Sunday, June 30, 2013

تەلەبەکانى تواناسازى لەبەردەم هەرەشەى دەرکردن و گەمەی کارمەندانى وەزارەت


0-xwindkarani-twanasazi-raeکاندیدێکی تواناسازی
 
 
کاتێک تەلەبە ناوى لە بەرنامەى تواناسازى دەردەچێت و دەست بەمامەڵەدەکات، کۆمەڵێک بەڵێنی پێدەدرێت لە جۆرى پروپاگەندەى هەڵبژاردنەکانى کوردستان هیچى کەمتر نیە. بەڵام هەر ئەوەندەى دەستى بە خوێندن کرد رۆح و گەردنى گیرۆدەى دەستى مۆتەکەى بەشى بەرنامەی تواناسازى لە وەزارەتى خوێندنى باڵاى حکومەتى هەربێنەى کوردستان دەبێت و چارەنوسى بەرەو نەهامەتى نادیار دەروات.
ئایا کەس لە ئیۆە پەیجى بەرنامەى توانا سازى تەماشاکردوە لە فەیس بوک و تەنها بۆ جارێک کۆمینتى تەلەبەکان بخوێنێتەوە؟ کۆمێنتەکانى کە ئاراستەى هۆبەى تواناسازی کراوە هەمە چەشنن هەر لە پارانەوە و تکا و رجاو بگرە سوێندان و جنێودان بە وەزارەت و هە ندێک جاریش نوکتەى جگەر بڕ... بەڵام بەکێ دەلێت! گەر لە خۆمەوە دەست پێبکەم، لە مانگى دوانزەى ساڵی پارەوە داوام پێشکەش کردوە بۆ وەرگرتنى پارە و مەسرەفی خوێندنى ساڵى دووەم. بۆ ئەمەبەستەش بریکارەکەم هەموو دوو هەفتە جارێک لە سلێمانیەوە بەرێکەوتوە بۆ وەزارەت لە هەولێر. هە موو جاریک کە چوە بەڵێنیان پێداوە کەوا ناوی من پەسەندکراوە لە لیستى داهاتودایە.. بەڵام تاوەکو ئێستا هەر نەبوو. کا تێک چاوم بە کۆمێنتى هاو کاندیدەکانم کەوت بینم هەر مننیم! هەیە لە مانگى دەى ساڵى پارەوە داواکارى پێشکەش کردوە تا ئێستا وێڵە بە دواى رۆحیانەتى مافە داراییەکانى
چوار مانگ لەمەو بەر کە زۆرمان بۆ هات خۆم و چەند هاوڕێەک بە ئیمەیلی جیاجیا داواما ن لە وەزارەتکرد بە زمانێکی شیرین کە ئاخۆ بۆ دوا کەوتوە پێدانى مافە داراییەکان دەست بەجی دواى نیو کاژمیر وەڵامم بۆ هاتەوە لە ئیمەیلى وەزارەتەوە کەوا ناوم ئامادەیە و دواى دوو هەفتە ناوم دەردەچێت لە لیستى تازەدا.. بەڵام دواى دوو هەفتە لە ناردنى ئیمەیلەکەم و پاش زیاتر لە چوار مانگ بەسەر داواکارییەکەمدا ئاگادارکرامەوە کەوا مامەڵەم نوقسانە. داوای وەسڵى پارەى کۆرسى زمانم لێدەکرا لە کاتێکدا من کۆرسى زمانم هەرنەبوەو بگرە من یەکەم ساڵى کۆرسى ئەکادمیم تەواو کردوە و داوای پارەى ساڵى دووەم ئەکەم!!!!
کاتێک لەگەڵ هاورێکانم قسەمکرد پێان راگەیاندم کە ئەوانیش هەموو مانگێک دەستى دەستیان پێدەکرێت. هەر بۆیە منیش هەستام بە دروستکردنی ئیمەیلیک بەناوێکى خواستراوە و ئیمەیلێکم بۆ وەزارەت نارد و تیایدا باسم لەوەکرد کە ماوەى شەش مانگە چاوەڕیِى پارەى خوێندن و مەسرە فم بەتایبەتى ئەوکاتە دوو مانگ بوو لە شوقەکەم خۆم و ژن و مناڵەکەم دەرکرابوین لە بەر بێ پارەی چوبوینە ژورێکى دوو بە سى لە شوقەى تەلەبەیەکى ترى هاوڕێم. بە هەر حاڵ کە ئیمەیلەکەم نوسى لە ژێرەوە ناوێکە خواستراوم نوسی و لەگەڵ ژمارەى بۆکس فایلێک کە لەوانەیە هەر زنجیرەى لەوجۆرە لە وەزارەت هەر نەبوبێت. کەچى دوای ماوەیەک وەڵام هاتەوە لەوەزارەتەوە ئەیوت "بەڕێزم ناوت ئامادەکراوە لە لیستى ژمارە 6 و چاوەروانبن بەم زوانە دەر ئەچێت" ئەوسا تێگەشتم کە قوڕەکە زۆر لەوە خەسترە شەیتان دەستى تێدابێت!
هەرکەس لە خۆم و هاورێکانم وە بەتایبەتى ئەوانەى خێزاندارن لە ژیانێکى زۆر سەیر دەژین. هەرمانگەیى لە خزمێک یان برادەرێک دەکروزێینەوە بۆ ئەوەى پێنج سەد دۆلارێک قەرز بکەین بۆ شیر و خۆراکى ماڵ و منداڵ. رۆژانە لە پۆل و لە زانکۆ رسوا دەکرێن لە سەر ئەوەى پارەی خوێندنمان نەداوە. هە ماڵى باوکى سەیارەیان بۆ فرۆشتوە و هەشە عەرزەى بۆ فرۆشتن داناوە زیاتر لە سێ مانگە تەنها لەبەر ئەوەی وەزارەت هەمیش 9 مانگ تا ساڵێک دوا ئەکەوێت لە خەرجکردنى مافە داراییەکانى تەلەبەکان. سەیر لەوەدایە زانکۆکانى بەریتانیا جمەی دێـت بە تەلەبەى هیندى و یەمەنى و لیبى و ئەندەنوسى وتایلاندى و مالیزى و وڵاتانى جیهانى سێهەم کەچى هەمیشە دەستى تاوان بۆ ئێمەى تەلەبەى کوردستان درێژدەکرێت...وەلامى وەزارەتیش هەر دەڵیت بەسەرچاوان بەڕێزم تۆ بەس دامەبڕێ لیستى داهاتوو ناوى تۆى تیایە سەد لە سەد!!!!
هەربۆیە منیش هەستام بە پەیوەندیکردن بە چەند رێکخراوێکى یاسایى لە پێناوى بنیاتنانى کەیسێک و پاشان تومارکردنى داوای یاسایى لە دژى حکومەتى هەرێم و وەزارەتى خوێندنى باڵاو بەتایبەتى کارمەندانى بەرنامەیى تواناسازى. لە ئێستا ڕێکخراوى بەریتانى بە خوبەخش ئەم ئەرکەى گرتۆتە ئەستۆ وە ماوەى دوو هەفتەیە دەستیکردوە بە وەرگێرانى دۆکیومێنت و ئیمەیلەکانى ئێمەو وەزارەت وە بۆ ئەم مەبەستەش داواکارین لەهەموو کاندیدەکانى تواناسازى کە ئەو عەریزەو داواکارییانەی بە ئیمەیل یاخود لە ڕێگەى بریکارەکانیان ناردویانە بۆ وەزارەت و توشى دواکەوتن و دەستى دەستى بونەتەوە تکایە کۆپیەک لە سەرجەم داواکارییەکان بنێرن بۆ ئیمەیلى  HCDPcase@yahoo.com  تاوەکو کەیسەکە بەهێزتر بێت. لە هەمان کاتددا رَێکخراوێکى ئەمریکى بۆ داکۆکیى لە مافە زەوتکراوەکان و گەندەڵى وڵاتانى ئیشتراکى بەڵێنیان داوە کە کەیسەکەمان بخەنە ئەجینداى کارەرکانى کۆبونەوەى ڕۆژى 27-6 لە نیویورک وە بۆ ئەم مەبەستەش دوو لە کاندیدانى تواناسازى یەک لە شارى سلێمانى و یەکێک لە شارى هەولێر ڤیزایان وەرگرتوە بۆ بەشداریکردنى لە فەند ڕەیزینى دواى کۆبونەوەکە. هەمان رێکخراو بەڵێنیانداوە کە بڕى 30-50 هەزاردۆلار کۆمەک کۆبکەنەوە بۆ کرێى پارێزەران تاوەکو لەناو خۆى کوردستانەوە داوایى یاساى تۆمار بکەن هەر بۆ ئەم مەبەستەش تاوتوی حاڵتەکە کراوە لەگەڵ باڵیۆزخانەى ئەمریکى لە بغداد بۆ بەدەستهێنانى  پشتگیری و هاندانى ڕێکخراوە بیانى و ناوخۆکانى کوردستان گفتوگوچکان لەنێوان هەردو رێکخراوەکە بەردەوامە ئاخۆ لە چوارچێوەى چ یاسایەکى نیۆدەوڵتى و ناوخۆی عیراق کەیسەکە پێشبخەن، هەروەها یەکیک لە لایەنەکان حاڵی حازر تاوتوێى ئەکەرى تۆمارکردنى داواکارى یاسایین لە دادگایى بەغداد. هەروەها دوو رێکخراوى ماف پەروەرى و یاسایى عیراق ئامادەیى خۆیان دەربڕیوە بۆ پێشکەشکردنى ڕاوێژ سەبارەت بە یاساکانى عیراق. واش بڕیارە هەردوو نوێنەرمان چاویان بە لێپرسراوانى بەشى یاسای زانکۆى دیپۆل بکەویت لەمیانەى ڕێو ڕەسمى فەند رەیزیندا لەبەر ئەوەى زانکۆى دیپۆڵ بۆ چەند ساڵێک لە نزیکەوە کارى لەسەر یاساکانى عیراق و کوردستان کردوە و خاوەنى چەندین بەڵگەنامەن لەسەر دەسەڵاتى کوردستان کە دەشێت سودیان لێوەربگیرێت وەک بەڵگە بۆ پتەوکردنى زیاترى کەیسەکەمان.
لێرەدا بە پێویستى دەزانم سەرنجى هەموان بۆ دوخاڵی گرنگ ڕابکێشم: یەکەمیان بۆ ساتیک با س لە بەرنامەى زەمالاتى حکومەتى دکتاتۆرى بەغداد بکەین. لە زەمالاتى حکومەتى عیراقى، حکومەتی عیراقى مانگانە لە ڕێکایى قونسوڵگەرى عیراقەوە مافە داراییەکانى تەلەبەکان دەنێرێتە سەر ژمارە حسابى تەلەبەکان. دووەم: حکومەتى هەرێمى کوردستانیش وەک پروپاگەندەى هەڵبژاردن داوای لەوەزاراتى خوێندنى باڵا دەکات بە زووترین کات خولى نوێى تواناسازى رابگەیەنێت!! ئەمە حاڵى ئێمەیە ئینجا نەخوازە 1500 کاندیدى تر زیادبکرێن بۆ بەرنامەکە.
لە هەمووى سەیرتر ئەوەیە زیاتر لە 3000 تەلەبەى کورد ڕۆژانە تیرۆر دەکرێت و گاڵتەى پێدەکرێت و درۆى لەگەڵ دەکرێت بەهۆى هەرهۆکارێکەوەبێت لە وەزارات کەچى تا ئێستا هیچ راگەیاندنێکى کوردستان خۆى تێنەگەیاندوە ئەم هەوڵەى ئێمەش بۆ تێگەیاندنى خەڵکە و گەراندنەوەى ئەوماف و کەرامەتەیە رۆزانە سوکایەتیمان پێدەکریت لە سەر دەستى کۆمەڵێک کارمەندی بوغزاو و نەکارە کە گاڵتە بەچارەنوسى خەڵکەکەن بە درۆکردن!!!!
هەندێک لەو داواکارییانەى بەدەست پارێزەرەکەمان گەیشتوە دەستى تۆمەت بۆ پارتى ڕادەکێشن کەوا د. گۆڤەند و سەرجەمى کارمەندانى تواناسازى پارتین بۆ دەستى ئەنقەست وا دەکەن تا خەڵکى وا تێبگەیەنن کە وەزارەتەکانى دەست یەکێتى ئیش تیایاندا باش ناروات و ببێتە بەزمى هەڵبژاردن. یەکێکى تر لەو ئیمەیلانەى پێمانگەشتوە باس لەوە دەکات کە لیژنەکەى وەزارەت وتویانى پێى بۆیە کارەکانى دوا ئەخەین لە بەر ئەوەى بە ئیمەیل و بەدەستیش داواکاریت پێشکەش کردوەو ئەمەش سەر لە لیژنە دەشێوێنێت هەرجەندە کاندیدەکە جەخت لەسەر ئەوە دەکات کە بریکارەکەى ساڵى پار داواکارى پێشکەش کردوە و دوای چوارمانک لە ناچاریدا سەر لەنوى بە ئیمەیل هەمان داواکاری پێشکەش کردۆتەوە.
ئەوەى لێرەدا جەختى لێدەکەمەوە ئەوەیە کە تکام لە هەموو لایەکە کە داواکارى بەڵگەکان دەنێرێت بۆمان بە شێوازێکى بێ لایەنانە بە دوور لە بۆچونى حیزبى و کەسێتى چونکە داواکارییەکانمان دەبێتە بەڵگە و دەبنە کەیسى مرۆیى لەسەر ئاستى نێو دەوڵەتى لەهەمانکاتدا کەیسێکى ئیدارى و یاسایى لە کوردستان و عیراق. هەر ئەم هۆیەشە کەلەم نوسراوەدا وشەى تەلەبەم بەکارهێناوە نەک قوتابى و نە خوێندکار و نەفێرخواز و نە..هتد
باش لەبەر چاومە سبەینى بەبلاو بونەوەى ئەم هەواڵى د. ئامانجى عەبدوڵاى حاجى سعید یەتە بەر میدیاکان و دەڵێت هەموو مانگیک پارە بۆ 150- 200 کاندید سەرفکراوە. بەڵام ئەوەى نایزانێت ئەوەیە زیاتر لە 3000 کاندید ى کورد لە دەرەوە ئەخوێنێت و تا ئێستا وەزارەت توانیوێتى بە تێکرای 1500- 1800 مامەڵە ڕایبکات بەو پێیەش بێت ساڵنە 1000-1500 کاندیدى تواناسازى مافە داراییەکانى بۆ خەرجنکرێت!!!

