Sunday, February 23, 2014

پێشانگاى زانکۆ جیهانیەکان لە شارى هەولێر


1601190_596286447120616_51080324_nپێشانگاى زانکۆ جیهانیەکان لە شارى هەولێر لە هوتێلى دێدەمان لە ڕۆژانى (8-9 / 03 / 2014) بە بەشدارى چەندین زانکۆى نێودەوڵەتى لە ووڵاتانى بەریتانیا، ئیتالیا، مالیزیا، تورکیا، قوبرس، سوید و هیندستان. لە هەردوو ڕۆژى پێشانگا وەرگرتنى ئۆفەر بە خۆڕایى دەبێ.

Universities from UK, Italy, Malaysia, Turkey, Cyprus, India and Sweden will attend. Offers will be free for BSc. MSc. and PhD Candidates. Erbil - Dedaman Hotel - 60m street. from 01:00pm - 06:00pm 8-9/03/2014

بمشاركة جامعات من بريطانيا وايطاليا وتوركيا وقبرص وهند وسويد للمعرض الذي يقام في اربيل - فندق ديدمان - شارع 60 متر. القبول يكون مجانا ايام المعرض للطلاب الراغبين بدراسة بكلوريوس ما1898012_596853863730541_630340453_nجستير ودكتوراه


سێ زانكۆی‌ تری‌ تایبه‌ت له‌ هه‌رێمی‌ كوردستان ده‌كرێته‌وه‌


zanko1922014-bbبه‌رپرسانی‌ وه‌زاره‌تی‌ خوێندنی‌ باڵاوتوێژینه‌وه‌ی‌ زانستی‌ حكومه‌تی‌ هه‌رێمی‌ كوردستان رایده‌گه‌یه‌نن بۆ ساڵی‌ داهاتوو سێ زانكۆی‌ تری‌ تایبه‌ت له‌ هه‌رێمی‌ كوردستان ده‌كرێته‌وه‌  دوو له‌وانه‌ ئه‌مریكی‌ و به‌ریتانین ، به‌مه‌ش ژماره‌ی‌ ئه‌و زانكۆیانه‌ ده‌گاته‌ 11 زانكۆ و سێ لقی‌ زانكۆ.
 
د. جه‌مال كه‌مال حسێن به‌رێوه‌به‌ر خوێندنی‌ ئه‌هلی‌  له‌وه‌زاره‌تی‌ خوێندنی‌ باڵا و توێژینه‌وه‌ی‌ زانستی‌ حكومه‌تی‌ هه‌رێمی‌ كوردستان به‌خه‌ندانی‌ راگه‌یاند : بۆ ساڵی‌ خوێندنی‌ داهاتوو (2014- 2015)سێ زانكۆی‌ تری‌ تایبه‌ت  له‌ هه‌رێمی‌ كوردستان ده‌كرێته‌وه‌، ئه‌وانیش (زانكۆی‌ ئه‌مه‌ریكی‌ له‌  پارێزگای‌ دهۆك و زانكۆی‌ به‌یان بۆ زانست و ته‌كنه‌لۆژیا  و لقی‌ زانكۆی‌ ستارتفۆرتی‌ به‌ریتانی‌   له‌ پارێزگای‌  هه‌ولێر)ن.
 
د. جه‌مال كه‌مال وتیشی‌: جگه‌ له‌و سێ زانكۆیه‌ داواكاری‌ بۆ كردنه‌وه‌ی‌ ژماره‌یه‌كی‌ تری‌ زانكۆی‌ تایبه‌ت یان لقی‌ زانكۆی‌ تایبه‌ت پێشكه‌ش به‌لایه‌نی‌ په‌یوه‌ندار كراوه‌، به‌ڵام دیار نییه‌ له‌و ژماره‌یه‌ چه‌ندیان ره‌زامه‌ندی‌ وه‌رده‌گرێت .
 
به‌رێوه‌به‌ر خوێندنی‌ ئه‌هلی‌ روونیشیكرده‌وه‌ : به‌گوێره‌ی‌ یاسای‌ زانكۆ تایبه‌ته‌كان دوای‌ پێشكه‌شكردنی‌ داواكارییه‌كان  بۆ كردنه‌وه‌ی‌ زانكۆی‌ تایبه‌ت له‌ هه‌رێمی‌ كوردستان له‌لایه‌ن به‌رێوه‌به‌رایه‌تی‌ دڵنیایی جۆری‌ هه‌ڵسه‌نگاندنی‌ بۆ ده‌كرێت  ، له‌وانه‌ هه‌ندێكیان راسته‌وخۆ ره‌تده‌كرێته‌وه‌ و هه‌ندێكی‌ تر ئاراسته‌ی‌ لیژنه‌ی‌ بالاَی‌ هه‌ڵسه‌نگاندن ده‌كرێت، دواتر پێویستی‌ به‌ ره‌زامه‌ندی‌ ئه‌نجومه‌نی‌ وه‌زاره‌تی‌ خوێندنی‌ بالاَ و ئه‌نجومه‌نی‌ وه‌زیرانی‌ كوردستان ده‌بێت.
 
به‌ مه‌به‌ستی‌ رێكخستنه‌وه‌ی‌ زانكۆ تایبه‌ته‌كانی‌ هه‌رێم و رێكخستنیان له‌گه‌ڵ وه‌زاره‌تی‌ خوێندنی‌ باڵا و داموو ده‌زگاكانی‌ تری‌ هه‌رێم ،  رۆژی‌ 26/12 /2012 یاسا زانكۆ تایبه‌ته‌كان به‌ زۆرینه‌ی‌ ده‌نگ له‌په‌رله‌مانی‌ كوردستان په‌سند كرا.
 
