رۆژی پێنجشەممە په‌نابه‌رانی‌ دیپۆرتكراو له‌سلێمانی‌ خۆپیشاندان ده‌كه‌ن

فیدراسیۆنی سەراسەری پەنابەرانی عێراق رایدەگەیەنێت دابین كردنی ژیانی 6 هەزار پەنابەری دیپۆرتكراوە، لەئەستۆی حكومەتی هەرێمدایە‌و داوا لەهاوڵاتیان دەكات بەشداری لەو خۆپیشاندانەدا بكەن كە رۆژی پێنجشەممە لەسلێمانی بۆ پشتیوانیكردن لەپەنابەرە دیپۆرتكراوەكان سازدەكرێت.

لقی كوردستانی فیدراسیۆنی سەراسەری پەنابەرانی عێراقی، لەبەیاننامەیەكدا رونیدەكاتەوە لە ساڵی ٢٠٠٥ وە زیاتر لە ٦ هەزار پەنابەری هەرێمی كوردستان بەدور لە خواست و بڕیاری خۆیان بەزۆرە ملێ دیپۆرتی هەرێمی كوردستان كراونەتەوە‌و ‌ژمارەیەكی بەرچاویشیان خاوەنی مناڵ‌و هاوسەرین‌و ئەوەی لەژیاندا هەمانبووە‌ لەدەستیانداوە.

بەیاننامەكە كە بەناوی پەنابەرە دیپۆرتكراوەكانەوە بڵاوكراوەتەوە تێیدا هاتووە “ئێمە نامانەوێت چیتر ببینەوە خۆراكی دەریا‌و دەمانەوێت لەم خەمۆكی‌و دەردو مەینەتیە، لەبێكاری‌و دەستكورتی‌و نەبوونی ڕزگارمان بێت”.

ئاماژەبەوەشدەكەن ناچارین دەنگی نارەزایەتی دەربرین‌و ئەویش لەكاتێكدا كەدەسەڵاتداران وەڵام بە كێشەكانمان‌ نادەنەوەو بەرپرسیارێتی بەرامبەر بەكێشەكانی ئێمە نیشان نادات‌.

فیدراسیۆنی سەراسەری پەنابەران داوا لەهاوڵاتیان دەكات بەشداری لەخۆپیشاندانەكەدا بكەن كە بڕیارە رۆژی پێنجشەممە ٢٩-١١ لەبەردەم بەردەم پارێزگاری سلێمانی، كاتژمێر٣٠:٨ بەیانی بەرێوەبچێت.

دەقی بەیاننامەكە:

دابین كردنی ژیانی 6 هەزار پەنابەری دیپۆرتكراوە، لەئەستۆی حكومەتی هەرێمدایە

ئێمە هاوڵاتی ئەم كۆمەڵگایەین

لە خۆپیشاندانی ناڕەزایەتی  لقی كوردستانی فیدراسیۆنی سەراسەری پەنابەرانی عێراقی بۆ وەڵامدانەوە بەكێشەوگیروگرفتی پەنابەرە دیپۆرتكراوەكان پشتیوانی بكەن

رۆژی:پێنج شەمە بەرواری: ٢٩-١١

شۆین: بەردەم پاریزگاری سلێمانی، كاتژمێر٣٠:٨ بەیانی

ئێمە پەنابەرانی دیپۆرت كراوە، قوربانی هەڵومەرجی نەخوازراوی كۆمەڵگای كوردستانین. سەرباری  لەدەستدانی ماڵو حاڵو پیداویستیەكانی ژیانمان، ئێمە ئەو ئینسانانەین ‌كە بۆ بەهرەمەند بوون لەژیانێكی ئاسودە، بەناچاری ڕێگای هەندەرانمان گرتەبەر ودوای سالانێكی زۆر ژیانكردن لە ولاتانی ئەوروپا، بەزۆرەملێ وەك ئەنجامێك لەسیاسەتی هاوبەشی نێوان دەوڵەتانی ئەوروپا وحكومەتی عێراقی و هەرێم، دیپۆرت كراوینەتەوە وسفرەی خاڵیمان بۆ ڕاخرا. ئێمە جگەلە نەبوونی سەرچاوەیەكی دەرامەت بێكاریش یەخەی پێگرتووین، سەرپەنایەكمان نیە بۆئەوەی تێیدا بژین‌و بوینەتەبار بەسەر كەسوكارمانەوه. بێئومیدی‌و نەخۆشی دەرونی‌و خۆشنەویستی ژیان هەرساتەو هەر ڕۆژه ژیانی داگیركردوین. بەڵام ئەوە دەسەڵاتو لایەنە بەرپرسەكانە كەتائێستا نەك هیچ مەسئولەیەتێك بەرامبەر بەژیانی خۆمان‌و ژیانی خێزان و مناڵانی بەجێماومان نیشان نادات، بگرە لەسەر سیاسەتی دیپۆرتكردنەوەی هاوچارەنوسەكانمان بەردەوامە.

ئێمە بەم ژیانی بێدەرەتانیو سەرگەردانیەمانەوە، چەندین جار لەرێگای فیدراسیۆنی پەنابەرانەوە، داوامان لەدەسەلاتدارن كردووە كەلەكێشەو گرفتەكانی ئێمەی پەنابەرە دیپۆرتكراوەكان تێبگات وبۆ گێرانەوەی ژیانی ئاسایمان وەك هاولاتیانی ئەم ولاتە هەنگاو هەڵگرێ. بەڵام  بە داخەوە جگەلە وەعدەو بەڵێن تائێستا ولەماوەی ٢سالی ڕابردوودا، كەمترین داخوازی بۆ باشكردنی ژیانمان وەڵامی وەرنەرگرتۆتەوە.

لە ساڵی ٢٠٠٥ وە زیاتر لە ٦ هەزار پەنابەری هەرێمی كوردستان بەدور لە خواست و بڕیاری خۆمان بەزۆرە ملی دیپۆرتی هەرێمی كوردستان كراوینەتەوە. ‌ژمارەیەكی بەرچاویشمان خاوەنی مناڵ‌و هاوسەرین‌و ئەوەی لەژیاندا هەمانبووە‌ لەدەستمانداوە. ئێستاش هیچ سەرچاوەیەكمان نیە بۆ دامەزراندنەوەی ژیان وچونەوە نێوكۆمەڵگا وەك هەر هاولاتیەكی ئاسایی ئەم ولاتە.

ئێمە نامانەوێت چیتر ببینەوە خوراكی دەریا ودەمانەوێت لەم خەمۆكی ودەردو مەینەتیە، لەبێكاریو دەستكورتی ونەبوونی ڕزگارمان بێت. مافی ژیان وبەهرەمەندبوون لەپێداویستیەكانی هاولاتی ئاسایی مافی ئێمەشه.‌ هەربۆیە ناچارین دەنگی نارەزایەتی دەربرین. ئەویش لەكاتێكدا كەدەسەلاتداران وەڵام بە كێشەكانمان‌ نادەنەوەو بەرپرسیارێتی بەرامبەر بەكێشەكانی ئێمە نیشان نادات‌.

ئێمە لەم ڕێگایەدا ئێوە بەهاولاتیو كەسوكاری خۆمان دەزانین. هانای ئێوە ئازادیخوازانو ئینسان دۆستان وڕیكخراوەكان وهەموو ئەولایەنە سیاسی وپیشەییانەی كەژیانی هاولاتیان بۆ مەبەستە وئەركی خۆیان بۆ بەدیهێنانی ژیانێكی ئاسودەو مسۆگەر داناوە، گەورەترین پشتیوانییە. بەتایبەتی باشبونی ژیانی ئێمە 6هەزار ئینسان باش بوونی 6هەزار خێزانە.. بۆیە گرنگە‌ لەگەڵمان بن.. پشتیوانمان بن. دەنگی ناڕەزایەتیو داخوازیەكانمان بەدەنگو داوای خۆتان بزانن.. ئەمە تەنها ڕیگایەكی شارستانیە بۆ ناچاركردنی دەسەڵاتداران تا وەلام بەژیانو داخوازیەكانمان بدەنەوە. داوادەكەین بەهەر شیوەیەكی گونجاوی خۆتان پشتگیری ناڕەزایەتیو خۆپیشاندانەكانمان بكەن بەشداری بكەن. 

بەهرەمەند بوون لەژیانی شایستەی ئینسانی، مافی هەر هاولاتیەكی كوردستانە!