Thursday, June 27, 2013

كورد 90%ی ئه‌و په‌نابارانه‌ پێكدێنن كه‌ به‌زۆر ده‌نێردرێنه‌وه‌


زیاتر له‌ 7 هه‌زار په‌نابه‌ری كورد دیپۆرت كراونه‌ته‌وه‌ و 90%ی ئه‌و په‌نابه‌رانه‌شی مه‌ترسیی به‌زۆر ناردنه‌وه‌یان له‌سه‌ره‌ كوردن.
سه‌رپه‌رشتیارانی فیدراسیۆنی سه‌رتاسه‌ریی په‌نابه‌رانی هه‌رێمی كوردستان رایده‌گه‌یه‌نن له‌گه‌ڵ ئه‌وه‌ی ئێسته‌ ناردنه‌وه‌ی په‌نابه‌ران به‌ زۆره‌ملێ راگیراوه‌، به‌ڵام ئه‌و مه‌ترسییه‌ كۆتایی نه‌هاتووه‌، چونكه‌ سه‌ره‌ڕای ئه‌وه‌ی 7 هه‌زار په‌نابه‌ری كورد به‌زۆر ره‌وانه‌ی هه‌رێمی كوردستان كراونه‌ته‌وه‌ و ئێسته‌ له‌ ره‌وشێكی زۆر ناخۆشدان، هه‌زاران په‌نابه‌ری تریش له‌ژێر هه‌ڕه‌شه‌ی به‌زۆر ناردنه‌وه‌دان.
ئاری جه‌لال سه‌رپه‌رشتیاری فیدراسیۆنی سه‌رتاسه‌ریی په‌نابه‌رانی هه‌رێمی كوردستان له‌ لێدوانێكیدا بۆ (باس) جه‌ختی كرده‌وه‌ زیاتر له‌ 35 هه‌زار په‌نابه‌ری عیراقی له‌ وڵاتانی ئه‌وروپا مه‌ترسیی به‌زۆر ناردنه‌وه‌یان هه‌یه‌.
گوتیشی 90%ی ئه‌و په‌نابه‌رانه‌ش كوردن، زۆری په‌نابه‌ری شاره‌كانی دیكه‌ی عێراق مافی په‌نابه‌رێتیان پێ ده‌درێت، به‌ڵام ئه‌وانه‌ی دانیشتووی هه‌رێمی كوردستانن وه‌ری ناگرن.
له‌ ساڵی 2001 نه‌ته‌وه‌ یه‌كگرتووه‌كان دوای تێپه‌ڕبوونی 50 ساڵ به‌سه‌ر ئیمزاكردنی رێكه‌وتننامه‌ی تایبه‌ت به‌ په‌نابه‌ران، بڕیاری دا 20ی حوزه‌یرانی هه‌موو ساڵێك بكرێته‌ رۆژی په‌نابه‌ران.
ئامانج عه‌بدوڵڵا سكرتێری لقی هه‌رێمی كوردستانی فیدراسیۆنی سه‌رتاسه‌ریی په‌نابه‌رانی عێراق، به‌ (باس)ی راگه‌یاند له‌ دوای ساڵی 2005 زیاتر له‌ 7 هه‌زار په‌نابه‌ری كورد له‌  به‌ریتانیا، یونان، سوید، فه‌ره‌نسا، نه‌رویج، ئێرله‌ندا، سویسرا، هۆڵه‌ندا و فینله‌ندا بۆ هه‌رێمی كوردستان دیپۆت كراونه‌ته‌وه‌، ئه‌گه‌ر رێكه‌وتنه‌كانی عێراق هه‌ڵنه‌وه‌شێندرێنه‌وه‌ 30 بۆ 35 هه‌زار په‌نابه‌ری تریش، هه‌ڕه‌شه‌ی دیپۆرتكرانه‌وه‌یان له‌سه‌ره‌ كه‌ 90% كوردن.
 له‌ هۆڵه‌ندا 1300 كه‌س و له‌ به‌ریتانیا 6 هه‌زار و له‌ سوید و نه‌رویج 3  هه‌زار و 800 په‌نابه‌ری كورد هه‌ڕه‌شه‌ی ناردنه‌وه‌یان له‌سه‌ره‌.
ئامانج عه‌بدوڵا ئه‌وه‌شی خسته‌ روو، ره‌وشی ده‌روونی و ئابووریی په‌نابه‌ران زۆر خراپه‌ و هه‌موو ئیمتیازێكیان لێ سه‌ندراوه‌ته‌وه‌.
گوتیشی: "داوا ده‌كه‌ین  چیتر په‌نابه‌ران وه‌كو كارتێكی سیاسی و به‌مه‌به‌ستی به‌رژه‌وه‌ندیی لایه‌نه‌كان به‌كار نه‌هێندرێن، حكوومه‌تی هه‌رێمی كوردستانیش به‌گوێره‌ی خواستی په‌نابه‌ران وه‌ڵامی سه‌رجه‌م ئه‌و یاداشت و داواكاریانه‌ بداته‌وه‌ كه‌ له‌باره‌ی په‌نابه‌رانه‌وه‌ ئاراسته‌ی كراون، هه‌ڵوێستی جدیش له‌سه‌ر بارودۆخی ژیانی په‌نابه‌ران وه‌ربگرێت.
 به‌رپرسه‌كه‌ی په‌نابه‌ران ڕوونی كرده‌وه‌، پێویسته‌ سووكایه‌تیكردن به‌ په‌نابه‌ران ڕابگیرێت و سزای ئه‌و كۆمپانیایانه‌ش بدرێـت كه‌ ڕێككه‌وتنیان له‌گه‌ڵ وڵاتانی ئه‌وروپا كردووه‌ كه‌ به‌زۆر په‌نابه‌ران بگه‌ڕێننه‌وه‌ وڵاته‌كانیان.
لای خۆیه‌وه‌ دیندار زێباری یاریده‌ده‌ری فه‌رمانگه‌ی په‌یوه‌ندیه‌كانی ده‌ره‌وه‌ی حكوومه‌تی هه‌رێمی كوردستان بۆ كاروباری رێكخراوه‌كان، رای گه‌یاند هه‌ڵوێستی خۆمان به‌ راشكاوی به‌ رێكخراوی په‌نابه‌رانی جیهانی و یوئێن داوه‌ كه‌ ئێمه‌ له‌گه‌ڵ به‌ زۆر ناردنه‌وه‌ی په‌نابه‌ران نین.
زێباری ئاماژه‌ی به‌وه‌ش دا ره‌وشی په‌نابه‌رانی كورد به‌گشتی باش نییه‌: "كه‌یسی وه‌ڵامدانه‌وه‌ی په‌نابه‌ران له‌ هه‌ندێك وڵات زۆر دواكه‌وتووه‌ و ژماره‌یه‌كی زۆریشیان له‌ زیندانن و ره‌وشیان خراپه‌، هه‌ندێكیشیان تۆمه‌تی كاری نایاساییان خراوه‌ته‌ پاڵ بۆ ئه‌وه‌ی دیپۆرتیان بكه‌نه‌وه‌".
 ئه‌میر ئه‌حمه‌د كه‌ ماوه‌ی 8 ساڵ له‌ به‌ریتانیا په‌نابه‌ر بووه‌ و له‌ ساڵی رابردوو دیپۆرت كراوه‌ته‌وه‌ ده‌ڵێ: "ژیانی په‌نابه‌ری جه‌هه‌ننه‌م و كاره‌ساته‌، ده‌بێ له‌وه‌ ناخۆشتر چی بێت 8 ساڵ له‌ وڵاتێك به‌ترس و له‌رز كار بكه‌ی، به‌ڵام دواتر قۆڵبه‌ستت بكه‌ن و ره‌وانه‌ت بكه‌نه‌وه‌ و لێره‌ش له‌ نائومێدی و بێكاریدا بژیت و كه‌س ئاوڕت لێ نه‌داته‌وه‌".
ئه‌میر گوتیشی: "له‌گه‌ڵ ئه‌وه‌ی به‌ راسته‌وخۆ وه‌جبه‌ی په‌نابه‌ران بۆ فڕۆكه‌خانه‌كانی هه‌رێمی كوردستان نانێردرێنه‌وه‌، به‌ڵام  دوو دوو سێ سێ له‌ فڕۆكه‌خانه‌كانی هه‌رێمی كوردستان داده‌به‌زێندرێن".
به‌ڵام دیندار زێباری روونی ده‌كاته‌وه‌ بڕیاری حكوومه‌تی هه‌رێمه‌ كه‌ پێشوازی له‌ هیچ فڕۆكه‌یه‌ك ناكه‌ین له‌ فڕۆكه‌خانه‌كانی كوردستان كه‌ په‌نابه‌ری به‌ زۆر نێردراوی تێدا بێت.
ئاراس ره‌سوڵ كه‌ ماوه‌ی سێ ساڵه‌ گه‌ڕێندراوه‌ته‌وه‌، چیرۆكی خۆی به‌وه‌ بۆ (باس) ده‌ست پێكرد كه‌ به‌ ناوی ئیمزاكردن له‌ لایه‌ن پۆلیسی به‌ریتانی فێڵی لێ كراوه‌ و ده‌ستگیر كراوه‌.
گوتی: "كاتی خۆی له‌گه‌ڵ 56 په‌نابه‌ری تر به‌ چاوبه‌ستراوی گه‌ڕێندراینه‌وه‌ كوردستان، ئه‌و كات ته‌نیا 50 پاوه‌ندم پێ بوو چاویان به‌ستینه‌وه‌ و به‌ مامه‌ڵه‌یه‌كی دوور له‌ مرۆڤانه‌ ئێمه‌یان گرت".
به‌پێی راگه‌ییاندنی په‌نابه‌رانی سه‌رتاسه‌ری، ره‌وشی په‌نابه‌رانی  كورد به‌ره‌و خراپی ده‌ڕوات، حاڵه‌تی  زیندانیكردن و ده‌ركردن درێژه‌یان هه‌یه‌، ته‌نانه‌ت تا ئێسته‌ 15 په‌نابه‌ری كورد له‌نێو كه‌مپه‌كانی وڵاته‌ جیاجیاكانی ئه‌وروپا، خۆیان كوشتووه‌.
ڕێكخراوی نه‌ته‌وه‌ یه‌كگرتوه‌كان ڕای گه‌یاند، ژماره‌ی په‌نابه‌ران له‌ جیهاندا 7 ملیۆن و 600 هه‌زار كه‌سه‌. كۆمیسیاری باڵای په‌نابه‌رانی سه‌ربه‌ نه‌ته‌وه‌ یه‌كگرتووه‌كان ئاماژه‌ به‌وه‌ ده‌كات كه‌ له‌ 55%ی په‌نابه‌رانی جیهان، له‌ 5 ده‌وڵه‌تی جیهانه‌وه‌ دێن كه‌ بریتین له‌ ئه‌فغانستان و سۆماڵ و عێراق و سودان و سووریا.
عه‌لی مه‌حمود چالاكوانی مه‌ده‌نی ئه‌وه‌ی بۆ (باس) روون كرده‌وه‌ كه‌ له‌به‌رئه‌وه‌ی وڵاتانی وه‌رگری به‌نابه‌ری له‌ قه‌یرانی ئابووریدان، ره‌وشی په‌نابه‌ران رۆژ له‌ دوای رۆژ خراپتر ده‌بێت. گوتیشی: له‌ هه‌موو وڵاتان ره‌وش خراپه‌، تاكه‌ وڵات فینله‌ندایه‌ كه‌ بواری وه‌رگرتنی مافی به‌نابه‌ریی تێدایه‌.