له‌كاتی‌ ئێستا 13 زانكۆی‌ حكومی و نۆ زانكۆی‌ تایبه‌ت و 2لقی‌ زانكۆ له‌ هه‌رێمی‌ كوردستان هه‌یه‌، به‌كردنه‌وه‌ی‌ ئه‌و سێ زانكۆیه‌ش  ژماره‌ی‌ زانكۆ تایبه‌ته‌كان ده‌گاته‌ 11زانكۆ و سێ لقی‌ زانكۆ  ، كه‌ زۆربه‌ی‌ ئه‌و زانكۆیانه‌  دوای‌ ڕاپه‌رین و زیاتر دوای‌ پرۆسه‌ ئازادی‌ عێراق له‌ ساڵی‌ 2003 كراوه‌ته‌وه‌ ، ژماره‌یه‌كیشان به‌هۆی‌ كه‌موریه‌كانیان داخراون.
خه‌ندان – ره‌هێل سه‌مه‌د

Thursday, February 20, 2014

چیرۆكی‌ دزینی‌ دوو ئۆتۆمبێل له‌ هۆڵه‌نداو هێنانیان بۆ دهۆك


دزینی ئۆتۆمبێل له‌ ئه‌وروپاوه‌ بۆ هه‌رێمی كوردستان په‌ره‌ده‌سێنێت و KNN  له‌به‌داواچونێكدا،  چیرۆكی‌  دزینی دوو ئۆتۆمبێل  له‌كۆمپانیایه‌كی‌ به‌كرێدانی‌ ئۆتۆمبێل ده‌خاته‌ڕوو،  كه‌ خاوه‌نه‌كه‌یان له‌رێی‌ سیسته‌می‌ (تراك ئاند تره‌یس)وه‌،  بۆی‌ ئاشكراده‌بێت كه‌ ئۆتۆمبیله‌كانی‌ له‌رێی‌ توركیاوه‌ هێنراوه‌ته‌ شاری‌ دهۆك‌و دوای‌ ئه‌وه‌ دێته‌ هه‌رێم و داوای‌ یاسایی‌ تۆمار ده‌كات، ئۆتۆمبێله‌كانی وه‌رده‌گرێته‌وه‌و له‌گه‌ڵ خۆیدا ده‌یانباته‌وه‌ بۆ وڵاته‌كه‌ی .



په‌ناخوازێكى كوردى فه‌یلى له‌ ئوسترالیا ده‌كوژرێت



078907-d1c8a41e-9947-11e3-ae2a-c06439f32ae2
كۆچ بۆ ئوسترالیا و كۆچى كوردان

ئوسترالیا و پاپوا نیوگینیا بڕیاروایه‌ به‌شێوه‌یه‌كى هاوبه‌ش لێكۆڵینه‌وه‌ بكه‌ن له‌باره‌ى بارودۆخى په‌ناخوازان و ئه‌و ته‌نگژانه‌ى له‌ ناوه‌ندى ده‌ستبه‌سه‌ركردن له‌ مانوس ڕویداوه‌ و له‌هه‌وڵى هێوركردنه‌وه‌یدان. 
به‌هۆى ئه‌و نائارامیه‌وه‌ كه‌ ڕۆژى یه‌ك شه‌ممه‌ ده‌ستى پێكرد و تاوه‌كو شه‌وى دوو شه‌ممه‌ به‌رده‌وام بوو، په‌ناخوازێكى ئێرانى كوژراوه‌و نزیكه‌ى هه‌شتا كه‌شى تر بریندار بوون. 
به‌پێى هه‌واڵه‌كان، هۆكارى كوژرانى ئه‌و په‌ناخوازه‌ ئێرانیه‌ له‌ئێستادا ئاشكرا نه‌بووه‌..
به‌پێى دواهه‌مین زانیاریه‌كان ئه‌و په‌ناخوازه‌ى كه‌ سه‌ره‌تا وابڵاوكرایه‌وه‌ ئێرانیه‌و كوژراوه‌، كوردێكى فه‌یلى بووه‌..، كه‌ له‌ژێر هه‌ڕه‌شه‌ى له‌ناوبردندان له‌ ئێران وه‌كو كه‌مه‌نه‌ته‌وایه‌تیه‌ك. 
ئه‌مه‌ له‌كاتێكدایه‌ كه‌ پێته‌ر ئۆو نێیل ڕایده‌گه‌یه‌نێت لێكۆڵینه‌وه‌كانیان به‌رده‌وامیان هه‌یه‌ له‌باره‌ى بارودۆخه‌كه‌وه‌..

Monday, February 17, 2014

ئه‌رمینیا ئاسانكارى گه‌شت بۆ عێراقیه‌كان ده‌كات و كونسوڵگه‌رى هه‌ولێر ده‌كاته‌وه‌


NB-93275-635282318457507288 وه‌زاره‌تی ده‌ره‌وه‌ی ئه‌رمینیا ئاشكرایكرد له‌گه‌ڵ حكومه‌تی عێراقدا حه‌وت ڕێكه‌وتنامه‌ی  هاوبه‌شیان ئیمزا كراوه‌ یه‌كێكیان تایبه‌ته‌ به‌هه‌ڵگرتنی باج له‌ نێوان هه‌ردو وڵاتداو ، به‌م نزیكانه‌ش كونسوڵگه‌ری خۆی له‌ شاری هه‌ولێر ده‌كاته‌وه‌.
 ئیدوارد نالباندیان وه‌زیری ده‌ره‌وه‌ی ئه‌رمینیا له‌ كۆنفڕانسێكی ڕۆژنامه‌نوسی هاوبه‌شدا له‌گه‌ڵ هۆشیار زێباری وه‌زیری ده‌ره‌وه‌ی عێراق له‌ به‌غدا ڕایگه‌یاند، ئه‌رمینیا هاوڕایه‌‌و شان به‌ شانی عێراق ده‌وستێته‌وه‌ ده‌رباره‌ی چه‌ندین كێشه‌ له‌ عێراقدا. 
 