لقی كوردستانی فیدراسیۆنی سەراسەری پەنابەرانی عێراقی

٢٦-١١-٢٠١٢

بۆ زانیاری زیاتر بەریزەوە پەیوەندی بكەن بە ژمارە تەلەفونەكانی(٠٧٧٠٢٢٠٤٨٤٤ یان ٠٧٥٠١٧٣٠٧٠٧)

ئاگادارییەکی گرنگ بۆ کاندیدانی تواناسازی

 ئاگاداری سەرجەم کاندیدەکانی بەرنامەی تواناسازی دەکەین (ئەوانەی تا ئـیستا ئۆفەری ئەکادیمییان بەدەست نەهێناوە) ڕێکخراوی (AMIDEAST) بە هاوکاری وەزارەتی خوێندنی باڵا و توێژینەوەی زانستیی زنجیرەیەک وۆرک شۆپ ڕێکدەخات بە مەبەستی هاوکاریکردن و ڕێنوێنی کردنی کاندیدەکانی بەرنامەی تواناسازی بۆ بەدەستهـێنانی ئۆفەری ئەکادیمی و پێشکەشکردنی ڕێنمایی پێویست دەربارەی بەدەستهینانی ڤیزا.هاوکات لەم وۆرک شۆپانەدا نوێنەری وەزارەتی خویندنی باڵا و توێژینەوەی زانستیی ئامادە دەبێت بۆ وەڵامدانەوەی پرسیار و تێبینییەکانی کاندیدەکان.

کات و شوێنی وۆرکشۆپەکان بەم شێوازی لای خوارەوەیە:

1. لە شاری هەولێر: ڕۆژی سێشەممە ٢٧/١١/٢٠١٢ لە هۆڵی مەڵبەندی ڕۆشنبیری زانکۆی سەلاحەددین کاتژمێر ١٠.٣٠ ی سەرلەبەیانی.
2. لە شاری دهۆک: ڕۆژی پێنجشەممە ٢٩/١١/٢٠١٢ لە هۆڵی کۆبونا زانکۆیا دهۆک، کاتژمێر ١٠.٣٠ ی سەرلەبەیانی.
3. لە شاری سلێمانی : ڕۆژی شەممە ١/١٢/٢٠١٢ هۆڵی ڕاپەڕینی زانکۆی سلێمانی، کاتژمێر ١٠.٣٠ی سەرلەبەیانی.

هاتن بۆ هەموو کاندیدەکانی بەرنامەی تواناسازییە، هەروەها ئەو پێشکەشکارانەی کە لە خولەکانی ئایندەدا بە نیازن داوا پێشکەش بکەن دەتوانن ئامادەی ئەم وۆرکشۆپە ببن.

کۆرسەکانی زمانی ئینگلیزی بۆ کاندیدانی تواناسازی

وەزارەتی خویندنی باڵا و توێژینەوەی زانستیی بە مەبەستی هاوکاریکردنی کاندیدەکانی بەرنامەی تواناسازی پرۆژەی کۆرسەکانی زمانی ئینگلیزی لە ناوەوەی وڵات ڕادەگەیەنێت. ئەم پڕۆژەیە تایبەتە بەو کاندیدانەی کە لە خولە جیاجیاکانی بەرنامەی تواناسازی ناویان دەرچووە و خوازیارن لەو زانکۆیانەی دەرەوەی وڵات درێژە بە خوێندنی ماستەر و دکتۆرا بدەن کە خوێندن تیایاندا بە زمانی ئینگلیزییە. 

لەم کۆرسانەدا کاندیدەکان دەتوانن بۆ ماوەی ٦ مانگ کۆرسی زمانی ئینگلیزی لە کوردستان ئەنجام بدەن، هاوکات لەگەڵ ئەم کۆرسانەدا تاقیکردنەوەی ستانداردی زمانی ئینگلیزی بۆ کاندیدەکان ئەنجام دەدرێت. 

کۆرسەکانی زمان لەم ناوەندە زانستییانەی لای خوارەوە ئەنجام دەدرێت:

1. زانکۆی سۆران لە شاری سۆران.
2. سێنتەری بریتش کاونسڵ لە هەولێر.
3. زانکۆی سابیس لە هەولێر.
4. زانکۆی ئەمەریکی عیراق/سلێمانی

ئەو کاندیدانەی خوازیارن بەشداری لەم پرۆگرامە بکەن پێویستە فۆرمی تایبەت بەم پرۆژەیە لە ڕێگای ئەم لینکەی خوارەوە دابگرن و دوای پڕکردنەوەی لە ڕێگای ئیمەیڵ ئەدرێسی 

(hcdp.language@mhe-krg.org) ەوە بیگەڕێننەوە بۆ وەزارەتی خوێندنی باڵا و توێژینەوەی زانستیی.

دوا مۆڵەت بۆ پێشکەشکردنی داواکاری ٣٠/٩/٢٠١٢ یە.

شایانی باسە کاندیدەکان لە کاتی دەستپێکردنی کۆرسەکانی زمانی ئینگلیزیدا مۆڵەتی خوێندنیان پێدەدرێت.

پرۆژەی ئەنجامدانی کۆرسەکانی زمانی ئینگلیزی لە ناوەوەی وڵات هەنگاوێکی گرنگی وەزارەتی خوێندنی باڵا و توێژینەوەی زانستییە بۆ ئامادەکردنی کاندیدەکانی بەرمانەی تواناسازی بۆ ئەوەی دوای سەفەرکردنیان بە سەرکەوتوویی خویندنی ئەکادیمی لە دەرەوەی وڵات تەواو بکەن. 

english_language_application.pdf

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:

https://www.facebook.com/kochikurdan

https://www.facebook.com/groups/102175996536494/

http://kochikurdan.wordpress.com/

http://immigration2australia1.blogspot.com/

https://twitter.com/Kurd_Migration

سوید هه‌فتانه‌ هه‌زار په‌نابه‌رى عێراقى ده‌نێرێته‌وه‌

ئه‌و ڕێکه‌وتنه‌ له‌ شوباتی 2008 دا له‌گه‌ڵ سوید مۆرکراوه‌

حكومه‌تی‌ عێراق له‌گه‌ڵ حكومه‌تی‌ سویدا ڕێککه‌وتوون تا ئه‌و په‌نابه‌رانه‌ی مۆڵه‌تی‌ مانه‌وه‌یان وه‌رنه‌گرتوه‌ ڕه‌وانه‌ی عێراقیان بکه‌نه‌وه.‌

ماڵپه‌ڕی ئیلاف بڵاویكردوه‌ته‌وه‌ كه‌ حکومه‌تی عێراقی و سویدی پیلانی به‌زۆر ناردنه‌وه‌ی په‌ناخوازانیان داڕشتوه‌، ئه‌مه‌ش مانای ڕه‌تکردنه‌وه‌ی بڕیاری په‌رله‌مانی عێراقیه‌ که‌ نابێت په‌نابه‌ران به‌زۆر دیپۆرتبکرێته‌وه‌.

له‌ هه‌واڵه‌كه‌ی‌ سایتی‌ ئیلافدا هاتووه‌ ” ئه‌م ڕه‌فتاره‌ی حکومه‌تی عێراقی ئاکامی ئه‌و ڕێکه‌وتنه‌یه‌ که‌ له‌ مانگی شوباتی ساڵی 2008 دا له‌گه‌ڵ حکومه‌تی سویدیدا مۆری کردووه‌، به‌و پێیه‌ سوید ده‌توانێ ئه‌و په‌نابه‌رانه‌‌ی که‌یسه‌کانیان ڕه‌تکراوه‌ته‌وه‌ ڕه‌وانه‌ی به‌غدا بکرێنه‌وه‌، وه‌ک ئه‌و چه‌ند هه‌زار په‌نابه‌ره‌ی له‌ماوه‌ی دووساڵی ڕابردوودا دیپۆرتکرانه‌وه‌”.

به‌پێی ئه‌و زانیارانه‌ی ده‌ست ده‌زگا هه‌واڵیه‌کان گه‌یشتووه‌ وه‌ک ئیلاف باسی ده‌کات له‌ شه‌وی 29  ئه‌م مانگه‌وه‌، ده‌یان په‌نابه‌ری عێراقی که‌یس ڕه‌تکراوه‌ خۆیان ده‌بیننه‌وه‌ که‌ به‌زۆر به‌ره‌و فڕۆکه‌خانه‌ی ستۆکهۆڵم ده‌بردرێن و ده‌خرێنه‌ فڕۆکه‌وه‌ به‌ره‌و فڕۆکه‌خانه‌ی به‌غدا دیپۆرتده‌کرێنه‌وه‌، به‌پێی وه‌زاره‌تی کۆچوکۆچبه‌رانی عێراقی‌ هه‌فته‌ی 1000 په‌نابه‌ر وه‌رده‌گرنه‌وه‌.

