Monday, June 15, 2015

ئوسترالیا به‌رده‌وامه‌ له‌دیپۆرتكردنه‌وه‌ی‌ په‌نابه‌ران


به‌رپرسێكی‌ باڵای‌ پۆلیسی‌ ئه‌نده‌نوسیا رایگه‌یاند، هێزه‌ ده‌ریاییه‌كانی‌ ئوسترالیا به‌له‌مێكی‌ قاچاخیان ره‌وانه‌ی‌ سنوره‌ ئاوییه‌كانی‌ ئه‌نده‌نوسیا كردۆته‌وه‌‌و نه‌یانهێشتوه‌ بگه‌نه‌ ئه‌و وڵاته‌.
به‌وته‌ی‌ ئه‌و به‌رپرسه‌ ژماره‌ی‌ ئه‌و په‌ناخوازانه‌ 65 كه‌س بون كه‌ به‌ره‌گه‌ز خه‌ڵكی‌ وڵاتانی‌ به‌نگلادیش‌و سریلانكاو بۆرما بون.
 
به‌پێی‌ زانیاریه‌كانی‌ به‌رپرسه‌كه‌ كه‌ له‌زاری‌ په‌ناخوازه‌ دیپۆرتكراوه‌كانه‌وه‌ ده‌یگێرێته‌وه‌ ئه‌وان له‌به‌له‌مه‌كه‌یان كه‌ له‌لێواری‌ نقومبوندا بوه‌ ده‌رهێنراون‌و به‌دوو به‌له‌می‌ تر دیپۆرتی‌ ناو سنوره‌ ئاویه‌كانی‌ ئه‌نده‌نوسیا كراونه‌ته‌وه‌.
 
سه‌ره‌ڕای‌ فشاره‌ جیهانیه‌كان له‌سه‌ر ئه‌و وڵاته‌، ئوسترالیا به‌رده‌وامه‌ له‌پیاده‌كردنی‌ سیاسه‌تی‌ دیپۆرتكردنه‌وه‌ی‌ ئه‌و په‌ناخوازانه‌ی‌ كه‌ به‌به‌له‌م‌و به‌شێوه‌یه‌كی‌ قاچاخ ده‌گه‌نه‌ سنوره‌ ئاوییه‌كانی‌‌و حكومه‌تی‌ ئێستای‌ ئه‌و وڵاته‌ش رایده‌گه‌یه‌نێت كه‌ ئه‌و سیاسه‌ته‌ ته‌نها رێگه‌یه‌كه‌ كه‌ چیتر په‌ناخوازان له‌ڕێگه‌ی‌ قاچاخچیه‌كانه‌وه‌ ژیانی‌ خۆیان نه‌خه‌نه‌ مه‌ترسیه‌وه‌‌و هه‌وڵی‌ گه‌شتن به‌و وڵاته‌ له‌ڕێگه‌ی‌ ده‌ریاوه‌ نه‌ده‌ن.
 
سه‌رچاوه‌: ماڵپه‌ری‌ رۆژنامه‌ی‌ سیدنی‌ مۆرنینگ هێراڵد
هه‌ژار ته‌ها

No comments:

Post a Comment