نالباندیان ئاماژه‌ی به‌وه‌كرد هه‌ردو وڵات چه‌ند ڕێكه‌وتنامه‌یه‌كی هاوبه‌شیان ئیمزا كردووه‌، له‌وانه‌ كردنه‌وه‌ی هێڵی ئاسمانی له‌ نێوان هه‌ردو وڵات‌و كارئاسانی بۆ هاتوچۆی عێراقیه‌كان بۆ ئه‌رمینیاو، له‌ گرنگترینیان هه‌ڵگرتنی باجه‌ له‌ نێوان هه‌ردو وڵاتدا.
 
وه‌زیری ده‌ره‌وه‌ی ئه‌رمینیا ڕونیكرده‌وه‌ وڵاته‌كه‌ی به‌ نیازی كردنه‌وه‌ی كونسوڵگه‌ری خۆیه‌تی له‌ شاری هه‌ولێر له‌ نزیكترین ده‌رفه‌تدا.
 
دوێنی ئیدوارد نالبه‌ندیان وه‌زیری ده‌ره‌وه‌ی ئه‌رمینیاو وه‌فدێكی هاوڕێی له‌ ڕێگه‌ی فڕۆكه‌خانه‌ی نێوده‌وڵه‌تی به‌غداوه‌ گه‌یشته‌ عێراق‌و له‌گه‌ڵ هاوتا عێراقیه‌كه‌و ژماره‌یه‌ك له‌ لێپرسراوه‌ باڵاكانی وڵات كۆبونه‌وه‌.
 NRT

وه‌زاره‌تی‌ خوێندنی‌ باڵا رێنمایی نوێ‌ بۆ مۆڵه‌تی‌ خوێندن ده‌رده‌كات


وه‌زاره‌تی‌ خوێندنی‌ باڵا و توێژینه‌وه‌ی‌ زانستی‌ هه‌رێمی‌ كوردستان به‌ فه‌رمانێكی‌ وه‌زاری، رێنمایی نوێ بۆ مۆڵه‌تی‌ خوێندن ده‌رده‌كات، كه‌ له‌ چه‌ند خاڵێك پێكهاتووه‌.

خه‌ندان، توانی‌ وێنه‌یه‌ك له‌ فه‌رمانه‌‌ وه‌زارییه‌كه‌ی‌ ده‌ستبكه‌وێت كه‌ له‌ 29ی‌ كانوونی‌ دووه‌می‌ 2014 به‌ ژماره‌ 131 به‌ ئیمزای‌ دكتۆر عه‌لی‌ سه‌عید محه‌مه‌د وه‌زیری‌ خوێندنی‌ باڵا، ده‌رچووه‌.

له‌سه‌ره‌تای‌ نووسراوه‌كه‌دا هاتووه‌: "ئاماژه‌ به‌ بڕگه‌ی‌ (1/ ته‌وه‌ری‌ پێنجه‌م/ كاروباری‌ كارگێڕی‌ و دارایی) له‌ كۆنووسی‌ كۆبوونه‌وه‌ی‌ ژماره‌ (10)ی‌ ئه‌نجومه‌نی‌ وه‌زاره‌ت كه‌ له‌ (22/1/2014) ئه‌نجامدرابوو، بڕیاردرا كه‌ میكانیزمی‌ جێبه‌جێكردنی‌ رێنمایی مۆڵه‌تی‌ خوێندن ژماره‌ (165/61) له‌ رێكه‌وتی‌ (1/1/2014)ه‌وه‌ به‌م شێوه‌ی‌ لای‌ خواره‌وه‌ بێت.

وه‌ك روونكراوه‌ته‌وه‌، رێنمایی یه‌كه‌م، بریتییه‌ له‌ مه‌رجه‌كانی‌ رێنمایی (165/11) :" رێنمایی ژماره‌ (165/11)ی‌ تایبه‌ت به‌ پێدانی‌ مۆڵه‌تی‌ خوێندن له‌لایه‌ن ئه‌نجومه‌نی‌ وه‌زاره‌تی‌ خوێندنی‌ باڵا و توێژینه‌وه‌ی‌زانستییه‌وه‌ په‌سه‌ندكراوه‌ و پاڵپشته‌ به‌ یاسای راژه‌ی‌ شارستانی‌ هه‌مواركراوی‌ ژماره‌ (14)ی‌ ساڵی‌ 2009 له‌ چوارچێوه‌ی‌ ئه‌م رێنماییه‌دا مه‌رجه‌كانی‌ پێشكه‌شكردنی‌ داواكاری‌ بۆ مۆڵه‌تی‌ خوێندن بریتین له‌:

یه‌كه‌م، پێشكه‌شكار ده‌بێت دوو ساڵ خزمه‌تی‌ هه‌بێت له‌ پاش دوایین بڕوانامه‌.

دووه‌م، بۆ خوێندنی‌ ماسته‌ر ده‌بێت پێشكه‌شكار كۆنمره‌ی‌ به‌كالۆریۆسی له‌ (65%) كه‌متر نه‌بێت و بۆ خوێندنی‌ دكتۆرا، كۆنمره‌ی‌ ماسته‌ری‌ له‌ (70%) كه‌متر نه‌بێت.