ئه‌م دیپۆرتکردنه‌وه‌یه‌ پاش ڕه‌تکردنه‌وه‌ی که‌یسه‌کانی ئه‌و په‌نابه‌رانه‌ دێت، به‌پێی یاسایه‌ک که‌ گوایه‌ ووڵاته‌کانیان ئارام و بێ گرفت و بێ کوشت وبڕ و ئه‌شکه‌نجه‌ و یاسایی له‌ سێداره‌دان بێت.

ده‌شتی‌ جەمال سکرتێری فیدراسیۆنی سەراسەری پەنابەرانی عیراق ده‌رباره‌ی‌ ئه‌م هه‌ڵمه‌ته‌ نوێیه‌ی‌ ناردنه‌وه‌ی‌ په‌نابه‌ران به‌ سایتی‌ هاوڵاتی‌ وت “ئەمه‌ نیشانی ئەدات هەموو ئەو ئیدعایانەی حکومەتەکەی مالکی سەبارەت بە پەنابەران دەیکات، نەک هەر پوچو چەواشەکارانەیە، بەڵکو ملدانی حکومەتی عیراقیە بە هەموو ئەو ئیمتیازانەی کە حکومەتی مودراتی سوید خستۆتی ئیختیاریانەوە بە مەبەستی رازیبون بە وەرگرتنەوەی پەنابەران.”

وتیشی‌ “هاوکات ئەمە سات و سەوداو بازرگانیکردنە بە ژیان و داهاتوی پەنابەرانەوە وەک ئەوەی  پەنابەران کاڵای هەرزان بەهای دەستی مالکی بن، کە ئەمە ئیتر هیچ شکو گومانێک ناهێڵێتەوە بەوەی حکومەتەکەی مالکی دژ بە هەموو ماف و ئازادیەکانی خەڵکی عیراقە و مایەی نەفرەت و ئیدانەکردنە”.

دەشتی جەمال داوا له‌  هەموو ئەو پەرلەمانتارانە دەکات کە لەپەرلەمانی عێراق دەنگیاندا دژ بە ناردنەوەی بەزۆری پەنابەران، هەوڵەکانی خۆیان بەرامبەر حکومەتەکەی مالکی توند بکەنەوە، تا ئەو رێکەوتنەی مالکی لەسەر حسابی پەنابەران کردویه‌تی هەڵپەسێرێت و پابەندبێت بەو بریارەی پەرلەمان  کە لە ٢٣-٦ سەبارەت بە دۆسیەی پەنابەران بڕیاری له‌سه‌ر درا.

هاوڵاتی‌

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:

https://www.facebook.com/kochikurdan

https://www.facebook.com/groups/102175996536494/

http://kochikurdan.wordpress.com/

http://immigration2australia1.blogspot.com/

https://twitter.com/Kurd_Migration

حكومەتی هەرێم هیچ پلانێكی بۆ گەنجانی دیپۆرتكراو نییە

لەماوەی 7 ساڵدا نزیكەی 7 هەزار پەنابەری عێراقی دیپۆرتكراونەتەوە

بەپێی ئامارێكی فیدراسیۆنی سەرانسەری پەنابەرانی عێراق تەنیا لەماوەی 7 ساڵدا نزیكەی 7 هەزار پەنابەری عێراقی كە زۆرینەیان كوردن نێردراونەتەوە (یاخود دیپۆرتكراونەتەوە) بۆ عێراق‌و هەرێمی كوردستان، هەرچەندە وڵاتی عێراق هێشتا لە پێشی پێشەوەی ئەو وڵاتانەوەیە كە زۆرترین پەنابەر هەناردەی دەرەوە دەكات، بەڵام ژمارەیەكی زۆریش لە هاوڵاتییانی ئەم وڵاتە رووبەڕووی دیپۆرتكردنەوە دەبنەوەو بەپێی وتەی ئەندامێكی فیدراسیۆنی سەرانسەری پەنابەرانی عێراق-یش بێت؛ هەنووكە نزیكەی 35 هەزار پەنابەری عێراقی كە زۆرینەیان كوردن لەژێر هەڕەشەی دیپۆرتكردنەوەدان، گەنجانی دیپۆرتكراوەش باس لەوە دەكەن كە بەزۆرناردنەوەیان دوای ئەوەی پارەیەكی زۆریان خەرجكردووەو بەبێ‌ هیچ قەرەبووكردنەوەیەكیش ئەوانی رووبەڕووی چەندین كێشە كردووەتەوە.

بەپێی دوایین ئاماری فیدراسیۆنی سەرانسەری پەنابەرانی عێراق لە ساڵی 2005ەوە هەتا رێكەوتی 12-5-2012 ئەو پەنابەرانەی لە وڵاتانی ئەوروپا بەشێوەیەكی زۆرەملـێ‌ دیپۆرتی وڵاتی عێراق كراونەتەوە ژمارەیان 6250 هاوڵاتییە، لەو ژمارەیەش لە سەدا نەوەتیان كوردن، هەر بەپێی ئەو ئامارە؛ هەنووكە زیاتر لە 35 هەزار پەنابەری دیكەی كورد‌و عێراقی لەژێر هەڕەشەی ناردنەوەدان، ئەو گەنجانەشی كە دیپۆرتدەكرێنەوە رووبەڕووی چەندین كێشە دەبنەوە، كە دیارترینیان سەرلەنوێ‌ گونجانەوەیە لەگەڵ كەشی تازەی كۆمەڵگەو كێشەی ئابووریی‌و چەندین كێشەی دیكە.

رۆژنامەوانی چاوی خەڵك ژمارەیەك گەنجی دیپۆرتكراوی بینیی‌و لەبارەی دیپۆرتكردن‌و كێشەكانیانەوە قسەی لەگەڵ كردن، دەر بازخدر، 25ساڵ، یەكێكە لەوگەنجانە، ئەو پەناهێندە بووە لە وڵاتی بەریتانیا لەشاری بێرمینگام‌و بۆماوەی نزیكەی پێنج ساڵ لەوێ‌ ژیاوە. ئەم گەنجە لەو ژیانەی ئەوێی زۆر بێئومێدبووەو دوای ئەوەی كە بە تەواویش بێئومێدكراوە لەوەی مافی پەنابەری پێبدەن؛ بەناچاری گەڕاوەتەوە بۆ كوردستان، دەرباز بە ئاخ هەڵكێشانەوە دەیوت: "ئەوێش ئەو فیردەوسە نەبوو كە من چاوەڕێم ئەكرد".

ناوبراو هێمای بەوە دەكرد كە راستە لە ئەوروپا بەهای مرۆڤ بەرزەو زۆر ئاسانكاریی هەیە بۆ ژیان، بەڵام لێرە (وەك ئەو هێمای پێدەكرد) هیچ بەهایەك بۆ مرۆڤ دانانرێت‌و ئەوەتا پاش گەڕانەوەیان مامەڵەیەكی زۆر ناشرینیان لەگەڵدا دەكرێت‌و بەدەست دەیان كێشەوە دەناڵێنن لەوانەش كێشەی نیشتەجێبوون‌و قەرزداریی‌و بێكاریی، كە بەوتەی ئەو هەموو ئەم كێشانە بەهۆی دیپۆرتكردنەوەیانەوە تووشبووە.

سۆران حەسەن، 23ساڵ، یەكێكی ترە لەو گەنجە دیپۆرتكراوانە، ئەو بۆ ماوەی شەش ساڵ لە وڵاتی نەرویج ژیاوە بەتایبەتی لە شاری كریستان سەن، سۆران بە رووخسارێكی زۆر خەمبارەوە باسی تراژیدیای ژیانی خۆی دەكرد‌و هێمای بەوە كرد كە ئەو: "دەیان رێگەی ناخۆشم بڕیوە زۆرجار رووبەروی مەرگی راستەقینە بوومەوە بۆ ئەوەی لەو ناعەدالەتیی‌و نایەكسانییەی بەرۆكی یەكەبەیەكەی كوڕە هەژارەكانی ئەم وڵاتەی گرتبوو رزگارم بێت".

ئەو گەنجە هێما بەوە دەكات كە لەگەڵ گەڕانەوەیان بۆ هەرێمی كوردستان رووبەڕووی دەیان كێشە بوونەتەوە بەتایبەتی كە هەندێك لەو گەنجانە پارەیەكی زۆریان خەرجكردووە هەتا گەیشتوونەتە دەرەوەی هەرێم، هێماشی بەوە كرد كە حكومەتی هەرێم هیچ ئاسانكارییەكی بۆ نەكردوون‌و بگرە گرفتیشیان بۆ زیاتر كردوون.