هه‌ولێر (باس) شوان به‌رزنجی-

ناردنه‌وه‌ی زۆره‌ملێیی عیراقییه‌كان، به‌رپرسانی هۆڵه‌ندا ده‌هێنێته‌ به‌غدا

خه‌ندان ـ عه‌لی ناجی


بۆ وتوێژكردن سه‌باره‌ت به‌ دیپۆرتكردنه‌وه‌ی سه‌دان هاوڵاتیی عیراق ، وه‌زیری كۆچی هۆڵه‌ندا مانگی داهاتوو سه‌ردانی به‌غدا ده‌كات. 



خاتوو لیقا وه‌ردی، سه‌رۆكی لیژنه‌ی كۆچ و كۆچبه‌ران له‌ ئه‌نجومه‌نی نوێنه‌رانی عیراق تایبه‌ت به‌ (خه‌ندان)ی راگه‌یاند: وه‌زیری كۆچی هۆڵه‌ندا مانگی داهاتوو سه‌ردانی به‌غدای پایته‌خت ده‌كات و به‌رپرسان ئاگادارده‌كاته‌وه‌ له‌وه‌ی ئه‌مستردام ئاماده‌نییه‌ چیتر ئه‌و هه‌زار و 500 په‌نابه‌ره‌ عیراقییه‌ گلبداته‌وه‌ كه‌ به‌مدواییانه‌ داواكارییه‌كانیان ره‌تكراوه‌ته‌وه‌.



لیقا وه‌ردی وتی: به‌شێك له‌و په‌نابه‌رانه‌ی كه‌ حكومه‌تی هۆڵه‌ندا به‌نیازه‌ دیپۆرتیان بكاته‌وه‌، هاوڵاتیانی هه‌رێمی كوردستان و ناوچه‌كانی دیكه‌ی عیراقیشی تێدایه‌، ته‌نانه‌ت ئه‌و ناوچانه‌ش كه‌ هێشتا باردۆخی ئه‌منییان ناهه‌مواره‌.



پێشتر لیژنه‌ی كۆچ و كۆچبه‌رانی ئه‌نجومه‌نی نوێنه‌رانی عیراق سه‌ردانی هۆڵه‌ندای كرد و له‌ ره‌وشی گوزه‌رانی په‌نابه‌ر عیراقییه‌كانی ئه‌و وڵاته‌ی كۆڵییه‌وه‌و مه‌سه‌له‌ی ناردنه‌وه‌ی زۆره‌ملێی له‌گه‌ڵ حكومه‌تی ئه‌مستردام تاوتوێ كرد.

Tuesday, June 25, 2013

نێچیرڤان بارزانى: نەتەوە یەکگرتووەکان ده‌بێ هاوكاریى زیاترى په‌نابه‌ران له‌ هه‌رێمى كوردستان بكات



ئێواره‌ى ئه‌مڕۆ (دووشه‌ممه‌ 24ى حوزه‌یرانى 2013)، نێچیرڤان بارزانى سه‌رۆكى حكومةتى هه‌رێمى كوردستان پێشوازى له‌ مارتن كۆپله‌ر – ى نوێنه‌رى سكرتێرى گشتیى نه‌ته‌وه‌ یه‌كگتووه‌كان له‌ عیراق كرد، كه‌ به‌ بۆنه‌ى كۆتایى هاتنى كاره‌كه‌ى له‌ عیراق و بۆ ماڵئاواییكردن، سه‌ردانى سه‌رۆك وه‌زیرانى كرد بوو.

له‌ دیدارێكدا نوێنه‌رى سكرتێرى گشتیى نه‌ته‌وه‌ یه‌كگرتووه‌كان، سوپاس و پێزانینى خۆى پێشكه‌ش به‌  حكومه‌تى هه‌رێمى كوردستان كرد بۆ ئه‌و هاوكارى و هه‌ماهه‌نگییه‌ى به‌رده‌وام له‌گه‌ڵ UN و ده‌زگاكانى نه‌ته‌وه‌ یه‌كگرتووه‌كانیان كردووه‌ و ده‌یكه‌ن. 

ئاماژه‌ى به‌وه‌شدا كه‌ كاتێك له‌ عیراق ده‌ستبه‌كار بوو، یه‌كه‌مین سه‌ردانى خۆى له‌ ده‌ره‌وه‌ى به‌غدا بۆ هه‌ڵه‌بجه‌ ئه‌نجام دا و ئه‌مڕۆش به‌ر له‌م دیداره‌ و له‌ كاتێكدا كاره‌كانى له‌ عێراق كۆتایى دێت، دووباره‌ سه‌ردانى هه‌ڵه‌بجه‌ى كرده‌وه‌.

لاى خۆیه‌وه‌ نێچیرڤان بارزانى، به‌ ناوى خۆى و حكومه‌تى هه‌رێمى كوردستانه‌وه‌ سوپاسى ڕۆڵ و ماندووبوونى نوێنه‌رى سكرتێرى نه‌ته‌وه‌ یه‌كگرتووه‌كانى له‌ عیراق كرد و ڕۆڵى مارتن كۆپله‌ر – ى له‌ هه‌وڵدان بۆ چاره‌سه‌ركردنى كێشه‌كانى عیراق و مامه‌ڵه‌ و ڕه‌فتارى هاوسه‌نگى له‌گه‌ڵ لایه‌ن و پێكهاته‌ نه‌ته‌وه‌یى و مه‌زهه‌بیه‌كانى عیراق به‌رز نرخاند و هیواى سه‌ركه‌وتنى له‌ كار و ئه‌ركى تازه‌یدا بۆ خواست.

په‌یوه‌ندییه‌كانى هه‌ولێر و به‌غدا لایه‌نێكى دیكه‌ى دیداره‌كه‌ بوون، كه‌ تیایدا كۆپله‌ر ده‌سپێكردنه‌وه‌ى گفتوگۆكانى نێوان هه‌ردوو حكومه‌تى فیدرال و حكومه‌تى هه‌رێمى كوردستانى به‌ هه‌نگاوێكى ئه‌رێنى و سه‌ردانى نێچیرڤان بارزانى بۆ به‌غدا كه‌ بووه‌ هۆى ده‌سپێكردنه‌وه‌ى دانوستانه‌كانى نێوان هه‌ردوولا، به‌ ده‌ستپێشخه‌رییه‌كى گرنگ و پێویست له‌ قه‌ڵه‌م دا.

لاى خۆیه‌وه‌ سه‌رۆك وه‌زیران دووپاتى كرده‌وه‌ كه‌ هه‌رێمى كوردستان هه‌میشه‌ له‌گه‌ڵ ئه‌وه‌دا بووه‌ كێشه‌كان له‌ ڕێگه‌ى دیالۆگ و لێكگه‌یشتنه‌وه‌ چاره‌سه‌ر بكرێن و ئاماژه‌ى به‌وه‌ دا بۆ چاره‌سه‌ركردنى كێشه‌كان له‌سه‌ر دانوستان و گفتوگۆ به‌رده‌وام ده‌بین و ڕایگه‌یاند ئێستا چاومان له‌ كارى ئه‌و لیژنانه‌یه‌ كه‌ به‌ هاوبه‌شى له‌ نێوان هه‌ردوولادا بۆ چاره‌سه‌ركردنى كێشه‌كان دامه‌زراون.

ده‌رباره‌ى پرسى په‌نابه‌رانى سووریاش له‌ هه‌رێمى كوردستان، نێچیرڤان بارزانى جه‌ختى له‌سه‌ر ئه‌وه‌ كرده‌وه‌ كه‌ په‌نابه‌ران پێویستیان به‌ هاوكاریى زیاترى نه‌ته‌وه‌ یه‌كگرتووه‌كان و حكوومه‌تى فیدرال هه‌یه‌ و ئاماژه‌ى به‌وه‌ى دا كه‌ پێشبینیى ژماره‌ى زیاترى په‌نابه‌ران ده‌كه‌ین، بۆیه‌ ده‌بێ نه‌ته‌وه‌ یه‌كگرتووه‌كان و حكوومه‌تى فیدرال ڕۆڵێكى كاراتر بۆ هاوكاریى په‌نابه‌ران و پێشكه‌شكردنى كۆمه‌ك و یارمه‌تیى زیاتر؛ بگێڕن.

خه‌ندان-

Monday, June 24, 2013

دۆزینه‌وه‌ى ده‌رفه‌تى كاركردن


ئاكادارى

بۆهه‌موو ئه‌وگه‌نجانه‌ى ناوشارى سلێمانى وده‌وروبه‌رى كه‌پێویستیان به‌تواناسازى وراهێنانه‌ بۆفێربوونى پیشه‌یه‌ك ده‌توانن له‌ڕێگاى ئه‌م ژماره‌ ته‌له‌فونى (07480421944 )په‌یوه‌ندى بكه‌ن به‌ به‌رێوبه‌رایه‌تى راهێنان وپیشه‌ى سه‌ر به‌وه‌زاره‌تى كاروبارى كۆمه‌ڵایه‌تى بۆ راهێنان و دۆزینه‌وه‌ى ده‌رفه‌تى كاركردن ...یاخود بۆهه‌رپرسیارێك ده‌توانن به‌یوه‌ندى به‌رێكخراوى ئه‌زموون بكه‌ن ..


چۆن له‌كوردستانه‌وه‌ فیزه‌ی‌ ئه‌مه‌ریكا وه‌رده‌گریت؟


كونسوڵخانه‌ی‌ گشتی‌ ویلایه‌ته‌ یه‌كگرتوه‌كانی‌ ئه‌مریكا ده‌ست به‌ پێشكه‌شكردنی‌ ڤیزه‌ی‌ گه‌شت و خزمه‌تگوزاری‌ هاولاتیانی‌ ئه‌مریكی‌ ده‌كات‌و له‌و باره‌یه‌وه‌ ئه‌مرۆ له‌گه‌ڵ پارێزگاری‌ هه‌ولێر، نه‌وزاد هادی‌ كۆبونه‌وه‌.

كونسڵخانه‌ی‌ گشتی‌ ویلایه‌ته‌ یه‌كگرتووه‌كانی‌ ئه‌مه‌ریكا، له‌دوای‌ سه‌ردانه‌كه‌یان بۆ لای‌ پارێزگاری‌ هه‌ولێر، له‌ڕاگه‌یاندنێكدا چۆنێتی‌ پێشكه‌شكردنی‌ پرۆسه‌ی‌ وه‌رگرتنی‌ فیزه‌ی‌ ئه‌مه‌ریكی‌ بڵاوده‌كه‌نه‌وه‌ كه‌ئه‌مه‌ی‌ خواره‌وه‌ ده‌قه‌كه‌یه‌تی‌.

كونسوڵخانه‌ی‌ گشتی‌ ویلایه‌ته‌ یه‌كگرتوه‌كانی‌ ئه‌مریكا ده‌ست به‌ پێشكه‌شكردنی‌ ڤیزه‌ی‌ گه‌شت و خزمه‌تگوزاری‌ هاولاتیانی‌ ئه‌مریكی‌ ده‌كات

كونسوڵخانه‌ی‌ گشتی‌ ویلایه‌ته‌ یه‌كگرتوه‌كانی‌ ئه‌مریكا خۆشخاڵه‌ به‌ڕاگه‌یاندنی‌ ده‌ستپێكردنی‌ خزمه‌تگوزاری‌ كونسوڵگه‌ری‌ زیاترله‌ رێكه‌وتی‌ 25-6-2013 ه‌وه‌. هاولاتیانی‌ عێراقی‌ ئێستا ده‌توانن له‌ ڕێی‌ كونسوڵخانه‌ی‌ گشتیه‌وه‌ داواكاری‌ بۆ چه‌ندین جۆری‌ ڤیزه‌ , جگه‌ له‌ڤیزه‌ی‌ كۆچ, پێشكه‌ش بكه‌ن به‌مه‌به‌ستی‌ سه‌ردانكردنی‌ ئه‌مریكا وه‌كو ڤیزه‌ی‌ گه‌شت و, ڤیزه‌ی‌ سه‌ردانی‌ بازرگانی‌ و, ڤیزه‌ی‌ خوێندكارو, ڤیزه‌ی‌ ئالوگۆری‌ خوێنكارو ڤیزه‌ی‌ كاتیی‌ كاركردن. ڤیزه‌ی‌ دیپلۆمات و, ره‌سمی‌ و كۆچ به‌شێوه‌یه‌كی‌ به‌رده‌وام ته‌نها له‌ باڵیۆزخانه‌ی‌ ئه‌مریكا له‌ به‌غداد ده‌درێت.

