Tuesday, January 28, 2014

په‌ناخوازێكى ئێرانى به‌هه‌ڵه‌ دیپۆرتى عێراق ده‌كرێته‌وه‌


glop
كۆچى كوردان و كۆچ بۆ ئوسترالیا

له‌ وڵاتی سویدیش، پارێزه‌ری ئه‌و په‌ناخوازه‌ به‌رِه‌گه‌ز ئێرانیه‌ی كه‌به‌ هه‌ڵه‌ دیپۆرتی عیراق كرابۆوه‌و ماوه‌ی سی ساڵ به‌ تۆمه‌تی هه‌بوونی به‌ڵگه‌نامه‌ی ته‌زویر له‌لایه‌ن عیراقه‌وه‌ به‌ندكرابوو رایگه‌یاند كه‌ سكاڵای یاسایی له‌دژی سوید تۆمارده‌كات.
 
حاج عه‌لی ، ناوی ئه‌و په‌نابه‌ره‌ ئێرانیه‌یه‌و ئێستا گه‌رِاوه‌ته‌وه‌ سویدو پۆلیسی ئه‌و وڵاته‌ش دان به‌وه‌دا ده‌نێت كه‌ هه‌ڵه‌یان كردووه‌ له‌ دیپۆرتكردنه‌وه‌ی به‌ڵام هۆكاری ئه‌وه‌ش ئه‌وه‌ بووه‌ كه‌ حاج عه‌لی له‌ سه‌ره‌تادا وه‌ك په‌ناخوازێكی عیراقی خۆی ناساندوه‌ به‌ ئامانجی هه‌بوونی چانسی باشتر بۆ وه‌رگرتنی مافی په‌نابه‌رێتی چونكه‌ ئه‌و له‌ كه‌مایه‌تیه‌ عه‌ره‌به‌كانی ئێران بووه‌و توانیوێتی ئه‌و بسه‌له‌مێنێت كه‌ ئه‌و عیراقیه‌، به‌ڵام له‌ پاش بێ ئومێدبوونی له‌ وه‌رگرتنی مافی په‌نابه‌رێـتی وه‌ك عیراقییه‌ك، جارێكی تر به‌ شوناسه‌ ئه‌سڵیه‌كه‌ی كه‌ ئێرانی بووه‌ داوای مافی په‌نابه‌رێتی له‌ سوید كردووه‌، ئه‌مه‌ش جۆرێك له‌ سه‌رلێشێوانی له‌لای پۆلیسی ئه‌و وڵاته‌ دروستكردوه‌و به‌ پشتبه‌ستن به‌ شوناسه‌ عیراقیه‌كه‌ی دیپۆرتی عیراقیان كردۆته‌وه‌.

هه‌ژار ته‌ها

Monday, January 27, 2014

عیراق و سوریا زۆرترین داوایان پێشكه‌ش كردووه‌ بۆ مافی په‌نابه‌رێتی له‌ ئه‌ڵمانیا


panaxwaz article images_penaberan_751558644كۆچى كوردان و كۆچ بۆ ئوسترالیا
ئاژانسی هه‌واڵی دۆچه‌ڤێڵی ئه‌ڵمانی بڵاویكرده‌وه‌ زیاتر له‌ 127 هه‌زار په‌ناخواز له‌ ساڵی 2013 دا داوای مافی په‌نابه‌رێتیان له‌ ئه‌ڵمانیا كردوه‌، ئه‌مه‌ش به‌رزترین رێژه‌ی داواكارییه‌ كه‌ له‌ ماوه‌ی 14 ساڵی رابردوودا تۆماركرابێت.
سه‌باره‌ت به‌ ئاماری پێدانی مافی په‌نابه‌رێتیش، ئاژانسه‌كه‌ ئاماژه‌ بۆ ئه‌وه‌ده‌كات كه‌ ته‌نها له‌ 14%ی ئه‌و ژماره‌یه‌ مافی په‌نابه‌رێتیان وه‌رگرتووه‌، له‌م باره‌یه‌وه‌ وه‌زیری ناوخۆی ئه‌ڵمانیا به‌ ئاژانسه‌كه‌ی راگه‌یاندووه‌ كه‌ ئه‌ڵمانیا به‌ به‌راود به‌ وڵاتانی تری یه‌كێتی ئه‌وروپا زۆرترین مافی په‌نابه‌رێتی داوه‌ به‌ په‌ناخوازان له‌ ساڵی 2013 دا.

به‌پێی زانیاریه‌كانی ئه‌و ئاژانسه‌ش، عیراق و سوریا له‌ لیستی ئه‌و وڵاتانه‌دان كه‌ هاووڵاتیه‌كانیان زۆرترین داوایان پێشكه‌ش كردووه‌ بۆ وه‌رگرتنی مافی په‌نابه‌رێتی له‌ ئه‌ڵمانیا و مافی په‌نابه‌رێـتی به‌ 5795 په‌ناخوازی به‌رِه‌گه‌ز سوری دراوه‌.