ئەو گەنجە دیپۆرتكراوە دەیوت: "حكومەتی هەرێم تەنانەت لە نەرویجیش هەمیشە بووبوونە گرفت بۆمان‌و لەژێر فشاری ئەواندا ئێمە نێردراوینەتەوە بۆ هەرێمی كوردستان، ئەو رۆژەی منی تیا دەسگیركرام هەرگیز لە بیرم ناچێتەوە، چونكە لەگەڵ هاوسەرەكەم لەناو بازاڕ بووین كە كەلەپچەیان كردە دەستمان، سەرەڕای ئەوەش حكومەتی عێراق سووكایەتی نەما پێماننەكەن لە فڕۆكەخانەی بەغداد، بەڕاستی ئێستا من لەڕووی كەسێتییەوە زۆر رووخاوم".

بەپێی ئامارێكی فەرمی؛ عێراق بە 23 هەزار پەناهێندە لە ریزبەندی سێیەمی وڵاتانی جیهاندایە بە هەبوونی زۆرترین پەناهێندە كە تەنیا لە ساڵی 2011دا وڵاتیان جێهێشتووە، ئەو ژمارەیەش بەشێكە لە كۆی زیاتر لە نیو ملیۆن پەناهێندە لەسەر ئاستی هەموو جیهان كە زیاتر لە 50%ی ئەو رێژەیە داوای مافی پەنابەرییان لە یەكێتیی ئەوروپا كردووە. هەر بەپێی ئەو ئامارە عێراق لە چوار ساڵی رابردوودا دووجار لە ریزبەندی یەكەمی سەرجەم وڵاتانی جیهاندابووە كە زۆرترین پەنابەری رەوانەی دەرەوە كردووە، كە ئەویش ساڵانی 2007 ‌و 2008 بووە، ساڵی 2009 هاتۆتە ریزبەندی دووەم‌و 2010یش لە ریزبەندی چوارەمدا بووە لە ساڵی 2011ش لە ریزبەندی سێیەمدا بووە.

بەپێی وتەی یەكێك لە ئەندامانی فیدراسیۆنی سەرانسەری پەنابەرانی عێراق، حكومەتی ناوەندو هەرێم نەك هەر هاوكاری پەنابەرانیان نەكردووە بەڵكو یارمەتیدەر بوون بۆ ناردنەوەیان بۆ عێراق. بەپێی وتەی دەشتی جەمال، ئەندامی فیدراسیۆنی سەرانسەری پەنابەرانی عێراق، كۆچی لاوان تاڕادەیەكی بەرچاو كەمیكردووە، ئەمەش بەوتەی ئەو بۆ ژمارەیەك هۆكار دەگەڕێتەوە، دەشتی دەیوت: "لەدوای 17شوبات كۆمەڵگای كوردستان رەوتی رووداوەكانی ناوچەكەو كاریگەرییەكانی لەسەر كوردستان توانی ئیرادەیەك ببەخشێتەوە بە خەڵكی كوردستان، هاوكات كەمبوونەوەی لێشاوی پەنابەری لەئێستادا دەگەڕێتەوە بۆ سیاسەتێك كە دەوڵەتانی ئەوروپا بەرامبەر پەنابەران بەگشتیی‌و پەنابەرانی كوردستان بەتایبەتی گرتویانەتەبەر".

ناوبراو ئاماژە بەوەش دەكات كە پێشتر لە فڕۆكەخانەی سلێمانیی‌و هەولێر پەنابەران وەردەگیرانەوە، بەڵام ئێستا بەهۆی ئەو فشارو كارو چالاكییانەوە كە فیدراسیۆنەكەیان بە پشتیوانی دەیان خەڵكی دیكە ئەنجامیداوە تا حكومەت ناچاربكات پەنابەرانی بەزۆر نێردراوە لە فڕۆكەخانەكانی كوردستان وەرنەگرێتەوە؛ فڕۆكەخانەكانی هەرێمی دیپۆرتكراوەكان وەناگرنەوە.

ئەو ئەندامەی فیدراسیۆنی سەرانسەری پەنابەرانی عێراق، هێماشی بەوە كرد كە حكومەتی عێراق‌و هەرێم هاوكاری پەنابەران ناكەن‌و یارمەتیدەر بوون بۆ ناردنەوەی پەنابەران. سەرەڕای ئەوەش رەخنەی لە حكومەتی عێراق گرت‌و دەیوت: "حكومەتی عێراق پڕۆتۆكۆلێكی ژێربەژێرو ئاشكراشیان لەگەڵ حكومەتەكانی ئەوروپا ئیمزا كردووە بۆ وەرگرتنەوەی پەناهێندەكان".

دەشتی جەمال باسی لەوەش كرد كە لەماوەی چەندمانگی رابردوودا بەهۆی هەوڵی چەندین لایەن‌و فیدراسیۆنەكەیانەوە‌و لەڕێگەی چەند ئەندام پەرلەمانێكی پەرلەمانی عێراقەوە دژ بە بڕیاری بەزۆر ناردنەوەی پەنابەران‌و وەرگرتنەوەیان لەلایەن فڕۆكەخانەكانی حكومەتی عێراقەوە هەڵمەتێكیان بەگەڕخستووە‌و چاوەڕوانن كە بەكردەیی حكومەتەكەی مالیكی پابەند بێت بە جێبەجێكردنی بڕیاری وەرنەگرتنەوەی پەنابەرانەوە.

بەپێی بەدواداچوونەكانی ئێمە، یەكێك لە گەورەترین ئەو كێشانەی رووبەڕووی پەنابەرە دیپۆرتكراوەكان بەگشتیی‌و خێزانەكان بەتایبەتی دەبێتەوە؛ بریتییە لە نەبوونی شوێنی نیشتەجێبوون لە كوردستان، هەرچەندە بەپێی بڕیاری 262 ساڵی 2008ەوە؛ حكومەتی عێراقی بۆ ئەو كەسانەی دیپۆرتكراونەتەوە بڕیاریدا بڕی 3 ملیۆن دینارو پارچەیەك زەویان بۆ دابینبكات، هەرچەندە ئەمە بەشێك لە كێشەكانی ئەو دیپۆرتكراوانە چارەسەردەكات، بەڵام كێشەی ئەوانە زۆر لەوە زیاترە، سەرەڕای ئەم هەنگاوەی حكومەتی عێراق، تائێستا حكومەتی هەرێمی كوردستان هیچ هەنگاوێكی هاوشێوەی نەناوە.

راپۆرتی زەكەریا حەوێز ــ چاوی خەڵك

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:

https://www.facebook.com/kochikurdan

https://www.facebook.com/groups/102175996536494/

http://kochikurdan.wordpress.com/

http://immigration2australia1.blogspot.com/

https://twitter.com/Kurd_Migration

خوێندن له‌ زانكۆكانی ئه‌ڵمانیا

له چوارچێوه‌ی رِێككه‌وتنامه‌ی نێوان (MHE- DAAD) و زیاتر هاوكاری كردنی كاندیده‌كانی به‌رنامه‌ی تواناسازی به‌ گشتی و ئه‌وانه‌ی تا ئێستا (Offer) یان به‌ ده‌ست نه‌هێناوه‌ به‌ تایبه‌تی , وه‌زاره‌تی خوێندنی بالاَ توێژینه‌وه‌ی زانستی , رِای ده‌گه‌ینێت كه‌ پرۆژه‌ی (MHE- DAAD) به‌رده‌وامه‌ له‌ پێشكه‌ش كردنی خزمه‌ت گوزاریه‌كانی بۆ كاندیده‌كانی به‌رنامه‌ی تواناسازی.

له‌م رِووانگه‌وه‌ به‌ خۆشحالیه‌وه‌ به‌ كاندیده‌كانی به‌رنامه‌ی ناوبراو (ئه‌وانه‌ی ئاره‌زووی ته‌واوكردنی خوێندنیان له‌ وولاَتی ئه‌ڵمانیا هه‌یه‌) رِایده‌گه‌ێنین كه‌ تۆماركردن بۆ پرۆژه‌ی ناوبراو تا 15/9/2012 به‌رده‌وامه‌.

شایانی باسه‌ / رِێكخراوی ناوبراو هه‌ڵده‌ستێ به‌ :

دابین كردنی كۆرسی زمانی (ئینگلیزی و ئه‌ڵمانی).

دابین كردنی شوێنی حه‌وانه‌وه‌.

دابین كردنی ڤیزه‌.

دابین كردنی بیمه‌ی ته‌ندروستی.

به‌لاَم سه‌ره‌رِای پێشكه‌ش كردنی ئاسانكاری له‌ لایه‌ن رێكخراوی ناوبراو، خودی خوێندكار یه‌كه‌م و دوا به‌رپرسه‌ بۆ دابینكردنی ئۆفه‌ری ئه‌كادیمی نه‌ك رێكخراوی(DAAD) ی ئه‌لمانی.