چاوپێكه‌وتنی‌ ڤیزه‌ ده‌بێت له‌رێگه‌ی‌ به‌كارهێنانی‌ سیسته‌می‌ مه‌وعید دانانی‌ ئۆنلاینه‌وه‌ دیاری‌ بكرێت كه‌ به‌رده‌سته‌ له‌رێی‌ ماڵپه‌ری‌ كونسوڵخانه‌ی‌ گشتیه‌وه‌. چاوپێكه‌وتن له‌ به‌یانیانی‌ یه‌ك شه‌ممه‌ تاوه‌كو چوارشه‌ممه‌ له‌ به‌شی‌ كونسوڵگه‌ری‌ كونسوڵخانه‌ ئه‌نجام ده‌درێت. به‌هۆی‌ كه‌می‌ جێگه‌وه‌, به‌شی‌ كونسوڵگه‌ری‌ داواكاری‌ بۆ زانیاری‌ ودانانی‌ مه‌وعیدی‌ ڤیزه‌ به‌شێوه‌ی‌ له‌ده‌ست وه‌رگرتن قبوڵ ناكات.

زانیاری‌ له‌ سه‌ر پرۆسه‌ی‌ پێشكه‌ش كردن بۆ ڤیزه‌ی‌ ئه‌مریكی‌, جگه‌ له‌ڤیزه‌ی‌ كۆچ, وه‌كو چۆنیه‌تی‌ مه‌وعید دانان و, جۆره‌كانی‌ ڤیزه‌ و وه‌ چی‌ چاوه‌روان ده‌كرێت له‌ كاتی‌ چاوپێكه‌وتنی‌ ڤیزه‌ ده‌توانرێت له‌ رێی‌ ماڵپه‌ری‌ كونسوڵخانه‌ی‌ گشتیه‌وه‌ ده‌ست بكه‌وێت.


تكایه‌ ئاگاداربه‌, هه‌مو داواكایه‌كانی‌ ڤیزه‌ پێویسته‌ له‌ڕێی‌ ئۆتلاینه‌وه‌ ته‌واو بكرێن له‌ڕێی‌ ئه‌و لینكه‌وه‌ كه‌ له‌سه‌ر ماڵپه‌ری‌ كونسوڵخانه‌ی‌ گشتی‌ به‌رده‌سته‌. داواكارانی‌ ڤیزه‌ ده‌بێ‌ وێنه‌یه‌كی‌ چاپكراوی‌ داواكاریه‌كه‌یان بێنن بۆ كونسوڵخانه‌ له‌ ڕۆژی‌ چاوپێكه‌وتنی‌ كه‌سیان.


كونسوڵخانه‌ی‌ گشتی‌ به‌هه‌مان شێوه‌ خزمه‌تگوزاری‌ ته‌واو بۆ هاولاتیانی‌ ئه‌مریكی‌ پێشكه‌ش ده‌كات, وه‌كو پێشكه‌شكردن بۆ پاسپۆرت و نوێكردنه‌وه‌ی‌, ڕاپۆرتی‌ له‌دایك بوون له‌ده‌ره‌وه‌ی‌ ولات وخزمه‌تگوزاری‌ بریكارنامه‌. خزمه‌تگوزاری‌ هاولاتیانی‌ ئه‌مریكی‌ له‌ڕێگه‌ی‌ مه‌وعیده‌وه‌ له‌ پاش نیوه‌ڕۆیانی‌ یه‌ك شه‌ممه‌و دووشه‌ممه‌و چوارشه‌ممه‌ پێشكه‌ش ده‌كرێت. 

بۆ دانانی‌ مه‌وعید یان زانیاری‌ زیاتر ده‌رباره‌ی‌ خزمه‌تگوزاریه‌ به‌رده‌سته‌كانی‌ كونسوڵگه‌ری‌ تكایه‌ سه‌ردانی‌ ماڵپه‌ری‌http://erbil.usconsulate.gov/service.html. كونسوڵخانه‌ی‌ گشتی‌ بكه‌ن 
كونسوڵخانه‌ به‌رده‌وام ده‌بێت له‌ پێشكه‌ش كردنی‌ خزمه‌تگوزاری‌ هاولاتیانی‌ ئه‌مریكی‌ له‌دوای‌ كاتی‌ كاركردن بۆ كاتی‌ نائاسایی‌ (فریاكه‌وتن).

به‌شی‌ كونسوڵگه‌ری‌ كۆنسوڵخانه‌ی‌ گشتی‌ ویلایه‌ته‌ یه‌كگرتوه‌كانی‌ ئه‌مریكا ده‌كه‌وێته‌ 413, عه‌شتار, عه‌نكاوه‌, هه‌ولێر, عێراق بكه‌نhttp://erbil.usconsulate.gov/.نزیكبنكه‌ی‌ پۆلیسی‌ عه‌نكاوه‌. بۆ زانیاری‌ زیاتر له‌سه‌ر كونسوڵخانه‌ی‌ گشتی‌ سه‌ردانی‌

خه‌ندان

Sunday, June 23, 2013

داواده‌كرێت ده‌رفه‌تی زیاتر بدرێته‌ په‌نابه‌رانی‌ عێراق له هۆڵه‌ندا


له‌كۆبوونه‌وه‌ی‌ ئه‌مرۆی‌ ئه‌نجومه‌نی‌ نوێنه‌رانی‌ عێراق كه‌ به‌ئاماده‌بوونی‌ (192) په‌رله‌مانتار به‌ڕێوه‌چوو، خوێندنه‌وه‌ی‌ یه‌كه‌م بۆ سێ‌ پرۆژه‌ یاساكرا، هاوكات بڕیاری‌ به‌زۆر دیپۆرتنه‌كردنه‌وه‌ی‌ په‌نابه‌رانی‌ عێراق، له‌هۆڵه‌ندا ده‌نگی‌ له‌سه‌ردرا. 

(بورهان محه‌مه‌د فه‌ره‌ج) ئه‌ندامی‌ ئه‌نجومه‌نی‌ نوێنه‌رانی‌ عێراق به‌ NNA ڕاگه‌یاند، له‌كۆبوونه‌وه‌ی‌ ئه‌مرۆی‌ ئه‌نجومه‌نی‌ نوێنه‌راندا چه‌ند پرۆژه‌ یاسایه‌ك خوێندنه‌وه‌ی‌ یه‌كه‌می‌ بۆكرا، كه‌ تایبه‌ت بوون به‌لیژنه‌ی‌ په‌یوه‌ندییه‌كان‌و لیژنه‌ی‌ ڕۆشنبیرییه‌وه‌

بورهان محه‌مه‌د وتی‌:"به‌بۆنه‌ی‌ ڕۆژی‌ په‌نابه‌رانی‌ جیهانییه‌وه‌ لیژنه‌ی‌ مافی‌ مرۆڤ ڕاپۆرتێكیان ئاماده‌ كردبوو، سه‌باره‌ت به‌په‌نابه‌رانی‌ عێراق".

به‌گوێره‌ی‌ ئه‌و زانیاریانه‌ش كه‌ له‌پێگه‌ی‌ ئه‌نجومه‌نی‌ نوێنه‌رانی‌ عێراق بڵاوكراوه‌ته‌وه‌، شیروان وائلی‌ پێشنیازیكردووه‌، حكومه‌تی‌ عێراق داوایه‌ك پێشكه‌ش به‌حكومه‌تی‌ هۆڵه‌ندی‌ بكات، تا پێنج ساڵ مۆڵه‌ت به‌مانه‌وه‌ی‌ ئه‌و په‌نابه‌رانه‌ی‌ عێراق بدرێت كه‌ داواكاریه‌كانیان ڕه‌تكراونه‌ته‌وه‌‌و هیچ به‌ڵگه‌نامه‌یه‌كی‌ حكومه‌تی‌ هۆڵه‌ندیان پێنه‌دراوه‌. 
-----------------------------------------------------------------
ئاسۆ ئه‌كره‌م – NNA

نشینگەی سلێمانی لە 6 مانگدا 200 كەسی دیپۆرتكردو‌وەتەوە


لەماوەی شەش مانگی رابردوودا 201 كەس لە سلێمانییەوە بۆ شوێنی خۆیان دیپۆرتكراونەتەوە. هاوكات لەو ماوەیەدا پشكنین بۆ10281 خەڵكی بیانی كراوە، كە 4 حاڵەتی ئایدزی تێدابووە.

بەپێی ئامارێكی بەڕێوەبەرایەتی نشینگەی سلێمانی، لەماوەی شەش مانگی رابردوودا 201 كەس دیپۆرتكراونەتەوە، ئەمە لە كاتێكدایە بەپێی ئامارەكە 51 كەس لە دەرەوەی هەرێمی كوردستان بۆ سلێمانی دیپۆرتكراون.

بەپێی ئامارەكەی بەڕێوەبەرایەتی نشینگەی سلێمانی لەسەرەتای ئەمساڵەوە تا كۆتایی مانگی ئایاری رابردوو، 7588 كەس بۆ یەكەمجار بەڵگەنامەی مانەوەیان پێدراوە، هاوكات لەو ماوەیەدا پشكنین بۆ 10281 خەڵكی بیانی كراوە، كە هاتوونەتە سنووری پارێزگای سلێمانی.

لەو رێژەیەش چوار حاڵەتی ئایدز و 209 حاڵەتی نەخۆشی هەوكردنی جگەر زانراون، هەروەها 17 تەرم رەوانەی دەرەوەی هەرێم كراون و 16 تەرمیش هێنراونەتەوە بۆ ناو هەرێم.

هەر بەپێی ئامارەكە49 بەڵگەنامەی ساختە دەستی بەسەرداگیراوە.

بەشێوەیەكی گشتی لەماوەی ئەو شەش مانگەدا 48698 كەس سەردانی بەڕێوەبەرایەتی نشینگەی سلێمانییان كردووە بۆ راییكردنی مامەڵە یاساییەكانیان.
رووداو – سلێمانی

به‌ریتانیا ڤیزا به‌هاوڵاتیانی‌ هه‌رێم ده‌دات


له‌میانی‌ ئاهه‌نگی‌ جه‌ژنی‌ پاشای به‌ریتانیا، كه‌  له‌هه‌ولێر سازكرا كونسوڵی‌ به‌ریتانیا ڕایگه‌یاند، به‌بێ‌ گه‌ڕانه‌وه‌ بۆ به‌غدا ڤیزا ده‌ده‌ن به‌هاوڵاتیانی‌ هه‌رێم.

ئێواره‌ی‌ ڕابردوو له‌هۆتێل ڕۆتانا له‌هه‌ولێر، كونسوڵگه‌ری‌ به‌ریتانیا له‌هه‌رێمی‌ كوردستان به‌بۆنه‌ی‌ جه‌ژنی‌ پاشاوه‌ ئاهه‌نگێكی‌ سازكرد، له‌و ئاهه‌نگه‌دا كه‌ نوێنه‌ری‌ حكومه‌تی‌ هه‌رێمی‌ كوردستان‌و حزبه‌ كوردستانیه‌كان ئاماده‌یبون، (هیو ئیڤانس) كونسوڵی‌ به‌ریتانیا له‌هه‌رێمی‌ كوردستان له‌وته‌یه‌كیدا ڕایگه‌یاند، وڵاته‌كه‌ی‌ به‌مه‌به‌ستی‌ پته‌وكردنی‌ په‌یوه‌ندییه‌ سیاسی‌ ‌و ئابورییه‌كان‌و هه‌وكاریكردنی‌ حكومه‌ت‌و هاوڵاتیانی‌ هه‌رێمی‌ كوردستان كونسوڵگه‌ریان كردووه‌ته‌وه‌.

ئیڤانس ئاشكرایكرد، له‌مه‌ودوا به‌بێ‌ گه‌ڕانه‌وه‌ بۆ به‌غدا ده‌توانن ڤیزا بده‌ن به‌هاوڵاتیانی‌ هه‌رێمی‌ كوردستان ڕونیشیكرده‌وه‌، هه‌رهاوڵاتیه‌ك داوای‌ ڤیزای‌ به‌ریتانیا بكات، ئه‌وان مامه‌ڵه‌كه‌ی‌ نانێرن بۆ به‌غدا، به‌ڵكو له‌ڕێی‌ باڵیۆزخانه‌كه‌یانه‌وه‌ له‌ئوردن ڤیزاكه‌ی‌ بۆ وه‌رده‌گرن. 

له‌سه‌ره‌تای‌ سه‌ده‌ی‌ (18)ه‌وه‌ به‌ریتانییه‌كان له‌كۆتایی مانگی‌ حوزه‌یرانی‌ هه‌موساڵێكدا به‌بۆنه‌ی‌ جه‌ژنی‌ پاشاوه‌ ئاهه‌نگی‌ میللی‌ ده‌گێڕن‌و حكومه‌ت‌و زۆربه‌ی‌ چین‌و توێژه‌كان به‌شداری‌ تیاداده‌كه‌ن.
-----------------------------------------------------------------
و: شادمان عه‌زیز NNA

بۆ جاری سێیەم قوتابیانی تواناسازی خۆپیشاندان ئه‌نجام ده‌ده‌ن


بۆ جاری سێیەم قوتابیانی تواناسازی خۆپیشاندانیان بۆ بەردەم ئەنجومەنی وەزیرانی هەرێمی كوردستان ساز كرد و داوایان ده‌كرد داواكاریه‌كانیان جێ به‌جێ بكرێت .