هه‌ژار ته‌ها

Sunday, January 26, 2014

عیراقیه‌ دیپۆرتكراوه‌كانی دوورگه‌ی ناورۆ بارودۆخیان خراپه‌


5721122312014_Nauru
حكومه‌تى ئوسترالیا به‌رده‌وامه‌ له‌ سیاسه‌تى ناردنه‌وه‌ى به‌زۆرى ئه‌و به‌له‌مانه‌ى ده‌گه‌نه‌ ئاوه‌كانى نزیك ئوسترالیا و ڕه‌وانه‌ى ئیندۆنیزیاى ده‌كه‌نه‌وه‌.. 
حكومه‌تی ئوسترالیا به‌رده‌وامه‌ له‌ گه‌ڕانه‌وه‌ی ئه‌و به‌له‌مانه‌ی كه‌ په‌ناخوازیان هه‌ڵگرتووه‌ له‌پێش گه‌شتنیان به‌ ئوسترالیا بۆ ئه‌نده‌نوسیا و له‌ ناوه‌رِاستی مانگی رابردوه‌وه‌ تا ئێستا 30 به‌له‌میان گێرِاوه‌ته‌وه‌ بۆ ئه‌نده‌نوسیا، جگه‌له‌وه‌ش، 139 په‌ناخواز كه‌له‌لایه‌ن ئوسترلیاوه‌ دیپۆرتی دوورگه‌كانی ناورۆ و پاپانیوگینیا كرابوون به‌هۆی خراپی بارودۆخیانه‌وه‌ له‌و دوورگانه‌ گه‌رڕاونه‌ته‌وه‌ بۆ وڵاته‌كانی خۆیان كه‌ به‌شێكیان به‌ رِه‌گه‌ز عیراقین.

هه‌ژار ته‌ها

Thursday, January 23, 2014

ڕووبەروو بوونەوەى پەناخوازان لەلایەن حکومەتى ئوسترالیەوە بەردەوامە



5202090-1x1-700x700
كۆچى كوردان و كۆچ بۆ ئوسترالیا

بۆماوەى چوار مانگ دەبێت کە سیاسەتى سەروەرى سنوورەکان لەلایەن حکومەتى ئوسترالیەوە پیادە دەکرێت، کە ڕێگە نادرێت بە گەیشتنى هیچ بەلەمێکى پەناخوازان بە خاکى ئوسترالیا. هێزى دەریاوانى ئوسترالیا هەموو ئەو بەلەمانە دەگەڕێنێتەوە کە لە ئیندۆنیزیاوە دەگەنە ئاوەکانى ئوسترالیا. سێ بەلەم لەلایەن دەسەڵاتدارانى ئوسترالیاوە لە 13ى کانوونى یەکەمى 2013ـەوە گەڕێنراونەتەوە، سەرەڕاى ڕەتکردنەوەى لەلایەن دەسەڵاتدارانى ئیندۆنیزیاوە. بەرپرسێکى پۆلیسى ناوخۆیى ئیندۆنیزى بە دەزگاکانى ڕاگەیاندنى ڕاگەیاند کە خەڵکى لە گوندەکەى خۆى ژمارەیەک پەناخوازیان لەناو ئاو ڕزگار کردووە لە 8ى کانوونى دووەم، لەدواى ئەوەى بەلەمەکەیان لەلایەن ئوسترالیاوە گەڕێنراوەتەوە. ئەو ئەفسەرەى پۆلیس ڕایگەیاند کە بەلەمەکە نەگەیشتۆتە ئوسترالیا، و هێشتا لەناودەریادا بوون، و گوتویانە کە نزیک بوونەوە لە دوورگەى کریسمس و بەدیان کردووە، بەڵام گوتوویانە کە هێزى دەریاوانى ئوسترالیا گەڕاندوویاننەوە و ڕاپێچیان کردوون تاوەکو دووبارە گەیەنراونەتەوە ناو ئاوەکانى ئیندۆنیزیا. چوار منداڵیان تێدا بووە کە بچووکترینیان یەک ساڵ و نیو بووە کە پیاو و ئافرەتیش لەناو ئەو گروپەدا بوون. لە دواهەمین کۆنگرەى ڕۆژنامەنووسیدا سەرکردەى ئۆپەراسیۆنى سەروەرى سنوورەکان ژەنەڕاڵ ئانگیوس کامپبێڵ ڕایگەیاند کە هیچ بەلەمێک نەگەیشتۆتە خاکەکانى ئوسترالیا لەماوەى سێ هەفتەى ڕابردوودا. 

له‌ساڵی 2013 نزیكه‌ی‌ سێ ملیۆن گه‌شتیار هاتونه‌ته‌ هه‌رێم


ئەمرۆ پێنج شەمە دەستەی گشتی گەشتوگوزاری‌ هه‌رێمی‌ كوردستان لە كۆنگرەیەكی رۆژنامەنووسیدا ئاماری گەشتیاران و شوێنە گەشتیاریەكانی‌ بۆ ساڵی‌ 2013 راگه‌یاندو به‌پێی ئاماره‌كه‌ نزیكه‌ی‌ سێ ملیۆن گه‌شتیار له‌و ساڵه‌دا هاتونه‌ته‌ هه‌رێم.

