وەك هەوڵی بۆ زیادكردنی هێزی كار و یارمەتیی مرۆیی، ئوسترالیا بڕیاریدا لە ساڵی 2013دا 20 هەزار پەنابەر بە رێگەی یاسایی وەربگرێت.
بەپێی راپۆرتەهەواڵەكانی میدیای ئوستڕالیا دەیڤد بۆوین، وەزیری كۆچی ئوستڕالیا ڕایگەیاند كەلە رێگەی یوئێنەوە و بە یاسایی خەڵك وەردەگرن.
تۆڕی كەناڵی ئەی بی سی ئوستڕالی رایگەیاند: لەو 20 هەزار كەسەدا، ئوستڕالیا زیاتر لە 3 هەزار و 800 هاوڵاتی عێراقی وەردەگرێت كە ئاوارەی سوریا، توركیا، لبنان و ئوردن بوون، هەروەها 600 ئەفغانی و عێراقی و ئێرانیش وەردەگرێت كە ئێستا لە ئەندەنوسیا دەژین.
لە ماوەی دوو مانگی رابردوودا ئوستڕالیا بڕیاریدا ئەوانەی بە قاچاخ دەگەنە وڵاتەكەی بۆ دوورگەی نارۆ دوربخاتەوە، هەر لەو ماوەیەدا ئوستڕالیا بە دەیان كەسی دیپۆرتكردەوە.
بەپێی دوایین داتای وەزارەتی كۆچی ئوستڕالیا، ئێستا 304 كەس لە كامپی نارۆدا دەژین كە 154 سریلانكی و 23 عێراقی، 26 ئێرانی، 58 ئەفغانی و 43 پاكستانی لەخۆی دەگرێت.
كورديو
No comments:
Post a Comment