ئه‌مرۆ یه‌ك شه‌ممه‌ 2013/6/23 قوتابیانی تواناسازی خۆپیشاندانێكیان بۆ به‌رده‌م ئه‌نجومه‌نی وه‌زیران سازكردو داوایان ده‌كرد نمرەی وەرگیران و خولی زمانی ئینگلیزی كە لەئێستادا بۆ شەش مانگە بكرێت بە نۆ مانگ .
قوتابیانی تواناسازی داواشیان دەكرد كە وەزیری خوێندنی باڵا كێشەكانیان چارەسەر بكات لەوەی كە رۆتینیات زۆر خراوەتە كارەكانیان .

كوردیو - هه‌ولێر

Thursday, June 20, 2013

دواهەمین هەواڵى پەناخوازان لە ئوسترالیاوە


کۆچ بۆ ئوسترالیا و کۆچى کوردان

هاوڕێیان لەڕێگەى پەیجى فەیسبووکمانەوە چەند هەواڵى گرنگمان لەبارەى کۆچ بۆ ئوسترالیاوە پێڕاگەیاندن لەئێستاشدا بە کورتى ئەو هەواڵانەتان بۆ دووبارە دەکەینەوە لێرەدا.. 
دوو بەلەمى پەناخوازان گەیشتنە ئاوەکانى ئوسترالیا یەکێکان 136 پەناخوازو ئەویتر 68 پەناخوازى تێدابوو. لەلایەکى ترەوە، پەناخوازێک لە ناوەندێکى دەستبەسەرکردنى باکوورى ئوسترالیا گیانى لەدەستدا.
شایەنى باسە، منداڵان لە ناوەندەکانى دەستبەسەرکردنى پەناخوازانى ئوسترالیا گەیشتە نزیکەى 2000منداڵ و ئەمەش ڕیکۆردێکى نوێیە.
لەڵایەکى ترەوە بەپێى دواهەمین ئامارەکان، ئوسترالیا 2.14%ى پەناخوازانى جیهانى لەخۆى گرتووە.. ڕیکۆردێکى نوێى جیهانى پەناخوازان تۆمارکراوە.
بەلەمێکى نوێى پەناخوازان گەیشتە ئاوەکانى ئوسترالیا، ئەو بەلەمەش 65 پەناخوازى لەخۆى گرتبوو.. سەرجەم پەناخوازەکان ڕەوانەى دوورگەى کریسمس کران.
ئیندۆنیزیا سیاسەتى هاوپەیمانى وەرگرتنى پەناخوازانى ڕەت کردەوە.
ڕۆژ بۆ ڕۆژ سیاسەتی ئوسترالیا بەرامبەر پەناخوازان توندتر دەبێت.

زیاتر له‌ 170 هه‌زار په‌نابه‌ری‌ ئێرانی‌‌و توركی‌‌و سوری‌ له‌هه‌رێمی‌ كوردستاندا هه‌یه‌"



ئه‌مڕۆ، پێنجشه‌ممه‌، (20 ی‌ حوزه‌یران) ڕۆژی‌ جیهانی‌ په‌نابه‌رانه‌‌و به‌پێی‌ په‌یامێكی‌ ڕێكخراوی ‌CDO، زیاتر له‌ 170 هه‌زار په‌نابه‌ری‌ ئێرانی‌‌و توركی‌‌و سوری‌ له‌هه‌رێمی‌ كوردستاندا نیشته‌جێن.


سلێمانی‌، ئاوێنه‌نیوز: له‌رۆژی‌ جیهانی‌ په‌نابه‌راندا ڕێكخراوی ‌CDO، په‌یامێكی‌ بڵاوكردۆته‌وه‌و له‌به‌شێكیدا ده‌ڵێت، " له‌عێراق به‌گشتی‌‌و هه‌رێمی‌ كوردستان به‌تایبه‌ت، ژماره‌ی‌ په‌نابه‌ران ڕو له‌هه‌ڵكشانه‌، دوایین ژماره‌یش ئاماژه‌ به‌وه‌ ده‌كات كه‌ په‌نابه‌رانی‌ ئێرانی‌ نزیكه‌ (9) هه‌زارو په‌نابه‌رانی‌ توركیا نزیكه‌ی‌ (12) هه‌زارو په‌نابه‌رانی‌ سوریش (151) هه‌زاریان تێپه‌ڕاندوه‌."

CDO ئه‌وه‌ش ده‌خاته‌رو كه‌ ڕۆژی‌ جیهانی‌ په‌نابه‌ران، ڕۆژی‌ بیركردنه‌وه‌و كاركردنه‌ له‌پێناو ئه‌و خێزان‌و تاكانه‌دا كه‌ شه‌ڕو ماڵوێرانی‌، سیاسه‌تی‌ خراپ‌و سه‌ركوتكردن‌و هه‌ژاری‌‌و بێ‌ ده‌ره‌تانی‌ ناچاریكردون ماڵ‌و زێدی‌ خۆیان به‌جێ‌ بهێڵن‌و ڕوبكه‌نه‌ ده‌ره‌وه‌ی‌ سنوری‌ وڵاتی‌ خۆیان‌و له‌ژینگه‌یه‌كی‌ ناجۆرو ناته‌ندروست‌و نه‌شیاودا ژیان بگوزه‌رێنن‌و ئومێدو هیوایان ته‌نهاو ته‌نها گه‌ڕانه‌وه‌ بێت بۆ سه‌ر ماڵ‌و حاڵی‌ پێشویان.

مێژوی‌ رۆژی‌ په‌نابه‌ران ده‌گه‌ڕێته‌وه‌ بۆ ساڵی‌ 2000 كاتێك كۆمه‌ڵه‌ی‌ گشتی‌ نه‌ته‌وه‌یه‌كگرتووه‌كان بڕیاریدا كه‌ له‌ساڵی‌ 2001وه‌ رۆژی‌ 20ی‌ حوزه‌یرانی‌ هه‌موو ساڵێك به‌ڕوژی‌ جیهانی‌ په‌نابه‌ران بناسێنرێت كه‌ ئه‌و ساڵه‌ش هاوكات بو له‌گه‌ڵ تپێپه‌ڕبونی‌ 50 ساڵ به‌سه‌ر به‌ئیمزاكردنی‌ ڕێككه‌وتنامه‌ی‌ نه‌ته‌وه‌ یه‌كگرتووه‌كانی‌ تایبه‌ت به‌ په‌نابه‌ران. 

ده‌قی‌ په‌یامه‌كه‌:

په‌یامی‌ ڕێكخراوی ‌CDO  له‌ڕۆژی‌ جیهانی‌ په‌نابه‌راندا

ئه‌مڕۆ، پێنجشه‌ممه‌، (20 ی‌ حوزه‌یران) ڕۆژی‌ جیهانی‌ په‌نابه‌رانه‌، ڕۆژی‌ بیركردنه‌وه‌و كاركردنه‌ له‌پێناو ئه‌و خێزان‌و تاكانه‌دا كه‌ شه‌ڕو ماڵوێرانی‌، سیاسه‌تی‌ خراپ‌و سه‌ركوتكردن‌و هه‌ژاری‌‌و بێ‌ ده‌ره‌تانی‌ ناچاریكردون ماڵ‌و زێدی‌ خۆیان به‌جێ‌ بهێڵن‌و ڕوبكه‌نه‌ ده‌ره‌وه‌ی‌ سنوری‌ وڵاتی‌ خۆیان‌و له‌ژینگه‌یه‌كی‌ ناجۆرو ناته‌ندروست‌و نه‌شیاودا ژیان بگوزه‌رێنن‌و ئومێدو هیوایان ته‌نهاو ته‌نها گه‌ڕانه‌وه‌ بێت بۆ سه‌ر ماڵ‌و حاڵی‌ پێشویان.

شه‌ڕو كاولكاری‌ ئه‌م ناوچه‌یه‌ وایكردووه‌ كه‌ له‌ ڕۆژهه‌ڵاتی‌ ناوین دا ببێته‌ پێشه‌نگ له‌ ژماره‌ و ڕێژه‌ی‌ په‌نابه‌ران له‌ جیهاندا ، شه‌ڕو شۆڕی‌ نێوان وڵاتان ، شه‌ڕی‌ ناوخۆ و شه‌ڕی‌ ده‌سه‌ڵاته‌ دیكتاتۆره‌كان دژی‌ هاولاَتیانی‌ خۆیان ، چه‌وساندنه‌وه‌ و نه‌بوونی‌ ئازادیه‌ كه‌سی‌ و گشتیه‌كان ، هۆكاری‌ گه‌وره‌و سه‌ره‌كی‌ بوون  بۆ چه‌ندین ملیۆَن مرۆڤ كه‌ وڵاتی‌ باوو باپیرانیان جێبهێڵن و ببنه‌ په‌نابه‌ر له‌ وڵاتانی‌ دراوسێ‌ یان له‌ وڵاتانی‌ ئه‌وروپیدا.

ژماره‌كانی‌ ئه‌م دواییانه‌ ئه‌وه‌ ده‌سه‌لمێنن كه‌ عێراقیه‌كان ڕێژه‌یه‌كی‌ به‌رزی‌ په‌نابه‌ران له‌ ئه‌وروپا و ئه‌مریكا پێكده‌هێنن ، ئێستاش خه‌ڵكی‌ سوریا چونه‌ته‌ ڕیزبه‌ندی‌ پێشه‌وه‌ی‌ لێقه‌وماوان و په‌نابه‌رانی‌ ناوچه‌كه‌ و ژماره‌یان نزیكه‌ی‌ یه‌ك ملیۆن و نیوی‌ تێپه‌رَاندووه‌.

 له‌ عێراق به‌گشتی‌ و هه‌رێمی‌ كوردستان به‌تایبه‌ت ، ژماره‌ی‌ په‌نابه‌ران ڕوو له‌ هه‌ڵكشانه‌، دوایین ژماره‌یش ئاماژه‌ به‌وه‌ ده‌كات كه‌ په‌نابه‌رانی‌ ئێرانی‌ نزیكه‌(9)هه‌زار و په‌نابه‌رانی‌ توركیا نزیكه‌ی‌(12)هه‌زار و په‌نابه‌رانی‌ سوریش(151)هه‌زاریان تێپه‌ڕاندوه‌.

ئه‌م ژمارانه‌ ئاماژه‌ی‌ ترسناكن بۆ كاره‌ساتێكی‌ مرۆیی‌ گه‌وره‌تر ئه‌گه‌ر پێش گیری‌ لێ‌ نه‌كرێت و به‌به‌رنامه‌ كاری‌ بۆ نه‌كرێت.

به‌داخه‌وه‌ین كه‌ تاكو ئێستاش دوای‌(22)ساڵ ئازادی‌ كوردستان و (10)ساڵ له‌ پرۆسه‌ی‌ ئازادی‌ عێراق له‌ ده‌ستی‌ دیكتاتۆریه‌ت هێشتا وڵاتی‌ په‌نابه‌ران (عێراق)نه‌بووه‌ته‌ خاوه‌ن یاسایه‌ك یان سیاسه‌تێكی‌ داڕێژراو بۆ مامه‌ڵه‌كردن  بۆمامه‌ڵه‌كردن له‌گه‌ڵ په‌نابه‌راندا , ئه‌مه‌ش وایكردووه‌ كه‌ دۆخی‌ په‌نابه‌رو كاركردن بۆ چاره‌سه‌ری‌ نه‌هامه‌تیه‌كانیان ته‌نها و ته‌نها ئه‌ركی‌ سه‌ره‌كی‌ ڕێكخراوه‌ ناحكومیه‌كان بێت.

له‌ ساڵڕۆژی‌ جیهانی‌ په‌نابه‌راندا ، داواكارین له‌ حكومه‌تی‌ هه‌رێمی‌ كوردستان و حكومه‌تی‌ ناوه‌ندی‌ كه‌ هه‌رچی‌ زووه‌ پێكه‌وه‌ كاربكه‌ن بۆ ده‌ركردنی‌ یاسایه‌ك كه‌ماف و ئیمتیازاتی‌ په‌نابه‌ر بپارێزێت و گره‌نتی‌ ژیانێكی‌ ئاسوده‌ و گونجاویان بۆ بكات ، له‌هه‌مان كاتیشدا هانی‌ ڕێكخراوه‌ نێوده‌وڵه‌تیه‌كان ده‌ده‌ین كه‌ به‌رنامه‌ و پڕۆژه‌كانیان چڕبكه‌نه‌وه‌ تاكو نه‌هامه‌تی‌ و گرانی‌ ژیان له‌سه‌ر شانی‌ په‌نابه‌رانی‌ نیشته‌جێ‌ ی‌ هه‌رێمی‌ كوردستان و عێراق كه‌متربكه‌ینه‌وه‌.