Rawanduz_Kurdistan_Region_Iraq__2012_08_29_h14m15s49__VR
نادر رۆستی‌ وته‌بێژی‌ ده‌سته‌ی‌ گەشتوگوزاری‌ هه‌رێم رایگه‌یاند لە ساڵی 2012 زیاتر لە (2,217,000 ) گه‌شتیار هاتۆتە هەرێم بەڵام لە ساڵی 2013 زیاتر لە (2,950,000) ژمارەكە لە رێژەی 33% زیادی كردووە. لە ساڵی 2013 لە مانگی ئاب زۆرترین گەشتیار هاتووە و لە مانگی نیسان كەمترین گەشتیار هاتووە. زۆرترین ژمارە لە ناوەراست و خواروی عیراق هاتووە و لە د
ەرەوەی هەرێم هاتووە. زیاتر لە ( 5,619,000) شەوی مانەوە هەبووە". 

ڕێژەی گەشتیاران بە پێی ناوچەكان:

1. ناوەوەی هەرێم = 16%
2. دەرەوەی هەرێم ( خوارو و ناوەڕاستی عێراق) = 66%
3. بیانی ( دەرەوەی وڵاتی عێراق) = 18%
...................................

ئاماری بنكە گەشتیاریەكان

میوانخانە= 524، مۆتیڵ= 282، گوندی گەشتیاری= 72، چیشتخانە و كافتریا= 1580، ژمارەی قەرویلە= 44793، ژمارەی ژوور= 
18640
بە شێوەی تێكرا لە 19% بنكە گەشتیاریەكان زیادیان كردووە.


پرۆژەی گەشتیاری لە 
2013
1- قەرزی گەشتیاری بە بری 20 ملیار دینار حكمەت لە رێگەی دەستەی گەشتوگوزار بۆ هاوڵاتیانی هەرێمی كوردستانی دابین كرد و 100 پرۆژە سوود مەند بوون لەم قەرزە.

2- 45 پرۆژە بە بری 77 ملیار رەزامەندی بۆ وەرگیرا و لە 2014 دەچنە بواری جێبەجێكردن.

3- ماستەر پلانی گەشتیاری جێبەجێكرا و 67 پرۆژە دیزاینی سەرەتای بۆ كرا و 410 شوێنیش بۆ پرۆژەی ئایندە دەستنیشان كران.

4- ئامادەی گەشتیاری كرایەوە و بەشی گەشتیاری لە زانكۆی سلاحەدین و سلێمانی كرایەوە و 45 خولی جۆراوجۆر سازكراوە.

5- زیاتر لە 100 هەزار دەلیل و نەخشە و برۆشەر و چاپەمەنی كراوە و رێبەری ئەلەكترۆنی سەرمۆبایل و مالپەری تایبەت بە گەشتیاری بە چەند زمانیك دروست كراون.
.....................................
پرۆژەی 2014
1. بە بری 100 ملیار دینار پرۆژەی جۆراوجۆر جێبەجێ دەكرێن كە بەشێكیان درێژكراوەی ساڵی 3013 
2. بە بری 3 ملیۆن دۆلار پرۆژەی بە بازاركردن (ناساندنی گەشتوگوزاری كوردستان) جێبەجێ دەكرێت.
3. بە بری 2 ملیۆن دۆلار پرۆژەی خزمەتگوزاری بۆ شوێن گەشتیاریەكان جێبەجێدەكرێت.
4. قەرزی گەشتیاری بەردەوامی دەبێت

Monday, January 20, 2014

لە ئەڵمانیا كچێكی كورد لە ترسی بەزۆر بەشوودان لە ماڵەوە هەڵدێت


كچێكی كوردی دانیشتووی ئەڵمانیا دوای ئەوەی دەزانێت كەسوكارەكەی بە نیازن بەزۆر بەشووی بدەن، لە ماڵ رادەكات و دەچێتە ماڵی پووری، ئێستا ئەو كچە وێڵی دۆزینەوەی كارێك و خانوویەكە بۆ ئەوەی دوور لە كەسوكارەكەی بژی. 

32947image1
هەمیشە بابەتە كۆمەڵایەتییەكانی كوردی ئەوروپا وەكو مەسەلەی نامووس لە هەموو شتێكی دیكە زیاتر لەنێو میدیای ئەو وڵاتانەدا دەنگدەدەنەوە. ئەمجارەش چیرۆكی گوشاری خێزانێكی كورد لەسەر كچەكەیان دەبێتە بابەتی رۆژنامەكانی ویلایەتی با
دێن ڤورتێنبێرگی ئەڵمانیا. ئەو كچە كوردە كە ناوی (ئایلین. ن)ە و تەمەنی 30 ساڵە، بەهۆی گومانەكانی دایكی و هەوڵی بەزۆر بەشوودانی، لە ماڵ هەڵدێت و ئێستا لە ماڵی پووری دەژیت. ئایلین ئێستا لە كار و خانوویەك دەگەڕێت بۆئەوەی تێیدا بژیت و بۆ خۆی بژێوی ژیانی پەیدابكات.

بەپێی میدیا لۆكاڵییەكانی هەرێمی بادێن ڤورتێنبێرگ، ئایلین تاوەكو ماوەیەكی كورت لەمەوبەر لەگەڵ خێزانەكەی لە ویلایەتی نۆردراین ڤێستفالن دەژیا، ئێستا لە نزیك شارۆچكەی لۆراچە. 