ئه‌مه‌و سه‌ره‌رِای سه‌رپه‌رشتی كردنی به‌رده‌وامی خوێندكار له‌ وولاَتی ئه‌لمانیا به‌ مه‌به‌ستی ئاسان كردن و باشتركردنی ژیانی ئاسایی و ئه‌كادیمی خوێندكار له‌ وولاَتی ناوبراو.

بۆیه‌ ئاگاداری كاندیده‌ سه‌ركه‌وتووه‌كانی به‌رنامه‌ی تواناسازی ده‌كه‌ین , ئه‌وانه‌ی خوازیارن كه‌ له‌ زانكۆكانی ئه‌ڵمانیا خوێندنی ماسته‌ر یان دكتۆرا ته‌واوبكه‌ن , ئه‌وا به‌ زووترین كات فۆرمی پێشكه‌شكرنی داواكاری تایبه‌ت به‌ پرِۆژه‌ی (MHE- DAAD Application form ) له‌ ماڵپه‌رری وه‌زاره‌تی خوێندنی بالاَ و توێژینه‌وه‌ی زانستی دابگرن و دوای پركردنه‌وه‌ی فۆرمه‌كه‌ له‌گه‌ڵ ئه‌م دۆكیومێنتانه‌ی خواره‌وه‌ بینێرن بۆ (daad.hcdp@mhe-krg.org <mailto:daad.hcdp@mhe-krg.org>) به‌رێوه‌به‌رایه‌تی په‌یوه‌ندیه‌ رِۆشنبیریه‌كان له‌ دیوانی وه‌زاره‌تی خوێندنی بالاَ و توێژینه‌وه‌ی زانستی.

دۆكیومێنته‌كان بریتین له‌ :

نوسراوی پشتگیری دارایی (Support Letter).

كۆپییه‌ك له‌ برِوانامه‌ی توانستی زمانی ئینگلیزی.

كۆپییه‌ك له‌ برِوانامه‌ی ئه‌كادیمی (بكالۆریوس یان ماسته‌ر).

بۆ PhD, كۆپییه‌ك له‌ (Research Proposal).

بۆ PhD , نوسراوی قبول (Letter of acceptance) له‌ لایه‌ن سه‌رپه‌رشتیاری به‌رنامه‌ی PhD.

كۆپییه‌ك له‌ پاسه‌پۆرتی عیراقی له‌ جۆری (A یان G).

كۆپییه‌ك له‌ ناسنامه‌ی باری شارستانی و رِه‌گه‌زنامه‌ی عێراقی.

تێبینی:

بۆ زیاتر زانیاری سه‌باره‌ت به‌ به‌رنامه‌ی ناوبراو تكایه‌ كلیكی ئه‌م لینكه‌ی خواره‌وه‌ بكه‌ن.

تكایه‌ لە خوارەوە زانیاریەکە دابەزینە Study_in_Germany_information_sheet.docx

هه‌روه‌ها بۆ دابه‌زاندنی فۆرمی تایبه‌ت به‌ به‌رنامه‌ی (Kurd-DAAD)، تكایه‌ لە خوارەوە فۆرمەکە دابەزینە Study_in_Germany_App.Form_German.docx.

سه‌باره‌ت به‌ كاندیدانی به‌رنامه‌ی ماسته‌ر، تكایه‌ به‌لایه‌نی كه‌م دوو به‌رنامه‌ له‌ زانكۆكانی ئه‌ڵمانیا له‌ كاتی پركردنه‌وه‌ى فۆرمه‌كه‌ دیاری بكه‌ن.

Attachment

Study_in_Germany_information_sheet.docx

Study_in_Germany_App.Form_German.docx

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:
https://www.facebook.com/kochikurdan
https://www.facebook.com/groups/102175996536494/
http://kochikurdan.wordpress.com/
http://immigration2australia1.blogspot.com/

به‌راورد به‌ ساڵی‌ رابردوو رێژه‌ی‌ گه‌شتیارانی‌ هه‌رێم سه‌دا 66 زیادیكردووه‌

ژماره‌ی‌ گه‌شتیارانی‌ هه‌رێمی‌ كوردستان  به‌رزده‌بێته‌وه‌

تادێت ژماره‌ی‌ گه‌شتیارانی‌ هه‌رێمی‌ كوردستان  به‌رزده‌بێته‌وه‌ و به‌گوێره‌ی‌ ئاماره‌كانی‌ ده‌سته‌ی‌ گه‌شتوگوزاریش له‌شه‌ش مانگی‌ ئه‌مساڵدا، گه‌شتیارانی‌ هه‌رێم ژماره‌یه‌كی‌ پێوانه‌ییان تۆماركردووه‌ و زیاتر له‌ 941 هه‌زار گه‌شتیار  هاتونه‌ته‌ هه‌رێم،  رێژه‌كه‌ش به‌ به‌راورد به‌ ساڵی‌ رابردوو 66% زیادی‌كردووه‌.

له‌ كۆنگره‌یه‌كی‌ رۆژنامه‌وانیدا كه‌ ئه‌مرۆ 14ی‌ ئاب له‌ ده‌سته‌ی‌ گشتی‌ گه‌شتوگوزاری‌ هه‌رێم سازكرا و په‌یامنێری‌ خه‌ندان تێیدا ئاماده‌بوو، نادر روستی‌، وته‌بێژی‌ ده‌سته‌ی‌ گشتی‌ گه‌شتوگوزاری‌ هه‌رێم، ئاماری‌ شه‌ش مانگی‌ رابردووی‌ گه‌شتیارانی‌ هه‌رێم و ژماره‌ی‌ میوانخانه‌ و چێشتخانه‌ و كافتریاو شوێنه‌ گه‌شتیارییه‌كانی‌ ئاشكرا كرد.

 به‌پێی‌ ئه‌و ئاماره‌ له‌ شه‌ش مانگی‌ رابردوودا  هه‌رێمی‌ كوردستان دوو ملیۆن و 520 هه‌زار سه‌ردانكه‌ری‌ هه‌بووه‌ و له‌و رێژه‌یه‌ش 941 هه‌زار و 258 كه‌س به‌مانای‌ وشه‌ گه‌شتیار بوونه‌و شه‌وانه‌ ماونه‌ته‌وه‌‌و سه‌رمایه‌یان بۆ هه‌رێم هێناوه‌.

به‌وته‌ی‌ روستی‌: "ژماره‌ی‌ گه‌شتیاران ئه‌مساڵ له‌ ئاستێكی‌ پێوانه‌یدایه‌، چونكه‌ له‌ شه‌ش مانگی‌ سه‌ره‌تای‌  ساڵی‌ رابردوو 568 هه‌زار و 466 گه‌شتیار رویان له‌ هه‌رێم كردبوو،  به‌وپێیه‌ش به‌رزبوونه‌وه‌ی‌ رێژه‌ی‌ گه‌شتیاران  سه‌دا(66)ه‌".

ئاماده‌كاریه‌كان بۆ رۆژانی‌ جه‌ژن به‌شێوه‌یه‌ك رێكخراوه‌ كه‌ 233 هۆتێلی‌ گه‌شتیاری‌ و 177 هۆتێلی‌ میللی‌ و 1400 رێستۆرانت و كافتریای‌ میللی‌ و گه‌شتیاری‌ و 50 گوندی‌ گه‌شتیاری‌ ده‌كرێنه‌وه‌ و 29 هه‌زار و 816 قه‌ره‌وێڵه‌ی‌ گه‌شتیاری‌ و نۆ هه‌زار و 514 قه‌ره‌وێڵه‌ی‌ میللی‌ بۆ گه‌شتیاران ئاماده‌كراون، كه‌ ته‌واوی‌ ئه‌وشوێنانه‌ به‌ به‌راوردی‌ ساڵی‌ رابردوو له‌ سه‌دا 11 تا 20 زیادیانكردووه‌.

ناوبراو ئاماژه‌ی‌ بۆ ئه‌وه‌كرد له‌ رۆژانی‌ جه‌ژن كۆمه‌ڵێك چالاكی‌ مه‌یدانی‌  به‌ سپۆنسه‌ر بۆ پێشوازیی‌ گه‌شتیاران ئه‌نجامده‌درێن، ئاماژه‌ی‌ بۆ ئه‌وه‌شكرد"به‌ هه‌موو توانایه‌كیانه‌وه‌ هه‌وڵده‌ده‌ن سیمایه‌كی‌ جوان نیشانی‌ گه‌شتیارانی‌ هه‌رێم  بده‌ن، چه‌ندین لیژنه‌شیان پێكهێناوه‌ بۆ ئه‌وه‌ی‌ له‌ رۆژانی‌ جه‌ژن نرخی‌ شتومه‌ك و پێویستیه‌كان زۆر به‌رزنه‌كرێته‌وه‌ و له‌ شوێنه‌ گه‌شتیاریه‌كان بایه‌خێكی‌ زۆر به‌ پاكوخاوێنی‌ بدرێت، له‌ حاڵه‌تی‌ كتوپریش خێوه‌ت به‌سه‌ر گه‌شتیاران دابه‌شده‌كرێت".

 نادر روستی‌ راشیگه‌یاند: به‌رزبوونه‌وه‌ی‌ رێژه‌ی‌ گه‌شتیاران له‌ كاتێكدایه‌  كه‌ ده‌سته‌ی‌ گه‌شتوگوزار پلانێكی‌ ستراتیژی‌ هه‌یه‌ بۆ ئه‌وه‌ی‌ تا كۆتایی‌ ئه‌مساڵ  رێژه‌ی‌ گه‌شتیاران بگه‌یه‌نێته‌ دوو ملیۆن و 500 هه‌زار كه‌س.

ئه‌وه‌شی‌ خسته‌روو چه‌ندین میوانخانه‌ ژماره‌ی‌ ئه‌ستێره‌كانیان كه‌مكراوه‌ته‌وه‌ به‌هۆی‌ ئه‌وه‌ی‌ شایه‌نی‌ ئه‌و ئه‌و ئه‌ستێرانه‌ نه‌وبوونو به‌گوێره‌ی‌ ئه‌ستێره‌كان خزمه‌تگوزارییان تێدا نه‌بووه‌.

خه‌ندان- ده‌رباز ساڵح

سەنتەرى فێربونى زمان بۆ قوتابیانى تواناسازى لە کوردستان دەکرێتەوە

سەرچاوەیک لە وەزارەتى خوێندنى باڵاو توێژینەوەى زانستى ئاماژە بەوە دەکات، لە سەردانیان بۆ زانکۆ بەناو بانگەکانى وڵاتى تر، داوایان لێکردون سەنتەرى فێربونى زمانى ئینگلیزى بۆ قوتابیانى تواناسازى لە هەرێمی کوردستان بکەنەوە.

بەڕێوەبەرى ناردن و پەیوەندیە رۆشنبیریەکان، گۆڤەند شێروانى، بە رايگەیاند: "تا ئێستا ئەو قوتابیانەى کە لە چوارچێوەى پڕۆژەى تواناسازى دەنێردرێنە زانکۆکانى وڵاتانى دەرەوە، بە زۆرى لە وڵاتى برریتانیان، لەوێ ماوەى چەند مانگێک زمانى ئینگلیزیان پێ دەخوێندرێت ئینجا دەست دەکرێت بە خوێندنى ماجستێرو دکتۆرا. هەروەها گوتى، پێمانوایە ئەو ماوەیەى بۆ فێربونى زمان دادەنرێت دەکرێت لە هەرێمی کوردیتانیش جێبەجێ بکرێت بەوەى کە بەش و سەنتەرى سەر بەو زانکۆیانە مامۆستا بنێرنە هەرێم و لێرە کارى فێربونى زمان بە قوتابیانى تواناسازى جێبەجێ بکەن و دواى تەواوبونى ئینجا بۆ دکتۆراو ماجستێر بنێردێنە زانکۆکانى بەریتانیا".

گۆڤەند شێروانى ئاماژەى بۆ ئەوەشکرد، بۆ ئەو مەبەستەش سەردانى وڵاتى بریتانیامان کردوە و قسەمان لەگەڵ دەزگاى بڕیتج کانسڵ کردوەو رێککەوتوین لەگەڵیان کە بێنە هەولێرو ئەو کارەمان بۆ جێبەجێ بکەن.

هاوکات زانکۆى سۆرانیش بۆخۆى لەگەڵ دەزگایەک بۆ هەمان مەبەست رێککەوتوە و بۆ زانکۆکانى سلێمانى و گەرمیان و زانکۆکانى تریش لە هەوڵدادەبین کە بەهەمان شێوە رێککەوتن لەگەڵ ئەو دەزگایانە واژۆ بکەین کە مامۆستاى پسپسۆڕى ئینگلیزى برریتانى بێننە هەرێم و کۆرسى فێربونى زمانى ئینکگلیزى لە هەرێم بە قوتابیانى تواناسازى بڵێنەوەو دواى ئەوەش خەرجیان دەکێشین و بۆ تەواوکردنى خوێندن دەیاننێرینە دەرەوە.

:سەرچاوە

Time: تايبةت

سەردانى گروپ و پەیجەکانمان بکەن بۆ وەرگرتنى زانیارى لەبارەى کۆچ، مینحەى خوێندن، دەرفەتى کار لە وڵاتانى دەرەوە و کۆچى یاسایى:

https://www.facebook.com/kochikurdan

https://www.facebook.com/groups/102175996536494/

http://kochikurdan.wordpress.com/

http://immigration2australia1.blogspot.com/

خوێندن لە زانکۆکانی ئیتالیا

وەزارەتی خوێندنی باڵا و توێژینەوەى زانستی حکومەتی هەرێمی کوردستان رێککەوتننامەیەکی لەگەڵ بالوێزخانەى ئیتالیا لە (بەغداد) واژوکردووە کە تایبەتە بە هاوکاری کردنی کاندیدەکانی بەرنامەی تواناسازی و کارئاسانی بۆ درێژەدان بە خوێندن لە زانکۆکانی ئیتالیا.

داواکارین لە کاندیدەکانی بەرنامەی تواناسازی، ئەوانەی خوازیارن لە زانکۆکانی ئیتالیا درێژە بە خوێندن بدەن، فۆرمی تایبەت بەم پرۆژەیە پڕبکەنەوە و بەزووترین کات لە رێگای ئیمەیلی (italy.hcdp@mhe-krg.org) بیگەرێننەوە بۆ بەرێوەبەرایەتی پەیوەندیە رۆشنبیرییەکان لە وەزارەتی خوێندنی باڵا و توێژنەوەى زانستی.

لەم پرۆژەیەدا وەزارەتی خوێندنی باڵا و توێژینەوەى زانستی بەهاوکاری بالوێزخانەى ئیتالیا لە بەغداد ئۆفەری کۆرسی زمان و کۆرسی ئەکادیمی مەرج دار لەزانکۆ ئاست بەرزەکانی ئیتالیا دابین دەکات.

جێگای ئاماژەپێکردنە کە کاندیدەکان دەتوانن بە زمانی ئیتالی یان ئینگلیزی لە زانکۆکانی ئیتالیا درێژە بە خوێندن بدەن. بەپێی رێنماییەکانی تایبەت بە بەرنامەى تواناسازی، کاندیدەکان دەتوانن بە پێی پێویست (تا ماوەى یەک ساڵ) کۆرسی زمانی ئیتالی یان زمانی ئینگلیزی وەربگرن.

تێبینی:

• بۆ ئەو کاندیدانەی کە دەیانەوێت بە زمانی ئینگلیزی لە زانکۆکانی ئیتالیا بخوێنن هەمان مەرج و رێنماییەکانی ( بە تایبەت رێنمایی توانستی زمانی ئینگلیزی  کە نابێت ئەنجامی (IELTS)ەکەی لە 4،5 کەمتر بێت) تایبەت بە ناردن بۆ وڵاتانی ئینگلیزی زمان دەیانگرێتەوە
• تکایەنوسراوی پالپشتی دارایی(Financial Support Letter)  لەگەل (فۆرمی تایبەت)، هاوپێچ بکەن و ئینجا لە رێگەی ئیمێلی سەرەوە بینێرن بۆ وەزارەتی خوێندنی باڵا و توێژینەوەى زانستی.

Attachment
Italain_Application_Form.doc

پێشانگاى زانکۆکانى تورکیا و قوبرس

پێشانگاى زانکۆکانى تورکیا وقبرص لە هەولێر

ریێکەوت: 26 و 27 - 6- 2012

کاتژمێر: 1  پاش نیوەرۆ تــا 6 ئێوارە

شوێن: هۆڵى رۆشنبیرى وکۆمەڵایەتى زانکۆى صلاح الدین – رێگاى کرکوک – هەولێر

بە سەرپەرشتى کۆمپانیاى رۆنى وبە هاوکارى وەزارەتى خوێندنى باڵا وتوێژینەوەى زانستى وقونسوڵخانەى تورکیا لە هەولێر بە بەژدارى زیاتر لە 24 زانکۆى نێودەوڵەتى لە تورکیا وقبرص.

قوتابیانى تواناسازى دەتوانن سود لەم پێشانگایە وەربگرن. هەروەها ئەو قوتابیانەى ئارەزوى خوێندنى بەکەلۆریۆس وماستەر ودکتۆرایان هەیە لە تورکیا و قبرص، دەتوانن راستەوخۆ دۆکیومەنتەکانیان پێشکەش بە نوێنەرى زانکۆکان بکەن.

هاتن بۆ هەمووانە.