سێیه‌م، ده‌بێت پێشكه‌شكار بۆ خوێندنی‌ ماسته‌ر ته‌مه‌نی‌ له‌ (45 ساڵ) زیاتر نه‌بێت و بۆ دكتۆراش ته‌مه‌نی‌ له‌ (50ساڵ) زیاتر نه‌بێت.

چواره‌م، ده‌بێت بواری‌ پسپۆری‌ پێشكه‌شكار له‌ پلانی‌ په‌سه‌ندكراوی‌ ئه‌و ساڵه‌ی‌ زانكۆ/ فه‌رمانگه‌دا ئاماژه‌ی‌ پێكرابێت.

پێنجه‌م، ده‌بێت پلانی‌ په‌سه‌ندكراو رابگه‌یه‌نرێت و پاڵاوتن له‌سه‌ر بنه‌مای‌ پێشبڕكێی زانستی‌ بێت دوای‌ بانگه‌واز بۆكردن.

رێنمایی دووه‌می‌ فه‌رمانه‌ وه‌زارییه‌كه‌ بریتییه‌ له‌وه‌ی‌، ئه‌و پێشكه‌شكارانه‌ی‌ كه‌ مۆڵه‌تی‌ خوێندنیان پێده‌درێت.

له‌ فه‌رمانه‌كه‌دا، ئه‌وه‌ خراوه‌ته‌ڕوو كه‌:" ئه‌و پێشكه‌شكاره‌ی‌ كه‌ ته‌واوی‌ مه‌رجه‌كانی‌ رێنمایی (165/11)یان تێدایه‌ و پسپۆڕییه‌كانیان له‌ پلانی‌ په‌سه‌ندكراوی‌ زانكۆ/ فه‌رمانگه‌ ئاماژه‌ی‌ پێكراوه‌ و له‌سه‌ر بنه‌مای‌ پێشبڕكێ ده‌پاڵیۆرێن مۆڵه‌تی‌ خوێندنیان پێده‌به‌خشرێت به‌ مووچه‌ی‌ بنه‌ڕه‌تی‌ و ده‌رماڵه‌ جێگیره‌كان له‌گه‌ڵ ته‌واوی‌ مافه‌ داراییه‌كانی‌ رێنمایی (165/11).

له‌ رێنمایی سێیه‌مدا، هاتووه‌: ئه‌و مافه‌ داراییانه‌ی‌ كه‌ به‌پێی رێنمایی (165/11)ده‌به‌خشرێته‌ ئه‌و كاندیدانه‌ی‌ كه‌ مۆڵه‌تی‌ خوێندن وه‌رده‌گرن بریتین له‌:
یه‌كه‌م، جیاوازی‌ نێوان مووچه‌ی‌ شایسته‌ی‌ كاندید له‌ ناوه‌وه‌ی‌ وڵات له‌گه‌ڵ ده‌رماڵه‌ی‌ دیاریكراو بۆ قوتابیان/ خوێندكارانی‌ نێردراو له‌و وڵاته‌ی‌ تێیدا ده‌خوێنن.

أ/ ده‌رماڵه‌ی‌ دیاریكراو بۆ قوتابیان، خوێندكارانی‌ نێردراو به‌ پێی به‌رنامه‌ی‌ تواناسازی‌ به‌راورد ده‌كرێت، واته‌ به‌پێی رێنمایی دارایی به‌رنامه‌ی‌ تواناسازی‌ بۆ وڵاتانی‌ گرووپی (A) بریتییه‌ له‌ هه‌زار و 800 دۆلار مانگانه‌ و گرووپی (B) بریتییه‌ له‌ یه‌ك هه‌زار دۆلار مانگانه‌.

ب/ كرێی بلیتی سه‌فه‌ر (فڕۆكه‌) ساڵی‌ یه‌ك جار.

ج/ خه‌رجییه‌كانی‌ تێچووی‌ چاپی تێزی‌ ماسته‌ر یان دكتۆرا.

د/ كرێی خوێندن تا بڕی‌ چوار ملیۆن و پێنجسه‌د هه‌زار دینار.

رێنمایی چواره‌می‌ فه‌رمانه‌كه‌، بریتییه‌ له‌وه‌ی‌ ئه‌و پێشكه‌شكارانه‌ی‌ كه‌ یه‌كیك یان زیاتر له‌ مه‌رجه‌كانی‌ رێنمایی ژماره‌ (165/11)یان نه‌بێت (ته‌مه‌ن، كۆنمره‌ی‌ ساڵانی‌، خزمه‌ت و نه‌بوونی‌ پسپۆری‌ له‌ پلانی‌ زانكۆ یان فه‌رمانگه‌، به‌شدارینه‌كردن له‌ پێشبڕكێ) ته‌نها مۆڵه‌تی‌ بێ مووچه‌یان پێده‌به‌خشرێت.

له‌ رێنمایی پێنجه‌مدا، باس له‌ رێكخستنی‌ میكانیزمی‌ جێبه‌جێكردنی‌ رێنمایی (165/11) كراوه‌ به‌م شێوه‌یه‌:

یه‌كه‌م، سه‌رجه‌م زانكۆكان تا رێكه‌وتی‌ (15ی‌ شوباتی‌ 2014) پلانی‌ مۆڵه‌تی‌ خوێندن بۆ ساڵی‌ خوێندنی‌ 2013_2014 نوێ بكه‌نه‌وه‌ و پێشكه‌شی‌ وه‌زاره‌تی‌ بكه‌ن.