خێزانی ئایلین ساڵی 1970 بۆ مەبەستی كاركردن لە باكووری كوردستانەوە روودەكەنە ئەڵمانیا. بەپێی قسەكانی (ئایلین. ن) خێزانەكەیان وەكو كۆمەڵگای ئەوروپا رەفتاریان دەكرد و هیچ كەسیان سەرپۆش نەبوو منیش وەكو هەموو هەڤاڵانی قوتابخانەكەمان گەورەبووم.  

خێزانەكەم هیچ گوشارێكی لەسەر من نەبوو لەسەر مەسەلەی ئاین وەكو رۆژووگرتن و نوێژكردن، بە هەمانشێوە لەگەڵ هەردوو براكانم. 
تەنیا نەمدەتوانی وەكو كچانی هاوتەمەنم بەشێوەیەكی ئازاد پەیوەندیم لەگەڵ كوڕان هەبێت.‌‌

دایكی گومانی لێدەكات

بە تێپەڕبوونی كات، هەردوو برای ئایلین پەیوەندی خۆشەویستی دروستدەكەن و ژن دێنن. ئەویش دەیەوێ كەسێك بدۆزێتەوە و وەكو ئەوان هاوسەرگیری لەگەڵ بكات، بەڵام پەلە ناكات لەو مەسەلەیە.

ئایلین دەڵێت، دوای ئەوەی تەمەنی بووەتە 25 ساڵ، گوشاری دایك و باوكی لەسەری زیادبوون. ئەویش ئەم گوشارە وەكو ‘‘تیرۆری دەروونی‌‌ ناودەبات. ئەو تا ئەوكاتە چاودێری دایك و باوكی دەكرد كە هەردووكیان خانەنشین بوونە.  هەرگیز بیری لە هاوسەرگیری نەدەكردەوە. هەر كەسێكیش پرسیاری بكردایە كە بۆچی شوو ناكات، وەڵامی دەدایەوە كە ‘‘هێشتا قسمەت نەبووە.‌‌ 

بەڵام دایكی گومانی لا دروست دەبێت كە بۆچی كچەكەیان مێرد ناكات و پێیوایە كچەكەیان كچێنی خۆی لە دەستداوە بۆیە نایەوێ شووبكات. ئەوە وادەكات كە دایكی چاودێری تەلەفۆن و شوێنی كاری بكات، هەروەها چاودێری عەدادی ئۆتۆمبێلەكەی بكات بۆ ئەوەی بزانێت رۆژانە چەند كیلۆمەتر رۆیشتووە و بۆ كوێ رۆیشتووە. لەگەڵ ئەوەشدا داوای لێدەكات بەشداری شایی كوردان بكات بۆ ئەوەی خەڵك بناسێت. 

دایكی لەو باوەڕەدابوو كە بەهۆی شاییەكانەوە دەكرێ كوڕێكی كورد بناسێت و مێردی پێبكات. بەڵام بەهۆی وەڵامە ‘‘نا‌‌یەكەی ئایلین گومانەكانی زیاتر دەبن. بەمشێوەیەش گوشارەكان لەسەر كچەكە زیاددەبن. بەڵام ئایلین هەمیشە ئەو وەڵامە دەداتەوە ‘‘من هەرگیز بۆ دروستكردنی منداڵ شووناكەم.‌‌

فەرمانگەی كار و رۆژنامەكان پشتیوانی دەكەن

دوای ئەوەی ئایلین بڕیاردەدات ماڵەكەیان بەجێبێڵیت، بەبێ ئەوەی هیچ گومانێك دروست بكات پەیوەندی بە ماڵی پووریەوە دەكات و لە هەرێمی نۆردراین ڤێستفالنەوە روودەكاتە هەرێمی لۆراچ كە دەكەوێتە سێگۆشەی ئەڵمانیا، سویسرا و فەرەنسا. 

ئایلین ئێستا لە هەرێمی لۆراچە و لە كار و خانوویەك دەگەڕێت. رۆژنامەكانی ئەو ناوچەیەش بەهۆی بڵاوكردنەوەی ژمارەی تەلەفۆن و ناونیشانی بەرپرسی فەرمانگەی كار، هاوكاری ئایلین دەكەن.
رووداو - ئەڵمانیا

Sunday, January 19, 2014

بەریتانیا.. كوردێك تاوانبارە لە خراپترین كەیسی دەستدرێژی سێكسی


33028image1ئەمڕۆ داگاییكردنی باندێكی دەستدريێژیكردنە سەر كچانی منداڵ لە شاری پیتەر بۆرگ لە بەریتانیا بەڕێوەچوو، كە بە خراپترین كەیسی دەستدرێژیكردن لەو وڵاتە وەسفكراوە و لە باندەكەشدا كوردی تێدایە.
 
ئەمڕۆ پێنجشەممە، دادگا گوێی گرت بۆ تۆمەتبارانی ئەو باندە كە تاوانەكەیان لە ساڵی 2012 ئەنجامداوە و  لە 5 كەس پێكدێن، یەكێكیان كوردێكی دانیشتووی ئەو وڵاتەیە بەناوی حەسەن عەبدوڵڵا تەمەن 33 ساڵ.
 