رێكخراوی‌ CDO
20 ی‌ حوزه‌یرانی‌ 2013

Awene

لەكۆتایی ئەم مانگەوە لەهەرێمی كوردستان هاوڵاتیان دەتوانن ڤیزای ئەمریكا وەرگرن


كونسوڵی گشتی ئەمریكا لەهەولێر  رایدەگەیەنێت كە لە رۆژی 25/6/2013  بەدواوە لە هەولێرەوە ڤیزا بەهاولاتیانی هەرێمی كوردستان دەدەن و ئەم هەنگاوەشی بەپەرەسەندنی پەیوەندیەكانی نیوان هەرێمی كوردستان و ئەمریكا لەقەڵەم دا .
لەمیانەی دیدارێكی نێوان نەوزاد هادی پارێزگاری هەولێرو پۆل سیتفین كونسولی گشتی ولاتە یەكگرتووەكانی ئەمریكا لە هەولێری پایتەخت كە ئەمڕۆ چوارشەمە  لە دیوانی پارێزگا سازكرا كونسوڵی گشتی ئەمریكا لەهەولێر  رایگەیاند كە لە رۆژی 25/6/2013  بەدواوە لە هەولێرەوە ڤیزا بەهاوڵاتیانی هەرێمی كوردستان دەدەن  .

كونسوڵی گشتی ئەمریكا ڕاشیگەیاند" هەفتەی سێ‌ رۆژیش چاوپێكەوتن بۆ ئەم مەبەستە لەبەشی ڤیزا بۆ هاولاتیانی خوازیاری ڤیزا ئەنجام دەدەن بۆ مەبەستەكانی داخوازیی پەنابەری و گەشتوگوزارو چارەسەركردن و خوێندن و بزنس  كە داخوازییەكانیش لە رێگەی ئۆن لاینی ئینتەرنێتەوە پێشكەش دەكرێن  .

پارێزگاری هەولێریش ستایشی ئەم هەنگاوەی كونسولگەرێتی ئەمریكای كردو هیوای خواست پەیوەندییەكانی هەردوولا رۆژ لەدوای رۆژ پەرە بسەنێت و هەموو بوارەكان بگرێتەوە  .
كوردیوـ هەولێر


ژمارەی پەنابەرانی جیهان گەیشتۆتە (7.6) ملیۆن كەس


نەتەوە یەكگرتووەكان بڵاویكردۆتەوە، ژمارەی پەنابەران لەسەرتاسەری جیهان بۆیەكەم جار لەوەتەی ساڵی 1994 ەوە گەیشتۆتە بەرزترین ڕێژەی.

كۆمسیۆنی باڵای پەنابەرانی سەربە نەتەوە یەكگرتووەكان راپۆرتێكی بڵاوكردۆتەوەو تێیدا باسی لەوەكردووە، ژمارەی پەنابەرانی سەرتاسەری جیهان گەیشتۆتە (7.6) ملیۆن كەس، ئەوەش بۆیەكەم جارە بگاتە ئەو ئاستە بەرزە لەوەتەی ساڵی (1994) ەوە.


راپۆرتەكە راشیگەیاندووە، ڕێژەی (55%) ی پەنابەرانی جیهان لەهەریەكە لەووڵاتەكانی (ئەفغانستان و سۆماڵ و عێراق و سودان و سوریا) یە.


جێگەی باس كردنە ئەفغانستان وەك گەورەترین ووڵات لەرووی زۆری پەنابەران پلەی یەكەمی جیهانی هێناوەو دوای ئەویش سۆماڵ و دوای ئەویش عێراق و پاشانیش سوریا هاتووە.


Wednesday, June 19, 2013

كوردێك ده‌چێته‌ په‌رله‌مانی ئه‌وروپا

له‌به‌رنامه‌ی‌ شیكردنه‌وه‌ی‌ ئه‌مڕۆی NNAدا (خدر كه‌ریم) سه‌رۆكی شاره‌وانی هه‌ڵبجه‌ باسی له‌ده‌ستنیشانكردنی كرد، وه‌ك نوێنه‌ری‌ كورد له‌په‌رله‌مانی ئه‌وروپاو وتی:"هه‌وڵده‌ده‌ن پشتگیریه‌كی فراوان نه‌ك ته‌نها بۆ مه‌سه‌له‌ی تاوانه‌كانی دژ به‌باشوری‌ كوردستان، به‌ڵكو بۆسه‌رجه‌م كێشه‌كانی په‌یوه‌ست به‌چوار پارچه‌ی‌ كوردستان پشتیوانی كۆبكه‌نه‌وه‌".

(خدر كه‌ریم) ئاماژه‌ی‌ بۆئه‌وه‌شكرد، په‌رله‌مانی ئه‌وروپا هاوشانی نه‌ته‌وه‌یه‌كگرتووه‌كانه‌و به‌و هۆیه‌شه‌وه‌ ئه‌وان ده‌توانن ده‌سه‌ڵاته‌كانی خۆیان به‌كاربێنن‌و هه‌وڵده‌ده‌ن پرسی كورد له‌ئه‌وروپاو خۆرئاوا به‌ره‌و پێشتر ببه‌ن.
له‌درێژه‌ی‌ وته‌كانیدا (خدر كه‌ریم) ئه‌وه‌شی خسته‌ڕو پێویسته‌ سه‌رجه‌م لایه‌نه‌ په‌یوه‌ندیداره‌كان له‌ڕوی سیاسی‌و زانستیه‌وه‌ گرنگیه‌كی زیاتر به‌پرسی جینۆسایدی كورد بده‌ن. 

په‌نابه‌ران داواده‌كه‌ن چیتر وه‌كو كارتێكی سیاسیی به‌كارنه‌هێندرێن


به‌رپرسی فیدراسیۆنی سه‌رانسه‌ری په‌نابه‌رانی عێراق ئاشكرایكرد، له‌ڕۆژی جیهانی په‌نابه‌راندا داواده‌كه‌ن كه‌ حكومه‌تی هه‌رێم هه‌ڵوێستی جدی له‌باره‌ی بارودۆخی ژیانی په‌نابه‌رانه‌وه‌ وه‌ربگرێت‌و چیتر له‌لایه‌ن حكومه‌تی عێراقیشه‌وه‌، په‌نابه‌ران وه‌كو كارتێكی سیاسیی به‌كارنه‌هێندرێت.

(ئامانج عه‌بدوڵڵا) به‌رپرسی فیدراسیۆنی سه‌رانسه‌ری په‌نابه‌رانی عێراق به‌ NNA ڕاگه‌یاند، له‌ڕۆژی جیهانی په‌نابه‌راندا داواده‌كه‌ن كه‌ چیتر په‌نابه‌ران وه‌كو كارتێكی سیاسیی‌و به‌مه‌به‌ستی به‌رژه‌وه‌ندیی لایه‌نه‌كان به‌كارنه‌هێندرێن، حكومه‌تی هه‌رێمی كوردستانیش به‌گوێره‌ی خواستی په‌نابه‌ران وه‌ڵامی سه‌رجه‌م ئه‌و یاداشت‌و داواكاریانه‌ بداته‌وه‌ كه‌ له‌باره‌ی په‌نابه‌رانه‌وه‌ ئاراسته‌ی كراوه‌و هه‌ڵوێستی جدیش له‌سه‌ر بارودۆخی ژیانی په‌نابه‌ران وه‌ربگرێت.

(ئامانج عه‌بدوڵڵا) به‌رپرسی فیدراسیۆنی سه‌رانسه‌ری په‌نابه‌رانی عێراق ڕوونیكرده‌وه‌، پێویسته‌ سوكایه‌تیكردن به‌په‌نابه‌ران ڕابگیرێت‌و سزای ئه‌و كۆمپانیایانه‌ش بدرێـت كه‌ ڕێكه‌وتنیان له‌گه‌ڵ وڵاتانی ئه‌وروپا كردووه‌ كه‌ به‌زۆر په‌نابه‌ران بگه‌ڕێننه‌وه‌ وڵاته‌كانیان.
ڕۆژی (20-6-2001) له‌لایه‌ن كۆمه‌ڵه‌ی‌ گشتی‌ نه‌ته‌وه‌یه‌كگرتووه‌كان بڕیاردرا (20-6)ی هه‌موو ساڵێك وه‌كو ڕۆژی جیهانی په‌نابه‌ران بناسێنرێت. سبه‌ینیش بۆ به‌رزڕاگرتنی ڕۆژی جیهانی په‌نابه‌ران، له‌چه‌ندین وڵاتی جیهان چالاكی جۆراو جۆر به‌ڕێوه‌ده‌چێت.
ڕه‌نج ساڵه‌یی – NNA

Sunday, June 16, 2013

دادگای بەریتانیا: ژنێكی كورد ویستی بە ئەنقەست منداڵەكەی بكوژێت


ئەمڕۆ ئەو ژنە كوردە دادگایی كرا، كە هەوڵی كوشتنی منداڵە ساواكەی دا، دادگاش بە "هەوڵدانی ئەنقەست" تاوانباری كرد.

 ساڵی پار ژنێكی كوردی دانیشتووی بەریتانیا، منداڵە شەش رۆژەكەی لە نهۆمی پێنجەمەوە بۆ شوێنی زبڵدانی باڵەخانەكەیان فڕێدایە خوارەوە، بەڵام منداڵەكە هەرچەندە زیانێكی زۆری جەستەیی پێگەیشت، گیانی لەدەست نەدا.
 
 ئەمڕۆ لە دادگای وۆڵڤەرهامڵتۆن لە وێستمیدلاند لە بەریتانیا، یەكەم دانیشتنی دادگاییكردنی (چیمەن عەبدولرەحمان)، تەمەن ٢٥ ساڵ، بە تۆمەتی هەوڵدان بۆ كوشتنی منداڵە شەش رۆژییەكەی بەڕێوەچوو.
 
 دادگاكە دوو تۆمەتی خستووەتە پاڵ چیمەن، یەكەمیان: "ویستوویەتی بە ئەنقەست منداڵەكەی بكوژێ". دووەمیان ئەوەیە كە "ئیفادەی درۆی بە پۆلیس داوە"، كاتێ دوای فڕێدانی منداڵەكەی، بە پۆلیسی راگەیاندووە "منداڵەكەم دزراوە".
 
 جگە لەوەش چیمەن بە دادگای راگەیاندووە، كە نەخۆشیی دەروونی هەیە، بەڵام دوای پشكنین دەركەوتووە كە ئەوەش راست نییە.
 
 منداڵە ساواكە زیانێكی زۆر بەر سەر و ئێسكەكانی گەیشتوون و لەوكاتەوە لە نەخۆشخانەی بێرمینگهام، لەژێر چاودێری وردی پزیشكیدایە. بەپێی ئاژانسە هەواڵییەكانی بەریتانیا، پیاوێكی 32 ساڵیش لەسەر هەمان تاوان دەستگیركراوە، بەڵام رووننەكراوەتەوە باوكی منداڵەكەیە یاخ

رووداو – ئاژانسەكان


گه‌نجێكی‌ كورد له‌ پێشبڕكێیه‌كی‌ جیهانی‌ فیلمسازیدا خه‌ڵاتی‌ ئاڵتونی‌ به‌ده‌ستهێنا


كاروان ره‌حمان: سلێمانی‌

دوای‌ ئه‌وه‌ی‌ به‌ كورته‌ فیلمێك به‌شداری‌ له‌ ڤیستیڤاڵی‌ ئاشتی‌ كرد له‌ توركیا، له‌ دوای‌ په‌خشكردنی‌ فیلمه‌كه‌ی‌ له‌ نێو ڤیستیڤاڵدا (سینا محه‌مه‌د) گه‌نجێكی‌ كوردی‌ دانیشتووی‌ سلێمانی‌ توانی‌ خه‌ڵاتی‌ ئاڵتونی‌ بۆ باشترین كورته‌ فیلم به‌ده‌ستبهێنێت.

سینا محه‌مه‌د به‌ ئێن ئاڕتی‌ ڕاگه‌یاند "كارێكی‌ دڵخۆشكه‌ره‌، كورته‌ فیلمێكی‌ كوردی‌ له‌ ناو یه‌كێك له‌ گه‌وره‌ترین ڤیستیڤاڵه‌كانی‌ جیهان كه‌ ڤیستیڤاڵی‌ ئاشتی‌ یه‌ له‌ ژێر ناونیشانی‌(به‌ بێ‌ پچڕان به‌ره‌و ئاشتی‌) خه‌لاَتی‌ یه‌كه‌م له‌ ناو 140 وڵاتی‌ جیهان به‌ده‌ست بهێنێت".