ئەو زانکۆیانەى بەژدار دەبن:

-    Bahcesehir University
-    Eastern Meditereanean University
-    Okan University
-    European University of Lefke
-    Istanbul Kultur University
-    Atilim University
-    Yasar University
-    Bilkent University
-    Istanbul Technical University NCC
-    Cyprus International University
-    Kahramanmaras Sutcu Imam University
-    Ozyegin University
-    Istanbul Aydin University
-    Girne American University
-    Gazikent University
-    Middle East Technical University NCC
-    Near East University
-    Yildirim Beyazit University
-    Gaziantep University
-    Nevsehir University
-    Harran University
-    Toros University
-    Izmir Economy University

چوونه‌ ده‌ره‌وه‌ ... زه‌ماله‌ یان قاچاخچی‌؟

وێڕاى کەموکوڕى بەڵام زۆرێک لە تواناسازى ڕازین

هه‌ولێر- "بێ‌ منه‌تم. كه‌س ناتوانێ‌ به‌چاوی‌ كه‌م ته‌ماشام بكه‌ چونكه‌ هه‌موو شتێكم یاساییه‌،" ئه‌مه‌ قسه‌ی‌ رابه‌ر یونسه‌ كه‌ به‌هۆی‌ به‌رنامه‌ی‌ تواناسازی‌ ئێسته‌ له‌ ئه‌مه‌ریكا ماسته‌ر له‌ بواری‌ زمانی‌ ئینگلیزی‌ ده‌خوێنێ‌.

دوای‌ 2003، چه‌ندان زه‌ماله‌ كرانه‌وه‌ بۆ قوتابیانی‌ عێراق و كوردستان. بۆ نموونه‌: زه‌ماله‌ی‌ فوڵبڕایتی‌ ئه‌مریكی‌ (2004)، زه‌ماله‌ی‌ (بیعسه‌ی‌ مالیكی‌، 2009) و دواتریش تواناسازی‌ (2010).

كاروان عه‌لی‌، فوڵبڕایته‌ری‌ 2009ه‌ تازه‌ هاتووه‌ته‌وه‌ كوردستان، ده‌ڵێ‌ رۆیشتن له‌ رێی‌ زه‌ماله‌ بیروبۆچوونی‌ گه‌نج ده‌گۆڕێ‌ له‌سه‌ر وڵاتانی‌ تر. "ئێسته‌ له‌ ژیانی‌ ئه‌مه‌ریكا گه‌یشتووم كه‌ چه‌نده‌ زه‌حمه‌ته‌ بۆ ژیان، به‌ڵام بۆ خوێندن نمره‌ یه‌كه‌."

به‌پێی‌ رێكخراوی‌ نێوده‌وڵه‌تیی‌ كۆچ، نزیكه‌ی‌ 214 ملیۆن كۆچه‌ر له‌ جیهاندا ده‌سووڕێنه‌وه‌. واته‌ %3.1ی دانیشتوانی‌ جیهان. نزیكه‌ی‌ %49ی ئه‌و كۆچه‌رانه‌ ئافره‌تن.

رابه‌ر ئامۆژگاری‌ خه‌ڵك ده‌كا به‌وه‌ی‌ هه‌وڵ بده‌ن له‌ رێی‌ زه‌ماله‌ و رێنوێنی‌ یاسایی تره‌وه‌ سه‌فه‌ر و كۆچ بكه‌ن بۆ وڵاتانی‌ تر .

فوڵبڕایت، به‌ هاوكاریی‌ حكوومه‌تی‌ عێراقی‌ و ئه‌مه‌ریكی‌ ساڵانه‌ 70 كه‌س ده‌باته‌ ئه‌مه‌ریكا بۆ خوێندنی‌ ماسته‌ر له‌ بواره‌ جیاجیاكاندا. بیعسه‌ی‌ مالیكی‌ و تواناسازی‌ تا ئێسته‌ زیاتر له‌ 700 قوتابیان ناردووه‌ته‌ ده‌ره‌وه‌ بۆ خوێندن له‌ بواره‌ جیاجیاكاندا.

تواناسازی‌ تا ئێسته‌ 213 قوتابی‌ بۆ ماسته‌ر و 165 قوتابی‌ بۆ دكتۆرا ره‌وانه‌ی‌ زانكۆ جیاجیاكانی‌ جیهان كردووه‌: ئه‌وڕوپا، ئوستڕالیا، كه‌نه‌دا، ئه‌مه‌ریكا، ئه‌فریقیای‌ باكور و وڵاتانی‌ ده‌وروبه‌ر.

" نه‌ك هه‌ر له‌به‌ر ئه‌وه‌ی رێی یاسایی بێ كێشه‌یه‌ و بێ منه‌ته‌ به‌ڵكو له‌به‌ر ئه‌وه‌ش تۆ به‌ زه‌ماله‌ و یاسایی هاتی بێبه‌ش نابی له‌ هه‌موو ئه‌و شتانه‌ی لێره‌ هه‌یه‌ و بۆ كه‌سانی قاچاخ نییه‌."

زه‌ماله‌كان سوودیان زۆره‌، به‌ڵام به‌ده‌ریش نین له‌ كه‌موكوڕی‌.

 راستی‌ كه‌ریم، ده‌یه‌وێ‌ ته‌قدیمی‌ به‌رنامه‌ی‌ تواناسازی‌ بكا، ده‌ڵێ‌ كاره‌كان زۆر هێواشن، ئه‌گه‌ر پاره‌ت هه‌بێ‌ زۆر پیاوانه‌تره‌ بچی‌ له‌ ده‌ره‌وه‌ به‌ پاره‌ی‌ خۆت بخوێنی‌ نه‌ك "چاوت له‌ ده‌ستی‌ ئه‌و حكوومه‌ته‌ بێ‌ سه‌روبه‌ره‌ بێ‌."

كاربه‌ده‌ستانی‌ حكوومه‌ت، به‌تایبه‌تی‌ بواری‌ خوێندنی‌ باڵا، ده‌ڵێن وێڕای‌ كه‌موكوڕی‌ به‌رنامه‌كه‌ زۆر باش ده‌ڕوا.

وه‌زیری‌ په‌روه‌رده‌، سه‌فین دزه‌یی‌، گوتی‌ له‌ كۆتا خولی‌ تواناسازیدا هه‌زار كورسی‌ بۆ خوێندنی‌ باڵا بۆ خه‌ڵك و هه‌زار كورسیش بۆ وه‌زاره‌ته‌كان دابین كرا بوو، له‌م پشكه‌ وه‌زاره‌تی‌ په‌روه‌رده‌ 220 كورسی‌ به‌ر كه‌وتووه‌. دووپاتیشی‌ كرده‌وه‌ كه‌وا وێڕای‌ كه‌موكوڕییه‌كان به‌رنامه‌كه‌ زۆر چاڵاكه‌.

كۆمه‌ڵ نیوز، گۆران سه‌باح

ئه‌و گۆڕانكارییانه‌ی له‌به‌رنامه‌ی تواناسازیدا ئه‌نجامدراون

خوێندکاران و قوتابیان لەچاوەڕوانى خولێکى نوێدان

به‌پێی دواین بڕیاری وه‌زاره‌تی خوێندنی باڵا و توێژینه‌وه‌ی زانستی و حكومه‌تی هه‌رێمی كوردستان، كۆمه‌ڵێك گۆڕانكاری‌ له‌ پرۆژه‌ی‌ تواناسازیدا ئه‌نجامدراون، یه‌كێكیش له‌ گۆڕانكارییه‌ گرنگه‌كان پێویسته‌ خوێندكار ئه‌و بواره‌ بخوێنێت كه‌ هه‌رێم پێویستی‌ پێیه‌تی‌، له‌ ئێستاشدا له‌سه‌دا 80ی‌ پاڵێوراوانی‌ تواناسازی‌ له‌ وڵاتی‌ به‌ریتانیان.

د.گۆڤه‌ند شێروانی‌ به‌رێوه‌به‌ری‌ پرۆگرامی‌ تواناسازی‌ لاوان له‌وه‌زاره‌تی‌ خوێندنی‌ باڵاو توێژینه‌وه‌ی‌ زانستی‌ به‌ "خه‌ندان"ی‌ راگه‌یاند: له‌ كابینه‌ی‌ حه‌وته‌مدا، ئه‌نجومه‌نی‌ وه‌زیران رێنمایدا پێداچوونه‌وه‌ بكه‌ین به‌ ره‌وشی‌ ئه‌و خوێندكارانه‌ی‌ له‌ ده‌ره‌وه‌ ده‌خوێنن و به‌رزكردنه‌وه‌ی‌ پێشنیازه‌كان بۆ كه‌مكردنه‌وه‌ی‌ گرفته‌كانی‌ به‌رده‌م خوێندكاران و به‌ره‌و پێشبردن و زیاتر ده‌وڵه‌مه‌ندكردنی‌ پرۆژه‌كه‌.

