لەبەر ئەوەى بابەتەکەمان زیاتر باسی کۆچە و زیاتر مەبەستمان ئەوەیە ئەو کەسانەى کۆچ دەکەن بۆ دەرەوەى وڵات زیاتر تیشک دەخەینە سەر ئەم لایەنە چونکە کۆچى ناوخۆ بەقەدەر کۆچى دەرەکى ئەو گرنگی کەمتر پێدەدرێت کاتێک کەسێک لەم وڵاتە دەڕواتە دەرەوە نەقێى دانیشتوان دەبێت بۆ ئەم وڵاتە بەڵام کۆچى ناوخۆ ئەر هاوڵاتیانن لەو وڵاتەدا بەڵام شوێنەکانیان ئاڵوگۆڕ پێدەکەن. بێگومان دیاردەى کۆچ بە گشتی و کۆچی نێودەوڵەتی بە تایبەتی گرنگی زۆر و بەردەوامی هەیە و جێ ی بایەخی هەموو ناوەندەکان و خاوەن بڕیارەکان چ ووڵاتی کۆچ لێکراو یاخود کۆچ بۆ کراو ، وە ئەم گرنگییە سەرنجی ڕێکخراوە جیهانیەکانیشی ڕاکێشاوە و واى لێیان کردووە کە بەردەوام توێژینەوە بکەن و سەرنجی گۆڕانکارییەکانی بدەن بە تایبەت لە کۆتای سەدەی بیستەمدا . وە هۆکارى ئەم بایەخە ناوخۆی و نێودەوڵەتیانەبەم دیاردەیە دەگەڕێتەوە بۆ ئەو کاریگەریی و دەرئەنجامە ئابوورى و کۆمەڵایەتی و ڕامیاریە جۆر بەجۆرەکانی بەگشتی و ئەو کاریگەرییە زۆرەى لەسەر بازارى کارکردن هەیەتی بەتایبەتی ، بەڵام کاریگەرى کۆچی نێودەوڵەتیش جیاوازە لە ووڵاتێکەوە بۆ ووڵاتێکی تر بەهۆی جیاوازى رادەى پێشکەوتنی ئابوورى وکۆمەڵایەتی و ڕامیارى و جیاوازى خودی کۆچکەران و چینەکانیان .
وە بەپێی تازەترین ئامار نزیکەى [150 ملیۆن]کەس لەدەرەوەى ووڵاتی خۆیان دەژین کە ڕێژەى [2.5%] ى دانیشتوانی جیهان پێکدەهێنن وە [15 ملیۆن]ی ئەم ڕێژەیە مافی پەنابەریان وەرگرتووە بە هۆی پێکەوە نانی خێزان یاخود خوێندن یان بە هۆکارى مرۆیی. وە لە ڕوانگەى ئەم ئامارەوە بۆمان دەردەکەوێت لە هەر [40] کەسێک [1] کەس لە کۆچ کردندایە بە ەبردەوامی لەسەر ئاستی جیهان .
پێشڕەو بەکر
No comments:
Post a Comment