له‌ باره‌ی‌ ناوه‌رۆكی‌ فیلمه‌كه‌یه‌وه‌ سینا ئه‌وه‌ی‌ خسته‌ ڕوو فیلمه‌كه‌ی‌ باسی‌ له‌ كچێك كردووه‌ كه‌ نه‌خۆشی‌ شێرپه‌نجه‌ی‌ هه‌یه‌ و هاوڕێكانیشی‌ له‌ هه‌وڵدان هاوڕێكه‌یان دڵخۆش بكه‌ن و ئه‌و نه‌خۆشیه‌ قورسه‌ی‌ بیر ببه‌نه‌وه‌.

كورته‌ فیلمی‌(دیاری‌) له‌گه‌ڵ ئه‌وه‌ی‌ به‌ زمانی‌ كوردی‌ به‌رهه‌م هێنراوه‌ به‌ڵام بۆ ئه‌وه‌ی‌ له‌ فیستیڤاڵی‌ ئاشتی‌ له‌ توركیا كه‌ له‌ ساڵانی‌ ڕابردوو ناوی‌ ئۆڵۆمپیادی‌ لێنرابوو تا كاریگه‌ری‌ دروستبكات بۆ سه‌ر زمانی‌ توركی‌ وه‌رگێڕدراوه‌.

سینا كه‌ ماوه‌ی‌ چه‌ند ساڵێكه‌ سه‌رقاڵی‌ كاری‌ فیلم سازی‌ و به‌رهه‌مهێنانی‌ ڤیدیۆییه‌ ئه‌وه‌ی‌ خسته‌ ڕوو كه‌به‌هۆی‌ سه‌رقاڵبوونی‌ به‌ تاقیكردنه‌وه‌كانی‌ وه‌رزی‌ كۆتایی‌ له‌ زانكۆ نه‌یتوانیوه‌ خۆی‌ به‌شدار ڤیستیڤاڵه‌كه‌ بكات، به‌ڵام له‌ نوسینگه‌ی‌ ڤیستیڤاڵه‌كه‌ له‌ سلێمانی‌ خه‌ڵاته‌كه‌یان پێ به‌خشیوه‌ وبه‌ده‌ستهێنانی‌ ئه‌و خه‌ڵاته‌ش بۆ كورته‌ فیلمی‌ "دیاری‌" ده‌نگدانه‌وه‌ی‌ له‌به‌شێك له‌ ڕۆژنامه‌ و ده‌زگاكانی‌ راگه‌یاندنی‌ توركیا دروستكرد.

كورته‌ فیلمی‌ دیاری‌ نوسین و سیناریۆو ده‌رهێنانی‌(سینا محه‌مه‌د) و له‌ لایه‌ن كۆمپانیای‌ هاماوه‌ به‌رهه‌مهێنراوه‌ و و ئه‌و ده‌رهێنه‌ره‌ لاوه‌ داواش له‌ به‌ررسانی‌ سینه‌مای‌ هه‌رێمی‌ كوردستان ده‌كات كه‌ زیاتر هاوكاری‌ فیلم سازه‌ لاوه‌كان بكه‌ن و ڕێگه‌یان بۆ فه‌راهه‌م بكه‌ن تا بتوانن تواناكانی‌ خۆیان نمایش بكه‌ن.

 سینا ئاماژه‌ی‌ به‌وه‌شدا كه‌ 16 ئه‌م مانگه‌ سه‌رجه‌م براوه‌كانی‌ ڤیستیڤاڵی‌ ئاشتی‌ له‌ توركیا له‌ لایه‌ن سه‌رۆكی‌ ئه‌و وڵاته‌وه‌ له‌ ئه‌نقه‌ره‌، ڕێزلێنانیان پێده‌درێت كه‌ ناوبراو به‌هۆی‌ سه‌رقاڵی‌ به‌ تاقیكردنه‌وه‌كانه‌وه‌ ناتوانێت ئاماده‌بێت.


ئه‌مه‌ش چه‌ند دیمه‌نێكی‌ كورته‌ فیلمه‌كه‌یه‌

[youtube=http://www.youtube.com/watch?feature=player_embedded&v=HmZnthMOAMQ]
NRT

Thursday, June 13, 2013

نەرویج :گەنجێکی کورد دەکوژرێت و فڕێ دەدرێتە ئاوەوە


ئەرشەد توفیق محەمەد، تەمەن 30 ساڵ لە دایک بووی هەولێر، ماوەی سێ ساڵە دانیشتووی کەمپی پەنابەرانە لە ستاتزبۆرگ لە وڵاتی نەرویج، رۆژی شەممە 8/6/2013 لە قەراغی دەریاچەی ستاتزبۆرگ بە کوژراوی دەدۆزرێتەوە و هەواڵی مردنەکەی لە رۆژنامەکان بڵاودەکرێتەوە، هەر لەو رێگەیەوە کەس و کارەکەشی دەزانن. مەهدی یوسف، ئامۆزای ئەرشەد، نێشتەجێی نەرویجە و لە ئۆسلۆی پایتەخت دەژی، کە یەکەم کەس هەواڵی مردنی زانیوە لە لیدوانێکیدا بۆ (رووداو) گوتی ''دوای ئەوەی رۆژنامەی (vg)ی نەرویجیم کڕی و نەمخوێندەوە تا گەیشتمەوە ماڵ، دواتر بە رێکەوت هەواڵی مەرگی ئامۆزاکەم خوێندەوە و دەست بەجێ روێشتم بۆ بنکەی پۆلیسی ستاتزبۆرگ، لەوێ خۆم ناساند و هەرچی زانیارییەکیان پێویست پێیانمدا''. چۆنیەتی کوشتنی ئەرشەد لە لایەن پۆلیسەوە بۆ یوسف باسکراوە "بە پێی لێکۆڵینەوەکان ئەرشەد لە ماوەی 10 رۆژی رابردوو کوژراوە و رۆژی شەممە لە لایەن پۆلیسەوە لە لێواری دەریاچەکە دەدۆزرێتەوە، پۆلیس گوتویانە لە پشتەوە بە چەقۆ لێیدراوە و تا ئێستاش تەرمەکەی لە پزیشکی دادی ئەو شارەیە و چاوەڕێی کۆتایی هاتنی لێکۆڵینەوەکانن بۆ ئەوەی بکوژانی ئەو کوڕە دەستگیر بکرین''. عیماد ئیسماعیل، کەسێکی دیکەی نزیک لە ئەرشەد بە (رووداو)ی گوت ''ئەو پێشتر پێشمەرگە بوو و دواتر روێشت بۆ نەرویج و نزیکەی 3 ساڵە لەوێ دەژی، باوەڕ ناکەم کێشەی لەگەڵ هیچ کەسێک هەبووبێت و داواکارین حکومەتی هەرێمی کوردستان کارئاسانی بۆ هێنانەوەی تەرمەکەی ئەرشەد بکات''.

Wednesday, June 12, 2013

دواهەمین گۆڕانکارى لە یاساى کۆچ بۆ ئوسترالیا


کۆچ بۆ ئوسترالیا و کۆچى کوردان
 
لە 16ى ئایاردا حکومەتى ئوسترالى یاسایەکى نوێى دەرکرد کە هەر پەناخوازێک بەهۆى بەلەمەوە بگاتە خاکى سەرەکی ئوسترالیا بەرەو ناورو یاخود دوورگەى مانووس یان پاپوا نیوگینیا دەنێردرێت.
خاکى سەرەکى ئوسترالیا لەئێستادا لە "ناوچەى کۆچ" سڕاوەتەوە. ئەو بیرۆکەیە یەکێکە لەو 25 پێشنیارانە کە لەلایەن پانێڵى شارەزایانەوە پێشکەشکرا لەبارەى پەناخوازانەوەو لە ساڵى ڕابردوودا لەلایەن حکومەتەوە پێشکەشى پەرلەمان کرا.
بەپێى یاسا نوێیەکە ئەو پەناخوازەى کە دەگاتە خاکى سەرەکى ئوسترالیا بەهەمان شێوە مامەڵەى لەگەڵدا دەکرێت وەکو ئەو هەزاران بەلەمە لە خەڵکەى دەگەن بە دوورگەى کۆکۆس، و کریسمس یاخود هەرشوێنێکى تر لە ئاوەکانى ئوسترالیادا.
یاسا کۆنەکە بەشێوەیەک بوو کە هەر پەناخوازێک بگات بە خاکى سەرەکى ئوسترالیا مافى زیاترى هەیە و دەکرێت ڕەوانەى ناورو یاخود پاپوا نیوگینیا نەکرێت.
جیڵاردى پارتى کرێکاران لەلایەن تۆنى ئابۆتى پارتى لیبڕاڵەوە پشتیوانى لێکرا بۆئەوەى بەزوویى ئەو یاسایە دەربکەن. ئەو پشتیوانە ڕایگەیاند کە یاسا نوێیەکە قاچاخچییە نوێیەکان دەوەستێنێت و ژیانى چەندین کەس سەلامەت دەکات چونکە ئیندۆنیزیا لە خاکى سەرەکییەوە زۆر دوورترە لە دوورگەى کریمس و لەئێستادا گەشتێکى درێژ بەهۆى بەلەمەوە لەناو ئاودا لە پازانجى ئەوان نییەو ژیانیان دەکەوێتە مەترسییەوە، بۆیە ئەوکارە ناکەن.
لەچەند مانگى ڕابردوودا ژمارەیەک بەلەم گەیشتن یاخود نزیک بوونەوە لە خاکى سەرەکى ئوسترالیا،لەناویشیاندا کەیسێکى ئابڕووچوونى هاوڵاتیانى سریلانکى هەبوو کە بەرەو نیوزلاند دەچوون، کە گەیشتنە ئوسترالیاى ڕۆژئاوا لە جێراڵدتۆن.
ڕێکخراوى سەرچاوەى پەناخوازانى ئوسترالی ڕایگەیاند کە ئەو ڕۆژەى یاساکەى تێدا دەکرا یەکێک بوو لە تاریکترین ڕۆژەکانى مرۆڤایەتى لە ئوسترالیادا. هەروەها ڕایگەیاند ئەو یاسایە ماناى ئەوەبوو کە ئوسترالیا لە ڕێککەوتننامەى پەنابەرانى نەتەوەیەکگرتووەکان هاتۆتە دەرەوە بۆ ئەو پەناخوازانەى بە بەلەم دەگەنە ئەو وڵاتە.
لەگەڵ ئەوەشدا سەرۆک وەزیران جیڵارد بە پەیامنێرانى ڕایگەیاند کە ئوسترالیا پێشێلى هیچ ڕێککەوتنێکى نێودەوڵەتى ناکات بە دەرکردنى ئەو یاسا نوێیە.
سەرۆک وەزیران ئەوەیشى خستەڕوو کە پلانى پێداچوونەوەیان هەیە بۆ هەڵسەنگاندنى پڕۆسەى شێوازى وەرگرتنى پەنابەران، و ئەمەش وادەکات کە خەڵکى گومانیان لەوە هەبێت ڕەتکردنەوەکان زیاتر بێت. 
بڕوا وایە کە بژاردەیەک زۆر بەگرنگییەوە تەماشا بکرێت ئەویش ئەو سیستمە جێبەجێبکرێت کە بۆ هەڵسەنگاندنى گەیشتنى پەناخوازە سریلانکییەکان بەکارهێنرا.
سریلانکییەکان بەزوویى چاوپێکەوتنێکى توندیان لەگەڵدا کرا لەدواى ئەوەى گەیشتنە دوورگەى کریمس، و بەزوویى ڕەوانە دەکرانەوە ئەگەر ئەو تایبەتمەندییانەیان تێدا نەبووبایە کە دیاریکرابوون.
ئەو بڕیارە نوێیە وایکرد کە هەزاران سریلانکى گەڕێنرانەوە، کە زۆرێکیان چەند ڕۆژێک دواى گەیشتنیان بە ئاوەکانى ئوسترالیا دیپۆرت کرانەوە.

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/
https://twitter.com/Kurd_Migration

Monday, June 10, 2013

حکومەتى عێراقى بڕیارێک بۆ خاوەن بڕوانامە باڵاکانى دەرەوەى عێراق دەردەکات


به‌پێی راگه‌یندراوێكی ئه‌نجومه‌نی وه‌زیران، له‌ دانیشتنه‌كه‌ی دوینێ‌ ی ئه‌نجومه‌نی وه‌زیراندا به ژماره‌ (25) بۆ ساڵی 2013، چه‌ند بڕیارێك دراوه‌. لةوانه:
هه‌مواركردنه‌وه‌ی هه‌ردوو بڕگه‌ی (1 و 2) له‌ بڕیاری ئه‌نجومه‌نی وه‌زیران ژماره‌ (441) بۆ ساڵی 2008‌و ببێت به‌:

1.    ئه‌و توێژانه‌ی ئیمتیازات ده‌یانگرێته‌وه‌ ئه‌وانه‌ن كه‌ خاوه‌ن بڕوانامه‌ی باڵان (ماسته‌ر و دكتۆرا)‌و خاوه‌ن بڕوانامه‌ی دبلۆمی باڵاو پزیشكه‌ تایبه‌تمه‌نده‌كان و ئه‌ندازیاره‌ خاوه‌ن بڕوانامه‌ باڵاكان، كه‌ ئه‌و بڕوانامانه‌یان له‌ ناو عیراق یان له‌ ده‌ره‌وه‌ گرتووه‌‌و كۆچیان كردووه‌ بۆ ده‌ره‌وه‌ی عیراق به‌ هۆی ره‌فتاره‌كانی رژێمی پێشوو یان ناچار بوون عیراق به‌جێبهێڵن تا (1/1/2008) به‌ مه‌رجێك ماوه‌ی نیشته‌جێبوونیان له‌ ده‌ره‌وه‌ له‌ ساڵێك كه‌متر نه‌بێت.