د.گۆڤه‌ند وتیشی‌: "له‌ لایه‌ن وه‌زاره‌تی‌ خوێندنی‌ باڵا و وه‌زاره‌تی‌ په‌روه‌رده‌ و وه‌زاره‌تی‌ پلاندانان كه‌ سێ لایه‌نی‌ سه‌ره‌كی‌ پرۆژه‌كه‌ن، كۆمه‌ڵه‌ پێشنیازێكمان به‌رزكرده‌وه‌، له‌و پێشنیازانه‌ زیاتر جه‌خت بكرێـته‌وه‌ له‌سه‌ر توانستی‌ زمان، نه‌رمی‌ نواندن له‌ ته‌مه‌نی‌ خوێندكاران بۆ ئه‌وه‌ی‌ رێژه‌یه‌كی‌ زیاتری‌ خوێندكاران لێی‌ سودمه‌ندبن، جه‌ختكردنه‌وه‌ له‌سه‌ر خوێندنی‌ ئه‌و به‌شانه‌ی‌ هه‌رێم پێویستی‌ پێیه‌تی‌.

به‌ڕێوه‌به‌ری‌ پرۆگرامی‌ تواناسازی‌ باسی‌ له‌وه‌شكرد: ئه‌و پێشنیازانه‌ له‌ لایه‌ن نوسینگه‌ی‌ وه‌زیره‌وه‌ به‌رزكراونه‌ته‌وه‌ بۆ ئه‌نجومه‌نی‌ وه‌زیران و چاوه‌رێی‌ په‌سندكردنی‌ ده‌كه‌ین، وتیشی‌" به‌ڵام ئێمه‌ نه‌وه‌ستاوین و به‌رده‌وامین له‌سه‌ر جێبه‌جێكردنی‌ ئه‌و به‌رنامه‌یه‌ له‌ خولی‌ سێیه‌م كه‌ هه‌زار خوێندكار له‌ لایه‌ن وه‌زاره‌تی‌ پلاندانان و 600 خویندكار له‌ لایه‌ن وه‌زاره‌تی‌ خوێندنی‌ باڵاوه‌ كاندیدكرابوون".

به‌پێی‌ زانیارییه‌كانی‌ "خه‌ندان"یش له‌كۆبوونه‌وه‌ی‌ ئه‌نجومه‌نی‌ وه‌زیرانی‌ رۆژی‌ 6ی حوزه‌یران باس له‌وه‌كراوه‌ ده‌بێت له‌مه‌ودوا هه‌ر خوێندكارێك ئه‌و بواره‌ بخوێنێت كه‌ هه‌رێم پێویستی‌ پێیه‌تی‌، نه‌ك خوێندكار به‌ ویستی‌ خۆی‌ قبوڵێك له‌ زانكۆیه‌كی‌ ده‌ره‌وه‌ بهێنێت و حكومه‌تیش بیخاته‌ سه‌ر به‌رنامه‌ی‌ توانا سازی‌، هه‌روه‌ها ده‌بێت بودجه‌ی‌ پرۆژه‌كه‌ له‌سه‌ر سه‌رۆكایه‌تی‌ ئه‌نجومه‌نی‌ وه‌زیران بگواسترێته‌وه‌ سه‌ر وه‌زاره‌تی‌ خوێندنی‌ باڵا.

د.گۆڤه‌ند شێروانی‌، جه‌ختی له‌سه‌ر ئه‌وه‌ كرده‌وه‌ ئه‌و خویندكاره‌ی‌ كاندید ده‌كرێت ده‌بێت خاوه‌ن ره‌گه‌زنامه‌ی‌ عێراقی‌ بێت، بۆیه‌ ئه‌و خوێندكارانه‌ی‌ له‌ پارچه‌كانی‌ تری‌ كوردستانی‌ رۆژهه‌ڵات و باكور و باشوره‌وه‌ هاتوون ئه‌م پرۆژه‌یه‌ نایانگرێته‌وه‌.

به‌ڕێوه‌به‌ری‌ پرۆگرامی‌ تواناسازی‌ ئه‌وه‌شی‌ خسته‌ڕوو: سه‌دا 80ی‌ پاڵێوراوه‌كان روویان له‌ زانكۆكانی‌ وڵاتی‌ به‌ریتانیا كردووه‌، ئه‌مه‌ش بۆ كارئاسانی‌ ئه‌و وڵاته‌ بۆ پاڵێوراوان و هه‌بوونی‌ بنه‌ڕه‌تێكی‌ زمانی‌ ئینگلیزی‌ له‌ لایه‌ن خویندكارانی‌ كوردستانه‌وه‌ و زۆری‌ ژماره‌ی‌ كه‌س و كاری‌ پاڵێوراوان له‌ به‌ریتانیا، بایه‌خدانی‌ به‌ریتانیا به‌ كه‌رتی‌ خوێندنی‌ باڵا و چه‌ند هۆكارێكی‌ تر ده‌گه‌ڕێته‌وه‌.

به‌پێی‌ داتاكانی‌ وه‌زاره‌تی‌ خوێندنی‌ باڵا له‌ سێ خولدا زیاتر له‌ چوار هه‌زار و 600 خوێندكار كاندید كراون و ئێستاش زیاتر له‌ دوو هه‌زار خوێندكار له‌ زانكۆكانی‌ ده‌ره‌وه‌ ده‌خوێنن.


خه‌ندان - ده‌رباز ساڵح

وه‌زیری خویندنی باڵا پێشوازی له‌ به‌ڕێوه‌به‌ری كامپی سیدنی زانكۆی بۆلاردی ئوستراڵی كرد

25/4/2012 كاتژمێر 10 ی به‌یانی، له‌ دیوانی وه‌زاره‌ت، دكتۆر عه‌لی سه‌عید وه‌زیری خویندنی باڵا و وتوێژینه‌وه‌ی زانستی پیشوازیكرد  له‌ دكتۆر پارتیشیا ستیوارت  به‌ڕێوه‌به‌ری كامپی سیدنی زانكۆی (بۆلارد)ی ئوستراڵی.

له‌ دانیشتنه‌كه‌دا خاتوو پارتیشیا كورته‌یه‌كی له‌باره‌ی زانكۆی نابراو باسكرد و ئاماژه‌ی به‌وه‌ كرد، كه‌ سه‌رجه‌م به‌شه‌كانی له‌ خۆده‌گرێت، وتیشی " له‌ به‌رنامه‌مان دایه‌ له‌بواری كلینیكی و ئه‌و لایه‌نه‌ی په‌یوه‌ندییان به‌ نه‌خۆش وڕاهێنانی كلینیكییه‌وه‌ هه‌یه‌ به‌شی تر تاوتوێ بكرێت  ، كه‌ ده‌روازیه‌كی باشه‌ بۆ خوێندكارانی تواناسازی هه‌رێمی كوردستان،تا له‌ بواره‌ پزشیكییه‌كان  بخوێنن".

دكتۆر عه‌لی سه‌عید له‌ لایه‌ن خۆیه‌وه‌، ئاماده‌یی ته‌واوی وه‌زاره‌تی خوێندنی باڵای ده‌ربڕی بۆ ئاسانكاری و هه‌ماهه‌نگی و ئاماژه‌ی به‌وه‌شكرد، كه‌  وه‌زاره‌تی خویندنی باڵا وه‌كو پره‌نسیپ ، گرنگی زۆر به‌ گشت پسپۆڕییه‌كان ده‌دات و ئاره‌زوومه‌نده‌ ، كه‌ كادیری گشت بواره‌كان دروستبكات به‌تایبه‌تی زانستییه‌كان،

 وتیشی " هه‌رێمی كوردستان به‌ قۆناغی سه‌خت و پر له‌ كۆسپ تێپه‌ڕیوه، كه‌ كاریگه‌رییان له‌سه‌ر ڕه‌وتی زانست و زانستخوازی هه‌بووه‌، به‌ڵام له‌ ئیستادا حكومه‌تی هه‌رێم ده‌روازه‌ی به‌ڕووی ده‌ره‌وه‌دا كردۆته‌وه‌ و وه‌زاره‌تی خوێندنی باڵاش خاوه‌نی نه‌خشه‌ ڕێگایه‌كه، كه‌ به‌و هۆیه‌وه‌ ئاستی زانستی زانكۆكانمان له‌ هه‌ڵكشاندایه‌‌‌ و گه‌شبینین به‌وه‌ی  له‌ داهاتوودا  بگاته‌ ئاستی زانكۆ باشه‌كانی جیهان".

سایتى وەزارەتى خوێندنى باڵاو توێژینەوەى زانستى