دووه‌م، له‌ (15ی‌ كانوونی‌ دووه‌می‌ 2014)ه‌وه‌ تا (1ی‌ شوباتی‌ 2014) پلانه‌كه‌ له‌لایه‌ن ئه‌نجومه‌نی‌ وه‌زاره‌ته‌وه‌ په‌سه‌ند بكرێت.

سێیه‌م، پلانی‌ په‌سه‌ندكراوی‌ مۆڵه‌تی‌ خوێندنی‌ بۆ ساڵی‌ خوێندنی‌ 2013_2014 له‌لایه‌ن زانكۆ و وه‌زاره‌ته‌وه‌ رابگه‌یه‌نرێت و ده‌رگای‌ پێشكه‌شكردنی‌ داواكاری‌ بكرێته‌وه‌ له‌ (1ی‌ ئازاری‌ 2014)ه‌وه‌ تا (31ی‌ ئازاری‌ 2014) به‌رده‌وام ده‌بێت.

چواره‌م، له‌ ماوه‌ی‌ نێوان (31ی‌ ئازاری‌ 2014 تـــا 10ی‌ نیسانی‌ 2014) پرۆسه‌ی‌ پێشبڕكێ و بڕیار له‌سه‌ر كاندیده‌كان ئه‌نجام ده‌درێت.

پێنجه‌م،به‌ گشتی‌ تا رێكه‌وتی‌ (15ی‌ نیسانی‌ 2014) كاندیده‌ براوه‌كان بڕیاری‌ كۆتاییان له‌سه‌ر درابێت و وردبینی له‌ سكاڵاكان كرابێت.

رێنمایی شه‌شه‌م، له‌ رێكخستنی‌ پێشبڕكێی نێوان پێشكه‌شكاراندا، سیستمی‌ خاڵبه‌ندی‌ په‌یڕه‌و ده‌كرێت ئه‌و سیستمه‌ش به‌ هاوئاهه‌نگیی نێوان لیژنه‌ی‌ مۆڵه‌تی‌ خوێندن له‌ دیوانی‌ وه‌زاره‌تی‌ و لیژنه‌ی‌ باڵای‌ خوێندنی‌ باڵاوه‌ رێكبخرێت و پێوه‌ره‌كانیش بریتین له‌: كۆنمره‌ی‌ به‌كالۆریۆس بۆ خوێندنی‌ ماسته‌ر، كۆنمره‌ی‌ به‌كالۆریۆس و ماسته‌ر بۆ خوێندنی‌ دكتۆرا، ئاستی‌ توانستی‌ زمانی‌ ئینگلیزی، به‌ده‌ستهێنانی‌ ئۆڤه‌ری‌ ئه‌كادیمی (لیستی‌ وڵاتانی‌ تواناسازی‌ په‌یڕه‌و بكرێت) ، ته‌مه‌ن له‌ گه‌ڵ ساڵانی‌ خزمه‌ت.

رێنمایی حه‌وته‌می‌ فه‌رمانه‌ وه‌زارییه‌كه‌ بریتییه‌ له‌ تێبینی گشتی‌، وه‌ك:

یه‌كه‌م، له‌ رێكه‌وتی‌ ده‌رچوونی‌ ئه‌م فه‌رمانه‌وه‌ چیتر زانكۆكان نابێت داواكاری‌ مۆڵه‌تی‌ خوێندن بۆ وه‌زاره‌ت به‌رز بكه‌نه‌وه‌.

دووه‌م، ئه‌و حاڵه‌تانه‌ی‌ كه‌ داوای‌ مۆڵه‌تی‌ خوێندن ده‌كه‌ن له‌سه‌ر بنه‌مای‌ (ماده‌ی‌ 4 بڕگه‌ی‌ هه‌شته‌م) له‌ رێنمایی ژماره‌ 165ی‌ ساڵی‌ 2011 "ده‌سه‌ڵاتی‌ وه‌زیره‌ مۆڵه‌ت به‌ بێ به‌ستنه‌وه‌ به‌ مه‌رجی‌ كۆنمره‌ بۆ ماوه‌ی‌ پێنج ساڵ بدات، ئه‌گه‌ر خزمه‌تی‌ په‌سندكراوى هه‌بوو" ئه‌و كاندیدانه‌ی‌ ئه‌و مه‌رجه‌یان تێدایه‌ رێگه‌یان پێده‌درێت كه‌ بێنه‌ پێشبڕكێ، ئه‌گه‌ر له‌ پێشبڕكێ سه‌ركه‌وتووبن، ئه‌وا له‌لایه‌ن زانكۆوه‌ به‌رز ده‌كرێته‌وه‌ بۆ جه‌نابی‌ وه‌زیر به‌مه‌به‌ستی‌ به‌خشینیان له‌ مه‌رجی‌ كۆنمره‌.

سێیه‌م، مۆڵه‌تی‌ بێمووچه‌ له‌ ده‌سه‌ڵاتی‌ زانكۆیه‌، بۆیه‌ ئه‌و كه‌یسانه‌ی‌ شایسته‌ی‌ مۆڵه‌تی‌ بێمووچه‌ن پێویست ناكات به‌رز بكرێنه‌وه‌ بۆ وه‌زاره‌ت.

چواره‌م، پێویسته‌ له‌ كاتی‌ داڕشتنی‌ فه‌رمانی‌ مۆڵه‌تی‌ بێمووچه‌دا ئاماژه‌ به‌ (مه‌به‌ستی‌ خوێندن) نه‌درێت.