2.    وه‌زاره‌تی خوێندنی باڵا و توێژینه‌وه‌ی زانستی، سه‌رپه‌رشتی دامه‌زراندن یان گه‌ڕانه‌وه‌ بۆ دامه‌زراندن له‌ ئه‌ستۆ ده‌گرێت بۆ ئه‌وانه‌ی بڕگه‌ی (1)ی یاساكه‌ ده‌یانگرێته‌وه‌، له‌وانه‌ی له‌ زانكۆكان یان دامه‌زراوه‌ زانستییه‌كان له‌ ده‌ره‌وه‌ كاریان كردووه‌، ئه‌وه‌ش به‌ پێدانی ئه‌و نازناوه‌ زانستییه‌ی وه‌ریگرتووه‌، دوای په‌سندكردنی به‌ دووباره‌ خستنه‌ڕووی توێژینه‌وه‌كانیان له‌و زانكۆ عیراقییه‌ی ده‌وامی تێدا ده‌كات‌و نازاناوه‌ زانستییه‌كه‌ی پێده‌درێت به‌ پێی یاسا. 

Wednesday, June 5, 2013

ونبوه‌كان كه‌ی ده‌گه‌ڕێنه‌وه‌؟

139201241156_samansalih
به‌بێده‌نگی له‌ناو پاركی ئازادی دانیشتبووم، پاركی ئازادی كه‌یه‌كێكه‌ له‌پاركه‌ جوانه‌كانی شاری سلێمانی له‌باشووری كوردستان، پێشوتر له‌شوێنی ئه‌و پاركه‌ رژێمی به‌عس كوردی ئه‌و شاره‌ی تێدا ده‌كوشت، له‌ناو پاركه‌كه‌و له‌به‌شی سه‌ره‌وه‌ی په‌یكه‌ری (كه‌ر)ێك دروستكراوه‌، بوونی ئه‌و په‌یكه‌ره‌ نیشانه‌ی (دوو) شته‌،
 یه‌كه‌م: بوونی ئازادی بیروڕاو له‌ناویدا ئازادی هونه‌ری،
دووه‌م: رێزگرتن له‌ئاژه‌ڵێك كه‌كورد زۆر سوودی لێبینیوه‌ له‌ڕۆژانی نه‌هامه‌تی، له‌كاتی وردبونه‌وه‌ له‌و په‌یكه‌ره‌و ئه‌و هۆنراوه‌یه‌ی كه‌له‌سه‌ری نوسرابوو، كوڕێكی پانتۆڵ له‌پێ هات و سڵاوی لێكردم، بێ ئه‌وه‌ی یه‌كبناسین ئه‌و ده‌ستی به‌قسه‌كردنكرد، وتی: ئێی دنیا!! به‌خوا زۆرمان ناڕه‌حه‌تی چه‌شت، (كه‌ر)یش (ئاماژه‌ی بۆ په‌یكه‌ره‌كه‌ كرد) له‌و نه‌هامه‌تییه‌ به‌شداربوو له‌گه‌ڵمان، ئه‌و كوڕه‌ زۆری قسه‌ پێبوو، بێ ئه‌وه‌ی بوه‌ستێت دیسانه‌وه‌ وتی: به‌خوا برایه‌كی نازدارم زانكۆی موسڵی ته‌واوكرد له‌ساڵی1992 به‌هۆی ئه‌وه‌ی له‌كوردستان بارودۆخ شلۆق ببو،  بوو به‌پۆلیس،  دوای 4 ساڵ و له‌كاتی شه‌ڕی ناوخۆی كوردستان وازی له‌كاره‌كه‌ی هێناو له‌ڕێی قاچاخچییه‌وه‌، ملی رێگای گرته‌به‌ر بۆ رۆیشتن بۆ ئه‌وروپا، ئه‌و برایه‌م كه‌براگه‌وره‌مان بوو، له‌رێگای رۆیشتن بۆ ئه‌وروپا دیارنه‌ما، (قوربان گیان: سه‌ریشت ده‌ئێشێنم) به‌خوا شوێن نه‌ما هانای بۆ نه‌ین، ئێستاش دایكم، توشی چه‌ندین نه‌خۆشی بووه‌ به‌ناسۆری ئه‌و برایه‌مه‌وه‌، كاكه‌ خۆ قاچاخچی خوای نیه‌!، راستیان پێنه‌ده‌وتین، دوایی بۆمان ده‌ركه‌وت له‌ناو ئاوی (ئیجه‌)خنكاوه‌، به‌ده‌م قسه‌كردنه‌وه‌ ئاهێكی هه‌ڵكێشاو وتی: باشه‌ خۆئه‌و قاچاخچییه‌.... ته‌نیا (ده‌) دۆلاری بدایه‌ به‌و چاكه‌ته‌ی كه‌ته‌په‌دۆری پێوه‌یه‌ بۆ كاتی كه‌وتنه‌ ناوئاو نقوم نابێ‌، ئێستا ئه‌و برایه‌مان رزگای ده‌بوو!، دایكم ئێستاش ده‌ڵێت: خۆزگه‌ ئێسقانه‌كه‌یشم بدۆزیایه‌ته‌وه‌. ئه‌مه‌ سه‌رگوزشته‌ی یه‌كێكه‌ له‌و بنه‌ماڵانه‌ی كه‌كوڕ یان كچیان له‌كاتی رۆیشتن بۆ ئه‌وروپا و وڵاتانی تر ونبون، ئه‌و لاوانه‌ی له‌ساڵانی نه‌وه‌ده‌كان ملی رێگای كۆچی ناقانونیان گرته‌به‌ر، هه‌ندێكیان گه‌شتنه‌ ئه‌و شوێنه‌ی كه‌خۆیان خوازیاری بوون، هه‌ندێكیشیان نه‌ك نه‌گه‌یشتن، به‌ڵكو نه‌شگه‌ڕانه‌وه‌و بوونه‌ خۆراكی ماسیی و قاچاخچییه‌كانیش باخه‌ڵیان پێپڕكردن. هه‌رێمی كوردستان له‌دوای راپه‌ڕینی به‌هاری ساڵی 1991ی خه‌ڵكی كوردستان، توشی بارێكی ناهه‌مواری ئابوری، كارگێڕی، سیاسیی، كۆمه‌ڵایه‌تی، هه‌روه‌ها شه‌ڕی ناوخۆبوویه‌وه‌، ئه‌م به‌شه‌ رزگاركراوه‌ی كوردستان، وه‌ك ناوچه‌یه‌كی رزگاركراو به‌هۆی شه‌ڕو نه‌بونی ده‌رفه‌تی كارو لاوازی دامه‌زراوه‌ حكومیه‌كان، نه‌یتوانی پێداویستییه‌كانی هاوڵاتیان پڕبكاته‌وه‌، هه‌روه‌كو هه‌مو ناوچه‌كانی دوای شه‌ڕ دانیشتوان و به‌تایبه‌ت لاوان، بیریان له‌كۆچكردن كرده‌وه‌، ئه‌وانه‌شی كۆچیانكرد، به‌شێكی به‌رچاویان جگه‌له‌وه‌ی بازرگانیان پێوه‌كرا هه‌ندێكی زۆریان مردن و خنكان له‌ناو ئاوه‌كان، ته‌نانه‌ت ته‌رمه‌كانیشیان نه‌دۆزرایه‌وه‌. ئێستا كه‌هه‌رێمی كوردستان له‌دۆخێكی ئابوری تاڕاده‌یه‌ك باشدایه‌و هاوكات وڵاتانی ئه‌وروپا سیاسه‌تی ناردنه‌وه‌ی په‌نابه‌ران په‌یڕه‌وده‌كه‌ن و پێدانی ره‌گه‌زنامه‌ له‌وڵاتانی ئه‌وروپا زۆر گرانبووه‌، زۆرترین رێژه‌ی په‌ناهه‌نده‌كان به‌زۆرو هه‌ندێكیشیان به‌رێگای ئاسایش نێردراونه‌ته‌وه‌، ئه‌وا پێویسته‌ حكومه‌تی هه‌رێمی كوردستان به‌رنامه‌ی سیاسیی خۆی له‌بواری ئه‌وانه‌ی له‌وڵاتانی ده‌ره‌وه‌ ده‌گه‌ڕێنه‌وه‌ رابگه‌یه‌نێت و هه‌روه‌ها له‌ڕێگه‌ی نوسینگه‌كانی حكومه‌تی هه‌رێم كه‌له‌ناو باڵیۆزخانه‌كانی عیراقن له‌هه‌ر وڵاتێك دۆسیه‌ی به‌دواداچوون بكاته‌وه‌ بۆ دۆزینه‌وه‌ی سه‌ره‌داوی هه‌ر هاوڵاتییه‌كی كوردستان كه‌له‌كاتی كۆچی ناقانونی یان ته‌نانه‌ت قانونی له‌ساڵانی رابردوو دیارنه‌ماون، ئه‌م بابه‌ته‌ ئه‌ركێكی گرنگی حكومه‌تی هه‌رێمه‌و یه‌كێكه‌ له‌نیشانه‌كانی گرنگیدان به‌هاوڵاتیانی كوردستان، له‌مبواره‌دا ده‌توانین وڵاتی تونس، وه‌ك نمونه‌یه‌ك بهێنینه‌وه‌ كه‌ له‌دوای روخانی رژێمی بن عه‌لی، ژماره‌یه‌كی زۆر له‌لاوانی ئه‌و وڵاته‌ كه‌ هه‌ندێك سه‌رچاوه‌ به‌(40) هه‌زار ده‌یخه‌مڵێنن، كۆچیانكرد بۆ وڵاتانی ئه‌وروپاو زۆرتر بۆ  ئیتالیا له‌ڕێگه‌ی نا قانونیه‌وه‌و به‌ڕێگای ده‌ریا، ئێستا به‌فشاری كه‌سوكاری ئه‌و قوربانیانه‌ی له‌كاتی كۆچ ونبون، حكومه‌تی تونس دۆسییه‌یه‌كی تایبه‌تی كردۆته‌وه‌و حكومه‌تی ئیتالیاشیان هاوردۆته‌ سه‌ر ئه‌و بڕوایه‌ی كه‌ده‌بیت له‌سه‌ر ئاستی وه‌زاره‌تی ده‌ره‌وه‌ وه‌ڵامی هه‌بێت، ئه‌گه‌ر ئه‌مه‌ نمونه‌یه‌كی نزیك و باشبێت، ئه‌وا بۆ حكومه‌تی هه‌رێمیش هه‌ر راسته‌ كه‌ پێویسته‌ دۆسییه‌ بكاته‌وه‌ بۆ ئه‌ومه‌به‌سته‌و سه‌ره‌داوی هه‌موو ئه‌وكه‌سانه‌ ده‌ستبخات، كه‌دیارنه‌ماون له‌كاتی كۆچكردن بۆ ده‌ره‌وه‌ی كوردستان، كه‌ده‌كرێت ئه‌م هه‌نگاوه‌ هێنانه‌وه‌ی ته‌رمی قوربانیانیش بگرێته‌وه‌ به‌تایبه‌ت ئه‌و گۆڕستانه‌ی له‌وڵاتی یۆنان هه‌یه‌و چه‌ندین كوردی تێدا نێژراوه‌، هه‌نگاوێكی له‌مجۆره‌ ده‌بێته‌ مایه‌ی زیادكردنی ئینتیمای هاوڵاتیانی كوردستان به‌ده‌سه‌ڵاتی حكومه‌تی هه‌رێمی كوردستان و له‌ڕوی مرۆییشه‌وه‌ ده‌بێته‌ مایه‌ی ئارامیی بۆ كه‌سوكاری ونبوه‌كانی كۆچ و حكومه‌تی هه‌رێمیش له‌م هه‌نگاوه‌ ته‌نیا نییه‌و چه‌ندین رێكخراو و دامه‌زراوه‌ی حكومی و ناحكومی له‌ناوخۆی كوردستان و ده‌ره‌وه‌ ئاماده‌ن بۆ هاوكاری ئه‌م كاره‌.