بەپێێ‌ میدیاكانی بەریتانیا، باندەكە تۆمەتباركراون بەوەی كە كچی تەمەن 12 ساڵ و 13 ساڵ و 14 ساڵییان بە پارە هەڵخەڵەتاندووە و لە شوێنی جیاجیا دەستدرێژیان كردوونەتە سەر، لەوانە شوێنی یاریكردنی منداڵان و توالێت و هەروەها ئاهەنگیان گێڕاوەوە و بە كۆمەڵ سێكسییان لەگەڵ كردوون.
 
حەسەن عەبدوڵڵا 4 تاوانی بەسەردا ساخبوونەتەوە كە بریتین لە دەستدرێژیكردنە سەر كچانی منداڵ و بردنیان بۆ چالاكی سێكی و بازرگانیكردن پێیانەوە. یەكێك لە تاوانەكانیشی دەستدرێژی بووە بۆسەر قوتابییەك لە ماڵێ‌ خۆیان لە پیتەر بۆرۆ. 
 
ئەوەشی بەسەردا ساخبووەتەوە، كە ئەندامانی باندەكەی فێری مەریوانە كە جۆرێكە لەماددەی هۆشبەر و بەكارهێنانی دەرمان كردوون. 
 
دادوەر و داواكاری گشتی لەكاتی باسكردنی تاوانەكە، باس لە تاوانی پیاوە كوردەكە دەكەن كە بەتەمەنترین كەسی ناو باندەكە بووە،  ئەو بەدوای كچی قەرەجەوە بووە و و حەزێكی بێسنووری هەبووە بۆ سێكسردن لەگەڵ كچی قەرەج.
 
دادوەری كەیسەكە جۆن بڤەن رایگەیاند، لە دانیشتنی داهاتوودا كە لە 20ی مانگی شووبات بەڕێوەدەچێت، سزاكەیان بەسەردا دەسەپێنرێت.
رووداو- پیتەر بۆرۆ

