‌ له‌ كه‌مپی‌ نوێی‌ زانكۆی‌ سلێمانی‌ ده‌كرێته‌وه‌ به‌ ئامانجی‌ دروستكردنی‌ په‌یوه‌ندیه‌كی‌ ڕاسته‌وخۆ له‌ نێوان نوێنه‌ری‌ ئه‌و زانكۆیانه‌و ئه‌و خوێندكارانه‌ی‌ كه‌ ده‌یانه‌وێت ئۆفه‌ری‌ خوێندن له‌و زانكۆیانه‌ وه‌ربگرن. له‌ درێژه‌ی‌ وته‌كانیدا دكتۆر عه‌باس ئاماژه‌ی‌ بۆ ئه‌وه‌كرد: ئه‌م پێشانگایه‌ ته‌نها تایبه‌ت نیه‌ به‌ خوێندكاران ، به‌ڵكو خه‌ڵكی‌ ئاسایی‌ و فه‌رمانبه‌رانیش ده‌توانن سود له‌و ده‌رفه‌تانه‌ ببینن نه‌ك ته‌نها بۆ خوێندنی‌ بالاَی‌ ئه‌كادیمی‌ به‌ڵكو بۆ به‌شداریكردن له‌ مه‌شق و ڕاهێنانه‌كانی‌ ئه‌و زانكۆیانه‌ به‌مه‌به‌ستی‌ بره‌ودان به‌ تواناكانیان له‌و بوارانه‌ی‌ خۆیان هه‌ڵیده‌بژێنرن. له‌ وه‌لاَمی‌ پرسیارێكدا كه‌ ئاخۆ كێشه‌ی‌ وه‌رگرتنی‌ فیزای‌ به‌ریتانی‌ بۆ خه‌ڵكی‌ هه‌رێمی‌ كوردستان تاچه‌ند ئاسانكاری‌ بۆ كراوه‌ ، د. عه‌باس وتی‌ "له‌ ئێستادا خوێندكاران پێویست ناكات سه‌ردانی‌ به‌غدا یان عه‌ممانی‌ پایته‌خی‌ ئوردن بكه‌ن به‌مه‌به‌ستی‌ وه‌رگرتنی‌ فیزای‌ به‌ریتانی‌ و ده‌توانن داواكاریه‌كانیان له‌ ڕێگه‌ی‌ ئۆفیسی‌ ئه‌نجومه‌نی‌ به‌ریتانی‌ (British Council) له‌ هه‌ولێر پێشكه‌ش بكه‌ن و ئاسانكاری‌ باشیش له‌و ڕووه‌و كراوه‌" د.عه‌باس ئاماژه‌ی‌ بۆ ئه‌وه‌كرد كه‌ ئه‌م جۆره‌ په‌یوه‌ندیانه‌ له‌گه‌ڵ زانكۆكانی‌ به‌ریتانیا به‌رده‌وام ده‌بێت و ئه‌وانیش خۆشحاڵن كه‌ ئاسانكاری‌ زیاتر بۆ خوێندكارانی‌ كوردستان بكه‌ن چونكه‌ به‌ ووته‌ی‌ ئه‌و خوێندكاران له‌ پاش ته‌واوكردنی‌ خوێندنه‌كانیان ده‌گه‌ڕێنه‌وه‌ بۆ هه‌رێمی‌ كوردستان و داوای‌ مافی‌ په‌نابه‌رێـتی‌ له‌و ولاَته‌ ناكه‌ن. به‌پێی‌ ڕاگه‌یاندراوه‌كه‌ی‌ تیمی‌ گه‌شتی‌ په‌روه‌رده‌ی‌ به‌ریتانی‌، پێشانگاگه‌ له‌ ڕۆژانی‌ چوارشه‌ممه‌ و پێنچ شه‌ممه‌ی‌ داهاتوو له‌ شاری‌ هه‌ولێریش له‌ هۆڵی‌ ئوتێل هه‌ولێری‌ نێوده‌وڵه‌تی‌ ده‌كرێته‌وه‌..
ئاماده‌كردنی‌ : هه‌ژار ته‌ها – په‌یام


سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration