سوکایەتى بە پەناخوازان دەکرێت لە ناوەندەکانى دەستبەسەرکردنى پەناخوازانى ئوسترالیادا

کۆچى کوردان و کۆچ بۆ ئوسترالیا

کۆچبەران لە مافە سەرەتایەکانیان بێ بەش کراون و هەندێ جار ڕووبەڕووى سوکایەتى کردن بوونەتەوە لەلایەن ئەوخەڵکانەوە کە گوایە دەبێت چاودێریان بکەن.

ئەوە تەنها هەندێک لەو تۆمەتانەیە کە ڕووبەڕووى حکومەتى ئوسترالى دەبێتەوە لە پڕۆسەى هەڵسەنگاندنى کەیسى پەناخوازى لە دوورگەى مانووس لە ناوەندى دەستبەسەرکردنى ئەو دوورگەیە. 

ڕاپۆرتێکى ئیدانەکردن لەلایەن ڕێکخراوى مافى مرۆڤى ئەمنستى ئینتەرناشناڵەوە (لێبوردنى نێودەوڵەتى) ئەوە دەخاتەڕوو کە پەناخوازەکان لە ناوەندێکى دەستبەسەرکردنى سەختدا دەهێڵرێنەوەو لە بارودۆخێکدان کە سوکایەتیان پێدەکرێت. هەروەها لەو ڕاپۆرتەدا هاتووە کە پەناخوازەکان ڕووبەڕووى مامەڵەى سەخت دەبنەوەو بارودۆخیان سەختترە لە زیندانى. 

هەروەها ئەوە ڕادەگەیەنێت کە پەناخوازەکان چارەسەرى پێویستى پزیشکیان بۆناکرێت و ناچاردەکرێن کە ڕیز ببەستن بۆ دەستکەوتنى ئاوى خواردنەوە لەکاتێکدا ژمارەیەکى تایبەتى ڕیزبەندیان پێدەدرێت. 

لەکاتێکدا کە ئەو ڕاگەیاندنە لەلایەن هەریەک لە حکومەتى ئوسترالى و حکومەتى پاپوا نیو گینیا ڕەت کراوەتەوە، تۆمەتەکانى ئەمنستى لەدواى ڕاپۆرتێکى یوئێن ئێچ سى ئاڕ دێت لە مانگى تشرینى یەکەمدا کە بەهەمانشێوە ئیدانەى بارودۆخى پەناخوازانى کرد لەو دوورگەیەدا. 

لە ڕاپۆرتەکەیدا بەرپرسانى یو ئێن ئێچ سى ئاڕ ڕایانگەیاندبوو کە بارودۆخەکە لەشێوەى زیندانیەکى ناچاریدایە و هاوکۆک نیە لەگەڵ یاسا نێودەوڵەتیەکان. 

ئەمنستى ئەوەش ڕادەگەیەنێت کە ئەوە تەنها مشتێکە لە خەرمانێک لەدواى دیدار سازدان لەگەڵ 58 پەناخواز لەماوەى سەردانى تشرینى دووەمیان بۆ ئەو دوورگەیە. 

ئایا دەتەوێت ڕەگەزنامەی دووەم بكڕیت؟ ئەمە ناوی وڵات و نرخەكانیانە

فرۆشتنی ڕەگەزنامە لە وڵاتگەلێك بێ ماندووبوون، هاوكاتە لەگەڵ پێشكەشكردنی داواكاریی بۆ ڕەگەزنامە لە دیارترینی وڵاتاندا، وەك پەنابەری سیاسی و مرۆیی و ئەوانی دیكە و نرخی بەدەستهێنانیشی لە وڵاَتێكەوە بۆ یەكێكی دی جیاوازە. 

بەشی عەرەبیی ماڵپەڕی "سی ئێن ئێن" ڕیزبەندیی ئەو وڵاتانەی كە ڕەگەزنامە بەرانبەر بە بڕێك پارە بە هەر كەسێك دەدەن، وەها بڵاو كردووەتەوە:

- وڵاتی سانت كیتس، ئەندام لە كۆمەڵەی وڵاتانی كۆمنویلس، بە بڕی 250 هەزار دۆلار، ڕەگەزنامە دەفرۆشێت و بە پاسپۆرتەكەی دەتوانی بێ ڤیزە گەشت بۆ زیاتر لە 130 وڵات بكەیت.

- دۆمینیكا، ئەندام لە كۆمەڵەی وڵاتانی كۆمنویلس، ڕەگەزنامەكەی بە بڕی 100هەزار دۆلار دەفرۆشێت، پاسپۆرتەكەی تەواوی خاسیەتەكانی گەشتی تێدایە و بۆ زیاتر لە 130 وڵات پێویستی بە ڤیزە نییە.

- وڵاتانی ئەنتیگوا و بەربۆدا لە كاریبی، وەها چاوەڕوان دەكرێت ساڵی داهاتوو ڕەگەزنامەكەیان پێشكەش بە وەبەرهێنەران بكەن.

- نەمسا تاكە وڵاتە لە ئەورووپا، ڕەگەزنامەی خۆی پێشكەش بە وەبەرهێنەران دەكات.

- هۆنگ كۆنگ، وڵاتەكە ڕێگە نادات ڕەگەزنامە بدرێت بە وەبەرهێنەران، بەڵام ئەو وەبەرهێنەرانە دەتوانن ئیقامەی هەمیشەیی بەدەست بهێنن كە بایی ملیارێك و 300ملیۆن دۆلار وەبەرهێنان بكەن.

- سەنگافورە، وەك وەبەرهێنێك، پاش دوو ساڵ لە مانەوە و وەبەرهێنان تێیدا و وەگەڕخستنی 2ملیۆن دۆلار، دەتوانیت ببیت بە خاوەنی ڕەگەزنامەكەی.

- ئوسترالیا، وەك وەبەرهێنێك، دەبێت 4.7ملیۆن دۆلار بخیتە گەڕ ئینجا دەتوانیت مافی مانەوەی هەمیشەییت هەبێت و دوای ئەوە دەتوانیت داوای بەدەستهێنانی ڕەگەزنامە بكەیت.

ڕووتكردنەوەی په‌نابه‌ره‌كان توڕه‌یی به‌دوای خۆیدا هێنا

گرته‌یه‌كی ڤیدیۆی ده‌ریخست ژماره‌یه‌ك په‌نابه‌ر كه‌روویان له‌ ئیتالیا كردووه‌ له‌كاتی پشكنینی ته‌ندروستی بۆیان داوایان لێكراوه‌ جله‌كانیان دابنێن و به‌رووتی له‌به‌ر سه‌رمادا هێشتویاننه‌ته‌وه‌، ئه‌مه‌ش نیگه‌رانیه‌كی زۆری لێكه‌وتۆته‌وه‌ له‌لایه‌ن رای گشتیی و ناوه‌نده‌ مرۆڤدۆسته‌كانی جیهان. 

دوای پیشاندانی وێنه‌ی ئه‌و په‌نابه‌ره‌ رووتانه‌ له‌كه‌ناڵی ته‌له‌فزیۆنی ره‌سمی رای 2 ئیتالیا، شه‌پۆلێكی توڕه‌یی و ناڕه‌زایی جه‌ماوه‌ریی سه‌رتاپای ئه‌و وڵاته‌ی گرته‌وه‌، هاوكات رێكخراوه‌ مرۆییه‌كان ئه‌و كرده‌وه‌یه‌یان به‌ هۆكاری شكستی یه‌كێتی ئه‌وروپا وه‌سفكرد له‌به‌رامبه‌ر چاره‌سه‌ركردنی قه‌یرانی په‌نابه‌ران كه‌به‌م دواییانه‌ به‌شێوه‌یه‌كی به‌رچاو رووی له‌زیادبوون كردووه‌. 

گرته‌ ڤیدیۆكه‌ له‌لایه‌ن یه‌كێك له‌ په‌نابه‌ره‌كان وێنه‌ گیراوه‌ و تیایدا ده‌رده‌كه‌وێت كه‌ چه‌ند پیاوێك داوا له‌ كۆمه‌ڵێك منداڵ ده‌كه‌ن جله‌كانیان دابنێن، تا پاككه‌ره‌وه‌یان پێدا بپرژێنن، نه‌وه‌ك هه‌ڵگریی نه‌خۆشیی بن، ئه‌وه‌ی تێبینی ده‌كرێت له‌گرته‌ ڤیدیۆیه‌كه‌دا، پرۆسه‌كه‌ له‌ناو گۆڕه‌پانێكدا ئه‌نجام ده‌درێت، له‌كه‌شێكی زۆر سارددا.  

كه‌ناڵی رای 2 ئیتالیا بۆ مه‌به‌ستی لێدوان له‌سه‌ر گرته‌ ڤیدیۆیه‌كه‌، یه‌كێك له‌و په‌نابه‌رانه‌ی بانگهێشتی ستۆدیۆ كرد و په‌نابه‌ره‌كه‌ش باسی له‌وه‌كرد كه‌ وه‌ك ئاژه‌ڵ ریزكراون و سوكایه‌تیان به‌رامبه‌ر كراوه‌،ئه‌وه‌شی وت كه‌داوا له‌سه‌رجه‌م ئه‌و په‌نابه‌رانه‌ كراوه‌ له‌ ژن و پیاو كه‌جله‌كانیان دابنێن و پاككه‌ره‌وه‌یان پێدا بپرژێنن.  

هاوكات له‌به‌رامبه‌ر ئه‌و وێنه‌یه‌ وه‌زاره‌تی ناوخۆی ئیتالیا ئاشكرایكرد كه‌ به‌وردی له‌و كه‌یسه‌ ده‌كۆڵێته‌وه‌. 

سه‌رچاوه‌: سكای نیوز 

خه‌ندان – 

له‌ ساڵی 2013 دا 232 ملیۆن كۆچبه‌ر له‌ جیهاندا تۆماركراون

ئه‌مڕۆ 18-12 رۆژی جیهانی كۆچبه‌رانه‌و UN یش رایده‌گه‌یه‌نێت  كه‌ جیهان زۆرترین ژماره‌ی كۆچبه‌ری له‌ساڵی 2013 تۆماركردووه‌و رێكخراوی كۆچی جیهانیش ده‌ڵێت كه‌ ساڵی 2013 كوشنده‌ترین ساڵه‌ بۆ كۆچبه‌ران.

پاش ئه‌وه‌ی نه‌ته‌وه‌ یه‌كگرتووه‌كان به‌بڕیارێك له‌ ساڵی 2000ه‌وه‌ 18ی دیسه‌مبه‌ری وه‌ك رۆژی جیهانی كۆچبه‌ران ناساندووه‌، كۆچبه‌ران له‌سه‌رتاسه‌ری جیهان به‌شداری ده‌كه‌ن له‌و چالاكیه‌ جۆر به‌جۆرانه‌ی به‌و یاده‌وه‌ ئه‌نجامده‌درێن كه‌ مه‌به‌ست لێیان رێ

زگرتنه‌ له‌و هه‌وڵ و كۆششانه‌ی كۆچبه‌ران بۆ به‌شداریان له‌ بوژانه‌وه‌ی ئابوری وڵاتان و دروستكردنی تێكه‌ڵاوی نێوان گه‌لان.

هاوكات به‌پێی دواهه‌مین ئاماری به‌ڕێوبه‌رایه‌تی به‌شی ئابوری و كاروباری كۆمه‌ڵایه‌تی سه‌ر به‌نه‌ته‌وه‌ یه‌كگرتووه‌كان، 232 ملیۆن كۆچبه‌ر له‌ جیهاندا له‌ ساڵی 2013 تۆماركراون كه‌ ئه‌مه‌ش ده‌كاته‌ 3.2% دانیشتوانی هه‌موو جیهان.