Thursday, January 16, 2014

رێكخراوی‌ لێبووردنی‌ نێوده‌وڵه‌تی‌ ئیدانه‌ی‌ به‌ندكردنی‌ په‌ناخوازن ده‌كات


په‌ناخوازێكی‌ عێراقی‌ : خۆزگه‌ بخنكامایه‌ نه‌ك دیپۆرتی‌ دوورگه‌ی‌ ناورۆ بكرامایه‌ 
به‌مه‌به‌ستی‌ ڕێگریكردن له‌ ڕۆژنامه‌نوسان ، دوورگه‌ی‌ ناورۆ نرخی‌ ڤیزای‌ وولاَته‌كه‌ی‌ بۆ ڕۆژنامه‌نوسان له‌ 200 دۆلاره‌وه‌ به‌رزده‌كاته‌وه‌ بۆ 8 هه‌زار دۆلار  
ڕێكخراوی‌ لێبووردنی‌ نێوده‌وڵه‌تی‌ به‌ توندی‌ ئیدانه‌ی‌ ده‌ستبه‌ركردنی‌ په‌ناخوازان ده‌كات له‌ دوورگه‌كانی‌ ناورۆ و پاپانیوگینیا و ئه‌و سیاسه‌ته‌ به‌ هه‌وڵێكی‌ ئه‌نقه‌ست وه‌سف ده‌كات كه‌ مه‌به‌ست لێی‌ بێزاركردنی‌ په‌ناخوازانه‌ تا هه‌ڵبژارده‌ی‌ گه‌ڕانه‌وه‌ بۆ وولاَته‌كانی‌ خۆیان هه‌ڵبژێرن. 
له‌دواهه‌مین ڕاپۆرتی‌ ڕێكخراوی‌ لێبووردنی‌ نێوده‌وڵه‌تیدا سه‌باره‌ت به‌ دۆخی‌ ئه‌و په‌ناخوازانه‌ی‌ كه‌ له‌لایه‌ن حكومه‌تی‌ ئوسترالیاوه‌ نێردراون بۆ دوورگه‌كانی‌ ناورۆ و پاپانیوگینیا ، كه‌ دوو وولاَتی‌ دوورگه‌یی‌ بچوكن ، ڕێكخراوه‌كه‌ كه‌مپه‌كانی‌ په‌ناخوازان له‌و دوورگانه‌ وه‌ك به‌ندیخانه‌ وه‌سف ده‌كات وداوا ده‌كات هه‌رچی‌ زووه‌ كۆتایی‌ به‌و دۆخه‌ ناله‌باره‌ بهێنێت كه‌ دووچاری‌ په‌ناخوازان بۆته‌وه‌ له‌و دوورگانه‌. 
له‌ ووته‌یه‌كیدا بۆ ڕێكخراوه‌كه‌ ، په‌ناخوازێكی‌ عێراقی‌ خۆزگه‌ ده‌خوازێت كه‌له‌ زه‌ریای‌ هنیدا نفوم بووایه‌ و بخنكایه‌ نه‌ك دیپۆرتی‌ ئه‌و دوورگانه‌ بكرایه‌ و ده‌ڵێت  سه‌ره‌ڕای‌ ئه‌وه‌ی‌ له‌به‌ر خراپی‌ ڕه‌وشی‌ ئه‌منی‌ وولاَته‌كه‌ی‌ عێراقی‌ به‌جێ‌ هێشتووه‌ به‌لاَم ئه‌وه‌ی‌ له‌و دوورگانه‌ تووشی‌ بووه‌ هه‌رگیز له‌ عێراق تووشی‌ نه‌بووه‌. 
به‌گوێره‌ی‌ ڕاپۆرته‌كه‌ ، په‌ناخوازان له‌ كه‌مترین خزمه‌تگوزاری‌ بێبه‌شكراون و ته‌نانه‌ت ئه‌وانه‌ش كه‌ دووچاری‌ نه‌خۆشی‌ درێژخایه‌ن بوون و دۆخی‌ ته‌ندروستیان هه‌ستیاره‌ نه‌توانراوه‌ خزمه‌تگوزاری‌ ته‌ندروستیان بۆ دابینبكرێت. 
له‌لایه‌كی‌ تره‌وه‌ ، حكومه‌تی‌ ناورۆ نرخی‌ ڤیزای‌ وولاَته‌كه‌ی‌ بۆ ڕۆژنامه‌نوسانی‌ بیانی‌ له‌ 200 دۆلاره‌وه‌ به‌رزكردۆته‌وه‌ بۆ هه‌شت هه‌زار دۆلار كه‌ به‌ بڕوای‌ ڕۆژنامه‌نوسان مه‌به‌ست له‌ زیادكردنی‌ ئه‌و نرخه‌ به‌و ڕاده‌یه‌ ته‌نها به‌مه‌به‌ستی‌ دروستكردنی‌ ئاسته‌نگی‌ داراییه‌ بۆ ڕۆژنامه‌نوسان تا نه‌توانن ڕوماڵی‌ دۆخی‌ په‌ناخوازان بكه‌ن له‌و دوورگانه‌. 
لای‌ خۆشیه‌وه‌ ، كۆمیسیۆنی‌ بالاَی‌ په‌نابه‌رانی‌ سه‌ر به‌ نه‌ته‌وه‌ یه‌كگرتووه‌كان نیگه‌رانه‌ له‌وه‌ی‌ كه‌ ئوسترالیا سیاسه‌تی‌ گێراِنه‌وه‌ی‌ به‌له‌می‌ په‌ناخوازانیش پیاده‌ ده‌كات بۆ ئه‌نده‌نوسیا كه‌ ئه‌مه‌ش به‌ پێشێلكردنی‌ مافی‌ په‌ناخوازان له‌ قه‌ڵه‌م ده‌دات. 
له‌ناوه‌ڕاستی‌ ساڵی‌ ڕابردووه‌وه‌ ، به‌مه‌به‌ستی‌ ڕێگه‌گرتن له‌ چوونی‌ په‌ناخوازان به‌شێوه‌یه‌كی‌ نایاسایی‌ و له‌ڕێگه‌ی‌ ده‌ریاوه‌ بۆ ئوسترالیا ، حكومه‌تی‌ ئوسترالیا بڕیاریدا به‌ دیپۆرتكردنی‌ ئه‌و په‌ناخوازانه‌ بۆ دوورگه‌كانی‌ ناورۆ و پاپانیوگینیا كه‌ به‌پێی‌ ڕێكه‌وتنه‌كه‌ ئه‌و په‌ناخوازانه‌ مافی‌ ئه‌وه‌یان نابێت داوای‌ مافی‌ په‌نابه‌رێتی‌ له‌ ئوسترالیا بكه‌ن و ئه‌گه‌ر سه‌لماندیشیان په‌نابه‌رن ده‌توانن داوای‌ مافی‌ په‌نابه‌رێتی‌ له‌و دوو دوورگه‌یه‌ بكه‌ن و له‌ به‌رامبه‌ریشدا حكومه‌تی‌ ئوسترلیا پابه‌بند ده‌بێت به‌ دابینكردن و بوژانه‌وه‌ی‌ كه‌رته‌ گشتیه‌كانی‌ ئه‌و دوو دوورگه‌یه‌. 
به‌پێی‌ ئاماره‌كان ، تا ئێستا زیاتر له‌ 2100 په‌ناخواز له‌لایه‌ن ئوسترالیاوه‌ دیپۆرتی‌ ئه‌و دوو دوورگه‌یه‌كراون كه‌ به‌شێكی‌ به‌رچاویان به‌ ڕه‌گه‌ز عێراقین. 
سه‌رچاوه‌ : ماڵپه‌ری‌ ڕێكخراوی‌ لێبووردنی‌ نێوده‌وڵه‌تی‌ ، ڕۆیته‌رز
واڵاپرێس

Wednesday, January 15, 2014

فڕۆكه‌خانه‌ی‌ سلێمانى: 75 كه‌س به‌ پاسپۆرتی‌ ساخته‌وه‌ ده‌ستگیركراون


31_big-400x218بە ڕێوەبەری گشتی فرۆكەخانەی نێودەوڵەتی سلێمانی ده‌ڵێت” لە ساڵی (2013) 75 كەس بە پاسپۆرتی‌ ساختەوە گیراون و (838) كەسیش بە یەگجاری لە ڕێكەی فرۆكە خانەی سلێمانیەوە گەراونەتەوە .
تاهیر عبدوللە بە ڕێوەبەری فرۆكەخانەی نێودەوڵەتی سلێمانی ڕایگەیاند” لە ساڵی (2013) دا( 372) هەزار هاوڵاتی لەڕێگەی فڕۆكەخانەی سلێمانیەوە سەفەریان كردوەو ئەمەش بە ڕێژەی %30 بەبەراورد بە ساڵی ڕابردوو زیادی كردوە “
وتیشی” لە ماوەی ساڵی ڕابردودا 101 كەس سنورداشی سلێمانی كراونەتەوەو (85) كەسیش لێرەوە سنورداشی وڵاتەكانی خۆیان كراونەتەوە بە هۆكاری جیاجیا و (838)كەسیش بەیەكجاری گەراونەتەوە سلێمانی” .