پێنجه‌م، خه‌رجییه‌كانی‌ مۆڵه‌تی‌ خوێندن له‌ ئه‌ستۆی‌ زانكۆ ده‌بێت.

شه‌شه‌م، ئه‌و به‌ڕێزانه‌ی‌ كه‌ مۆڵه‌تی‌ بێمووچه‌ وه‌رده‌گرن له‌ دوای‌ ته‌واوكردنی‌ خوێندنه‌كه‌یان له‌لایه‌ن وه‌زاره‌تی‌ خوێندنی‌ باڵا یه‌كسانكردنی‌ بڕوانامه‌كانیان بۆ ئه‌نجام ده‌ددرێت، به‌ڵام زانكۆكان سه‌رپشكن كه‌ كاریان پێ بسپێرن یان گواستنه‌وه‌ی‌ راژه‌یان بۆ ئه‌نجام بده‌ن به‌ پێی پێویستی‌ دام‌و ده‌زگاكانی‌ خوێندنی‌ باڵا.
خه‌ندان - سۆران كه‌ریم

Sunday, February 16, 2014

ده‌رفه‌تى خوێندن له‌ هیندستان


زانكۆی گه‌شه‌پێدانی‌ مرۆیی‌ پاره‌ له‌و خوێندكارانه‌ی‌ 12ی‌ ئاماده‌یی‌ وه‌رناگرێت كه‌ نمره‌یان به‌رزه‌


zankoy-gashapedanزانكۆی گه‌شه‌پێدانی‌ مرۆیی‌ بۆ ساڵی داهاتوو ره‌چاوی نمره‌ی خوێندكارانی 12ی ئاماده‌ی ده‌كات و پاره‌ له‌و خوێندكارانه‌ وه‌رناگرێت كه‌نمره‌كانیان به‌رزه‌.

سه‌رۆكی زانكۆی گه‌شه‌پێدانی مرۆی له‌كۆنفڕانسێكی رۆژنامه‌وانیدا رایگه‌یاند، وه‌ك هاوكارییه‌ك بۆ خوێندكارانی قوناغی 12یه‌م تاوتوێی ئه‌وه‌ ده‌كه‌ن كه‌ ئه‌و خوێندكارانه‌ی نمره‌ی به‌رزییان هه‌یه‌، بێ به‌رامبه‌ر بخوێنن.

مه‌ریوان ئه‌حمه‌د سه‌رۆكی زانكۆی گه‌شه‌پێدان وتیشی، له‌م ساڵدا 50 خوێندكاری ئاواره‌كانی سوریا بێ به‌رامبه‌ر له‌زانكۆكه‌یان وه‌رگیراوان و به‌رده‌وامیش له‌هه‌وڵی ئه‌وه‌دان هاوكاری ئه‌و خوێندكارانه‌ بكه‌ن كه‌ كه‌مده‌رامه‌ت.

زانكۆی گه‌شه‌پێدانی مرۆیی زانكۆیه‌كی ئه‌هلیه‌و له‌ ناوچه‌ی قه‌ره‌داخ و بناری گۆیژه‌ دوو كه‌مپی هه‌یه‌.