هه‌روه‌ها هه‌مان سه‌رچاوه‌ ئه‌وه‌شی راگه‌یاندوه‌ كه‌ وڵاتانی ئاسیا و ئه‌وروپا نزیكه‌ی دوو له‌سه‌ر سێی هه‌موو كۆچبه‌رانی جیهان له‌خۆ ده‌گرن كه‌ ده‌كاته‌ زیارتر له‌ 140 ملیۆن كۆچبه‌ر.

هه‌ر له‌چالاكیه‌كانی ئه‌مڕۆی وڵاتانی جیهاندا یادكردنه‌وه‌ی گیانله‌ده‌ستدانی ئه‌و كۆچبه‌رانه‌یه‌ كه‌ له‌پێش گه‌شتنیان به‌ وڵاتی وه‌رگر گیانیانله‌ده‌ستداوه‌ كه‌ ئه‌وانیش زۆربه‌یان ئه‌وانه‌ بوون كه‌ له‌ڕێگه‌ی كۆچی نایاسایه‌وه‌ كۆچیان كردووه‌.

به‌پێی ئامارێكی رێكخراوی كۆچی جیهانیش له‌ (IOM) زیاتر له‌ 7 هه‌زار كۆچبه‌ر له‌ ده‌ریاكاندا له‌پێش گه‌شتنیان به‌ وڵاتانی وه‌رگر خنكاون كه‌ ئه‌وانه‌ش زۆربه‌یان له‌پێش گه‌شتنیان به‌ ئه‌وروپا و له‌ ئاوه‌كانی ده‌ریای ناوه‌ڕاست و له‌پێش گه‌شتنیان به‌ ئوسترالیا له‌ ئاوه‌كانی نزیك دوورگه‌ی جاوا، خنكاون.

سه‌باره‌ت به‌ ریزبه‌ندی وڵاتانی جیهانیش، ئه‌مریكا هێشتا یه‌كه‌م وڵاته‌ بۆ هه‌بونی زۆرترین كۆچبه‌ر كه‌ ئه‌ویش 45 ملیۆن كۆچبه‌ره‌، له‌پاش ئه‌ویش روسیا و ئه‌ڵمانیا دێن، له‌سه‌ر ئاستی ئاسیاش، سعودیه‌ و ئیماراتی عه‌ره‌بی خاوه‌نی زۆرترین كۆچبه‌ری بیانین، سعودیه‌ به‌ زیاتر له‌ 9 ملیۆن و ئیماراتی عه‌ره‌بیش به‌ نزیكه‌ی 8 ملیۆن كۆچبه‌ر دێن.

سه‌رچاوه‌ / رۆیته‌ر - ماڵپه‌ڕی ره‌سمی UN

توركیا و یه‌كێتی ئه‌وروپا له‌سه‌ر ناردنه‌وه‌ی په‌نابه‌ران رێككه‌وتن

وڵاتی توركیا ره‌زامه‌ندی خۆی ده‌ربڕی له‌سه‌ر گه‌ڕاندنه‌وه‌ی ئه‌و په‌نابه‌رانه‌ی به‌ رێگایه‌كی قاچاخ له‌ خاكی توركیاوه‌ رووده‌كه‌نه‌ وڵاتانی ئه‌وروپا و بۆ ئه‌و مه‌به‌سته‌ش رێكه‌وتنێكی نوێی له‌گه‌ڵ یه‌كێتی ئه‌وروپادا ئیمزاكرد.

دوێنێ دوو شه‌ممه‌ وڵاتی توركیا و یه‌كێتی ئه‌وروپا رێكه‌وتنێكی نوێیان ئیمزا كردو به‌پێی رێككه‌وتنه‌كه‌ حكومه‌تی وڵاتانی ئه‌وروپا رێپێدراون به‌ گه‌ڕاندنه‌وه‌ی ئه‌و په‌نابه‌رانه‌ی كه‌ خاكی توركیایان به‌كارهێناوه‌ بۆ په‌ڕینه‌وه‌ بۆ نێو خاكی وڵاتانی ئه‌وروپا به‌ڕێگایه‌كی قاچاخ، ئه‌مه‌ش هه‌نگاوێكی دیاره‌ بۆ لێك نزیكبوونه‌وه‌ی حكومه‌تی توركیا و وڵاتانی یه‌كێتی بیست و هه‌شت.

له‌ رێو ره‌سمێكدا له‌ ئه‌نقه‌ره‌ی پایته‌ختی توركیا، ئه‌حمه‌د داود ئۆغلۆی وه‌زیری ده‌ره‌وه‌ی توركیا له‌گه‌ڵ سیسیلیا ماڵمسترۆمی نوێنه‌ری كاروباری ناوخۆی نه‌ته‌وه‌ یه‌كگرتووه‌كان گه‌شتنه‌ رێككه‌وتن له‌سه‌ر رێگریگرتن له‌ هه‌ر كۆچكردنێك كه‌ له‌ڕێگای خاكی توركیاوه‌ ئه‌نجامبدرێت، هه‌روه‌ها گه‌ڕاندنه‌وه‌ی ئه‌و هاووڵاتییه‌ توركانه‌ی كه‌ به‌ قاچاخ روویان كردۆته‌ وڵاتانی ئه‌وروپا و گه‌ڕاندنه‌وه‌یان بۆ نێو خاكی توركیا، ئه‌مه‌ش له‌ كاتێكدایه‌ كه‌ توركیا پاڵێوراوه‌ بۆ بوون به‌ ئه‌ندام له‌ یه‌كێتی ئه‌وروپادا وه‌ له‌ هه‌مانكاتدا رێگایه‌كی سه‌ره‌كییه‌ بۆ كۆچكردنی هاووڵاتیانی وڵاتانی ئه‌فریقا و رۆژهه‌ڵاتی ناوه‌ڕاست بۆ وڵاتانی ئه‌وروپا.

جێی باسه‌ وتووێژه‌كانی نێوان وڵاتی توركیا و یه‌كێتی ئه‌وروپا ده‌رباره‌ی گه‌ڕاندنه‌وه‌ی كۆچ و كۆچبه‌ران بۆ نێو وڵاتی توركیا، چه‌ندین ساڵه‌ راوه‌ستاوه‌و ئه‌مه‌ش هۆكارێكی سه‌ره‌كی بووه‌ بۆ نه‌بوون به‌ ئه‌ندامی وڵاتی توركیا له‌ نێو یه‌كێتی ئه‌وروپادا، ئه‌مه‌ له‌ كاتێكدایه‌ كه‌ وڵاتی توركیا له‌ ساڵی 2005ه‌وه‌ له‌ گفتوگۆدایه‌ له‌گه‌ڵ یه‌كێتی ئه‌وروپا بۆ بوون به‌ ئه‌ندام له‌و یه‌كێتییه‌دا، پاش ئه‌وه‌ی بۆ ماوه‌ی 18 ساڵه‌ ئه‌و داوایه‌ی پێشكه‌ش به‌ یه‌كێتی ئه‌وروپا كردووه‌، به‌ڵام چه‌ندین كێشه‌ی سیاسی رێگرییان له‌و داوایه‌ی توركیا كردووه‌، وه‌ك دابه‌شكردنی دورگه‌ی قوبروس و جینۆسایدی كورد و ئه‌رمه‌نییه‌كان و كێشه‌ ناوخۆییه‌كانی نێو وڵاتی توركیا، ئه‌مه‌ جگه‌ له‌وه‌ی كه‌ وڵاتی ئه‌ڵمانیا و فه‌ره‌نسا ناڕازین له‌ بوون به‌ ئه‌ندامی وڵاتی توركیا له‌ نێو یه‌كێتی ئه‌وروپادا.

سه‌رچاوه‌ / DW
PUKmedia    و / ره‌هێڵ مه‌حمود

‌

رەنگە خوێندكارانی بەریتانیش بێنە كوردستان

بەرپرسانی كەرتی بازرگانی لە عێراق، دەیانەوێ بەو بودجە زەبەلاحەی لەبەردەستیانە، ئەو كۆمپانیا بەریتانیانە راوبكەن كە ئێستا لە هەرێمی كوردستان كار دەكەن.  ئەوەش لە كاتێكدا كە هەرێمی كوردستان وەك هاوبەشێكی خوازراو سەیری كۆمپانیا بەریتانییەكان دەكات. هەفتەی رابردوو، ئەنجوومەنی بازرگانی بەریتانی- عێراقی و ژووری بازرگانیی هەولێر كۆنفرانسێكیان بۆ نوێنەری 50 كۆمپانیای بەریتانی لە بوارەكانی بیناسازی، نەوت و غاز، تەندروستی و خزمەتگوزاری، لەگەڵ نوێنەری 13 زانكۆی ئەو وڵاتە رێكخست. فەلاح مستەفا، لێپرسراوی پەیوەندییەكانی دەرەوەی حكومەتی هەرێمی كوردستان، بە وتەیەك كۆنفرانسەكەی كردەوە و رایگەیاند "حكومەتی هەرێمی كوردستان وەك هاوبەشێكی خوازراو تەماشای بەریتانیا دەكات".  فەلاح مستەفا ئاماژەی بە پەیوەندییە سیاسی و كەلتووری و بازرگانییەكانی نێوان هەردوولا كرد و باسی لەوەكرد كە هەندێك لەو بەریتانیانەی لە پاش ساڵی 1991وە دەستیان هەبووە لە بنیاتنانەوەی هەرێمی كوردستاندا ئێستا لە پۆستی باڵای ئیداری حكومەتی هەرێمی كوردستاندا كاردەكەن. بەپێی قسەی هیو ئیڤانز، كونسوڵی بەریتانیا لە هەرێمی كوردستان، ئێستا 112 كۆمپانیای بەریتانی لە كوردستان كار دەكەن و رۆژ بە رۆژیش ژمارەیان لە زیادبووندایە.  ئیڤانز كە لە كۆنفرانسەكەدا وتەیەكی پێشكەش كرد، ئاماژەی بە ئاسانكارییەكانی حكومەتی هەرێمی كوردستان كرد بۆ كۆمپانیا بەریتانییەكان، بۆ ئەوەش باسی دیدارێكی خۆی و مەسعود بارزانی، سەرۆكی هەرێمی كوردستانی كرد كە پێیگوتووە "مەگەر تەنیا ئاسمان هەلی كاركردن بۆ بازرگانە بەریتانییەكان لە هەرێمی كوردستان سنووردار بكات". بازرگانانی كورد روو لە بەریتانیا دەكەن ئێستا ژمارەی ئەو كۆمپانیا بەریتانیانەی لە هەرێمی كوردستان كاردەكەن بە پلەی دووەم دێن لە پاش كۆمپانیا توركییەكان. لەگەڵ ئەوەشدا بازرگانانی كورد دەستیان كردووە بە جموجوڵی بازرگانی لەو وڵاتە. فەلاح مستەفا داوای لە ئەنجومەنی بازرگانیی عێراقی بەریتانی كرد لۆبی بۆ كردنەوەی هێڵی راستەوخۆی فڕین لە نێوان هەولێر و لەندەن بكات تا بازرگان و وەبەرهێنەران بە ئاسانترین و خێراترین شێوە بتوانن گەشت بكەن.  ئەندامانی گرووپەكە لەكاتی سەردانەكەیان چاویان بە ژمارەیەك لێپرسراوی حكومی و بازرگانانی كورد كەوت، ئەمە جگە لە دیداریان لەگەڵ ژمارەیەك لە وەبەرهێنەران كە لە مووسڵەوە هاتبوون بە ئامانجی وەبەرهێنان لە بنیاتنانی فڕۆكەخانەیەكی نوێ و پاڵاوگەیەكی نەوت و وێستگەیەكی كارەبا لە بەشە ئارامەكەی ئەو شارە كە دەكەوێتە ژێر دەسەڵاتی حكومەتی هەرێمی كوردستانەوە.  عەلی ئەلعەلی، جێگری سەرۆكی یەكێتی بازرگانانی عێراقی لە موسڵ باسی لە گرنگیی ئامادەیی كۆمپانیا بیانییەكان كرد لە پلاندانان و كاركردن لەو شارە. گوتیشی حكومەتی مەركەزی بودجەی پێویست دەنێرێت بۆ شاری موسڵ بۆیە ئەوانیش پێویستیان بە یارمەتی كۆمپانیا بیانییەكانە. بەهۆی بارودۆخی ئەمنیی شاری موسڵەوە، هیچ كۆمپانیایەكی بیانی روو لەو شارە ناكات. عەلی بانگهێشتی كۆمپانیا بیانییەكانی كرد بۆ وتووێژكردن لە هەولێر یان لە بەشە ئارامەكەی پارێزگای موسڵ كە دەكەوێتە ژێر دەسەڵاتی حكومەتی هەرێمی كوردستانەوە.  بە تایبەت رووی دەمی كردە ئەو گرووپە بەریتانییە بەهۆی رۆڵی بەریتانیا لەو شارە لە سەرەتای سەدەی نۆزدەوە.  هەرچەندە ئاكامەكانی ئەم دەستپێشخەرییە هێشتا نادیارە، بەڵام بەشێوەیەكی گشتی كۆنفرانسەكە رۆڵێكی ئیجابی هەبوو بە وتەی ئەنجوومەنی بازرگانی عێراقی بەریتانی كە ئەمە یەكەمین كۆنفرانسی لەو جۆرە بوو رێكیبخات بۆ حكومەتی بەغدا و حكومەتی هەرێمی كوردستان. گوتەبێژی گرووپەكە بەناوی ریچارد كرۆ ئاماژەی بە كاریگەری دیدار و كۆبوونەوەكانی لەگەڵ هەردوو سەرۆك وەزیرانی عێراق نوری مالیكی و سەرۆكی هەرێمی كوردستان مەسعود بارزانی كرد لەسەر دەستكەوتەكانی كۆنفرانسەكە. خوێندكارانی بەریتانیا دێنە زانكۆكانی كوردستان ئەنجوومەنی بازرگانی عێراقی بەریتانی پێشبینی دەكات ئەنجامی بەڵێن و پەیوەندییەكانی ئەو پێنج رۆژەی كۆنفرانسەكە وەبەرهێنانی سەدان هەزار دۆلار بێت لەلایەن بازرگانە بەریتانییەكانەوە.  هەروەها ئامادەبوونی نوێنەری زیاتر لە 13 زانكۆی بەریتانی ببێتە هۆی زیادبوونی ژمارەی ئەو خوێندكارە كوردانەی دەڕۆنە ئەو وڵاتە بۆ خوێندن كە ئێستا بە 2 هەزار خوێندكار هەژمار دەكرێن. بەپێی پێشبینیەكانی ئەنجوومەنی بازرگانی عێراقی بەریتانی، هەندێك لە زانكۆ بەریتانییەكان دروستكردنی پەیوەندییان لەگەڵ زانكۆكانی كوردستاندا تاوتوێ كردووە.  ئەگەر گرێبەستەكان زیاتر بەرەو پێشەوە بچن، رەنگە خوێندكارانی بەریتانیش بێنە كوردستان بۆ خوێندن.

رووداو - هەولێر

بۆ وەرگرتنی قەرزی بچوك وەزارەتی كار مژدە دەداتە گەورە كچان

لە رێگای پرۆژەیەكەوە كە لەلایەن وەزارەتی كاروكاروباری كۆمەڵایەتی ئاراستەی ئەنجومەنی وەزیرانی هەرێم كراوە ، لەساڵی داهاتوو گەورەكچان  تا تەمەنی 45 ساڵی قەرزی بچوكیان پێدەدرێت، پێشتر تەنها لەتەمەنی (16  تا 35 ) ساڵی بۆیان هەبوو ئەو قەرزە وەربگرن .

عەباس ئەكرەم وتەبیێژی وەزارەتی كاروكاروباری كۆمەڵایەتی حكومەتی هەرێمی كوردستان لەو بارەیەوە بە خەندانی راگەیاند: بۆ ئەوەی زۆرترین كەس سوود لە قەرزی بچوك وەربگرن ، بەتایبەتی گەورە كچان تا تەمەنی 45 ساڵ  و ئەوانەی بەهەر هۆكارێك بێت هاوسەرگیریان ئەنجامنەداوە ، دەتوانن سوود لە یاسای قەرزی بچوك وەربگرن، كە پێشتر تەنها لەتەمەنی( 16  تا 35 ) ساڵی بۆیان هەبوو ئەو قەرزە وەربگرن .

عەباس ئەكرەم وتیشی: بۆ ئەو مەبەستە وەزارەتی كاروكاروباری كۆمەڵایەتی پرۆژەیەكی ئاراستەی ئەنجومەنی وەزیران كرد، بەگوێرەی ئەو پرۆژەیە  كە لەكاتی ئێستا پەسندكراوە ، لەساڵی داهاتوو گەورەكچان هاوشێوەی گەنجانی تر  و بەهەمان مەرج و رێنمایی  گەنجانی تر دەتوانن قەرزی بچوك وەربگرن، بەمەرجێك پرۆژەیەكیان هەبێت  .

بەگوێرەی یاسای قەرزی بچوك كە لە پەرلەمانی كوردستان دەرچوە بڕی یەك ملیۆن دینار تا 15ملیۆن بەو گەنجانە دەدرێت كە تەمەنیان لە نێوان ( 16 - 35 ) ساڵیدایە  و پێویستە ئەو كەسە پرۆژەیەك ئەنجامبدات  و دەبێ لەماوەی پێنج ساڵدا قەرزەكە بگەرێنێتەوە بۆ حكومەت.

هەر بەگوێرەی زانیارییەكی وەزارەتی كاروكاروباری كۆمەڵایەتی تاكو ئێستا نزیكەی شەش هەزاركەس سوودیان لە قەرزی بچوك وەرگرتووە و پێدانی قەرزەكەش بۆساڵانی داهاتوو بەردەوام دەبێت .

خەندان - رەهێل سەمەد

ۆرکشۆپ بۆ ڕۆژنامەوانان دەکرێتەوە تۆش بەشداری بکە

ۆرکشۆپ بۆ ڕۆژنامەوانانی قەزاو ناحیەکانی دەوروبەری سلێمانی (گەرمیان و شارەزوور و هەڵەبجەی کۆن و تازە و پێنجوین، دووکان، رانیە، قەڵادزێ، چەمچەماڵ، ئەوانی تریش) بەشداربووی دوورتریش بۆی هەیە بەشدار بێت بە پێی توانا

ڕێکخراوی میدیای سەربەخۆ لە کوردستان (IMCK) بە هاوکاری ڕێکخراوی (STATT) ی نێودەوڵەتی ۆرکشۆپێکی 1 ڕۆژی لە سلێمانی دەکاتەوە لە بارەی ئاقارەکانی کۆچی نایاسایی لەسەر کەسوکاری بەجێماوان و چۆنیەتی ڕووماڵی ڕۆژنامەوانی لەم بارەیەوە. لە خولەکەدا باس لە زۆر لایەنی بابەتەکە دەکرێت لە ڕووی داتا و زانیاری و ڕۆژنامەگەریەوە. خولەکە یەک ڕۆژە لە 22-12-2013( یەکشەممە ) لە سلێمانی وە هەمان خول رۆژی دواتر (دووشەممە)دووبارە دەکرێتەوە تا زیاترین ڕۆژنامەوان سوودمەند بن.

خولەکە کاتژمێر 9ی بەیانی بۆ 4س ئێوارە دەبێت ( نانی نیوەڕۆ لەلایەن ڕێکخەرانی خولەکەوە دابین دەکرێت) 

کرێ ی هاتوو چۆ سەرف دەکرێت بۆ ئەوانەی لە دەرەوەی ناوشاری سلێمانیەوە دێن. 

شوێن: بینای ڕێکخراوی میدیای سەربەخۆ لە کوردستان، سلێمانی بەرامبەر هۆلێ ڕۆشنبیری

بۆ ناونووسین و زانیاری زیاتر تکایە لەڕێگەی ئیمەیڵەوە یان مەسجی فەیسبووک پەیوەندی بکەن، بۆ ناو تۆمار کردن تکایە (ناوی سیانی، ژمارە مۆبایل، شوێنی نیشتەجێ، شوێنی کار) بنوسە و ڕۆژەکەش دیاری بکە کامیان گونجاوە بۆت چونکە هەردوو ڕۆزەکە هەمان بابەتە،

ئیمەیڵ: imckiraq@gmail.com

فەیسبووک: www.facebook.com/IMCKIraq

تێبینی: لە کۆتایی خولەکەدا نامەی بەشداری دەبەخشرێت بە بەشداربوان

ئەو بابەتانەی دوای خولەکە لەسەر ئەم تەوەرە دەنوسرێن دەخرێنە پێش برکێوە و چەند بابەتێک خەڵاتی ماددی وەردەگرن.

سێ په‌ناخواز ده‌خنکێن و کوردێکیش به‌له‌مێکى په‌ناخوازان له‌ نقومبوون رزگار ده‌کات

ئاژانسى هه‌واڵى فرانس پرێس بڵاویکرده‌وه‌، که‌ به‌له‌مێکى په‌ناخوازان که‌ زیاتر له‌ 30 که‌سى تێدابووه‌ له‌ نزیک دوورگه‌ى جاواى ئه‌نده‌نوسیا له‌ پێش گه‌شتنیان به‌ ئوسترالیا تێکشکاوه‌ و سێ که‌سیش له‌و په‌ناخوازانه‌ گیانیان له‌ ده‌ستداوه‌. 

به‌ وته‌ى ئه‌فسه‌رێکى هێزه‌ ده‌ریایه‌کانى ئه‌نده‌نوسیاش تێکشکانى ئه‌و به‌له‌مه‌ به‌هۆى خراپى جۆرى به‌له‌مه‌که‌ و ڕه‌وشى که‌شوهه‌واى ناوچه‌که‌وه‌یه‌ له‌م وه‌رزه‌دا. 

وێڕاى ده‌ربڕینى پرسه‌وسه‌رخۆشى له‌ که‌سوکارى ئه‌و سێ په‌ناخوازه‌ى که‌ گیانیان له‌ ده‌ستداوه‌ ، که‌ به‌ڕه‌گه‌ز ئێرانى و به‌نگلادیشى و مه‌یانمارى بوون ، وه‌زیرى کۆچى ئوسترالیا ئه‌و ڕووداوه‌ى به‌ کاره‌ساتێک وه‌سف کرد که‌ هۆکاره‌که‌ى ئه‌و قاچاخچیانه‌ن که‌ بێگوێدانه‌ هه‌ست و سۆز گه‌شتى له‌و جۆره‌ به‌ ده‌ریادا بۆ په‌ناخوازان ڕێکده‌خه‌ن له‌ به‌رامبه‌ر وه‌رگرتنى پاره‌دا. 

هاوکات ، ئاژانسى هه‌واڵى SBS ئه‌وه‌ى پشتڕاستکردۆته‌وه‌ که‌ ئه‌و به‌له‌مه‌ى  مانگى ڕابردوو که‌ 30 په‌ناخوازى هه‌ڵگرتبوو له‌ پێش گه‌شتنیان به‌ یۆنان به‌هۆى ته‌له‌فۆنى په‌ناخوازێکى کوردى عێراقه‌وه‌ ڕزگارکراون له‌پێش ئه‌وه‌ى تووشى نقووم بوون بن. 

ئاژانه‌سه‌که‌ ئاماژه‌ بۆ ئه‌وه‌ ده‌کات ئه‌و په‌ناخوازه‌ که‌ یه‌کێک بووه‌ له‌سه‌رنشینه‌کانى به‌له‌مه‌که‌ په‌یوه‌ندى کردووه‌ به‌ براکه‌یه‌وه‌ له‌ فه‌ره‌نسا و ئاگاداریکردۆته‌وه‌ که‌ به‌له‌مه‌که‌یان خه‌ریکه‌ نقوم ده‌بێت. پاشان براکه‌ى په‌یوه‌ندى به‌ پۆلیسى فه‌ره‌نساوه‌ کردووه‌ و ئه‌وانیش هێزه‌ ده‌ریایه‌کانى یۆنانیان ئاگادارکردۆته‌وه‌ به‌ مه‌به‌ستى ڕزگارکردنیان. 

چه‌ترپرێس ـ هه‌ژار ته‌ها

حکومەتى ئوسترالى ڕێگاى توندتر لەبارەى کۆچ بۆ ئوسترالیاوە دەگرێتەبەر

کۆچ بۆ ئوسترالیا و کۆچى کوردان 

حکومەتى ئوسترالى پێوەرى زیاتر بەجێ دەگەیەنێت بۆ بەهێزتر کردنى ئەو یاسایانەى کۆچ کەلەئێستادا بوونیان هەیە. حکومەتى ئوسترالى ڕایدەگەیەنێت بەوشێوەیە کاردانەوەى توند بەرامبەر ئەو کەسە ئەنجام دەدرێت کە بەشێوەیەکى نایاسایى کۆچ بکات. وەزیرى کۆچ و ئاسایشى سنوور سکۆت ماریسۆن گوتى کەسیستمى ڤیزاى ئاسایشى هەمیشەیى و شێوازى تر بەسەر کۆچبەرە نایاسایەکاندا دەسەپێنرێت لەکاتێکدا کۆچ دەکەن بۆ ئوسترالیا، بۆئەوانەى کە بەرلە 19ى تەموز، گەیشتوونە ئوسترالیا. هەروەها ئاماژەى بەوەدا کە مافى پەناخوازى بە هیچ کۆچبەرێک نادرێت کە لەڕێگەى بەلەمەوە بەشێوەیەکى نایاسایى کۆچى کردبێت. وەزیرەکەى ئوسترالیا داواى لە پەناخوازان کرد کە بە کەسانى ساختە و مامەڵەکانیان هەڵنەخەڵەتێن

وه‌زاره‌تی كار و رێكخراوی‌ ILO پلانێك بۆ سیاسه‌تی به‌كارخستن داده‌ڕێژن

به‌ ئامانجی‌ ره‌خساندنی‌ هه‌لی‌ كاری‌ زیاتر بۆ گه‌نجان و لاوانی‌ هه‌رێمی‌ كوردستان، وه‌زاره‌تی‌ كار و كاروباری‌ كۆمه‌لاَیه‌تی‌، پلانی‌ كاری‌ جێبه‌جێكردنی‌ سیاسه‌تی‌ به‌كارخستنی‌ بۆ هه‌رێمی‌ كوردستان له‌گه‌ڵ رێكخراوی‌ كاری‌ نێوده‌وڵه‌تی‌ ئیمزا كرد.

سه‌ر له‌به‌یانی‌ ئه‌مڕۆ پێنچشه‌ممه‌ ئاسۆس نه‌جیب، وه‌زیری‌ كارو كاروباری‌ كۆمه‌لاَیه‌تی‌ به‌ئاماده‌بوونی‌ غه‌سان سه‌فار، گه‌وره‌ راوێژكاری‌ رێكخراوی‌ كاری‌ نێوده‌وڵه‌تی‌ (ILO)، پلانی‌ كاری‌ جێبه‌جێكردنی‌ سیاسه‌تی‌ به‌كارخستنی‌ بۆ ماوه‌ی‌ یه‌ك ساڵ له‌گه‌ڵ رێكخراوه‌كه‌ ئیمزاكرد. 

له‌ مه‌راسیمی‌ ئیمزاكردنه‌كه‌دا ئاسۆس نه‌جیب رایگه‌یاند" بۆ جێبه‌جێكردنی‌ ئه‌م پلانه‌ بڕی‌ 685 هه‌زار دۆلار ته‌رخانكراوه‌و پلانه‌كه‌ كۆمه‌ڵێك سیاسه‌ت له‌خۆ ده‌گرێت له‌وانه‌: سیاسه‌تی‌ دانیشتوان و بارودۆخی‌ كار و هه‌لومه‌رجی‌ كار و گفتوگۆی‌ كۆمه‌لاَیه‌تی‌ و پاراستنی‌ كۆمه‌لاَیه‌تی‌ و راگه‌یاندن.

وه‌زیری كارو كاروباری كۆمه‌ڵایه‌تی حكومه‌تی هه‌رێمی كوردستان وتیشی، ئه‌مانه‌ به‌ ئامانجی‌ دۆزینه‌وه‌ی‌ هه‌لی‌ كاری‌ گونجاوه‌ له‌ هه‌رێمی‌ كوردستان و جێبه‌جێكردنیشیی‌ ده‌بێته‌ هۆی‌ پته‌وكردنی‌ ئاستی‌ كۆمه‌لاَیه‌تی‌ بۆ وه‌دیهێنانی‌ كۆمه‌ڵگه‌یه‌كی‌ خۆشگوزه‌ران.

له‌ لایه‌كی‌ دیكه‌وه‌ هه‌ر ئه‌مڕۆ به‌ئاماده‌بوونی‌ وه‌زیری‌ كارو كاروباری‌ كۆمه‌لاَیه‌تی‌ و  له‌ مه‌راسیمێكدا بڕوانامه‌ی‌ ده‌رچوون به‌سه‌ر 142 به‌شداربووی‌ خولی‌ ڕاهێنان و پیشه‌یی‌ له‌ بواره‌كانی‌ (كاره‌با، كۆمپیوته‌ر، ساردكه‌ره‌وه‌، دوورمان، P.V.C)) دابه‌شكرا.

له‌و مه‌راسیمه‌شدا وه‌زیری‌ كارو كاروباری‌ كۆمه‌لاَیه‌تی‌ رایگه‌یاند: تا ئێستا زیاتر له‌ دوو هه‌زار و 543 گه‌نج له‌م خولانه‌ سوودمه‌ندبوون و حكومه‌تی‌ هه‌رێمیش سالاَنه‌ بوودجه‌ی‌ پێویست بۆ كردنه‌وه‌ی‌ خول و راهێنانی‌ پیشه‌یی‌ ته‌رخانده‌كات.

ئاشكراشیكرد كه‌ هه‌وڵدراوه‌ بنكه‌ی‌ زیاتری‌ به‌كارخستن و راهێنانی‌ پیشه‌یی‌ له‌ شاره‌كانی هه‌رێمی كوردستان بكه‌نه‌وه‌.

خه‌ندان ـ

تامی نوێ

يودیت نیورینك

سۆپەرماكێتەكە توترك و كەلەرم و كاهوویەكی جوانی هەیە!، هەواڵەكە بەخێرایی بڵاوبۆوە لەفەیسبووك لەكۆمەڵگەی گەشەسەندوو لەكوردستان كەژمارەیەكی زۆر پەنابەرو خەڵكانی بیانی تێدایە كە بەشێوەیەكی كاتی یان بەهەمیشەیی لێرە نیشتەجێبوون.

 

خەڵكی بیانی زیاترو زیاتر روو لەكوردستان دەكەن و كاردەكەن و خواست و داخوازی تایبەت بەخۆیان هەیە. گرنگترینیان دابینكردنی جۆرایەتی خۆراكە بەشێوەكی باشتر. سەرەنجام سۆپەرماكێتەكان بەرهەمی نوێ هاوردە دەكەن و دەخەنەڕوو, لەبەرئەوەی دەزانن كە كڕیاریان بۆ پەیدابكەن و بدۆزنەوە. هەروەك چێشتخانەكانیش خۆراكی هەمەجۆرو زیاتر پێشكەش دەكەن, لەپرسگەكاندا لەهەولێر تەنانەت خۆراكی رۆژئاوایی هەمەجۆر پێشكەش بەئێمە دەكرێن.

 

كاتێك كەشەش ساڵ لەمەوبەر گەیشتمە كوردستان, پێویست بوو خۆم بگونجێنم لەگەڵ ئەو خۆراكانەی كە لەبازاڕدا پێشكەش دەكران, هیچ كەس خۆراكی بۆ من هاوردە نەدەكرد, وەكو حەزوو ئارەزووی من وەك كەسێكی بیانی. دركیشم بەوەكرد, كاتێك كەهەوڵمدا خواردنی رۆژئاوایی ئامادەبكەم, میوانەكانم دڵخۆش نەبوون, لەبەرئەوەی زۆر خوویان گرتووەو راهاتوون لەسەر خواردنی خۆماڵی كوردی.

 

كاتێك كە گەڕامەوە ماڵەوە جانتەكەم پڕ دەكرد لەو خواردنانەی كە تامەزرۆبووم بۆیان, پەنیرو كەرەی باش و نانی جوان. خەریك بوو دەستبەرداری چێشتلێنانیش بم.

 

لەگەڵ هاتنی خەڵكانی بیانی زیاتردا, پێشكەوتن و پەرەسەندنێك دەبینم كەمن لەهۆڵەندا چەندین ساڵ بەرلەئێستا بینیومەو ئاشنای بووم. چێشتلێنانی دایكم سادەو ساكاربوو, لیستی خۆراكەكانی هۆڵەندا بریتیبوون لەپەتاتەی كوڵاو, سەوزە, پلێك گۆشت و شلەیەك كە لەگەڵ پەتاتەكەدا پێشكەش بكرێت. كاتێكیش كە بیبەری سەوزو سوور كەوتە بازاڕەوە, دایكم نەیدەزانی كە چییان لێبكات لەڕووی لێنانەوە بەشێك بێت لەژەمە خۆراكەكانی رۆژانە, بەهەمانشێوە هۆڵەندا دەستیكرد بە بەرهەمهێنانی باینجان و قارچك و كولەكەو سیر, دایكم نەیدەزانی چی لەمانیش بكات؟.

 

كاتێكیش كەڕەچەتەی ئامادەكرنی خۆراكەكانی لەگۆڤارەكان بەكاردەهێنا زۆریدەخایاند تاوەكو سەوزە نوێكانی ئامادە دەكردو ژەمێكی پێدروست دەكرد, هەر ئەوەندەبەس نەبوو كەزاڵ بێت بەسەر نەزانینەكەی خۆیدا, بەڵكو دەبوایە بزانێت كەچۆن منداڵ و هاوسەرەكەی رابهێنێت لەسەر تامی ئەو خۆراكە جۆرە بەجۆرە تازانەی ئامادەیان دەكات.

 

من دەتوانم هەمان شت جارێكی دیكە لەدەوروبەرم ببینم. كورد راهاتوون لەسەر برنج و شلە لەكاتی نیوەڕۆدا. زۆر ئەستەمیشە كە ژەمی خۆراكەكەیان بگۆڕێت، بەڵام دەزانم كە بەتێپەڕبوونی كات جۆرایەتی خۆراكەكە دەگۆڕن.

 

بەنیستبەت هەركەسێك, لەبەرئەوەی كەپێكهێنەری سەرەكی خۆراكەكەیان چەورییە، ناتوانین كەزۆر تەندروست بین لەكاتێكدا كەخەڵك زۆر كەمترو كەمتر دەجوڵێن. ئەوەش هۆكارێك بوو بۆئەوەی كە هۆڵەندییەكان خووی خۆراكی خۆیان بگۆڕن. لێرەش لەكوردستان گۆڕانكاریی بەسەر ژەمی خۆراكدا هاتووە لەبەرئەوەی بەشێكی زۆر لەو كوردانەی لەتاراوگە بوون گەڕاونەتەوە.

 

كوردێك كە لەهۆڵەندا دەژی لەسەر فەیسبووك نووسیبووی زۆر زۆر تامەزرۆی «فریكەندیل»-م وەكو ئاماژەكردن بۆ فاست فودێكی هۆڵەندی, ئەوانی دیكەش وێنەی ئەو خواردنە هۆڵەندیەیان بڵاوكردەوە كە لێیان ناوە. ئێمەش هەموومان ئەو خواردنانەمان كەهی وڵاتی خۆمانە پۆست و بڵاودەكەینەوە كە لەدەرەوەی بازاڕەكانی هۆڵەندا, لەهەولێرو سلێمانی دەیبینین.

 

نەوەی پێشووتر پێدەچێت گۆڕانكاریی ئەنجامبدەن, تەنانەت باوكم هەرگیز فێرنەبوو سیر بخوات، بەڵام سەبارەت بەنەوەی نوێ, تامە نێودەوڵەتییەكە ئێستا لێرە ئاشنایە بەهەمەجۆرایەتی خۆراك ئەوەش دوای چەندین ساڵ لەدابڕان و پەراوێزخستن, كوردستان لەم بوارو لایەنەشەوە بەڕووی جیهاندا كرانەوەی بەخۆیەوە بینیوە.

و: له‌ئینگلیزییه‌وه‌، هه‌ژار عوسمان

كوردستانى نوىَ

 

باشترین شار بۆ ژیانی قوتابیان له‌ جیهاندا کوێیە؟

کۆچى کوردان و کۆچ بۆ ئوسترالیا

پاریسی پایته‌ختی فه‌ره‌نسا پله‌ی یه‌که‌م به‌ده‌ست دێنێت وه‌ک باشترین شاره‌کانی جیهان بۆ خوێندن و ژیان به‌سه‌ر بردنی قوتابیان تیایدا، له‌ دوای ئه‌ویش هه‌ریه‌که‌ له‌ له‌نده‌نی پایته‌ختی به‌ریتانیا و سه‌نغافووره‌ش به‌ پله‌کانی دووه‌م و سێیه‌م دێن. 

سه‌ره‌ڕای ئه‌وه‌ی "پاریس" به‌وه‌ ناسراوه‌ که‌ "شاری ده‌وڵه‌مه‌نده‌کان"ه‌ ،که‌چی به‌ گوێره‌ی دیراسه‌یه‌کی نووسینگه‌ی "کواکواریللی سیمۆندس"ی به‌ریتانی ، ئه‌وا "پاریس" باشترین شاره‌ بۆ قوتابیان.

به‌ گوێره‌ی ئه‌و دیراسه‌یه‌ پاریس به‌ چه‌ندین تایبه‌تمه‌ندی له‌ شاره‌کانی تری جیهان جیای ده‌کاته‌وه‌،له‌وانه‌ش کرێی خوێندن له‌ پاریس هه‌رزانه‌ به‌ به‌راورد به‌ شاره‌کانی تری جیهان ،له‌گه‌ڵ ئه‌ویشدا ژیانێکی باشتر بۆ قوتابیان دابین ده‌کات،له‌مانه‌ش گرنگتر ئه‌وه‌یه‌ که‌ خاوه‌ن کاره‌کان به‌ خێرایی و به‌ ژماره‌یه‌کی زۆر ده‌رچوانی زانکۆ و پله‌کانی تری خوێندن له‌سه‌ر کاره‌کان داده‌مه‌زرێنن به‌ گوێره‌ی پسپۆڕیه‌کانی خۆیان، هه‌روه‌ها شاری پاریس حه‌ڤده‌ زانکۆی تێدایه‌ که‌ له‌ باشترین زانکۆکانی جیهانن.

هه‌ر به‌ گوێره‌ی دیراسه‌که‌ی نووسینگه‌ی "کواکواریللی سیمۆندس"ی به‌ریتانی ، شاری له‌نده‌نی پایته‌ختی به‌ریتانیا که‌ هه‌ژده‌ زانکۆی تێدایه‌ که‌ له‌ زانکۆ باشه‌کانی جیهانن به‌ پله‌ی دووه‌م دێت ، له‌ دوای ئه‌ویش شاری سه‌نغافووره‌ به‌ پله‌ی سێیه‌م دێت بۆ دابین کردنی باشترین ژیان بۆ قوتابیان له‌ جیهاندا. 

ئوسترالیا چۆن سنوورەکانى پاراستووە لە پەناخوازان لە دوو مانگى ڕابردوودا

کۆچى کوردان و کۆچ بۆ ئوسترالیا

زیاتر لە دوو مانگ تێدەپەڕێت بەسەر ئۆپەراسیۆنى سەروەرى سنوورەکان (ئۆ ئێس بى)، لێرەدا گرنگترین گۆڕانکارییەکانى دەرنجامى ئەو پڕۆسەیەو زانیارییەکان لەبارەى ئەو ئۆپەراسیۆنەوە دەخەینەڕوو:

ئەو ئۆپەراسیۆنە لە 18ى ئەیلولى ئەمساڵەوە دەستى ێکردووە. ئەمە ئۆپەراسیۆنێکە کە لەلایەن سوپاوە سەرکردایەتى دەکرێت بۆ ڕێگرى کردن لەو بەلەمانەى کە دەگەنە ئاوەکانى ئوسترالیا و ڕاستەوخۆ بەرەو دوورگەى ناورو و مانوس بەڕێدەکرێن بۆئەوەى کەیسەکانیان لەوێ هەڵسەنگاندنى بۆ بکرێت. 

1-کەم بوونەوەى گەیشتنى بەلەمەکان ماناى ئەوەیە کە ئەو ڕێوشوێنە کاریگەرى هەبووەو سوودى هەیە. لەوکاتەوەى ئەو ئۆپەراسیۆنە دەستى پێکردووە تەنها 12 بەلەم بە 676 سەرنشینى نایاساییەوە گەیشتوونە ئاوەکانى ئوسترالیا. لە هەمان ماوەدا لە 18ى ئەیلول بۆ 18ى تشرینى یەکەمى 2012، نزیکەى (4304) پەناخواز گەیشتنە ئەو وڵاتە. ئەمەش کەمبوونەوەى گەیشتنى پەناخوازانى نایاساییە بەڕێژى 85% و هاندەرى حکومەتى ئوسترالى دەبێت کە 100% ڕێگاى گەیشتنى پەناخوازان بەوشێوەیە دابخرێت.

2-ئەو 676 سەرنشینەى گەیشتوون و زیاتر لە 87 پەناخوازى تریش ڕەوانەى دوورگەى ناورو و مانو کراون لەوکاتەوەى کە ئۆپەراسیۆنەکە دەستى پێکردووە. پەناخوازە نایاساییەکان لەگەڵ گەیشتنیان بە ئاوەکانى ئوسترالیا لەماوەى 48 کاتژمێردا ڕەوانەى دوورگەى ناورو مانوس کراون. کۆى گشتى ژمارەى ئافرەتان و پیاوان و منداڵان لە دوورگەى مانوس لەئێستادا 1157 دەبێت و لە ناورو 629 دەبێت. زۆربەى شوێنى مانەوەى پەناخوازەکان لە ناورو و مانوس خێوەتە. ئەوانەى لە دوورگەى مانوس و ناورون لەئێستادا لە پڕۆسەى هەڵسەنگاندنى کەیسەکانیاندان لەگەڵ بەرپرسانى پۆلیسى حکومەتى ناوخۆیى ئەو دوورگانە و هیچ کەسێک بەشێوەیەکى فەرمى لە ناورو یاخود پاپوا نیو گینیا نیشتەجێ نەکراوە.

3-لەسەرەتاى دەستپێکردنى ئەو ئۆپەراسیۆنەوە 106 پەناخواز کە ڕەوانەى دوورگەى مانوس و ناورو کرابوون خۆبەخشانە بڕیارى گەڕانەوەیاندا بۆ وڵاتەکەیان.

4-وەکو بەشێک لە ئۆپەراسیۆنى سەروەرى سنوورەکان حکومەتى ئوسترالى و ئیندۆنیزیا هاریکارى یەکتریان کردووە بۆ ڕووبەڕوو بوونەوەى قاچاخچیەکان لە ئیندۆنیزیا و ڕێگرى کردن لە دەرچوونى بەلەمان لە ئاوەکانى ئیندۆنیزیاوە بۆئەوەى نەگەن بە ئوسترالیا. لەڕێگەى جێبەجێکردنى یاسا و هاریکاریەوە نزیکەى 1151 پەناخواز ڕێگریان لێکراوە لە جێهێشتنى ئیندۆنیزیا و مالیزیا و سریلانکاو نەهێڵراوە بگەنە ئوسترالیا.

5-ئوسترالیا گفتوگۆ لەگەڵ ئیندۆنیزیا دەکات لەبارەى ڕێککەوتنى گۆڕینەوەى خەڵکى کە ئەو ڕێککەوتنە لەگەڵ مالیزیادا شکستى خوارد. ئەمەش ماناى ئەوەیە کە ئەو خەڵکانەى بەڕێگەى نایاسایى دەگەنە ئوسترالیا ڕەوانەى ئیندۆنیزیا بکرێنەوەو بگۆڕێنەوە لەگەڵ پەناخوازى ڕاستەقینە لە ئیندۆنیزیا.

داواکارى پێشکەش بکە تەنها سێ ڕۆژ ماوە گەشت بکەیت بۆ بەڕیتانیا

بلۆگەکانى کۆچى کوردان و کۆچ بۆ ئوسترالیا

یەکێک لەو پڕۆگرامە گرنگەکانى کۆچ کردن بۆ بەڕیتانیا بەهۆکارى خوێندنى ماستەر پڕۆگرامى چێڤنینگە.. ئەم پڕۆگرامە خزمەتێکى شایستەى ئەو خوێندکارانە دەکات کە دەیانەوێت گەشت بکەن بەشێوەیەکى یاسایى لە زانکۆکانى بەڕیتانیا بخوێنن.. 

ساڵى ڕابردوو چەندین قوتابى خوازیارى خوێندنى ماستەریان لە هەولیرو دەوروبەرى و لە بەغدا و دەوروبەرى وەرگرتووە.. بەهیواى بەختێکى باش و ئەمەش لینکى پڕۆگرامەکە و بەشى تایبەت بە عێراق بۆ وەرگرتنى زۆرترین زانیارى لەوبارەیەوە:

http://www.chevening.org/iraq/applying

دەتەوێت گەشتێکى ئەمریکا بکەیت؟

بالیۆزخانەی ئەمریكا لە بەغداد ماوەی پێشكەشكردن بۆ  پرۆگرامی ئاڵوگۆڕی سەركردەی گەنجی عێراقی كە تەمویل كراوە لەلایەن حكومەتی ئەمریكاوە راده‌گه‌یه‌نێت كه‌ ئەم پرۆگرامە تەجروبەیەكی ئاڵوگۆر‌ بۆ250 قوتابی عێراقی, ئامادەیی و زانكۆ, دەڕەخسێنێت لە ویلایەتە یەكگرتوەكانی ئەمریكا لە هاوینی 2014.

لە كاتی دروست بوونیانەوە لەساڵی 2007, پرۆگرامەكانی ئاڵوگۆڕی سەركردەی گەنجی عێراقی بۆ خوێندارانی زانكۆو ئامادەیی دەرفەتی خوێندن و سەركردایەتی بەبەهایان بە زیاتر لە 1200 خوێندكار بەخشیوە.

باڵیۆزخانەی ئەمریكا ئاماژه‌به‌وه‌ده‌كات: ئەم پرۆگرامانە راستەوخۆ  یارمەتی ئامانجەكانی ڕێكەوتننامەی چوارچێوەی ستراتیژی نێوان ئەمریكاو عێراق دەدەن بۆ پەرەپێدانی تێگەیشتنی هاوبەش و بەهێزكردنی پەیوەندیەكانی نێوان خەڵكی ویلایەتە یەكگرتوەكانی ئەمریكاو عێراق و, كادری گەنجی عێراقی وەهای دروست كردووە  كە بەبەردەوامی كاریگەری ئەرێنی لەسەركۆمەڵگا دادەنێن.

هه‌روه‌ها ئه‌وه‌ش راده‌گه‌یه‌نێت: پرۆگرامی ئاڵوگۆڕی سەركردەی گەنجی عێراقی -  پرۆگرامی تایبەت بە خوێندكارانی زانكۆ

پرۆگرامێكی شەش هەفتەیی ئاڵوگۆڕی سەركردایەتیە بۆ خوێندكارانی قۆناغی یەكەم و دووەم وسێیەمی زانكۆ. بۆ پێشكەش كردن بۆ پرۆگرامی تایبەت بە خوێندكارانی زانكۆ  سەردانی ئەم لینكە بكە

http://www.regonline.com/IYLEP-UG. 

پرۆگرامی ئاڵوگۆڕی سەركردەی گەنجی عێراقی -  پرۆگرامی تایبەت بە خوێندكارانی ئامادەیی

پرۆگرامێكی چوار هەفتەیی ئاڵوگۆڕی سەركردەی گەنجە بۆ نەوجەوانانی عێراق لە نێوان 15 بۆ 17 ساڵ و سەرپەرشتیارانی پێگەیشتوو. بۆ پێشكەش كردن بۆ پرۆگرامی  خوێندكارانی ئامادەیی سەردانی ئەم لینكە بكە

http://www.regonline.com/IYLEP-HS.

 بۆ پێشكەش كردن بۆ پرۆگرامی سەرپەرشتیارانی پێگەیشتو سەردانی ئەم لینكە بكە

http://www.regonline.com/IYLEP-HSadult.

هیچ جۆرە تێچونێك بۆ پێشكەشكردن بۆ ئەم پرۆگرامانە نیە. وەزارەتی دەرەوەی ویلایەتە یەكگرتوەكانی ئەمریكا بەتەواوی تەمویلی تێچونی سەفەر و خوێندن و تەندروستی  و نیشتەجێبونی بەشداربوان دەكات.

دواكاتی پێشكەشكردن 1ی كانونی یەكەمی 2013 ەیە.

بۆ زانیاری زیاتر پەیوەندی بە نوسینگەی ڕاگەیاندنی كونسولخانەی گشتی ئەمریكاوە بكەن لە رێی07704431653

مالیزیا قاچاخچیه‌كی‌ عێراقی‌ ده‌ستگیر ده‌كات

پاش ده‌ستگیركردن و دیپۆرتكردنه‌وه‌ی‌ قاچاخچیه‌كی‌ به‌ڕه‌گه‌ز عێراقی‌ له‌لایه‌ن مالیزیاوه‌، به‌رپرسانی‌ ئه‌منی‌ حكومه‌تی‌ ئوسترالیا رایانگه‌یاند ئه‌و قاچاخچیه‌ پێشتر له‌لایه‌ن حكومه‌تی‌ ئوسترالیاوه‌ داواكراو بوه‌ روبه‌ڕوی‌ چه‌ندین كاری‌ قاچاخچێتی‌ به‌ په‌ناخوازانه‌وه‌ كراوه‌ته‌وه‌ و ئه‌و تاوانانه‌شی‌ به‌سه‌ردا ساغبۆته‌وه‌. 

ئاژانسی‌ هه‌واڵی‌ ئه‌ی‌ بی‌ سی‌ نیوز بڵاویکردەوە، ئه‌و قاچاخچیه‌ كه‌ به‌ (سه‌ید ئومه‌یه‌د) ناسراوه‌ ده‌ستی‌ هه‌بوه‌ له‌ ناردنی‌ سه‌دان په‌ناخواز له‌ڕێگه‌ی‌ به‌له‌مه‌وه‌ بۆ ئوسترالیا كه‌ به‌شێكیان له‌پێشگه‌شتنیان به‌و وڵاتە گیانیان له‌ده‌ستداوه‌. 

ناوبراو پێشتریش به‌هه‌مان تۆمه‌ت له‌لایه‌ن حكومه‌تی‌ مالیزیاوه‌ ده‌ستگیركراوه‌ و پاش ته‌واوبونی‌ سزاكه‌ی‌ له‌ به‌ندینخانه‌ ئازادكراوه‌. 

به‌پێی‌ یاساكانی‌ به‌ره‌نگاربونه‌وه‌ی‌ بانده‌ قاچاخچیه‌كانیش له‌ ئوسترالیا، سه‌ید پێده‌چێت بۆ ماوه‌ی‌ یه‌ك تا 20 ساڵ سزای‌ زیندانیكردنی‌ له‌ به‌ندینخانه‌دا به‌سه‌ردا بسه‌پێنرێـت.

كوردێك كاندیدی خەڵاتی مایكرۆسۆفتە

حیكمەت نیعمەت ناڤشكی، كوردێكی دانیشتووی وڵاتی نۆروێژە، كە پسپۆڕە لە بواری كۆمپیوتەر و توانیویەتی زمانی كوردی لەسەر windows 8 دابنێ، ئەوە بووەتە هۆكارێك لە ‌لایەن كۆمپانیای مایكرۆسۆفتەوە كاندیدبكرێت بۆ وەرگرتنی خەڵاتی مایكرۆسۆفت لە ساڵی 2013.

حیكمەت نیعمەت ناڤشكی لە سەر چۆنیەتی كاندیدكردنی بۆ خەڵاتی مایكروسۆفت بە (رووداو)ی راگەیاند: "مەرجی بەشداربوونم وەك كاندیدی خەڵاتی مایكرۆسۆفت بۆ ئەوە بووە، كە من خاوەنی 11 بڕوانامەی مایكرۆسۆفتم و دەبێت خاون بڕوانامەی پسپۆڕی بی لەلایەن مایكرۆسافتەوە".

حیكمەت نیعمەت گوتیشی:" یەكێكی دیكە لە مەرجەكان ئەوەیە، كە تۆ پێتخۆش بێت خزمەت بە خەڵك بكەیت و ئاستی زانیاری لە نێو ئینسانەكاندا بەرز بكەیتەوە و هەروەها هەموو ئەو كارانەی، كە كردووتە بە بێبەرامبەر و بە بێ پارە بووبێت، ئەمانە بووەتە هۆكارێك، كە من بتوانم ببمە كاندید بۆ وەرگرتنی خەلاتی مایكرۆسۆفت."

حیكمەت باسی ئەو پڕۆژەیەی كرد، كە بووەتە هۆكاری كاندیدكردنەكەی و گوتی:"من لە ساڵی 2008 زمانی كوردیم لەسەر windows مۆبایل و لە ساڵی 2009 لەسەر سیستەمی ئایفۆن و ئایپاد زیادكردووە و بڵاوكردووەتەوە بە بێبەرامبەر. هەروەها لەگەڵ هاوڕێم شەعبان ئەسووچی، رۆڵێكی گرنگمان هەبوو لە دەركەوتنی زمانی كوردی بە شێوەیەكی رەسمی لە windows8، كە ببێتە زمانێكی رەسمی لە پەنای زمانە زیندووەكانی جیهان".

حیكمەت نیعمەت لەسەر چۆنێتی رازیكردنی مایكرۆسۆفت بۆ سودگرتن لە زمانی كوردی گوتی: "لە پێشدا مایكرۆسۆفت رازی نەدەبوو، كە كەڵك لە زمانی كوردی وەربگرێت بۆ windows 8، بەڵام ئێمە پێمان راگەیاندن، كە زمانی كوردی پێویستە و ئەگەر ئێوە نەیكەن ئێمە خۆمان لەسەری دادەنێین. بەو شێوە گەیشتنە ئەو باوەڕەی، كە بە شێوەیەكی رەسمی كەڵكی لێوەر بگرن."

حیكمەت لەبارەی ئەوەی وەك كوردێك بەشدارە یان نۆروێژیەك، گوتی: "لە راستیدا ئەوان قبوڵیان نەدەكرد، كە من وەك كوردێك بەشداربم، بەڵام من رامگەیاند، كە كوردم و وەك كوردێك بەشداردەبم و ئەو خەڵاتەش بۆ میللەت و زمانی كوردی دەبێت."

حیكمەت نیعمەت لەسەر ئەو خەڵاتەی مایكرۆسۆفت و پێشینەكەی گوتی: "لە ساڵی 1999 مایكرۆسۆفت دەستیكردووە بە پێدانی خەڵاتێكی ساڵانە بەو كەسانەی، كە خاوەن پیشەبن و خزمەتیان بە بەرەو پێشبردنی زانستی كۆمپیوتەری كردبێت و ئەمساڵیش من كاندیدی ئەو خەڵاتە كراوم و پێیان راگەیاندووم، كە گەییشتوومەتە قۆناخی كۆتایی، دەرەنجامەكەشی لە مانگی یەكی ساڵی داهاتوو دیاریدەكرێت."

حیكمەت نیعمەت رایگەیاند: "بەداخەوە لەلایەن حكومەتی هەرێمی كوردستانەوە یارمەتی نەدراوم، تەنها یارمەتی و پاڵپشتی خێزانمم لەگەڵ بووە، كە ئەگەر ئەو نەبوایە پێموانییە بمتوانیایە ئەم سەركەوتنانە بەدەستبهێنم".

"من پرۆژەی زۆرم بەدەستەوەیە، بەڵام بە تەنها ناتوانم ئەو پڕۆژانە دەستەبەر بكەم. بیرۆكەی ئەوەم هەیە، كە فێرگەیەكی زانیاری لەسەر تەكنۆلۆژیا لە كوردستان دروستبكەم، كوردستانیش ببێتە سەنتەرێكی زانستی لە رۆژهەڵاتی ناوەڕاست، بەڵام ئەو پڕۆژە بە تەنها بە من ناكرێت"، ئەمە قسەی ئەو كاندیدەی خەڵاتی مایكڕۆسۆفتە.

حیكمەت هەروەها گوتی "ئەو خەڵاتە تەنها بۆ من نابێت، ئەو خەڵاتە بۆ زمان و نەتەوەی كورد دەبێت، دەبێت هەموو كەسێك بەو شێوەیە بیربكاتەوە بەرامبەر ئەو خەڵاتە، من پشتیوانی حكومەت و لایەن و هەرتاكێكی كوردم پێویستە، بۆ ئەوەی ئەو خەڵاتە وەربگرم".

حیكمەت نیعمەت ناڤشكی لەدایكبووی ساڵی 1964 شاری دهۆكە، لە كۆلیژی ئاداب، بەشی ئینگلیزی، زانكۆی مووسڵ خوێندوویەتی، بە هۆی بارودۆخی نالەباری سیاسی ئەو سەردەمە، زانكۆی بەجێهێشتووە و چووەتە شاخ بۆ پێشمەرگایەتی.

رووداو- هەولێر

خولی تایبەت لەبارەی کۆچی نایاسایی بۆ ڕۆژنامەنوسانی سلێمانی و دەوروبەری

ڕێکخراویIMCK بە هاوکاری رێکخراوی نێودەولەتی (STATT) هەڵدەستێت بە سازدانی 3 خولی 1 ڕۆژی لە سلێمانی بۆ ڕۆَژنامەوانان. خولەکە بۆ دەوڵەمەندکردنی زانیاری ڕۆژنامەوانانە لە بواری کۆچی نایاسایی. خولەکە ڕۆژنامەوانانی نوسراو و بینراو و بیستراو و مالپەر و بلۆگەرەکانیش دەگرێتەوە. لە کۆتایی خولەکەدا نامەی بەشداری دەدرێت بە بەشداربوان.

ئەو بەشداربوانەی لە ناوچەکانی دەرەوەی ناوشاری سلێمانیەوە دێن پارەی هاتووچۆیان بۆ دەگێردرێتەوە. بۆ ڕۆژنامەوانانی گەرمیان دواتر هەمان خول لە کەلار دەکرێتەوە.

دوای خولەکە داوا لە بەشداربوان دەکرێت بابەتە بڵاوکراوەکانیان لەسەر ئەم تەوەرە بۆ بنێرن بۆمان و باشترین 3 بابەت خەڵاتی ماددی وەردەگرن.

خولەکە ڕۆژانی 6 و 7 و 9 ی مانگی 11 لەناو بینای ڕێکخراوی میدیای سەربەخۆ دەبێت بەرامبەر کەنیسەی مار یووسف. لەگەڵ دابین کردنی نانی نیوەڕوان و پێداویستیەکانی خولەکە. دەوامیش ڕۆژانە کاتژمێر 09:00 بۆ 16:00 دەبێت لەگەڵ برێکی چا و قاوە له نێوانیاندا.

بۆ زانیاری زیاتر و بەشداری کردن ئیمەێڵ بنێرە بۆ imckiraq@gmail.com یان لە فەیسبووک www.facebook.com/IMCKIRAQ

تێبینی: خولەکە بێ بەرامبەرە

چۆنيەتی وەرگرتنی ڤیزە بۆ ئەمریکا

کونسوڵخانەی ئەمریکا لە هەرێمی کوردستان، ئاسانکاری بۆ هاووڵاتیان بەتایبەتی خوێندکاران دەکات بۆ وەرگرتنی ڤیزە و رۆشتن بۆ ئەو وڵاتە. 

دوێنێش، كونسوڵخانەی گشتی ویلایەتە یەكگرتوەكانی ئەمریكا پشتیوانی خۆی دەربڕی بۆ ئەو خوێندكارانەی دەیانەوەێ‌ لە ئەمریكا بخوێنن. دانیشتنێكی زانیاری بەخش لە گۆشەی ئەمریكی لە كتێبخانەی زانكۆی سەڵاحەددین لە 2ی تشرینی دووەم رێكخرا بۆ روونكرنەوەی چۆنیەتی پێشكەشكردن بۆ زانكۆ ئەمریكییەكان.

ئاندی هالس، كارمەندی كاروباری كولتوور و ئالوگۆڕ لە كونسوڵخانەی گشتی ئەمریكا و هەندێ لەبەشداربووانی پرۆگرامەكانی ئاڵوگۆڕ لەگەڵ چەند میوانێكی دیكە ئامادەی كۆنفرانسەكە بوون.

هالس رایگەیاند، كونسوڵخانەی گشتی ویلایەتە یەكگرتووەكانی ئەمریكا ئامادەیە بۆ یارمەتیدانی خوێندكارانی هەرێمی كوردستانی عێراق ئەوانەی دەیانەوێ‌ لە زانكۆكانی ئەمریكا بخوێنن. ئەوخوێندكارانەی ئارەزووی خوێندن دەكەن لە ئەمریكا دەتوانن زانیاری بەدەست بێنن دەربارەی دەرفەتی خوێندن لە رێی نووسینگەی خوێندنی ئەمریكا لە كونسوڵخانەی گشتی ئەمریكا.

بۆ زانینی چۆنیەتی وەرگرتنی ڤیزە بۆ ئەمریکا کلیک لێرە بکە

رووداو- هەولێر

ماڵپەڕێك بۆ دۆزینەوەی كار كرایەوە

وەزیری كاروباری كۆمەڵایەتی رایگەیاند، ماڵپەرێك بۆ دۆزینەوەی هەلی كار دەكرێتەوە و ئەو كەسانەی بێكارن دەتوانن لێرە بەدوای هەلی كاردا بگەڕێن.

لە كۆنگرەیەكی رۆژنامەوانیدا ئاسۆس نەجیب ، وەزیری كارو كاروباری كۆمەڵایەتی ئاشكرایكرد" ڕێژەی بێ كاری لە هەرێمی كوردستان شەش لەسەدایە و  لە ماوەی شەش مانگی ڕابردوش وەزارەتەكەی توانیویەتی زیاتر لە هەزار هەلی كار  بۆ بێكاران بدۆزێتەوە".

وتیشی، ئەم ماڵپەڕەی وەزارەتی كاریش لەسێ زمان پێكدێت كە بریتین لە كوردی و عەرەبی و ئینگلیزی.لەئێستادا زیاتر 56 هەزار كرێكار لەكوردستاندا دەستەبەر كراون و لەمساڵیشدا 114 پرۆژە دراونەتە دادگا بەهۆی كەمتەرخەمیان لە بەرامبەر كرێكاران، هەروەها لەماوەی شەش مانگی ئەمساڵدا 1600 هەلی كار بۆ بێكاران دۆزراوەتەوەو سەردانی 417 پرۆژەمان كردوەو خاوەن كارەكانیانمان ئاگادار كردوەتەوە.

وەزیری كارو كاروباری كۆمەڵایەتی وتیشی،  لەو ماڵپەڕە بێكار و خاوەنكار دەتوانن فۆرم پڕ بكەنەوە بۆ داخوازی پێشكەش كردن بۆ دەست كەوتنی كار و دەست كەوتنی فەرمانبەر و كرێكار .

ماڵپەڕى بەكارخستن بۆ هەلی كار بەناونیشانی evtc-krg.org/emp ، یەكەمین ماڵپەڕى رەسمی وەزارەتی كار و كاروباری كۆمەڵایەتی بۆ رەحساندن و راگەیاندنی هەلی كار بۆ بێ‌ كاران لە هەرێمی كوردستاندا راگەیاندرا، ئەم هەنگاوە لە چوارچێوەی بایەخدان و گرنگی دانە بۆ دۆزینەوەو رەخساندنی هەلی كاری گونجاو و شایستە بۆ بێ‌ كاران لەڕێگەی تۆڕەكانی ئەنتەرنێت و كارئاسانی زیاتر بۆ بێكاران بەمەبەستی خستنەسەر كاریان و ئاوڕدانەوەی باشتر لەژیان و گوزەرانیان.

لەبارەی زەمان كردنی كرێكارانیش ئاسۆس نەجیب رایگەیاند بەپێی ئامارەكان لەئێستادا نزیكەی (56) هەزار كرێكار لەكوردستان (زەمان) كراون و بڕگەو ماددەكانی یاسا بەسەریاندا جێبەجێ‌ دەكرێت و مافەكانیان بۆ دەستەبەر دەكرێت، لەگەڵ ئەوەشدا هێشتا كرێكار زۆرە كە لەپرۆژەكاندا كاردەكەن و زەمانیش نەكراون.

خەندان- 

بۆ یەکەم جار لە کوردستان: بە سکایپ کۆرسی زمانی ئینگلیزی

بۆ یەکەم جار لە کوردستان بە رێگای سکایپ،پەیمانگای سمارت ئینگلیشی نێودەولەتی لەماوەی ٢٤ کاتژمێردا هەڵدەستێت بە دابینکردنی کۆرسی زمانی ئینگلیزی بەشێوازی ئۆنلاین. دەتوانیت لەماڵەوە و لەگەڵ باشترین مامۆستای بیانی راستەوخۆ بەئاسانترین شێواز ئاخاوتنی زمانی ئینگلیزی فێری ببیت ،ماوەی هەر کۆرسێک: ٢ مانگ /هەفتەی ٤ رۆژ / وانەی ٥٠ خولەک/ ٢٨٠$

ماوەی کۆرس: ٢ مانگ /هەفتەی ٤ رۆژ / وانەی ٢٥ خولەک /١٥٠$

وانەکان هەمووی پراکتیکە،بۆ هەموو ئاستێک لە قۆناغی١سەرەتایی تا زانکۆ و خوێندنی باڵا.

کۆرسی ئۆنڵاینی تایبەت بە ( ..., IELTS , TOEFL) :

ماوەی کۆرس: ٢ مانگ /هەفتەی ٤ رۆژ / وانەی ٥٠ خولەک/ ٣٢٠$

ماوەی کۆرس: ١ مانگ /هەفتەی ٤ رۆژ / وانەی ٥٠ خولەک/ ١٧٥$

لە ٦ بەیانی تا ١ شەو بە ئارەزووی خۆت کاتژمێرێک هەڵبژێرە بۆ خوێندن

بۆ جۆنییەتی بەشداربون و زیاتر زانیاری هەر ئێستا پەیوەندی بکە بە

Asiacell 0770 642 99 55 

Korek 0750 876 99 55

سكايپ: smartenglish1to1

فه‌یسبووك

سمارت ئینگلیش بۆ فێربوونی زمانی

ئینگلیزی به‌شێوازێكی ئاسان وخێرا -ئۆنلاین

وەزارەتی كار: لەمەودوا پەیوەندی نێوان كرێكار و خاوەنكار بەپێی بنەما ئابو‌ورییەكان رێكدەخرێت

وەزارەتی كار و كاروباری كۆمەڵایەتی هەرێمی كوردستان، رەشنووسی (یاسای كاری كوردستان) ئامادە دەكات و بەپێی ئەو رەشنووسە، لەمەودوا پەیوەندی نێوان كرێكار و خاوەنكار بەپێی بنەما ئابو‌ورییە پێشكەوتووەكان رێكدەخرێت و نابێت چیتر مافی كرێكار پێشێل بكرێت.

بەپێی راگەیەنراوێكی وەزارەتی كار و كاروباری كۆمەڵایەتی، كە وێنەیەكی بۆ (رووداو) نێردراوە، بۆ یەكەمجار لە هەرێمی كوردستان رەشنووسی یاسایەكی تایبەت بە كار دادەڕێژێت و پێشكەشی ئەنجو‌ومەنی وەزیرانی حكومەتی هەرێمی كوردستانی دەكات بۆ پەسەندكردن و لە وێشەوە بۆ پەرلەمانی كوردستان بەمەبەستی دەنگدان لەسەری لە داهاتوودا.

رەشنووسەكە  لە 148 مادە پێكهاتووە و لە رێگەی بەستنی چەند وۆركشۆپێك و بە راوێژ لەگەڵ شارەزایانی نێودەوڵەتی و رێكخراوی كاری نێودەوڵەتی (ILO)ئامادە كراوە.

وەك لە رەشنووسەكەدا هاتووە: "ئەم یاسایە ئەو رێوشوێنانە بۆ كرێكار دابین دەكات كە پێویستە بۆ پڕكردنەوەی پێداویستییە سەرەكییەكانی بەخێوكردنی خۆی و خێزانەكەی، هەروەك لایەنی كەمی كرێی كرێكاری بێتوانا دابین دەكات، كە نابێت رێككەوتن لەسەر كەمتر لەوە بكرێت و پشتیوانی یاسایشی بۆ دابین بكرێت.

هەروەك رەشنو‌وسەكە پارێزگاری بۆ مێردمنداڵان فەراهەم دەكات و سزای بۆ هەر كەسێك دیاریكرد‌ووە كە منداڵی نەوجەوان دەقۆزێتەوە  یان بۆ كاری قورس بەكاریان بهێنێت، جیا لەمەش پارێزگاریی زیاتری بۆ ئەو دایكانە دەستەبەر كردووە كە لە كەرتی تایبەت كار دەكەن و پێداویستی دایكایەتی و چاودێریی منداڵەكەی و پێدانی مۆڵەتی دایكایەتی لە كەرتی تایبەت بۆ فەراهەم كردووە.

رەشنووسی یاساكە گرنگی بە مەشقی پیشەیی داوە بۆ ئەوەی كرێكاران لێهاتوویی لەكاری هونەری و پەرەپێدانی بۆ ئاستێكی بەرز بەدەست بێنن تاوەكو بتوانن دەستەبەری پێداویستییەكانی بازاڕی كار و پێویستی كەرتە جیاكانی كار بكەن.

لە راگەیەنراوەكەی وەزارەتی كارو كاروباری كۆمەڵایەتیدا ئەوەش خراوەتەڕو‌و كە رەشنووسەكە هانی كەرتی تایبەتیش دەدات بۆ ئەوەی هاوكار بێت لە پرسی مەشقی پیشەیی لە چوارچێوەی پێدانی موڵەتی تایبەت بەخۆی و كاركردن شانبەشانی بنكەكانی مەشقی پیشەیی حكومی بۆ ئەوەی دەستی كاری ناوخۆ زیاتر بەكاربێت. 

لە 20/10/2013 وەزارەتی كار و كاروباری كۆمەڵایەتی بە نو‌وسراوی ژمارە (5179) رەشنووسی یاسای كاری تایبەت بە كوردستانی ئاراستەی ئەنجو‌ومەنی وەزیرانی هەرێمی كوردستان كردووە.

رووداو- هەولێر

ئاگادارییەک بۆ کاندیدانی تواناسازی

وه‌زاره‌تی خوێندنی باڵاو توێژینه‌وه‌ی زانستی کاندیدانی بەرنامەی تواناسازی ئاگادار دەکاته‌وه‌ کە وەرزێکی نوێی خولی زمانی ئینگلیزی لە هەر چوار سێنتەری (زانکۆی سەلاحەددین،زانکۆی دهۆک، زانکۆی کۆیە، زانکۆی سۆران) دەستپێدەکات .

له‌ ئاگاداریه‌كدا وه‌زاره‌تی خوێندنی باڵاو توێژینه‌وه‌ی زانست ئاماژه‌به‌وه‌ده‌كات: ئەو کاندیدانەی بەر نامەی تواناسازی کە تائێستا سەفەریان نەکردووە و خولی زمانی ئینگلیزیان لە ناوەوەی وڵات وەرنەگرتووە دەتوانن لە ڕێگای ئەم لینکەی خوارەوە ناوی خۆیان تۆمار بکەن لە یەکێک لەو سێنتەرانەی کە ئاماژەمان پێکردووە .

فۆرمی داخوازی بۆ خۆتۆمار کردن لە سێنتەرەکانی زمانی ئینگلیزی لە ناوەوەی وڵات

ئەم پرۆژەیە هەلێكه‌ بۆ کاندیدانی بەرنامەی تواناسازی کە بەر لە سەفەرکردنیان بۆ ماوەی (٦ مانگ) کۆرسی زمان وەربگرن و لەڕووی توانستی زمان و کەلتوورییەوە ئامادەبکرێن بۆ دەستپێکردنی خوێندن لە دەرەوەی وڵات، هەروەها کاندیدەکان لە ناو کۆرسەکەدا هەلیان بۆ دەڕەخسێت کە بەشداری دوو تاقیکردنەوەی ستانداردی توانستیی زمانی ئینگلیزی بکەن .

كوردیو - هه‌ولێر

رێگە لە بە قاچاخ رۆیشتن بۆ وڵاتانی ئەوروپا دەگیرێت

دوای كارەساتی نقومبوونی كەشتییەكی پەنابەرانی نایاسایی لە نزیك دوورگەی لامبیدۆزای وڵاتی ئیتاڵیا لە سەرەتای ئەم مانگەو خنكانی زیاتر لە سەد پەنابەری سەرنشینی كەشتییەكە، هەریەك لە وڵاتانی یۆنان و ئیتاڵیا و ماڵتا رێككەوتن لەسەر هەماهەنگیكردنی یەكتر بۆ رێگەگرتن لە دزەكردنی نایاسایی پەنابەران بۆ نێو خاكی ئەو وڵاتانە.

پەیوەست بەم پرسەوە ئیندۆنیس ساماراس، سەرۆك وەزیرانی یۆنان و ئینریكۆ لیتا، سەرۆك وەزیرانی ئیتاڵیا لە دوایین كۆبوونەوەیاندا لە رۆمای پایتەختی ئیتاڵیا رێككەوتن لەسەر پێكهێنانی گرووپی كاری هاوبەش بۆ هەماهەنگی لەنێوان حكومەتی هەردوو وڵات لەژێر رۆشنایی سەرۆكایەتی یۆنان بۆ یەكێتی ئەوروپا لە نیوەی یەكەمی ساڵی داهاتوو و سەرۆكایەتی ئیتاڵیا بۆ ئەو یەكێتییە لە نیوەی دووەمی ساڵی داهاتوو.

هاوكات سەرۆك وەزیرانی یۆنان و ئیتاڵیا رێككەوتن لەسەر تا‌ووتوێكردنی پرسی پەنابەرانی نایاسایی كە لەچەند وڵاتێكەوە روو لە وڵاتانی ئەوروپا دەكەن، لە كۆنگرەی لوتكەی وڵاتانی ئەوروپا كە بڕیارە ئەمڕۆ پێنجشەممە ببەسترێ. 

سەرۆك وەزیرانی یۆنان و ئیتاڵیا هەروەها لە كۆنگرەیەكی رۆژنامەوانی هاوبەش رایانگەیاند:"بڕیارە پرسی دزەكردنی پەنابەرانی نایاسایی بەشێوەیەكی تێروتەسەل لە لوتكەی وڵاتانی ئەوروپا تاووتوێ بكرێ، چونكە ئەو پرسە بەگوێرەی پێویست چارەسەرنەكراوە".

لای خۆیەوە ئینریكۆ لیتا، سەرۆك وەزیرانی ئیتالیا رایگەیاند:"بڕیار دراوە ژمارەی هێزەكانی (فرۆنتكس) كە ئەركی پاراستنی سنووری دەریایی ئەوروپا لە ئەستۆ دەگرن زیاتر بكرێ و پرسی دزەكردنی نایاسایی پەنابەران چارە بكرێ".

رووداو- شەرق ئەوسەت

به‌بێ مه‌رج فیزا ده‌داته‌ هاوڵاتیانی عیراق

ئیمارات له‌مه‌ودوا به‌بێ مه‌رج ڤیزا ده‌داته‌ هاوڵاتیانی عیراق و ده‌توانن گه‌شته‌ ئاسمانیه‌كانیان به‌ره‌و ئه‌و وڵاته‌ رێكبخه‌ن له‌به‌رامبه‌ر پێدانی ته‌نها( 605) دۆلار بۆ نرخی ڤیزاكه‌.

له‌به‌یاننامه‌یه‌كیدا وه‌زاره‌تی گواستنه‌وه‌ی عیراق ئاشكرایكرد، كۆمپانیای هێڵه‌كانی ئاسمانی عیراق له‌مه‌ودوا ڤیزای ئیمارات ده‌داته‌ گه‌شتیارانی عیراق، به‌نرخی 605 دۆلار به‌پێی پسووڵه‌ی گه‌شت و هه‌موو مه‌رجێكی پێش وه‌خته‌ش بۆ داخڵبوونی ئیمارات لابراون.

هه‌ر له‌به‌یاننامه‌كه‌دا وه‌زاره‌تی گواستنه‌وه‌ی عیراق ئه‌وه‌ی خسته‌ڕوو كه‌ مه‌رجه‌ پێشوه‌خته‌كان كه‌ پێشتر له‌سه‌ر گه‌شتیارانی عیراق دانرابوون، له‌كاتی گه‌شت كردنیان بۆ ئیمارات له‌دوێنێوه‌ لابراون و له‌ئێستادا هاوڵاتیان به‌بێ هیچ مه‌رجێك ده‌توانن گه‌شتی خۆیان رێكبه‌خه‌ن .

پێشتر هه‌ردوو كۆمپانیای گه‌شتوگوزاری ئیمارات و فلای دوبه‌ی ڤیزای ئیمارات یان ده‌دایه‌ هاوڵاتیانی عیراق به‌پێی چه‌ند مه‌رجێكی دیاری كراو، له‌وانه‌ مانه‌وه‌ له‌ ئۆتێله‌كانی ئیمارات بۆ كاتێكی دیاریی كراو له‌گه‌ڵ به‌رنامه‌ی گه‌شت كردن ته‌نها بۆ ناوچه‌ گه‌شتوگوزارییه‌كانی ئه‌و وڵاته‌. 

خه‌ندان – 

ئوسترالیەکان ڕایان چۆنە لەسەر پەناخوازان؟

کۆچ بۆ ئوسترالیا و کۆچى کوردان

ئوسترالیەکان دەڵێن کە ئەوان پشتگیرى لە فرە کەلتورى دەکەن بەڵام ڕاپرسیەکى نوێ ئەوە ئاشکرا دەکات کە یەک لە سێى ئوسترالیەکان لەو بڕوایەدان کە نابێت ئەو پەناخوازانەى بە بەلەم دەگەنە وڵاتەکەیان لەوێ نیشتەجێ بکرێن. 

ڕێکخراوى زەماپینگ سۆشیەڵ کۆهیژن، ئەوە ڕادەگەیەنێت کە ژمارەى ئەو خەڵکانەى کە دەڵێن ئەو پەناخوازانەى کە بە بەلەم دەگەنە وڵاتەکەیان دەبێت بگەڕێنرێنەوە لە 23%ـەوە لە 2010دا زیادى کردوە بۆ 33% لە ئەمساڵدا. 

تەنها 18%یان دەڵێن ئەو پەناخوازانەى کە دەگەنە ئوسترالیا دەبێت ڕێگەیان پێبدرێت بۆ هەمیشە بمێننەوە، هەرچەندە ئەو ژمارەیە دەگاتە 70% لەلایەن ئەوانەى دەنگیان بۆ سەوزەکان داوە. 

ڕاپۆرتەکە هەڵوێستی بەشداربووان لەبارەى فرەکەلتورى و کۆچ و متمانە بە سیاسییەکان و جیاکارى دەخاتەڕوو و هەروەها ئاماژە بەوەدەدات کە جیاکارییەکان لەسەر بنەماى ڕەگەز و نەژاد و ئاین زیادى کردووە بۆ بەرزترین ئاست لەوکاتەوەى لە 2007ـەوە ڕاپرسیەکان دەستیان پێکردووە. 

بەڵام نووسەرى ڕاپۆرتەکە، کە پڕۆفیسۆرزى زانکۆى مۆناش ئاندریو مارکیوس دەڵێت 84%ى وەڵامدەرەوەکانى ڕاپرسیەکە دەڵێن کە فرەکەلتورى بۆ ئوسترالیا باش بووە. 

پشتیوانى فرەکەلتورى لە ئاستێکى ئاوا بەرزدا مایەى سەرسوڕمانە لەکاتێکدا پشتیوانى لە کۆچکردن ناکەن، بەتایبەت لە هەندێ ناوچەى هەرێمیدا، بەگوتەى پڕۆفیسۆرەکە. 

ئەو ڕاپرسیە هەروەها ئەوەى ئاشکرا کردووە کە متمانەى ئوسترالییەکان بە حکومەت کەم دەکات، کە چارەگێکى هاوڵاتیان ڕەزامەندن لەسەر ئەوەى کە سیاسییەکانى کانبێرا دەکرێت متمانەیان پێ بکرێت. 

ئەو ڕاپرسیە ئەوەى ئاشکرا کردووە کە خەڵکى دکتۆرەکان و نەخۆشخانەکان و پۆلیس و هەواڵى تەلەفزیۆن زیاتر بەجێى متمانە دەزانن وەکولە پارتە سیاسیەکان.