Tuesday, January 22, 2013

باڵیۆزی ئوسترالیا و د. به‌رهه‌م ساڵح‌ به‌ بایه‌خه‌وه‌ باسیان له‌ په‌یوه‌ندییه‌كانی نێوان هه‌رێمی كوردستان‌و ئوسترالیا كرد


له‌ نو‌وسینگه‌ی تایبه‌تی خۆی له‌ شاری هه‌ولێر، د. به‌رهه‌م ساڵح، جێگری سكرتێری گشتیی یه‌كێتیی نیشتمانیی كوردستان پێشوازیكرد له‌ خاتو‌و لیندا ساكس، باڵیۆزی ئوسترالیا له‌ عیراق.
له‌ دیدارێكدا گفتوگۆ‌و بیروڕا ئاڵوگۆڕكرا سه‌باره‌ت رو‌وداو ‌و گۆڕانكاری‌و پێشهاته‌  سیاسییه‌كانی كوردستان‌و عیراق‌و ناوچه‌كه‌‌و ده‌وروبه‌ر.
سه‌باره‌ت به‌ قه‌یرانی سیاسی ئه‌مڕۆی عیراقیش هه‌ردو‌ولا ته‌ئكیدیان له‌سه‌ر رێگه‌چاره‌ی گفتوگۆ‌ودیالۆگ‌و گه‌ڕانه‌وه‌ بۆ ده‌ستو‌ور كرده‌وه‌.
له‌ به‌شێكی دیكه‌ی‌ دیداره‌كه‌دا د. به‌رهه‌م ساڵح‌و باڵیۆزی ئوسترالیا له‌ عیراق به‌ بایه‌خه‌وه‌ باسیان له‌ په‌یوه‌ندییه‌كانی نێوان هه‌رێمی كوردستان‌و ئوسترالیا كرد‌و جه‌ختیان له‌سه‌ر په‌ره‌پێدانی ئه‌و په‌یوه‌ندییانه‌ كرده‌وه‌.

خه‌ندان ـ


No comments:

Post a Comment