Wednesday, February 12, 2014

بولگاریا له‌هه‌رێم ڤیزا به‌هاووڵاتیان ده‌دات


5258172412013_12
له‌میانی پێشوازیكردنی له‌ وه‌فدێكی باڵا وه‌زاره‌تی ده‌روه‌ی بولگاریا، د. ئه‌رسه‌لان بایز بۆ چارسه‌ركردنی ئه‌و قه‌یرانه‌ی عیراقی تێكه‌تووه‌ ته‌ئكیدی له‌سه‌ر گه‌رِانه‌وه‌ بۆ ده‌ستوورو كرده‌وه‌و رایگه‌یاند كه‌ پێویسته‌ برِیاره‌كان له‌چوارچێوه‌ی ئه‌نجومه‌نی وه‌زیران و ئه‌نجومه‌نی نوێنه‌راندا ده‌بكرێن. 
له‌لایه‌ن خۆشیه‌وه‌ وه‌زیری ده‌ره‌وه‌ی بولگاریا رایگه‌یاند: له‌ دووساڵی رابردوودا په‌یوه‌ندییه‌ ئابورییه‌كانمان له‌گه‌ڵ عیراقدا گه‌شه‌ی به‌رچاوی كردووه‌، به‌ڵام كاتێك سه‌یری ورده‌كارییه‌كان ده‌كه‌ین، قه‌باره‌ی ئه‌و ئاڵوگۆری بازرگانی و ئه‌و پێشكه‌تنه‌وه‌ له‌گه‌ڵ هه‌رێمی كوردستاندایه‌، بۆیه‌ له‌م سه‌ردانه‌ماندا باڵیۆزخانه‌ی بولگاریمان له‌غدا كرده‌وه‌، ئه‌مرِۆش له‌گه‌ڵ سه‌رۆكی حكومه‌ت كار له‌سه‌ر ئه‌وه‌ ده‌كه‌ین به‌زووترین كات كونسوڵخانه‌ له‌ هه‌ولێر بكه‌ینه‌وه‌ لێره‌ ڤیزا بده‌ین به‌ هاووڵاتیان. 
له‌و دیداره‌دا كه‌ پێشنیوه‌رشۆی ئه‌مرِۆ 24-1 به‌ ئاماده‌بوونی له‌بید عه‌باوی بریكاری پێشكه‌وتووی وه‌زاره‌تی ده‌ره‌وه‌ی عیراق و ژماره‌یه‌ك له‌ راوێژكارانی سه‌رۆكی په‌رله‌مان به‌رِێوه‌چوو، نیكۆلای ملادینۆف وه‌زیری ده‌ره‌وه‌ی كۆماری بولگاریا به‌ یاوه‌ری وه‌فدێكی باڵای وڵاته‌كه‌ی كه‌ له‌ چه‌ندین گه‌وره‌ به‌رپرس و راوژێكارو ستافێكی راگه‌یاندنی بولگاریاپێكهاتبوو له‌هه‌رێمی كوردستان، خۆشحاڵی خۆی به‌و سه‌ردانه‌ ده‌ربرِی و رایگه‌یاند: ئێمه‌ لێره‌ین بۆئه‌وه‌ی په‌یوه‌ندی دوولایه‌نه‌ به‌هێزبكه‌ین و وه‌ك ئه‌وروپا زیاتر به‌شداری له‌ یارمه‌تیدانی عیراقدا بكه‌ین له‌ چاره‌سه‌ركردنی كێشه‌كانیدا.
وتیشی: له‌ عیراقدا هه‌وڵی زۆرتانداوه‌ بۆ بنیادنانی دامه‌زراوه‌ی نوێ، به‌تایبه‌تیش له‌ هه‌رێمی كوردستان كه‌ مایه‌ی خۆشحاڵییه‌ پێشكه‌وتنه‌كان زۆر به‌رچاون و خه‌ڵكانی تر له‌عیراق ئه‌و ره‌وشه‌ی هه‌رێم ده‌بینن، كه‌ گه‌ره‌نتی سه‌قامگیری و ئاشتی و ئارامی تێدایه‌ بۆئه‌وه‌ی بپه‌رِێته‌وه‌ بۆ به‌شه‌كانی تری عیراق و چاوی لێ بكرێت.
له‌ به‌شێكی تری قسه‌كانیدا وه‌زیری ده‌ره‌وه‌ی بولگاریا به‌بایه‌خه‌وه‌ باسی له‌په‌یوه‌ندی مێژووی نێوان گه‌لی كوردو بولگاریای كردو رایگه‌یاند: خاڵی هاوبه‌ش له‌ نێوان هه‌ردوولاماندا هه‌یه‌. 
پاشان سه‌رۆكی په‌رله‌مان كورته‌یه‌كی له‌باره‌ی میژووو پێكهاته‌و رۆڵی په‌رله‌مان له‌ ژیانی سیاسی له‌ هه‌رێمی كوردستاندا پێشكه‌شكردو هیوای خواست سه‌ردانه‌كه‌یان ببێته‌ مایه‌ی دروستكردنی په‌یوه‌ندی نێوان په‌رله‌مانی كوردستان وپه‌رله‌مانی بولگاریاو ئاڵوگۆڕی وه‌فدی په‌رله‌مانی له‌نێوانیان بۆ سوود وه‌رگرتن له‌كاری په‌رله‌مانی.
دواتر د. ئه‌رسه‌لان بایز ره‌وشی سیاسی ئه‌مڕۆی عیراقی رونكرده‌وه‌و ئه‌و كێشانه‌ی ئه‌مڕۆی عیراق تێیكه‌وتوه‌ خسته‌ڕو رایگه‌یاند: ئه‌و كێشانه‌ به‌هۆی دوركه‌تنه‌وه‌ له‌ده‌ستوره‌و یاساكان خراپی ئیداره‌دانی كاره‌كانی حكومه‌ت دروستبون، هه‌روه‌ك ئاماژه‌ی به‌پرسه‌ هه‌ڵپه‌سێردراوه‌كانی نێوان هه‌رێمی كوردستان و به‌غدا كردو رایاگه‌یاند: دیسانه‌وه‌ ئه‌و كێشانه‌ په‌یوه‌ندیان به‌ دوركه‌تنه‌وه‌ی حكومه‌تی فیدراڵه‌ له‌پابه‌ندبون به‌ده‌ستورو رێككه‌وتنه‌كانی نێوان هه‌ردوولا.
 وتیشی: ئێمه‌ ته‌ئكید له‌سه‌ر دیالۆگ ده‌كه‌ینه‌وه‌ بۆ چارسه‌ركردنی سه‌رجه‌م كێشه‌كانی عیراق و بۆئه‌مه‌ش ته‌نها جێبه‌جێكردنی ده‌ستورو یاساكانی به‌پێویستزانی، عیراقێكی سه‌قامگیر كه‌ سه‌رچاوه‌یه‌كی سه‌ره‌كی وزه‌یه‌ له‌جیهاندا سودی بۆ هه‌موان ده‌بێت.
سه‌رۆكی په‌رله‌مان هه‌ڵوه‌سته‌ی له‌سه‌ر په‌یوه‌ندییه‌كانی نێوان هه‌ردوولا كردو هانیدان سود له‌و كه‌شه‌ له‌باره‌ی هه‌رێمی كوردستان وه‌ربگرن و په‌یوه‌ندییه‌كانیان له‌گه‌ڵ هه‌رێم له‌بواره‌كانی وه‌به‌رهێنان و بازرگانی و گه‌شتوگوزار گه‌شه‌پێبده‌ن.
له‌به‌شێكی تری دیداره‌كه‌دا هه‌ڵوه‌سته‌ له‌سه‌ر كاریگه‌ری رووداوه‌كانی سوریا كرا سه‌رۆكی په‌رله‌مان رایگه‌یاند: ئێمه‌ له‌گه‌ڵ ئازادی میللـه‌تانین و باوه‌ڕمانوایه‌ كێشه‌كان به‌دوركه‌تنه‌وه‌ له‌شه‌ڕو به‌ئاشتی چاره‌سه‌ر ده‌بن و هه‌ردوولاش كۆكبون له‌سه‌ر ئه‌وه‌ی كه‌ پێویسته‌ به‌زووترین كات و به‌جدی كاری هابه‌ش بكرێ بۆ ئه‌وه‌ی ئه‌م كێشه‌یه‌ چارسه‌ر بكرێت ئاسایش ناوچه‌كه‌ش بپارێزرێ.
وه‌زیری ده‌ره‌وه‌ی بولگاریا رایگه‌یاند: له‌شوباتی داهاتوو له‌ په‌رله‌مانی ئه‌وروپا وتوێژ له‌سه‌ر رووداوه‌كانی سوریا ده‌كه‌ن و چه‌ند هه‌فته‌ی داهاتووش له‌ بولگاریا گفتوگۆ له‌باره‌ی كه‌مینه‌كانی سوریا (كورد، عه‌له‌وی، مه‌سیحی)ده‌كه‌ن.
له‌باره‌ی په‌ره‌پێدانی په‌یوه‌ندیه‌كانی نێوان په‌رله‌مانی بولگاریا و په‌رله‌مانی هه‌رێمی كوردستان وه‌زیری ده‌ره‌وه‌ رایگه‌یاند: به‌یه‌كه‌وه‌ كارێك ده‌كه‌ین كه‌ ئاڵوگۆڕی وه‌فدی په‌رله‌مانی بكرێ له‌نێوان هه‌ردوولا بۆ ئه‌وه‌ی سوود له‌ئه‌زموونی یه‌كتر وه‌رگرین و سه‌رۆكی په‌رله‌مانیش هیوای خواست ئه‌م په‌یوه‌ندیه‌ دروستبێت و ببێته‌ پردی گه‌شه‌پێدانی په‌یوه‌ندی نێوان هه‌رێمی كوردستان و بولگاریا.