تاهیرعبدوللە ڕاشیگەیاند” لەساڵی ڕابردودا ڤیزە دراوە بە 5هەزار و 269 كەس كە هاتونه‌ته‌ هەرێمی كوردستان لە ڕێگەی‌ فرۆكەخانەی نێودەوڵەتی سلێمانیەوە”
 جوانڕۆ محەمەد
هاوڵاتى

Tuesday, January 14, 2014

ئوسترالیا لەبەرەنگاربوونەوەى بەلەمى پەناخوازان یاسا نێودەوڵەتیەکان دەشکێنێت


UNHCR-logoکۆچى کوردان و کۆچ بۆ ئوسترالیا
کۆمسیۆنى باڵاى پەنابەرانى سەر بە نەتەوە یەکگرتووەکان (UNHCR ) هۆشداریدا لەوەى حکومەتى ئوسترالیا دەکرێت یاسا نێودەوڵەتیەکان بشکێنێت بە فشارخستنەسەر ئەو بەلەمانەى پەناخواز هەڵدەگرن بۆ گەڕانەوەیان بۆ ئاوەکانى ئیندۆنیزیا. کۆمسیۆنى باڵاى پەنابەرانى سەر بە نەتەوە یەکگرتووەکان هەروەها داواى زانیارى زیاتر دەکات لەبارەى پلانى ڕاگەیەنراوى حکومەتى ئوسترالى بۆ کڕینەوەى ئەو بەلەمانەى کە دەشێت بەکاربهێنرێن بۆ گواستنەوەى پەناخوازان بەرەو ئاوەکانى ئیندۆنیزیا لە داهاتوودا.
بەڕێز مۆریسۆن وەزیرى کۆچى ئوسترالى بەیاننامەیەکى بڵاوکردەوەو ڕایگەیاند کە حکومەت هەنگاوى پێویست دەنێت بۆ پاراستنى سنوورەکانمان و بەپێى یاسا ناوخۆیى و ڕێوشوێنە نێودەوڵەتیەکان. 
ئەو بۆچوونانەى لەدواى ڕاپۆرتەکانى میدیاکانەوە هات کە ڕایانگەیاند پێنج بەلەم گەڕێنراونەتەوە کە یەکێکیان لە ڕۆژى ساڵى نوێدا بووە. پەناخوازى سەر بەلەمەکان ڕایانگەیاندووە و بە فایەرفاکس مێدیایان گووتووە کە ئەوان بۆماوەى چەند ڕۆژێک گیریان خواردووە بەرلەوەى دووربخرێنەوە بۆ ئاوەکانى ئیندۆنیزیا. 
حکومەت ڕەتى کردۆتەوە کۆمێنت بدات بەشێوەیەکى دیاریکراو لەبارەى گەڕاندنەوەى بەلەمەکانەوە. بەڵام هێزەکانى بەرگرى ئەوەیان ڕەت کردۆتەوە کە مامەڵەى خراپیان لەبەرامبەر پەناخوازان ئەنجامدابێت.

Wednesday, January 8, 2014

ناوی‌ 159 كاندید بۆ وه‌رگرتنی‌ چه‌كی‌ تواناسازی ڕاگه‌یانرا


xwendkar1 وه‌زاره‌تی خوێندنی باڵا و توێژینه‌وه‌ی زانستی، ناوی كاندیدانی بۆ وه‌رگرتنی چه‌كی تواناسازی بڵاو كرده‌وه‌‌و راشیگه‌یاند، له‌ ئه‌مڕۆوه‌ تا 19ی‌ ئه‌م مانگه‌، ده‌توانن سه‌ردانی دیوانی وه‌زاره‌ت بكه‌ن بۆ وه‌رگرتنی چه‌كی سه‌رفكردنی مافه‌ داراییه‌كانیان. 

پێگه‌ی‌ وه‌زاره‌تی‌ خوێندنی‌ باڵاو توێژینه‌وه‌ی‌ زانستی‌ بڵاویكرده‌وه‌‌، ناوی‌ 159 كاندیدانی تری‌ بۆ وه‌رگرتنی‌ چه‌كی‌ تواناسازی به‌لیستی ژماره‌ 1A بلاَوكرده‌وه‌.

به‌پێی هه‌واڵی‌ پێگه‌كه‌ كاندیده‌كان خۆیان یان بریكاره‌كانیان له‌ ئه‌مڕۆوه‌ ده‌توانن سه‌ردانی‌ دیوانی‌ وه‌زاره‌تی‌ خوێندنی‌ باڵا ‌و توێژینه‌وه‌ی‌ زانستی‌ بكه‌ن بۆ وه‌رگرتنی‌ چه‌كی‌ سه‌رفكردنی‌ مافه‌ داراییه‌كانیان، راشیگه‌یاند دوا واده‌ بۆ وه‌رگرتنی‌ چه‌كه‌كان 19ی‌ ئه‌م مانگه‌یه‌.