Monday, February 10, 2014

گلۆباڵ مه‌یڵ: زیاتر له‌ 450 هه‌زار عێراقی‌ په‌نابه‌رن له‌ وڵاتانی جیهان


9999-400x271
به‌پێی‌ ئامارێكی‌ ماڵپه‌ری‌ گلۆباڵ مه‌یڵ كه‌ تایبه‌ته‌ به‌ئامارو زانیاری‌ میدیایی‌، عێراق له‌ڕیزی‌ دووه‌می‌ ئه‌و وڵاتانه‌دایه‌ كه‌ هاوڵاتیانی‌ زۆرترین داوای‌ مافی‌ په‌نابه‌رێـتیان له‌وڵاتانی‌ جیهان كردوه‌ له‌ماوه‌ی‌ ساڵانانی‌ 2000 تا كۆتایی‌ 2012.
  به‌پێی‌ ئاماره‌كه‌ كه‌ له‌61 وڵاتی‌ جیهاندا ئه‌نجامدراوه‌، عێراق به‌هه‌بونی‌ 459 هه‌زارو 783 په‌ناخواز له‌پاش زیمبابۆیه‌وه‌ له‌ڕیزبه‌ندی‌ دووه‌می‌ ئه‌و وڵاتانه‌دایه‌ كه‌ دانیشتوانه‌كه‌ی‌ داوای‌ مافی‌ په‌نابه‌رێـتیان كردووه‌.

به‌هۆی‌ جیاوازی‌ له‌یاسای‌ كۆچی‌ وڵاتان‌و جیاوازی‌ له‌واده‌ی‌ یه‌كلاییكردنه‌وه‌ی‌ كه‌یسی‌ په‌نابه‌رانداو مانه‌وه‌یان له‌كه‌مپه‌كاندا یان دیپۆتكردنه‌وه‌یان بۆ ولاَتی‌ سێیه‌م كه‌ له‌ئێستادا له‌هه‌ندێك وولاَتی‌ وه‌ك ئوسترالیا پیاده‌ده‌كرێت، گلۆباڵ مه‌یل نه‌یتوانیه‌وه‌ بزانێت كه‌ ئاخۆ ژماره‌ی‌ ئه‌و په‌ناخوازانه‌ چه‌ندن كه‌ دواجار مافی‌ په‌نابه‌رێتیان وه‌رگرتووه‌. 

سه‌باره‌ت به‌و وڵاتانه‌ش كه‌ عێراق له‌ڕیزبه‌ندی‌ یه‌كه‌میاندایه‌ بۆ پێشكه‌شكردنی‌ مافی‌ په‌نابه‌رێتی‌، له‌سه‌ر ئاستی‌ ئه‌وروپا، ئه‌ڵمانیا زیاتر له‌ 94 هه‌زار كه‌یس، سوید به‌ وه‌رگرتنی‌ زیاتر له‌ 73 هه‌زار كه‌یس، هۆڵه‌ندا به‌وه‌رگرتنی‌ زیاتر له‌ 28 هه‌زار كه‌یس، فنله‌ندا به‌وه‌رگرتنی‌ زیاتر له‌ 5 هه‌زار كه‌یسن. 

له‌سه‌ر ئاستی‌ وڵاتانی‌ عه‌ره‌بیش، ئه‌رده‌ن به‌هه‌بونی‌ زیاتر له‌ 24 هه‌زار په‌ناخوازی‌ عێراقی‌ له‌ڕیزی‌ یه‌كه‌می‌ ولاَتانی‌ عه‌ره‌بیدایه‌ كه‌ زۆرترین په‌ناخوازی‌ عێراقی‌ ڕویتێكردووه‌ له‌و ماوه‌یه‌دا. 

هه‌ژار ته‌ها، ئاوێنه‌نیوز