هه‌روه‌ها هه‌موو ئه‌و كاندیدانه‌ی كه‌ بۆ یه‌كه‌جار ناویان له‌ لیسته‌دا ده‌رچوه‌ پێویسته‌ ڤیزا به‌رن بۆ وه‌رگرتنی مافه‌ داراییه‌كانیان.

. تێبینی :

  1.  هه‌موو ئه‌و كاندیدانه‌ی كه‌ بۆ جاریی یه‌كه‌مه‌ ناویان ده‌رچوه‌ له‌م لیسته‌دا بۆ وره‌گرتنی مافه‌ داراییه‌كان پیوسته‌ ڤیژا بهێنن  دوای سه‌ردانی وه‌زات بكه‌ن بۆ وه‌رگرتنی چه‌ك.
  2. كاندید ئه‌گه‌ر خۆی بێت ده‌بێت فۆتۆكۆپی ره‌نگاو ره‌نگ له‌ (پاسه‌پۆرت)ی خۆی بهێنت .
  3. بریکار (وەکیل) ی کاندید پیویستە وێنەی فۆتۆکۆپی رەنگاو ڕەنگی بریکارنامە (وەکالەی گشتی) و ناسنامەی باری شارستانی یان رەگەزنامەی عیراقی لەکەل خویدا بهێنیت. 
  4. پێویستە بریکار (وەکیل) ی کاندید یان كاندیده‌كه‌ خۆی بیێت ، ده‌بێت زنجیرەی ناوی کاندید وەک لە لیستی هاوپێچدا نوسراوە بزانیت.
  5. چەکی سەرفکردنی مافە داراییەکان تەنها لە بانکی منارە لە شاری هەولیر کاش دەدرێت.
  6.  تکایە بە هیچ شێوەیەک سەردانی سەرۆکایەتی ئەنجومەنی وەزیران مەکەن بۆ وەرگرتنی چەکی تواناسازی لە بەر ئەوەی چەکی پارە لە وەزارەتی خوێندنی بالا وە دابەش دەکرێت.
  7.  رۆژانی پێنج شه‌ممه‌ به‌رده‌وام ده‌بین به‌ دابه‌ش كردنی چه‌كه‌كان.

چەکی کاندیدانی تواناسازی لیستی ژمارە 1A


حكومه‌تی‌ هه‌رێم، ساڵانه‌ ژماره‌یه‌ك كاندید دیاریده‌كات بۆ خوێندنی‌ ماسته‌ر‌و دكتۆرا له‌ زانكۆكانی‌ ده‌ره‌وه‌ی‌ وڵات، بۆ ئه‌و مه‌به‌سته‌ش ساڵانه‌ 100 ملیۆن دۆلار‌ بۆ په‌ره‌پێدانی‌ تاوانی‌ مرۆیی‌ له‌بواری‌ خوێندنی‌ باڵادا ته‌رخان ده‌كات.

Monday, January 6, 2014

زیاتر لە 10 هەزار هەلی کار بۆ گەنجانی کورد دەڕەخسێ


پەرلەمانی عێراق سبەینێ سێشەممە، پڕۆژەیاسای زمانە فەرمییەکان دەخاتە دەنگدانەوە و بە پەسەندکردنیشی زیاتر لە 10 هەزار هەلی کار بۆ گەنجانی کورد دەڕەخسێ.

موئەد تەیب، بڕیاردەری لیژنەی راگەیاند و رۆشنبیری پەرلەمانی عێراق بە (تۆڕی میدیایی رووداو)ی راگەیاند، سبەی پەرلەمانی عێراق بۆ سێیەم جار لەسەریەک پڕۆژەیاسای زمانە فەرمییەکان لە عێراق دەخاتە دەنگدانەوە.

پڕۆژەیاسای زمانە فەرمییەكان لەلایەن ئەنجوومەنی وەزیرانی عێراقەوە لە خولی پێشووەوە رەوانەی پەرلەمان كراوە، بەڵام تاوەكو ئێستا پەسەند نەكراو. 

ناوبراو راشیگەیاند، گرنگی ئەو یاسایە لەوەدایە بە یاسا، بە فەرمی بوونی زمانی کوردی و عەرەبی لە سەرجەم دامودەزگاکانی عێراق رێکدەخرێت، وەک ئەوەی لە دەستووردا هاتووە.

پێشتر دووجار هەوڵدراوە ئەو پرۆژەیاسایە تێپەڕێنرێ، بەڵام  بەهۆی ناکۆکی لایەنەکان لەسەری شكستیهێناوە.

موئەد تەیب کە هاوکات گوتەبێژی هاوپەمانی کورستانیشە دەڵێ "بە پەسەندکردنی یاساکە، دەبێ وەرگێڕی (کوردی - عەرەبی) لە سەرجەم دامەزراوە حکومییە دابمەزرێنێ بۆ وەرگێڕانی نووسراوە فەرمییەکان، بەمەش زیاتر لە 10 هەزار هەلی کار بۆ گەنجانی کورد دەڕەخسێ".
رووداو- هەولێر